— 470 —
— „Apatah itoe ijang bisa hidoep dengen djilati karang,?"
— „Boekan, hanja makani seroepa roempoet ijang toemboe di karang."
— „Tapi di manatah kita nanti tidoer?"
— „Di dalem goewa, atawa di praoe ini. Lain dari begitoe kaloe toewankoe maoe, sehabisnja memboeroe kita-orang boleh berlajar kombali; di waktoe siang atawa malem kaloe tida ada angin, kita boleh goenaken dajoeng."
Dari sebab Franz itoe masih ada poenja banjak tempo, pada sebelonnja misti pergi ka kota Rome, maka lantaslah djoega ija soeroeh toedjoeken praoe itoe ka Monte-Christo. Setelah dapet itoe perintah orang-orang prace lantas berkata-kata sedikit dengen pelahan sama teman-temannja.
„Ada perkara apa?" kata Franz pada marika itoe : „Apa ada sangkoetan ?"
„Tida," sahoet djoeragan praoe:,,tapi haroeslah kita membilang pada toewankoe, bahoewa poelo itoe ada ternama koerang baik."
— „Koerang baik begimana?"
— „Kerna Monte-Christo itoe satoe poelo kosong sering kali ija djadi tempatnja soedagar-soedagar gelap dan badjak-badjak laoet ijang dateng dari Corsika, Sardinië dan Afrika; dan kaloe katahoeän sedikit sadja, ijang kita-orang telah pergi ka itoe poelo, maka kaloe kita poelang ka Livorno, kita orang nanti ditahan di praoe ini anem hari lamanja."
— „Ah! anem hari! Itoe terlaloe lama, sobat!"
— „Tapi siapatah djoega nanti membilang, ijang toewankoe
