Dimana adanja Allah
283
katjoeali boedjang boedjang dan Vader Paoelang soedah berlaloe, dan Holbaz kaliatan beroetoet saorang diri mengadepi Altar dengen begitoe diam iapoenja badan laksana patoeng dari tembaga, iapoenja kadoea tangan menoetoepi moekanja
Koetika akoe masoek, Holbaz tetep berlakoe demikian, ia tida berkoetik atawa berpaling boeat liat siapa jang dateng. Kamoedian akoe gapein Graaf Ivan soepaja ia masoek seraja silahken ia saksiken maitnja Zara jang melondjor diatas randjang kamatian boeat mengasoh selama-lamanja. Ivan djadi bergidik, tapi tetep ia awasin itoe roman jang bagoes jang masi tinggal oetoe segala tanda kaeilokannja; itoe senjoeman pengabisan terpetah dimana bibirnja; itoe boenga roos tinggal seger; itoe sapasang tangan bersedakep dengen rapih dan itoe salib terletak diatas dadahnja saolah-olah sebagi zegel jang mengakoeh sah tamatnja soerat penghidoepan di ini doenia. Poewas memandeng maitnja si eilok, kamoedian ia madjoe mendeketin djidatnja Zara jang ia laloe tjloem sama bibirnja, tapi ia tiba-tiba bertindak moendoer sambil mengoetjap:
„Oh Toe han! Dingin sekali !"
Sakedjep perkataan terseboet dioetjapken Holbaz sigra berdiri bangoen dan doea moeka saling mengawasin, sedeng badannja Zara pisahken itoe doea bekas satroe antara doea fihak.
Semoea berdiam — satoe diam jang sanget:
