284
PENGHIDOEPAN
soenji hingga akoe dapet denger ketokan djantoengkoe jang berdebar debar meliat keadaan itoe. Holbaz dengen kalm pernaken dirinja soepaja djedjek bener, kamoedian ia sodorken iapoenja tangan meliwatin atas maitnja itoe soedara.
„Atas iapoenja nama, biarlah antara kita terdapet perdamian, Ivan," ia mengoetjap dalem soeara jang sabar serta agoeng kadengerannja.
Graaf Ivan jang meliat sampe brapa tinggi itoe orang berilmoe poenja kamoeliaan kaliatan sanget tertindes rasa hatinja. la samboetin sambil bongkokin diri tangannja itoe master.
„Djoestzoe akoe kasini hendak bermoehoen kaoe poenja maaf, Casimir," ia bales. „Akoe djoega menghatoerken beriboe trima kasih boeat kaoe jang soedah slametken djiwakoe."
„Briken trima kasih pada itoe sobat jang berdiri disampingmoe," saoet Holbaz sembari balik memandeng akoe. „la soedah ingetken akoe satoe kawadjiban dalem tempo jang bener. Tentang permaafan, tentoe sekali akoe ichlas boeat membri padamoe, apapoela itoe perkara boekan tida boleh dimaafken. Soedah, djangan anggep lebih djaoe apa jang soedah terdjadi; pengartian memang minta pengalaman taonan, dan kaoe masih kliwat moeda."
Kombali keadaan dalem kamar sembahjang mendjadi soenji. Graaf Ivan merasa menjesel serta terharoe atas iapoenja kakliroean, tapi achirnja ia poe was sama Holbaz poenja pi-
