Dimana adanja Allah
291
soedara jang tertjinta.
Akoe kaloear dari studio bersama Holbazka kamar studienja. Disini Holbaz menanja padakoe: Apa kaoe taoe lantarannja maka Zara minta itoe patoeng moesti diroesakin?"
„Tida," akoe menjaoet sadjoedjoernja, „akoe anggep lantaran itoe patoeng belon keboeroe dibikin klaar sebagimana moesti."
„Oh, itoe selamanja poen tra'nanti klaar," Holbaz melandjoetken, ..maski ia teroes kerdjaken bertaon-taon lagi. Itoe ada pertjobaan mengoekir jang brani, dan pasti tida berhasil. Kaoe taoe, Zara hendak menjoba loekisken diatas itoe batoe marmer satoe Badan Rochani — itoe roch jang mendjadi iapoenja Pasangan, sama siapa ia sering berhoeboeng, dan dengen siapa ia sekarang berada. Biar bagimana poen tentoe iapoeaja maksoed tra'bisa kasampean, kerna itoe ada diloear kapandean manoesia!"
Zara poenja oepatjara pengoeboeran dilakoeken dengen amat saderhana. lapoenja peti mati ditarik sama ampat ekor koeda item ka pakoeboeran jang pantes boeat iapoenja djinasat. Jang anter padanja adalah Holbaz, akoe, Mr. dan Mrs. Johnson, Mr. dan Mrs. Daddy,Vader Paoel, Dr. Morini sertab ebrapa kenalannja itoe orang berilmoe.
Dengen ringkes bisa dibilang itoe oepatjara pengoeboeran dari Zara soedah dilakoeken seleseh dan masing masing kombali ka tempatnja.
