Dimana adanja Allah
259
Holbaz toetoerken segala kadjadian dengen ringkes sebisanja soepaja tida boeang tempo. Kamoedian Dr. Morini madjoe preksa badannja Zara dengen sanget teliti. Ia taro koepingnja di atas dadahn ja itoe korbanaken denger bagimana iapoenja ketokan djantoerg. Achirnja ia liatin itoe permata jang dipake oleh Zara, ia tilik itoe batoe jang adjaib, jang toeroet mendjadi goerem dalem katjilakaan sama pemakenja. Dengen ati-ati ia boeka itoe leontine, gapein pada kita boeat mendeketin ia. Satelah mana Dr. Morini oendjoekin kita satoe tanda item di atas koelitnja Zara, di atas mana itoe permata terletak koetika dipake dan gledek menjamber heibat. Itoe tanda item ada sabesar oewang talenan jang terpetab teges di atas Zara poenja koelit jang poetih bersih.
„Kamatian kerna gledek jang mengandoeng banjak electriciteit," berkata Dr. Morini dengen kalm. „Dengen laen perkataan bisa dibilang ia binasa sebab tenaga electrisch. Itoe stroom jang heibat menjerang meliwatin itoe batoe permata, liwatin ia poenja koelit dan temboes memoekoel iapoenja djantoeng. Bisa didoega ia sigra binasa dengen lantas, zonder sakit sama sekali, maski membawa kasoedahan jang heibat. Ia soeda mati lama djoega."
Kamoedian, satelah ia taro kombali itoe batoe permata di tempatnja jang tadi, ia sampirin itoe pendita Kristen seraja bertjakepan sedikit. Apa jang dioetjapken oleh Dr. Morini akoe taro perhatian— tapi akoe dibikin sanget
