198
PENGHIDOEPAN
masing berlaloe poela oentoek lakoeken kewadjiban-kewadjibannja. Akoe berpaling pada Azul boeat minta iapoenja katerangan dari itoe manoesia-manoesia jang mendjadi pendoedoek dati planeet Saturnus.
„Pada marika jang mendjadi pendoedoek dari Saturnus ini,“ moelai akoe poenja djoeroe penganter itoe berkata, „telah mempoenjai sematjem kapandean dengen apa marika bisa berhoeboeng sama roch-roch di kalangan astral. Marika taoe tentang itoe oemat-oemat aloes dan tjintai sekali, dan meminta marika poenja bantoean perlindoengan. Dalem Saturpus tida dikenal penjakit-penjakit sebagimana banjak terdapet di Boemi, begitoepoen tentang oesia toea tida terkenal di sini, samentara kamatian ditrima sebagi tidoer jang tentrem sekali, tida dipandang sebagi bintjana. Oemoer dari pendoedoek di sini koerang lebih sampe boeat doea ratoes taon menoeroet oekoeran tempo di Boemi, dan tentang badan rongsok atawa djompo tida terdapet disini, marika meninggal laksana goegoernja kembang-kembang roos sadja dengen zonder banjak karewelan. Band electrisch jang mengiteri Saturnus ada mempoenjai pengaroeh boeat menolak berbagi penjakit, dan kasehatan disiarken sendiri oleh sinar terangnja. Antero matjem wetenschappen, ilmoe pengatahoean apa sadja, seperti arts atawa inventions terkenal disini sebagimana terdapet di Boemi, malah wetenschap dalem doenia ini ada lebih madjoe dan sampoerna.
