182
PENGHIDOEPAN
paksa melanggar apa jang ia telah taoe salah, akoe tida bisa tida menjesel. Ivan, maski akoe tida sjak padanja, tapi akoe menjesel ia soedah oerkosa pengrasahan keadilannja sendiri.“
„Zara, bolehkak kaoe britaoe padakoe,“ akoe menanjak dengen sedikit sangsi, „apa jang sabeneroja Ivan maksoedken bahoea ia kata soedah liat kaoe poenja katjintaan?“
„Oh, ia bitjara dengen sabetoelnia, ekoe rasa,“ saoet Zara. „Maafken akoe, boeat hal ini baeklah kita bitjaraken laen waktoe.“
Tatkala mana soeda ampir djam sepoeloe malem. Satelah beromong-omong sedikit poela akoe lantas berlaloe ka kamar sendiri dan oetiapken „good-night“ pada itoe sobat baek ang aneh. Di atas pembaringan boeat sekean lama akoe tinggal melek, memikiri segala kadjadian jang akoe alami antara Graaf Ivan dan Zara.
Pikirankoe ketarik keras sama Zara dan apa jang ia soedah berboeat pada dirinja itoe Graaf. Dengen itoe matjem ilmoe pengatahoean jang dijakinken oleh Holbaz, boeat mana Zara poen toeroet berladjar, akoe pertjaja itoe kakoewatan jang tersemboeni dalem diri manoesia jang Holbaz namaken „internal electricity“ atawa electriciteit batin, bilah soedah dipiara betoel bisa tjiptaken pengaroeh-pengaroeh jang loear biasa bagi manoesia. Achirnja akoe insjaf bahoea Zara poenja awet moeda serta kaeilokan tentoelah berhoeboeng direct sama itoe internal electricity dalem di-
