Dimana adanja Allah
189
djaoe, segala apa berdjalan baek dan serba memoewasken, maka ka sanain akoe boleh pertjaja aken tida koerang soeatoe apa. Dan kaoe, kapan nanti soedah terangkat ka atas dalem kalangan karochanian, bagimana pengalaman kaoe, bilah kaoe-soedah kombali, djangan sajang boeat toetoerken itoe padakoe boeat goenanja akoe poenja onderzoek terlebih djaoe, kerna masing-masing orang ada poenja pengalaman sendiri-sendiri jang berlaenan. Tapi perhatiken, akoe tida memaksa kaoe moesti terangin segala apa boeat akoe, melaenken satoe permoehoenan bilah kaoe soeka?“
„Akoe berdjandji, apa jang akoe alamin dan masih inget tentoe sekali dengen penoeh kasoekaan akoe aken toetoerken itoe padamoe, mon sieur !“
Holbaz kaliatan poewas denger perkataankoe, dan ia sigra bangoen dari krosi, sampirin satoe peti dari wadja jang ia boeka toetoepnja. Dari mana ia ambil satoe flesch crystal jang terisih sematjem barang tjaer bening jang berdidi teroes-teroesan, sama seperti itoe aer jang Cellini larang akoe minoem waktoe berada dalem iapoenja studio di hotel Bellevue. Kamoedian ia berdiri diam seraja memandeng padakoe.
„Tjoba kaoe terangin dihadepankoe,“ ia berkata, „apa jang sebetoelnja hingga kaoe ingin saksiken machloek» machloek jang tra’ kaliatan? Apa jang menjoeroeng kaoe?“
Akoe sedikit bingoeng. Kamoedian akoe
