Dimana adanja Allah
191
soenggoe, „akoe melaenken hendak membikin lebih djedjak kapertjaja‘ankoe itoe, hingga kamoedian akoe boleh adjak laen-laen orang.“
„Oh, kaoe tida nanti bisa memaksa boeat dapetken kapertjaja‘an,“ saoet poela Holbaz dengen kalm. „Kaoe ingin mentjari hal-hal jang gaib boeat mana tida satoe lidah atawa penah bisa meloekisken dengen sanjata-njatanja. Well, kapan kaoe kombali ka ini boemi poela, apa kaoe kira kaoe bisa bikin orang-orang pertjaja kaoe poenja tierita serta pengalamanmoe itoe? Tida nanti! Soeda tjoekoep djika kaoe sendiri taoe!itoe, itoe keberoentoengan resia goena diri sendiri, dan djangan sekali dioendjoekin pada laen orang, boekan sebab koukati, tapi kebanjakan marika aken banta serta djengekin kaoe!“
„Lebih baek djangan biar sama saorang sadja?“ akoe menanja dengen koerang mengarti.
„Ja, katjoeali sama kaoe poenja pasangan, segala apa kaoe boleh menoetoerken sebab saroepa batinnja dan sama-sama mengarti,“ ia djawab sambil bersenjoem. „Nou, djangan kita bitjara lebih landjoet. Kaloe kaoe soeda tetep betoel, minoem ini aer.“
Ia sodorken di hadepankoe satoe mangkok_porselein jang indah dalem mana penoeh terisih sama itoe aer dari flesch terseboet jang senantiasa bergolak-golak seperti aer mendidi. Dengen tida bersangsi lagi akoe tjegloek antero isinja sehingga kering. Begitoe itoe aer moedjidjat liwatken akoe poenja leher, lantas
