— 471 —
soedah pergi ka Monte-Christo ?"
— „Akoe sendiri tida nanti bilang."
— „Kita-orang djoega tida."
— „Kaloe 'begitoe, mádjoelah ka Monte-Christo!"
Di itoe waktoe djoega praoe itoe lantas menoedjoe ka Monte-Christo, dan sesoedahnja djalan sedikit djaoeh Baron Franz berkata pada djoeragan:
„Gaëtano! tadi kaoe berkata, bahoewa itoe poelo Monte-Christo ada djadi tempatnja soedagar-soedagar gelap dan badjak laoet, boekan?"
— „Ja, Toewankoe!"
— „Toeroet akoe poenja taoe, soedagar-soedagar gelap memang ada banjak, tapi sedari Algiers soedah ditaloekken, tida ada lagi badjak di laoetan ini."
„Tida begitoe, Toewan? Halnja badjak-badjak itoe adalah sama dengen kawahan-kawanan perampok ijang dikataken telah dikoebraken oleh Paus Leo XII, sedang se- hari-hari, malah di dekat pintoenja kota Rome djoega, ada orang dirampok. Tidakah toewan dengar, bahoewa pada anem boelan ijang baroe laloe, oetoesannja Frankrijk di Rome telah diserang perampok di soewatoe tempat ijang rame ?"
— „Ja, akoe déngar hal itoe."
— „Kaloe toewankoe beroemah di Livorno seperti kita orang ini, sebentar-bentar toewankoe nanti mendapet kabar bahoewa satoe praoe atawa satoe kapal ketjil ijang moewat barang-barang dan djalan menoedjoe ka Bastia, Porto Ferrajo atawa lain-lain tempat, tida dateng pada tempat penoedjoeannja itoe dan tida katahoeän ka mana linjapnja; orang kira sadja, ijang kandaran itoe telah terbentoer pa-
