Dimana adanja Allah
267
XIII.
B ERLARI dengen tjepet akoe menoedjoe ka Holbaz poenja kamar studie, akoe boeka gordijn beloedroe dari kamar itoe dan dapet liat Holbaz dan Graaf Ivan. Marika berdoea masing-masing genggem doea pedang jang mengkilap tadjem, sendjata mana marika toetoenken koetika akoe moestjoel di hadepannja, dan marika saling memandeng satoe pada laen.
„Apa jang kaoe lagi bikin?“ akoe berseroeh sambil berpaling pada Holbaz. „Dengen maitnja kaoe poenja soedara masih ada dalem roemah, en toch kaoe bisa berklai! Kaoe, djoega“ akoe menoendjoek pada Graaf Ivan, „kaoe poen bisa berboeat hal jang tida terhormat berhoeboeng atas kamatiannja Zara, dan toch―kaoe bilang tjinta ia!“
Itoe Graaf tida bales oetjapankoe, malah ia genggem lebih keras gagangnja iapoenja pedang dan dari sikepnja menoendjoek bahoea ia bersedia aken landjoetken itoe pertandingan terlebih sengit. Dengen matanja jang bringas ia awasin teroes pada satroenja. Iapoenja sorot mata soedah tida bedah sebagi sorot matanja orang edan―badjoenja koerat-karit tida karoean―iapoenja ramboet aoet - aoetan serta basa sebab terkena oedjan―iapoenja aer moeka soe dah sanget poetjet jang kaloe dipotong
