Dimana adanja Allah
209
meleset djaoe sekali! ja tapi masib mendingan dari pada anggep itoe tida ada sama sekali.
Kamoedian itoe Malaikat pengoendjoek djalan kasih tanda padakoe serta britaoe bahoea di pinggir sana dari satoe Boenderan (Ring), ada bagian paling deket dari moeka Boemi. Akoe menengok sambil perhatiken keadaan itoe djoeroesan jang dioendjoek, ka mana ada akoe poenja doenia jang akoe aken moesti kombali!
„Bilah akoe moesti balik, kirimlah kombali, sang Malaikat — kombali ka itoe Bintang dari Kasedian dan Kasesatan! Di sana, dengen ridlah akoe aken terangin bagimana pengalamankoe serta apa jang akoe taoe! Kaloe - kaloe berhasil boeat oendjoek djalan bener pada pendoedoeknja Boemi jang tersesat batinnja.“ Dan apa roch - roch bisa meno empahken aermata, akoe berasa sedih sekali menginget bagimana nasibnja kita poenja Boemi.
Tiba tiba Azul kadengeran berkata dengen pelahan tapi teges.
„Sekarang kaoe poenja kapertjajaan telah mempoenjai dasar jang tegoeh — biarlah itoe tinggal kekel dan penoeh katjintaan! Dengen tjinta kaoe bisa liwatin berbagi rintangan — dengen tjinta sadja nanti kaoe mendapet itoe koernia jang langgeng. Dalem katjintaan dan oentoek katjintaan segala beada ditjiptaken — Allah tjinta Iapoenja oemat-oemat, dan dengen begitoe tentoe sekali oemat oematnja haroes menjinta djoega Padanja, dan setjara demikian
