282
PENGHIDOEPAN
madjoe bertindak.
„Kaoe poenja perkataan-perkataan sanget berpengaroeh, madame," ia berkata...dan kaoe soedah menarik hatikoe setjana aneh. Akoe insjaf jang akoe tida kliroe mendoega kaoe mendjadi salah satoe moerida ja Holbaz, siapa poenja ilmoe pengatahoean memang akoe poen kagoemken, maski akoe koerang pertjaja atas iapoenja theorie theorie. Baek, akoe soeka berdjandji apa jang kaoe voorstel-dan malahan akoe ridlah sodorken tangankoe boeat minta ampoen sama Holbaz djika ia soeka trima itoe."
Kagirangan kerna akoe poenja nasehat jang berhasil, sigra akoe mendjawab:
„Holbaz sekarang ada dalem kamar sembahjang, baek akoe panggil ia dateng kasini."
Graaf Ivan berpikir sadjoeroes, ia kaliatan tindi sebisa-bisa iapoenja napsoe jang angkoe kerna kabeneran soedah njata dalem batinnja.
„Djangan, biar akoe jang pergi katemoeken ia, ia berkata. „Dan djoega akoe maoe liat-liat lagi sekali itoe paras jang akoe pernatjinta. Ini waktoe tjoema kans jang satoe-satoenja kenapa akoe moesti sia-siaken?"
Begitoelah kita djalan bersama-sama menoedjoe ka kamar sembahjang dimana Holbaz berada dan maitnja Zara terletak. Kapan akoe soedah sampe di depan pintoe akoe sigra masoek doeloean dengen pelahan, samentara Graaf Ivan menoenggoe diloear. Keadaan disitoe tinggal seperti biasa koetika akoe tinggalken,
