padha wenang milua ing wuri,
mangan pametuning,
tanah Jawa besuk.
45. Samergane padha sinung gampil,
pangupajiwan don,
poma-poma den waspada ing reh,
heh ta Prabangkara anak mami,
den awas den eling,
mring wawekas ingsun.
46. Titi purna pamaosing tulis,
risang prawira nom,
kabarabas deres ing waspane,
lir tineres tyasira sang pekik,
karuna tan sipi,
kawimbuhan gambuh.
VI
1. Kambuh ing driya wimbuh,
kambah barubah kabubuh-bubuh,
lir ginubah bebahing wardaya rujit,
kajujut-jujut kabanjut,
binanjet pating karejot.
2. Kumejot ing jejantung,
meh kajunjung jijange kang ujung,
lir pinejang kapejeng reh gonjang ganjing,
kapanjang-panjang manaput,
sumaput-saput tyas kepon.
3. Kepyan upaya mepu,
mopek kapetek putek margiyuh,
yayah-yayah anggayuh woding wiyati,
mawerdi werdaya nanduk,
pinanduk ing reh wirangrong.
4. Mangarang rangu-rangu,
185
