172
PENGHIDOEPAN
orang biasa, jang tida mengenal laen dari hal-hal biasa; kaoe toeroet anjoet dalem aliran masjarakat, tjelentang atawa tengkoerep dengen soemangetmoe jang soedah teriket oleh tali masjarakat itoe dengen serba gelap otakmoe boeat laen-laen hal poela. Akoe telah bilang antara kaoe dan akoe ada palangan apa-apa jang menghalangi — sekarang djoestroe kaoe soedah bikin lebi besar palangan terseboet, boeat mana akoe hatoerken banjak trima kasih! Kerna akoe memang tida bisa berhoeboengan sama kaoe, dari itoe akoe poen tida haroes meminta ini sitoe oepama boeat kaoe berlaloe dari ini kamar sekali, dan hareplah kaoe maafken akoe, bahoea akoe jang moesti menjingkir dari hadepanmoe."'
Begitoe seleseh damprat pada Graaf Ivan, Zara gerakin kakinja menoedjoe kaloear boeat sampirin pintoe jang menemboes sama iapoenja studio. Tapi koenjoeng- koenjoeng itoe Graaf memboeroe padanja, taban aken ia bertindak lebih djaoe. Graaf Ivan poenja moeka Sanget poetjet seperti mait, samentara iapoenja mata menjala kerna rasa goesar dan menjinta teradoek djadi satoe.
„Tida, Zara!“ ia berseroeh dengen separo kalap. „Kaloe dengen itoe tjara kaoe anggep boleh tinggalken akoe, kaoe tersesat. Akoe dateng padamoe ka sini soedah dengen pikiran mateng serta pasti! Kaoe mendjadi poenjakoe atawa akoe ichlas binasa boeat itoe!“ Lantas Ivan tjoba pegang Zara dengen tangannja jang
