Dimana adanja Allah
171
segala soeal electriciteit batin enz, kerna hal electrisch paling bener kita lepas seperti biasa jang terkenal dalem kawat-kawat radio, telegraaf atawa di atas tiang-tiang lampoe.“
Lagi sekali akoe dapet denger Zara poenja pergerakan badan jang.kentara dari menggebernja iapoenja pakean, dan ketarik kepingin taoe keadaan dalem itoe kamar, maka akoe angkat sedikit gordijn jang tergantoeng di mana pintoe hingga kaliatan njata segala apa. Graaf Ivan tinggal berdiri djedjak, atawa rada bersender deket djendela, samentara di depan ia kadapetan Zara; si eilok agaknja bersedia boeat menjingkir lebih djaoe badannja berdiri tegak, parasnja poetjet tapi iapoenja sepasang mata bersorot terang loear biasa mengawasi sesoeatoe gerakan dari itoe lelaki jang mabok tjinta.
„Kaoe soedah hinaken akoe poenja soedara, Ivan,“ ia berkata dengen kalm, „biarlah akoe maafken kaoe kerna mengataoei kaoe: telah kliroe sanget djaoe! Betoel sekali bahoea kaoe tjoema saorang biasa sadja, sebagimana kaoe kata—betoel sekali kaoe tida lebih dan tida koerang. Apa matjem kaoe, kaoe telah goewaken kamerdikaan jang dibriken padamoe dalem roemah ini, dan berlaga bersobat sama toean roemah, oentoek lampiasken kaoe poenja maksoed tida netjis, brani menghinaken toean roemah di blakangnja dan maki iapoenja soedara prampoean maski dalem iapoenja kamar :prive. Kombali tida salah kao tjoema
