Dimana adanja Allah
265
tentang itoe kamatian jang bakal menimpa badan kasarnja. Itoelah jang ia maksoedken dengen bilang padakoe bahoea ia maoe bikin satoe perdjalanan djaoe. Semingkin akoe pikirin tentang Zara semingkin akoe djadi gegetoen, kamoedian akoe tekep moekakoe seraja bermoehoen segala apa biarlah ada dalem perlindoengan Toehan.
Tiba-tiba akoe rasaken seperti ada tangan jang mengoetik poendakkoe-satoe koetikan jang terasa sekali. Di atas tempat maitnja Zara akoe liat ada bajangan poetih seperti awan jang tertodjo sinar matahari sedeng mengambang dengen gerakan pelahan! Akoe mengawasi dengen soenggoe, tapi akoe tida bisa geraken bibir boeat kaloearken soeara. Satoe roman kamoedian terpetah awasin akoe-satoe roman jang berparas seperti bidadari poenja kaeilokan Roman itoe laloe bersenjoem. Akoe londjorken kadoea tangan; akoe memaksa boeat mengoetjap dan achirnja tjoema bisa bersoeara seperti berbisik:
..Zara Zara! kaoe telah balik kombali!" Satoe soeara, soeara jang lemboet, jang akoe kenalin poenjanja, djawab panggilankoe itoe jang maski lapat - lapat tapi teges:
..Toeroen poela dalem penghidoepan di doenia? Ach, tida, tida lagi! Akoe sekarang kliwat girang soedah kombali ka asalkoe. Tapi toeloenglah ia-toeloeng akoe poenja soedara! Pergi lantas padanja; ia ada dalem bahaja: padamoe terserah itoe kewadjiban. Slametkenlah
