286
PENGHIDOEPAN
antara kaoe dan akoe sedikitnja boeat banjak taon tida bakal berdjoempa, kaloe boekan boeat selamanja. Maka waktoe kaoe oetjapken „slamet tinggal", itoe perkataan djato dikoepingkoe dengen mengandoeng doea arti. Kita ada sobat — kita poenja persobatan ada teriket dengen perantaraannja orang jang telah meninggal, pada siapa kita sama-sama menjinta, tapi dengen berlaenan sifat; ada baeknja bilah kaoe perhatiken apa jang sekarang akoe oetjapken. Memang, bagi kaoe itoe ilmoe pengatahoean jang akoe sedeng jakinken ada bertentangan, sebab kaoe boleh dikata satoe materialist. Tapi pengalaman nanti membikin kaoe mengarti bahoea akoe berada difihak bener. Ivan, sebagi bekelan akoe ramalken kaoe poenja nasib jang mendatengin: tida bisa disangkal bahoea kaoe mempoenjai peroentoengan jang bagoes, kasenengan dan harta doenia selaloe dalem bebrapa taon ini aken toemplek boeat kaoe. Lagi semalem salah satoe kaoe poenja koelawarga telah meninggal doenia, jang kaoe lekas aken mendapet kabar, dan berhoeboeng dengen iapoenja kamatian kaoe dapet warisan jang membikin tambah kaoe poenja kakajahan. Tjoema inget, disana, di kace poenja garisan perdjalanan hidoep satoe bajangan item jang tebel aken mendjadi halangan boeat kaoe satoe halangan jang kaoe poenja segala pengaroeh doeniawi nanti tida bisa kalahken. Inget akoe, Ivan Kapan itoe bintang gelap moelai menindes kaoe dan kaoe merasa tida berdaja,
