170
PENGHIDOEPAN
betjoes djalanken itoe matjem tjara djoega atas diri manoesia. Lebih tjilaka lagi ia soeda brani korbanken, dengen lakoeken pertjobaan- pertjobaan sama ia sendiri poenja soedara prampoean, dan itoe pianist prampoean hingga lantaran kena diboedjoek telah maoe tinggal disini, mace dirinja dibikin sebagi pekakas dalem hal jang kliwat berbahaja, jang oentoek kaoentoengan sendiri, Casimir pandeng enteng orang poenja kaslametan. Oh ja, akoe liat kaoe koerang seneng, tapi bitjarakoe boekannja tida bener. Akoe ada saorang biasa jang normaal, dan kaloe akoe ada lemahdalem hal mempoenjai electrisch batin, seperti Casimir namaken, sebaliknja akoe mempoenjai tjoekoep boedi-rasa: boeat memikir. Akoe sabetoelnja hendak slametken kaoe dari bahaja, Zara. Kaoe kaliatan soedah semingkin kalelep dalem pikiran jang gila-gila; kasian, kaoe poenja pikiran jang waras soedah diempos penoeh sama segala kageloan tentang roch, setan atawa djin dan malaikat— jang tida ada sama sekali kerna melaenken dikarang oleh soedaramoe dewek boeat sesatken kadjernian pikiran manoesia. Kasilah akoe idzin boeat sobek itoe toetoepan tebel jang menoetoepi matamoe. Kasilah akoe koetika boeat pimpin kaoe balik ka itoe djalanan jang indah dari penghidoepan tjara bagimana manoesia normaal haroes toentoet penghidoepannja boeat bergirang, menjinta serta beroleh kaberoentoengan selajiknja seperti laen-laen manoesia, dan biarlah djangan ambil poesing
