274
PENGHIDOEPAN
Kamoedian kapan ia liat itoe pedang jang menggletak di atas djoebin, ia lantas bangoen dan berseroeh:
„Kamana itoe pengetjoet dan pemboenoeh?“
Akoe boedjoek aken ia berdoedoek dan denger omongankoe dengen sabar. Akoe laloe peringetken ia bahoea Zara poenja kasehatan serta kaberoentoengan toch sebagimana ia sendiri taoe, senantiasa tinggal bagoes. dan malah Holbaz lebih banjak ampir bikin tjilaka diri sendiri dari pada tjilakaken iapoenja soedara itoe. Dengen teges akoe tjeritaken bagimana Zara sendiri memang harep boeat ia poenja kamatian, dan soedah bersedia boeat trima itoe, kerna padakoe ia soedah hatoerken slamet. tinggal, jang tadinja akoe tida mengarti apa maoenja itoe oetjapan. Lantas akoe peringetken Ivan tentang itoe hari kapan Zara soedah goenaken iapoenja pengaroeh batin boeat bikin djato Ivan.
„Biar kaoe tida pertjaja prihal adanja kakoewatan electriciteit batin atawa tenaga-tenaga rochani jang gaib dalem badan manoesia,“ akoe menoetoer. „toch kaoe telah kasi katerangan padakoe tempo hari tentang Zara poenja perhoeboengan aloes dimana kaoe kata: Bilangin ia akoe telah dapet liat iapoenja katjintaan setan, jang kaoe pesen agar akoe sampeken pada Zara, dan apa kaoe loepa?“
Koenjoeng koenjoeng Graaf Ivan poenja aermoeka djadi poetjet satelah denger omongankoe jang paling belakang itoe, ia djadi be-
