290
PENGHIDOEPAN
mana terletak dibagian paling podjok dari itoe kamar studio dan tertoetoep sama linen poetih. Holbaz boeka toetoepnja hingga akoe moendoer bebrapa tindak dengen hati terkedioet. Roman apa itoe? Manoesia? Allah? Melaikat? Atawa itoe tiga djadi Satoe?
Itoe ada satoe patoeng jang belon klaar dikerdjaken. Bagimana roman moekanja belon teges tertampak, melaenken sedikit bajangan-bajangan dari djidat dan mata jang lebar dan djeli, jang kaliatan agoeng saolah-olah Zara maoe loekis matjemnja satoe tampang jang berpengaroeh tinggi. Akoe djadi bengong memandeng itoe figuur jang aneh sakean lamanja, tapi Holbaz sigra titahken iapoenja boedjang boeat poekoel antjoer itoe boneka marmer dengen paloe. Boedjang - boedjang terseboet kaliatan bersangsi boeat roesakin patoeng itoe, hingga Holbaz membentak aken marika sigra djalan- ken apa jang diprenta.
Dalem sedikit meniet sadja kapala martil beradoe sama itoe patoeng jang belon klaar hingga antjoer berarakan. Belon poe was dengen itoe tjara pembasmian, Holbaz prenta giles sampe djadi deboe bekas bekas petjabannja hingga tida kakenalan soeatoe apa lagi. Setaoe lantaran apa selagi itoe pembasmian dilakoeken hatikoe berasa amat piloe dan menjesel. Kapan semoea beres didjalanken, lantas Holbaz titahken marika gotong patoengnja Zara dipindahken ka iapoenja kamar prive sebagi peringetan atas penghidoepannja itoe
