Tjoe Bo Kim So

by Kwo Lay Yen

TJOE BO KIM SO

atawa

SATOE PERTJIDRAHAN JANG BERACHIR BAIK

(Samboengan „Goedang Tjerita” No. 12)

_________________

Oleh: KWO LAY YEN

_________________

Tjie-hiong-piao Tam Swat Yong oetjapken itoe perkatahan pedes lantaran tersoeroeng oleh ha­wa napsoe amarah besar, hingga ia tida mempoenjai kasempetan boewat berpikir lebih mateng; tetapi satelah itoe perkatahan dioetjapken, dalem hatinja merasa menjesel, kerna apa goenanja oetjapken perkatahan keras? Paling betoel djatoken padanja dengen mengandel sama ilmoe kapandean sendiri. Tetapi perkatahan soeda dikaloewarken, hingga menjesel poen tida ada goena­nja. Ngo-in-pang-djit See Tjong Pin oendjoek roepa seperti orang kaget.

„Ah, ah ! kaoe ini djadi poetrinja Tjoe-bo-kim-so Tam Tjoe Sian Lo-eng-hiong!” kata ia dengen pengrasahan hormat tertjampoer takoet, „akoe soeda lama denger iapoenja nama jang besar. „Apa jang Kim Toa Naynay bilang, semoewanja bener kaloe dibitjaraken dengen berdasar sama tjengli, saharoesnja akoe moesti menerima dosa dengen kepala ditoendoekin, tjoema sadja Kini Toa Naynay tiada menjaksiken bagimana keadahannja pada waktoe kita bertempoer, kaloe sadja akoe masi ada djalan boewat idoep, pasti sekali akoe tida brani goenaken itoe sendjata resia, hingga melanggar larangan besar di kalangan kang-ouw, dan orang-orang dari kala

kalangan Boelim anggep akoe terlaloe kedjem dan telengas, sama sekali tida bisa mengasi koetika pada laen orang. Akoe ini melaenken dateng menoeloengin pada Kim-to Eoe Lam Hin jang mendjadi moeridkoe. Koe Lam Hin didesek keras oleh Kim Toaya hingga ia dateng minta pertoeloengan padakoe jang mendjadi goeroenja, satadinja akoe poen berniat kasi sedikit pengadjaran soepaja ia taoe tida bisa sasoeka-soekanja dan oendoerken diri. Aken tetapi Kim Toaya poenja tjara jang kaliwatan, sedikit poen tida maoe kasi koetika pada laen orang, tida maoe kasi koetika boewat laen orang lindoengken moekanja, akoe rasa tida perdoeli siapa djoega, tida nanti bisa menahan sabar, akoe kerna terlaloe didesek dengen apa boleh boewat goenaken itoe daja oepaja paling achir, boewat membelaken djiwakoe jang ko­lot ini, berbareng melindoengin djoega roemah tangganja Boe Lam Hin. Tentang keadilan ada sama orang banjak, tida nanti bisa barang poetih dibalik mendjadi item.

„Dari sebab Kim Toa Naynay ada poetrinja satoe achli silat ternama Tjoe-bo-kim-so Tam Lo-enghiong, kaloe menoeroet akoe poenja pemandangan, ini oeroesan gampang sekali dioeroesnja, sebab biar poen sampe di oedjoeng langit, selamanja tjengli moesti dipake, kita orang siarken soerat oendangan mengoendang pada orang toewa-ioewa dari kalangan ilmoe silat di Kangsouw, Tjiatkang, Oowlam dan Ouwpak, beber ini oeroesan dari bermoela sampe di achirnja dengen teroes terang di atas medja, kasiken bebrapa enghiong jang ternama djadi jury dan tim­bang ini oeroesan dengen begitoe, akoe rasa aken didapetken satoe keadilan, tida bisa disangkal bahoewa Kim Toaya binasa di tangankoe, tjoema sadja hal ini soeda dilakoeken tida bisa diperbaekin lagi; aken tetapi akoe brani berboewat brani tanggoeng djawab, bila poetoesannja orang banjak akoe jang bersala, terlaloe kedjem dan amat telengas, tida perloe memake tangannja laen orang, di hadepannja itoe achli-achli silat ternama, akoe aken abisken djiwa sendiri. Kim Toa Naynay, akoe jang soeda beroemoer begini toewa, apa jang akoe bilang bisa dipertjaja dan pasti sekali tida aken menjesel diblakang hari. Kim Toa Naynay, akoe poenja tjara memberesken ini bagimana bisa dipake atawa tida? Kaoe sendiri ada tjara laen jang lebih baek, akoe bersedia boewat pasang koeping.”

Tjie-hiong-piao Tam Swat Yong bersenjoem ewa.

„See Losoe, akoe hatoerken banjak trima kasi atas kaoe poenja maksoed jang baek,” kata ia dengen soewara menjindir, „itoe satoe tanda jang kaoe maoe mengalah, boewat mana akoe bersoekoer padamoe sampe di dasarnja hati jang paling dalem. Tjoema sadja ada soeatoe hal jang kaoe haroes mengarti terang, baroesan dengen bernapsoe tida merasa lagi akoe soeda seboet ajahkoe; tetapi kaoe haroes me­ngarti dengen djelas, sama sekali akoe tida bermaksoed maoe goenaken namanja ajahkoe atawa pengaroehnja boewat bitjara sama kaoe, itoelah ada oeroesan di hari kamoedian, malem ini poenja oeroesan tjoema bisa dioeroes sekarang djoega, kaoe ha­roes mengarti, poetrinja Tjoe-bo-kim-so Tam Tjoe Sian, istrinja Kie-boen-kiam Kim Boen Kiem, boekannja satoe prampoewan lemah dan tida mempoenja ilmoe kapandean, pengetjoet dan takoet mati, ini waktoe kita boleh tida oesa bitjaraken tentang kabeneran dan kasalahan, tentang keadilan, akoe poenja maksoed kadatengan ka sini tida laen maoe membales sakit hatinja soewamikoe, laen-laen oeroesan akoe tida maoe ambil perdoeli, tida perdoeli soewami­koe bersala dan berlakoe kaliwatan, Kim Boen Kiem ada akoe poenja soewami tertjinta, kaloe ia mati. akoe tida bisa tinggal idoep sendirian. Dari sebab sekarang ia binasa di tangannja moesoe, akoe jang mendjadi istrinja berlaloe dan meninggalken kota Yangtjioe. akoe tida poenja moeka boewat bertemoe orang! Orang she See, akoe dateng di sini tida maoe lama-lama, hanja maoe adjar kenal sama kaoe poenja sendjata resia, Ngo-in-pang-djit liap-hoen-teng jang sanget lihay !"

Berkata sampe di sini dengen tida berlakoe soengkan lagi ia tjaboet kaloewar pedangnja dari saroeng dan tjekel dalem tangannja. Itoe waktoe Ngo-inpang-djit See Tjong Pin djadi serba sala, doeloean ia sama sekali tida taoe bahoewa istrinja Kie-boen-kiam Kim Boen Kiem asal dari mana, ia tjoema taoe sadja ia paham ilmoe silat dan boekan prampoewan biasa seperti kabanjakan, sekarang baroe ia dapet taoe bahoewa ia ada poetrinja Tjoe-bo-kim-so Kim-sie-souw Tam Tjoe Sian, dengen lantas ia djadi sanget terprandjat. Biar poen Tam Swat Yong soeda bilang ia boekannja maoe mengandel sama nama ajahnja jang besar, tetapi diam-diam ia anggep Tam Swat Yong dengen sengadja kasi taoe bahoewa dirinja ada poetrinja Tjoe-bo-kim-so jang sanget dimaloein orang. See Tjong Pin sekali poen dengen mengandel sama itoe sendjata resia mendjagoin di kalangan kang-ouw dalem banjak taon; tetapi de­ngen sasoenggoenja ia tida sembarangan goenaken itoe, djikaloe boekannja sanget terpaksa, apabila soe­da tida ada lagi laen djalan boewat toeloeng djiwanja dari kabinasahan. Kaloe di-itoeng dalem saoemoer idoepnja ia baroe goenaken tiga kali. Aken tetapi Tjoe-bo-kim-so Kim-sie-souw Tam Tjoe Sian, sasoenggoenja boekan orang jang boleh diboewat permaenan, sekarang ia soeda boenoeh mati mantoenja, soeda tentoe boekan, perkara jang bisa diberesken begitoe Sadja, beroentoeng ia berada di fihak bener, ia sama sekali boekannja sengadja maoein djiwanja Kim Boen Kiem, hanja terpaksa lantaran maoe toeloeng djiwanja sendiri, kaloe sadja Kie-boen-kiam Kim Boen Kiem tida terlaloe mendesak padanja nistjaja ia tida nanti goenaken itoe sendjata resia jang sanget lihay. Pendek, semoewa kasalahan boekan ia jang haroes tanggoeng.

Sekarang istrinja Kie-boen-kiam Kim Boen Kiem dateng maoe bikin pembalesan atas kamatiannja sang soewami, itoelah ada soeatoe hal jang memang sapantesnja, di kalangan kang-ouw tentoe hormatken saorang prampoewan jang begitoe gaga, brani hadepken kamatian boewat membales sakit hatinja sang soewami, djangan kata lagi orang-orang di kalangan Boelim jang mengoetamaken kapatoetan dan ke­adilan. Oleh kerna ia dateng dengen maksoed bikin pembalesan atas kamatian soewaminja, tentoe sadja ia tida maoe berlakoe moerah. hingga kaloe ia terdesek dan tida goenaken liap-hoen-teng boewat lolosken diri dari tangannja Tam Swat Yong, sabaliknja ia sendiri jang bisa binasa. Samentara kaloe ia goenaken liap-hoen-teng, kadjadian Tam Swat Yong binasa lagi di tangannja, itoe waktoe Tjoe-bo-kim-so tida nanti bisa mengampoenin lagi padanja, pertama lantaran ia soeda boenoeh mantoenja, dan sekarang ia boenoeh lagi poetrinja, dengen begitoe, pasti se­kali ia aken ngalamken perkara heibat, kena dibinasaken oleh Tjoe-bo-kim-so Tam Tjoe Sian. Inilah djadi serba sala boewat ianja, pergi dateng ia moesti djadi binasa di tangan orang, maka sabisanja ia me­nahan napsoe amarah dan marendah.

„Kim Tea Naynay, sekarang akoe berada dalem kadoedoekan sabagi kaoe poenja moesoeh," kata ia, „hingga tida baek kaloe akoe terlaloe seselken diri; aken tetapi ini malem akoe tida ada niatan bertempoer, kaloe kaoe tida maoe pergi oendang kaoe poenja ajah dateng ka sini, akoe sendiri nanti kirimsoerat oendangan minta ia dateng ka sini boewat katemoeken akoe. Ini malem akoe akoeh soeda di­bikin kadjoengkel dalem kaoe poenja tangan. Tjoema karewelan dari kadoewa fihak tida bisa diberesken dengen setjara begitoe, masi haroes dipoetoesken de­ngen memake keadilan. Kim Toa Naynay, kaoe djangan sala paham, kaoe boekannja saorang prampoewan lemah dan tida mempoenjai kapandean, sedeng akoe poen boekannja orang jang pengetjoet dan takoet mati, tjoema boewat samentara waktoe kita poenja oeroesan ditoenda doeloe, nanti kita oendang orang-orang dari kadoewa fihak bersama orang-orang pertengahan, itoe waktoe lantas kita bisa pastiken fihak mana jang bener dan fihak mana jang sala, sateroesnja bisa ditetepken hoekoeman pada fihak jang bersala."

„See Losoe, akoe minta kaoe toetoep moeloet,” kata Tam Swat Yong, „tida perdoeli kaoe mengalah sampe di mana djoega, akoe tida bisa trima, kaloe ini malem akoe tida bisa pastiken siapa jang binasa, tentoe sekali akoe tida nanti kaloewar dari ini fa­briek Hin-liong. Maka akoe harep kaoe djoega kaloewarken kaoe poenja sendjata."

See Tjong Pin taoe Tan Swat Yang poenja niatan soeda pasti, hingga tida ada goenanja ia memboedjoekin lebih djaoe dengen omongan lemes. Tjoema sadja lantaran ia soeda boenoeh mati soewaminja, tida bisa tida mengalah doeloe.

„Dari sebab Kim Toa Naynay teroes meneroes mendesek padakoe," kata ia, „terpaksa akoe moesti menoeroetin kaoe poenja prentah. Sedeng kaloe kaoe poenja pedang bisa ambil djiwanja See Tjong Pin, itoelah ada paling back dan tida banjak oeroesan lagi. Kim Toa Naynay, kaoe boleh moelai doeloe." „Kaoe pandang akoe Tam Swat Yong orang matjem apa?” berseroeh itoe djago betina dengen be­ngis. „kaloe sadja kaoe sengadja mengalah padakoe. Kaoe itoelah artinja kaoe tida pandang sabelah mata pada­ koe, lebih heibat dari pada kaoe maki padakoe. Kaoe tida pantas tjaboet kaoe poenja sendjata maoe toengoe apa lagi?”

„Akoe menoeroet kaoe poenja prentah,” kata Ngoin-pang-djit See Tjong Pin.

Sembari berkata begitoe ia merogo pinggangnja,dari mana ia tjaboet kaloewar iapoenja sendjatasong-thauw-so-tjoe-tjhio

„Itoe baroe bener dan pandang mata padakoe,” kata Tam Swat Yong sembari poeterken pedangnja di depan dadanja, kamoedian diangkat ka'atas dengen rata, sedeng tangan kirinja dirangkepin ka djoeroesan pedang dengen tipoe tiauw-thian-it-tjoe-hio ia memberi hormat pada lawanannja.

Di laen fihak Ngo-in-pang-djit See Tjong Pin moendoer ka blakang sembari gerakin iapoenja sen­djata song-thauw-so-tjoe-tjhio, lebih doeloe membales hormat kamoedian pasang koeda-koeda menoenggoe lawanannja poenja gerakan.

Tjie-hiong-piao Tam Swat Yong ini malem bertempoer dengen terboeroe-boeroe, sama sekali tida menggerakin doeloe badan boewat bikin lemes oerat,sembari lompat ka blakang ia goenaken tipoe-tipoe sian-djin-tjie louw, oedjoeng pedangnja menoesoek ka djoeroesan dadanja See Tjong Pin, gerakannja sanget tjepet dan idoep, kerna ia dapet pengadjaran dari ajahnja hingga boekan sembarangan, tambahan Satelah ia menikah sama Kie-boen-kiam Kim Boen Kiem, sang soewami adjarin ia ilmoe silat pedang kie-boen-sip-sam-kiam, tjoema sajang ada satoe tjatjat, jalah koerang tenaga jang berisi, inilah ada Satoe tjatjat jang tida bisa diperbaekin dengen tenaga manoesia. Satoe kali bertaroeng atawa lebih betoel Tam Swat Yong jang menjerang, See Tjong Pin tida maoe membales menjerang, ia melaenken angkat ka'atas tangan kanannja dan tangan kirinja digerakin ka lamboeng kiri, hingga iapoenja sendjata song-thouw-so-tjoe-tjhio melindoengin iapoenja da­da, berbareng dengen itoe ia berlompat moendoer ka blakang boewat kasi liwat itoe toesoekan pedang; tetapi ia tida membales menjerang. Tjoema sadja Tjie-hiong-piao jang berniat membales sakit hati soewaminja, sama sekali tida maoe kasi hati padanja.

Tatkala Tam Swat Yong menoesoek angin, badannja lantas dipoeter, sedeng kaki kirinja dimadjoeken ka depan, berbareng dengen itoe, pedangnja soeda ditarik poelang; aken tetapi iapoenja kadoewa ta­ngan terpisa dan itoe pedang soeda madjoe lagi ka depan, sekarang menjabet pada See Tjong Pin poenja iga kanan, sabetoelnja See Tjong Pin boleh mem­bales menjerang sama iapoenja sendjata song-thauw-so-tjoe-tjhio, tetapi ia tida berboewat begitoe hanja kaki kirinja diserodotken ka depan sedeng badannja poeter ka kiri, hingga Seantero badannja berpoeter seperti angin poejoeh, hingga Tam Swat Yong poenja pedang kombali menjabet angin; tetapi di-ikoetin sama gerakan kaki kanannja diangkat ka depan dan madjoe satoe tindak ka sabelah kiri, dengen tipoekim-tjiam-tam-hay pedangnja ditoesoekin ka paha blakangnja See Tjong Pin. Beroentoen soeda tiga kali diserang See Tjong Pin tida menangkis dan djoega tida membales menjerang; tetapi ternjata serangannja Tam Swat Yong ada berbahaja hingga diam-diam ia djadi sanget kaget, maka dengen men­dadak ia berlompat bebrapa belas kaki tingginja, kamoedian ia toeroen lagi ka moeka boemi di sabelah blakang. Itoe waktoe Tam Swat Yong soeda memboeroe sembari toesoekin pedangnja ka djoeroesan blakang kepalanja See Tjong Pin.

„Kim Toa Naynay, ma'afken akoe berlakoe koe­rang adjar !” berseroeh See Tjong Pin sambil balikin badannja dengen tipoe yauw-tjoe-hwan-sin, sedeng iapoenja sendjata song-thauw-so-tjoe-tjhio jang masi teroes dipegangin seperti bermoela dengen tida berobah, dengen mendadak digerakin ka depan boe­wat menangkis, Tam Swat Yong dengen tjepet carik poelang pedangnja, See Tjong Pin berseroeh keras sambil hantemken iapoenja song-thauw-so-tjoe-tjhio dengen tangan kiri dan tangan kanannja, jang ma­megang laen oedjoeng tali dari itoe sendjata, dilepasken, dengen maksoed dilibetken ka djoeroesan Tam Swat Yong poenja pinggang. Oleh kerna sekarang See Tjong Pin membales menjerang, Tam Swat Yong dengen berlompat kelit itoe serangan, tingginja kira-kira anem atawa toedjoe kaki, kamoedian koetika ia berdiri lagi di moeka boemi, iapoenja kaki kiri di depan dan kaki kanan di blakang, dalem sikep satengah balikin badan, aken tetapi iapoenja pedang disodorken ka blakang. Ini ada ilmoe silatnja Kimsie-souw Tam Tjoe Sian, sebab kaloe toeboe berlom­pat ka atas, kadoewa kaki tida mengindjek boemi, paling gampang diserang orang, maka itoe pedang jang ia pegang bikin pendjagahan terlebih doeloe.

Itoe waktoe Ngo-in-pang-djit See Tjong Pin soeda memboeroe, sedeng iapoenja sendjata so-tjoetjhio soeda digerakin ka atas ditimpaken ka djoe­roesan poendaknja Tam Swat ong dengen tipoe ouw-liong-tjhoet-tong, sendjata „lembek” bisa dige­rakin dengen rata ka depan, itoelah ada sematjem ilmoe kapandean jang haroes dikagoemken. Tam Swat Yong biar poen pedangnja diangsoerken kablakang, tetapi sendjatanja See Tjong Pin soeda menjamber deket poendaknja jang sabelah kanan. Tam Swat Yong lantas bongkokin badannja ka depan, reng” dengen itoe pedangnja ditoeroenken ka 'sabelah bawah dengen tjepet dibalikin lagi ka atas dengen tipoe pok-in-kian-djit, itoe pedang menahan See Tjong Pin poenja kepala toembak jang maoe menjamber iapoenja poendak. Kaloe goenaken ini tipoe boewat menangkis itoe sendjata „lembek”, paling takoet kaloe sendiri poenja sendjata kena terlibet, hingga sendiri poenja sendjata kena dirampas orang, kerna ini tipoe silat djalannja tjepet dan berobahnja poen lekas sekali. Pada waktoe itoe pedang bertemoe dengen sendjatanja See Tjong Pin. ternjata betoel sadja See Tjong Pin libet Tam Swat Yong poenja pedang dan dengen mendadak disentak ka blakang; tjoema sadja Tam Swat Yong tida maoe bikin dirinja tida bersendjata sabisanja ia pegang keras ga­gang pedangnja soepaja djangan terlepas.

Ngo-in-pang-djit See Tjong Pin itoe waktoe tida berhasil bikin Tam Swat Yong djadi tida bersendjata, tetapi iapoenja sendjata soeda balik lagi dihantemken pada Tam Swat Yong poenja poendak sabelah bawah berikoet lengen bagian jang sabelah atas, tjoema sadja Tam Swat Yong poen soeda ber­sedia dan laloe moendoer ka blakang boewat kasi liwat itoe sendjata jang menjamber.

Itoe waktoe bebrapa banjak penggawe fabriek soeda kaloewar dari masing-masing kamarnja boe­wat menjaksiken itoe pertandingan, di antaranja jang soeka sama kaonaran hatinja djadi girang, tetapi jang berpikiran pandjang, anggep ini oeroesan masi belon tamat dan banjak sekali boentoet-boentoetnja, biar poen See Tjong Pin poenja ilmoe silat djempolan, belon tentoe ia bisa ladenin satoe per satoe terhadep orang-orang jang membela di fihaknja Kim Boen Kiem ; seperti sekarang ini orang prampoewan (te­tapi marika tida taoe istrinja Kim Boen Kiem almarhoem dan poetrinja Tjoe-bo-kim-so Tam Tjoe Sian jang termashoer), sekali poen kaliatannja boekan tandingannja See Tjong Pin, tetapi kaloe saorang prampoewan brani madjoe bikin pembalesan, See Tjong Pin tida nanti bisa enak tidoer.

Memang kaloe maoe dibitjaraken ilmoe silatnja Tam Swat Yong boekan tandingannja See Tjong Pin, tjoema ia sanget takoet sama pembalesan dari itoe prampoewan poenja ajah, hingga ia bertanding dengen satengah hati. Djaga sadja diri djangan sampe kena dibinasaken, sabaliknja ia tida maoe membinasaken pada sang lawanan.

„See Losoe, djangan berlakoe kasian padanja ! berseroeh sala-satoe penggawe toekang bikin onar. „Babat roempoet moesti sama akar-akarnja baroe tida ada bahaja di laen hari!”

See Tjong Pin sembari bertempoer sembari menggroetoe koetika mendenger itoe oetjapan jang tida bertanggoeng djawab.

„Loe ngomong sendiri memang enak!” kata ia dengen soewara tida terang. Tetapi apa kaoe taoe akoe bisa hadepken satoe bahaja kamatian?”

Sabagimana di atas soeda dibilang, kaloe maoe bitjaraken ilmoe kapandean silat, Tam Swat Yong boekan tandingannja See Tjong Pin, tambahan tena­ga koerang, tjoema lantaran ia soeda anggep dirinja mati, hingga menjerang dengen seroeh, di laen fihak See Tjong Pin merasa takoet pembalesan ajahnja kaloe ia boenoeh mati lagi Tam Swat Yong, jang ia soeda boenoeh soewaminja, maka pertandingan soeda bisa berdjalan kira-kira doewapoeloeh djoeroes lebih, tetapi Tjie-hiong-piao Tam Swat Yong rasaken soe­da moelai tjape, laloe ia goenaken satoe tipoe tjitli-tauw-so menoesoek ka djoeroesan See Tjong Pin Poenja blakang. Ini toesoekan gerakannja sanget tjepet dan memake tenaga sakoewatnja, hingga itoe waktoe soeda deket di blakangnja See Tjong Pin, kaloe sadja oedjoengnja pedang sampe, tangannja Tam Swat Yong jang menjekel pedang, satelah ditoesoekin ka dalem lantas dibalikin sembari ditjongkelken ka loewar, tida ampoen lagi djiwanja See Tjong Pin aken melajang ka acherat.

Itoe waktoe Ngo-in-pang-djit See Tjong Pin djoestroe lagi memblakangin pada lawanannja, sinar mengkredepnja itoe pedang dari sang lawanan soeda deket sekali, koenjoeng-koenjoeng ia hantemken iapoenja song-thauw-so-tjoe-tjhio sembari membongkokin badan dan dipoeterken ka depan, ternjata itoe sendjata jang memake tali membentoer pada pedangnja Tam Swatt Yong, lantaran iapoenja tenaga koe­rang koewat, tangannja jang menjekel gagang pe­dang djadi kendor sedikit; tetapi Tjie-hiong-piao Tam Swat Yong pegang keras gagang pedangnja soepaja djangan terlepas, berbareng dengen itoe ia poeter badannja ka sabelah kanan, tetapi iapoenja pedang tida bisa ditarik poelang, kerna masi terha­lang oleh lawanannja poenja sendjata song thauwso-tjoe-tjhio. Satelah kakinja, mengindjek boemi, ia bisa djoega tarik poelang pedangnja dan berlompat moendoer ka blakang.

See Tjong Pin djoega memboeroe sambil sarampangken iapoenja sendjata jang memake tali, tetapi tida memake tenaga penoeh, kerna ia tida bermaksoed binasaken pada Tam Swat Yong. Ia pikir maoe meloekaken sadja pada Tam Swat Yong, soepaja ia taoe maksoednja membales sakit hati soewaminja tida bisa kasampean, lantas moendoer dan tida menjerang padanja lebih djaoeh. Itoe waktoe dengen mendadak Tjie-hiong-piao Tam Swat Yong balikin badannja, kaliatan tangan kirinja digerakin, ternjata ia malepasken iapoenja sendjata resia tjie-hiong-piao, ini matjem sendjata resia berbeda djaoe sekali de­ngen piao jang kabanjakan, di waktoe dilepasken selamanja dari tempat deket dan dengeii tida terdoega,hingga tenaganja ada sanget antep, biar poen Tam Swat Yong tida mempoenjai tenaga besar, dan makanja diseboet tjie-hiong-piao atawa piao lelaki dan prampoewan, jang lebih berat diseboet hiong-piao atawa jang bersifat lelaki, sedeng jang lebih enteng dinamakan tjie-piao atawa piao jang bersifat prampoewan. Tjaranja malepasken ada begitoe mendadak,hingga Ngo-in-pang-djit See Tjong Pin jang soeda kawakan di kalangan kang-ouw lebih doeloe sama sekali tida mendoega ; itoe piao sekali poen dilepasken dengen berbareng, tetapi jang satoe menjerangpada See Tjong Pin poenja iga kanan, jang laennja ka djoeroesan iga kiri, tatkala ia mendapet taoe lawanannja malepasken sendjata resia, soeda terlaloe kasep, kerna sabagimana di atas soeda dibilang. Tam Swat Yong sabegitoe berbalik lantas malepasken iapoenja tjie-hiong-piao sama iapoenja tangan kiri, inihal lebih doeloe tida disangka oleh See Tjong Pin jang soeda berhadepan lebih dari saratoes lawanan,,kerna Tam Swat Yong poenja tangan kanan jang mamegang pedang tinggal tetep tida berobah, ia sama sekali tida mendjaga.

Tam Swat Yong kaloewarken iapoenja piao pada sabelonnja iapoenja kaki mengindjek boemi, dan teroes digenggem dalem tangannja, sabegitoe lekas ia berbaïik lantas dilepasken dengen tangan kiri, jang mengeloewarken itoe piao dari kantongnja, biar poen pada waktoe See Tjong Pin mendoesin dirinja dalem bahaja, tetapi iapoenja song-thauw-so-tjoe-tjhio soe­da ditimpaken ka depan, hingga soeda tida kaboeroe kaloe maoe digoenaken boewat menangkis, dengen apa boleh boewat ia miringken badannja ka kanan,kamoedian ia tengkoeroep ka moeka boemi, tjoema itoe piao jang menjerang iapoenja iga kiri dengen meleset meloekaken iapoenja koelit dan daging. „Bagoes!” berseroeh ia sambil berlompat bangoen dan teroes merat ka djoeroesan selatan.

„Tam Swat Yong! kaoe poenja tjie-hiong-piao sasoenggoenja bagoes sekali!” berseroeh ia sambil merat teroes.

Tam Swat Yong itoe waktoe pindaken pedangnja ka dalem tangan kiri, ia liat See Tjong Pin sekali poen soeda kena iapoenja piao masi bisa berlom­pat bangoen, dalem hatinja djadi sanget kaget tertjampoer dengen pengrasahan gemes, kerna ia taoe lawanannja mendapet loeka tida terlaloe heibat, soe­da tentoe sadja ia 'mkamgoan dan mengedjer dari blakang.

„Tam Swat Yong, kaloe kaoe mendesek katerlaloean, terpaksa akoe moesti ambil djalan pendek, de­ngen tida ambil perdoeli segala apa,” berseroeh See Tjong Pin jang dikedjer. „apa kaoe kira akoe takoet padamoe ?”

„Kita orang poenja permoesoehan ada terlaloe be­sar dan tida bisa idoep sama-sama di dalem ini doenia !” kata Tam Swat Yong sambil kretek gigi. „Boe­wat sekarang tida perloe kaoe banjak bitjara lagi.”

Ngo-in-pang-djit lantas berlompat ka depan dari menoedjoe ka atas gcntengnja roemah samping timoer. Tam Swat Yong sambil kretek gigi teroes mengoeber sekali poen ia soeda taoe See Tjong Pin poenja liap-hoen-teng ada sanget berbahaja.

Itoe waktoe Ngo-in-pang-djit liap-hoen-teng See Tjong Pin soeda meliwatin woewoengan dan sampe di atas gentengnja- emper blakang, sedeng Tjiehiong-piao Tam Swat Yong memang maoein djiwanja See Tjong Pin boewat membales kamatiannja iapoenja soewami. Kie-boen-kiam Kim Boen Kiem, maka lebih siang ia soeda ambil doewa piao dalera tangannja, tida perdoeli bagimana djoega, ia berniat malepasken itoe doewa piao ka djoeroesan bagian badannja sang lawanan jang bisa membawa kamatian ; tetapi baroe sadja ia bergerak boewat melepasken itoe doewa piao, di atas genteng emper blakang soeda kadengeran See Tjong Pin berseroeh.

„Tam Swat Yong! kaoe mentjari mati sendiri dan boekan akoe poenja sala !” kata ia sambil menggerakin tangan kanannja.

Berbareng dengen itoe, tertampak anem benda jang mengkilap dan mengkredep seperti bintang menjamber ka djoeroesan Tam Swat Yong; aken tetapi Tam Swat Yong poenja doewa piao poen soeda dilepasken, hingga bagian atas jang menjamber ka djoeroesan dada dan peroet semoewa kena dibikin antjoer oleh Tara Swat Yong poenja doewa piao. Sedeng doewa liap-hoen-teng jang ditoedjoeken pada Tam Swat Yong poenja bagian tengah, lantaran See Tjong Pin poenja dada kanan soeda mendapet loeka katimpa satoe piaonja Tam Swat Yong, tangannja tida bisa digerakin dengen laloewasa, hingga ia djoedjoe terlaloe rendah dan mengenaken woewoengan roemah, sedeng doewa lagi jang ditoedjoeken kabagian bawah, pasti sadja tjoema melanggar genteng di sabelah bawahnja woewoengan. Tjoema sadja sala-satoe liap-hoen-teng jang mengenaken woewoe­ngan lantaran mengenakennja woewoengan tida ba­njak, telah meledjit dan menjamber ka djoeroesan peroetnja Tam Swat Yong, biar poen ia memboewang diri ka atas genteng, tida oeroeng mengenaken iapoenja poendak kanan, rasanja begitoe sakit dan ampir sadja ia djato ka bawah. Tetapi sabisanja ia tahan dan berlompat bangoen.

„Hei, orang she See!” berseroeh ia. „Kim Toa Naynay aken dateng lagi boewat kadoewa kalinja. Harep kaoe toenggoe sadja !”

„Harep sadja kaoe bisa dateng lagi,” saoet See Tjong Pin, „agar djangan sampe mati akoe tida bisa merem.“

Tam Swat Yong rasaken poendaknja jang terkena liap-hoen-teng sanget sakit, tetapi ia kerasken hati berlaloe dari fabriek tenoen Hin-liong dengen memake djalan dari genteng roemah, satelah meliwatin Phoa-kee-kio, Tam Swat Yong rasaken loekanja tida bisa katahan lagi sakitnja, laloe ia berdoedoek di pinggir djalanan boewat mengaso, ia ambil kantong piao digigit di moeloetnja, soepaja bisa menahan pengrasahan sakit, dengen tabah ia tjaboet kaloewar itoe sendjata resia dari loekanja, satelah itoe pakoe ditjaboet kaloewar, darah dengen lantas mengalir kaloewar. Lebih doeloe ia taro itoe liap-hoen-teng di moeka boemi, kamoedian ngangnahken moeloetnja kaloewarken itoe kantong piao jang ia gigit, dengen satoe salampe ia bikin bresih darah jang mengalir kaloewar dari loekanja, kamoedian itoe loeka dibeberin obat boeboek peranti mengobatin loeka. Rasanja ada begitoe sakit, biar poen ia kretek gigi boewat menahan, tetapi badannja mengeloewarken kringet dingin. Bebrapa kali ia maoe boenoeh diri, soepaja terlepas dari ini kasakitan heibat. Tjoema sadja ia tida tega meninggalken Siao Tiap jang tertjinta. Ia pikir taro kata moesti mati poen lebih baek di roemah sendiri. Maka ia pikir maoe poelang doe­loe ka roemah boewat bertemoe satoe kali lagi sama anaknja jang tertjinta.

Ia poengoet itoe sendjata resia — liap-hoen-teng jang meloekaken padanja, dan simpen dalem iapoenja kantong piao, kamoedian ambil iapoenja pe­dang, paksaken diri boewat berbangkit, tjoema sadja iapoenja tangan kanan soeda tida bisa digoenaken, kerna kaloe digerakin rasanja sanget sakit, saban kali ia bertindak saban kali loekanja merasa sanget sakit. Inilah ada keadahan sanget heibat, pertama itoe waktoe soeda djaoeh malem, kadoewa ia mendapet loeka jang tida enteng, tetapi moesti berdjalan begitoe djaoeh, maka ia liwatin Song-sie-kee dan sampe di Thung-kee-lang, perloe memake tempo doewa djam lebih. Tatkala ia maoe berlompat ka atas genteng, sabagimana pada waktoe ia brangkat dari roemah, ternjata ia soeda tida ada itoe kamampoean lagi, terpaksa ia mengetok pintoe dengen goenaken pedangnja.

Kim Ong sedari madjikan prampoewannja brang­kat pergi, tida berbeda seperti ajam jang maoe bertelor, masoek sala, kaloewar tida bener, doedoek tida enak djalan poen tida karoewan rasanja. Beroelang-oelang ia melongok ka roemah blakang, maoe liat apa sang madjikan prampoewan soeda balik poelang atawa belon. Tengah malem soeda liwat, tetapi sang madjikan prampoewan masi belon djoega balik poe­lang; beroentoeng Siao Tiap tidoer dengen njenjak, tida mendoesin mentjari iboenja. Tinggal Kim Ong berdoewa sama baboe, iaorang bingoeng dan goegoep tida taoe apa jang moesti diperboewat, sedeng itoe baboe lantaran anggep madjikan prampoewan pergi mentjari moesoeh jang binasaken madjikan lelakinja, banjakan tjilakanja dari pada selamatnja, maka teroes meneroes ia koetjoerken aer mata terlebih lagi pada sasoedanja liwat tengah malem, sang ma­djikan prampoewan masi belon kaliatan poelang djoega. Itoe baboe bernjali ketjil, roemah begitoe besar, itoe waktoe tjoema tinggal ia bersama Siao Tiap jang soeda tidoer, sang madjikan prampoewan tida ada, sedeng Kim Ong berdiam di loewar, tam­bahan di pertengahan roemah ada dikoeboer maitnja sang madjikan lelaki, iapoenja pengrasahan takoet djadi bertambah, maka pada waktoe Kim Ong ma­soek ia tida kasiken itoe boedjang toewa jang setia pergi kaloewar lagi. Satelah berselang sakoetika lamanja, Kim Ong merasa koewatir kaloe ada orang ketok pintoe, kaloe ia berdiam di blakang, tentoe tida bisa kadengeran djika ada orang ketok pintoe.

„Kaoe djangan katakoetan,“ kata ia pada itoe baboe, „takoet tida ada goenanja! Kaloe menoeroetakoe poenja pemandangan, madjikan prampoewan pergi ka fabriek tenoen Hin-liong, banjakan tjilakanja dari pada selamat, sekarang akoe maoe pergi ka sana boewat mendapet taoe keadahan jang sabenernja, apabila soeda bisa dapet taoe keadahan sabetoelnja, akoe bisa lega pikiran, djangan seperti sekarang bisa bikin orang djadi iboek dan poesing satengah mati; apabila tjilakanja bener-bener ia soeda binasa di tangannja moesoeh, akoe poen bisa rawat iapoenja mait, madjikan prampoewan idoepnja begitoe poenja keras adat-tabeatnja, pada sasoedanja ia mati tida boleh diperlakoeken sembarangan oleh laen orang.“

Sahabisnja berkata begitoe, Kim Ong lantas pergi ka loewar dengan tersipoe-sipoe, kabetoelan sasampenja di loewar ia dapet denger ada orang ketok pintoe dengen barang keras dan antep. Itoe waktoe Kim Ong soeda nekat dan tida seperti biasanja penakoet.

„Kaoe orang tida perloe menggedor pintoe !“ berseroeh ia. „Di sini masi ada doewa satengah djiwa, apa ini djoega kaoe orang maoe binasaken sekalian?“

„Kim Ong kaoe djangan mengatjo-belo, ini akoe jang poelang!“ kata satoe soewara prampoewan dari sabélah loewar.

Kim Ong djadi sanget girang, sebab ia kenalin soe­wara orang jang mengetok pintoe, boekan laen dari iapoenja madjikan prampoewan, dengen tida merasa ia berseroeh sabagi orang jang bersoerak, boeroe-boeroe ia boekaken pintoe dengen terpentang lebar. Itoe waktoe Tam Swat Yong dengen limboeng masoek ka dalem. „Toa Naynay, kaoe kenapa sempojongan?” menanja Kim Ong dengen penoeh kakoewatiran.

Tetapi Tam Swat Yong tida mendjawab, hanja bertindak masoek ka dalem dengen tjepet. Kim Ong boeroe-boeroe toetoep lagi pintoe dan mengikoetin madjikan prampoewannja masoek ka dalem. Tam Swat Yong masoek ka dalem dan teroes ka dalem kamar sendiri, sasampenja ia lemparken pedangnja dan boewang diri ka atas pembaringan, bisa dibilang ampir dalem sa'at itoe djoega ia djadi pangsan. Itoe waktoe Kim Ong mengikoetin masoek ka dalem kamar. Itoe waktoe djoega lantas dipasang doewa. lilin soepaja keadahan dalem kamar djadi lebih terang. Oleh kerna kaliatannja sang madjikan prampoewan keadahannja berbahaja, Kim Ong tida pikir lagi adat kabiasahan. Itoe baboe ambil sala-satoe tempat lilin jang baroe dipasang, ia bawa itoe lilin diboewat menjoeloehin moekanja sang madjikan prampoewan, jang ia awasin dengen terliti sakoetika lamanja, itoe tempat lilin jang ia lagi pegang djadi bergerak-gerak, sebab tangannja goemeteran. Achirnja itoe tempat lilin terlepas dari tangannja dan djato ka atas djoebin, berbareng dengen itoe ia menangis menggeroeng-geroeng.

Kim Ong hatinja mentjelos, sebab ia doega tentoe sang madjikan prampoewan dapet tjilaka; aken tetapi ia maoe liat dengen mata sendiri, sabetoelnja sang madjikan prampoewan keadahannja bagimana. Ia poengoet itoe tempat lilin dan dipasang lagi. Dengen panerangan lilin ia soeloei moeka dan toeboenja sang madjikan prampoewan, ternjata paras moekanja sanget poetjet dan tida ada barang sedikit warna darah, sedeng di poendak kanannja penoeh sama noda darah. Roepanja sang madjikan prampoewan soeda mendapet loeka jang tida bisa dikata enteng. Itoe waktoe sang baboe tida brentinja memanggil-manggil pada sang madjikan prampoewan, hingga Siao Tiap poen djadi mendoesin lantaran soewara riboet-riboet. Koetika meliat keadahan sang iboe begitoe roepa, laloe ia bangoen menjamperin, dengen mendekem di pinggir sang iboe dan mamegangin tangannja, ia menangis keras dan tiada brentinja memanggil-manggil sang iboe sembari mewek.

Lama djoega Tam Swat Yong djadi sedar dari pangsannja, tjoema sadja keadahannja sanget lemah. Itoe waktoe ia melekin kadoewa matanja dan meliat-liat ka depan, lantaran tangannja dipegangin oleh sang anak, ia tida bisa gerakin tangannja, tetapi iapoenja pikiran terang dan itoe waktoe ia bitjara pada sang baboe.

„Kaoe orang djangan takoet!” kata ia dengen soewara serak dan sember. „Akoe tida nanti aken mati, biar poen akoe mendapet loeka berat. Roepanja lantaran akoe soeda berdjalan sanget djaoeh, telah kahilangan banjak darah, maka sekarang rasanja sanget lemes dan baroesan bisa djadi akoe telah pangsan, kerna badankoe sanget lemah. Boewat sekarang paling perloe akoe moesti mengaso, maka Siao Tiap moesti diboedjoekin soepaja berlaloe dari sini......”

Berkata sampe di sini ia tjelingoekan dengen gerakan lemah, ia dapet liat pada Kim Ong jang di moekanja penoeh dengen tanda-tanda bekas aer mata, berdiri di pinggir pembaringan dengen mamegangin tempat lilin jang lilinnja menjala.

„Kim Ong kaoe ka sini,” kata. Tam Swat Yong dengen soewara lemah.

„Toa Naynay, kaoe poenja loeka bagimana?” menanja Kim Ong dengen soewara sasenggoekan. „Harep kaoe soeka bitjara dengen sabenernja.”

Tam Swat Yong poen mengeloewarken aer mata.

„Kim Ong, djangan takoet,” saoet sang madjikan prampoewan, „akoe tida djoestaken kaoe. Akoe poenja keadahan tida terlaloe berbahaja dan tida nanti bisa mati. Makanja kaliatan sanget pajah, lantaran terlaloe tjape dan kahilangan banjak darah; tetapi akoe poenja toeboeh sampe koewat boewat menahan semoewa kasengsarahan, kaoe tida perloe koewatir. Lagian akoe tida maoe mati, sebab akoe belon bisa bales kamatiannja Toaya. See Tjong Pin soeda goenaken lagi iapoenja sendjata resia jang berbahaja ― liap-hoen-teng; tetapi lantaran ia soeda diloekaken oleh akoe poenja sala-satoe piao, ia tida bisa malepasken itoe sendjata resia berbahaja dengen telak, inilah sebabnja akoe bisa balik poelang dengen bernjawa. Akoe dapet loeka di poendak kanan dan tida aken membahajaken djiwakoe. Sekarang akoe rasanja sanget aoes, tjoba antjoerin goela doewa mangkok, boewat akoe minoem.”

„Apa kaoe minoem aer goela baek?”

„Hajo, lekasan pergi antjoerin itoe goela, kaoe tida mengarti; akoe lantaran terlaloe banjak mengalirken darah dan terlaloe lelah, kaloe minoem itoe aer goela bisa menambah kakoewatan dan djoega bisa bikin anteng akoe poenja djantoeng jang bakerdja terlaloe keras.”

Kim Ong dengen tida banjak bitjara lagi lantas pergi ka dapoer masak aer panas, satelah berdidih lantas antjoerin doewa mangkok aer goela, kamoedian ia bawa masoek ka dalem kamar. Ternjata Tam Swat Yong satelah minoem itoe aer goela keadahannja rada mendingan. Ia soeroe itoe baboe angkat ia bangoen berdoedoek di pembaringan, dengen pelahan ia minoem itoe doewa mangkok aer goela sampe abis.

Menoeroet ilmoe pengobatan Tionghoa, kaloe saorang mendapet loeka dan kaloewar banjak darah, tida kaboeroe dapetken obat dan sinshe jang bisa mengasi nasehat moėsti makan obat apa, minoem aer goela anget ada soeatoe tjara jang sanget baek boewat membikin koewat badan dalem itoe sa'at jang berbahaja. Tam Swat Yong dapet pengadjaran dari sang ajah jang banjak pengalamannja, maka satelah minoem aer goela dan mengaso sakoetika lamanja, Tam Swat Yong tida begitoe lemah lagi seperti bermoela, laloe ia panggil Kim Ong dateng deket ka pembaringannja. Itoe waktoe baboe soeda bisa boedjoekin Siao Tiap pergi tidoer lagi. Tam Swat Yong lantas toetoerken dengen ringkes apa jang telah terdjadi pada Kim Ong dan itoe baboe, kerna Siao Tiap soeda tidoer lagi. Kamoedian ia pesen pada Kim Ong, nanti kaloe langit soeda terang, salekasnja ia bawa satoe soerat recept boewat membeli obat, sebab ia paham ilmoe mengobatin prihal loeka-loeka, hingga tida perloe minta pertoeloengannja sinshe (thabib). Salaennja itoe, ia kasi mengarti djoega pada Kim Ong, tida perloe berkoewatir, sebab iapoenja loeka tida berbahaja bagi djiwanja, salaennja itoe ia Tam Swat Yong) tida nanti aken soeroe Kim Ong poelang, seperti doeloean ia soeda berboewat, sebab sekarang keadahan soeda berobah, hingga tida perloe lagi soeroe Kim Ong poelang ka kampoengnja.

„Nanti pada sasoedahnja akoe poenja loeka soeda mendjadi baek,” kata sang madjikan prampoewan pada itoe boedjang setia, dengen membawa Siao Tiap akoe aken brangkat pergi ka Houw-gee-san Tjipsian-tjhung, boewat minta pertoeloengannja akoe poenja ajah soepaja ia balesken itoe sakit hati atas kabinasahannja Toaya. Sekarang pada sasoedanja akoe mengadoe djiwa sama See Tjong Pin dan djiwakoe tida binasa, sabagi gantinja tjoema mendapet ini loeka jang tida terlaloe berat, akoe bisa katemoeken ajahkoe dengen moeka terang. Salaennja itoe, orang bisa hargaken poetrinja Tam Tjoe Sian dan istrinja Kim Boen Kiem boekannja boleh diboewat sembarangan!” rangan !"

Kim Ong poenja kakoewatiran sekarang soeda ilang saparonja, laloe ia pesen pada baboe soepaja meladenin pada Tao Naynay dengen betoel, sebab ia maoe pergi kaloewar. Pada waktoe langit soeda moelai terang, Tam Swat Yong soeroe baboe iapoenja koempoelan soerat-soerat jang berada di dalem lemari, kamoedian ia pilih satoe antaranja dan panggil Kim Ong, soeroe ia pergi beli di roemah obat. Itoe obat sama sekali ada anembelas matjem,jang semoewanja moesti digiling mendjadi boeboek, tetapi itoe anembelas matjem obat satelah digiling mendjadi boeboek, tida boleh ditjampoer adoek men­djadi satoe, hanja saban roepanja haroes diboengkoes dengen terpisa sendiri-diri. Kim Ong satelah mene­rima itoe pesenan lantas pergi beli ka roemah obat dengen salekasnja.

Satelah Kira Ong soeda dapet beli obat, dengen tjepet lantas ia poelang ka roemah dan kasihken 16 boengkoesan itoe pada iapoenja madjikan prampoewan. Tam Swat Ytang pilih sendiri dan boewang apa jang tida perloe dipake. Inilah mendjaga agar djangan sampe resia recept obat ini diketahoei oleh laen orang - kamoedian ia beberken itoe obat di loekanja. Regitoelah Tam Swat Vong dengen sabar menoenggoe semboehnja iapoenja loeka, dan ternjata iapoenja kasehatan sehari dengen sehari bertambah baek. Sesoeda liwat doewa poeloeh hari lebih ia poen soeda moelain bisa bergerak seperti biasa lagi.

Pada satoe hari sasoeda ia merasa badannja soeda koewat betoel, lantas ia boengkoes sedikit pakean, dan kamoedian ia panggil Kim Ong dan baboenja Siao Tiap-dji, bilang: „Kim Ong, ini han akoe de­ngen Siaoya hendak brangkat pergi ka Houw-geesan Tjip -sian -tjhung boewat minta pertoeloe^ngannja akoe poenja ajah. Kaoe berdoewa jang soeda ambil katetepan tida maoe pergi dari ini roemah, maka itoe akoe minta kaoe orang soeka djaga ini roemah baekbaek dan salekasnja bisa akoe poen aken kombali. Moga-mogahan kita bisa lekas bertemoe dengen selamet."

Kim Ong dan baboe mengarti bahwa mareka tida bisa menjegah kamaoean madjikan prampoewannja,maka mareka tjoema bisa oetjapken padanja soepaja berhati-hati di tengah djalan dan bisa poelang de­ngen tida koerang soewatoe apa-apa.

Tam Swat Yong sasoeda pasang hio di depan aboe soewaminja kamoedian ia dengen Siao Tiap-dji brangkat dari kota Yangtjioe menoedjoe ka OUWT pak. Oleh kerna ia baroe semboeh dari .sakitnja jang berat itoe dan kakoewatan badannja belon kombali lagi sapenoehnja, tertambah lagi, di sepandjang perdjalanan hawa oedara ada amat djelek dan ampir saban hari tida brenti brentinja toeroen oedjan. Dari itoe hingga di pertengahan Djie-gwee baroelah marika bisa sampe di Houw-gee-san. Sabagimana se­perti pembatja tentoe belon loepa jang di permoelaan tjerita ini ada terloekis satoe prampoewan moeda dengen satoe anak tanggoeng menoenggang doewa ekor kalde, pada satoe pagi waktoe baroe sadja teran:»'tanah, dengen pelahan berdjalan menoedjoe ka Tjipsian-tjhung.

Tam Swat Yong sambil menoendjoek ka depan dan seraja bilang pada Siao Tiap-dji, „kaoe liat itoelah ada goenoeng Hwee-in-nia dan Tjip-sian-tjhung berarti ~soeda sampe di depan mata kita. Kaoe harpes berhati-hati djangan nakal dan kabanjakan omong.Kita orang sekarang soeda tida poenja roemah lagi boeat poelang, dan dateng kasini boeat minta pertoeloengan pada kaoe poenja 'nkbng loear oentoek membales sakit hati ajahmoe."

„Iboe, kaoe djangan ,slempang," mendjawab Siao Tiap-dji dengen lantas. „Biarpoen oemoerkoe masi moeda, akoe poen mengarti bahwa ajahkoe telah menoetoep mata dengen setjara jang begitoe mengenesken, maka biar bagimanapoen akoe rnoesti bales sakit hati itoe."

Seraja marika landjoetken perdjalanannja déngen sembari mengobrol, tida terasa marika telah sampe di moeka kampoeng Tjip-sian-tjhung.

Tjip-sian-tjhung terletak di bawah kaki goenoeng Hwee-in-nia. pemandangan di sapoecernja ada sanget permei dan indah, kabetoelan itpe koetika soeda ampir sampe di bagian pcngabisan dari moesim semi (Tjoen), maka djoega segala boengah-boengah dan poehcen-poehoen selagi berada dalem keadahan jang sedeng soeboernja; tida heran djikaloe iloe soeda menambahken kaeilokannja pemandangan.

Tjip-sian-tjhung adalah satoe kampoeng jang tida sebrapa besar dan pcndoedoeknja poen tjoema ada kira-kira doewapoeloeh atau tigapoeloeh roemah. Di antara roemah-roemah ini ada satoe jang paling be­sar ; inilah ada roemah kapoenjahan Tjoe-bo-kim-so Tam Tjoe Sian. Roemah icoe ada terkoeroeng dengen pager bamboe, dan di loewarnja ini pager ada dita^min penoeh dengen poehoen-poehoen yanghoe.Di bagian dalem dari pager banjak ditanemin poe­hoen -poehoen to jang sedeng mekar boengahnja. Dibagian depan ini pager ada berdiri satoe roemah ketjil jaitoe adalah roemahnja pendjaga pinioe —Tam Hok, .Kabetoelan koetika itoe 1am Hok sedeng maoe kaloewar; dari belakang pager itoe ia dapet liat Tjie-hiong-pian Tam Swat Yong dengen Siao liapdji jang m a s i n g -masing menoentocn kaidenja mendat2ngin hendak masoek ka pintoe pager. Moelamoela ia tida kenalin siapa adanja, tetapi sasoeda la liat dengen lebih terhti lantas ia lari kaloewar boewat menjaniboet dan membri hormat seraja bilang, „ko Naynay, apa kaoe baroe sampe? Kenapa kita tida dapet kabar apa-apa terlebih doeloe tentang kadatengan kaoe ini?" Sembari bitjara Tam Hok sembari tanggapin boengkoesannja kadoewa mad jikan moeda itoe. Tetapi dari dandanan dan aer moekanja ka­ doewa orang ini menoeridjoeken marika ada sanget lesoe dan sedih, dari itoelah telah menimboelken Tam Hok poenja pengrasahan jang amat heran. Menoeroet iapoenja pengatahoean jang mertoeanja Ko Naynay ini berada di kota Yangtjioe dari familie Kim jang teritoeng ada satoe familie hartawan, djoega ia masi inget pada bebrapa taon jang telah lalae Ko Naynay poen soeda perna dateng, itoe koetika ia ada teranter dengen baboe dan boedjang-boedjang begitoe djoega membawa banjak barang-barang bingkisan. Tapi ini hari Ko Naynay soeda dateng dengen keadahan jang sademikian adanja. Inilah soeda menimboelken Tam Hok poenja pengrasahan, sanget heran. Tam Hok adalah satoe boedjang jang tadjem pikirannja dan terliti, maka itoe ia poen tida brani menanjaken apa-apa, katjoewali itoe perasahan heran jang timboel dalem hatinja.

Sasoeda ia trima itoe semoevva boengkoesan dan lantas toentoen itoe doewa ekor kalde sambil kaokin laen kawaimja — Ah Hwat jang dengen lantas da­ teng menghamperin. Ah Hwat ada satoe boedjang jang belon bebrapa lama bekerdja di sitoe, maka ia tida laoe sedeng berhadepan dengen siapa dan ia tida.ajal lagi lantas rnernbriken hormatnja. . Dan Tam Hok kasiken itoe doewa ekor kalde padanja boewat ditoentoen teroes ka kandangnja, sedeng ia poen lan­tas persilahken kadoewa iboe dan anak ma soek.

Begitoe lekas marika sampe di dalem roewangan roemah. Tam Swat Yong lantas tanja pada Tam Hok di mana iboenja berada dan apa Lo-tjhung-tjoe soe­ da baiigoen atawa belon. „Lo-tjhung-tjoe ada di kamar belakang lagi bersamedhi dan madjikan prampoewan selagi berada di kamar depan," menjaoet Tam Hok.

„Akoe haroes katemoeken iboekoe doeloe," berkata poela Tam Swat Yong sambil manggoet-manggoet seraja berdjalan menoedjoe ka roewangan jang ditoendjoekin sedeng Siao Tiap-dji mengikoetin di belakangnja.

Sasoedah liwat bebrapa roewangan achirnja marika sampe di satoe tjimtjeh jang di sebelah oetaranja ada saderekan kamar-kamar. Tam Hok telah tjepetin tindakannja dan mendoeloein kadepan pintoe dari salah satoe kamar. Sembari ia berbatoek be~brapa kali sambil menanja dan bilang, „Ah Kwie,apa kaoe ada di dalem?" Dari dalem kamar lantas,terdenger soewaranja satoe anak prampoewan me­njaoet dan ia lantas kaloewar ; ternjata ia ada satoe boedak prampoewan jang baroe beroemoer kira-kira doevva atau tiga belas tahoen. Tam Hok lantas soeroe ia kasi taoe pada madjikan prampoewan bahwaKo Naynay dan poetranja soedah sampe dari Yangtjioe. Begitoe Ah Kwie masoek kadalem tida antara lama ia kaloewar kombali sambil mempersilahken Tam Swat Yong berdoewa masoek, sedeng Tam HoR telah trimaken marika poenja semoewa boengkoesan pada Ah Kwie. Hegitoe Tam Swat Yong soedah berada di dalem kamar ia dapet liat iboe tinnja se­deng doedoek di satoe korsi bamboe di pinggir tem­bok menghadepin satoe medja dan di atasnja soeda tersedia seperangkat pekakas thee dan satoe pendoepahan jang sedeng mementjarkcn asepnja jang sä­ nget haroem. Tjie-hiong-piao Tam Swat Yong me­nampak iboe tirinja berada dalem keadahan demikian,teringetlah ia kapada iboenja aseli jang soedah me­ ninggal doenia, hingga dengen tida terasa la telah koetjoerken aer inatanja. Sasoedah ia djalan madjoe kadepan bebrapa tindak laloe berloetoet di atas tanah memberi hormat seraja berkata,, Iboe, apakah iboe ada dalem keadahan baek? Anak soedah bebrapa tahoen tida dateng menengokin kaoe. Apa ajah poen ada dalem slamet?"

Seperti pembatja poen soedah taoe, bahwa T j in Liong T j eng ada istri Tjoe-bo-kim-so Tam Tjoe Sian jang kadoewa dan oemoernja poen ada terpaoet djaoe sekali. . Di itoe tahoen Tam Tjoe Sian soedah beroemoer 67 tahoen tetapi istrinja baroe 40 tahoen lebih, maka terbanding dengen poetrinja — Tam Swat Yong tida beda seperti 'ntji ade.

Tjin Liong Tjeng meliat Tam Swat Yong mem­beri hormat ia lantas berbangkit dari tempat doedoeknja dan berkata, ,,Ko Naynay soedah sadjalah, djangan kaoe terlaloe banjak berbitjara," tapi Tam Swat Yong malahan pegang tangannja Siao Tiap-dji se­ raja bilang padanja, „Tiap-dji, kasikenlah hormatmoe pada Ma loewar." Dengen tida ajal lagi Siao Tiap-dji poen djalanken hormatnja. Berbareng dengen itoe Tjin Liong Tjeng lantas tjekel lengennja Siao Tiap-dji sambil bilang, ,,Tiap-dji, kaoe soedah djadi begini besar, apakah masi inget pada kaoe poenja Ma-loewar?" Siao Tiap-dji telah menoleh ka atas dan sesaat kamoedian ia manggoetin kapalanja seraja berkata:, Akoe masi inget dan kenalin pada Gwa'ma."Kamoedian Tjin Liong Tjeng te'ah doedoek kombali ka tempatnja tadi dengen persilahken Tam Swat Yong berdoedoek.

Soedah sedari tadi bermoela poen memang Tjin Liong Tjeng sanget perhatiken gerakannja serta tampangnja Tam Swat Yong, oleh kerna itoe maka ia lantas moelai pertanjaannja dan bilang:

.,Ko Naynay, mengapatah kaoe begitoe poetjet serta koeroes' Djoega dalem perdjalananmoe jang sakean djaoehnja mengapatah tida ada barang satoe orang jang toeroet menganter?"

„Iboe, soedah bebrapa tahoen telah liwat akoe tida ada tempo boeat dateng menengokin pada ajah dan iboe, tapi akoe poenja kadatengan jang mendadak ini dengen sänget menjesel akoé moesti mëngatoerken jang akoe sasoenggoehnja ada membawa satoe warta jang sänget tida broentoeng, saoet Tam Swat Yong dengen tampang jang sedih.

Tjin Liong Tjeng djadi terprandjat dan lantas teroesken pertanjaannja : „Hal apatah jang tida broentoeng.'"',,SoeaVï'amikoe telah meninggal doenia, menjaoet Tam Swat Yong.

Mendenger penjaoetan Tam Swat Yong, Tjin Liong Tjeng maskipoen ia ada djadi iboe kadoewa boekan sad j a ia tida dapetken pengrasahan sedih dan itoe perkatahan tapi sebaliknja dengen doewa mata jang tadjem ia lirik kadoewa iboe dan anak itoe dan kaki sampe ka kapala, kerna Tjin Liong Tjeng ber­pikiran maskipoen tida bisa dibantah jang marika berdoewa pakeannja ada sänget saderhana dan ter­diri dari badjoe-badjoe jang boekan baroe, tapi me­ngapatah tida ada barang sedikitpoen jang menandaken marika selagi berada dalem keadahan berkaboeng (Toahah). Djoestroe inilah jang membikin Tjin Liong Tjeng poenja amarah dan berkata : „Kaoe poenja soewami soedah meninggal bebrapa lama? „Belon tjoekoep seratoes hari, iboe," saoet TamSwat Yong.

,,Di antara kaoe bersoewami-istri apatah barangkali telah lama ilang kaoe orang poenja katjintahan?Dan apatah moengkin djoega ini anak boekan darah dagingnja soewamimoe?" mendesek f jin Liong Tjeng dengen roman jang lebih moerka.

Mendenger perkatahan iboe-tirinja jang sademikian heibatnja, Tam Swat Yong telah djadi terprandjat ; ia lantas berbangkit dari tempat doedoeknja, menghamperin kadepan iboenja dan sigra berloetoet di tanah sambil berkata; „Iboe, akoe moehoen kaoe djanganlah mendjadi moerka terlebih doeloe. Akoe adalah djadi poetrinja dari satoe familie Tam jg. telah kaloewar-pintoe ; soedah tjoekoep akoe me­nerima pendidikan roemah-tangga, mengarti prihal adat-istiadat dan kabedjikan, dan di antara akoe bersoewami-istri poen senantiasa ada tjinta menjinta sä­nget kekel, rnaka dari itoe inilah ada poetranja soe'wamikoe jang sasoenggoehnja serta terlahir dari darah dagingnja soewamikoe jang aseli."

„Akoe sekarang poen mengarti, iboe," meneroesken Tam Swat Yong, „di dalem hati kaoe tentoe ada mendoegah bahwa soewamikoe telah meninggal doenia dan akoe soedah berboewat segala hal-hal jg.telah melanggar prikabedjikan dan kadjoedjoeran.Doegahan demikain poen ada beralesan, kerna di seloeroeh badankoe begitoepoen di badan anakkoe ini tida ada tertampak barang sedikit tanda jang menandaken kita selagi berada dalem berkaboeng dan kadatengankoe kasini adalah djadi terpandang tjoema oentoek menjerahken ini anak dan kamoedian aken teroes ment j ari laen soewami lagi sadja. Apabila sampe akoe betoel-betoel telah berboewat hal-hal jang demikian di loewaran, apatah goenanja akoe moesti kombali lagi ka Houw-gee-san jang tentoe aken me­nerima orang poenja hinaan dan bikin bernoda nama toeroenan familie Tam."

„Dengen sasoenggoehnja akoe moesti bilang," meneroesken Tam Swat Yong, „sekarang kadatengan­ koe ini adalah okh kerna boekan sadja ia soedah kailangan djiwa soewaminja dan djoega telah loedes Toemah tangganja; sasoedah soewami-istri mendjadi terpetjah belah dan di kota Yangtjioe soedah tida ada tempat lagi boewat akoe dan anakkoe berdiam. Inilah ada dari sebab desekan dari fihak moesoeh. Menginget akoe sekarang soedah tida ada laen djalan lagi, maka kapaksa akoe ambil katetepan boewat poelang ka Houw-gee-san, roemah-tangga ajah dan iboe, dengen mengharep sanget moehoen ajah dan iboe poenja petoendjoek-petoendjoek jang berharga.

Sasoedah oetjapken demikian, kamoedian Tam Swat Yong lantas toetoerken satoe per satoe apa jang soedah kedjadian di antara peristiwa soewaminja dan Boen Lam Hin dan sampe achirnja ia meninggal di bawah sendjata resianja Ngo-in-pang-djit See Tjong Pin — Liap-hoen-teng.

Baroe sadja Tam Swat Yong tjeritaken sampe di sini Tjin Liong Tjeng lantas pegat omongan itoe dan bilang: „Ja, akoe sampe terang maksoed kadatenganmoe ini. Sasoedah soewamimoe meninggal dan kaoe dengen membawa anakmoe dateng kasini boewat katemoeken ajahmoe jang penoeh dengen kasaktian oentoek minta toeloeng bikin pembalesan goena soewamimoe. Betoel atau bener, Ko Naynay? Tetapi bagimana dengen kepandean ilmoe silatmoe sendiri?"

„Kaoe belon denger sampe abis omongankoe, iboe," saoet Tam Swat Yong, „manatah akoe bisa berboewat sampe sademikian pengetjoet? Akoe adalah Ko Naynay jang kaloewar menikah dari kaloewarga Tjip-sian-tjhung; akoe adalah gadisnja Tjoe-bo-kim- so Tam Lo-enghiong; apabila akoe bener-bener kom bali dengen begitoe sadja sebagimana jang kaoe doegah, masatah ajah dan iboe bisa idzinken akoe dateng masoek lagi ka roemah ini?"

Pada itoe koetika, sasoedahnja akoe bikin beres pengoeboeran djinasatnja soewamikoe dan atoer apa jang perloe di dalem roemah tanggakoe; lantas akoe bersoempah di hadepan aboe soewamikoe jang akoe aken bikin pembalesan pada moesoe-moesoe jang soedah membinasaken padanja.

Akoe poen sampe mengarti jang akoe boekan ada tandingannja dari See Tjong Pin tetapi akoe ingin bertaroeng padanja sampe di sa'at jang aken memoetoesken siapa jang mati dan idoep.

Maka pada itoe malem djoega dengen tida ajal lagi akoe telah menjerboe masoek ka dalem fabriek tenoen Hin Liong.

Di dalem pertempoeran akoe dengen Ngo-in-pang-djit See Tjong Pin jang telah mendjadi satoe perkelaian mati atawa idoep, sekalipoen akoe telah goenaken Tjie-hiong-piao dan lepasken itoe dengen dahsjat dan sampe bisa bikin loeka padanja, tetapi toch memang dasarnja akoe boekan ada iapoenja tandingan dan ia soedah goenaken satoe kali lagi sendjata resianja jang terlarang dipake di kalangan Kang-ouw terhadepkoe. Memang sasoenggoenja sendjata itoe ada amat lihay dan akoe poen soedah tida bisa menjingkir dari toe serangan jang sanget berbahaja jang mana achirnja telah membikin akoe dapet loeka-loeka sanget berat. Itoe koetika akoe sanget mengharep soepaja ia teroesken serangannja dan abisken sadja djiwakoe. Tetapi, iboe, siapa njana jang itoe toewa bangka roepanja memang tida ada niatan aken ambil djiwakoe, malah sebaliknja — tida taoe ia dapet mengatahoein dari mana akoe poenja asal oesoel. Akoe bisa bilang begitoe oleh kerna itoe masa, dengen setjara sanget sombong dan soeara besar ia telah mengoetjapken perkatahan jang sanget menghina dan bilang: Orang bilang soedah sanget broentoeng soedah bisa boenoeh satoe Kim Boen Kiem, tetapi sasoenggoehnja sekalipoen bisa boenoeh sampe sepoeloeh Kim Boen Kiem poen masih belon teritoeng begitoe berharga dari pada soedah bisa bikin loeka satoe Tjoe-bo-kim-so Tam Tjoe Sian poenja anak prampoewan." Lebih djaoeh ia poen bilang jang ia sanget inginken bikin satoe pertemoean dengen itoe djago toea dari kalangan Kang Ouw jang termashoer; ia nanti toenggoe dengen soenggoeh soenggoeh kadatengannja ajah di kota Yangtjioe.

Menginget jang ajah poenja oesia soedah tinggi sasoenggoehnja akoe poen tida ingin ganggoe padanja, tetapi apa tjilaka, sekalipoen akoe masi berada dalem satengah oemoer, dengen rasa menjesel jang akoe soedah tida bisa indjek kota Yangtjioe sedeng ini anak — Siao Tiap-dji jang nasibnja malang masi beroesia sanget moeda; di dalem keadahan jang demikian serba katoetoep, maka akoe telah pikir tida ada laen djalan lagi katjoewali dateng mengadep pada orang toea sendiri.

Akoe sebagi satoe anak prampoewan, tentoe sekali akoe tida merasa kaberatan terhadep djiwakoe sendiri; tapi jang akoe paling poedjiken dan harep dengen sagenap hati adalah soepaja bisa melindoengin. ini satoe-satoenja djiwa goena menjamboeng toeroenan soewamikoe — Kim Boen Kiem.

„Iboe,” begitoelah Tam Swat Yong toetoep perkatahannja, „apakah kaoe soedi maloemken padakoe ini?”

„Kaoe bangoenlah Ko Naynay, perkara soedah mendjadi begini; apa maoe dikata! Kaoe berdoewa telah melaloein perdjalanan jang begitoe djaoeh dan soedah tentoe ada sanget lelah, sekarang kaoe boleh pergi mengasoh doeloe dan menoenggoe, apabila ajahmoe soedah selesei bersamedhi kaoe boleh katemoeken ia. Tetapi akoe peringetken dengen sanget, djanganlah kaoe berbitjara sembarangan di hadepannja kerna kaoe haroes taoe bahwa ajahmoe soedah lama tida tjampoer tangan lagi tentang oeroesan-oeroesan dari kalangan Kang-ouw. Apapoela sebagimana kaoe poen taoe jang soewamimoe ada bertabeat sombong sekali; ia merasa diri sendiri tjoekoep paham ilmoe silat ditambah poela dengen keadahan jang broentoeng mendjadi satoe soedagar hartawan dalem kota Yangtjioe, maka tida heran kaloe ia lantas tida pandang pada laen orang.

Orang jang dengen tabeat demikian masatah bisa tida dapet mendatengken bahaja. Sekarang orangnja poen soedah tida ada lagi, tetapi akoe poen boekan bermaksoed mendjelekin padanja. Maka djika menoeroet akoe poenja pikiran paling baek kaoe bersabar doeloe, toenggoe sampe soedah liwat bebrapa hari baroelah kita berdaja bagimana pantasnja," berkata Tjin Liong Tjeng seraja perentahken satoe baboe anterken Tam Swat Yong berdoewa ka kamar samping jang memang soedah disediaken terlebih doeloe.

Sasampenja di kamar terseboet Tam Swat Yong merasa hatinja ada sanget piloe dan pedih, walaupoen begitoe toch ia tida bisa berboewat laen dari pada bersedih dan menangis.

Tetapi sebaliknja Siao Tiap-dji dasar anak laki- laki — biar oemoernja masi moeda hatinja ada lebih tegoeh, soesoetin aer mata iboenja sambil boedjoekin ia djangan menangis.

„Kaoe taoe apa, anak goblok! Djika ini waktoe iboekoe jang aseli masi ada, dan kita dapet katjilakahan seperti begini, akoe bisa pastiken ia aken koetjoerken setaoe sampe brapa banjak aer mata. Beginilah rasanja orang jang tida poenja iboe!" saoet Tam Swat Yong kapada poetranja.

„Iboe, djangan kaoe terlaloe berdoeka, akoe rasa Aki-loewar tentoe aken oeroes perkara ini," memboedjoek lagi Siao Tiap-dji.

Tam Swat Yong sambil golengken kapalanja berkata, „Ini djoega belon bisa dibilang apa apa terhadep ini oeroesan, paling baek kaoe djangan Sekali-kali bitjara sembarangan. Djika perkatahan tadi dapet didenger oleh Ma-loewar, ada banjak harepan ia aken moerka dan kamanatah kita bisa pergi bernaoeng?"

Siao Tiap-dji jang mendenger perkatahan iboenja manggoetin kapalanja dan tida bitjara lagi.

Di kamarnja Tam Swat Yong ada sanget sepi, tida terdenger ada soewara apa-apa katjoeali, soewara kateproekannja dari tindakan boedjang-boedjang. Begitoelah sateroesnja marika diam di kamarnja; sampe kira-kira soedah liwat tengah hari baroelah dateng satoe boedak soeroean Tjin Liong Tjeng mengasi taoe, bahwa marika sekarang boleh pergi ka kamar belakang boewat katemoeken Tjoe-bo-kim-so Tam Tjoe Sian.

*

Tjie-hiong-piao Tam Swat Yong dan Siao Tiap-dji teranter oleh boedak Ah Kwie menoedjoe ka kamar belakang di tempat mana Tam Tjioe Sian bersamedhi. Begitoe lekas marika sampe di depan pintoe kamar itoe, Ah Kwie lantas boekaken kere bamboenja seraja bilang: „Ko Naynay, silahken masoek sendiri, akoe tjoema bisa anter sampe di sini. oleh kerna kita orang tida diperkenanken masoek ka dalem kamar." Satelah bilang begitoe ia lantas balikin badan dan berlaloe.

Tam Swat Yong toentoen anaknja masoek ka dalem kamar itoe. Ternjata kamar itoe ada satoe kamar ketjil, di sini tida tertampak barang-barang jang mentereng, tetapi kaliatannja ada sanget keren dan angker. Semoewa perkakas roemah roepanja ada terawat sanget resik, kerna ternjata di atasnja tida ada sedikit poen aboe, dan tjahaja mata hari poen ada tjoekoep terang.

Tjoe-bo-kim-so Tam Tjoe Sian tertampak sedeng bersila di atas satoe korsi besar di sabelah tembok barat. Maskipoen oesiahnja soedah tinggi, tetapi tida ada sedikit kaliatan lojo, malahan mbekanja tertam­ pak lebih merah dan bertjahaja, dan ada sangét keren.

Tam Swat Yong madjoe kahadépan. ajahnja dan berloetoet seraja berkata: „Ajah, anakmoe soedah lama tida dateng menjambangin, ma'afkenlah! Apa ajah ada baek?"

Siao Tiap-dji poen tida ajal lagi lantas berloetoet dan hatoerken hormatnja.

Tam Tjoe Sian sasoedah meliat marika masing-masing memberiken hormatnja sambil oesap djenggotnja jang berwarna oengoe dan berkata: „Ko Naynay, kaoe masih inget pada ajahmoe jang toea ini? Bagoes! bagoes! silahken kaoe orang masimg-masing doedoek."

Tam Swat Yong tida beriken penjaoetan, lantas doedoek di satoe korsi, di depan djendela dan Siao Tiap-dji berdiri di sampingnja. Sabelonnja ia bertemoe dengen ajahnja, ia merasa ada sapget banjak perkara jang- aken dibitjaraken, tetapi sasoedah ia bertemoe. ia tida taoe apa jang haroes dibitjaraken terlebih doeloe.

Tam Tjoe Sian memandang pada marika iboe dan anak berdoewa dan menarik napas, seraja bilang; „Saoemoer idoepkoe jang akoe selaloe pikirken jaitoe djanganlah akoe sampe karembet-rembet oleh per­kara anak tjoetjoe, tetapi sekarang ternjata akoe soedah terlibet dengen perkaramoe ini; soedah begitoe banjak tempo jang akoe soedah boewang boewat asingken diri dari doenia loewar, sekarang soe­dah mendjadi sia-sia sadja. Baeklah sekarang kaoe tjeritaken tentang kadjadian-kadjadian jang berhoeboeng dengen kamatiannja soewamimoe. Tetapi inget! Kaoe tida boleh berdjoesta." Tam Swat Yong sembari menjapoe aer matanja seraja bilang, „Ajah, ma'afkenlah anakmoe jang ber­dosa ini. „Apakah akoe ada begitoe banjak kabranian boewat mendjoesta pada kaoe?”

Kamoedian Tam Swat Yong lantas toetoerken dari awal sampe achir tentang bentrokan antara doea fa­briek tenoen Lo-boen-kie dan Hin Liong. Sepandjang Tam Tjoe Sian mendengerken katerangan poetrinja berbitjara tida brentinja ia gojang-gojang kapalanja. Sasoedah ia denger, selesei katerangan itoe baroelah ia berkata: „Ko Naynay, djika mendenger kateranganmoe ini, maka pantaslah Kim Boen Kiem telah terboenoeh oleh moesoehnja, saolah-olah ia telah mengoendang kamatian sendiri. Tetapi Ngo-in-pangdjit See Tjong Pin poen ada terlaloe kedjem, ia soedah melanggar oendang-oendang Kang-ouw tentang memake sendjata resia. Akoe poen ada mempoenjain tjara-tjara jang aken membikin beres. Begitoe djoega akoe sampe mengarti maksoedmoe dateng kasini boewat minta akoe toeroen tangan membales sakit hati soewamimoe.”

„Ajah, hareplah kaoe djangan ragoe-ragoe,” menjelak Tam Swat Yong. „Apabila poetrimoe masi bisa dapetken laen djalan boewat ia lolosken dirinja, ia poen tentoe tida nanti brani ganggoe katentreman hati ajahnja. Akoe poen tahoe bahwa perboewatankoe ini ada tida betoel, tetapi oleh kerna gentjetan-gentjetan dari fihak moesoeh ada sanget heibat dan akoe poen soedah tida bisa dapetken laen tempat boewat bernaoeng lagi selaennja dari ajah, maka akoe memoehoen ajah soeka kasianin iboe dan anak jang bernasib malang ini. Dan djika sebaliknja sampe akoe berdoewa moesti terloentah-loentah di tempat laen, apatah ini boekan djadi satoe hina'an boeat ajah? Dari itoe akoe moehoen beriboe ma'af dan harep ajah soedi briken akoe petoendioekmoe jang berharga. Djika sampe ajah merasa kaberataii boe-wat akoe tinggal di sini, ini tida kenapa asal sadja ajah briken idzin akoe titipken Siao Tiap-dji di sini,kerna inilah ada darah dagingnja Kim Boen Kiem; djiwa satoe-satoenja jang aken menjamboeng toe-roenan familie Kim."

Tjoe-bo-kim-so Tam Tjoe Sian gojang-gojang kapalanja seraja bilang: bahwa ia soedah bertahoen-tahoen tida tjampoer tangan dengen kalangan Kangouw, tetapi sekarang oleh kerna jang bersangkoetan di dalem perkara ada anaknja sendiri, maoe tida maoe soedah tentoe ia tida bisa peloek tangan sadja, tetapi begitoe djoega ia tida bisa berboewat djika ia sabelonnja menjelidikin terlebih djaoeh. Dan ia poen lantas prentahken poetrinja boewat bersabar doeloe sampe ia kasi kabar lagi.

Tam Swat Yong bersama Siao Tiap-dji dengen hati piloe serta mengandoeng sedih melaloein kamar ajahnja; marika djoega tida mampir lagi di kamar Tjin Liong Tjeng dan teroes menoedjoe ka kamar depan kamarnja sendiri. Sesampenja dalem kamar, Tam Swat Yong berpikir dan dapet anggepan bahwa boekan sadja iboe tirinja sendiri djoega telah trima itoe dengen roman jang adem. Menginget sampe disini sambil mengoetjoerken aer mata, ia pikir lebih baek binasa sadja di bawah sendjata resia moesoenja di kota Yangtjioe. dari pada moesti menanggoeng sengsara jang sedemikian beratnja. Tetapi sekarang perkara soedah djadi kepalang tanggoeng, djoega soedah tida ada laen djalan, selaennja dari pada siang dan malem berdiam di kamarnja jang soenji senjap seperti koeboeraii adanja.

Tempo telah liwat seperti anak panah terlepas dari boesoernja, tida terasa lagi Tam Swat Yong tinggal di Tjip-sian-tjhung soedah tiga hari lamanja. Pada hari itoe Tjin Liong Tjeng telah oendang pada Tam Swat Yong dan menerangken bahwa ia aken brangkat poelang doeloe ka roemah iboenja oleh kerna ada satoe perkara jang soedaranja tida bisa bikin beres sedeng ajahnja — Tjin Giok Tjoan memang telah meninggal doenia sedari lama, maka kapaksa ia moesti djoega poelang boewat toeroen tangan sendiri. Berbareng dengen itoe ia poen tida loepa boewat nasehatin Tam Swat' Yong soepaja berdiam dengen tenang dan menoenggoe doeloe, sampe ia kombali lagi; dan rawat baek-baek Siao Tiap-dji. Banjak harepan jang itoe oeroesan aken dapetken kapastiannja.

Tam Swat Yong tida kasiken penjaoetan apa-apa, di itoe masa melaenken ia tjoema bisa toeroet sadja apa jang laen orang ada oataraken. la poen sampe mengarti bahwa ia sekarang sedeng menoempang.

Walaupoen ajahnja ada ajah aseli tapi tentang oeroesan roemah tangga semoea soedah tentoe ter­serah pada iboe-tirinja. Maka ia poen soedah ambil katetepan jaitoe, melaenken sabar dan menoenggoe. Djika marika betoel-betoel tida maoe taoe dan oeroes perkaranja, soedah tentoe ia haroes mengambil kapoetoesan sendiri, agar djangan sampe teranggep oleh ajah dan iboenja jang ia tjoema ada satoe prampoewan jang pengetjoet dan tida brani berkorban.

Tjin Liong Tjeng telah brangkat dengen berpakean jang saderhana dan tjoema satoe boengkoesan ketjil dan sabatang pokiam.

Tam Swat Yong sedari ditinggal pergi oleh iboe tirinja, ia poen tida ada kerdjahan jang tertentoe, maka boewat meliwatin tempo jang iseng, ia djadi lebih banjak goenaken perhatian pada pengadjaran ilmoe silatnja Siao Tiap-dji; siang dan malem la didik poetranja dalem segala tjabang ilmoe silat. Tida terasa lagi Tam Swat Yong tinggal di T]ipsian-tjhung soedah meliwatin satengah boelan lamanja, tetapi ajahnja masi djoega belon memberiken kabar apa-apa, begitoepoen iboenja ; jang mana telah menambahken kakeselannja terlebih dalem, tetapi tida djoega bisa didapetken tempat boeat melampiaskennja.

Memang peranginja Tam Swat Yong tida bisa disamaken dengen prampoewan-prampoewan laen jang lemah lemboet dan soemangetnja poen ada banjak sekali mirip dengen adat ajahnja — keras dan angkoeh soengkan boewat toendoek di bawah laen orang. Dari itoe djika menoeroetin kamaoeannja sendiri, ter­lebih siang ia soedah berlaloe dari Tjip-sian-tjhung, tapi itoe soedah tentoe ada tida baek, kerna djadi ada di loewar tahoenja ajah dan iboenja jang memang ia harep boeat titipin Siao Tiap-dji. Tetapi djika tambah satoe hari lamanja menoenggoe ini berarti tambah satoe hari poela poenja kakeselan.

Di antara orang-orang jang bersympathie terhadep Tam Swat Yong tjoema Ah Kwie sadja saorang, djoestroe ia sadja jang sering menghiboer pada Tam Swat Yong dan bersama-sama menangis.

Pada satoe pagi, Tam Swat Yong seperti biasa doedoek bersedih di dalem kamarnja dan Siao Tiap-dji sedeng memaen di loewaran. Tatkala itoe Ah Kwie dateng membawa thee masoek ka kamar, me­liat Tam Swat Yong sedeng menangis, lantas ia menghamperin seraja memboedjoek, „Ko Naynay, djanganlah kaoe terlaloe bersoesah hati, ini tjoema membikin roesak kaoe poenja kasehatan sadja dan nanti siapatah jang' aken pimpin Siaoya. Kaoe haroes bersabar, masatah nanti kaoe poenja sakit hati achirnja tida terbales?”

„Ai! Ah Kwie. bagimana kaoe bisa taoe betapa soesah hatikoe ini; akoe berpendapetan jang akoe soedah tida ada pengharapan boewat laen orang poe­nja pertoeloengan, maka itoe kepaksa akoe jang haroes toerden tangan djoega. Dan apabila ada soewatoe hari sampe betoel-betoel telah tiba, akoe moehoen pada kaoe soekalah rawat Siao Tiap-dji baekbaek."

,,Ko Naynay, djanganlah kaoe beranggepan begitoe!" menjelak Ah Kwie. ,,K-aoe moesti pertjaja nanti achirnja kaoe poen aken mengarti sendiri; bahwa tentang perkara ini Tjhung Tjoe dan Tjoebo tida aken biarken begitoe sadja. Akoe ini tjoema ada satoe boedak belian belaka, dan seperti kaoe poen taoe bahwa peratoeran di roemah ini ada begitoe keras sekali, maka kita orang boedjang-boedjang tida brani banjak bitjara meliwatin dari apa jang samoestinia. Sabetoelnja akoe poen merasa terharoe dan sedih meliat keadahan kaoe ini, tapi akoe poen tida berdaja. Tjoema jang akoe bisa pastiken jaitoe pert jajalah apa jang akoe bilang tadi, akoe tida nanti djoestaken kaoe dan akoe harep kaoe tida oesah beragoe-ragoe lagi tentang ini."

Tetapi Tam Swat Yong tetep tida pertjaja apa jang itoe boedak bilang padanja malahan la minta Àh Kwie pergi ka kamar ajahnja boewat moehoenken idzin soepaja ia boleh bertemoe.

Ah Kwie gojang -gojang kapalan ja seraja bilang ,,Ko Naynay, kaoe djangan terlaloe terboeroe napsoe. Roekan akoe tida soeka menoeloeng, kerna djika Tjhung Tjoe tida panggil padamoe djangan harep kaoe bisa katemoeken ianja. Apabila kaoe memaksa, ini tjoema aken menambahken kasoesahanmoe sen­diri sadja."

Mendenger perkatahan boedak ini. Tam Swat Yong djadi timboel sedikit tjoeriga dan ia djadi dapet pi­kiran boewat mentjari tahoe lebih djaoe hal-hal apa jang tersemboeni dalem perkatahannja, maka dengen lantas ia robah aer moekanja seraja bilang dengen menjindir; ,,Ja, memang akoe poen tahoe jg. nasibkoe sanget boeroek, sampeken ajahkoe sendiri soedah tida perhatiken padakoe, akoe aken toenggoe sadja di sini sampe akoe mati oleh kerna mereres. Ah Kwie, se­karang kaoe boleli berlaloe sadja, akoe poen hendak mengaso."

Sabenernja Ah Kwie soedah bertindak sampe di loewar pintoe, tetapi kerna mendenger perkatahan Tam Swat Yong itoe lantas ia balikin badan seraja berkata : ,,Ko Naynay, harep kaoe djangan djadi salah paham; kaoe ingin katemoe dengen Tjhuiig Tjoe itoe ada gampang, asal kaoe bisa toenggoe 10 atawa I5 hari lagi, itoe koetika maskipoen kaoe tida maoe katemoeken padanja, bisa dipastiken ia sendiri nanti tjàri padamoe."

Perkatahan Ah Kwie tadi soedah menambahken Tam Swat Yong djadi semingkin bertjoeriga, kerna di belakang itoe perkatahan soedah teranglah ada hal­-hal jang ia telah semboeniken atawa ada kedjadiankedjadian jang tida terdoegah, maka dengen soewara jang sebagi memastiken ia berkata: ,,Ah Kwie. lekas bilang ada perkara apakah sabetoelnja jang kaoe telah semboeniken. Apakah akoe sebagi poetrinja sendiri hendak bertemoe dengen ajahnja masatah haroes menoenggoe hingga satengah boelan? Kaoe djangan koewatir Ah Kwie, akoe Tam Swat Yong djangan dipersamaken seperti laen prampoewan, akoe tida nanti memberatin laen orang dan nanti akoe jang tanggoeng djawab sendiri."

„Tahoe-tah kaoe sekarang Lo-Tjhung-Tjoe ada dimana ?"

„Kenapa kaoe tanja begitoe Ah Kwie. ia ada dikamar belakang boekan ?"

„la soedah lama pergi dari sini !"

„Ka mana ia pergi? Ja toch soedah bersoempab jg. ia tida aken kaloewar lagi dari Tjip-sian-tjhung." „Ko Xaynay, salieloelnja akoe tida boleh boeka ini resia pada siapapoen kerna djika diketahoei oleh kadoewa madjikan. tida bisa dibilang apa akoe masi bisa idoep atawa tida. Tetapi akoe tida tega meliat padamoe menanggoeng sengsara lebih djaoe, maka akoe kasi taoe padamoe teroes terang. Tihung Tjoe itoe koetika sasoedahnja ia menemoein kaoe dan pada esok harinja ia dengen diam-diam telah berlaloe meninggalken Tjip-sian-tjhung pergi ka kota Yangtjioe,begkoe poen Tjoe Bo, apa kaoe kira betoel-betoel la poelang ka roemah iboenja? Sasoedah ia dapet taoe Tjhung Tjoe pergi ka Yangtjioe, ia poen telah menjoesoel pada esok harinja. Alarikalah soewami-istri berdoewa pergi boewat bales sakit hati soewamimoe."

Tjie-hiong-piao Tam Swat Yong mendenger katerangannja Ah Kwie sauget terprandjat seraja kata, „Ah Kwie, kaoe djangan boedjoekin akoe dengen mendjoesta! Apa ini sama sekali betoel? Kenapa marika tida kasi tahoe akoe." Meliat perlakoean marika terhadep akoe, akoe masi ragoe-ragoe apa ma­rika maoe berboewat begitoe?"

„Ko Naynay, akoe tida maoe banjak bitjara lagi, djika kaoe sakiranja masi tida pertjaja djoega, silahkenlah preksa di kamar belakang," saoet Ah Kwie.

Menginget bahwa Ah Kwie tida pernah mendjoesta, djoega ia telah berbitjara dengen roman jang soenggoe -soenggoe, maka tjoekoeplah Tam Swat Yong poenja kapertjajahan padanja dan berkata„Ah Kwie. kaoe telah tarohken djiwamoe oentoek kapentingankoe ! Satoe boedi jang sanget besar ker­na apabila ini hari kaoe tida terangken itoe padakoe, akoe telah ambil kepastian jang ini hari djoega akoe aken berlaloe dari sini.

Ja! Sekarang ajahkoe maskipoen kahatannja berperangi seperti orang jang kedjem dan angkoeh, te­tapi oleh kerna ia ingin soepaja akoe tida menderita sedih lebih lama, maka ia poen tida segan boewat melanggar soempahnja dan meninggalken Tjip-sian tjhung. Regitoepoen iboe, walaupoen orang jarig se­ hari-hari berdamping dengen ia poen tida gampang boewat bisa tebak apa jang ada di dalem hatinja.

Soenggoeh di loewar doegahan ! Orang jang loewar biasa ini poen telah berboewat hal-hal jang loewar biasa djoega.

Ah Kwie, adikkoe jang baek ! Sekarang akoe min­ta dengen sanget pada kaoe, soekalah sakiranja boewat samentara' waktoe toeloeng djaga Siaoya ; akoe tida bisa tjoema pelok tangan liatin sadja ajah dan iboe berdjoeang boeat kapentingankoe, tertambah lagi perkara ini tida aken bisa beres djika akoe tida berserta ada di sitoe, maka malem ini djoega akoe aken pergi ka kota Yangtjioe boewat ikoet berserta ajah dan iboe bikin beres perkara- ini."

,,Ko Naynay, harep kaoe soeka kasianin padakoe,"meratap Ah Kwie. ,Oleh kerna perboewatankoe jang lantjang, hingga sekarang sampe .kaoe moesti tinggalken Siaoya pergi ka Yangtjioe. Apabila hal ini achirnja sampe katahoean oleh kadoewa madjikan, soedah tentoe akoelah jang me.ndjadi korban terlebih cloeloe. Apakah kaoe tida bisa toenggoe boewat lamanja satengah-boelan atawa satoe boelan lagi di sini? Marika poen tida aken selama-lamanja berdiam di sana dan tida poelang.."

Tam Swat Yong" meliat Ah Kwie sampe begitoe meratap, ia poen lantas, poera-poera menghiboer dan bilang, ,,kaoe- poenja omongan memang ada tjenglinja: baeklah akoe toenggoe bebrapa -hari lagi sampe marika soedah kombali."

Pada hari itoe Tam Swat Yong poen tida bitjaraken lagi tentang kapergian ia itoe, dan tatkala pada malemnja sasoedah ia tidoerin-Siao Tiap-dji, lantas ia menoelis sapoetjoek soerat jang dialamatken pada Ah Kwie jang menerangken bahwa ia pergi ka Yangtjioe, dan pesen wanti-wanti pada Ah Kwie soëpaja toeloeng rawatin anaknja. Itoe malem djoega ia de­ngen membawa pokiamnja menoedjoe ka kota Yangtjioe.

Baek kita tinggalken sabentar doeloe pada ijiehiong-piao Tam Swat Yong jang menempoeh siang dan malem, panas dan hoedjan berdjalan menoedjöe ka kota Yangtjioe. Tjoba kita berpaling pada Tjoebo-kim-so Tam Tjoe Sian sasoedahnja ia mendenger katerangan dari poetrinja dan mendapet taoe prihal kematian mantoenja, walaupoen di moekanja kaliatan ia tida soedi tjampoer dalem ini oeroesan ; te­tapi ia sebagi satoe ajah di hatinja tetep menjinta poetrinja jang toenggal ini. Maka maoe tida maoe ia poen haroes tjapein hati boewat óeroes padanja. Te­tapi orang jang berilmoe seperti ia itoe soedah tentoe tida gampang sembarangan perliatken rasa hati­nja di aer moekanja, apa poela sekarang ia baroe sadja dapetken katerangan tjoema dari satoe fihak.

Koetika Tam Swat Yong masi soeka berdjalan dikalangan Kang-ouw walaupoen ia belon pernah bertemoe moeka dengen Ngo -in-pang-djit See Tjong Pin tetapi ia sering denger jang See Tjong Pin poen ada satoe gie-hiap, dan ia poen belon pernah denger bahwa ia pernah berboewat hal-hal jang tida tjotjoik dengen prikemanoesiahan. Dari itoe hal kematiannja Kim Boen Kiem poen tida bisa didjatoken semoewanja di fihak ianja. Maka itoelah djoega sebabnja ia sengadja soedah kasi liat tampang dingin terhadep poetrinja, inilah djoega sebab -sebabnja jang ia telah pergi di loewar tahoenja ia.

Lo-enghiong Tam Tjoe Sian jang soedah 10 tahoen lebih tida indjek di kalangan Kang-ouw, maka ia sanget hati-hati di dalem perdjalanannja. tapi la poen tida brani memboewang banjak tempo. Pada satoe hari sampelah Tam Tjoe Sian di kota Yangtjioe. Oleh kerna ia haroes menjelidikin lebih djaoeh tentang permoesoehan antara kadoewa fabriek tenoen Lo Boen Kie dan Hin Liong, maka ia telah menginep di satoe hotel di sabelah bagian timoer kota Yangtjioe. Pada esok harinja, Tam Tjoe Sian soedah bisa dapet katerangan tentang peristiwa itoe dari salah satoe djongos hotel jang ia menginep; dan jang ia paling tida senang dalem ini perkara jaitoe boleh dibilang semoewa orang telah rame tjeritaken hal itoe. Tjoe-bo-kim-so Tam Tjoe Sian dengen terliti saring segala katerangan-katerangan jg. ia dapet, maka pada achirnja ia dapet kasimpoelan bahwa kematiannja Kim Boen Kiem ada seperti apa jang ia soedah doegah terlebih doeloe. jaitoe disebabken oleh iapoenja kasombongan. Dan ia poen djadi merasa goembira jang ia soedah tida berboewat dengen sembrono tentang peristiwa ini.

Peristiwa terboenoehnja Kim Boen Kiem telah terdjadi kira-kira pada 3 boelan jang telah laloe. Loekanja Boen Lam Hin poen soedah semboeh dan telah poelang ka roemahnja lagi di Yangtjioe. Begitoe djoega Ngo-in-pang-djit See Tjong Pin soedah tida sabar lagi boeat tinggal lebih lama di fabriek tenoen Hin Liong, dan telah poelang ka Pek-lauw-teng.

Tjoe-bo-kim-so Tam Tjoe Sian sasoedah dapetken katerangan jang ia rasa tjoekoep, maka ia telah am­bil poetoesan boewat pergi sendiri ka Pek-lauw-teng; boeat katemoeken pada See Tjong Pin. Sesampenja Tam Tjoe Sian di Pek-lauw-teng ia telah menjamar sebagi saorang jang sedeng pasiar meliat-liat pe­mandangan, dan ia menginep di satoe kampoeng dari toekang-toekang tangkep ikan jang berada di sabelah oetara Pek-lauw-teng.

Sasoedah Tam Tjoe Sian merasa tjoekoep terang seloek-beloeknja di sakiter poelo Pek-lauw-teng, maka pada satoe sore koetika matahari moelain terbenam di sabelab barat, ia samperin salah satoe toekang tangkep ikan dan minta sewa prahoenja boewat ia pasiar. Toekang ikan telah anggep Tam Tjoe Sian ada satoe orang jang dari kalangan atas, dan ia poen soedah brani bajar sewahan dengen mahal, maka dengen tida tjoeriga lagi lantas kasihken prahoenja pada ia. Tetapi toekang ikan itoe tida loepa soedah mengingetin pada Tam Tjoe Sian boewat djangan gegabah pergi masoek ka Pek-lauw-teng ; sebab dja­ngan kata di waktoe malem, siang poen tida boleh sembarang orang masoek ka sitoe. Tam Tjoe Sian poen tida banjak rewel pada toekang ikan dan rmanggoetin kapalanja menandaken jang ia mengarti apa jang toekang ikan telah bilang.

Tam Tjoe Sian mendajoeng prahoenja dengen pelahan-pelahan menoedjoe ka arah Pek-lauw-teng. Di bawah sinarnja boelan poernama, sasoenggoehnja pemandangan di sakiternja Pek-lauw-teng ada sänget permei dan indah, di sakiternja tepi laoet dari poelo Pek-lauw-teng ada ditanemin penoeh dengen poehoen Yanglioe. la dengen pelahan mendajoeng prahoenja menoedjoe ka salah satoe poehoen Yanglioe jang besar, begitoe lekas sasoedah ia tiba, di bawahnja bajangan dari itoe poehoen, lantas ia naek ka darat dan semboeniken prahoenja di sitoe djoega dan de­ngen terliti iket tambangnja ka tjabang poehoen. Sasoedah selesei, ia dengen berhati-hati djalan me­noedjoe ka arah tengah itoe poelo. Djoestroe itoe koetika soedah djaoeh malem keadahan di itoe poelo ada sänget sepi. Kerna memang jang tinggal di dalem itoe poelo djoemblah sama sekali tjoema kira-kira ampat poeloeh roemah.

Tam Tjoe Sian dengen terliti memereksa di saki­ternja poelo dan dapet kenjataan bahwa poelo ini tida mirip dengan tempat kadiamannja orang-orang dari kalangan Liok-lim (kalangan perampok). Walaupoen begitoe ia tetep berlakoe awas, kerna ia ada orang jang soedah kawakan di kalangan Kang-ouw, selaloe menjegah soepaja djangan kerna,tjerobo jang se­dikit dan menderita tjilaka besar.

Di antara poehoen jang lebet ada terdapet satoed jalan ketjil menoedjoe ka arah tengah poelo dan Tam Tjoe Sian dengen berhati-hati mengikoetin djalan itoe, tetapi ia tida tahoe di mana tempat kadiamannja See Tjong Pin; ia soedah liwatin bebrapa roemah-roemah jang pintoenja tertoetoep rapet menjataken jang poenja roemah soedah masoek tidoer! Tetapi ia masih belon bisa berboewat apa-apa; itoe koetika soedah ampir mendeketin tengah malem. Kamoedian sasoedah ia madjoe bebrapa poeloeh tin­dak .ka sabelah oetara baroe bisa kaliatan oedjocngnja Pek-lauw-teng, tapi di kanan dan kiri tida ter­tampak sedikitpoen penerangan. Sesampenja di sini ia djadi berpikir: djika malem ini akoe tida bisa dapet tahoe roemahnja See Tjong Pin, maka kepaksa besok akoe moesti dateng lagi boewat katemoekeii padanja.

Di tengah-tengah djalan terseboet ada satoe pera­patan dari mana orang bisa liat ka arah oetara dan selatan djaoeh sekali, tjoema di bagian timoer dan barat ada terdapet bebrapa roemah-roemah atep dan sagrombolan poehoen-poehoen jang soesah bisa di­ taksir terpisa brapa djaoehnja. Tetapi Tam Tjoe Sian soedah tentoe tida maoe menjerah begitoe sadja maka ia lantas samperin salah satoe poehoen siong jang paling tinggi di antaranja dan dengen menggoenaken ilmoe mengentengin badan melompat ka atas poehoen itoe. Dengen moedah ia soedah berada di atas tjabang poehoen terseboet bebrapa toembak tingginja; kadoea tangannja memelok batangnja poehoen dan kadoewa oedjoeng kakinja mendjepit di bagian bawah; sebagi rasé atawa koetjing dengen gampang ia telah mandjat ka bagian jang lebih ting­gi dan dari ini tempatlah ia lantas bisa memandang dengen teges ka bagian timoer dan barat dari Peklauw-teng.

Di bagian timoer sabegitoe djaoeh terliat, pepoehoenannja ada lebih lebet dan di dalem itoe di satoe bagian dengen samar terliat ada sedikit memantjar sinarnja lampoe, tetapi bajangan poehoen-poehoen telah menoetoepin dan membikin pengliatan djadi tida njata. Samentara Tam Tjoe Sian berada dalem keadahan jang ampir poetoes asa dan hendak ber­lompat toeroen poela ka bawah poehoen, pada te-linganja sakoenjoeng-koenjoeng terdenger ada soewara jang samar-samar. Ia tetepken badannja dari dengen terliti dengerin, ternjata jang itoe soewara telah dateng dari djoeroesan selatan-timoer. Itoe soewara poen tida bisa disangkal ada kerna bentrokannja benda dari besi, dan di antaranja ada djoega tertjampoer dengen tereakannja orang, tetapi menjesel oleh kerna tertjampoer dengen soewaranja gojangan daon-daon poehoen jang tertioep angin, hingga tida bisa dipastiken dengen tepat di mana adanja.

Tam Tjoe Sian soedah djadi lebih tida sabar, maka dengén satoe lompatan ia telah melajang dan soedah berada poela di bawah itoe poehoen; menoeroetin datengnja soewara tadi dan menoedjoe ka arah selatan-timoer dengen melaloein poehoen-poe­hoen jang lebet. Begitoe lekas sasoedahnja dapet liwatin itoe grombolan poehoen-poehoen dan berdjalan madjoe, baroe bebrapa tindak djaoehnja, biloek melingkoengin poehoen-poehoen to jang berada di pinggir djalan, dalem penjelidikan jang ampir sadja poetoes harepan telah timboel sedikit kagirangan. Kerna di hadepannja dalem djarak kira-kira berapa toembak djaoehnja ada tertampak sagoendoekan poehoen-poehoen peksiong jang sanget lebet. Dari renggangnja pongkot-pongkot poehoen terseboet ter­liatlah lebih njata jang sinar lampoe itoe telah memantjar dari bagian tengah itoe grombolan poehoen;dengen tida ajal lagi ini Lo-enghiong lantas toetoepin badannja dan dengen tjepet telah madjoe ber­tindak ka depan.

Begitoe lekas ia tiba di tengah-tengah itoe grom­bolan poehoen-poehoen, tertampaklah di hadepannja saderekan dingding tembok rendah jang sepandjangnja itoe tembokan ada tertoetoep dengen tjabangtjabang poehoen Yanglioe.

Sasoedahnja ia mengawasin keadahan sakoelilingnja dengen terliti, lompatlah ia ka atas dingding tembok tadi dan mengoempet di antara tjabang-tjabang Yanglioe sambil mengamat-amatin keadahan di dalemnja. Di sitoe ternjata adalah djadi bagian depan dengen lapangan jang agak loewas, dan djoega tida terdapet banjak pendirian roemah-roemah. Dari atas Tam Tjoe Sian telah goenaken tipoe „Tauw Sek Boen Lo" jaitoe menimpoek dengen batoe oentoek mentjoba apa di dalem itoe ada manoesia atawa tida, ternjata tida ada terdapet perobahan apa-apa, sigra ia lompat ka bawah, berbalik menoedjoe ka belakang dan berdjalan menoedjoe ka arah timoer bagian de­pan itoe roemah, madjoe poela bebrapa tindak dan achirnja berlindoeng di bagian belakang dari satoe poehoen besar. Dari itoe tempat tertampaklah sarentetan djaro-djaro bamboe dan di dalem itoe djaro dengen penerangan lampoe jang remeng-remeng ter­njata ada satoe paseban jang loewas dan di tengahtengahnja terliat ada orang jang sedeng berlatih de­ngen sendjata.

Orang jang sedeng berlatih itoe ada berdoewa; satoe memegang sepasang toja pendek dan jang kadoewa menghoenoes Kwie-tao-to (golok tebel), dan pada masa itoe marika sedeng berlatih dalem ba­bakan jang sanget seroenja, dengen masing-masing setjara jang sanget sengit menjerang dan membela dirinja.

Tam Tjoe Sian menjaksiken dengen perasahan djadi terlebih tida sabar, tetapi menjesel jang ia tida bisa mendeketin. Ia menoleh ka samping ternjata di sitoe ada doewa batang poelioen besar ; ia mendoegah pasti jang apabila dari atas itoe poehoen soedah tentoe ia aken bisa meliat ka dalem terlebih njata serta sambil mengamat-amatin gerak-geriknja di da­lem; maka itoe dengen sigra Tam Tjoe Sian telah merajap mandjat ka atas itoe poehoen kira-kira doe­wa sampe tiga toembak tingginja. Dari sitoe dengen saklebatan sadja ia soedah bisa meliat dengen tepat segala keadahannja dalem itoe paseban jang terlindoeng dengen djaro-djaro bamboe tadi. Di bagian depannja terdapet ada tiga kamar, di oetara tjoema ada doewa sadja, selaennja itoe tida ada terdapet laen-laen pendirian, katjoewali di sapoeternja tjoema * ditanemin dengen matjem-matjem boengah, dan di tengahnja ada teroeroek dengen pasir-pasir jang sanget rata.

Selaen itoe doewa orang jang sedeng berlatih mati-matian, di depan kamar sabelah timoer tertam­pak poela ada doewa orang sedeng berdiri. Satoe antaran ja jang kira-kira beroesia 60 tahoen, menoeroet penoetoeran poetrinja — Tam Swat Yong roe­pa-roepanja djoestroe ini dialah orangnja jang ia sedeng tjari jaitoe Ngo-in-pang-djit See Tjong Pin,di sampingnja ada berdiri satoe orang jang oemoernja kira-kira baroe 40 tahoen lebih beralis kerendan matanja seperti harimau, tampangnja ada sanget menjeremken dan sedeng oeplek beromong dengen See T jong Pin sambil tertawa.

Berpaling poêla pada itoe doewa orang jang se­deng berlatih, jang memegang doewa toja sabansaban ia madjoeken ka depan sendjatanja sambil tiap kali dipentang dan dirapetin, jang mana telah menimboelken soewara-soewara jang sanget keras. Kamoedian dengen tiba-tiba ia telah goenaken tipoe Yauw-tjoe-tian-tjie (boeroeng alap-alap mementang sepasang sendjatanja ia angsoerken ka depan dan pentang ka kiri dan ka kanan sampe di loewar badan, sedeng badannja mengegos boewang ka kanan dan belakang dengen satengah rebah dan berbareng iapoenja. sepasang sendjata bergantian menjamberka bagian loewar badan ; gerakannja sanget gesit dan serangan tangannja poen tida koerang tjepetnja, dan dengen setjara kilat tangan kanannja telah menjamber ka bagian kapala jang memegang golok ; si pemegang golok poen ada sampe tjoekoep lihay, kerna dengen lantas sadja ia tarik kapalanja ka bawah sambil miring ka sebelah kiri, serangan-serangan mana djadi memoekoel angin, tetapi sendjata dari tangan kirinja telah menjamber poela dengen sama tjepetnja. Ini kali si pemegang golok lantas melang­kah setindak ka belakang sambil goloknja disabetken ka arah sendjata lawanannja hingga toja itoe ter­pelanting ka samping dan ia poen lantas batjoken goloknja ka lawanannja, tetapi dengen sekedjap tojajang berada di tangan kanannja soedah menjerang poela, hingga itoe tiga sendjata beradoe djadi satoe dan soedah menimboelken soewara jang sanget ke­ras, kerna itoe, tiga-tiga sendjata telah terlepas dari tangannja masing-masing dan djato ka atas tanah;berbareng dengen itoe, itoe sepasang djago-djago berbareng lantas tertawa berkakakan.

Samentara itoe Tam Tjoe Sian telah mengawasin dengen terliti itoe doewa orang jang baroesan abis berlatih; jang memegang sepasang toja kira-kira beroesia 40 tahoen lebih, berbadan sedeng dan mempoenjai alis dan mata jang keren; adalah itoe jang memegang Koei-tao-to berbadan pendekan, alisnja ketjil dan matanja sipit, tapi sinar jang kaloewar dari matanja ada sampe tjoekoep tadjem, dengen sakelebatan lantas bisa ketahoei jang ia ada dari ka­langan Kang-ouw jang soedah oeloeng dalem pengalamannja.

Dari marika poenja penjaoetan-penjaoetan satoe dengen laen njatalah itoe satoe di antaran j a doewa orang jang sedeng djalan menghamperin ka perte­ngahan pada jang baroesan berlatih, bener ialah See Tjong Pin adanja, dan jang berdjalan bersama-sama ia adalah diseboet Yo Lo-soe.

Itoe koetika See Tjong Pin telah menghamperin pada itoe orang jang tadi menggoenaken sepasang toja dan berkata: „Tjio Soetee, gerakan tanganmoe sasoenggoehnja sanget lihay, sedengken sama-sama persoedaraan sendiri berlatih, hingga tida barang satoe tindak jang telah briken kalonggaran padanja; tida heran kapan kaoe ada sanget ternama di ka­langan Soe Tjoean, sedengken di kalangan Kangouw poen tjoekoep harepan boeat dapetken nama jang mentereng."

„See Lo-soe sabetoelnja tjoema meliat sadja akoe poenja serangan dan tangkisan ; tida perhatiken HamSoehoe poenja ilmoe golok jang sanget lihay. Apa­bila sedikit sadja orang tida berhati-hati terhadep ia, akoe rasa tida bisa terloepoet moesti dikorbanken olehnja," saoet itoe orang she Tjioe.

Di dalem itoe pembitjaraan jang sanget goembira dibarengin marika sama-sama tertawa bergelak-gelak dan kamoedian See Tjong Pin berkata poela: ,,Persilahkenlah kita orang sama-sama ka dalem sabentar lagi tentoelah toeroen emboen, kerna ini tempat sapoeternja ada dikoelilnigin oleh aer, dan akoe sanget menjesel' jang di sini tida terdapet tempat boewat menghormat pada tetamoe, tapi djika begitoe lekas kapan ini oeroesan soedah djadi beres, akoe aken temenin semoewa Hengtee-hengtee jang berada disini boewat pergi di kota Yangtjioe, di sitoelah kita orang ambil plesir boewat bebrapa hari lamanja,djoega nanti akoe soeroe moeridkoe jang bodo itoe membajar kaoel," sambil berbitjara marika sambil berdjalan. menoedjoe ka kamar sabelah timoer dan masoek, sedeng di itoe paseban telah dateng satoe boedak jang benahin semoewa perkakas serta pademin lampoenja dan lantas berlaloe.

Di kamar di mana marika pada masoek lampoenja ada sanget terang, Tjoe-bo-kim-so Tam T'joe Sian merasa goembirah sambil manggoet-manggoet dan berkata dalem hatinja: ini sebaliknja ada lebih baek, kerna dari gelagatnja See Tjong Pin terang sekali jang ia soedah adaken perdjamoean, dan marika itoe tadi pastilah ada pentolan-pentolan oeloeng dari ka­langan Kang-ouw jang sengadja dioendang olehnja boewat membantoe padan ja, akoe Tam Tjoe Sian dalem segala hal moesti berlakoe dengen terang ben­derang, masatah sasoedahnja sakean lama mengasingken diri dan lantas akoe moesti mengindjek poela d&lem kalangan Kang-ouw?

Kamoedian ia lantas menggoenaken ilmoe Kengsian-soet jaitoe ilmoe mengentengin badan, dengen sakedjepan ia soedah berada di emperan itoe kamar,dan di sitoelah ia telah mengoempet sambil mendengerin pertjakepan di dalem.

„See Lp-soe," begitoe telah dioetjapken oleh itoe orang jang beralis kerén pada See Tjong Pin,„apa jang kaoe telah atoer tadi sasoenggoehnja boe­wat akoe Yo Tiong — tida moefakat, kerna di ka­ langan Kang-ouw kita senantiasa mengoetaraken kabranian; menoeroet pendapetankoe, saharoesnja kaoe jang lebih doeloe moesti mengoendjoengin Houw-gee-san dan berdaja sampe bisa berdjoempah sendiri ka hadepannja Tam Tjoe Sian, di sitoe kaoe tjeritaken dengen sadjoedjoernja serta saterangterangnja itoe hal dari awal sampe achir. Lo Enghiong Tam Tjoe Sian soedah teritoeng salah satoe orang jang ternama, akoe tida pertjaja jang ia aken lantas bergerak dengen sembarangan dengen tida memperdoeliken kabeneran; dengen mengandel pada kapandean jang sanget tinggi lantas djalanken pembalesan kerna kematian mantoenja. Apabila kamoedian ternjata sampe betoel-betoel ia tida memper­doeliken lagi mana jang bener atawa salah, itoe koetika poen masih belon djadi kasep oentoek kita mengoendang soedara-soedara kita dari Kanglam dan Kangpak dateng berkoempoel boewat roendingken lebih djaoeh. Sekarang kaoe menoenggoe iapoenja kadatengan kemari, ia dateng atawa tidanja soesah dipastiken, sampe di waktoe manatah kaoe aken me­noenggoe."

„Djalan jang demikian boekan akoe belon pikir,'saoet See Tjong Pin, „djoega akoe telah lakoeken itoe serangan jang berbahaja dalem sa'at-sa'at jang sanget terpaksa, sekalipoen bisa dibilang jang akoe soedah berboewat terlaloe kedjem terhadep satoe prampoewan, akoe pertjaja jang Tjoe-bo-kim-so Tam Tjoe Sian tida gampang aken lantas pertjaja pengadoean-pengadoean poetrinja. Tetapi apabila akoe pergi ka Tjip-sian-tjhung katemoein sendiri padanja, akoe koewatir jang ia aken salah paham dan anggep akoe telah mengoendjoeken lebih banjak kabranian, sedengken memang soedah terang kematian mantoe­nja begitoe poen terloekanja poetrinja semoewa ada dari tangankoe, maka itoe ada sanget besar kamoengkinan jang la aken dateng boewat beritoengan ka sini. Dari itoe akoe soedah ambil katetepan boewat menoenggoe sadja kadatengannja, dan di dalem ini doewa-tiga boelan akoe rasa moesti ada pergerakannja."

Tjoe-bo-kim-so Tam Tjoe Sian selama ia mendengerken marika berbitjara telah tetepken satoe kepastian, biar begimanapoen achirnja aken beraki­bat jang perkara ini haroes diberesken dengen djalan perklaian, dan ia sekarang soedah sampe di Peklauw-teng tida nanti ia aken berlaloe dengen begitoe sadja, sebaliknja ia ingin mentjoba pada marika oentoek mengetahoei sampe brapa tinggi marika poenja kepandean adanja.

Tam Tjoe Sian tida ajal lagi lantas ia melajangka atas tanah dari emperan jang ia tadi menggelantoeng, ia moendoer tiga tindak dari depan itoe djen­dela karnar ; bikin ringkes saloeroeh pakeannja, sam­bil menggoenaken ilmoe Khi-koan-tan-thia bikin djedjek besihnja dan pasang rendah badannja; kadoewa telapakan tangannja dihadepken ka depan dada, sambil menggoenaken kakoewatan jang berada dalem saloeroeh toeboehnja, kadoewa tangan itoe berbareng digeraken ka depan saheibat-heibatnja.Pergerakan demikian sekalipoen memoekoel kosong,tapi geterannja telah berakibat jang itoe djendela bergerak sebagi tertioep oleh angin jang sanget san­ter dan Seantero kertas jang tertempel di saloeroeh djendela-djendela poen telah terlepas dan pada sobek.

Saking kerasnja itoe angin jang telah menerobos masoek ka dalem djendela meliwatin kertas-kertas jang soedah robek, djoestroe di belakang itoe djen­dela memang ada satoe medja patsian di kiri-kanannja itoe medja ada doewa krosi dan dengen kabetoelan di atas doewa korsi toe ada berdoedoek itoe doewa Enghiong; jang satoe jaitoe Penjamoen Be­sar dari Daerah Soe-tjoan Tjio In Teng dan jang laen jaitoe Alap-alap Malem Ham Siao Tjoan. Marika berdoedoek di doewa korsi tadi dengen membelakangin djendela menghadep ka dalem roewangan sedeng asik berbitjara dengen jang laen-laen; dengen tiba-tiba dan tida terdoega angin tadi jang demikian santernja telah langgar belakangnja marika berdoeWa dan telah mengakibatken marika sama-sama kanjoek-njoek ka depan.

Sekalipoen di antara marika tida ada jang mempoenjain kepandean seperti itoe, tapi marika bisa pastiken jang dateng itoe soedah tentoe oiang jang berilmoe tinggi.

„Hei, sobat!" tereak Hongyang Bo-soe Yo Hong dengen soewara sanget keras, ,,apabila kaoe soedah dateng ka sini kenapa tida maoe dengen berterang ;Dengen menggelap mempergoenaken kepandean de­mikian, itoe tida bisa dibilang satoe perboewatan dari satoe Eng-hiong jang toelen. Toenggoelah sobat disitoe!" Berbareng dengen terdengernja itoe soewara tereakan, lampoe-lampoe di dalem poen sigra dipademken, kerna marika poen lantas mengarti jang marika haroes menghadepin moesoeh dari tingkatan apa.

Hongyang Boe-so Yo Tiong ada djadi orang jang pertama telah memboeroe ka pintoe dan teroes berlaloe, See Tjong Pin memboentoetin di belakangnja; dan Tjio In Teng adalah jang katiga; tjoema Ham Siao Tjoan saorang telah menerobos kaloewar dan djendela belakang lantas lompat naek ka atas gen­teng.

See Tjong Pin bertiga begitoe lekas soedah ada di loewar kamar sigra marika bagi ka arah tiga djoeroesan oentoek menjelidikin, tetapi ternjata semoewa nihil.

,,Bagaimanapoen ia tida aken mampoe lolos dari ini Pek-law-teng," tereak See Tjong Pin pada kawannja jang baroe koempoel, „marilah kita orang koeroeng dari ampat pendjoeroe itoe oetan-kajoe dan tjari padanja."

Adalah See Tjong Pin telah madjoe ka djoeroesan depan, Ham Siao Tjoan ka belakang roemah, Tjio In Teng berbalik menoedjoe ka dalem roemah, lompat meliwatin tembok dan teroes berlaloe, sedeng Yo Tiong dari tembok barat telah memoeterin di sapoeternja itoe paseban.

Di antara marika adalah Ham Siao Tjoan jang paling gesit dan gerakannja tjepet; dari belakang roemahnja See Tjong Pin tida djaoeh soedah bisa terliat bagian aer dan di sitoe poen tida ada laenlaen roemah, maka ialah jang paling doeloe telah masoek ka dalem itoe oetan-kajoe. Begitoe lekas ia baroe masoek bebrapa poeloeh tindak ka dalem oetan itoe, tiba-tiba ia dapet denger soewara tertawa jang dateng dari atas poehoen dengen samar-samar; tentoe sadja Ham Siao Tjoan djadi terkedjoet dan brentiken tindakannja. Memang Ham Siao Tjoan ada satoe orang jang tjerdik dan banjak akalnja, maka ia tetep berlari ka depan seperti orang jang tida denger soewara tadi tetapi sasoedah ia liwatin tiga poehoen lagi, maka dengen mendadak ia poeter badannja dan dengen berbareng tangan kanannja melemparken doewa boetir Yan Yang Tan ka arah poehoen jang ia denger soewara tadi. Gerakan tangannja soenggoeh haroes dipoedji ada sanget sebet, djoega itoe matjem sendjata resia maski larinja pe­sat tetapi tjoema mengeloewarin soewara jang aloes; Yan Yang Tan tadi menerobos ka bagian tjabangtjabang jang lebet, soewara jang terdenger oleh kerna patahnja tjabang-tjabang poehoen menjataken jang ia telah menjerang kosong. Dan ia poen soedah pikir tida maoe masoek terlebih djaoeh ka dalem itoe oetan dan koepingnja dipasang awas-awas dan ngannja menghoenoes golok Kwie-tao-to, sebaliknja ia melompat ka poehoen tadi oentoek mengedjar orang jang bersemboeni itoe. Oleh kerna Ham Siao Tjoan pikir itoe orang tentoe belon bisa pergi ka mana-mana. Baroe sadja badannja terpisa dan moeka boemi bebrapa kaki mendadak dari atas ada menjamber sebatang tjabang Siong kira-kira sebesar lengen anak-anak penoeh dengen doeri menimpah kapalanja. Ia dengen sebet mengelit ka sebelah kiri; betoel itoe batang tida kena menimpah kapalanja, tetapi batang jang ketjil dengen doeri-doeri jang tadiem semoewa soedah menempel di saloeroeh ba­dannja. Djoestroe Ham Siao Tjoan selagi berada dalem keadahan demikian dari atas poehoen telah terdenger poela soewara tertawa dan berbareng de­ngen itoe satoe bajangan item telah berkelebat menoedjoe ka djoeroesan roemahnja See Tjong Pin tiepetnja sebagi kilat.

Ham Siao Tjoan telah tida perdoeliken lagi rasa sakitnja dari doeri-doeri jg. masih menoesoek di badannja, mengeloewarken sakoewat tenaganja boewat mengedjer. Marika tjoema berpisahan di antara djarak 3 sampe 4 toembak djaoehnja; itoe bajangan item kaliatan telah meliwatin tembok dan masoek ka dalem, kamoedian memoeter menoedjoe ka djoeroe­san barat; Ham Siao Tjoan mengedjer teroes dan menjegat di podjok tembok barat, tapi bajangan item tadi soedah mengilang tida katahoean ka mana perginja.

Si Alap-alap malem Ham Siao Tjoan sasoenggoehnja soedah boekan sedikit tahoen berkoeliling dalem kalangan Kang-ouw dan ia poen tersohor dengen kasebetan dan katjepetan larinja, tetapi pada malem itoe ia tida bisa tida di dalem hatinja mengakoe jang ia soedah dipetjoendangin oleh moesoehnja, walaupoen ia merasa gemes dan maloe. Ia teroes memoeterin itoe tembokan dan koetika ia baroe maoe membiloek, tiba-tiba ia kesomplokan dengen Yo Boe-soe jang memang lagi sedeng asik menjelidikin djoega. Ham Siao Tjoan soedah tentoe tida brani tjeritaken prihal apa jang baroesan ia soedah alamin. Dan sebaliknja ia membohong jang ia soedah preksa di belakang itoe roemah dan tida kedapetan apa-apa.

„See Soehoe jang telah memboeroe di bagian de­pan barangkali ia dapetken apa-apa, marilah kita pergi ka depan boeat meliat," saoet Yo Tiong.

Marika berdoewa djalan menoedjoe ka depan dan Ham Siao Tjoan dengen diam-diam soedah selesei menjaboetken doeri-doeri jang menantjep di badannja.

Sesampenja di depan itoe roemah marika liat See Tjong Pin sedeng berdiri di tengah-tengah grombolan poehoen-poehoen; dan begitoe See Tjong Pin meliat marika mendatengin seraja berkata: „Apa jang kita orang telah alamken ini malem, soenggoeh-soenggoeh sanget mengheranken, Kedatengannja itoe orang soedah tentoe boekan dengen maksoed baek, tapi heran ia tida maoe menoendjoekin romannja, inilah jang membikin djadi soesah dimengarti ! Apa­kah ia ada dari kalangan Liok Lim sendiri jang soe­dah sengadja dateng boeat mempermaenken kita. Akoe soedah tinggal di ini Pek-lauw-teng tida sedikit tahoen dan selamanja itoe belon pernah akoe tida menerima pada kawan-kawan jang soedah dateng maski dari tjabang apa poen; tapi djika perboewatan jang seperti begini soedah tentoe tida bisa dipersalahken akoe jang djadi toean roemah."

„Ini matjem manoesia jang telah oempetken kapala dan boentoetnja tida haroes dianggep satoe ka­wan jang baek," kata Ham Siao Tjoan dengen pe­nasaran, mendongkol dan marah. „Tida perloe kita moesti ladenin padanja, tida ada harganja boewat kita menghamboerken tempo oentoek mentjari."

See Tjong Pin poen tida mengoesoelin poela boeWat mentjari, dan telah menoeroetin sadja jang laen-laen menoedjoe poelang.

Sedari bermoela marika memang telah kaloewar dengen berlompat meliwatin tembokan, maka itoe koetika marika poelang kombali semoewa pintoe ma­sih tertoetoep rapet seperti sebagimana asalnja, maka marika poen haroes berlompat poela melaloein tembok boewat masoek ka dalem.

Ham Siao Tjoan adalah orang jang pertama telah lompat ka atas tembok, baroe sadja kakinja mengindjek woewoengan tembok dan aken melajang teroes ka dalem mendadak kadengeran ia berseroe, „Aja!" Berbareng dengen itoe ia boewang badannja ka belakang dan di itoe sa'at djoega lantas terdenger satoe soewara sebagi seroepa benda logam telah membentoer tembok. Dengen sakedjeb sadja See Tjong Pin dan Yo Tiong soedah mengikoetin lompat ka atas tembok dan sembari mendekem, ,,Ham Soehoe, apa­kah baroesan kaoe boekannja soedah diserang dengen sendjata resia?" menanja Yo Tiong. Ham Siao Tjoan tida bisa kasi penjaoetan apa-apa, melaenken la lajangin badannja ka dalem dan kadoewa kawannja poen mengikoetin dari belakang. Dan marika poen mengarti jang Ham Siao Tjoan berada dalem keadahan katjele dan kamekmek, dan marika poen tida melandjoetken pertanjaannja lagi; malah See Tjong Pin sengadja egosin pertanjaan: „Kenapa Tjio Soe-tee masi djoega belon kombali?..." sabelon ia teroesken pertanjaan mendadak ia lompat ka depan dan baroe sadja ia sampe di depan djaro bamboe se­raja menolah ka belakang bilang: „Wah! Tjio Soe-tee telah poelang terlebih doeloe. Kaoe liat! Semoewa lampoe di dalem soedah terang." Baroe sadja la berbitjara sampe di sini mendadak dari atas tembok ada lompat satoe orang jalah Tjio In Teng; maka See Tjong Pin poen mendjadi melengek seraja bilang: „Siapatah jang berada di dalem?"

Dari pedaleman tida terdenger penjaoetan apa-apa. Dengen sanget moerka See Tjong Pin telah dobrak itoe pintoe, lompat masoek ka dalem sambil sepasang tangannja dipalangin di depan dadanja boewat mendjaga kaloe-kaloe ada orang jang aken membokong dari dalem; tetapi ternjata di dalem poen kosong be- laka. Tjoema di atas medja jang berdeketan dengen djendela ada satoe lampoe sedeng menjalah; marika jang bertiga poen soedah mengikoetin lompat ka dalem, dan marika meliat keadahan jang seperti itoe dengen berbareng bilang, ,,Baroelah ini malem kita betoel-betoel kena diakalin oleh laen orang," dengen soewara jang sanget mendongkol dan tertjampoer rasa katjele, sambil goleng-golengken kapala marika samperin itoe medja dan ternjata di atasnja ada menggletak satoe soerat jang tintanja masih basah. Meliat begini marika sama sekali aer moekanja pada berobah seperti orang jang moerka tertambah maloe. dan boleh dibilang marika ada orang-orang jang soe­dah kawakan di kalangan Kang-ouw, tetapi malem ini soedah dipermaenken sampe sabegitoe roepa, ma­ka dalem hatinja masing-masing poen merasa kagoem dengen ilmoenja sang moesoeh itoe.

See Tjong Pin lantas djoempoet soerat tadi jang mengeletak di atas medja, seraja batja dan boenjinja ada seperti berikoet:

„Soedah sedari lama akoe mengatahoei jang Ngoin-pang-djit ada djadi orang satoe-satoenja dari ka­langan Kang-ouw jang soedah mejakinken sendjata resia, Kim Boen Kiem tida mengenal kaloehoerannja sendjata itoe; dengen setjara membabi-boeta soedah terkena oleh tadjemnja sendjata terseboet, maka begimanatah ia bisa terloepoet dari kematian. Ini matjem ilmoe jang sänget kedjem dan kedji, akoe inginlah aken itjipken rasanja. Apabila sampe bener-bener bisa menangin poela pada peladjaran Boe Lim jang pengabisan, itoelah tentoe aken mengidjinken kaoe oentoek mendjagoin teroes di itoe fabriek fabriek hingga riboean tahoen lamanja. Tjoema sadja Tjoe-bo-kim-so belon tentoe memberi idjin oen­toek kaoe berpengharepan demikian adanja."

Ngo-in-pang-djit See Tjong Pin satelah selesai membatja soerat tadi tampang moekanja lantas djadi berobah dan sigra berkata, „Soedahlah sekarang akoe mengarti jang akoe tjoema mempoenjai nama kosong sadja, dan moengkin ini kali akoe haroes mengorbanken djiwakoe. Tetapi terhadap itoe perkara jang soedah kedjadian, sasoenggoahnja akoa tida pernah berboewat barat sabelah atawa ada mengandoeng pi­kiran temaha; tjoema sanget menjesel jang iaorang telah sanget mendesek dan memaksa sehingga akoe moesti berboewat demikian. Kamoedian sasoedahnja läkoeken itoe perboewatan poen, akoe lantas men­dapat kesan jang akoe haroes telen boaah jang getir dari perboewatankoe tempo akoe masih berada dalem kalangan Kang-ouw jang koerang baek.

Tjoema sadja tarhadep orang jang telah tinggal­ kan soerat ini, jaitoe Tjoe-bo-kim-so Tam Tjoa Sian, memang sedari doeloe akoe amat indahken padanja, oleh kerna namanja di kalangan Kang-ouw ada ter­sohor sekali dan adalah satoe Enghiong jang sedjati. Tetapi sanget menjesel jang ia telah hadiaken akoe Sepoetjoek soerat ini, telah menandakan jang ia ada saorang jang sanget sombong.

Akoe See Tjong Pin poen boekan satoe laki-laki jang gampang kena digertak dan lantas mengkeret hatinja. Djika terpaksa sampe masing-masing menggoenaken sendjatanja, sekalipoen iapoenja Tjoe-bokim-so jang memang belon ada tandingannja, akoe poenja Ngo-in-pang-djit Liap-hoen-teng poen belon bisa dibilang tida bisa tandingin padanja."

Sasoedah itoe tiba-tiba terdenger oleh marika ada soewara memanggil-manggil jang dateng dari loewar djendela, soewaranja sanget aloes jang mana bisa dipastiken telah kaloewar dari moeloetnja saorang prampoewan; semoewa penerangan dalem itoe roemah dengen serentak telah mengalamin pemademan jang kadoewa kali. Di dalem hatinja See Tjong Pin menganggep bahwa dalem Pek-laiiw-teng soedah merembes masoek tida tahoe bebrapa banjak moesoeh-, dan ia poen soedah ambil katetepan oentoek berhadepan dengen siapa djoega, walaupoen sampe ia moesti korbanken djiwanja. Ia lantas boeka pintoe dengen,satoe kali toelak dan berbareng lom­pat kaloewar ka pelataran.

Pada masa itoe, tetamoe jang dateng telah berlaloe mendjaoehin djendela kira-kira antara bebrapa kaki djaoehnja, dan berdiri di tempat terseboet. Ia ada memake paKean serba idjo begitoe kaen jang mengiket kapalanja; dari sinarnja remboelan poen bisa djoega terliat romannja dan pengawakannja, terbanding dengen Tam Swat Yong berbeda tida sebrapa banjak, kira-kira beroesia 40 tahoen koerang lebih. Di belakangnja tergemblok satoe pedang dengen ter­hias oleh sepasang benang soetra item di gagangnja; kaliatannja soenggoeh angker dan agoeng adanja.

See Tjong Pin tida ajal lagi lantas membentak, „Akoe merasa bangga jang Pek-lauw-teng pada malem ini soedah kadatengan satoe pentolan betina dari kalangan Kang-ouw, tetapi akoe tida tahoe kaoe ada hoeboengan apa dengen Tam Swat Yong jang se­karang brani belaken Kim Boen Kiem. Lekaslah kasi tahoe nama dan she-moe."

Prampoewan tadi lantas moendoer berapa tindak dan senderken belakangnja ka podjokan tembok seraja bilang, „Apabila akoe tida terangken padamoe dari mana asal kadatengankoe, soedah tentoe kaoe tida aken dapet ketahoei. Sia-sia nama kaoe jang begitoe tersohor di kalangan Kang-ouw, dan kaoe sampe ini waktoe masih belon mendoesin terhadep perboewatanmoe, Akoe poenja kadatengan memang oentoek Kim Boen Kiem dan Tam Swat Yong, maka apabila boekannja satoe familie jang berdeketan darah-dagingnja, siapatah soedi boewat belaken padanja?"

„Akoe telah dateng dari Tjip -san -tjhung ; akoe sengadja dateng boewat berkenalan dengen Ngo-in-pang-djit jang soedah bikin tergeter Seantero Kang-ouw dengen kepandeannja."

,Ha-ha-ha!" See Tjong Pin tertawa sambil ber­kata ; „Sekarang akoe soedah taoe jang kaoe ini ada Tjie-hiong-piao Tam Swat Yong poenja soedara prampoewan!"

Memang sasoenggoehnja See Tjong Pin telah ke­nal namanja Tam Tjoe Sian di kalangan Kang-ouw, tetapi tentang roemah tangganja ia sanget samar. Maka djoega oleh kerna ia menampak dengen jang berhadepan padanja itoe, menoeroet doegahan oemoer dan pengawakannja ada pantas sekali djadi soedaranja.

Tetapi perkatahan See Tjong Pin tadi telah menimboelken itoe djago-betina poenja moerka dan membentak, ,,Hei! See Tjong Pin, toewa bangka mata lolong. Siapatah soedaranja Tam Swat Yong. Akoe adalah iboenja — Tjin Liong Tjeng adalah namakoe."

Di itoe saat ampir sadja Tjin Liong Tjeng tida kaboeroe oetjapken perkatahan jang pengabisan tadi, tiba-tiba dari djoeroesan belakangnja ada sioeran angin, begitoe ia melirik, ternjata ada satoe orang dengen memegang Kwie-tao-to di sabelah tangannja sambil ajoenken itoe dan membatjok. Tjin Liong Tjeng dengen sebet soedah melangkah setindak ka sabelah kiri; dan dengen begitoe lemes seperti oeler ia balikin badannja, hingga itoe batjokan telah liwat dengen tida berhasil. Itoe koetika Tjin Liong Tjeng dengen tjepet sebagi kilat, angsoerken tangan kirinja menjamber ka depan dengen doewa djeridji tangan dan teloendjoeknja ditoedjoeken ka bagian tenggorokan, oentoek membikin tapiat lawanannja dengen sekali goes............

Jang membokong itoe adalah Ham Siao Tjoan, ia poen mengarti jang serangan itoe sanget lihay; ia lantas dongakin ka belakang sedikit kapalanja sambil berbareng robah kadoedoekannja. Tapi apa tjilaka begitoe tangan kanannja kena dikelit oleh Ham Siao Tjoan, dan berbareng dengen ditariknja tangan ka­nan tadi, iapoenja tangan kiri telah menjamber poela ka Ham Siao Tjoan poenja katek jang sabelah kiri. Ini gerakan telah didjalanken dengen katjepetan dan kasebetan jang loewar biasa. Ham Siao Tjoan jang baroesan telah alamken doewa serangan dengen beroentoen, walaupoen tangannja memegang sendjata, tetapi sia-sia, sadja. Djalan satoe-satoenja jang ia bisa lolosken dirinja dari bahaja, tida laen, ia lantas goenaken tenaga kakinja berlompat ka belakang; tapi apa latjoer koetika baroe sadja kakinja terangkat dari tanah, sabelah tangannja Tjin Liong Tjeng telah berbareng dateng menjamber, dan kena telak di ba­gian lamboengnja. Sekalipoen serangan ini tida membahajaken djiwanja, tetapi ia soedah terplanting dan kapalanja kabentoer dengen tembok jang deket djendela.

Di itoe sa'at djoega dengen mendadak satoe batang toja soedah menjamber dari pinggir. Dengen lantas Tjin Liong Tjeng mengelit sedikit ka pinggir, dan itoe toja besi telah liwat ka bawah di depan moekanja dan berbareng iapoenja tangan kanan telah da­teng menghantem lengen lawanannja ; djoestroe la ini adalah Tjio In Teng. Ia dapet kenjatahan serangannja tida berhasil dan begitoe sebet tangan la­ wanannja soedah lantas poekoel lengennja, maka dengen tjepet ia telah lompat moendoer sambil sapoeken tojanja jang satoe lagi ka bawah.

Sendjata sematjem itoe poen sasoenggoehnja ada sanget berbahaja; tapi boewat Tjin Liong Tjengia sama sekali tida ambil perhatian. Dengan satoe kali lompat, njata itoe toja soedah kena disapoe koSong. Dalem pikirannja Tjio In Teng, apabila ini Satoe prampoewan tida bisa dikalahken, pastilah namanja aken terhina bener-bener di kalangan Kang­ ouw, maka dengen soemanget jang bernjalah-njalah ia angsoerken sepasang tojanja ka depan dengen berbareng, sedeng soewara berkerintjingannja itoe tjintjin wadja jang ada tertjantoem di atas toja ternjata sanget menjeremken pendengeran. Tjin Liong Tjeng jang toeboehnja soedah terapit oleh itoe se­pasang toja dengen moedah soedah kelit dan tangkis kadoewa sendjata itoe berbareng ia serang bagian oeloe hati lawanannja.

Tjin Liong Tjeng poenja kapandean bersilat me­mang sanget tinggi disertaken dengen kagesitan dan kasebetan jang loewar biasa, sekali poen Tjio In Teng menjerang sampe sepoeloeh djoeroes. sebaliknja djadi ia jang kena dipengaroehin oleh serangannja Tjin Liong Tjeng.

Tjio In Teng jang telah djadi semangkm marah, ia sigra goenaken ilmoe „Hoa Tjoen Pat Ta¨ , poeter­ken sapasang sendjatanja dan selaloe toeker-toeker tjara dan djoeroesannja hingga anem belas matjem serangan, kerna ia berpengharepan ingin bikin roeboeh moesoehnja dengen lantas. Tapi siapa njana jang itoe Enghiong betina masih rasaken terlaloe banjak keringanan boewat la janin padanja. Kerna baroe sadja Tjio In .Teng selesei dengen serangan jang ka ampat dan hendak moelai pada jang ka lima, jaitoe jang dinamaken Ouw Liong Tjoan Wie, dengen gegamannja sapasang sendjatanja disamberken dari bawah ka samping dengen membelakangin badan; Tjin Liong Tjeng lantas endjot badannja melompat ka atas, Tjio In Teng meliat serangannja gagal lantas tjari gegamannja dengen sebet poeter badannja ka kiri sembari sapoe lagi kakinja Tjin Liong Tjeng; dan dengen sakedjep kadoewa tojanja soedah sampe di kakinja Tjin Liong Tjeng dan ia poen tida ajal lagi berlompat ka atas meliwatin kapalanja Tjio In leng, dengen berbareng menggoenaken tipoe „Hong-Hong-Tian-Tjie" dengen kadoe­ wa tangannja memoekoel emboen-emboenannja Tjio In Teng. Apa tjilaka ia soedah tida bisa berkelit dan mengenaken dengen djitoe, maka ia dengen terpe­lanting djato doedoek di atas boemi.

Yo Tiong meliat demikian lantas berlompat dateng bangoenken padanja sambil menanja, ,,Tjio Soeheng; begimanatah kaöe?"

,,Tida sedikit tahoen telah akoe berkoeliling dalem kalangan Kang-ouw, tapi achirnja sekarang djato t'joema oleh tangannja satoe prampoewan, soenggoeh sanget mengetjiwaken," saoet Tjio In Teng sambil goleng-goleng kàpalanja seraja berbangkit dari tanah.

Tapi oleh kerna Tjin Liong Tjeng poen ketahoei jang ia itoe boekan toean roemah, maka djoega ia soedah tida binasaken padanja,,biarken sadja ia per­gi kaboer.

Sakoetika itoe Yo Tiong telah saksiken beroenïoen doewa kawannja soedah kena dikalahken, maka dengen tida ajal lagi ia lompat ka depan Tjin Liong Tjeng seraja bilang, „Li-Ehghiong dari Tjip-san-tjhung sasoenggoehnja haroes dipoedji; akoe orang she Yo moehoenken pengadjarantnoe boewat berapa djoeroes."

Tatkala baroe sadja Yo Tiong bitjara habis perkatahannja, mendadak dari atas tembok jang sabelah barat terdenger satoe soewara tereakan jang agak keras dan bilang, „Hei ! Orang she See, sia-sia kaoe mendjagoin di kalangan Kang-ouw, ini malem perboewatanmoe soenggoeh haroes ditjela dan pengetjoet, lebih baek kaoe lekas pergi dari Pek-lauw-teng, djangan mengetjiwaken pada laen orang.¨

Menoeroet pikirannja See Tjong Pin, semoewa jang dateng padanja ada kawan^nja dari kalangan Kang-ouw, merasa dirinja sendiri ada toewan roemah. manakah bisa tida mengalah boewat marika jg. maoe toeroen tangan terlebih doeloe, tiba-tiba ada orang jang djengekin padanja, maka ia sanget moerka dan baroe sadja ia maoe lompat ka atas, ternjata itoe Orang telah toeroen ka dalem pekarangan terlebih doeloe; Ngo-in-pang-djit See Tjong Pin poen soedah begitoe sebet menghamperin padanja sampe tjoema di antara djarak bebrapa tindak djaoehnja.

Apa jang bisa terliat dari itoe orang jang baroe pertoendjoekin romannja, ia berbadan tinggi anem kaki lebih, moekanja merah bersinar oengoe, alisnja pandjang dan kadoewa matanja bersorot tadjem, disertain dengen koemis dan djenggot jang pandjang. Memake badjoe warna biroe dengen kantjing tem­baga jang besar-besar, kaos-kakinja jang poetih terboengkoes dengen sepatoe Hok-djie ia berdiri de­ngen djedjek dan tampangnja sanget garang. Dengen tiba-tiba ia angkat tangannja menjodja pada See Tjong Pin sambil berkata „Kawankoe, kaoe adalah toewannja dari ini Pek-lauw-teng, djoega adalah sa­toe Enghiong jg. di masa sapoeloeh tahoen jg. laloe telah mendjagoin di kalangan Kang-ouw; tjoema Sadja ini malem poenja perboewatan akoe ada sedikit tida hargaken !"

See Tjong Pin dari bermoela memang soedah men­dongkol dipermaenken begitoe roepa, maka sekarang mendenger poela djengekan jang begitoe poenja pe­des, dari itoe ia ada sänget moerka. Tapi itoe koetik"! ia telah tindes amarahnja sebrapa bisa dan bilang.,,Sobat! akoe See Tjong Pin sepandjang hidoepnjà belon pernah bertemoe dengen kaoe, mendadak kaoe telah dateng ka Pek-lauw-teng dan tiba-tiba lantas kaoe oepatjatji padakoe dan kaoe poen belon kasi tahoe kaoe poenja she dan nama. Apakah akoe See Tjong Pin ada berboewat kesalahan apa dengen kaoe? Hareplah kaoe soeka tjeritaken ini semoewa pada­ koe."

Orang itoe sasoenggoehnja adalah Tjoe-bo-kim-so Tam Tjoe Sian, jang mana lantas sadja ia tertawa seraja bilang, ,,Sobat, akoe ini sabetoelnja tjoema ada djadi salah satoe Boe-beng-siao-tjoet dari kala­ngan Boe-lim, sasoenggoehnja tida ada harga boewat akoe koendjoengin Pek-lauw-teng, tapi oleh kerna kadatengankoe ada oentoek kaoe, mana boleh akoe tida kasiken katerangan sadjelasnja.

Bebrapa koetika kemarihin akoe ada tinggal di Houw-gee-san Tjip-san-tjhung, akoe she Tam, namakoe Tjoe Sian."

„Pantaslah ada sademikian keangkerannja, kiranja inilah ada Tjoe-bo-kim-so Tam Lo-enghiong, ma'afkenlah jang akoe mempoenjain mata tida berminjak. Tetapi sebaliknja akoe telah dapet pikiran, Lo-eng­ hiong poenja kadatengan ini tentoe adalah oentoek memereksa kasalahankoe, baek djoega akoe See Tjong Pin, telah mendoegah terlebih doeloe.

Tjoema sadja akoe sebagi satoe Ho-han soedah tentoe tida bisa tida menoenggoe kadatengan Loenghiong."

„See Tjong Pin, toenda sadja doeloe perkara jang akce maoe preksa itoe, dan lebih doeloe oeroes sadja hal-hal jang ada di depan mata. ¨Sambil berbitjara tangannja menoendjoek pada Tjin Liong Tjeng. Koetika itoe Tjin Liong Tjeng dan Yo Tiong sama-sama soedah tida djadi berdjaoehan.

„Inilah istrikoe Tjin Liong Tjeng,¨ Tam Tjoe Sian samboeng perkatahannja, „la poenja kadatengan ka Pek-lauw-teng poen adalah oentoek poetrinja jg. soedah menderita bahaja sanget heibat, sekalian ingin meliat See Losoe poenja kapandean sampe di mana. Tapi kadatengan ia ka sini ada di loewar tahoekoe. Ada di loewar doegahankoe poela, bahwa kaoe orang-orang dari kalangan Kang-ouw jang telah begitoe ternama; dengen tjoema berhadepan dengen satoe wanita soedah moesti goenaken tipoe pertempoeran jang berganti-gantian. Dan begitoe djoega terhadep poetrikoe jang tida berdaja apa-apa kaoe soedah pak­sa ia dengen kakerasan boewat moesti tinggalken roemah tangganja dari Yangtjioe. Ini perboetwatan telah djadi pasti tida bisa disangkal lagi adalah djadi perboewatan kaoe — orang she See. Sebaliknja kaoe poenja perboewatan terhadep Kim Boen Kiem memang ada sampe tjoekoep kedjem dan boewas, tetapi itoe perkara masih ada bagian-bagian jang bisa dima'afken. T'joema terhadep perboewatan-perboewatan kaoe ini malem jang akoe liat dengen matakoe sendiri, inilah sasoenggoehnja jang soedah membikiu akoe tida poewas. Dari itoe djoega sebaliknja maka akoe ingin dengen berhadepan memoehoen kaoe poenja pengadjaran."

,,Tam Lo-soe, kaoe poenja perkatahan terang se­kali djadi salah," saoet See Tjong Pin, „dalem ka­langan Kang-ouw adalah kapandean jang membedaken kagagahan dan kalemahan, tapi tida membedaken lelaki atawa prampoewan.

Samentara soedara -soedarakoe memang soedah lebih doeloe dapet tahoe bahwa istrimoe ada dari ka­langan jang ternama, sedeng kadatengannja ka Pek-lauw-teng soedah terang ada mengandoeng maksoed-maksoed jang tida baek, dari itoe tjara bagimanatah akoe bisa tida samboet kadatengannja."

„Djikaloe demikian, baek kita bitjaraken halnja Kim Boen Kiem," kata Tam Tjoe Sian sambil tertawa ewa, „apabila dibitjaraken prihal kapandean silat dan bandingkan dengen See Lo-soe poenja ka­pandean, teranglah la tjoema sebagi satoe botjah jang masi baoe poepoek; sekalipoen betoel ia telah mene­rima kapandean dari laloehoernja, toch akoe tida bisa toendjoeken jg. mana ada Goeroenja. Tetapi apabila kaoe bisa berpaling sadja sedikit padakoe, soedah tentoe kaoe See Losoe poen haroes berboewat lebih banjak kasabaran terhadep itoe botja, dan tida moesti sampe menggoenaken Ngo-in-pang-djit Liap-hoen-teng boewat ambil djiwanja. Orang she See, kaoe soedah begitoe brani mendjalanken satoe perboewatan demikian tida mengenal prikemanoesiaan, inilah disebabken jang mengira di kalangan Kang­-ouw soedah tida ada jang bisa tandingin kaoe poenja sendjata resia itoe.

Tam Tjoe Sian memang ada satoe orang jang tida terpeladjar, djoega akoe dateng kasini boekan bermaksoed boewat membales sakit hati dari mantoekoe akoe tjoema sengadja dateng oentoek moehoen beladjar kenal sampe di mana kaoe poenja sendiata resia poenja kalihay-an adanja."

„Djikaloe kaoe bilang begitoe. Tam Losoe, akoe See Tjong Pin poen djadi merasa tida poewas, apa bisa djadi satoe Satria jang tertoewa serta telah mengoendoerken diri seperti Tam Losoe nanti tida menindahken pada keadilan dan kabeneran?" saoet See Tjong Pin.

„Menoeroet akoe poenja pendapetan, di ini djeman jang soedah kaloet dan katjau; toelen dan palsoe soedah tida di-endahken, kabeneran dan kadjahatan soedah tida ada satoe orang jang maoe bitjaraken, siapa jang lebih gagah ialah jang menang dan jang lemah téntoe aken mendjadi korban, menoeroet oekoeran kepandean silat boewat menetepken tingkatan atas atawa bawah.

Kaoe soedah prentah moerid-moeridmoe boewat mendjagoin di antara fabriek-fabriek tenoen di kota Yangtjioe, jaitoe jang memake merk Hin Liong; Fabriek tenoen Lo Boen Kie jang sasoenggoehnja adalah fabriek jang tertoewa di antaranja, hingga Sampe moesti mengalamin nasib kamoesna´an. Orangnja dan harta bandanja poen abis berantakan. Kaoe liat ini sama sekali, apakah kaoe masih ada itoe moeka boewat maoe bitjaraken tjengli.

Di antara kaoe dan akoe, malem mi lebih baek kita orang lakoeken satoe pertjobahan; apabila kamoedian ternjata betoel-betoel jang kaoe poenja Ngoin-pang-djit Liap-hoen-teng masih mampoeh petjoendangken akoe, orang she See, bisa dipastiken di hari-hari kamoedian tentoe tida ada satoe manoesia jang brani aken koendjoengin kaoe," menjaoet Tam Ljoe Sian jang soedah mendjadi gemes.

Itoe koetika sabetoelnja See Tjong Pin soedah rasaken ampir tida koewat boewat tahan amarahnja, tapi bahkan kaoeloengannja, ia masih paksaken berbitjara dengen mesem dan bilang, „Tam Losoe, kaoe poenja omongan tadi soenggoeh ada sanget diloewar dari akoe poenja pikiran. Kaoe soedah desek soepaja akoe tida perdoeliken lagi bener atawa salah, dan langgar sadja apa jang lempeng atawa bengkok; lebih djaoeh kaoe inginken See Tjong Pin menoendoek. Roepa-roepanja kaoe Tam Losoe, soedah tida bisa briken ma'af lagi padakoe. Apakah satoe orang jang soedah beroemoer begini toewa seperti akoe masih bisa makan berapa banjak oemoer lagi boewat hidoep di doenia ini ?

Tapi djika betoel-betoel terboekti jang ini malem akoe sampe goegoer dalem tanganmoe, itoelah boleh dibilang ada tjoekoep berharga."

.,See Tjong Pin, kita orang bersama-sama ada dari golongan Kang-ouw, sasoewatoe perboewatan haroes dilakoeken dengen lantas dan goembirah, djanganlah kaloewarken lagi perkatahan-perkatahan jg seperti begitoe," berkata Tam Tjoe Sian dengen soewara jg. kerèn, sambil kadoewa matanja terboeka lebih besar dan boender, menandaken jang iapoenja amarah telah sampe pada poentjaknja. Pada itoe koetika Tam Tjoe Sian soedah tida kasiken koetika pada See Tjong Pin boewat bitjara lebih djaoeh; lantas ia pasang bhesinja dengen tegoeh, dan moelain boeka gerakannja.

See Tjong Pin poen itoe sa'at soedah tida bisa berboewat laen. Ia menoleh pada kawan-kawannja, djoega tida bisa diharep ada jang aken mampoe ber­boewat apa-apa lagi, maka ia tjoema menjaoet; ,,Djikaloe sampe soedah kadjadian begini roepa, baeklah akoe melajanin sadja."

Tam Tjoe Sian telah madjoeken iapoenja ilmoe Ko-yong-twa-kioe-tjioe jang ia telah pahamken lebih dari doewa poeloeh tahoen lamanja; sedeng See Tjong Pin soedah samboet itoe dengen ilmoe Tjai-tjioe-hwat oentoek trima serangannja itoe Lo-Eng-hiong.

Begitoe marika berdoewa beradoe tangan, bisa diliat dengen njata jang oemoernja masing-masing tida berbeda djaoeh, tapi dedekan badannja, jang satoe koeroes kering serta ketjil, dan jang satoe lagi tinggi besar serta gagah. Doewa-doewa poenja ilmoe silat masing-masing ada kebaekan sendiri; tapi kegaiban dari ilmoe Noei-kang jang Tjoe-bo-kim-so telah dapetken dari kejakinannja dalem ampir doewa poeloeh tahoen, itoe ilmoe djika digoenaken adalah bisa membahajaken pada lawanannja dengen tjoema memoekoel oedara kosong sadja. See Tjong Pin jang melajanin baroe sadja tiga djoeroes, lantas la soedah bisa pastiken jang ia boekan ada tandingannja Tam Tioe Sian. Tetapi keadahan soedah mendjadi kasep, tentoe sekali ia tida bóleh sangsi-sangsi lag, melaenken ia kaloewarken kepandeannja jang la soedah peladjarken saoemoer hidoepnja. Tam Tjoe Sian poenja poekoelan menjamber angin ada begitoe hei­bat dan santer; setindak atawa sadjoeroes dengen tentoe serta kalm ia ladenin lawanannja, jang se­ nantiasa berobah-robah dan toekar menoekar tjorak dan bentoeknja dari poekoelannja.

Tiba-tiba See Tjong Pin telah bergerak madjoe kadepan mendeketin lawanannja, berbareng kadœwa tangannja disodokin ka depan dadanja Tam Tjoe Sian, dengen begitoe ia soedah goenaken ilmoe serangan berisi dan kosong dengen berbareng. Tam Tjoe Sian menangkis dan singkirken itoe kadoewa tangan ka samping, dalem sekedjep sadja lantas ternjata jang bentoeknja serangan itoe djadi berobah laen matjem. Tam Tjoe Sian jang memangnja soedah ketahoei terlebih doeloe, maka la sengadja tida goebris datengnja itoe sepasang tangan, hingga oedjoeng djarinja soedah moelain mengenakan bagian dadanja; dengen tjara sanget sebet dan dengen men­dadak kadoewa tangannja dari atas telah menjamber ka bawah dengen djari-djarmja ditoendoekin ka bawah, sambil selipken itoe kadoewa tangan ka tengah-tengah kadoewa bahoe lawanannja dan lantas pengkangken ka kiri dan kanan. Tetapi See Tjong Pin poen lantas rebahken sedikit badannja sambil dimiringken ka kiri, hingga poendaknja jang kanan sampe berhadepan dengen Tam Tjoe Sian poenja poendak jang kanan djoega, dan dengen sanget sebet ia menendang dengen oedjoeng kaki kanan dan tatkala oedjoeng kakinja soedah berada di bagian peroetnja Tam Tjoe Sian; ini satoe serangan ia telah lakoeken dengen sebet dan tjepet jang sanget loewar biasa

Tapi siapa njana jang Tjoe-bo-kim-so poen soe­dah bersedia terlebih siang. Ia lantas sapoeken kaki kanannja ka kiri, berbareng kaki kirinja diangkat sedikit ka atas dengen tjoema oedjoengnja kaki sadja jang mengindjek tanah, hingga badannja poen djadi toeroet berpoeter, dan begitoe lekas badannja berbalik kombali, kadoewa tangannja soedah terpen­tang, berbareng tangan kirinja lantas menjamber ka kaki kirinja See Tjong Pin. Apabila itoe satoe djoeroes bisa mengenaken dengen djitoe, pastilah kaki­nja See Tjong Pin tentoe patah. Tapi seperti tadi soedah dibilang jang See Tjong Pin telah menendang dengen kosong, sigra ia rebahken badannja lebih rendah, sambil kaki kirinja menjabet dengen sapenoeh tenaga dan begitoe sebet poen ditarik kombali, hingga djadi tjoema sebagian tjelananja sadja jang kasamber oleh tangannja Tam Tjoe Sian. Boekan sadja See Tjong Pin poenja badjoe djadi sobek sedengan badannja poen ikoet kanjoeknjoek; begitoe lekas oedjoeng djarinja mengenain tanah lantas ia endjot badannja dan lompat bangoen kombali sambil berkata, „Tam Losoe poenja ilmoe silat soenggoeh sanget tinggi, dan akoe sekarang menjerah kalah."

Tjoe-bo-kim-so Tam Tjoe Sian meliat See Tjong Pin maoe kaboer, lantas ia berlompat menoebroek padanja seraja membentak, ,,Hei orang she See! kaoe soenggoeh tida pandeng mata padakoe, kenapa sabelon kaoe goenaken kaoe poenja sendjata resia soedah maoe menjerah?"

Apa jang terdjadi di itoe malem, sekalipoen Tjin Liong Tjeng soedah mendjadi heran, sebab

sepandjang ia tahoe jang Tam Tjoe Sian adalah saorang jang paling endahken peradatan di kalangan Kang­ ouw, dan dia poenja sifat berkorban poen melebihken laen-laen orang; maskipoen ia kaliatannja dari loewar ada seperti orang jang angkoeh dan kedjem, tetapi sasoenggoehnja ia adalah satoe satria jang sanget bidjaksana.

See Tjong Pin sigra balikin badan, dan berlompat mendjaoehin sambil berseroeh, „Sobat lawa! Akoe orang she See soedah mengakoe kalah, djoega tida ada ingetan terbitken permoesoehan sampe toeroennienoeroen, kenapakah kaoe soedah mendesek samps sanget katerlaloean."

Pada itoe sa'at ada satoe orang tiba-tiba lompat toeroen dari tembok sabelah barat sambil berkata:

,,Kaoe tida maoe bikin permoesoehan boewat laen toeroenan, tetapi toch kaoe haroes bikin beres peritoenganmoe jang .kaoe soedah berboewat pada ini djaman djoega. Ajah! Berhati-hatilah dengen iapoenja sendjata-resia."

Orang jang berbitjara itoe boekan sadja telah mengagetken See Tjong Pin, sedeng Tam Tjoe Sian poen soedah djadi terprandjat, dan lantas ia brentiken tindakannja; kamoedian ternjata boekan laen jaitoe Tjie-hiong-piao Tam-Swat Yong, maka tida ajal lagi Tam Tjoe Sian lantas membentak: „Lekas moendoer! Kaoe djangan tjampoer oeroesankoe. Nanti akoe jang beresken peritoengannja jang bersangkoetan dengen kaoe."

See Tjong Pin sambil lari telah memoeterin itoe paseban satoe poeteran, tetapi Tam Tjoe Sian tida sekali maoe lepasken padanja. See Tjong Pin oleh kerna soedah ambil katetepan tida ingin memperpandjang permoesoehan itoe, maka dengen tiba-tiba ia lompat ka atas dan meliwatin pager bamboe, sam­bil balikin badannja berpaling ka belakang ia kata: „Sobat! Kaoe terlaloe mendesek padakoe Ma'af akoe ´tida bisa ladenin kaoe terlebih djaoeh.¨ Sasoedah ia berbitjara begitoe lantas kentjengin tindakannja maboer menoedjoe ka loewar tembokan.

,Maskipoen kaoe terbang sampe ka oedjoeng langit akoe djoega aken kedjer teroes, djika kaoe belon kaloewarken kaoe poenja sendjata resia," menjaoet Tam Tjoe Sian seraja berlompat kaloewar mengedjer See Tjong Pin.

Kawan-kawannja See Tjong Pin dan Tjin Liong Tjeng dengen poetrinja poen tida banjak tjerita lagi lantas mengikoetin dari belakangnja.

See Tjong Pin soedah ambil katetepan boewat kaboer dari Pek-lauw-teng, sasoedah ia lompatin tembok sabelah timoer lantas kentjengin tindakannja seperti terbang menoedjoe ka arah pinggir aer. Marika berkedjeran kira-kira ampir sampe di pinggir aer, Tam Tjoe Sian itoe masa berpikir apabila biarken ia bisa kaboer sampe di aer, achirnja soedah tentoe lebih soelit, maka ia lantas goenaken ilmoe mengentengin badan berlompat ka depan sebagi boeroeng walet menjamber aer, dengen moedah ia soe­dah ada di belakangnja See Tjong Pin. Sabegitoe lekas ia poenja kaki kiri mengindjek tanah telapakan tangan kanannja telah berbareng dipoekoelken ka arah belakang See Tjong Pin. See Tjong Pin poen ada tjoekoep sebet, maka ia mentjelat ka depan. Maskipoen ia tida terkena oleh tangannja Tam Tjoe Sian tetapi ia soedah tida bisa terloepoet dan terkena oleh angin jang kaloewar dari poekoelan Tam Tjoe Sian tadi, dan ampir sadja ia djato terpelanting di tanah. Di itoe sa'at See Tjong Pin keretekin giginja seraja berpikir: Tam Tjoe Sian sasoenggoenja kaoelah jang soedah paksa akoe berboewat dosa; ber­bareng dengen itoe ia rabah-rabah kantongnja dan genggam sendjata-resianja, dan dengen sambil banting badannja ka belakang, tangannja menimpoek ka belakang seraja bertereak: „Kena!" Enam bidji pa­koe Liap -hoen-teng soedah melesat dari tangannja, menjamber ka arah Tjoe-bo-kim-so Tam Tjoe Sian.

Sedari bermoela memang Tam Tjoe Sian mengharep soepaja ia goenaken sendjata itoe, maka ia Soedah mengedjer teroes-teroesan. Tam Tjoe Sian meliat moesoehnja melepasken sendjata resianja, maka ia lantas banting dirinja ka belakang, begitoe lekas tangannja kena tanah lantas dengen berbareng tangan dan kakinja endjot badannja ka atas, maka Sama djoega seperti sapotong papan melajang ka atas sampe satoe toembak lebih tingginja. Pada sa´at itoe Tjin Liong Tjeng soedah ada di sampingnja, sambil bertereak bilang; ,,Sendjata resia jang soenggoeh lihay!" Lantas ia timpoekin satengah losin Kim-tjie-Pio-nja ka arah sendjata resianja See Tjong Pin. Trang! kadengeran beradoenja Kim-tjie-pio dengen Liap-hoen-teng: ternjata sendjata resianja See Tjong Pin soedah ada ampat jang djatoh.

Tam Tjoe Sian begitoe lekas iapoenja badan sampe di tanah lantas ia mentjelat lagi seraja bilang, „Sendjata jang sanget lihay! Betoel-betoel boekan poedjian kosong, sekarang sampelah akoe poenja gi­liran boewat memberi hormat." Sambil ia memboeroe ka depan kira-kira doewa toembak djaoehnja, la lantas bertereak : „Kena !" Dengen lantas dari tangan kanannja telah melesat doewa boetir Tjoe-bo-kim-so, jaitoe jang satoe besaran dan jang kadoewa ketjilan, dan jang besar lebih berat dan jang ketjil lebih en­teng. Kim-so (teropong-tenoenan mas) jang ketjilan menjamber menoedjoe sanget lempeng pada otak belakangnja See Tjong Pin, dan jang besaran mengikoetin belakangan.

See Tjong Pin sasoedah dapet kenjataan bahwa serangannja loepoet sama sekali, ia djadi sanget terprandjat dan keder, dan sebaliknja ia memastiken jang ia aken trima serangannja sendjata resia Tam Tjoe Sian. Doegahan itoe tida meleset, kerna baroe sadja ia lompat ka depan dan toeroen kombali, ber­bareng itoe kadoewa sendjata resianja Tam Tjoe Sian soedah tiba. See Tjong Pin memang sänget ter­kenal dengen iapoenja ilmoe mengelit jang sanget tjepet dan sebet. Dari kanan ia lantas poeterken badannja ka belakang sambil miringken kapalanja ka sabelah kiri, Kim-so pertama soedah liwat di bagian tempat kosong. Tapi Kim-so jang kadoewa soedah menjoesoel telah tiba poela, menoedjoe lempeng ka arah oeloe-hatinja. See Tjong Pin dengen loewar biasa sebetnja goenaken seantero tenaga banting toeboenja ka samping kiri; hingga terhindarlah poela ia dari serangan Kim-so jang kadoewa.

Kamoedian dengen tjoema mengandel pada tenaga jang berada dipongkol bahoe tangannja, ia lantas melesat berbangkit dan berdiri lagi; tapi tida dinjaria dari Tam Tjoe Sian poenja tangan kiri berbareng di sa'at itoe djoega telah melesat poela doewa boetir Kim-so lagi. Ini kali menjambernja Kim-so jg. ditoedjoeken pada lamboeng kiri; dan jang besar ditoedjoeken ka lamboeng kanan, maka sekali poen terhadep orang jang bagimana tinggi ilmoe silatnja ia tida nanti bisa hindarken serangan ini. Tetapi See Tjong Pin sampe tjoekoep tjerdik dan gesit; ia toebroekin badannja ka depan sampe di atas tanah dan itoe doewa Kim-so telah liwat poela, tetapi tida oeroeng iapoenja badjoe di bagian lamboeng kiri dan kanan telah djadi bolong oleh kim-so tadi. See Tjong Pin telah mengaloewarken kringet dingin; dan Tam Tjoe Sian poen soedah sampe di hadepannja. Tetapi ini kali ia tida lantas boenoeh pada See Tjong Pin sebaliknja ia angkat kadoewa tangannja menjodja seraja bilang: ,,Sobat! Kita berdoewa ibarat 8 tail sama dengen satengah kati jang bersama ilmoe silatnja; tamatlah perklaian kita sampe di sini. Besok Pagi akoe pergi ka kota Yangtjioe, di roemah makan Giok Hwa Kie mengoendang kaoe dan kawanmoe begitoe djoega Boe Lam Hin, boewat meroendingken hal-hal jang telah liwat dan jang aken dateng. Branikah kaoe boeat pergi?"

See Tjong Pin sambil tarik napasnja berkata: „Kaoe poenja Tjoe-bo-kim-so soedah tida bisa binasaken akoe, apatah lagi jang akoe masih takoetin? Akoe trima oendanganmoe itoe, dan kapan temponja?"

,,Besok tengah hari akoe aken mengoendang dengén hormat," saoet Tam Tjoe Sian. Sakoetika itoe Tjin Liong Tjeng dan Tam Swat Yong telah tiba di sitoe. Tjin Liong Tjeng serahken ampat boetir Kim-so iang ia telah koempoelin. Tam Tjoe Sian sambil adjak istri dan poetrinja menoempang prahoe meninggalken Pek-lauw-teng.

Hari kadoewa telah tiba. Di itoe han di roemah makan Giok Hoa Kie jang berdiri di antara djalanan prapatan tiga di tengah-tengah kota Yangtjioe, soe­dah sedari pagi hari sa'adanja penggawe di sitoe repot mengatoer. Semoewa tempat di atas lauwteng soedah ada orang jang pak sama sekali. Semoewa penggawe dan pengoeroesnja merasa heran kerna jang mengoendang adalah orang dan laen tempat, sedeng dalem soerat oendangan ada tertoelis fateiek tenoen Lo Boen Kie, tapi tida tertampak nama Toe-wan roemahnja. Fabriek tenoen jang pake nama itoe terang soedah lama telah brenti kerdja, sedeng orang jang ia oendang adalah Tauwkee dan Pengoeroes-pengoeroes tinggi, Koewasa dan kassir dan fabriek tenoen Hin Liong; begitoe djoega Koewasa dan kassir dari fabriek tenoen Lo Boen Kie jang soedah brenti. Dan ada bebrapa orang-orang terkamoeka dari fabriek tenoen Lo Boen Kie jang soedah berenti. Dan ada bebrapa orang-orang terkamoeka dari kalangan dagang di kota itoe, seperti Tan Soe Sin, Tan Go Yo dan laen-laen bebrapa belas orang-orang lagi. Belakangan pengoeroes dan penggawe Giok Hoa Kie baroe tahoe bahwa marika aken roendingken tentang peristiwa jang telah menggemperken Yang-tjioe jaitoe permoesoehan antara doewa fabriek te­noen Lo Boen Kie dan Hin Liong.

Pada kira-kira ampir djam 10 pagi, Tam Tjoe Sian, jaitoe adalah orang jang mengoendang pesta itoe, istrinja dan Tam Swat Yong — poetrinja Tam Tjoe Sian begitoe djoega madjikan prampoewan dari fabriek tenoen Lo Boen Kie; sama sekali soedah berada di atas lauwteng roemah makan Giok Hoa Kie. Tida lama lagi para tetamoe dari kalangan da­gang seperti Tan Soe Sin dan laen-laennja poen bertoeroet soedah tiba di toe roemah makan.

Tam Tjoe Sian dan poetrinja melajanin para tetâmoenja dengen penoeh kahormatan. Tapi apabila ada salah satoe tetamoe jang madjoeken pertanjahan prihal oeroesan itoe fabriek tenoen. Tam Tjoe Sian selaloe beriken penjaoetan: ,,Harep Toewan soeka bersabar, sabentar djika eigenaar dan koewasanja dari fabriek itenoen soedah dateng, toewan poen aken mendjadi tahoe."

Sedikit sa'at soedah liwat; kamoedian Ngo-in-pang-djit See Tjong Pin, Kim-to Boe Lam Hin dan semoewa para penggawe tinggian dari kadoewa fa­briek tenoen telah tiba. Tam Tjoe Sian jang mengepalaken itöe perdjamoean satelah angkat tjangkir araknja memberi hormat pada para-tetamoe, lantas berbangkit dari doedoeknja dan lantas moelai pembitjaraannja bilang:

.,Akoe Tam Tjoe Sian ini hari soedah mengoen­dang.dengen hormat pada para hadlirin, maksoed jg. dikandoeng jalah oentoek mentjari djalan oentoek memoetoesken perkara jang lelah terbit di antara kadoewa fabriek tenoen Hin Liong dan Lo Boen Kie. Kim Boen Kiem adalah mantoekoe; Tam Swat Yong adalah poetrikoe aseli. Dan akoe poen tida oesah bitjara maloe-maloe lagi; jaitoe kadatengankoe dari Houw-gee-san kasini, sasoenggoehnja dengen bermaksoed membikin pembalesan.

Seperti Toewan-toewan poen tahoe jang poetrikoe sekarang soedah mendjadi kahilangan soewami serta moesna semoewa harta bandanja, dalem kota Yangtjioe ini ia sampe tida bisa berdiam terlebih djaoeh, Djika kita liat ini perkara, perboewatan manka sama sekali boekan seperti perboewatan di kalangan dagang atawa soedagar; ini melaenken ada tjara-tjara perboewatan di kalangan Kang-ouw, jaitoe bales dan membales di antara kadoewa moesoeh. Dari itoe akoe poen soedah ambil ini djalan sematjem itoe djoega

— seperti jang kita kenal di kalangan Kang-ouw, boewat membikin beres perkara ini.

Akoe Tam Tjoe Sian dari bermoela memang telah ambil pikiran, begitoe lekas akoe sampe di ini kota, ka satoe akoe aken bikin terbalik fabriek tenoen Hin Liong; oleh kerna ialah jang mendjadi kapala dari ini perkara, soedah tentoe akoe tida bisa begitoe sadja. Dan mantoekoe adalah ini Lo-soe jang soedah boenoeh, akoe poen soedah bersoempah tida aken hidoep berdoewa bersama-sama di dalem doenia ini. Tjoema sadja akoe Tam Tjoe Sian poen telah ngalamken penghidoepan dalem kalangan Kang-ouw boekan sedikit tahoen; soedah tentoe tida maoe berboewat perboewatan jang botjengli. Sasoedah akoe tiba di kota Yangtjioe, terlebih doeloe akoe dengen sanget terliti telah tjari tahoe hal-hal jang bersangkoetan dengen itoe perkara. Akoe poenja mantoe Kim Boen Kiem ternjata memang ia adalah satoe orang jang keliwat sombong dan menoeroetin sadja iapoenja amarah, tida perna memikirin keadilan terhadep laen orang. Maka itoe achirnja sampe ia moesti alamken kematian.

Maskipoen ia telah terboenoeh oleh ini See Losee, itoelah memang disebabken oleh perboewatannja djoega. Tapi apabila kita pandang dari soedoet prikemanoesia'an, See Lo-soe poenja perboewatan jang paling achir poen ada katerlaloean. Akoe baroesan sadja baroe berkoendjoeng pada See Lo-soe dan kita poen baroe selesei dari itoe perhimpoenan. Maka itoe sekarang akoe soedah mengoendang pada sekalian sobat jang terhormat oentoek dateng ka sini, jaitoe oentoek memberi tahoeken tentang kapoetoesankoe terhadep perkara terseboet tadi.

Tentang permoesoehan memang kita haroes akoei boewat kadoewa fihak poen soesah boewat loepaken, tetapi kita sebrapa bisa haroes singkirkan permoe­soehan itoe. Oleh kerna — kita haroes inget bahwa djika kita biarken sadja itoe permoesoehan berdjalan teroes, dan di kadoewa fihak mendjalanken lelakon saling bales membales; di fihak orang she Kim begitoe djoega di fihak orang she Boe masing-masing ada mempoenjain toeroenan, maka apabila itoe dilalaiken, boekankah selamanja nanti di kadoewa fihak aken mendjalanken pemboenoehan dan dosa-dosa tida ada poetoes-poetoesnja?

Sekarang akoe Tam Tjoe Sian mempehoen dengen sanget soepaja, dengan lantas fabriek tenoen Lo Boen Kie bisa mendjalanken lagi perniagahannja, boekan tjoema begitoe sadja; kaselametan dari djanda dan anaknja Kim Bcpen Kiem begitoe djoega hartanja haroes, didjamin betoel-betoel. Dan kasedihan jang telah terbit oleh kerna meninggalnja Kim Boen Kiem memang ada sanget mengenesken; itoelah haroes ada tanggoengannja fabriek Hin Liong oentoek memberi hiboeran sebagimana moestinja pada marika jang menderita.

Moelai dari ini hari hingga sateroesnja kadoewa fihak oeroeslah masing-masing poenja peroesahan; satoe sama laen tida boleh saling mengiri atawa mengganggoe. Apabila sampe kedjadian terbit perselisihan di antara penggawe-penggawe, oesirlah marika jang telah berselisihan itoe dan kadoewa fihak tida boleh pake lagi, oentoek menghindarken salah faham.

Akoe poenja tjoetjoe-loewar Siao Tiap masih beroesiah kaliwat moeda, samentara ia tida aken kombali ka kota ini, maka itoe adalah poetrikoe Tam Swat Yong jang aken membangoenken poela peroesahannja begitoe djoega roèmah tangganja, apabilä kamoedian sampe terbit poela hal-hal jang menjoesahin atawa mengganggoe padanja, adalah akoe Tam Tjoe Sian jang aken belaken padanja dengen tenaga dan djiwakoe sendiri, begitoe djoega djika achirnja sampe terboekti orang telah tida toeroet poetoesankoe ini, tentoe tida ada laen djalan lagi selaennja akoe nanti timpalin di mana sadja marika berada.¨ Demikianlah Tam Tjoe Sian toetoep pembitjarahannja, sambil kamoedian angkat kadoewa tangannja memberiken hormat pada hadlirin.

See Tjong Pin poen lantas berbangkit dan doedoeknja dan berkata: „Soenggoeh bagoes, Tam Lo-Enghiong! Sasoedahnja kaoe kaloewarken peratoeranmoe, betoel-betoelah akoe See Tjong Pin kagoemken padamoe; tida mengetjiwaken jang kaoe telah mendjadi satoe pendekar dari kalangan Kang-ouw jang sasoenggoehnja sanget bidjaksana. Seoedah terang jang kaoe dengen moedah, bila kaoe maoe bikin pembalesan goena Kim Boen Kiem, tapi kaoe masih bisa pegang tegoeh wet alam dan boedi pekerti setjara kemanoesiahan. Akoe See Tjong Pin sanggoep djalanken semoewa apa jang kaoe baroesan soedah prentahken."

Baroe sadja ia bitjara sampe di sitoe, kamoedian ia lantas berpaling pada Tan Soe Sin dan laen-laen-nja, djoega pada semoewa penggawe fabriek tenoen dan berkata lebih djaoeh: ,,Ini Tam Lo-soe adalah jang disebóet Tjoe-bo-kim-so Tam Tjoe Sian dari Tjip-sian-tjhung; satoe Lo-Enghiong jang ternama. Kemaren malem ia telah berkoendjoeng ka Pek-lauwteng dan soedah begitoe baek hati tida abisken salembar djiwakoe ini; ini adalah satoe boedi jang besar bagikoe. Sebaliknja akoe orang she See djadi merasa berdosa padanja, apa poela sekarang ia telah demikian merendah oentoek dapetken kaberesan, maka apabila di antara kita orang masih ada djoega jang nanti membikin katjau apa-apa, soedah tentoe kita tida segan-segan lagi boewat oesir padanja."

Perkatahan-perkatahan di atas sebaliknja telah menerbitken Tam Swat Yong poenja sedih, tida terasa aer-matanja soedah berlinang seraja berkata: ,,Ajah, apa jang kaoe telah atoer, apatah kaoe tida merasa bersalah terhadep poetrimoe ini?"

Tam Tjoe Sian mendenger perkatahan poetrinja, mendadak ia djadi merengoet dan berkata: „Ko Naynay, sebagian besar memang kaoe bener, tapi ada doewa hal jang akoe aken tjeritaken padamoe, tentoe kaoe nanti merasa poewas. Soewamimoe telah toeroenken papan merk dari fabriek tenoen Hin Liong, dan bawa depan Boe Lam Hin serta lantas antjoerken itoe di hadepannja; ini tjara boekan semata-mata maoe menghina padanja? Dan apa oemoem bisa memberi ampoen pada perboewatan jang begini koerang adjar? Apalagi djika kita inget pada perboewatannja jang begitoe tida mengenal prikematioesiahan mendesek pada laen fihak sampe abis-abisan, tida sekali maoe kasih ampoen pada laen órang; dan apabila jang menderita itoe boekan di fihak fabriek tenoen Hin Liong tapi kita sendiri, saharoesnja moesti kita berboewat bagimana?

Maka itoe kemaren malem jang telah kedjadian di Pek-lauw-teng. sabetoelnja akoe jang soedah sengadja mendesek dan memaksa pada itoe orang she See. Inilah akoe tjoema maoe tjoba apa betoel anggepankoe tadi ? Dan ternjata ia sampe bebrapa kali me­ngalah sadja dan sampe achir-achirnja ia tida bisa dapet djalan lagi boewat lolosken diri baroe ia pake sendjata resianja.

Maka itoe akoe berpendapetan binasanja Kim Boen Kiem poen tentoe telah terdjadi oleh kerna hal-hal jang saroepa djoega. Ko Naynay dengerlah perkatahankoe, dan djalankenlah prentahkoe tadi!"

See Tjong Pin, Boe Lam Hin. Tan See Sin dan laennja berbareng bangoen dan memberi hormat pada Tam Swat Yong sambil berkata: ,,Kim Toa Naynay, hàri ini harep kaoe soeka bermoerah hati, dàn soeka mengalah sedikit. Di belakang hari masatah kaoe tida ßisa mendjadi senang lagi seperti doeloe. Dan kita orang poen tanggoeng aken memberi bantoean padamoe sebanjak-banjaknja."

Tam Swat Yong mendenger perkatahan marika, maka ia poen tjoema bisa angkat tangan dan mem­beri hormat dengen mata jang berlinang.

Sasoedah marika bikin selesei ini perkara, maka Tam Swat Yong poen lantas angkat peti soewaminja dan koeboer dengen oepatjara jang sanget besar. Sama semoewa toko2 soetra dan tjita poen tida loepoet pada dateng memberi bantoean dan menganter di hari koeboernja. Begitoe djoega merk Lo Boen Kie poen moelain dari hari itoe dipasang lagi, menandaken peroesahan poen moelain berdjalan lagi Dan Siao Tiap tetep berdiam di Tjip-sian-tjhung dengen aki-loewarnja sampe li wat bebrapa tahoen baroe kombali ka kota Yang tjioe lagi. Maka riwajat Tjoe-bo-kim-so poen telah tamat sampe di sini.

— TAMAT —

Tjoe bo kim so atawa Satoe pertjidrahan jang berachir baik (page 90 crop)

Tjoe bo kim so atawa Satoe pertjidrahan jang berachir baik (page 90 crop) 2