— 478 —
bahaja. Ia poen ada di tempat gelap di tengah laoet dan di antara orang-orang pelajaran ijang ija tida kenal, tapi ada taoe ijang ija ada bawa riboean frank oewang contant. Lain dari begitoe, ija ada menoedjoe ka satoe poelo, di mana sekarang ini ada soedagar-soedagar gelap dan doewa begal.
Dengen beringat demikian, ija mengawasi sadja pada sekalian orang-praoe dan pegangi sadja ija poenja sendjata-api.
Sedeng begitoe, matroos-matroos soedah kereken kombali lajarnja praoe dan djalanken kandaran itoe dengen angin Soedah djalan sebentaran di tempat gelap, Franz dapet melihat api di darat, dan pada sapoetar api itoe ada berdoedoek ampat atawa lima orang.
Sinarnja api ada tersiar di moeka laoet, sampe bebrapa ratoes langkah djaoehnja dari darat.
Gaëtano toedjoeken praoenja ka itoe sinar api, dans etelah sampe di sitoe, lantas sadja djoeragan itoe moelai menjanji sebiasanja toekang menangkap ikan.
Setelah denger soewara orang menjanji, itoe bebrapa orang ijang ada di sepoetar api, lantas berbangkit dan berdjalan ka pasisir, ija orang memandang pada praoenja Gaëtano ijang mendatengi, brangkali boewat dapet taoe brapa orang moewatannja praoe itoe dan sekalian mendoega-doega maksoednja orang. Sigra djoega ija-orang balik, kombali ka tempatnja berdoedoek, katjoewali satoe orang ijang tinggal diam di pasisir. Di atas itoe api ijang terang dan terseboet di atas ini ada terpanggang satoe kambing boelat.
Tempo itoe praoe soedah dateng deket sekali, itoe orang
