Dimana adanja Allah
281
hati lebih djaoeh pada Holbaz lantaran kaoe poenja tjinta jang gagal — kerna itoe perboeatan soedah njata tersesat. Denger kaoe poenja pengakoean baroesan apa lantarannja kaoe menjinta Zara, teranglah jang kaoe tjoema perhatiken iapoenja badan kasar sadja — jaitoe badan jang gampang roesak dan moesti roesak menoeroet wetnja natuur. Terhadep iapoenja Roch, kaoe soeda njataken jang kaoe tida poenja perhoeboengan soeatoe apa-jang djoestroe ada iapoenja Diri Sedjati — dan Rochnja tinggal bidoep bagi kita jang menjinta ia dengen kebatinan tinggi. Holbaz sama sekali tida berdosa dalem anggepan ia soedah boenoeh soedaranja sendiri; malah ia soedah menoeloeng banjak boeat soeboerken Zara poenja Diri Sedjati (Roch) jang Holbaz taoe itoelab jang Aseli dari Zara - maka sebaliknja tertoedoe djahat ia haroes di hormatin tinggi. Berdjandjilah padakoe, Graaf Ivan, bahoea kaoe tra' aken berdjoempa poela sama Holbaz katjoeali dalem persobatan, tentoe, kaoe seharoesnja meminta maaf padanja boeat kaoe poenja sikep jang tida berboedi, djoega perloe kaoe oendjoek kaoe poenja bertrima kasih kerna baroesan ia soedah bebasken djiwamoe dari babaja maoet dalem pertempoeran jang soedah bezachir dengen kakalabanmoe."
Selagi akoe bitjara dengen pandjang lebar Graaf Ivan tida berkesip memandang akoe dengen perhatian penoeh, dan kapan akoe soedah seleseh, ia lantas kaliatan terharoe ajaser
