180
PENGHIDOEPAN
djaran -peladjaran ada sanget tadjem serta menjoesahken. Apa djoega jang kaoe anggep tentang dirikoe, inget akoe tida ambil moemet boeat itoe, dan djoega tida mendjadi ketjil hati padamoe. Akoe tida maoe bersetori sama marika jang tida pertjaja, kerna dalem marika poenja sikep tentoe ada apa-apa jang masih gelap baginja.“
„Ja, akoe hemdak meminita satoe hal,“ melandjoetken Graaf Ivan dalem soeara jang sabar. „Bilah kaoe soedi soepaja kaoe oendjoekin akoe djalanan jang bener. Pimpinlah akoe—bawalah akoe, Casimir; akoe nanti mendjadi kaoe poenja moerid jang denger kata. Dan oentoek Zara...........“
Ivan tida landjoetken bitjaranja.
„Mari ikoet akoe,“ kata Holbaz seraja toentoen iapoenja tangan, „saglas anggoer jang baek nanti membikin kaoe tentrem. Boeat samentara ini terlebih baek kaoe djangan berdjoempa sama Zara. Kaoe, madame,“ sambil menengok padakoe, „soedilah kiranja membri taoe pada Zara bahoea kita poenja Grasf soedah mendoesin dan mengirim tabeh boeat malem baek.“
Denger Holbaz poenia bitjara Graaf Ivan meliat padakoe dan memanggoet.
„Kaoe boleh peloek ia,“ Ivan berlata kamoedian, „dan djangan takoet. Iapoenja sorot mata nanti membikin kaoe bergirang, tida lagi bakal mengloearken tjahaja kilat jang mengedjoetken. Japoenja bibir nanti mengenaken
