280
PENGHIDOEPAN
paro kasian.
„Dan toch kaoe kaliatan sebagi saorang jang gagah brani !" akoe menegor.
Kombali perkataan-perkataan itoe membangoenken iapoenja hati. Ia liatin akoe dengen banjak pertanjakan di sorot matanja boeat toeroet atawa djangan adjakan koe. Jang ia tjinta Zara itoelah akoe tida sangkal, tapi iapoeaja katjintaan tida lebih bersifat lahir jang didasarken atas egoisme.
„Kaloe kaoe tida maoe liat maitnja Zara apa boleh boeat, Graaf," akoe berkata lagi. „Pada kaoe, itoe resia - resia sa'abisoja ini penghidoepan memang tinggal terkoentji. kerna kaoe bertabeat tida bisa atawa tida maoe pertjaja tentang kabesarannja Toehan. Dari itoe boeat orang sebagi kaoe, kamatian ada soeatoe karoesakan. Akoe taoe kaoe teritoeng satoe antara marika siapa jang beranggepan koekoe, jang dinamaken hidoep tjoema jang sekarang belaka di depan mata — kerna kaoe dengen gampang loepaken apa-apa jang soe dah liwat, dan tida ambil perdoeli sama jang aken dateng. Parijs itoelah kaoe poenja Sorga, atawa St. Petersburg, atawa Vienna, sebagimana kaoe poenja pikiran kasar membikin kaoe djadi bagitoe. Jang bisa merobah kakliroean pikiran moe melaenken kagaiban Toehan sadja, tapi djoestroe kagaiban - kagaiban Toehan tida perna bisa dialamin oleh kaoem materialist seperti kaoe. Tapi sabelon kaoe berlaloe dari sini hareplah kaoe denger nasehatkoe. Djangan kaoe sjak
