266
PENGHIDOEPAN
ia; dan boeat akoe soedah sentausa, dan tida lagi ada kamenjeselan soeatoe apa!"
Begitoe abis berkata-kata itoe roman laloe linjap, itoe tjahaja jang seperti awan poetih poen tida kaliatan lagi, sedeng akoe sigra bangoen berdiri dari tempatkoe baroesan berloetoet. Boeat sabentaran akoe awasin maitnja Zara, itoe sobat jang tertjinta dan sanget tjantik, akoe bersenjoem sambil memandeng ia. Itoe badan jang soedah dingin dan kakoe boekannja Zara—ia tida mati, ia tetep hidoep dengen goembira; ini badan jang terbikin dari tanah memang soedah ditakdirken gampang moesna serta moesti roesak kombali, tapi ia tida bisa moesna boeat selama-lamanja!
,,Lekas toeloeng ia — toeloeng akoe poenja soedara!" Kombali itoe perkataan-perkataan kadengeran berboenji di koepingkoe. Akoe tida berlambat lagi akoe lantas ambil poetoesan boeat tengok Holbaz sekarang ada berdiam di mana. Dengen tjepet akoe kaloear dari itoe kamar sembahjang dengen tida menerbitken berisik. Dan bener sadja, begitoe akoe berada di loear kamar, mendadak akoe denger soeara bentrokan barang keras-ka djoeroesan mana akoe sigra memboeroe. Semingkin deket akoe samperin tempat itoe, koepingkoe semingkin njata mendenger itoe bentrokan-bentrokan jang bilah akoe tida kliroe mendoega sebagi bezadoenja barang dari wadja!
