Dimana adanja Allah
287
dateng poela padakoe —akoe tentoe masih hidoep. Perhatiken! Di itoe saat-saat antero hartamoe tida berarti boeat kaoe — tida satoe antara kawanmoe jang bisa menghiboer. Pertjajalah, asal sadja kaoe masi menghargaken kita poenja tali persobatan-atas nama Toehan-atas nama Zara poenja roch djerni, akoe tida nanti mati doeloe sebelon akoe meroba itoe kagelapan jang mengoeroeng kaoe mendjadi terang jang kekel!-Sampe disini slamet tinggal!"
Lantas Holbaz djabat tangannja itoe Graaf dan gojang itoe dengen kentjeng; kamoedian zonder berpaling poelah ia teroes balik menoedjoe ka itoe kamar sembahjang. Sementara mana Ivan pamitan dari akoe, ia pegang akoe poenia tangan seraja berkata:
„Casimir bilang kaoe telah toeloeng djiwakoe, madame. Trimalah akoe poeaja trima kasih hingga di hari nanti jang baek kita bertemoe poelah. Dan lagi akoe barep kaoe toeloeng sampeken hormatkoe jang pengabisan pada Zara, Jaitoe pada harian ia dikoeboer letakin krans atas pengasihkoe jang akoe aken kirim dengen perantaraanja satoe bloemenhandel."
Akoe berdjandji aken perhatiken iapoenja permintahan. Kita laloe berpisah dengen pengrasahan terharoe.
⁂
Hari koeboernja Zara ditetepken itoe pagi. Di itoe hari keadahan dalem Villa Mars ber-
