Dimana adanja Allah
181
kaoe poenja, dan iapoenia pegangan aken terasa anget—boekan dingin, seperti wadja jang tadjem. Ja, kaoe boleb toeloeng sampeken akoe poenja good-night; bilangin ia sekali bahoea saorang jang berkliroe bermoehoen maaf. Kasih taoe jang akoe sekarang telah mengarti: biarlah ia taoe bahoea akoe soedah dapet liat iapoenja katjintaan?“
Abis oetjapken itoe sakean perkataan Graaf Ivan berpamitan dari akoe dan ia menjingkir ka dalem bersama Holbaz. Akoe berdiri sabentaran liatin marika poenja tindakan dan kamoedian akoe sampiri Zara jang ber- diam dalem kamar studio. Akoe ketok pintoe jang sigra diboeka. Zonder menoendah poela akoe sampeken Graaf Ivan poenja pesenan jang Zara perhatiken betoel.
„Apa kaoe berketjil hati padanja, Zara?“ akoe achirnja tanja.
„Ja“ ia djawab, „akoe berasa menjesel atas iapoenja tingka-lakoe jang tjerobo. Akoe sabetoelnja tida gampang mendjadi ketjil hati atawa seselken apa apa, biar bagimana heibat adanja itoe kadjadian.”
„Dan kenapa ini kalih kaoe berketjil hati pada Ivan, sedeng kaoe ada tjoekoep dengen priboedi?“
„Memang, akoe senantiasa mempoenjai banjak maaf boeat marika jang boekan sengadja atawa di loear taoenja membikin satoe dan laen kesalahan. Tapi bagi orang jang tida ambil perdoeli sama tegoran batin sendiri
