Dimana adanja Allah
275
ngongngong boeat bebrapa seconde.
„Ja, akoe boleh oelangin poela kadjadian aneh itoe,“ ia berkata dengen sabar, „maski sabenernja akoe pertjaja jang itoe waktoe akoe sedeng berada dalem keadaan lingloeng dan apa jang akoe saksiken tjoema bikinan pikirankoe sendiri sadja. Akoe dapet meliat satoe roman jang loear biasa, jang saoemoer hidoep akoe baroe perna alamin itoe sekali, tapi tetep akoe sangsiken kabenerannja. Itoe roman ada satoe figuur seperti manoesia atawa boekan manoesia jang biasa, dan iapoenja sifat ada keren. agoeng serta bersih, berdiri di depankoe sambil akoe berasa seaken aken ia bitjara dengen soeara jang lapat lapat, begini: „Zara mendjadi poenjakoe, kapoenjaan jang akoe tjari sendiri; akoe berhoeboeng padanja setjara merdika; ia mendjadi poenjakoe sampe dateng kamatian; tetep akoe poenja maski sasoedah mati; kapoenjaankoe selama-lamanja. Kaoe poenja perhoeboengan padanja tida berarti, tida kekel, kaoe tida bisa menangken sifatkoe.“ Kamoedian itoe machloek aneh jang tjakep romannja, siapa poenja moeka akoe masih inget. siapa poenja mata bersinar terang laksana bintang, linjap dari hadepankoe. Tapi sasoedah itoe, apa lagi jang orang maoe anggep? Akoe pandeng hal demikian tida bedah oepama impian.“
„Tapi boeat akoe tida lantas anggep hal terseboet 100 pCt. nonsens.“ akoe berkata dengen sabar. „Dan, Graaf Ivan, sekarang kaoe telah djadi lebih kalm dan banjak sabaran,
