Dimana adanja Allah
179
„Bilangin akoe,“ Graaf Ivan tiba-tiba boemoeloet, „apa baroesan akoe mengimpi?“
Akoe tida bisa saoetin lantas. Betoel akoe girang menjaksiken Ivan telah tersedar poela, tapi tetep akoe merasa dat- dit -doet. Holbaz sodorken satoe krosi boeat ia doedoek.
„Doedoek disini, Ivan,“ ia mempersilaken. Itoe Graaf menoeroet seraja toetoepin iapoenja moeka dengen iapoenja telapakan tangan saolah-olah ia maoe meditatie. Holbaz tida oetjapken laen perkataan, keadaan dijadi soenji, kita bertiga seperti djoega lagi tertindes oleh saroepa pengaroeh jang koewat. Sedikit meniet liwat. Lantaran soenjinja itoe kamar bingga tak-tik toknja lontjeng ada terdenger njata, jang membikin akoe semingkin kalelep dalem itoe laoetan pikiran. Akoe bebrapa kalih ingin moelai bitjara—boeat menanjak apa-apa—tapi akoetida brani sembarangan gerakken lidahkoe. Mendadak Graaf Ivan berbangkit; iapoenja kelakoean ada kalm serta aloes, toch kenjataan jang ia terharoe hatinja. Lantas ia madjoe sampirin Holbaz, mendjabat iapoenja tangan.
„Maafken akoe, Casimir!“ ia berkata.
Holbaz samboetin itoe tangan jang disodorken dan awasin Ivan dengen sorot mata jang penoeh sympathie seperti satoe ajah jang: mengampoeni kasalahan anaknja.
„Djangan oetjapken itoe, Ivan,“ Holbaz membales. „Kita memang haroes berladjar sabelon kita mendanet taoe, dan terkadang itoe pela-
