268
PENGHIDOEPAN
brangkalih tida berdarah. Sepata perkataan ia tida oetjapken. Kamoedian Holbaz moelai bitjara; iapoenja keadaan ada lebih kalm, ia poeter-poeter pedangnja di telapakan tangan seolah-olah itoe ada barang maenan anak-anak.
„Ini gentleman,” ia berkata dengen soeara teges, „koenjoeng -koenjoeng dateng ka sini perloenja boeat berdjoempa sama Dr. Morini, dari siapa ia dapet katerangan apa lantarannja jang membikin Zara djadi binasa. Sebaliknja dari dengen atoeran minta katerangankoe lebih djaoe hal itoe bintjana, tiba-tiba ia hadepin akoe setjara amat koerang adjar, sanget aseran, jaitoe sebelon kita bitjara lantas ia briken poekoelan di moekakoe sambil menoedoe bahoea akoe jang mendjadi pemboenoehnja soedarakoe sendiri. Kalakoean djoemawa begitoe tida bisa laen hanja koedoe didjawab dengen tjepet. Akoe lantas silahken ia memilih sendjata apa jang ia rasa baek boeat kita bertanding; ia soedah pilih pedang. Kita poenja pertempoeran baroe sekali dimoelai―kita. memang bernapsoe sekali aken teroesin ini sampe di achirnja; maka itoe madame, soedilah kiranja menjingkir doeloe dari sini.....”
Ampir sadja akoe djadi kesima menjaksiken pemandengan demikian jang ngeri.
„Oh, tida―akoe tida aken berlaloe,” akoe berkata dengen pasti. „Ini matjem perboeatan dari kaoe berdoea biar bagimana tida bisa dibenerken, ada terlaloe gelo. Graaf Ivan,
