Dimana adanja Allah
187
terseboet.“
Dengen itoe perkataan-perkataan kamoedian ia berbangkit dari krosinja dan berlaloe. Pengrasahan aneh melipoeti dirikoe hingga akoe berpaling pada Zara. la kasih tanda padakoe agar djangan bitjara soeatoe apa, ia bersenjoem, lantas ia bangoen pimpin tangankoe menoedjoe ka itoe tempat sembahjang. Sesampenja di sitoe ia silahken akoe masoek sendirian, tjioem tangankoe, kamoedian berlaloe satelah toetoep kombali daon pintoe. Berada sendirian akoe sigra berloetoet di depan altar dengen terkoeroeng oleh atmosfeer jang djerni serta baoenja asep doepa jang haroem.
Sakean lama akoe berlakoe demikian dan demi kasoenjian dalem itoe kamar membikin akoe merasa tentrem sekali. Bebrapa saat berselang kapan tiba-tiba oedjoengnja itoe Salib bersinar terang seperti berklelepnja bintang. Belakangan akoe dikasih taoe oleh Holbaz kenapa itoe Salib bisa menjalah dalem waktoe-waktoe jang tentoe jaitoe ada dipakein kawat electrisch jang aloes, hingga setiap matahari terbit, tengahari dan matahari silem mengloearken sinar terang di bagian oedjoengnja. Dengen itoe pertandaan soedah sampe tempo boeat akoe koendjoengi Holbaz dalem iapoenja kamar prive. Akoe berbangkit dengen pelahan, berdjalan kaloear dari itoe kamar sembahjang dengen hati berdebar kerna biar bagimana tabah akoe ada tapi itoe pengalaman jang akoe maoe alamin boekan soeatoe perkara jang
