188
PENGHIDOEPAN
loemrah.
Keadaan dalem Villa Mars di itoe hari ada sanget sepih, hingga segala apa jang berkrisik kadengeran teges. Koetika akoe sampe di pintoe kamarnja Holbaz dengen pelahan akoe bertindak masoek dinana akoe dapetken ia lagi doedoek menbatja. la angkat kepalanja koetika denger akoe mendatengin dan samboet akoe dengen iapoenja senjoeman tapi parasnja kaliatan berpikir keras. Ia persilahken akoe doedoek boeat denger iapoenja bitjara.
„Kaoe poenia keadaen ini waktoe soedah baek betoel den boeat mana kaoe tentoe rasaken,” akoe memanggoet sambil mengoetjap trima kesih. „Sekean lama kaoe berhoeboeng dengen akoe dan kaoe tentoe jakin bagimana akoe poenja theorie prihal Electriciteit Batin atawa Roch dalem Diri Manoesie. Keadaan atawa sifatnja roch ada bergantoeng sama pengrawatan kita hingga Ia bisa djadi berpengaroeh atawa sanget lemah. Dalem iapoenja keadian jang berpengaroeh, Ia bisa menjiptaken apa-apa jang di loear doegaan serta membri fiedah boekan sedikit bagi kasehatan, katjerdasan pikiran enz. selagi Ia terboengkoes dalem badan kasar; sebaliknja dalem Iapoenia keadaan lemah Ia tida berarti apa-apa dan tida lebih sebagi satitik pasir belaka.
Sekean waktoe ini, oleh akoe goenja penjelidikan. jang soenggoe-soenggoe, akoe telah dapetken banjak kamadjoean dari akoe sendiri poenja pengaroeh batin atawa roch. Sabegitoe
