190
PENGHIDOEPAN
koempoelin peringetankoe serta briken djawaban dengen mantep:
„Akoe ingin sekali teoe kenapa ini doenia, ini alam terisih dengen kehidoepan; dan dioega akoe ingin boektiken, kaloe boleh, kabenerannja dan kaperloeannja agama. Boeat mana akoe ichlas aken mengorbanin dijiwakoe, kapan sadja perloe dan itoe memang sasoenggoenja berharga dilakonin.”
„Kaoe mempoenjai toedjoean jang gagah brani," ia bales berkata, „dan kaoe boleh dinamaken satoe penjelidik jang tabah sekali. Dengen begitoe akoe pertjaja bahoea kaoe gampang berhasil sebab tida tertarik moendoer oleh kaoe sendiri poenja kasangsian atawa kamaoean jang tida djedjak.”
„Sasoenggoenja, akoe memang maoe taoe dasar-dasar dari segala bendah jang hidoep dalem alam ini!”
„Aoes dengen pengatahoean ada soeatoe kabidjaksanaan besar, itoelah pasti,“ Holbaz samboeng bitjaranja, „djarang terdapet saorang prampoean sebagi kaoe. Manoesia oemoemnja soedah merasa poewas boeat hidoep dan mati, zonder kandoeng kainginan boeat mengarti pokoknja kenapa ada penghidoepan serta kamatian. Tapi marika masih mendingan dari pada sagolongan manoesia, siapa dengen lantjang menjangkal adanja Allah lantaran katanja Allah tida kaliatan."
„Akoe sama sekali tida menjangkal atawa sangsi tentang Allah !" akoe menjataken dengen
