Tjerita Ko Teng Tjan/Bagian 2

by Lie In Eng

—„Dan apa Djinio tiada menoedoeh Siapa-siapa berhoeboeng sama itoe pentjoerian jang gaib."

—„Tida. là tjoema menangis sadja."

Ko Siotjia berpikir sasaät lamanja, kamoedian sigra djoega ia berkata lagi:

„Apa sekarang Tjhioe Goat masi ada disini?"

„Astaga! kata itoe iboe dengen swara heran masalah sampe ini hari kau masi belon taoe telah terdjadi perkara apa dengen Tjhioe Goat itoe?"

—„Soenggoe akoe tida taoe, iboekoe. Telah terdjadi perkara apatah dengen dia itoe?"

—„Telah terdjadi apa? la poen telah anjoetin diri saharian sama-sama kau poenja Djinio!"

Ko Siotjia mengaloearken treakan kaget, hingga soempit jang ia pegang terlepas dari tangannja.

„Ach, itoelah satoe perkara jang akoe tida doega sama sekali!" kata itoe nona sambil mengela napas. „Tjhioe Goat soeda meninggal! dan meninggal dengen bawa djoega itoe resia besar ka lobang koeboer. Sekarang melaenken tinggal itoe prampoean toea, atas siapa akoe boleh oesoet ini perkara Maka esok, sekalian bikin sembajang di koeboeran, akoe nanti ketemoein dia, boeat denger ia poenja katerangan tentang itoe perkara chianat, jang toeroet doegaänkoe, ia sendiri ada tjampoer tangan."

—„Begimanatah kau boleh doega begitoe?"

—„Dengen menimbang atas kerdjaän jang ia lakoeken sahari-hari. Apa iboekoe kira, saorang jang melakoeken pakerdjaän tjomlang, ia nanti merasa takoet pada koetoeknja Allah?"

Ini perkataän membikin Soen Nio, demikian poen Hong Dji, jang ada di sitoe, djadi terkedjoet, kerna iaorang tida kira jang Ko Siotjia poenja doegaän ada begitoe djitoe.

Soen Nio tida brani boeka satoe pata swara boeat membantah anaknja poenja omongan, dan djoestroe inilah jang membikin Hong Dji djadi djengkel sekali. Maka maskipoen baroe abis didelikin, Hong Dji jang bandel itoe tida takoet oelangken kalantjangannja boeat belaken itoe prampoean toea, ia poenja kontjo melakoeken kadjahatan. la laloe madjoe bebrapa tindak, dan berkata pada Ko Siotjia dengen tertawa dibikin-bikin :

„Siotjia kliroe, kaloe Siotjia mendoega djelek pada 'ma Djim. Dia itoe ada saorang toea jang amat baek dan radjin sekali, dan sebab begitoe djoega, maka Hoedjin dan Naij-naij almarhoem djadi sanget tjinta padanja."

„Soenggoe merdoe sekali kau poenja swara, Hong Dji," kata nona Loan dengen menjindir, sedeng itoe waktoe ia soeda moelai poesing oleh kerna kerdjanja minoeman keras; „maka akoe merasa wadjib membri gandjaran padamoe, boekan sadja boeat itoe swara, tapi djoega boeat kau poenja kabra nian tjampoer bitjara."

Hong Dji mengarti apa maksoednja itoe perkataän, maka ia djadi meroengkoet seperti monjet jang denger swara senapan.

„Tetapi," kata poela itoe nona jang teroesken bitjaranja, sajang sekali ini waktoe akoe tida ada sedia apa-apa jang baek,.... maka itoe, Tjheng Bwe! kau sadja kasi pada ini boedak jang koerang adjar . . . . satoe gamparan!"

Hong Dji melengos sambil pedengin moekanja dengen sabla tangan, satelah ia meliat Tjheng Bwe jang berdiri di dampingnja bergerak maoe menampar.

Tapi sebagi orang jang pande silat, dengen sebat Tjheng Bwe tekan ka bawa boekoe tangannja Hong Dji jang memedengin dengen sabla tangan, sedeng tangannja jang satoe lagi telah melajang ka pipinja itoe boedak doerhaka, hingga dia ini djadi meringis-ringis sambil moendoer dengen sempojongan.

Semoea orang jang ada di sitoe merasa girang sekali dan moesti tahan tertawa, meliat sabla pipinja Hong Dji jang penoe bedak mendjadi mera berpeta telapakan tangan.

Itoe boedak sendiri tentoe sadja merasa Sakit hati sekali pada Tjhioe Goat boeat itoe tamparan jang pedes rasanja, dan itoe hinaän di hadepan orang banjak, sebagimana jang orang blon perna atawa brani berboeat padanja, dan kaloe itoe waktoe ia soeda tida bales memoekoel, itoelah tjoema dari sebab ia merasa djeri pada Ko Siotjia, jang mengawasin padanja dengen mata bersorot djemoe.

„O, djahanam!" menggarendang itoe prampoean kedji dengen swara di tenggorokansambil berdjalan ka blakang.,„Inilah soeatoe hinaän boeat akoe besar sekali. Tapi ati-ati! djangan kau kira akoe nanti tida bikin peritoengan di kamoedian hari!"

Ini boedak tjilaka poen soeda pikir baek-baek, kaloe berklai goelat, ia tida nanti kala sama moesoenja itoe, jang pengawakannja banjak lebi ketjil dari pada diri sendiri jang tinggi besar serta koeat.

Satenga djem kamoedian perdjamoean ditoetoep dengen koerang goembira. Nio Sie laloe pasang satoe leng boeat pergi sediaken aer anget di kamar rias pranti Ko Siotjia tjoetji badan.

Tapi salagi ia hendak liwat di satoe gang, koenjoeng-koenjoeng api teng mendjadi padem ditioep angin, hingga tempo ia angkat kree jang menoetoepin gang, apa latjoer, lantaran gelap, ia kena tjolok bidji matanja Hok Tjoen, jang soeda lama poelang dan berdiri diam di sitoe seperti orang jang kailangan soemanget, sebab ia lagi intjer parasnja Ko Siotjia jang amat bolo, jang membikin ia djadi kagoem.

„Adoe!" treak itoe djahanam sambil tekap matanja dan 'ngempet di tembok: „Apa kau boeta? Kau tida liat ada orang di sini?"

„Maäf, siangkong," kata Nio-Sie dengen merasa enak hati. „Sasoenggoenja akoe tida taoe kau ada di sitoe. Tapi perloe apa Siankong diam di tempat gelap ?"

Hok Tjoen merasa djenga sedikit mendenger itoe tegoran. Maka dengen tjepat ia lantas menjaoet: ,,Perloe apa, sih tida; tjoema akoe kapingin liat, siapa itoe jang lagi mengomong sama bibikoe."

---

Sindiran tidak enak boeat orang jang
tida mengenal adat― Ko Siotjia sem
bajangin koeboeran iboenja.

Itoe swara riboet-riboet telah didenger oleh Soen Nio, dan dari sebab ini njonja kenalin swara itoe ada swaranja Hok Tjoen, maka sigra djoega ia memanggil: ,,mari masoek, Tjoen! kau poenja soedara Bong Loan ada di sini."

,,Haha, akoe kira tetamoe dari mana, kaloe begitoe itoe djejaka tjakep ada adĕkoe, Bong Loan ?" kata itoe djahanam dengen melaga bodo dan sambil berdjalan masoek ka itoe pertengahan.

Sigra djoega ia soeda dateng di hadepannja Ko Siotjia, pada siapa ia berkata sambil membri hormat: ,,Selamat dateng, Tjhin-moij; trimalah hormat dari kau poenja Koko.

Ko Siotjia memandang dengen tida begitoe soeka pada Hok Tjoen itoe, jang kelakoeannja koerang sopan, maski djoega tjetjongornja tida terlaloe djelek.

Djoega Ko Siotjia ada merasa heran kenapa itoe djedjaka berbahasa Tjhin-moij pada diri sendiri, sedeng menoeroet pantes ia moesti berbahasa Piauw-moij, kerna ia berdoea poen tjoema teritoeng ada djadi soedara Piauw satoe sama laen. Maka sasoedanja bales membri hormat, nona Loan lantas menanja begini pada itoe djedjaka:

„Maäf Piauwheng, apa boleh akoe dapen katerangan, dengen hak apa kau berbahasa padakoe Tjhin-moij?"

„Tentoe boleh sekali," saoet itoe djahanam dengen tida merasa maloe., Sebagimana brangkali Hian-moij poen soeda taoe, jang dengen maoenja Kotioh, sadjek oemoer delapan atawa sembilan taon akoe telah tinggal di ini gedong boeat toentoet peladjaran jang bergoena, oleh kerna Kotioh selempang, kaloe ia biarken akoe tinggal pada iboe sendiri jang amat miskin, akoe nanti tida dapet didikan jang sampoerna baek. Inilah ada menoendjoeken, begimana Kotioh ada sanget tjinta padakoe. Dan dari sebab ini djoega maka itoe taon, koetika Song In linjap ditjoeri orang, dan djoestroe pada taon itoe djoega iboekoe meninggal doenia, akoe telah diangkat djadi anak betoel oleh Thaij-Thaij sebab Thaij-Thaij poen soeda pikir baek-baek, Kotioh tentoe tida bikin kaberatan apa-apa, lebi lagi sebab itoe tatkala Hianmoij ada di kota Radja, sedeng di pangkoeannja Thaij-Thaij tiada saorang jang boleh girangken ia poenja hati. Demikianlah sebabnja, mengapa baroesan akoe berbahasa Tjhin-moij pada kau. Dan apatah ini tida pantes sekali?„

„O, begitoelah lantarannja," kata Ko Siotjia sambil memanggoet. „Tapi brapatah Piauwheng poenja soedara laki-laki? Sebab toeroet doegaänkoe, orang jang'soeka seraken dirinja dipoengoet anak, tentoe moesti ada mempoenjai banjak soedara."

„Tapi kau kliroe dengen itoe doegaän, kata itoe djahanam jang moekanja djadi mera sedikit. „Sebab akoe ini poen anak toenggal, jang ka atas tiada poenja kakenda dan ka bawa tiada poenja adinda."

Ko Siotjia lantas menengok pada iboenja dan berkata sambil tertawa:,,Kaloe begitoe, ini perkara poengoet anak soenggoe boleh dibilang aneh sekali. Lantarannja iboe angkat 'Ko Tjoen boeat merawatin aboe, tentoelah djoega dari sebab iboe koeatir kauem kita nanti poetoes toeroenan; tapi apa iboe tida pikir, jang dengen berboeat begini, sabaliknja boleh membikin orang jang memang soeda ada mempoenjai toeroenan nanti djadi amat tjilaka? Sebab kaloe ia poenja toeroenan jang tjoema satoe satoenja iboe rampas dengen tjara begitoe, siapatah nanti rawatin ia poenja iboe? Ini toch lida adil sekali. Satoe pribahasa poen ada bilang: „apa jang kita sendiri tida mane, djangan! briken pada laen orang." Maka mengapa djoega iboe moesti kasi itoe rasa jang tida enak pada itoe koelawarga, kaloe iboe sendiri tida maoe dapet rasa begitoe? Lagi poen satave akoe, tjaranja orang mengangkat anak boekan begitoe. Djikaloe satoe tjabang kaoem tiada mempoenjai toeroenan, blasanja ia ambil kaoem jang lebi deket, oepamanja kaponakan, boeat djadi gantinja, dan apabila dari ini ijabang tida bisa didapet, baroelah ia pili sanak jang lebi djaoe, begitoe djoega tida boleh kaoem jang lebi toea. Tidalah seperti sekarang, pada sablonnja pili kaoem sendiri, dateng-dateng iboe angkat kaoem loear jang berlaenan shenja. soeatoe hal jang boleh bikin orang djadi tertawa. Apatah ini tida aneh sekali ?"

Saäbisnja berkata begitoe, Ko Siotjia memandang pada itoe doea orang dengen ter- senjoem dan dengen merasa enak hati, hingga parasnja marika itoe mendjadi mera dan tida bisa kaloearken satoe pata swara boeat membantah. Roepa-roepanja nona Loan masi maoe kata apa-apa lagi, tapi Tjheng Bwe jang tramaoe itoe doea orang nanti dapet maloe jang lebi besar, sebab ia rasa apa jang Siotjianja telah bilang baroesan soeda tjoekoep boeat oendjoek kasesatannja marika itoe, ia lantas dateng di antara itoe iboe dan anak, dan silaken iaorang masoek tidoer dengen membilang, jang itoe waktoe soeda djaoe malem.

Dengen begitoe Ko Siotjia djadi oeroeng teroesken bitjaranja dan ia lantas ikoet istrinja The Khoen pergi ka kamar rias, dengen dianter djoega oleh Tjheng Bwe, sasoeda ia oetjapken selamat tidoer pada iboenja.

Tempo itoe gadis soeda berlaloe, Soen Nio, Hok Tjoen dan Hong Dji laloe berkoempoel di laen roewangan, boeat bitjaraken iaorang poenja nasib jang kaliatan telalı moelai terantjem bahaja.

„Apa Siangkong taoe, baroesan telah terdjadi perkara apa dengen akoe ini?" begitoelah Hong Dji moelai menanja pada Hok Tjoen, sasoeda ia menengok tjelingoekan dan dapet kenjata'an, jang itoe waktoe tida ada laen orang dari pada kawannja sendiri.

„Tida, Hong, akoe tida taoe," kata itoe djahanam dengen melaga bodo, padahal ia liat dengen mata sendiri jang baroesan Hong Dji telah ditampar.„Telah terdjadi perkara apatah dengen angkau ini?"

—„Tjobalah liat, brangkali sampe sekarang akoe poenja pipi masi mera bekas ditampar oleh Tjheng Bwe dengen prentanja Siotjia Loan."

„Tapi sajang tjoema sabela, Hong," kata itoe lelaki kedji sambil tertawa. „Tjobalah kaloe pipi kau doea-doea djadi mera begitoe, tentoe kau poenja paras djadi bertamba eilok."

Hong Dji lantas delikin matanja sambil merengoet, tapi itoe perkataan ada girangkem ia poenja hati.

„O, djangan mara, Hong," kata poela itoe lelaki tebel, „akoe poen tjoema bitjara dengen memaen."

—„Dan tentoe memaen dengen enak, oleh kerna kau tida oesa rasaken pedesnja itoe gamparan. Tapi djangan kau kira akoe maoe bekerdja lebi lama aken goenamoe, tida, bekerdja boeat dapeti gandjaran jang begitoe matjem dari padamoe, itoelah banjak trima kasi! Tapi satoe nasehat akoe boleh briken pada kau, jaitoe haroeslah kau berlakoe lebi ati-ati pada itoe Siotjia, jang toeroet rasakoe, ia poenja adat boekan boleh dioepamaken seperti lampoe jang sajang minjak."

—„Ach, djanganlah mara sampe begitoe, boeat itoe perkatäan memaen. Apa Siotjia telah mengantjem maoe bikin tjilakoe akoe?"

—„Mengantjem, itoelah tida; tapi ia telah kaloear kata, esok ia maoe pergi ka pakoeboeran boeat preksa 'ma Djim, dan inilah akoe anggep ada lebi berbahaja dari antjeman."

—„Tapi ia tida nanti dapet maksoednja. Esok pagi, sablonnja terbit matahari, akoe nanti prenta Lo Keng pergi kisikin 'ma Djim, soepaja ia sigra menjingkirken diri ka laen tempat. Kamoedian pelahan pelahan kita nanti tjari djalan jang baek boeat kedja noua Loan djadi tida berbahaja aken gerakan kita."

Hong Dji maoe boeka swara boeat bantah Hok Tjoen poenja bitjara, tapi oeroeng, oleh kerna di saät itoe ia dapet denger tindakan kaki orang jang mendatengin.

Tida lama lagi lantas kadengeran swaranja Nio-Sie, jang menanja pada Hok Tjoen dari Joear pintoe begini:

„Apa Siangkong masi lama doedoek di sini? Akoe naoe pademken lampoe."

„Kau boleh pademken," kata Hok Tjoen sambil berbangkit, „sekarang poen akoe maoe masoek tidoer." Nio-Sie lantas lakoeken kerdjaännja, se deng itoe lelaki kedji berdjalan masoek ka kamar sendiri.

Lo Keng ada di itoe kamar, koetika Hok Tjoen reba di pembaringan. Tapi ia trabisa poeles, kerna ada apa-apa jang ia pikirken. Djoega ia tida saoetin pertanjaännja Lo Keng jang tawarin dia minoem thee, begitoe poen koetika ini boedjang adjakin dia minoem arak bersama-sama.

Lo Keng merasa heran meliat kelakoeannja itoe madjikan moeda, kerna ia poen tida taoe, jang madjikan itoe lagi selidiki parasnja mona Loan, jang berbajang-bajang sadja di matanja.

„Ach," kata itoe bocaja lelaki dengen swara tida kadengeran sambil garoek-garoek blakang koeping, jang tida sekali merasa gatel, sajang sekali jang gadis itoe soeda diperdjodoken sama laen orang, tjobalah blon, boekankah boeat akoe ini ada enak sekali? Djoega apa tida betoel jang nona itoe Sasoenggoenja ada eilok sekali? Liatlah la poenja ramboet jang gemoek, item serta mengkilap; ia poenja tampang moeka jang berpotongan telor gangsa; a poenja ajidat jang negla; la poenja mata jang bersorot aloes tertawoeng dengen alis jang kereng ia poenja idoeng jang bangil seperti diraoet; ia poenja senjoem manis, jang senantiasa ada hiasken bibirnja jang mera seperti boenga delima; ia poenja leher jang djoengdjang, ia poenja potongan badan jang sedeng; ia poenja swara jang merdoe; pendeknja ia poenja segala roepa-jang tida tertjela-apa itoe semoea tiada menarik hati? Nabi jang manakah kaloe meliat bidadari jang begitoe moelia tida djadi tergioer? Tapi toch dengen macenja Kotioh, pada oemoer sataon, ia soeda diperdjodoken sama laen orang! Ha! soenggoe sajang sekali...."

Hok Tjoen toetoep bitjaranja dengen mengela napas dan menoemboek pada djidat sendiri, saolah-olah djahanam itoe soeda poetoes boedi daja boeat roba itoe perkara. Dengen pelahan Lo Keng hampirken itoe madjikan moeda jang sedeng birahi, laloe tepok blakangnja sembari menegor lagi:

„Kau karangsokan apatah, Siangkong, maka ditanja beroelang-oelang kau tida menjaoet?"

Ini tegoran jang dioetjapken boeat katiga kali telah beroentoeng dapet sedarken pikirannja itoe lelaki kedji, maka sigra djoega ia menjaoet dengen menjengir:

„Apatah lagi kaloe boekan karangsokan si paras eilok jang membikin hatikoe djadi tersemsem-semsem. Tapi boleh dibilang ini hari akoe ada amat beroentoeng, kerna dengen tida dinjana, akoe soeda ketemoe satoe gadis jang begitoe tjantik, sebagimana jang akoe blon perna dapetken."

—„Gadis siapa? Dan di manatah Siangkong ketemoe?"

—„Gadis siapa? Di mana? Soeda tentoe di ini roema, goblok! Apa itoe nona Loan jang baroe dateng tida sasoenggoenja ada eilok sekali?"

—„Ja sabenernja djoega ada begitoe. Poen boleh dibilang pantes, kaloe Siangkong soedá djadi tergila gila padanja, kerna kaeilokan nona itoe poen tida ada bandingannja. Tjoema akoe tida mengarti, mengapa kau moesti mengela napas pandjang-pendek, seperti orang jang kapoetoesan boedi daja, sedeng itoe koewe jang lesat soeda disadjiken di hadepanmoe, dan sedeng menoeroet akoe poenja pikiran, asal sadja kau maoc boeka moeloet pada Thaij-thaij, sembarang waktoe itoe nona manis nanti djadi poenjamoe."

—„Hm, kau omong gampang sadja. Kaloe itce nona tida ada jang poenja, memang gampang sekali, tapi dia itoe, pada masa oemoernja baroe sataon, soeda diperdjodoken sama poetranja Khou Han-lim, kau mengarti?"

—„Djoega itoe blon boleh dianggep ada djadi halangan terlaloe besar. Betoel ia soeda diperdjodoken, tapi brangkali masi lama ia baroe menika......"

—„Ja, masi satoe taon, itoelah akoe denger sendiri dari moeloetnja, koetika bibikoe menanjaken itoe perkara."

—„Na, tempo itoelah kau moesti goenaken dengen baek boeat tarik hatinja, soepaja ia djadi jinta padamoe. Boeat tarik hatinja satoe gadis jang soeda mengenal tjinta, sa- soenggoenja tida soesa; asal sadja Siangkong soeka perhatiken ia poenja hal seperti anak berbakti jang memperhatiken kaperloean orang toeanja. Laen dari itoe, ada liga apa-apa jang kau haroes perhatiken. Kau kata, ia ada amat pendiam; dari itoe kau poen haroes berlakoe demikian, soepaja djadi satimpal dengen adatnja. Itoe,,mata kerandjang", itoe kaperlentean jang doeloe- doeloe, kau moesti boeangken, dan ganti itoe dengen lakoe jang sopan, soepaja tida dapet tjelalian dari padanja. Begitoelah kau moesti madjoe satindak dengen satindak, sampe kau dapet tempat dalem hatinja." —„Dan kaloe la poenja hati soeda terboeka boeat trima akoe poenja katjintään?"

„Itoelah ada kau poenja perkara, djedjeka bangor!" kata Lo Keng sambil tertawa.

Sorot girang lantas timboel di parasnja itoe Kong joe doerhaka. la berbangkit dengen sigra, laloe pelock pingganguja Lo Keng, dan sambil menjioem dengen keras pada bibirnja, ia berkata dengen swara goemeter: Och, anak manis, pantes sekali kau djadi akoe poenja djoeroe pemikir, kerna kau poenja pengadjaran itoe sasoenggoenja ada bagoes sekali. Di blakang hari, kaloe akoe bisa dapet toe percentoengan bagoes, tentoe sekali akoe tida loepaken kau poenja boedi ini jang amat besar."

Kamoedian, sasoeda bitjara lagi sakoetika lamanja deugen Lo Keng itoe, si djahanant laloe pademken api, sedeng itoe prampoean kedji tida kaloear poela dari itoe kamar. Pada hari esoknja, di waktoe masi pagi sekali, Ko Siotjia sceda bangoen, kerna sebagimana samalem ia telah bilang, ini pagi ia maoe pergi ka pakoeboeran.

Sasoeda mandi, Tjheng Bwe toeloeng nonanja toe berias, kamoedian ia sedocken thee boeat nonanja minoem.

„Tjobalah kau pergi liat, Tjheng," kata Ko Stotjia pada hambanja itoe, apa Thaij-thaij soeda bangoen atawa blon, dan lekas balik lagi ka sini."

Baeklah, Siotjia," kata hamba itoe. „Tapi baroesan akoe telah menanja pada pengawalnja Thaij-thaij, dan ia bilang, biasanja Thaij-thaij tida berbangkit begini waktoe."

—„Apa bangoennja siang ?"

—„Toeroet katanja pengawal itoe, brangkali kira-kira lagi satoe djam."

—„Kaloe begitoe, traoesalah; biar sabentar sadja akde pergi sendiri."

—„Baek. Tapi apa Siotjia soeka idzinken hambamoe ini bitjara sedikit dan soeka djoega maafken, kaloe bitjaraan ini ditoedjoeken pada Siotjia sendiri."

—„Akoe heran sekali, begimana saban-saban kau moesti meminta demikian, apabila hendak bitjara apa-apa, sedeng soeda seringkali akoe bilang, kaloe maoe omong apa-apa, baek kau omong dengen teroes-terang, kerna akoe trasoedi orang berlakoe likat-likat begitoe. Apa sekarang kau berdjandji maoe roba itoe kabiasaan?"

Tjheng Bwe tertawa.

„Na, sekarang katakenlah apa jang kau hendek bilang," kata poela itoe nona.

—„Akoe maoe bitjara prihal itoe perdjamoean jang samalem, dimana, toeroet rasakoe, Siotjia soeda minoem terialoe banjak."

—„Itoelah betoel, dan akoe koeatir, brangkali itoe waktoe akoe ada kaloearken perkataan-perkataan jang tida enak didenger."

—„Boekan brangkali, tapi betoel Siotjia soeda kalocarken itoe perkataan. Sabetoelnja Siotjia moesti berlakoe lebi ati-ati di dalem perkara omong, sebab Siotjia baroe taoe dateng di sini dan blon mengenal begimana hatinja Thaij-thaij dan Hok Tjoen. Pribahasa doeloe poen ada kata: „toembak jang menikem dengen barterang gampang dikelit, tapi anak pana jang dilepas dengen bergelap soeker didjaga." Lantaran begitoe, mengapatah Siotjia moesti oendjoek terang-terang kabentjian Siotjia pada marika itoe? Akoe tida bilang apa jang Siotjia berboeat pada Hong Dji ada hal jang tida pantas, tapi apa jang Siotjia telah berboeat pada Thaij-thaij, itoelah akoe maoe kata ada terlaloe keras: Betoel kita tida nesa takoet pada siapa dioega orang di ini roema, tapi adalah lebi baek kaloe Siotjia tida toeroetin nafsoe jang berapi. Oepama sadja perkaranja 'ma Djim, sapantesnja Siotjia tida boleh oetaraken di hadepan orang banjak, kerna apabila Siotjia berboeat begitoe, moestail orang tida sampeken padanja, dan moestail itoe prampoean toea nanti maoe doedoek menoenggoe datengnja itoe bahaja? Inilah Siotjia bisa pikir sendiri. Sabenernja Siotjia biasa berlakoe ati-ati sekali, baek lagi girang, baek poen lagi mara, blon taoe Siotjia kasi kentara di paras; tapi sekarang mendadak Siotjia djadi begitoe tjerobo, dan apatah itoe boekan dari sebab kerdjanja minoeman keras. Maka moelai dari sekarang, akoe harep Siotjia tida minoem lagi begitoe banjak."

„Kaloe boleh akoe tida maoe minoem sama sekali. Itoe aer pedes sasoenggoenja. djoega bisa membikin kaloet orang poenja pikiran, Sabetoelnja akoe bitjaraken perkara Djim-po ada dengen maksoed boeat selidiki iaorang poenja gerakan dan djawaban, tapi apa maoe, lantaran tersoeroeng dengen nafsoe jang digeraki oleh hawa minoeman akoe soeda bitjara ferlaloe keras, hingga apa jang akoe inginin itoe soeda tida dapet maksoednja. Tapi baek djoeg ada satoe djalan, dari mana kita masi bisa oesoet itoe perkara. Saändenja betoel iaorang ada tjampoer tangan di dalem itoe perboeatan chianat, sabentar lagi 'ma Djim tentoe tida brani ketemoeken akoe, lantaran soeda dapet kisi-kan dari kawannja. Dengen begitoe, akoe poenja doegaän nanti djadi semingkin tetep, lantaran apa akoe bisa menoedjoe teroes pada satoe djalanan bocat terangken itoe perkara jang sanget gelap. Djadi betoel perkara kita soeda roesak, tapi njatalah dengen ini djalan bisa diperbaeki kombali."

Tjheng Bwe moesti poedji katjerdikan nonanja, jang dengen begitoe tjepet lantas bisa dapet pikiran boeat poeter itoe perkara jang soeda roesak sampe djadi baek kombali. Itoe waktoe Nio-Sie dateng bri taoe, jang Ko Siotjia soeda boleh berangkat, sebab djoli dan barang-barang boeat sembajang semoea soeda sedia.

„Baek," kata si nona,,,tapi akoe maoe bersantap doeloe."

Sambil berkata begitoe, ia berdjalan menoedjoe ka kamar iboenja. Tapi iboe soeda ada menpenggoe di kamar makan, maka si nona lantas sadja menoedjoe ka kamar itoe.

Sedeng Siotjia kita itoe hatoerken selamat pagi pada iboenja, Hok Tjoen jang djoega telah ada menoenggoe di itoe kamar makan lantas berbangkit, dan dengen kelakoean sopan dibikin-bikin ia membri hormat pada si nona sambil silaken nona kita berdoedoek.

Dan snepaja tida dikataken angkoe. Ko Siotjia bales membri hormat pada itoe lelaki tebel. Blon selang satenga djam, laorang soéda selese dahar. kerna temponja bersantap tida digoenaken boeat mengobrol.

Ko Siotjia lantas bermoehoen pada iboenja boeat berlaloe bebrapa djam, dengen kasi tjerita jang ia maoe pergi sembajang di pakoeboeran.

lboe itoe maoe mengikoet.

„Tapi iboe lebi baek tinggal diam di rogma," kata nona Loan,,,sebab ini hari hawa soedara ada sedikit dingin."

„Memang djoega iboe lebi baek tinggal di roema." demikian Hok Tjoen lantas samboeng nona kila itoe poenja bitjara,,,tapi kaloe iboe merasa koerang back Moijmoij pergi sama boedjang-boedjang, biarlah akoe sadja jang anter."

Tapi ini „boedi jang baek" ditolak dengen getas oleh si nona, hingga Kongtjoe kita itoe djadi merasa bogeh.

Maski begitoe, tempo Siotjia berangkat, itoe lelaki jang trataoe maloe toeroet me- nganter djoega sampe di depan roema, dan koetika djoli si nona, jang dilkoet dengen laen-laen kandaran jang moeat penganternja, soeda tida kaliatan, baroelah ia masoek ka daleni.

Letaknja tana pakoeboeran kaoem Ko tida. djaoe, maka datem sedikit tempo nona Loan dan pengikoeinja soeda sampe di sana.

Lebi doeloe si nona bikin sembajang di roema aboe, kamoedian baroelah ia dateng pada koeboeran iboenja.

Sedeng boedjang-boedjang bersiken itoe koeboeran dan atoer barang-barang semba- jang, ia menengok koeliling boeat meliat kaädaännja itoe sapotong tama soetji.

Letaknja itoe tana pakoeboeran di kaki boekit, dan sakiternja ada terkoeroeng dengen tembok renda. Di sana-sini ada terdapes poehoen-poehoen besar, jang membri banjak penedochan pada itoe tempat jang soenji. Poen patoeng-paloeng dan boneka-boneka batoe jang aloes sekali oekirannja ada terdapet banjak di itoe tempat, tapi ini benda boekan menerbitken pantaudangan jang inda, hanja menerbitken pamandangan jang soetji di mata orang.

Tatkala soeda memandang sedikit lama pada segala apa jang ada di sakiternja, dan jang menarik sanget ia poenja bati, Ko Siotjia laloe bersoedjoet pada koeboeran iboenja, di depan mana soeda ada teratcer barang-barang sembajang.

Sedeng oendjoek toe kasoedjoetan, nona Loan ada terkenang pada banjak perkara doeka jang doeloe-doeloe. jang membikin ia poenja hati djadi merasa piloe, hingga dengen tida dirasa lagi, itoe waktoe aer matanja lantas mengoetjoer.

Seperti orang jang tida ampoenja senderan Ko Siotjia herdoa minta iboenja jang telah mendjadi orang aloes membri berkah dalem tiga perkara pertama soepaja ajah bisa lekas poelang kembali, kadoga soepaja dibriken lainatan apa Song In masi idoep atawa soeda mati, dan kaliga soepaja pada diri sendiri dibriken kakoeatan tjoekoep boeat melawan segala hahaja.

Dan kerna tempo berdoä begitoe, nona Loan menangis semingkin sedi, maka boedjang-boedjang jang toeroet berloetoet di blakanguja, dan jang djoega toeroet toempaken aer mata, lantas memboedjoek padanja dan silaken ia dateng di roema aboe.

Koetika nona Loan soeda ada di itoe roema ia minta Ong Peng pergi „oendang" itoe prampoean pendjaga koeboeran daleng padanja, sebab sedeng ia diam di sitoe soeda bebrapa djam, itoe njonja besar blon djoega kasi liat mata-idoengnja.

Tapi sigra djoega Ong Peng soeda dateng kombali dan bri taoe, jang pintoe roemanja itoe prampoean toea ada terkoentji, sedeng di deket sitoe tida ada tetangga jang boleh ditanja, ka mana nene itoe soeda pergi. Nona Loan bengong bebrapa saät kamoedian ia berkata pada bebrapa hamba prampoean jang ada berdiam di dampingnja:

„Tjobalah kau tjeritaken, begimana kau poenja pamandangan tentang gerak-gerakannja itoe prampoean toea salama ja soeka kaloear masoek di roema kita, dan begimana ia poenja kelakoean pada sasoeda Kongtjoe linjap ditjoeri orang."

„la poenja gerak-gerakan tiada menerbitken rasa tjoeriga apa-apa," kata satoe di antara itoe bebrapa hamba, sedeng jang laen-laen toeroet manggoetin kapalanja boeat menjataken, jang iaorang djoega ada anggep begitoe, seperti apa jang telah dibilang oleh temennja ini: „la poen ada saorang toea jang manis boedi, radjin serta bisa membawa diri, hingga semoea orang di dalem gedong ada soeka padanja. Tatkala Kongtjoe socda linjap, ia masi diam di gedong bebrapa hari boeat temenin Dji Hoedjin, jang itoe wakioe ada perioe dapet penghiboccan dari padanja, oleh kerna hati ada amat berdoeka. Dan tentoelah djoega ia tida poelang ka roemanja sendiri begitoe lekas, kaloe bebrapa hari kamoedian ia tida dapet kabar jang iparnja, saorang lelaki gagoe, ada dapet sakit keras sekali."

Ko Siotja tida bilang apa-apa, tapi ia taoe betoel lang pamandangannja marika itoe tentang itoe prampoean toea ada kiiroe.

Sebagimana loemrahnja doenia, memang manoesia jang berhati palsoe ada paling Soesa didnega perniatannja; dan itoe prampoean toea, jang moeloctnja manis seperti goela, tapi halinja lebi berbahaja dari bisa oeler, ada teritoeng pada bangsa begitoe.

Djika ketemoe manoesia, memanglah dinega ia nanti bitjara perkara doenia, tapi kaloe ketemoe iblis, apa ia tida aken roendingken sadja prihal achirat? la perdoeli apa bitjara sadepa tida bener sadjengkal, asal sadja bitjaranja orang maoe tanggap dan ia bisa djalanken maksoednja dengen menoeroet haloean angin!

Dengen moeselihat begitoe, djadi njatalah boekan sadja So Nio, malahan ampir semoea boedjang dalem gedong Tin-Kok-floe soeda kena disesatken oleh itoe prampoean toca jang amat kedji.

Tempo maoe poelang ka roema, Ko Siotjia pesen pada Nio Sie, aken sering-sering soeroe orang pergi tengok itoe prampoean toca di pakoeboeran, soepaja kaloe ia soeda poelang kombali, boleh lantas minta ia dateng di gedong Tin-Kok-Hoe.

Sigra djoega Siotjia Loan telah sampe di roema, dimana ia disamboet oleh Hok Tjoen, jang telah ada menoenggoe.di depan pintoe. Ini djahanam memanggoet dalem dan boeroe-boeroe lantas menghampirken, seperti djoega ia hendak toeloeng si aona toeroen dari kandarannja.

Tapi lagi sakali ia djadi kabogehan, kerna sablon ia dateng berdeket, Siotjia kita sozda lekas toeroen dari kandarannja dan awasin kelakoeannja dengen angkoe, sampe diabanam itoe tida brani angkat kapala.

Tapi tempo Ko Siotjia berdjalan masoek, ia mengikoetin dari blakang, sambil menggeroetoe dan membanting-banting kaki, seperti djoega ia seselin diri sendiri kenapa soeda lida bisa tarik hati si nona, sedeng menoeroet ia poenja perasalian moekanja ada tjakep sekali.

———

Bitjaraän jang menerbitken amara.
—Tjeng Bwe adoe kakoeatan di atas
saldjoe.

Tjheng Bwe disoeroe oleh nona Loan pergi ka kamar rias boeat ambil kaen sekään moeka, sedeng ini nona berdjalan menoedjoe ka kamarnja sendiri, pada sasoeda ketemoe- ken iboe-tirinja.

Djoestroe salagi liwatin kamar besar, Tjheng Bwe dapet denger flong Dji sedeng mengomong sama Soen Nio sambil tertawa. Maka ia lantas merendak boeat dengerin apa katanja itoe prampoean kedji.

Bermoela ia denger Soen Nio berkata begini:

„Kau liat, anakkoe poenja mata sampe sekarang masi mera, roepa-roepanja di pakoeboeran ia telah menangis banjak sekali.

„Ja, siapa jang minoem arak terlaloe banjak, moekanja tentoe mera,” saoet itoe boedak doerhaka„dan itoelah ada soeatoe perkara jang tida bisa disangkal lagi. Tapi mengapatah sedeng laen orang jang maoe pergi sembajangin koeboeran orang toeanja, tadi, Hoedjin jang tergété-gété maoe mengikoet? Apa Hoedjin djoega hendak toeroet toempaken aer mata boeat itoe saingan jang soeda tida bisa bangoen kombali ? —„„Boeat sengadja, tentoelah tida; tapi djika akoe denger anakkoe maratap, kamana parannja lagi, kaloe akoe tida toeroet menangis."

—„Djoestroe lantaran adanja kalembekan hati itcelah, maka kaloe tida diangkat, salama-lamanja kau nanti tinggal sadja di bawa orang!"

Kamoedian itoe boedak tillaka tertawa. keras, seperti djoega orang jang menang bitjara di dalem perbantahan jang dibikin sama kawannja.

Tjheng Bwe jang mendenger itoe bitjaraän telah djadi goesar sekali.

„Liatlah, itoe prampocan jang koerang adjar!" kata Tiheng Bwe di dalem hati: „Kaloe begitue, ia soeda biasa permaenken Hoedjin seperti djoega njonja itoe ada orang sabawahannja!"

Kaloe ia tida takoet dapet tjelahan dari Hoedjin atawa dari nonanja, tentoe djoega la soeda hampirken Hong Dji itoe dan kasi lagi itoe prampocan kedji bebrapa gamparan, soepaja ia mengarti jang moelai itoe wakto ia tida boleh berlakoe lagi begitoe koerang adjar pada njonja roema.

Soekoerlah djoega ia bisa tahan nafsoenja dan lantas sadja ia berdjalan ka kamar rias boeat ambil itoe kaen sekaän, sebagimana diprenta oleh nonanja.

Tempo ia soeda balik dari itoe kamar dan sedeng berdjalan meliwatin pertengahan belakang boeat pergi ka kamar nona, disitoe ja ketemoe pada Ong-sie, istrinja Thio Ho, dan Soen-sie, istrinja Ong Peng, pada siapa ia lantas tjeritaken apa jang baroesan ia dapet denger dari moeloetnja Hong Dji.

Sabetoelnja," demikian Tjheng Bwe toetoep ia poenja tjerita, „akoe ingin sekali kusi adjar adat lagi pada itoe „laboe aer" jang tjongkak, soepaja laen kali ia tida brani berboeat begifoe lagi; tjoema sadja akoe koeatir, kaloe akoe berlakoe demikian, Hoedjin atawa Sioti nanti kataken akoe teraloe lantjang.

„Apa ?— Kau hendak kasi adjaran padanja ?" kata Soen-sie sambil tertawa: „Haha, kaloe kau sendiri tida dapet adjaran dari padanja, soeda boleh dibilang bagoes sekali!"

„Soenggoe ?— Apa ia telah ada bilang itoe padamoe? menanja Tjheng Bwedengen swara sengit, sedeng alisnja jang bengkok djadi berdiri,,Ati-ati itoe prampoean kedji! akoe nanti poeter batang lehernja!"

—„Memang. Ini pagi, tempo ia doedoek di dapoer seperti mandor koki, ia telah bilang begitoe pada kitaorang. la merasa sakit hati sekali, jang kau soeda brani gampar padanja, dan ia kata,....."

„Sst, soedalah!" kata Ong-sie: „Djangan bikin adé Tjbeng dapet rasa jang lebi traenak lagi!"

—„Teroesken bitjaramoe, 'So," kata Tjheng Bwe pada istrinja Ong Peng dengen koerang sabar. Akoe ingin sekali denger apa la kata lebi djaoe tentang dirikoe ini!"

—„Tapi sebagimana perbilangannja 'Ngso Ho, sabenernja djoega lebi baek akoe tida tjerita lebi djaoe, kerna itoe perkara dengen sasoenggoenja boleh membikin kau djadi traenak hati."

—„Itoe kau tida oesa perdoeli. Kau toch tida oesa toeroef-toeroetan dapet rasa begitoe? Maka toetoerkenlah ! kerna akoe sanget kapingin taoe dengen djalan begimana itoe manoesia kedji soeda hinaken akoe."

Soen-sie masi moendoer-madjoe boeat tjeritaken itoe perkara. Tapi kamoedian, oleh kerna Tjheng Bwe imemaksa baroelang oelang dengen oendjoek djoega roepa jang koerang senang, maka achir-achir Soen-sie lantas berkata:

„Baek, akoe nanti tjeritaken semoea. Tapi akoe harep kau tida bawa-bawa akoe di dalem itoe perkara." „Djangan selempang," kata Tjheng Bwe, „akoe tida nanti bilang dari siapa akoe dapet taoe itoe perkara. Tapi kau poenja permintään ini, haroes dibilang adalah aneh djoega; sebab, sedeng baroesan dengen tida merasa berat kau soeda maoe toetoerken iloe perkara, mengapatah sekarang, tjoema lantaran soeda dapet tjegahan dari Ngso Thio Ho, lantas kau dapet ingetan boeat minta akoe berdjandji begitoe ?"

„Ja, sebab sekarang akoe taoe bahaja apa akoe boleh dapet dari itoe perkara," kata Soen-sie sambil tertawa. „Na, dengerlah! Sekarang kau boleli dapet taoe, apa jang kau ingin tace: Tadi pagi, salagi kau ikoet Siotjia pergi ka pakoeboeran, Hong Dji soeda dateng di dapoer, dan sedeng tida saorang ada tanja padanja, ia sendiri soeda timboelken itoe perkara jang telah terdjadi pada waktoe samalem. Semoea orang djadi tertawa, tapi dengen memboeang meeka soepaja tida terliat olehnja, tempo mendenger ia tjeritaken itoe hikajat loetjoe. Tapi djoestroe itoe swara berkikikan dari satoe doea orang jang tida bisa tahan tertawa soeda kedja ia semingkin goesar, hingga seperti orang jang kalap ia lantas menangtang pada sembarang orang......." —„Dan apa itoe tangtangan ia toedjoeken djoega pada akoe ?"

—„Sabarlah! orang jeritaken hikajat toch moesti ada roentoenannja! Apa jang ia toedjoeken pada kau boekan lagi teritoeng pada tangtangan, hanja lebi pantes kaloe dibilang antjeman jang paling heibat! Apa kau bisa doega, begimana ia soeda mengantjem pada dirimoe ?"

—„Paling banjak ia mengantjem maoe tampar akoe kombali."

—„Kaloe begitoe, haroeslah dibilang kau poenja peroentoengan masi bagoes sekali."

—„Abis, apa ia hendak berboeat dengen dirikoe ini ?"

—„la maoe banting kau poenja kapala, biar sampe kau tida bisa berkoetik lagi!"

—„Apa soenggoe ia brani bilang begitoe?"

—„Malah ia ada bilang djoega, kaloe Siotjia tida djadi kau poenja bintang peuoeloeng, brangkali samalem djoega ia soeda boektiken antjemannja itoe. Lagi, kajne perkataän:,,andjing ketjil jang paling pande menggojang boenfoet boeat ambil hati madjikan ia brani gelarken boeat kau, apa kau kira ia nanti merasa takoet aken kaloearken antjeman begitoe?

„Ach, sajang sekali ia tida kaloearken itoe perkataän di hadepankoe!" kata Tjheng Bwe dengen gergetan oleh kerna merasa goesar sekali. Tjoba ia menghina begitoe dengen berdepan, tentoe akoe lantas djedjal kombali itoe hinaän ka dalem moeloetnja dengen akoe poenja kepalan."

„Och, djanganlah kau gegaba!" kata Ong sie jang maoe tambaken sedikit miniak di itoe api mengkobar Kerna dia itoe ada. banjak lebi besar dan lebi koeat dari pada kau sendiri."

„Ja, dengen sasoenggoenja djoega lebi baek kau tinggal sabar," kata Soen-sie,,,sebab siapa lace kaloe dalem iloe perklaian kombasi kau djato di fihak kala, boekankah itoe perkara boleh menimboelken ia poenja katjongkakan jang lebi lagi?"

„Apa maoe dikata, kaloe perkara moesti djadi begitoe!" kata Tjheng Bwe jang tida maoe terkeboerin diri sendiri: Akoe poen tida bilang, jang akoe moesti dapet kameangan di dalem itoe perkiaian, tapi boeat adjar adat padanja itoelab moesti. akoe djandji padamoe atas kahormatankoe, jang satoe tempo akoe nanti djedjal kombali toe tunaän ka dalem moeloetnja dengen kepalaukoe ini. Na, sekarang akoe made berlaloe, kerna Siotjia tentoe soeda lama ada toenggoein akoe." Saäbisnja berkata begitoe, Tjheng Bwe lantas berdjalan menoedjoe ka kamar nonanja.

Sadjek itoe waktoe ia senantiasa intip-intip tempo jang baek boeat kasi adjaran pada Hong Dji. Tapi sedeng lebi doea boelan soeda berlaloe dan moesin sedeng soeda terganti dengen moesin dingin, ia blon djoega bisa dapet djalan boeat boektiken niatnja itoe.

Pada soeatoe tari, sedeng Nio-sie dan bebrapa boedjang laen bersiken taman jang tertoetoep saldjoe, kerna iaorang pikir tida bebrapa hari lagi tentoe Hoedjin dan Siotjia nanti maoe bikin makan-makan di tamu sebagimana biasa pada sabau taon, Hong Dji ada dateng di sitoe.

la lantas toelak pinggang dan djalan moendar-mandir di antara orang jang lagi kerdja; kamoedian ia berkata:

„Eh, njonja-njonja, brapa banjak sih kordjaän jang angkau moesti lakoeken, maka soeda ampir satenga harian masi djoega blon selesé ?"

„Apa kau maoe perdoeli satenga atawa saharian," saoet Nie-sie, „asal sadja kita orang diam disini boekan boeat pelesir!"

„Akoe djoega tentoe trabegitoe karadjinan kaloe tida diprenta oleh Hoedjin boeat lakoeken ini penilikan! Sasoenggoenja djoega apa tralebi enak akoe tinggal diam di kamar, dimana akoe traoesa rasaken hawa jang begini dingin ?"

Sambil berkata begitoe, Hong Dji berdjalan masoek ka satoe paseban jang paling deket, jang soeda dibikin anget dengen hawa perapian jang dinjalaken disitoe pranti itoe boedjang-boedjang jang lagi bekerdja berganti-ganti angetin badan.

Tida lama poela, Tjheng Bwe poen dateng di sitoe. Tapi ia dateng boekan dengen sengadja, hanja ada dengen prentanja Siotjia boeat minta Nio-sie toeloeng britaoe pada The Khoen, jang kaloe tjoeatja ada terang, dia ini moesti toeloeng soeroe orang selaken itoe doea ekor koeda jang Siotjia bawa dari kota Radja boeat Siotjia toenggang, kerna Siotjia koeatir, kaloe dikasi menganggoer terlaloe lama, itoe doea binatang nanti mendjadi binal.

Sedeng Tjheng Bwe memesen begitoe, Soen-sie, jang di dalem gilirannja, lagi angetin badan di itoe paseban, kamana baroesan Hong Dji telah masoek, ia lantas kaloear den silaken Tjheng Bwe dateng ka paseban itoe.

„Siapa itoe jang lagi mengomong di itoe paseban ?" menanja Tjheng Bwe.

„Istrinja Thio Ho sama kau poenja satroe," saoet Soen-sie dengen swara pelahan.

— „0, itoe djahanam prampoean ada di sitoe? Kaloe begitoe, akoe maoe temenin dia, maski bermoela akoe tida niatan boeat trima kau poenja oendangan."

Dengen mengikoetin Soen sie, sigra djoega Tjheng Bwe soeda berdjalan masoek ka itoe paseban.

„Och," kata Tjheng Bwe itoe, „ini paseban soenggoe enak sekali. Akoe jang sedeng kadinginan, satelah masoek ka sini lantas merasa anget: apa di sini ada berdiam radja api?"

Hong Dji jang sedeng bersilah di atas tapang lantas sadja menjaoet: „Ha! kaloe begitoe orang jang pande silat djoega ada takoet sama hawa dingin? Itoelah akoe tida njana sekali-sekali! Hahaha!"

„Kaloe kau tida taoe itoe perkara, haroeslah dibilang kau ada goblok sekali!" kata Tjheng Bwe jang sengadja maoe tjari setori: „Kerna hawa dingin boekanlah moesti dilawan oleh orang jang bisa silat, hanja moesti dilawan oleh orang jang koelitnja tebel doea djari!" Soen-sie dan Ong-sie tertawa tjekikikan,

„Itoe poen tida bener," kata Hong Dji. „Djika kau ingin taoe, mengapa sedeng ada pande bersilat, kau tida bisa tahan dingin, itoelah ada dari sebab kau poenja koelit ada terlaloe tipis dan aloes, oleh kerna kau biasa dapet rawatan baek dan tinggal di kota Radja pada tempat jang terkoeroeng. Beda sekali dengen kita orang di sini. Kita disini poen tinggal di pagoenoengan, angin kaänginan, panas kapanasan, maka kaloe kita orang poenja koelit soeda mendjadi tebel dan kasar, itoelah boekan pekara heran."

Soen-sie sengadja benerken perkataannja Hong Djie dengen membilang, jang sasoenggoenja djoega koelitnja Tjheng Bwe ada lebi aloes dan lebi bersi dari koelitnja itoe prampoean kedji.

Hong Dji djadi sanget mendongkol mendenger satroenja itoe diëlonin: tjoema sadja ia merasa tida baek, kaloe mengambek boeat itoe perkara.

Tapi Tjheng Bwe jang tida soeka dioempak, ia lantas sadja berkata: „Djelek bagoes masa kenapa, asal sadja peroentoengannja bagoes, itoelah ada hal jang teroetama. Seperti akoe ini, biar begimana bagoes poen, toch tida lebi dari boedak, berbeda djaoe sekali dengen Tji Hong jang ada mempoenjai banjak pengartian dan jang telah ada berboeat banjak pahala aken goenanja Thaij-thaij. Satoe tempo kaloe, Thaij-thaij girang, Thaij-thaij angkat ia mendjadi anak dan nikaken dia sama saorang bangsawan, apa dengen mendadak Tji Hong tida boleh djadi njonja jang maha agoeng?"

„Sabenernja djoega ada begitoe," kata Soen-sie sambil mengawasin pada Hong Dji, jang moekanja telah mendjadi mera sekali.

Tapi itoe djahanam prampoean masi bisa tahan sabar boeat tida oendjoek moerkanja.

Soen-sie merasa heran, begimana sabegitoe djaoe soeda dihinaken, Hong Dji masi djoega blon maoe oendjoek goesarnja, sedeng ia soeda ingin sekali menonton satoe berklaian jang heibat, dimana itoe prampoean jang terbentji nanti dapet bagiannja dari Tjheng Bwe.

Maka sasoeda berpikir sedikit waktoe dan dapet djalan boeat pasang tangga soepaja Tjheng Bwe bisa menghinaken lagi pada itoe hantoe-alas, Soen-sie lantas berkata poela: „Sekarang adé Tjheng djangan bitjara lagi perkara siapa bagoes dan siapa djelek, hanja lebi baek kau tjeritaken hal-hal jang kadjadian di kota Radja boeat senangin hati."

„Tapi sajang sekali akoe tida banjak taoe," kata Tjheng Bwe itoe.

Sedeng berkata begitoe, ia berpikir tjara begimana ia moesti bikin panas hatinja Hong Dji, sebab ia poen taoe jang Soen-sie meminta begitoe, tjoema dengen maksoed soepaja ia menghinaken lagi pada itoe prampoean kedji.

Tapi apa tjilaka Hong Dji itoe ada saorang gemoek, dan boeat kotjok orang matjem begitoe, tida ada soesanja aken kita poenja Tjheng Bwe. Maka sigra djoega ia berkata poela:

„O, ja, sekarang akoe inget! Tapi satoe tjerita loetjoe jang akoe dapet dari Jo Toanio."

— „Itoe poen baek boeat hiboerken hati," „Doeloe," begitoe Tjheng Bwe moelai dengen tjeritanja, „ada saorang dari Selatan dateng djadi Tiekoan di Oetara, dan ia tjela bapauw di ini tempat tiada begitoe lesat seperti jang terbikin di kadiamannja. Dari sebab begitoe, ia lantas soeroe penggawenja tjari saorang gemoek, jang kaloe soeda dapet moesti sigra dibawa ka hadepannja. Sabentar lagi itoe penggawe soeda kombali dengen hadepken saorang jang amat gemoek.

— „Bawa si gemoek ini ka dapoer!" menita itoe Tiekoan dengen girang seperti orang jang dapetken satoe moestika: „Dan bilang pada koki, jang orang ini moesti diambil isi pahanja. boeat dibikinken bapauw.”.— Si gemoek bergoemeter sakoedjoer badan, sedeng parasnja djadi poetjet seperti mait.—

„Akoe boekan gemoek!" treak dia ini dengen swara keras: „Padahal soeda bertaon-taon akoe ini dapet sakit babengkakan !“ Tida oesa dibilang lagi, dengen sanget menjesel itoe Tiekoan lantas cesir itoe orang."

Soen-sie dan Ong-sie lantas tertawa bergelak-gelak.

Hong Dji mengarti jang itoe tjerita ada soeatoe sindiran boeat dirinja, aken tetapi sebab ia tida dapet alesan boeat oendjoek moerkanja, maka kapaksa ia poen toeroet tertawa.

Sedeng begitoe, tiba-tiba ada kadengeran boenji tjoeat-tjoeit, jaitoe swara tikoes jang lagi berklai di blakang sekosol.

„Liatiah itoe si boentoet pandjang," kata Ong-sie sambil menoendjoek pada itoe binatang. „Lantaran hawa di taman ada dingin, roepa-roepanja itoe bangsa tjerdik djoega soeda pili ini kamar anget boeat tempat dansanja.“

Betoel disaät Ong-si oetjapken ini perkataan sampe pada achirnja, satoe koetjing sigra melompat toeroen dari djendela, laloe menoebroek pada sala satoe antara itoe doea korban, jang lantas djoega dapet digigit olehnja.

Sekarang Hong Dji dapet djalan boeat bales menjindir pada moesoenja.

Maka ia lantas berkata sambil tertawa: „Haha, achir-achir itoe binatang ketjil, jang soeda oendjoek tingka koerang adjar di hadepan kita, dapet djoega bagiannja! Sabentar lagi, kaloe isi peroetnja soeda belarakan, akoe ingin liat apa itoe binatang masi djoega bisa tjoeit-tjoeit boeat kasi denger swaranja jang besar!"

„Dan begimana kau pikir dengen itoe koetjing?" menanja Tjheng Bwe dengen swara angker: „Padahal itoe binatang ada lebi banjak katjelahannja!"

— „Itoelah kau boleh kira sendiri!"

— „Tapi toch akoe bisa kasi boektinja. Dengerlah: Binatang koetjing betoel ada tjerdik, tapi hatinja palsoe. Di depan orang, ia biasa berlakoe djinek dan biarken badannja dioesap-oesap, asal sadja dengen kasi dirinja dipalè begitoe, ia bisa dapet orang poenja kasian; tapi kaloe orang meleng sedikit, lantas djoega ia berlakoe laen sekali. la tjoeri sembarang makanan jang boleh ditjoeri, dan terkadang petjaken djoega piring mangkok boeat poeasken nafsoenja itoe; sedeng apa lantaran berboeat demikian, boedjang-boedjang boleh dapet geger dari madjikan atawa tida, itoelah ia tida perdoeli. Pendeknja sirakoes itoe poenja tabiat: asal sadja peroetnja kenjang dan badannja gemoek, persetan sama laen-laen perkara. Liat sadja itoe tjonto di depan mata: sedeng badannja soeda sembetat dan peroetnja soeda maoe meledak, toch ia masi tida segan memboenoe sasamanja. Apa itoe boekan soeatoe boekti begimana sasoenggoenja itoe binatang ada kedjem sekali?"

Kamoedia Tjheng Bwe poengoet satoe batoe ketjil dan berkata poela, „Akoe tida bisa biarken itoe binatang kasi liat kakedjeman begitoe di depan kita! Maka oendjoeklah, 'So Peng, pada betoelan apanja ini batoe moesti kenaken!”

„Pada pipinja jang kanan!" kata Soen-sia.

„Dan kau, 'Ngso Ho ?" menanja poela Tjheng Bwe sambil mengawasin pada istrinja Thio Ho.

„Djoega di sitoenja, soepaja itoe tikoes terlepas dari batjotnja," saoet orang jang ditanja itoe.

Sedeng ini perkataan dioetjapken blon sampe pada achirnja, itoe batoe ketjil soeda melajang dari tangannja Tjheng Bwe dan melanggar dengen djitoe pada pipinja itoe koetjing, hingga sambil mengeong oleh kerna kasakitan, ini binatang lantas lompat kaloear dari djendela, sedeng itoe tikoes jang tergigit olehnja djadi terlepas dan teroes mengilang.

Soen-sie dan Ong-sie lantas bersoerak boeat poedji kapandeannja Tjheng Bwe.

Mendenger ini swara riboet, Nio-sie lantas masoek kasitoe, hingga orang moesti tjeritaken padanja, apa jang baroesan telah ada terdjadi.

Nio-sie djoega poedji kagapaännja itoe gadis. Kamoedian ia berkata:

„Akoe kira kau dapet itoe peladjaran dari Liong Thaij-koen. apa boekan begitoe, Tjheng?"

„Ja, tapi itoelah tjoema sedikit sadja," menjaoet Tjheng Bwe. Sabetoelnja pada waktoe Siotjia dan akoe moelai beladjar, Peng Bwe, Goat Bwe dan Hong Bwe djoega ada toeroet ambil bagian; tapi kamoedian, sebab Peng Bwe dan Goat Bwe mendapet sakit, sedeng Hong Bwe tida sampe taba boeat menoenggang koeda, maka iaorang disoeroe djangan teroesken itoe peladjaran."

„Djadi dengen pendek kau hendak bilang, kaulah sadja jang soeda loeloes dari itoe pergoeroean silat?" kata Hong Dji dengen tertawa ewah.

„Tida! itoelah akoe tida bilang!" kata Tjheng Bwe dengen swara sengit. „Tapi. . . . . . . . . ."

„Tapi apa?" menanja Soen-sie. „Kaloe bergoeletan sama itoelah akoe kau brani, brangkali kau maoe bilang?"

„Itoelah tida oesa ditanja lagi," kata Ong-sie, „sebab kau dan akoe doea-doea ada sama sadja tida goenanja. Lebi betoel kaloe kau bilang sama adé Hong Dji, oleh kerna dia itoe boekan sadja kaki-tangannja ada pesat, tapi tenaganja poen ada besar sekali. Tjoema sadja akoe tida taoe apa adé Tjheng Bwe ada itoe kabranian atawa tida boeat bertanding padanja."

„Rasa-rasanja akoe tida brani," kata Tjheng Bwe dengen sengadja, soepaja satroenja djadi lebi taba. „Sebab kau poen bisa liat sendiri, kaloe akoe moesti bertanding padanja, nanti terbit sadja pamandangan seperti kambing melawan matjan."

„Tapi kau bisa silat, sedeng akoe tida mengarti sama sekali," kata Hong Dji ito. „Djadi, kalve diimbangin sama ini perkara, perbedaan antara kita berdoea tida ada sabrapa."

— „Maski begitoe, akoe masi tida brani."

— „Mengapatah ?" —„Sebab akoe koeatir, satoe di antara kita nanti djadi petja kapala."

—„itoe masa kenapa. Kaloe perkara jang kita sendiri jari, kita poen moesti merasa senang dengen hasilnja, kendati apa djoega adanja hasil itoe."

—„Kaloe begitor, adalah Jaen perkara."

—„Djadi sekarang kan frima akoe poenja

tangtangan?"

—„Sebab katoe tida, tentoe kan kataken akoe pengetjoet amat. Maka dari pada moesti dapet nama begitoe, lebi baek akoe trima kau poenja (angtangan, sekali poen lantaran itoe akoe boleit dapet bintjana."

—„Saändenja betoel nanti terdjadi begitoe, apa kau tida mengadoc pada nona Loan?"

—„Moestabil! Akoe toch boekan anak ketjil."

„Kau dengerkah, 'Ngso Ho dan 'Ngse Peng?" kata Hong Dji sambil memandang pada marika iloe: „Kau berdoea moesti djadi saksi di dalem ini pertandingan."

„Baek, kila laeloesken oendanganmoe, kata itoe doea njonja-njonja.

„Nah, seperti akoe, sekarang boekalah pakeanmoe jang di loear, Tjheng," kata poela Hong Dil pada lawanannja itoe, „ soepaja pertandingan boleh lantas dimoelai."

—„Tetapi di mana?"

—„Soeda tentoe di depan ini paseban."

—„ltoelah pikiran gila! Apa kau tida liat, jang di sitoe ada salengkatan batoe besar-besar, jang boleh datengken babaja lebi heibat?"

—„0. djadi itoelah jang kau takoet! Kau poen joema ingin dapet sadja sedikit bindjol di kapala, ja? Ha pikiran bagoes sekali"

—„Tida, bockan begitoe akoe ampoenja maksoed!"

—„Begimna dan?"

—„Akoe koeatir, djika akoe dapet roeboeken kau, kau nanti membilang, jang itoe batoe-batoe soeda djadi lantaran hingga kau dapet itne katjilakaän."

—„Kaloe begitoe, kau boleh pili sasockamoe di mana sadja jang kau rasa ada lebi baek aken djaga kaselamatanmee."

—„Itoe tandjakan di blakang ini taman, akoe kira ada paling baek boeat kita poenja medan bertanding. Sebab di siloe tananja 'mpoek, dan tida ada banjak batoe."

—„Dengan tida bitjara lagi, Tibeng Bwe lantas berdjalan menoedjoe ka itoe tempat jang dioendjoek, dengen diikoet oleh awannja , Nio-sie dan itne doea prampocan jang djadi biangkladi di dalem itoe pertjidraän.

Sapandjang djalan batinja Hong Dji memoekoel keras, oleh kena ia soeda doega dengen pasti, bahoea ia sendiri jang nanti dapet kamenangan di dalem itoe pertandingan.

Maka satelah sampe pada tampat jang ditoedjoeken, dengen terboeroe-boeroe ia lantas boeka badjoenja jang di loear, hingga itoe waktoe badannja melaenken terteetoep dengen badjoe dalem jang berwarna dadoe, dan pindaken djoega saboeknja dari dalem kaloear badjoe, soepaja ini pakean djadi lebi ringkes.

Tjheng Bwe poen toeroet itoe toeladan Tapi dia ini tida berlakoe begitoe terboeroe nafsoe seperti Hong Dji. la lakoeken itoe dengen sabar, sedeng hatinja ada tetep, sebagimana biasa orang jang pande silat, pada waktoe berhadapan dengen moesoenja.

„Apa sekarang soeda boleh?" begiloclab sasceda kentjangin ia poenja kbasoet, Hong Dji menanja pada tandingannja.

„Ja, akoe soeda sedia!" saoci Tibeng Bwe. Satelah dapet ini penjaoelan, dengen menginget. bahoea dalem sakali dioeroes tentoe ia dapet roeboeken moesoenja, Hong Dji itoe lantas menoebroek; tapi Tjheng Bwe jang tida maoe biarken dirinja diterdjang oleh itoe gadja bengkak, tjepet menjamping sembari sampok tangannja, hingga di saät itoe ampirlah Hong Dji mendjeroenoek djato mengkoeroep di tana.

Sabenernja di dalem itoe djoeroes djoega Tjheng Bwe soeda bisa roeboeken moesoenja itoe, tapi itoe lah djoestroe la tida maoe, sebab ia pikir kaloe ia berboeat begitoe, ada terlaloe enak boeat moesoenja itoe.

Hong Dji oelangken toebroekannja, tapi ini kali dengen niat memeloek, kerna tjara begitoe, ia pikir dengen gampang ia bisa banting saorang jang ket jil molek seperti Tjheng Bwe.

Tapi kombali ia poenja doegaän ada kliroe, kerna satelah ia dateng rapet dan maoe lakoeken apa jang telah diniat, dengen ilmoe jang tjoema beda sedikit sadja dari sebagimana moestinja orang mementang boesoer, Tjheng Bwe sigra pengkang moesoenja poenja sapasang tangan jang maoe memeloek, hingga tangan itoe djadi terpentang, membri djalan boeat Tjheng Bwe angkat Hong Dji ampoenja djanggoet. itoe prampoean kedji lantas moendoer-moendoer dengen sempojongan, maski djanggoetnja diangkat pelahan sadja.

Sekarang ia mengarti, jang ia sedeng badepken moesoe jang berbahaja. Dan ia mengarti djoega, jang kaloe ia oelangken lagi toebroekan tjara begitoe, nistjaja traboleh tida ia moesti dapet bintjana. Maka ia merasa perloe, begimana itoe pertandingan moesti diatoer dengen tjara laen, jalah paling baek dengen tjara goetet, soeatoe djalan jang membri banjak harepan aken la dapet kalaken moesoenja itoe. la poen soeda pikir baek-baek, kaloe sadja ia poenja atoeran ditrima, dengen sekali banting, ia nanti dapet roeboeken lawanannja itoe.

Tapi satelah ia bri taoe apa jang dikahendaki olehnja, njata sekali dengen tiada bikin kaberatan apa-apa, Tjheng Bwe lantas soeka trima.

Dengen begitoe, itoe pertandingan sigra dimoelai lagi.

Hong Dji lantas memeloek dan menjangkeram pada erat poendaknja Tjheng Bwe.

„O, kau maen tjangkeram djoega ?" kata Tjheng Bwe: Kaloe kau berlakoe tjoerang begitoe, haroeslah kau djaga dirimoe degen ati-ati sekali! Sambil berkata begitoe, Tiheng Bwe gojang badannja seperti orang mengkirik, hingga di saät itoe ia poenja antero toeboe mendjadi keras seperti kajoe; kamoedian ja fantas benjak oeratuja Hong Dji di bawa lamboeng, sampe ini boedak doerhaka mengaloearken treakan keras dan terpaksa lepasken peloekannja.

Ia maoe berkata apa-apa, tetapi dengen tida membri tempo sampe itoe moesoe bisa mengeloearken perkataän, Tjheng Bwe tjepet tjekek leheroja, sedeng tangannja jang satoe masi membenjak teroes pada Hong Dji poenja oerat lamboeng.

Dengen tjara begitoe, Tjheng Bwe dorong moesoeuja ka socatoe tempat jang lebi tinggi, laloe sembari gaet kakinja, ia toelak moesoenja itoe hingga di saat itoe, djoega Hong Dji lantas djato terbanting menglinding ka bawa.

„Rebalah kau di sitoe, prampoean sombong!" beginnelab Tjheng Bwe telah berkata, tempo ta roeboeken itoe prampoeau kedji.

Itoe tiga penonton lantas bersoerak boeat poedji kapandeannja Tjheng Bwe, sedeng Hong Dji jang rebs di tana merinti-rinti dengen tarik moeka meringis begitoe matjem, hingga siapa djoega jang meliat, tentoe moesti djadi tertawa. Hong Dji rasaken kempalannja jang paling sakit, sebab itoe bagian djoega jang terban ting paling keras di tana.

la tjoba bangoen bebrapa kali, tapi tida bisa; hingga achir-achir Nio-sie moesti toeloeng padanja.

Pakeannja jang berlepotan tana dan pelja di bebrapa tempat, pada hetoelan blakangnja ada bernoda dara, soeatoe tanda Hong Dji itoe ada dapet djoega locka di badan.

Soen-sie dan Ong-sic poen lantas mendeketin, laloe toeloeng keboet tana dan roempoet roempoet jang berlengket di pakeannja, dan toeloeng pakeken kombali itoe badjoe loear jang itoe prampoean kedji lepas pada waktoe maoe bertanding.

„Apa badanmoe ada dapet loeka berat, Hong Dji ?" kata Nio-sie kamoedian, sedeng orang jang ditanja itoe masi meringis-ringis:

„Kaloe perloe, akoe bolel toeloeng gosoken djahe."

„Trima kasi, akoe tida dapet loeka apa-apa jang perioe diobati," kata itoe petjoendang prampoean sambil membocang moeka dan berdjalan masoek ka dalem.

Dengen marasa enak hati itoe ampat orang. lantas mengawasin satoe pada laen sambil tertawa. Tempo Hong Dji soeda pergi djaoe djoega, sambil menoendjoek padanja, Soen-sie ber- kata: „Sakali ini tjoekoeplah boeat bikin linjap la poenja tingka jang agoeng-agoeng. Kita haroes bersoekoer dan mengoetjap trima kasi pada adé Tjheng Bwe, malah haroes djoega bli arak jang back boeat gandjarken ia poenja kagagalan.”

Tjheng Bwe mengoetjap trima kasi.

Kamoedian, sasoeda bitjara lagi sabentaran, itoe ampat orang lantas berlaloe boeat lakoeken poela kardjaänaja.

---

Djedjaka bangor birahinja keras
sekali.—Perkataan jang ladjem tida
ada kadoeanja.

Tjheng Bwe balik ka kamar Siotjianja, tapi kerna dapetken Siotjia lagi koerang enak badan, maka ia tida tjeritaken apa jang baroesan telah terdjadi di blakang taman.

Dari orang jang silaken Siotjia doedoek dahar tengahari, tapi Siotjia tida menoeroet, Soen-Nio dapet taoe, jang prikawarasannja itoe gadis ada terganggoe; maka sasoeda- nja dabar sama-sama Hok Tjoen, ia lantas pergi tengokin anaknja itoe.

Hok Tjoen made mengikoet, tapi dilarang oleh bibinja. „Apatah djahatnja kaloe akoe toeroet tengokin dia?" kata itoe djahanam : Tidakah akoe dan Bong Loan satoe sama laen ada djadi soedara?"

„Betoel begitoe, tapi satoe djedjaka tida pantes kaloear masoek dalem kamarnja anak prawan!" begitoe Soen Nio oelangken larangannja: „Apa kau kira bagoes kaloe sampe laen orang dapet tape ini perkara ?"

„Persetan sama laen orang!" kata poela itoe lelaki jang trataoe maloe dengen wara-wiri: „Asal sadja akoe tida berboeat perkara jang koerang sopan

„Pendeknja pertjoema-tinema kau harep toeroennja emboen tengahari, Tjoen!" kata lagi itoe bibi jang memang soeda tape lama prihal tjoetjoenja itoe ada ara-ara sadja, atawa ingin sekali dapetken itoe nona jang manis: Boekankah kau taoe, jang soedaramoe itoe soeda ada toendangannja?"

—„Toendangan.....toendangan....! Orang jang kau hadepin menanggoeng rindoe satenga mati, kau tramaoe bilang! Tjis ! djangan kata maoe menoeloeng, malahan akoe hendak mengikoet sadja, kau melarang begitoe sanget! Apa begitoe fandanja orang toea jang socka liat anak tjoetjoenja djadi beroentoeng?" —„Soeda! djangan isep akoe poenja dara! Kaloe kau made mengikoet djoega, apa akoe traboleh oeroengken niatankoe?"

—„Nah, baeklah akcoe tida mengikoet. Tapi toch boleh, kalde akoe minta toeloeng iboe berboeat satoe apa aken goenakoe?"

—„Kapan kau denger kata, salamanja boleh; begitoe djoega kaloe kau poenja permintaan ada pantes.

—„Akoe poen tjoema hendak minta iboe toeloeng tjeritaken pada adè Loan, prilial akoe poenja peroentoengan djelek di dalem perkara djodo."

—„Apatah kau poenja maksoed, dengen meminta akoe tjeritaken itoe perkara ?" ,,Kaloe-kaloe adè Loan nanti maoe oendjock di mana ada sala satoe gadis jang boleh dilamar."

—„Itoelah pikiran aneh sekali. Sebagi satoe gadis jang djarang kalocar pintoe, begimanalah ia bisa dapet taoe itoe perkara."

—„,O, iboe kliroe. Menoeroet akne poe- nja pikiran, djoestroe saorang gadis bangsawan besar, dia toelah jang mengenal banjak orang."

—„Kaloe begitoe, boleh djoega akoe loeloesken kau poenja permintaän."

Setelah Soen Nio berbalik, maoe berdjalan menoedjoe ka kamar Siotjia, itoe djahanam lantas djebiken bibir, seperti biasanja anak koerang adjar, kaloe soeda dapet djoestaken orang toeanja.

Dengen meminta bibinja tjerita begitoe, itoe lelaki kedji poen ada harep, nanti bisa dapet denger Ko Siotjia poenja penjacetan soepaja dari apa ia boleh selidiki lebi djaoe begimana si nona poenja pikiran.

Tapi dengen saroein maksoednja ka laen fatsal, njatalah ia soeda dapet djoestaken bibinja toe, dan itoelah ada membikin ia djadi girang sekali.

Dengen koerang sabar ia doedoek menoenggoe bibinja balik kombali, sedeng bibi itoe baroe berdjalan menoedjoe ka kamar soedaranja.

Tempo meliat iboenja menghampirken, Ko Siotjia lantas berbangkit dan silaken dengen hormat iboe itoe berdoedoek.

„Kenapa kau tida toeroet dabar sama-sama, Loan?" menanja itoe iboe pada sasoedanja berdoedoek: „Apa kau dapet traenak badan ?"

„Ja iboekoe," saoet Ko Siotjia. „Tapi tjoema sedikit sadja. „Akoe rasaken moeloetkoe pait, tapi akoe paksa makanin boeboer panas, dan sasoeda kaloear banjak kringet, sekarang rasanja ada entengan." —„Apa tida baek akoe soeroe Tjongkoan pergi panggilin thabib? Penjakit salagi enteng moesti lekas dikasi laloe, djangan toenggoe sampe djadi kapandjangan."

Ko Siotjia mengoetjap trima kasi dan bilang, ia merasa tida perloe dipanggilin thabib, sebab ia poen tjoema dapet pilak, penjakit jang enteng sekali.

Djoega si nona hatoerken trima kasi boeat iboenja poenja katjintaän hati, lantaran sedeng hawa ada amat dingin, itoe iboe soeda dateng djoega tengokin dia.

Tapi Soen Nio bilang, ia lebi soeka djalan djalan dari pada tinggal diam dalem kamar sendiri, kerna kaloe ia tinggal diam disitoe, lantas dateng roepa-roepa ingetan jang mengganggoe pikirannja.

Kerna kapingin taoe, maka nona Loan lan- tas minta iboenja soeka terangken perkara apa jang senantiasa mengganggoe pikirannja.

„Och," kata itoe orang toea,,,halnja Tjoen Long sadja soeda tjoekoep boeat bikin akoe poesing kapala."

—„Begimanatah boleh djadi begitoe? Boekankah salama ini kaliatan la soeda roba kelakoeannja?"

—„Tapi ia poenja adat jang angkoe soeda membikin akoe djadi djengkel sekali. Ia sekarang soeda beroesia sembilanbelas taon, tapi sabegitoe djave ia blondapet djodo boeat menika. Boekan dari sebab bangor atawa ada poenja katjintaän di loearan, tetapi dari sebab ia ada amat tjerewet di dalem perkara pili djado. Soeda djoega akoe tjoba (jariken bebrapa gadis, tapi tiada satoe jang ia penoedjoe. Besar kabesaran, ketjil kaketjilan atawa kaloe tiada begitoe, ia tjela gadis itoe parasnja koerang eilok atawa boekan anaknja orang bangsawan dan hartawan besar. Menoeroet ia poenja maoe, brangkali ia ingin dapet istri jang eiloknja seperti .... ja, seperti .... ach, 'taoelah siapa itoe jang dari doeloe sampe sekarang kaeilokannja masi diseboet orang."

Soen Nio oetjapken ini perkataan jang blakangan sambil pegangin pempelengannja, seperti djoega ia lagi tjoba beringet-inget namanja itoe prampoean eilok jang ia hendak ambil boeat perbandingan.

Sedeng begitoe, Siotjia Loan soeda dapet tebak siapa adanja orang jang dimasoedken oleh iboenja itoe. Maka sigra djoega ia berkata :

„O, brangkali iboe hendak seboet Ong Tjiauw Koen jang idoep di djeman Hantiauw."

Ja, ja, dia itoelah jang akoe hendak bilang !" kata Soen Nio sambil tertawa: Dan laen dari eilok, si koerang adjar itoe maoe dapet djoega, anak orang berpangkat dan berharta besar. Tjobalah kau pikir, di Gie-Jang di manatah orang bisa dapetken gadis jang kaädaännja begitoe lengkep, boeat menjoekoepin kainginannja itoe anak bantahan ?"

„Sabenernja djoega ada begitoe," kata si nona. „Satoe gadis dengen kaädän sebagimana jang diingini oleh Ko Tjoen, djangan poela di Gie-Jang, sekalipoen di kota Radja soeker terdapet. Sabetoeinja orang mentjari istri, tida perloe tjari jang parasnja terlaloe eilok dan hartawan besar, hanja teroetama moesti tjari jang priboedinja baek dan mengenal kawadjiban. Rasa beroentoeng dan karoekoenan dalem roema, boekan salamanja terdapet dari kaeilokan dan kakajahan, tetapi terbitnja itoe, kabanjakan dari sebab ratoe roema priboedinja baek dan mengenal kawadjiban. Maka toeroet Loan poenja kira, sebagi orang toea, iboe tida oesa toeroetin kamaoeannja 'Ko Tjoen jang boekan-boekan, kerna kaloe maoe toenggoe sampe dapet satoe gadis dengen kaädään begitoe, brang- kali lagi sapoeloe taon iboe blon bisa mempoenjai mantoe."

Soen Nio merasa moetaket betoel dengen si nona poenja pikiran, maka ia berdjandji nanti maoe bitjaraken itoe perkara lebi djaoe sama Hok Tjoen.

Kamoedien itoe kadoea iboe dan anak bitjaraken lagi laen-laen hal, dan sampe sore Soen Nio baroe balik ka kamarnja sendiri.

Hok Tjoen masi ada doedoek menoenggoe sambil bakal-maen oedjoeng badjoenja.

Koetika meliat iboenja mendatengin, djahanam itoe lantas berbangkit dan menghampirken pada itoe orang toea dengen berkata:

„Mengapa begitoe lama, iboe? dan apatah ia telah bilang?"

„Apa kau trabisa sabar sedikit, hé?" menjantak Soen Nio tapi sembari mesem: „Kau toch moesti taoe jang dirimoe boekan anaknja radja!"

—„Memang djoega boekan, kerna kaloe anak radja, masa akoe bahasaken kau iboe? Tapi betoel-betoel, apa sih ia telah bilang padamoe ?"

—„la bilang, kaloe kau begitoe tjerewet, lagi sapoeloe taon kau tida nanti kawin!"

—„Moestail lantas sadja ia bitjara begitoe? Tentoc lebi doeloe moesti ada dibitjaraken laen-laen perkara. Sekarang akoe ingin iboe toetoerken dari bermoela begimana iboe tjerita dan begimana kamoedian adè Loan soeda menjaoet, dan begitoe teroes, sampe ia kaloearken itoe perkataan kaloe begiloe ijerewet, lagi sapoeloe taon akoe tida nanti kawin."

Soen Nio sengadja tida maoe lantas toetoerken, hanja menoenggoe doeloe sampe itoe djahanam meminta dengen meringis-ringis, baroe la maoe tjeritaken begimana dari bermoela sampe pada achirnja itoe perkara baroesan soeda dibitjaraken.

„Bagoes! bagoes!" kata itoe anak bangor dengen girang, pada sasoeda mendenger bibinja poenja tjerita: „Sekarang akoe me- ngarti begimana si nona poenja pikiran !"

Soen Nio djadi bengong meliat tingkanja itoe lelaki kedji seperti oedang kakeringan. la poen tida mengarti, mengapa anak-poengoetnja itoe soeda djadi begitoe girang, sedeng toeroet ia poenja kira, tiada satoe perkataän nona Loan jang ia oelangken ada membri sebab aken itoe djahanam dapetrasa begitoe.

Dan tentoelab djoega Soen Nio anggep jang djahanam iloe soeda djadi gila dengen mendadak, kaloe tempo ditegor, ia tida menjanet: „Oi-oi-oi !"

Tapi toch dengen sabenernja Tjoen itoe blom memdjadi edan; kaloe itoe waktor, lantaran Kagirangan, ia soeda kaloearken tingka jang mirip dengen tingkanja orang dapet sakit begitoe, adalah dari sebab ia telah dapet kanjataän, jang Ko Siotjia maoe tjampoer tangan di dalem ia poenja perkara djodo

Kaloe tiada merasa kasian, apa si nona nanti maoe membri nasehat, dan maoe menjataken djoega la poenja rasa koeatir dengen membilang kaloe akoe begitoe tjerewet, brangkali lagi sapoeloe taon akoe tida nanti kawin ? Ini sadja soeda tjoekoep aken kedja itoe djahanam merasa girang setenga mati!

Ja, apatah lagi jang ia maoe ? Rasa kasian poen ada pakakas jang teroetama di dalem perkara tjinta !

la merasa soekoer sekali pada Lo Keng, jang doeloe soeda oendjoek djalan, begimana ia moesli berlakoe boeat tarik hati si nona, kerna kaloe boekan lantaran nasehatnja itoe goela-goela, brangkali sampe sekarang ia poenja perniatan blon madjoe begitoe diaoe.

Tapi aken bibinja poenja kabodoan, ijaoeroeng achir-achir ia moesti seselken.

„Ja," kata itoe djahanam dengen swara gerendang sambit keroetken djidai, „dia itoe sasoenggoenja akoe moesti seselken! Kerna sedeng si nona soeda memboeka djalan, toch itoe orang foea tida dapet pikiran boeat timboelken itoe perkara jang ia soeda gariangin sakean lama."

„Tapi, soedalah !" kata poela itoe lelaki kedji, sasoeda berdiam sasaät: Akoe tech trabisa harep ia poenja banjak toeloengan di dalem ini perkara !"

Kamoedian dengen mengela napas ia lepas dirinja di socatoe korsi.

„Kau kenapatah, Tjoen ? kata bibinja, jang sekarang djadi merasa koeatir lagi. kaloe-kaloe itoe lelaki kedji betoel-betoel soeda mendjadi gila: „ini hari akoe liat kau poenja tingka beda sekali: sabentar tertawa, sabentar mara-mara, betoel seperti orang jang soeda roesak ingetan."

„Kaloe betoel sampe kadjadian begitoe," kata itoe djahanam sambil merengoet, „traoeroeng iboe djoega jang moesti kailangan saorang bakal rawatin aboe! Tapi toch maski begitoe, kaloe akoe minta toeloeng sedikit sadja, kau trasoeka loeloesken!"

„Ai, Tjoen!" kata itoe bibi dengen lagoe swara seperti orang jang soeda seringkali berboeat kabackan, tapi masi sadja dikataken tida maoe nenoeloeng: Djanganlah kau membangkit begitoe! Kau perna dapetken di dalem perkara apatah, akoe tida maoe menoeloeng ? Apa akoe tida bilang, asal sadja kau poenja permintaan ada patoet, salamanja akoe ada sedia aken iringken ?"

—„Tapi apa ada permintaan jang lebi patoet dari pada anak sendiri, anak jang bakal pikoel kau poenja aboe, minta dika- winin? Dan toch ini permintaän jang paling patoet, kan soeda tida maoe loeloesken ! Soedalah djangan sangkal, iboekoe !"

—„Kau njanji lagoe apatah, Tjoen? Akoe tida maoe loeloesken? Itoelah bangkitan jang lebi aneh lagi! Berpoeloe gadis akoe soeda oendjoek, kau sendiri jang tida penoedjoe: apa sabegitoe djaoe, masi djoega akoe jang kau hendak seselken ?"

—„Beratoes poen pertjogma, kaloe gadis jang akoe pencedjoe, kau tida maoe lamarken."

—„Gadis siapa ? Tjobalah kan bilang.

—„Tadi poen akoe soeda bilang itoe padamoe."

—„Koerang adjar! lagi-lagi kau oendjoek dia! Boekankah kau taoe, jang sekaramtoe taoe soeda ada toendangannja? Apa laen diri dia, di doenia soeda tida ada orang lagi ?" —„Sembarang tjetjongor, jang seperti kau telah oendjoek, memanglah banjak; tapi boeat tjari jang sebagi dia, adalah saoepama orang mentjari boelan kadoeanja di atas langit !"

—„Achir-achir akoe boleh tambaken djoe- ga: boeat Ijari orang jang begitoe bantahan seperti kau poenja matjem, ada sama sadja soesanja seperti orang tjari kerbo bertandoek anem! Sedeng kau taoe begimana la poenja adat, masi djoega kau mane bentoer; apa kau tida pikir dengen berboeat begitoe, ada seperti djoega koepoe-koepoe jang sengadja deketin api boeat bakar diri sendiri?"

—„Itoelah traboleh djadi. Kaloe lebi doeloe ia soeda soeka toeroet bitjaraken akoe poenja perkara djodo, dari apa ada kentara — kaloe tida maoe dibilang merasa tjinta — sedikitnja tentoe ia ada merasa ka- sian djoega padakoe, moestail ia boleh djadi goesar, kaloe iboe kasi taoe jang akoe ada sanget tjinta padanja? Ingetlah ini priba- hasa, iboe: Seperti laki-laki soeka korbanken diri aken goena orang jang kenal betoel kaädadaännja, orang prampoean poen tida merasa berat aken seraken dirinja pada satoe djedjaka jang bisa bikin senang ia poenja hati," —„Tida, akoe tida kenal itoe sepata boesoek! Sekarang kau boleh pergi! Akoe trasanggoep ladenin kau poenja kahendak jang amat kedji!"

„Kau trasanggoep ja soeda, tapi kaloe.akoe mace djoega, achir-achir toch akoe moesti dapet."

Sambil berkata begitoe dengen swara garendang, Hok Tjoen berbangkit, laloe berdjalan menoedjoe ka kamar sendiri.

„Liatlah, begimana gila Kongtjoe poenja pikiran kata Soen Nio pada Hong Dji,. tempo anak angkatnja itoe soeda berlaloe: Tjoba Siotjia mendapet taoe, apa kiranja ia tida djadi goesar?"

„Tapi itoelah tjoema antjeman sadja," kala Hong Dji. „Akoe doega Kongtjoe tida brani lakoeken itoe perkara jang melanggar prisopan.

Hong Dji sengadja hendak sesaiken njoajanja dengen perkalaän begitoe, sebab ia ada gengem satoe niatan jang begitoe kedji, hingga kaloe boekan orang jang paling hina, tentos tida bisa dapet itoe ingetan.

Sedeng ia taoe kahendaknja Hok Tjoen soeda tida boleh ditjegah, dan sedeng ia taoe perkara jang hendak dilakoeken itoe ada amat kedji, toch kaloe bisa saboleh-boleh ia maoe bantoe, soepaja itoe lelaki jang trataoe maloe dapet sampeken maksoednja. Djoega boekan ia tjoema harep Ko Siotjia sadja nanti dapet itoe nama djelek. malah ia sanget ingin Tjheng Bwe djoega nanti toeroet bikin perhoeboengan resia dengen itoe Kongjoe kedji. Dan kaloe perkara soeda djadi begitoe, diam-diam ia nanti pergokin itoe tiga orang poenja perboeatan, soepaja kaloe resia soeda terboeka, merika itoe nanti kepaksa toendoek di bawa kakoeasaännja.

Inilah lantarannja, maka ia sengadja ka loearken perkataan di atas boeat sesatken Soen Nio poenja pikiran.

Tapi apa dengen perkataan begitoe Scen Nio dapet di sesatken atawa tida itoelah koeraug terang; sebab saäbisnja Hong Dji kaloearken itoe perkaän. ia lantas sooroe itoe boedak doorhaka beresin randjang, dan kamoedian dengen tida bilang apa-apa ia lantas tidoer.

Sigra djoega ia soeda djadi poeles, sedeng Hok Tjoen jang itoe waktoe soeda berada dalem kamar sendiri masi tertawa haha-hihi" sama goela goelanja.

Doea hari kamoedian, tempo si djahanam dapet kabar jang Ko Siotjia telah semboe. dari sakitnja, ia djadi girang sekali. Ja laloe berpakean dengen rapi, dan sasoeda masoekin sagoeloeng soerat ka dalem tangan badjoe, ia lantas berdjalan menoedjoe ka kamar Siotjia.

ttee waktoe nona Loan lagi docdock menoelis sair. la denger boenji tindak orang jang. mnendatengin, tapi salagi maoe berbangkit, bocat meliai siapa iloe jang mendatengin, itoe lelaki kedji soeda memboeka kree dan masoek ka dalem kamar.

Maski hati ada merasa kuerang senang dengen itoe kelakoean biadab, traoeroeng si nona soeda berbangkit djoega, dan silaken itoe soedara doedoek begimana atoeran.

Tapi toe djahanam boekan berdoedoek, banja lautas hampirken nona Loan poenja medja toelis, dimana ada terletak sapotong kertas dengen bebrapa derek toelisan.

Kamoedian, sambil menoendjoek pada itoe sapotong kertas, ia menanja pana uona Loan:

„Apa ini ada soedara poenja toelisan? Soenggoe bagoes sekali!"

„Ja, tapi toelisan seperti tjeker bebek, jang tida haroes dapet poedjian !" saoet si nona.

„Man boleh," kata poela itoe telaki kedji, tanggoeng-tanggoeng lelaki, akoe brani bilang ia tramampoe toelis begini." —„Och, itoelah poedjian terlaloe tinggi."

„Tapi sabenernja ada begitoe. Tapi soe- dalah, lebi baek kita bitjaraken laen perkara," demikian achir-achir Hok Tjoen toetoep bitjaranja sendiri, oleh kerna koeatir, apabila si nona adjak bitjara lebi djaoe tentang hal soeral-soerat, ia nanti trasanggoep bri djawaban, hingga lantaran itoe boleh mendapet maloe. la poen soeda djengkalken baek-baek, brapa pandjang adanja ia poenja peladjaran di dalem perkara soerat!

Baroesan ia telah bilang, lebi baek bitjaraken perkara laen. Tapi laen dari perkara bertjinta-tjintaan, ada perkara apatah lagi jang ia bisa biljaraken. la poen slang malem tiada jakinken laen dari pada itoe, hingga boleh dibilang itoelali djoega ada djadi ka- pandeannja jang teroetama.

Tapi boeat bitjaraken, itoelah ia merasa likat; kerna tingka si nona jang sopan santoen soeda paksa ia toetoep mocloet. Ia sendiri tida mengarti mengapa dirinja boleh djadi begitoe; kerna sedeng baroesan, koetika maoe dateng, ia soeda pikir begimana nanti ia maoe kaloearken tingkanja jang lemah-lemboet boeat boedjoek Ko Siotjia, tapi sekarang, sasoeda dateng temponja, djangan poeta kaloearken tingka begitoe, malahan angkat kapala, boeat awasin sadja paras si nona, ia tida brani.

Sedeng begitoe, Ko Siotjia soeda merasa tida sabar boeat biarken itoe djahanam menggretjok lebi lama dalem kamarnja. Maka ia lantas bilang teroes-terang pada itoe lelaki kedji, begimana, sadari menoempang tinggal sama Toakoenja ia soeda pegang itoe adat kabiasaän, bahoea ia melaenken bisa trima soedara lelaki dateng dalem kamarnja, kaloe soedara itoe hendak membri nasehat apa-apa, dan dari sebab demikian, maka ia sanget harep, apabila kadatengan Hok Tjoen boekan dengen ada mengandoeng maksoed begitoe, ini soedara soeka lantas berlaloe dari kamarnja.

Sasoeda dapet ini tegoran, jang membikin moekanja djadi mera, baroelah itoe lelaki kedji inget, dengen berkahendak apa ia dateng di itoe kamar.

„Och," kata itoe djedjaka bangor dengen swara goegoep-goegoep, kaloe tida ada perkara penting, akoe djoega tentoe tida brani dateng gretjokin kau. Kemaren, koelika akoe djalan-djalan di kota, akoe dapet satoe kabar jang amat penting, kabar mana kaloe kau dapet denger, akoe kira kau poen tentoe toeroet merasa girang." ,,Kabar apatah itoe? Dan dari manatah datengnja?" tanja Ko Siotjia jang merasa, boleh djadi djoega itoe kabar ada penting aken dirinja.

Itoe kabar dateng dari kota Radja," saoet Hok Tjoen, „dan ada berhoeboeng sama perkaranja Jo Toakoe, jang telah dapet taloekin moesoe di Se-Liang. Djoega dalem itoe warta ada ditoelis, dengen girang Baginda telah kaloearken firman boeat naeken pangkatnja Jo Toakoe ka tingkatan jang lebi tinggi."

Sambil berkata begitoe, ia kaloearken sagoeloeng soerat dari dalem tangan badjoenja, dan djalan menghampirken pada Ko Siotjia, boeat trimaken sendiri soerat itoe pada tangan si nona.

Tapi Tjheng Bwe, jang roepa-roepanja merasa roegi kaloe nonanja dideketin oleh itoe djedjaka edan, ia boeroe-boeroe lantas menjelak dan ambil soerat itoe dari tangannja Hok Tjoen.

Matanja ini djahanam djadi melotot, oleh kerna merasa amat mendongkol; dan tentoelah djoega ia soeda tjoebit pipinja itoe gadis jang kaliwatan amat, kaloe ia tida merasa maloe pada Ko Siotjia.

Tjheng Bwe lantas trimaken soerat itoe pada nonanja. Sebagimana katanja Hok Tjoen, bener djoega dalem itoe soerat ada ditoetoerken prihal Yo Sek Han telah dapet taloekin moesoe di Se-Liang dan prihal ini orang bangsawan dikoerniaken pangkat jang lebi moelia oleh Baginda Keizer.

Ini kabar tentoe sadja membikin Ko Sio-tjia djadi girang sekali, kerna laen dari perkara ajah sendiri, halnja itoe Bokoe poen ada sanget diperhatiken olehnja. la mengoetjap banjak trima kasi pada Hok Tjoen jang soeda perloeken bawa itoe kabar padanja.

Tapi djoestroe itoe perkataan trima kasi jang dioetjapken dengen swara merdoe dan moeka manis, soeda kedja itoe lelaki tebel merasa berat tinggalken itoe kamar, jang ada saoepama sorga boeat dirinja. Dan soepaja bisa tinggal lebi lama dalem itoe „kamar melengket”, ia sengadja adjak Ko Siotjia sabentar bitjara dari hal ini, sabentar dari hal itoe, sampe achir-achir ia dapet djalan boeat menanjaken hikajat Giok-keng-taij, soeatoe tjerita jang kadjadian di djeman Tjin.

Giok-keng-taij ada namanja saroepa barang, jang Oen Kiauw, satoe djedjaka pinter, perna kasiken sebagi pandjer pada saorang gadis jang amat tjantik, Konja sendiri ampoenja anak, sama siapa blakangan ia menika. Sadjek ini waktoe, itoe pasangan boeroeng merpati ada idoep begitoe roekoen dan manis, hingga kamoedian djadi boea toetoer segala orang.

Tempo Ko Siotjia dapet pikir apa jang itoe lelaki kedji maksoedken dengen itoe pertanjaan, ia poenja paras lantas djadi poetjet sekali.

„Och,” kata si nona di dalem hati, „njatalah itoe binatang jang matanja tida berminjak bernjali besar sekali! Apa ia tida mengarti, jang dengen menjataken hikajat begitoe padakoe, ada sama djoega ia minta akoe keset koelitnja ?"

Bibirnja Ko Siotjia soeda bergerak boeat bri dampratan keras pada itoe lelaki tebel, tapi kamoedian dengen mengela napas ia oeroengken niatannja itoe.

la inget, maski betoel dengen bikin itoe pertanjaän Hok Tjoen ada gengem niatan boeroek, tapi blonlah itoe djahanam brani njataken kakedjiannja itoe dengen berterang. la boleh oendjoek goesarnja, tapi apa itoe djedjaka bangor traboleh bilang, jang ia sasoenggoenja tida taoe begimana tjeritanja itoe hikajat? Lagi poen, apatah orang nanti bilang, kaloe satoe gadis bertjidra dengen satoe djedjaka? Laen dari begitoe, iboe jang sekarang, boekan iboe jang melahirken, dan djoega pikirannja kaliatan ada gelap sekali. Maka kaloe ia sampe djadi bertjidra dengen itoe djedjaka edan, blon tentoe iboe itoe nanti bisa selidiki siapa jang sala dan siapa jang bener. Malahan sala-sala itoe iboe nanti mendoega, ia, Bong Loan, jang bengkeng dan tida mengindahken 'ma koewalon.

Lantaran menginget demikian djoega, maka Ko Siotjia saboleh-boleh soeda tahan sabarnja. Tetapi ia berniat tetep aken kasi tegoran keras pada itoe lelaki jang koerang adjar, soepaja laen kali ia tida brani lagi oendjoek kakedjiannja. Maka sigra djoega ia berkata sambil mengawasin pada itoe orang biadab dengen merasa djemoe.

„Kau mengakoe tida kenal itoe hikajat?" Itoelah kau melaga bodo! Orang sering bilang, satoe Siotjai moesti mengenal segala hikajat doenia! Soeatoe moestail, tjoema kau sendiri sadja, dengen boetaken mata, soeda bisa loeloes dalem itoe oedjian ? Kaloe bener begitoe, boekanlah laen orang, tapi dengen itoe gelaran Sioetjaij, kau soeda bikin bodo pada diri sendiri! Seperti akoe, saorang jang tida mempoenjai temen jang faham soerat dan djoega blon perna bergoeroe, kaloe dibilang tida kenal itoe bikajat Giok-keng-taij, adalah djamak djoega; tapi kau, kau — satoe Sioetjia mengakoe tida taoe itoe tjerita, sasoenggoenja moesti merasa maloe!”

„Tapi akoe brani soempa, sasoenggoenja akoe tida taoe,” kata itoe djahanam, sedeng moekanja djadi mera sedikit.

— „Kaloe kau rasa, itoe hikajat bisa tambaken kau poenja pengatahoean, baeklah akoe nanti tjeritaken; tetapi terlebi doeloe kau moesti djawab akoe poenja pertanjaän.”

Itoe Kongtjoe idoeng poeti djadi bingoeng, kerna koeatir nanti tida bisa djawab itoe pertanjaän. Tapi sablon ia bisa bilang apa apa, Ko Siotjia soeda lantas berkata poela:

„Dengerlah : orang lelaki perloe apa disoeroe tjari peladjaran dan tiroe segala perboeatan orang jang baek? Kiat dan Tioe, boekankah masing-masing ada mendjadi Keizer, masing-masing ada berkoeasa atas berlaksa rahajat negri, tapi mengapatah sampe sekarang itoe doea orang masi ditjatji sebagi Radja jang tida adil? Ngo Tjoe Sie kenapa moesti pindjem balatentara boeat moesnaken karadjaän Tjhiauw dan moesti petjoet orang jang soeda mendjadi mait ? dan lantaran apatah Tjhouw Peng Ong telah desek mantri-mantrinja jang setiawan? Tje Siang Kong, sasoeda boenoe Phang Seng, laloe tekap koeping sendiri; tapi siapatah itoe prampoean jang diseboet Kiang Lie? Tang Toh boekankah ada ajah angkatnja Lu Poh, tapi kenapatah kamoedian ia boenoe ajah angkatnja itoe? Kwe Hoa, mengpatah sasoedanja mati masi ditertawai orang? dan sebab apatah ia moesti mati terkeniaja, hingga kadoea orang toeanja djadi terlantar? Lioe He Hoei, ia soeda berboeat kabaekan apatah, maka namanja sampe di ini masa masi terpoedji orang ?— Djawablah soedara, djawab! kerna akoe ingin sekali taoe, begimana hikajatnja ini bebrapa orang. Kaloe soeda, lantas dateng itoe giliran, boeat akoe djawab kau poenja pertanjaän."

Hok Tjoen mengap-mangap seperti ikan di daratan, sambil oesoet-oesoet blakang korsi, sedeng kringet dingin mengoetjoer di djidatnja.

Ko Siotjia awasin tingkanja itoe telaki kedji dengen bersenjoem ewah. Kamoedian, sambil berbangkit, si nona berkata pada hambanja: „Ajo Tjheng, toeroet akoe djalan-djalan di taman: hatikoe merasa pepat sekali diam disini."

„Apa Siangkong denger ?" kata Tjheng Bwe pada Hok Tjoen, sedeng nonanja berdjalan kaloear: „Akoe harep Siangkong soeka berlaloe sabentaran, kerna pintoe ini kamar maoe dikoentji.”

Ini perkataan ada sama sadja seperti aer satahang jang digoenaken boeat koetjoer kapalanja itoe lelaki kedji.

Dengen merasa amat maloe, Hok Tjoen lantas berbangkit dan berdjalan dengen tindakan limboeng.

Orang nanti kira ada doea Hok Tjoen di itoe gedong, kaloe meliat, begimana koetika dateng ini djahanam soeda oendjoek tingka lakoenja jang amat girang, dan begimana temponja kaloear, ia berdjalan dengen toendoek, sambil garoek-garoek blakang koeping, jang tida sekali merasa gatel.

Lo Keng sendiri, jang berdiam dalem kamarnja itoe lelaki kedji, djoega moesti tahan tertawa, tempo meliat katjintaännja masoek dalem itoe kamar dengen meroengkoet seperti orang oetan jang abis dikedjer oleh pemboeroe. Ia mengarti, jang katjintaännja itoe tentoe soeda kena toebroek tembok doeri, jang kedja ia meringis begitoe roepa.

Tetapi sedeng soeda taoe itoe lelaki kedji ada dapet perkara jang traenak, Lo Keng itoe sengadja menanja begini: ,,Begimana, apa Siangkong poenja harepan ada madjoe djoega?"

Dengen gojang kapala dan meremken mata, Hok Tjoen lepas dirinja di pembaringan.

„Soeda, soeda!" kata ini djedjaka doerhaka sambil gojangken tangan: „Djangan tanja itoe perkara! Baroe tiba sadja akoe kaloearken sedikit pertanjaän jang menoedjoe pada itoe maksoed, lantas djoega itoe nona manis jang angkoe mendjadi moerka dan bales menanja padakoe. . . . . . mending pertanjaän jang akoe bisa djawab, tapi jang kedja leherkoe djadi tertjekek! Lebi lagi itoe Tjheng Bwe jang bengkeng, satelah meliat nonanja djalan kaloear, dengen melotot-lotot ia lantas geba akoe dari itoe kamar! Tjobalah kau pikir, apa perboeatan begitoe tida membikin akoe djadi oering-oeringan?"

„Kaloe begitoe, kapaksa Siangkong moesti singkirken itoe niatan,” kata itoe goela-goela.

,„Och, itoelah gila amat!” treak itoe Kongtjoe kedji jang semingkin djadi oering-oeringan: „Moestail satoe gadis jang begitoe eilok, hingga tida ada kadoeanja di ini doenia, akoe bisa lepasken dengen begitoe sadja ? Biar poen kapala dibakal kaki dan kaki dibakal kapala, traoeroeng akoe mape dapetin djoega !”

Sapandjang kaloearken ini perkataan, bebrapa kali ia membanting kaki dan menoem- boek randjang, saolah-olah lakoenja orang jang kalap.

---

Peta gambar ada lebi menang dari
soeatoe hikajat prampoean soetji.—
Sabatang pedang ada lebi berpengaroe
boeat pademken nafsoe birahi.

Lo Keng saboleh-boleh hendak tjariken akal, soepaja iloe Jelaki jang tertjinta oleh- nja bisa sampeken hadjatnja jang amat kedji, oleh kerna ia koeatir, kaloe itoe kahendak tida dapet disampeken, katjintaännja itoe nanti dapet sakit jang socsa ditoeloeng dengen obat. Maka sasoeda berpikir sabentaran, ini prampoean jang dengen-tida merasa maloe telah seraken dirinja, boeat dipermaenken sebagi goela-goela oleh itoe lelaki kedji, ia lantas menghampirken dan berkata pada itoe Kongtjoe djahanam :

„Siangkong, senangkenlah kau poenja pikiran kerna boeat sampeken itoe kahendak, kita masi ada mempoenjai banjak djalan.”

„Tapi akoe kira tida, salaennja djalan paksaän,” kata itoe djathanam sambil mengela napas.

—„Tah, itoelah jang akoe hendak bilang.”

—„Apa kau tida pikir, jang dengen berboeat begitoe, lantas akoe boleh dapet tji- laka ?“

—„Memang, kaloe kau memaksa satjara lakoenja toekang sampan; tetapi akoe tida bermaksoed aken soeroe kau berlakoe kasar begitoe.“

—„Djadinja, kau bisa oendjoek djalan jang lebi sampoerna dari pada itoe?“

—„Soeda tentoe, asal sadja kau tida loepaken akoe poenja gandjaran.“

—„O, akoe salamanja tida taoe berlakoe pelit.”

—„Itoelah akoe pertjaja. Tapi bilang doeloe: brapatah kau brani membajar, kaloe orang bisa oendjoek djalan hingga kau poenja maksoed dapet disampeken ?”

,Hee? Apa kau,kau jang telah tiga taon djadi sobatkoe, ini kali moesti maen bitjara harga ?”

—„Sabenernja sih traoesa; tapi oleh kerna akoe koeatir, kaloe soeda ada gantinja akoe ini nanti terboeang-boeang, maka akoe ada merasa perloe djoega dapet soeatoe kapastian aken peroentoengankoe.” —„Tapi akoe trananti berlakoe begitoe kedjem.”

—„Itoelah kita nanti liat di laen tempo. Tapi boeat sekarang, itoe djandjian ada perloe.”

—„Nah baeklah, adat prampoean kabanjakan memang begitoe. Kaloe akoe membajar doearatoes tail perak pada orang jang bisa toeloeng hingga maksoedkoe kasampean, begimana?”

—„ltoe tida tjoekoep.”

—„Nah, akoe tamba lagi sapasang glang emas berat lima real. Sekarang akoe kira tjoekoep, kerna dengen mempoenjai mata oewang sabegitoe poen, tida soesa boeat prampoean djelek dapetin lelaki tjakep.”

Tingkanja itoe goela goela lantas beroba seperti ratoe jang dihinaken.

„Kau hinaken akoe, Siangkong !” kata ia sambil merengoet dan melirik pada katjintaännja itoe dengen mata mendelik, tapi sorotnja genit: Apa kau kira akoe hendak. atawa ada perloe goenaken itoe oewang boeat menombok pada lelaki ?”

—„Ach, masa. Kan poen tida djelek, malah ada tjantik sekali."

Mendenger ini poedjian goenoeng dikata gedé, brangkali lebi gedé lagi latinja Lo Keng Tapi sebagimana biasanja kabanjakan prampoean boekan orang baek-baek soeka dioempak kaeilokannja, kendati poen sabenernja ia tida eilok, Lo Keng djoega ada teritoeng pada prampoean matjem begitoe.

la blon merasa tjoekoep dengen poedjian sabegitoe, maka sigra djoega ia berkata poela :

„Kaloe Siangkong ada rasa akoe tida terialoe djelek, mengatah Siangkong moesti menjindir dengen perkataan begitoe?”

—„Oh, itoelah tjoema andean sadja — andean boeat laen prampoean, boekanlah boeat kau, jang bisa tarik antero hati-djiwakoe! Apa sekarang soeda tjoekoep?”

Itoe prampoean kedji lantas mendeketin dan memeloek pada lehernja itoe Kongtjoe kaparat seperti anak aleman.

„Sekarang bilanglah djiwakoe,” kata itoe lelaki doerhaka sambil meraba pada djanggoet orang.„begimana akoe moesti atoer itoe perkara ?”

Itoe boedak jilaka lantas toetoerken hadjatnja dengen bisik-bisik, tapi kaliatan tida banjak menarik hati, kerna sablon ia bitjara sampe pada achirnja, itoe lelaki kedji soeda lantas berkata sambil djebiken bibir dan gojang kapais: „Itoelan trabisa djadi. Kau toch kenal begimana adatnja Thaij-thaij. Kaloe satoe kali ia soeda bilang tramaoe djangan harep kamoedian ia nanti maoe menoeroet.”

—„Tapi ada satoe djalan boeat paksa padanja.”

—„Djalan begimana ?”

—„Melaga sakit. Kerna kaloe kau berboeat begini, Thaij-thaij jang sanget tjinta padamoe, tentoe nanti toeroet kau poenja segala kahendak.”

Ini pikiran ditoeroet oleh Hok Tjoen, jang pada bebrapa hari kamoedian laloe bener- bener melaga sakit.

Tempo orang kabarken pada Soen Nio, jang itoe lelaki kedji ada mendapet sakit, ia lantas dateng di kamar tjoetjoenja itoe.

Di sitoe ia dapetken itoe anak emas lagi reba di pembaringan dengen roepa jang amat lesoe.

„Kau mengapa, anakkoe?” tanja ia dengen hati koeatir.

Hok Tjoen tida menjaoet.

Soen Nio oelangken pertanjaännja, tapi djoega tida dapet djawaban.

„Apamoe jang kau rasaken traenak, Tjoen?” tanja poela itoe orang toea, dengen swara Jemah-lemboet, sedeng hatinja djadi semingkin koeatir: „Tjobalah bilang, anak, soepaja dengen lantas akoe boleh soeroe orang panggilken thabib. Kau haroes inget, jang sekarang soeda deket pada taon baroe, dari itoe kau moesti lekas-lekas perobat, soepaja djangan, sedeng laen orang plesir makan-minoem, kau sendiri kapaksa reba di pembaringan.”

Itoe lelaki kedji masi djoega membandelin. Soen Nio maoe tjoba raba djidatnja, tapi ia mengempos, berbalik madep ka dalem.

Tempo soeda menanja lagi bebrapa kali dengen tida dapet djawaban, achir-achir itoe. bibi mendjadi sengit.

„Hei, koerang adjar !” kata itoe orang toea dengen swara keras sambil rojak-rojak itoe lelaki hina: „Kenapa akoe menanja berkali-kali kau tida menjaoet? Apa kau gagoe ?”

Djoega tida dapet penjaoetan.

Sekarang Lo Keng rasa socda dateng temponja. Maka ia lantas hampirken itoe ajonja madjikan dan berkata dengen swara pelahan;

„Thaij thaij dengerlah akoe poenja bitjara. Sabenernja boekan Siangkong tida maoe menjacet, tapi kaloe ia soeda djadi bisoe begiloe, toelah ada dengen lantaran.” „Akoe baroe perna denger ada lantaran jang membikin orang tida oesa saoetin orang poenja pertanjaän,” kata Soen Nio dengen keroetken djidat.

—„Ja, sebab penjakit jang Siangkong dapet poen ada aneh sekali.”

—„Penjakit apatah itoe ?”

—„la kata hatinja merasa tida karoean. Hambamoe ini poen soeda menanja, apa ia perloe minta perfoeloengan thabib, tapi ia bilang thabib tida nanti bisa semboeken ia poenja penjakit aneh. Soeda bebrapa hari ia traenak makan, sedeng roepanja lesoe sekali. Dikata langlang, boekan, mabok poen boekan, kadang-kadang ia mengatjo tida karoean. Penjakit begini, toeroet rasakoe, tjoema bisa disemboeken dengen hiboeran.”

„Hee ?” kata Soen Nio dengen merasa amat koeatir: „Ada penjakit jang begitoe beran ?”

—„Ja, alam seringkali cendjoek kakoeasaän jang trabisa didoega.”

Soen Nio balik mengawasin lagi pada joetjoenja jang masi mengadep ka laen fihak. Aer-matanja ini iboe jang tersia-sia lantas mengoetjoer, tempo ia memanggil lagi: Balik Tjoen, balik; kau poenja iboe jang jinta padamoe dengen sagenep hati ada di sini. Apa jang ada terkangdoen dalem hatimoe, njatakenlah teroes-terang, soepaja akoe bisa bantoe menimbang begimana baeknja.”

Lama lagi itoe anak terkoetoek baroe berbalik dan djawab perkataan bibinja dengen swara ogah-ogahan Apa goena akoe tjeritaken, kaloe iboe tida bisa toeloeng akoe poenja perkara.”

—„Masa, Tjoen; apa akoe tida ingin kau lekas baek? Kaloe sadja kau poenja kahendak ada pantes, akoe rasa tida ada sebab kenapa akoe tida boleh menoeloeng.”

—„Djika iboe memaksa djoega, baeklah akoe nanti tjeritaken; tapi begimana, kaloe sasoeda akoe toetoerken, iboe tida maoe menoeloeng?”

—„Moestail Tjoen. Akoe poen maoe kau lekas semboe.”

—„Djika bener iboe poenja ingetan ada begitoe baek, boektikenlah ingetan itoe dengen perboeatan. Akoe maoe kau lamarken Bong Loan saboleh-boleh sampe dapet, kerna kaloe tiada beserta dengen dia, sasoenggoenja akoe tida bisa idoep di ini alam.”

„Liatlah, lagi-lagi kau seboet dia,” kata Soen Nio dengen swara kesel, „sedeng kau taoe dia itoe soeda ada toendangannja. Begimanatah kau hendak soeroe akoe boeka moeloet, boeat lamar satoe gadis jang soeda diperdjodoken dengen laen orang?”

„Begimana?” kata itoe djahanam: „Sebagi iboe kau boleh paksa padanja!”

—„Saände ia tida maoe menoeroet? Atawa nanti nistaken akoe sebagi iboe jang tida mengenal atoeran, begimana akoe moesti menjaoet? Ja, ia ada hak boeat menjatji begitoe padakoe, sebab sebagi iboe memang akoe tida boleh perdjodoken satoe gadis jang djadi anak sendiri pada doea djedjaka.”

—„Ach, itoelah trabisa djadi. Satoe gadis jang sopan poen, tentoe tida brani bitjaraken ia poenja perkara djodo. O, itoelah iboe djangan selempang. Iboe moesti bilang, satoe gadis haroes toeroet kamaoeannja ajah dan bonda; dan dari sebab sekarang ajah tida ada di roema, maka ia moesti toeroet iboe poenja kahendak. Iboe moesti peringetken padanja, bahoea iboe tiada mempoenjai laen anak, maka apabila iboe kasi ia menika pada saorang jang tinggal di tempat begitoe djaoe, nistjaja di damping iboe djadi sepi sekali. Lagi poen kaloe adé Loan soeda tinggal di sana, siapatah nanti rawatin pada iboe, manakala satoe tempo iboe dilanggar sakit? Demikianlah sebabnja, begitoe iboe moesti bilang lebi djaoe, maka iboe ambil poetoesan boeat nikaken dia sama akoe, soe-da dengen begitoe, kitaorang bisa tinggal berkoempoel dalem satoe roema. Achirnja iboe haroes kasi taoe djoega, jang roepakoe tida boleh diseboet djelek, sedeng begitoe di dalem oesia bilang belas taon akoe soeda loeloes dalem oedjian Sioetjaij, soeatoe djembatan jang teroetama boeat sebrangin orang lelaki ka doenia besar.”

—„Ja, itoe semoea tjoema boeat kabaekan kau poenja diri sendiri; sedeng apa jang bakal djadi dengen Khou Kongtjoe, roepa-roepanja kau tida pikir sama sekali."

—„Persetan sama itoe Kongtjoe jang trapoenja sakeping boeta! Paling banjak sariboe tail perak soeda tjoekoep boeat toeloep moeloetnja !”

—„Baek kaloe ia maoe; tapi kaloe tida?”

—„Itoelah ada dia poenja perkara. Tapi moestail saorang jang begitoe miskin kaloe liat sariboe tail perak ia tida djadi tergioer? Menoeroet akoe poenja doegaän, sinarnja sadja soeda tjoekoep boeat bikin silo ia poenja mata. Pendeknja iboe bilang sadja teroes-terang: maoe atawa tida, soepaja akoe travesa tahan sangsara lebi lama lagi!”

—„Baeklah, akoe nanti tjoba; tapi kaloe ia tradjoega maoe menoeroet, itoelah boekan akoe poenja sala.” Hok Tjoen membanting kaki dengen gergetan, tapi lantas djoega berkata poela: „Ha! lagi-lagi kau bilang begitoe! Apa sebagi iboe kau traboleh paksa padanja? Inget- lah iboe, kaloe sekali ini kau tida toeloeng padakoe, nistjaja akoe poenja djiwa boleh djadi binasa.”

Soen Nio paling 'ngeri mendenger ini perkataän, tamba poela memang ia sanget tjinta pada tjoetjoenja itoe, maka tida heran kaloe itoe waktoe ia lantas berdjandji, jang sigra djoega ia nanti bitjaraken iloe perkara.

Sekarang penjakitnja itoe djahanam poen soeda djadi semboe, dan ia tertawa bergelak- gelak, tempo meliat bibinja dengen mengela napas berlaloe dari kamarnja.

Bebrapa hari soeda berlaloe lagi, tapi Soen Nio blon djoega dapet djalan boeat bitjaraken itoe perkara, maski poen saban hari ia ada pikirken ini hal.

Sedeng begitoe, Hok Tioen jang soeda trabisa tahan sabar, ampir saban djam ia gariangin bibinja itoe, hingga achir-achir, maskipoen ini bibi bion ambil poetoesan tjara begimana ia moesti moelai, ia kapaksa pergi djoega ka kamarnja Ko Siotjia.

Tempo Soen Nio sampe di ini kamar, nona Loan lagi menggambar di bawa djendela. Meliat iboenja masoek, si nona lantas lepas pitnja sambil berbangkit dan silaken dengen hormat iboe itoe berdoedoek.

Tjheng Bwe tocang thee boeat itoe njonja bangsawan, sedeng ini njonja menghampirken medja anaknja.

„O, kaloe begitoe anakkoe pande djoega menggambar ?” kata itoe iboe sambil menoendjoek pada gambar jang terletak di atas medja dan jang baroe diwarnaken sabagian sadja.

„Ja, tapi tida boleh dibilang pande,” sapet Ko Slotjia, sebab di dalem hal ini poen akoe tiada bergoeroe.

„Tapi toch sampe bagoes,” kata poela itoe iboe sambil angkat itoe sapotong soetra dan awasin petaännja dengen merasa kagoem.

Itoe gambar ada meroepaken satoe gadis eilok, jang kaliatannja seperti orang sedeng menanggoeng doeka lagi berdiri di tepi soengei, di sapandjang tepi mana ada toemboe banjak poehoen Lioe, jang daonnja soeda moelai koening, sambil peloekin satoe batoe besar.

„Ini gambar tentoe djoega ada hikajatuja, tidakah bener, anakkoe ?” kata poela sang iboe sasoeda taro kombali gambar itoe di atas medja. „Ja, iboe,” saoet si nona dengen swarasabar. Ini gambar akoe toelis dengen menoeroet djalannja satoe hikajat pertjintaän soetji, jang telah terdjadi di djeman doeloe. Itoe gadis eilok jang peloek batoe dan berdiri di tepi soengei, dioepamaken Tjian Giok Lian lagi maoe anjoetin diri, lantaran, sedeng ia soeda diperdjodoken dengen Ong Sip Peng, iboe-tirinja, saorang she Soen jang tida berboedi, hendak paksa ia menika sama Soen Dji Koan, itoe iboe sendiri poenja kaponakan. Tapi Giok Lian tida sampe binasa, kerna tempo ia boeang diri, kabetoelan satoe praoe liwat di itoe soengei, dan penoempang dari itoe prace lantas toeloeng padanja. Itoe penoeloeng ada Ong Sip Peng, Giok Lian poenja toendangan sendiri, jang itoe koetika soeda loeloes dalem oedjian Tjong-Goan. Kamoedian itoe sapasang orang moeda laloe menika, hingga dengen begitoe, itoe katja jang soeda petja lantas djadi boelat kombali. Soen Dji Koen, itoe paroesak kasenangan, satelah mendenger ini kabar, dengen ketakoetan ia lantas memboenoe diri; sedeng Soen-sie, itoe iboe jang tersesat, sadjek itoe waktoe tida brani lagi ketemoeken anak-istrinja! Demikianlah ringkesnja Tjian Giok Lian poenja hikajat jang sampe di masa ini masi terpoedji orang. Dengen sasoenggoenja djoega perdjalanannja itoe gadis haroes diboeat toeladan oleh semoea orang prampoean, kerna boekan sadja kakajaan dan kamoeliaän soeda tida bisa roba ia poenja kasoetjian hati, malahan dengen itoe perboeatan jang brani ia soeda kedja nama sendiri dan nama orang-toeanja begitoe lama tinggal dihormat orang. Akoe poen, lantaran terkenang pada perdjalanannja jang poeti bersi, maka akoe toelis ia poenja gambar, soepaja siang dan malem ia boleh dijadi temenkoe di ini kamar.”

Soen Nio djadi bengong mendenger anaknja poenja tjerita, sedeng dalem hatinja ada berkata: „Ini boedak haroes diseboet satoe malaekat idoep! Kerna sablonnja akoe boeka moeloet, ia soeda dapet tebak lebi doeloe apa jang akoe hendak bilang. Sekarang, maskipoen akoe bitjara, tentoe tida bergoena, sebab itoe sedikit katerangan soeda tjoekoep boeat menjataken, begimana adanja ia poenja pikiran. Sabentar, apabila akoe soeda balik ka kamar sendiri, akoe nanti bilang teroes terang pada Hok Tjoen, lebi baek ia singkirken itoe harepan gila-gila, sebab maski begimana djoega, tentoe harepan itoe tida bisa kasampean.” Sasoeda berpikir begitoe, kamoedian ia berkata pada anaknja: „0, sekarang baroe akoe tace, bahoea begitoelah adanja itoe hikajat dari itoe nona di gambar. Sabenernja akoe moesti mengakoe, bahoea dari doeloe akoe tiada begitoe soeka denger tjerita-tjerita poerbakala, tapi sekarang apabila akoe denger anakkoe poenja tjerita, njatalah itoe gadis ada saorang baek, sedeng hikajatnja poen ada, sanget menarik hati.

Hong Dji jang ikoet njonjanja ka itoe kamar djebiken bibir, tempo mendenger itoe madjikan kaloearken perkataän begitoe. Tida lama lagi Soen Nio berlaloe dari kamar anaknja aken kombali ka kamar sendiri.

Hok Tjoen masi menoenggoe di itoe kamar, dan tempo meliat bibinja mendatengin, ia lantas berbangkit sambil menanja dengen swara pelahan: „Apa kabar, iboekoe ?“

Soen Nio boekan menjaoet, tapi merengoet sambil lepas dirinja di soeatoe korsi. Si djahanam djadi bingoeng sedikit, meliat itoe orang toea poenja kelakoean. la menanja, dan menanja lagi, tapi oleh kerna Soen Nio tida djoega menjaoet, maka achir-achir ia minta Hong Dji sadja toetoerken apa jang telah kadjadian. Itoe prampoean kedji lantas tjeritaken apa jang ia ada taoe, dan toetoep itoe tjerita dengen membilang : Toeroet pikirankoe, lebi siang Siangkong singkirken itoe harepan, ada lebi baek boeat kau, kerna harepan itoe poen tiada beda dengen orang jang hendak tangkep boeroeng di oedara, sedeng ia tiada poenja pikatan dan tida pande memana.“

Ini perkataan boleh dioepamaken api menjala jang membakar hatinja itoe lelaki kedji. Moekanja djadi mera seperti bara, tempo ia berkata begini pada bibinja dengen me- ngela napas:

„Soenggoe akoe tida njana sekali-kali. begitoe orang jang mengakoe ada tjinta padakoe soeda oendjoek ia poenja pertoeloengan. Menoeroet pantes, kaloe soeda berdjandji maoe menoeloeng, sedikitnja kau moesti tjoba bitjaraken djoega itoe perkara, kerna dengen begitoe, baroelah kita bisa dapet taoe begimana ia poenja pikiran jang betoel; tidalah baroe sadja mendenger soeatoe tjerita doeloe jang sama sekali tida ada berhoeboeng dengen kita poenja perkara, lantas kau terbirit-birit lari kaloear! Pikirlah sendiri, iboel apa di doenia ada perkara, jang maski begimana ketjil poen, bisa dioeroes dengen tjara begitoe?“ „Tapi,“ kata Soen Nio dengen swara sengit, apa itoe tjerita tiada menoeudjoeken sampe terang, begimana adanja ia poenja pikiran? Apa enak, kaloe djoega moesti ditjela sebagi iboe tiri jang tida berboedi, sebagimana Bong Loan soeda tjela iboe-tiri- nja Giok Lian? Tida, Tjoen! maskipoen akoe tida pinter, akoe tida maoe kasi dirikoe diboeat maki-makian orang! Maka dari sekarang akoe harep kau boeangken itoe ingetan gila, sebab kaloe kau masį djoega tjari-jari akal boeat sampeken itoe maksoed jang kedji, hingga la mendjadi goesar, boekanlah akne, tapi kau sendiri jang nanti mendapet soesa! Beroelang-oelang akoe soeda bilang di doenla boekan tjoema dia sadja jang eilok, tetapi tida koerang gadis jang tjantik; maka kaloe masi djoega kau maoe bawa kau poenja adat bantalan, djangan kamoedian hari kau djadi menjesel atawa nanti bilang akoe kaliwatan!“

Itoe lelaki tebel melompat-lompat seperti orang kabakaran djenggot, dan berkata sambil tepok-tepok dada sendiri: „Soeda! djangan menjomel banjak-banjak! Akoe poen soeda liat njata, jang kau tida maoe, atawa tida bisa menceloeng; maka boeat dapetin itoe nona manis, sekarang tjoema tinggal bergantoeng sadja sama akoe sendiri poenja kamampoean! Tapi iboe, akoe bersoempa di hadepanmoe, bahoea kaloe akoe tida bisa dapetin Bong Loan boeat pasangan, akoe tida maoe idoep lagi di ini alam!“

Saäbisnja berkata demikian, dengen tindakan gaga itoe lelaki doerhaka lantas berlaloe dari kamar bibinja.

Tapi apa latjoer, oleh kerna ia bitjara dengen swara keras, perkataännja itoe satoe persatoe telah didenger oleh Ong-sie, istrinja Thio Ho, jang itoe waktoe kabetoelan liwat deket kamarnja Soen Nio, hingga ini njonja lantas sampeken itoe perkataän pada Tjheng Bwe, jang sampeken lagi pada nonanja.

Ko Siotjia tida bilang apa-apa, tapi dari senjoemnja, orang bisa bade, jang ini nona ada mengantjem pada itoe lelaki jang koerang adjar. Djoega sadjek ini waktoe, salaennja pagi-sore dateng menanjaken prikawarasan iboe-tirinja, nona Loan ampir tida maoe dateng di pertengahan besar, sedeng sari-sari apabila tida ada kerdjaän apa-apa, senantiasa ia dateng di ini roewangan, boeat temenin iboenja beromong-omong.

Tapi toch sedeng begitoe, masi tida djarang ia berpapasan dengen itoe lelaki kedjil.

Ja, apalah si nona bisa berboeat, salennja melaga melèng kaloe ketemoe moeka pada itoe lelaki kedji, jang roepa-roepanja senantiasa tjari djalan boeat pergokin padanja!

Sebagimana ia telah bersoempa, dengen sabenernja djoega itoe lelaki biadab masi senantiasa berdaja oepaja boeat pikat nona Loan; betoel berdepan ia tida brani bilang apa-apa, tapi di blakang, saban kali berkoempoel sama Lo Keng, blon perna ia loepa bitjaraken itoe perkara.

Bergantinja siang dengen malem, ada begitoe tjepet saoempama melesatnja anak-pana, hingga sigra djoega taon jang lama telah tertoekar dengen jang baroe.

Gedong Tin-Kok-Hoe dirias tida begitoe indah, seperti saban taon baroe kaloe Ko Kong ada di roema. Tapi pesta makan minoem dirajaken teroes sampe malem Tjap-go, begimana biasa.

Ampatbelas hari, jaitoe dari Tjhe-it sampe Tjapsie, telah berlaloe dengen tida membawa hikajat apa-apa, tapi pada Tjapgo malem ada terdjadi soeatoe hal jang haroes dikatahoei oleh Pembatja.

Itoe malem tiga medja dengen barang santepan ada djaloer dalem roewangan besar Medja jang di sama lenga ada boeat Hok Hoedjin, jang di kiri boeat Ko Siotjia dan jang di kanan boeat Hok Tjoen.

Ko Teng Tjan

4

Ko Siotjia boekan soeka doedoek hadep-hadepan dengen itoe lelaki kedji, tapi sebab kabiasaän di itoe gedong memang begitoe, maka ia kapaksa toeroet ini atoeran.

Tempo djoeroe lajan soeda toewangin arak di masing-masing poenja tjangkir minoeman itoe perdjamoean lantas diboeka.

Hok Tjoen kaliatan soeka sekali sama, itoe aer kata-kata", kerna sabentar-bentar djoeroe lajan moesti isǖn ia poenja tjawan.

Tapi koetika kira-kira ampat tjawan arak soeda toeroen dalem tenggorokannja, lantas djoega ia poenja sapoean sopan mendjadi loentoer dan timboel lagi roepanja Hok Tjoen jang aseh.

Ia poenja laga tida beda dengen koeda binal jang erlepas kendalinja, sedeng kadoea matanja jang kariapan dan bersorot boerem, ampir tida berkesip-kesip mengawasin pada paras si nona, jang djadi bertamba eilok, oleh kerna semoe mera, jang terbit lantaran arak, ada timboel di kadoea pipinja.

Kaloe baroe begitoe sadja, Ko Siotjia tentoe tida ambil perdoeli, tapi njatalah mingkin lama itoe lelaki kedji semingkin brani oendjoek tingkanja jang koerang adjar. Kamoedian ia brani djoega menghampirken pada Ko Siotjia aken silaken ini nona minoem bersama-sama; sedeng perkataän: Minoemlah soedara, minoe, ini malem baek djangan dikasi liwat dengen pertjoema," tida brenti kaloear dari moeloetnja

Sekarang soeda tjoekoep takerannja, Ko Siotjia tida bisa tahan sabar lebi lama lagi itoe djahanam, tapi kamoedian kapaksa doedoek kombali. Lantarannja Ko Siotjia oeroengken ini niatan, kerna itoe waktoe ia liat iboe-tirinja bergoemeter sakoedjoer badan. Ini iboe poen telah liat, begimana di saät itoe aer-moekanja nona Loan telah djadi beroba, dan taoe, bahaja apa ada mengantjem atas dirinja Hok Tjoen, sedeng ini lelaki kedji, lantaran hatinja tertoetoep dengen mega birahi, blon mendoesin jang dirinja ada dalem bahaja.

,,Tapi maski begimana djoega." kata si nona di dalem hati dengen gergetan, ,,ini kali akoe tida boleh tinggal diem ini perkara! Sebab boekanlah baroe satoe atawa doea kali, tapi soeda seringkali itoe orang jang trapoenja rasa hati oendjoek tingkanja jang sanget koerang adjar. Saände ini kali akoe tida kasi adjaran padanja, nistjaja kamoedian hari ia oendjoek poela itoe kelakoean biadab. Beat poeter batang lehernja betoel akoe merasa maloe hati pada iboe sendiri, tapi boeat kasi adjar adat, soepaja laen kali ia tida brani lagi, itoelah moesti!"

Sasoedanja berpikir begitoe, Ko Siotjia minoem poela arak bebrapa tjawan, kamoedian laloe berbangkit menghampirken pada iboenja.

,,Iboe taoe," kata ia pada itoe orang toea, ,,ini malem kitaorang minoem dengen tida dapet kaplesiran satoe apa. Sebab begitoe, baeklah akoe nanti pertoendjoeken saroepa ilmoe silat dengen goenaken pedang, soepaja ini perdjamoean tida djadi terlaloe sepi."

Soen Nio, jang kira sasoenggoenja si nona hendak pertoendjoeken ilmoe dengen maksoed boeat menghiboer, lantas sadja membilang baek, lebi poela memang ia blon perna liat pertoendjoekan begitoe.

Hok Tjoen djoega lantas tjampoer moeloet dengen membilang, ia poen sanget ingin liat itoe pertoendjoekan, malah kaloe boleh, ia ingin djoega peladjarken serta angkat nona Loan mendjadi goeroe.

Ko Siotjia tida saoetin perkataännja itoe Kongtjoe kaparat, hanja lantas sadja prenta Tjheng Bwe ambil ia poenja pedang Tjheng-hong-kiam.

Sabentar lagi Tjheng Bwe soeda balik kombali dan taro itoe sendjata di atas medja.

Ko Siotjia lantas lepas badjoenja jang sebla loear, laloe iket pinggangnja jang langsing dengen satoe angkin soetra, dan sasoeda singsat dan selipin ia poenja koen hingga kaki tjelananja kaliatan, ia lantas berdjalan ka pelataran sambil membawa pedang.

Orang saisi roema djoega toeroet dateng di itoe tempat.

Tjoeatja ada terang seperti siang, oleh kerna boelan poernama mementjarken sinarnja jang gilang-goemilang; sedeng bebrapa bintang jang menaboer langit ampir tida kaliatan tjahajanja, lantaran samar dengen sinarnja itoe katja oedara.

Hok Tjoen merasa njesel sekali, jang itoe waktoe ia tida bisa korek kadoea bidji-mata sendiri dan tempel itoe di toeboe Siotjia.

Samentara itoe nona Loan soeda moelai pertoendjoeken kapandeannja. Bermoela dengen pelahan, tapi mingkin lama semingkin tjepet, dan achir-achir tjoema kaliatan sadja pedang jang berklebat pergi dateng dan naek toeroen seperti kilat, sedeng badan si nona ampirlah tida kaliatan.

Semoea penonton lantas bersoerak dan menepok tangan boeat poedji kaandeannja itoe nona bangsawan. Melaenken Hok Hoedjin dan Hong Dji jang tida toeroet ambil bagian di dalem hal membri kapoedjian pada itoe nona, boekan dari sebab tida maoe, tapi oleh kerna mengkirik lantaran inget dosa apa doeloe iaorang telah berboeat, sedeng nona Lan boekan sadja ada tjerdik, tapi djoega kaliatannja ada gaga sekali. Saände kata kamoedian si nona dapet oesoet itoe perkara, apa itoe pedang jang tadjem tida boleh djadi iaorang poenja bagian? Inilah jang goda sanget marika poenja pikiran, hingga ampir iaorang tida brani dongak boeat awasin Ko Siotjia maenken itoe sendjata.

Sedeng itoe doea orang pikirken ini perkara, Ko Siotjia soeda brenti bersilat dan dengen tida kataoean lagi ini nona manis soeda berada di dampingnja Hok Tjoen.

Banjak orang djadi bergoemeter sakoedjoer badan, tapi tida koerang djoega jang merasa girang di dalem hati meliat nona Loan hampirken itoe lelaki kedji dengen mata beringas, dan sedeng itoe penonton blon bisa pikir apa jang nona Loan hendak berboeat pada itoe lelaki kedji, ini nona soeda angkat pedangnja, laloe menabas ....... tapi boekan pada itoe Kongtjoe doerhaka, hanja pada tiang, jang disenderken oleh ini djahanam, hingga itoe sendjata masoek ampir satoe djengkal dalemnja.

Hok Tjoen mengaloearken treaken keras, laloe roeboe tana sambil pegangin kapalanja, jang dikira soeda tida menempel lagi.

Blon ditabas, tapi baroe sadja diaga atawa kena hawanja itoe sendjata, itoe Kongtjoe biadab soeda djadi kasima, dan toch maski begitoe kaloe pada boedjang-boedjang di itoe gedong ia biasa berlakoe galak seperti binatang liar.

Sekarang dateng giliran boeat itoe boedjang-boedjang tertawaken laganja itoe lelaki terkoetoek, jang bebrapa kali telah tjoba bangoen berdiri, tapi senantiasa roeboe kombali, oleh kerna kakinja jang bergoemeter tida sanggoep pikoel badannja.

Achir-achir ia merangkang seperti andjing jang dapet toengket, dan dengen pertoeloengannja itoe tiang, pada apa ia merambat, baroelah ia bisa bangoen berdiri.

Tapi satelah ia berdongak, lantas djoega ia lompat moendoer dengen terkedjoet, kerna ia dapet liat itoe pedang jang masi menantjep di itoe tiang, boeat ia poenja mata jang katakoetan, seperti djoega bisa bergerak, soeatoe hal jang membikin boeloe badannja djadi mengkirik. Poen tingkanja djadi tjelingoekan seperti tikoes jang dikedjer hendak masoek ka dalem lobang, tempo ia dapet liat Ko Siotjia jang berdiri tida djaoe dari itoe tiang mengawasin padanja dengen sorot mata jang penoe sama kabentjian.

Kamoedian sedeng ia toendoekin kapalanja, kerna tida brani berdongak boeat mengawasin lagi paras nona Loan, ia denger ini nona berkata begini pada boedjang-beoedjang dengen swara njaring:

„Hei, dengerlah ! angkau sekalian, orang-orang jang bekerdja di sini ! Djangan kira akoe tida taoe, bahoea sadjek akoe tinggal di ini roema bebrapa orang antara kau soeda berboeat banjak kadjahatan jang pantes dapet hoekoeman! Tapi kaloe sabegitoe djaoe akoe tinggal diam sadja, djanganlah kau kira akoe tidoer terlaloe poeles, sebab apabila kau doega demikian, njatalah kau tersesat djaoe sekali, ja begitoe djaoe, hingga oepama sedeng golok soeda sandingken kau poenja leher masi djoega kau blon mendoesin. Namanja marika itoe tida perloe akoe ‘seboetken, sebab siapa jang loeka tentoe dia merasa peri; melaenken akoe hendak bri inget, kaloe betoel ia kenal gelagat, haroeslah moelai dari sekarang ia roba itoe kasalahan, soepaja kamoedian hari ia tida oesa menampak perkara jang traenak. Laen dari begitoe, haroeslah kau inget djoega aken boedinja Tjhianswe, jang bebrapa taon telah piara padamoe. Brapatah katjeknja itoe boedi jang dioendjoek oleh Tjhianswe, apabila dibandingken dengen jang dioendjoek oleh orang-toeamoe sendiri ? Akoe menanja begini boekan sekali denger niat membangkit atawa ingin kau membales baek, hanja soeda tjoekoep, kaloe kau tida bales itoe dengen berbagi-bagi kadjahatan. Achirnja lagi sakali akoe membri inget, dari sekarang baeklah kau roba itoe kelakoean jang tida baek, djangan toenggoe sampe moesti ditegor aken kadoea kali. Kita semoea boekannja nabi, hanja ada orang-orang biasa, jang satoe tempo bisa berboeat kasalahan; aken tetapi, siapa jang satoe kali taoe berboeat sala, lantas dapet rasa menjesel, sekali poen nabi taroes membri harmat padanja. Maka kaloe akoe soeda peringetken pandjang lebar begini masi djoega kau tida tersedar, laen kali tentoe akoe kapaksa ambil atoeran keras, seperti apa jang baroesan akoe telah berboeat dengen itoe tiang !”

Saäbisnja oetjapken perkatataän jang demikian, Ko Sioatjia djalan menghampirken itoe tiang, dimana ada tertantjep ia poenja Pokiam, dan sasoeda tjaboet ini sendjata, serta pake komball badjoe-loearnja; ia lantas adjak Tjheng Bwe balik ka kamar sendiri.

Hok Tjoen soesoet kringet dingin jang mengoetjoer di djidatnja, dan memboeang napas jang ia tahan soeda sakean lama.

Hong Dji, Lo Keng dan Wok Hoedjin mengawasin satoe pada laen dengen katakoetan. sedeng boedjang-boedjang angkat sisa makanan.

Ko Siotjia tempo soeda ada di kamar sendiri, ia masi kaliatan amat berdongkol, tapi sambil soegoeken satjangkir thee Tjheng Bwe hiboerken ia poenja hati.

„ Sekarang Siotjia djangan pikirken lagi itoe perkara,” begitoe ia boedjoek monanja itoe, „ kerna pada sasoeda dapet antjeman begitoe, akoe kira Hok Tjoen tida brani kaloearken lagi tingkanja jang gila-gila.”

„ Ja, akoe poen pertjaja dari sekarang itoe lelaki kedji tida nanti brani berboeat begitoe lagi,” kata nona Loan dengen swara piloe, sedeng aer-matanja lantas mengoetjoer. „ Tapi apabila akoe inget begimana djelek adanja peroentoengankoe, sasoenggoenja akoe amoesti merasa sedi. Di masa masi ketjil sekali, akoe soeda ditinggal iboe, hal jang mana Boleh dibilang ada katjilakaan paling besar anak bagi prampoean. Saände itoe waktoe akoe tida dikoekoet dan dipimpin oleh ’manjaikoe, blon taoe apa soeda djadi dengen dirikoe ini pada masa sekarang. Meninggalnja Hoedjin boekan sadja soeda membikin akoe djadi sanget tida beroentoeng, malahan soeda datengken djoega katjilakaän besar di dalem ini gedong. Tjobalah kaloe ini tempo Hoedjin masi ada di doenia, masalah ini roema boleh djadi sarangnja segala pendjahat? Djoega tida nanti bisa kadjian seperti sekarang ini, kaloe Tjhiau-swe ada di roema; tapi apa maoe djoestroe Tjhianswe moesti maloemken perang di tempat begitoe djaoe dan soeda bertaon-taon blon bisa poelang kombali. Soekoerlah djoega dari Liong- Thaijkoen akoe ada dapet sedikit peladjaran boeat mendjaga diri, tjobalah tida begitoe, brangkali soeda lama akoe djadi korbannja itoe lelaki kedji. Dari matanja bisa diliat jang itoe djahanam ada satoe lelaki kedjem sekali; maka maski poen akoe pertjaja dengen berterang tentoe ia tida brani, tapi tida loepoet akoe masi selempang djoega dengen bergelap ia masi tjari-tjari djalan boeat tjilakaken dirikoe ini. Lantaran begitoe, boeat singkirken diri dari itoe bahaja jang boleh djadi nanti dateng, paling baek sekarang, sedeng moesin Tjhoen soeda moelai, kita pergi tjari ajahkoe di Saij-Pak: kerna satoe bribahasa poen ada bilang ; „ sablonnja oedjan baeklah orang sedia pajoeng.” Ja, begitoelah akoe moesti ambil poetoesan, kerna sebagimana kau taoe, pada sablonnja dateng kamari, memang akoe soeda berniat boeat pergi tari Tjhian-swe di Saij-Pak.”

„ Kaloe Siotjia soeda pikir tetep boeat bikin itoe perdjalanan,” kata Hong Dji dengen girang, „baeklah akoe lantas sediaken apa jang perloe, soepaja begitoe lekas dapet hari jang baek, dengen sigra kita boleh berangkat. Sasoenggoenja djoega, kenapatah kaloe orang lelaki boleh mengoembara, orang prampoean tida ? Toch lelaki dan prampoean sama-sama ada manoesia ! Apa lagi orang prampoean jang sebagi kita, soeda tentoe tida nanti bisa dapet Soesa di djalan. Tapi Siotjia, maski poen akoe merasa girang nanti bisa bikin itoe perdjalanan, dimana kita aken dapet berbagi-bagi pamandangan, jang nanti tambaken pengatahoean kita boekan sedikit, toch traoeroeng ada djoega hal apa-apa jang kedja hatikoe bimbang.” Ko Siotjia lantas minta Tjheng Bwe terangken perkara apa jang membikin ia dapet rasa begitoe.

Ini Hamba lantas teroesken bitjaranja: „Siotjia tentoe masi inget, tatkala Soen-Thi-an-Houw kirim orang boeat samboet Khou Kongtjoe, itoe koetika Kongtjoe bilang apabila soeda lepas kaboengan, ia nanti dateng sendiri. Hal inilah jang membikin akoe koeatir ! Kerna akoe pikir, kaloe Siotjia sedeng bikin itoe perdjalanan, Kongtjoe dateng kamari, siapatah jang boleh disoeroe talangin Siotjia boeat djadi Kongtjoe ampoenja Hoedjin?”

Tempo oetjapken ini perkataan sampe pada achirnja, Tjheng Bwe tertawa berkikikan, membikin pipinja Ko Siotjia djadi mera sedikit. Ini nona tiada bilang apa-apa dan tjoema mengela napas, tapi roepanja ada menoendjoeken, begimana soesa adanja ia poenja hati.

Itoe antero malem Ko Siotjia tida bisa tidoer poeles, Sebab hatinja berdebar-debar. la sendiri tida mengarti mengapa baleh djadi begitoe, sedeng ia taoe betoel jang ia tiada pikir laen dari pada perkara ajah sendiri. Padahal ia tida inget, seperti orang seringkali bilang, kaloe satoe orang jang berada di tempat djaoe ada dapet katjilakaän apa-apa, biasanja orang jang djadi sanak-soedaranja jang paling deket bisa dapet firasat lebi doeloe.

Begitoelah djoega soeda kadjadian dengen Ko Siotjia. Sedeng ini nona pikirken ajahandanja, adalah orang toea itoe, jang lantaran hendak oendjoek kasetiaännja saboleh-boleh pada karadjaän Song, soeda dapet tjilaka oleh kerna kasetiaännja itoe di laen negri.

---

Song Sie sasoeda bikin ilang koeda
laloe melariken diri. — Lu Kok
Tjaij dapet djalan boeat poeasken
kadengkiannja

---

Seperti soeda ditjeritaken di bagian atas, tatkala Ko Keng kirim Ya Loet Tong jang ia dapet tawan ka kota Radja, itoe koetika Pak-An-Ong atawa Radja di Saij-Pak soeda menaloek, dan soeda djoega seraken satoe soerat perdjandjian perkara wates negri. Tapi sebab itoe koetika begimana boenjinja soerat itoe blon ditoetoerken, maka baeklah kita tjeritaken sakedar di bawa ini.

Dalem itoe soerat perdjandjian telah ditetepken soengei Hek Ho ada djadi watesnja kadoea negri: Tepi sebla Oetara masoek bilangannja negri Kim (Saij-Pak), samentara tepi Barat ditentoeken djadi djadjahanja karadjaän Song.

Tapi boekanlah ini jang mendjadi sebab hingga Ko Kong dapet tjilaka, hanja apa jang meandjadi lantaran tjilakanja itoe orang bangsawan, adalah ditjeritaken sebagi jang berikoet.

Di kota Gan Boen Koan ada dipiara bebrapa riboe ekor koeda paperangan, dan boeat piara ini binatang begini banjak, soeda tentoe blandjanja ada besar. Tapi tentoe djoga ida djadi kenapa, asal sadja paperangan masi berdjalan teroes; aken tetapi itoe koetika paperangan soeda brenti, dan inilah jang mendjadi sebab hingga Ko Kong dapet ingetan boeat bikin ketjil blandja negri.

Achirnja ia soeda ambil poetoesan boeat sampeken kainginannja itoe dengen adaken atoeran begini

Doea tiga ratoes soldadoe jang tjerdik serta gaga disoeree angon itoe binatang di pagoenoengan tiap- tiap orang sapoeloe ekor, dengen ditentoeken sapoeloe hari sakali dibikin papreksaän: siapa poenja piaraän mendjadi gemoek, dia aken dapet gandjaran, tapi peagangon jang kedja itoe binatang mendjadi koedoes, ia nanti diěbat lima rotan atawa dihoekoem tabas kapala, djika djagaännja itoe ia bikin ilang.

Antara orang-orang jang ambil bagian dalem itoe pakerdjaän angon, adalah satoe soldadoe jang bernama Song Sie.

Pada soeatoe hari, sedeng itoe pakerdjaän soeda dilakoeken lama djoega dengen berdjalan baek, salagi itoe sekalian soldadoe angon koedanja di loear kota, di sitoe tiba-tiba toeroen angin teramat keéras, hingga boekan sadja deboe, tapi djoega batoe-batoe aloes soeda toeroet terbang berhamboeran, bikin tjoeatja mendjadi gelap.

Saij-Pak, memang ada soeatoe tempat, dimana seringkali toeroen angin jang santer, demikian poen saldjoe jang lebet, aken tetapi begitoe santer seperti angin jang terbit di itoe hari, orang di itoe negri djarang menampak.

Semoea pengangon koeda kapaksa mendekam sambil tekap moekanja, sedeng banjak poehoen-poehoen telah tertjaboet sama-sama akarnja.

Tempo angin soeda moelai sirep baroelah marika itoe brani boeka matanja dan berbangkit boeat tjari binatang-djagaännja, jang telah terpentjar ka sana sini.

Laen orang poenja, semoea ada tjoekoep melaenken koeda jang didjaga oleh Song Sie sadja ada koerang doea ekor.

Dengen katakoetan dan dengen dibantoe oleh bebrapa kawannja, Song Sie lantas pergi tjari itoe binatang di segala tempat dalem itoe bilangan, tapi sampe doea hari lamanja tida djoega bisa ketemoe.

Banjak orang doega itoe doea koeda soeda djadi korbannja binatang boeas, sebab letaknja itoe tempat, dimana itoe heiwan soeda ilang, poen ada berdamping dengen oetan lebat, dimana tentoe tida koerang djoemblanja binatang liar.

Bebrapa sobatuja jang merasa kasian, lantas kasi pikiran pada Song Sie, lebi baek ia kombali sadja ka dalem kota dan tjeritaken teroes terang pada Ko Kong, begimana doedoeknja perkara jang bener, kerna ini pembesar, jang maski poen benngis, tapi terkenal adil dan tida soeka sama perkara boenoe, kaloe dapet taoe terbitnja itoe katjilakaan boekan dengen sengadja, hanja dengen lantaran angin riboet, boleh djadi ia nanti soeka bebasken Song Sie dari hoekoeman mati.

Kaloe ini nasehat ditoeroet oleh Song Sie, tentoe tida aken kadjadian perkara seperti apa nanti dit oetoerken di bawa ini; tapi njatalah Song Sie itoe ada satoe pengetjoet jang tida brani berboeat sebagimana kawannja poenja nasehat, hingga lantaran pengetjoetnja itoe, boekan sadja Ko Kong moesti dapet perkara jang tida enak, tapi djiwanja sendiri kamoedian telah djadi binasa.

Soeda begitoe ia tida brani bilang pada kawannja dari hal ia tida maoe ketemoeken Ko Kong, hanja sebagi alesan boeat singkirken diri, tempo temen-temen itoe hendak poelang ka dalem kota, ia berkata sadja, jang ia hendak tjari itoe binatang jang ilang sampe dapet, sedeng itoe delapan koeda jang katinggalan, ia minta marika itoe toeloeng bawa poelang doeloe ka dalem kota.

Itoe temen-temen tida taoe begimana sabenernja Song Sie poenja niatan, maka dengen tiada bikin kaberatan apd-apa, ia orang lantas loeloesken itoe permintaan.

Song Sie mengela napas, tempo meliat kawannja dengen giring koeda jang marika angon berdjalan pergi.

„O, Allah !” kata ia, sasoeda berdiri bengong lama djoega di kaki boekit: „ Itoe angin Santer njatalah soeda membikin akoe soesa sekali. Laen pengangon poenja, semoea tjoekoep; melaenken akoe poenja sadja dinjap doea ekor ― dan inilah ada njata, begimana sasoenggoenja Kau hendak mengoekoem pada hambamoe ini. Betoel sebagimana kawankoe bilang Ko - Kong ada saorang jang moera hati, aken tetapi djika diïnget, begimana oendang-oedang perang tida mengenal sanak, tentoelah djoega itoe pembesar tida bisa bebasken akoe dari hoekoeman. Dijadi kaloe sekarang akoe balik ka kota, soeda pasti akoe poenja kapala moesti terpisa dari badankoe. Tapi akoe trabegitoe gélo boeat djeblosken diri ka dalem itoe djoerang tjilaka. Toch boekan di sini sadja ada beras, hanja di mana-mana poen orang bisa dapet itoe, asal sadja orang tida takoet boeang tenaga boeat mentjari. Dari itoe, sedeng di sini tida ada laen orang, baeklah akoe boeron ka kota Radja, boeat ― kaloe akoe soeda djoeal semoea apa jang djadi millikkoe ― adjak anak istri sendiri pinda ka laen tempat.“

Sasoeda berpikir tetep begitoe, Song Sie lantas angkat kakinja, laloe tjepet berdjalan menoedjoe ka kota Tang-Khia.

Sapandjang djalan ia minta-minta, oleh kerna pada waktoe berangkat, laen dari pakean jang menoetoepin toeboenja, ia tida poenja sakeping boeta di dalem sakoe.

Tempo soeda sampe di kota Radja, pada waktoe menggrip ia baroe brani masoek ka dalem kota, kerna kaloe masoek di waktoe siang, ia koeatir orang nanti kenalin dia.

Sambil tjendrongken toedoengnja lebihan ka djidat, soepaja mockanja djadi tida kakenalan, ia tjepet berdjalan ka gang Goan-Po, dimana roemanja ada terletak dan dimana djoega ada pernanja roema Lu Siangseng.

Ia moesti liwat di blakang itoe astana indah, apabila hendak poelang ka roema sendiri; tapi salagi liwat di sitoe, apa maoe ia dapet liat bebrapa orang mendatengin dengen membawa teng dan sentadjata tadjem.

Song Sie jang takoet ditanja oleh marika itoe, lantas mengempét di tempat jang teraling, dengen ingetan, kaloe itoe bebrapa orang soeda liwat, baroe maoe teroesken lagi perdjalanannja.

Tapi satoe antara itoe bebrapa orang, jang boekan laen adanja, banja Lu Kok Tjaij poenja pengawal jang lagi djalan ronda sebagimana saban malem, ada dapet liat bajangan orang berklebat ka sitoe, tempo Song Sie dengen mendak-mendak lari ka itoe tempat gelap.

Maka itoe orang ronda jang bernama Tjhong jong lantas adjak kawannja soeloein itoe tempat, kamana ia liat itoe bajangan soeda mengilang.

Song Sie jang tida dapet djalan boeat melariken diri djadi bergoemeter sakoedjoer badan, hingga menimboelken orang poenja sangkaän djelek atas dirinja.

„Koerang adjar !” memaki itoe kapala ronda sambil menoeding pada Song Sie: „ Masa begini waktoe kau soeda maoe membangsat ?“

Di dalem goegoep Song Sie melaenken bisa bantah itoe toedoehan dengen perkataän „ tida.”

„Tida?” begitoelah Tjhong jong oelangken itee perkataän sambil deketin teng pada moekanja Song Sie dan awasin dia dengen matanja jang pesagi tiga dan bersorot kedjenis „ Kaloe tida, mengapa kau mendak-mendak begitoe, salakoe orang hendak membangsat?”

Saäbisnja memaki begitoe, dengen tida menoenggoe lagi djawaban orang, Tjhong Jong lantas prenta kawannja tangkep Song Sie itoe, jang sabetoelnja ia ada kenal, tapi poera-poera tida kenal padanja. : Kamoedian, sedeng kawan-kawannja pegangin Song Sie, ia lantas menghampirken dan menabok pada pipinja itoe korban, hingga dia ini ampir terdjengkang.

„Hajo, mengakoe, bangsat !” kata Tihong Jong, pada waktoe ia toeroenken tangan: „Apa kau diam di sini boekan dengen ingetan, sabentar, apabila soeda sepi, aken mentjoeri di ini gedong ? Lekas mengakoe teroes-terang ! Kaloe tida, sekarang djoega akoe poeter batang lehermoe !”

Sebagi penoetoepnja ini antjeman, kombali Tjhong Jong djatoken satoe tendangan pada badannja Song Sie.

„O, Tjhong Toatjek, djanganlah memoekoel lagi,” kata ini orang jang bertjilaka, sedeng giginja bertjatroek-tjatroek lantaran katakoetan. „ Apa kau tida kenalin lagi siapa adanja akoe ini? Akoe bernama Song Sie dan ada bekerdja sebagi soldadoe berkoeda di kota Gan-Boen-Koan pada Ko Tjhian-swe. Maka adalah sala sekali, kaloe kau toedoeh akoe satoe pentioeri.”

Itoe perkataän bekerdja pada Ko Tjianswe, pada siapa ia taoe madjikannja tida begitoe roekoen, telah Kedja Tjhong Jong djadi lebi bernafsoe boeat tjari salanja itoe orang jang bertjilaka, lebi lagi sebab ini korban poelang sendirian di loear waktoe, dan lakoenja goegoep-goegeep seperti orang jang katakoetan, hingga menoeroet ia poenja doegaän, tenoelah djoega ia bisa korek resia apa-apa dari padanja. „Akoe boekan menoedoeh !” begitoelah kamoedian ia berkata poela: „Tapi kau sendiri poenja kelakoean soeda paksa akoe mendoega djelek begitoe ! Kaloe bener kau ada bekerdja sebagi soldadoe berkoeda di kota Gan-Boen-Koan, begimanatah sedeng kawan-kawanmoe masi ada di sana, kau sendiri sadja bisa tenga malem poelang kamari? Tjobalah djawab !”

Song Sie tida menjaoet, kerna tida brani toetoerken apa Jang mendijadi sebab, hingga ia kapaksa lari poelang ka kota Radja.

Lantaran begitoe itoe kapala ronda tentoe djadi semingkin tjoeriga, hingga dengen tida banjak bitjara lagi, ia lantas prenta kawannja iket itoe korban aken dibawa pada toeannja.

Sabentar lagi Song Sie soeda dibawa masoek ka dalem astananja Lu Kok Tjaij, sedeng ini dorna doedoek minoem sama-sama tiga Selirnja dalem satoe paseban.

Tempo djoeroe lajan kabarken, bahoea Tjhong Jong atawa itoe kapala ronda jang melakoeken djoega pakerdjaän mandoer besar di itoe gedong minta bertemoe, itoe mantri dorna jang berhati binatang lantas soeroe silaken itoe hamba masoek, samentara tiga goendiknja itoe ia prenta berlaloe sabentaran. Berselang sedikit waktoe, itoe mandoer besar soeda berloetoet di hadepannja seraja berkata: „ Baroesan salagi akoe djalan ronda di blakang ini astana, di sitoe akoe dapet tangkep saorang jang bermoela akoe doega ada satoe pentjoeri; tapi kamoedian, sasoeda akoe soeloein moekanja lantas djoega akoe kenalin jang dia itoe Song Sie adanja. Ia mengakoe, dan poen akoe sendiri ada taoe betoel, jang ia soeda lama ada bekerdja sebagi soldadoe berkoeda pada Ko Tjihianswe di kota Gan Boer Koan; tapi koetika akoe tanja mengapa ia poelang ka kota Radja, ia tida bisa menjaoet, sedeng roepanja jang goegoep-goegoep ada menoendjoeken seperti orang jang katakoetan. Menoeroet doegaänkoe, dalem dirinja orang itoe tentoe moesti ada tersimipen resia apa-apa, dan dari sebab begitoe, maka dengen toedoeh dia sebagi pentjoeri akoe lantas tangkep padanja.”

Tida oesa dibilang lagi begimana tempo mendenger itoe katerangan si dorna telah djadi girang sekali, apa poela memang soeda Jama ia tjari djalan boeat pitena itoe orang bangsawan.

Maka sigra djoega ia titaken Tjhong Jong bawa itoe orang tawanan ka itoe orang tawanan ka itoe roewangan, dan lantas menegor dengen swara keras, tempo korban itoe soeda ada berloetoet dihadepannja dengen badan goemeter:

,,Hei, bangsat! soenggde kau poenja njali ada besar sekali, kaloe di ini roema kau brani dateng meitjoert.

,,Tapi dengen sasoenggoenia akee ini boekan pentjoeri, Taijdjin,” kata Song Sie sambil manggeetin kapalanja sampe terkena lana.

,,Boekan ?” kata poela itoe dorna dengen bikin tingkanja seperti orang jang goesar amat: ,,Kaloe boekan, perloe apatah kau mendak-mendak di tempat gelap? Hajo bilang teroes-terang! kaloe sadja ada satoe pata pengakoean djoesta, akoe nanti lantas soeroe orang binasaken kau poenja djiwa seperti saekor andjing !”

Ini perkataan boeat Song Sie ada seperti djoega gemoeroe goentoer. Sasa‘at lamanja ia djadi amat bingoeng, kerna tida taoe begimana moesti djawab perkataannja itoe mantri besar. Kamoedian ia tetepkan hatinja dan berkata sambil manggoetin lagi kapalanja: ,, Sabarlah, Taijdjin, akoe nanti tjeritaken hal jang bener. Tapi akoe brani soempa demi apa djoega, jang akoe ini sabenernja boekan pentjoeri......" Song Sie bikin poetoes bitjaranja sendiri, oleh kerna merasa berat boeat toetoerken apa jang telah kadjadian dengen dirinja.

,,Hajo ! bitjara teroes !” kala Tjhong Jong dengen swara bengis sedeng matanja mentjorot seperti binatang liar jang hendak menerkem korban.

Dengen katakoetan hingga swaranja djadi bergoemeter, Song Sie kapaksa teroesken bitjaranja: ,, Akoe ini sabenernja bernama Song Sie dan ada bekerdja djadi soldadoe berkoeda pada Ko Tjhian-swe di kota GanBoen Koan......"

,,ja, itoelah kita sceda taoe! hingya tida perloe kau seboetken beroelang-oelang kau poenja nama dan djabatan jang maha besar!” demikian Tjhong Jong potong bitjaranja itoe korban dengen swara treak: ,, Kita boekan kapingin taoe kau poenja nama atawa kau poenja pangkat jang moelia, hanja apa jang kita maoe, jaitoe: aken denger pengakoean tentang kau poenja perdjalanan poelang jang blon waktoenja, dan tentang kan poenja mendak-mendak di tempat gelap !”

Song Sie mengela napas, sedeng aer matanja lantas melele. Kamoedian ia samboeng bitjaranja: ,, Pada baroe ini akoe disoeroe oles Tjhianswe angon sapoeloe ekor koeda di loear kota, begitoe poen kawankoe jang laen laen; tapi salagi akoe lakoeken itoe kerdjaan, dengen mendadak di sitoe ada toeroen angin jang amiat santer, hingga kita orang kapaksa moesti meremken mata. Tempo kitaorang bisa melek kombali, kita lantas tjari, kita masing-masing poenja binatang djagaan, jang itoe waktoe soeda terpentjar ka sana-sini. Tapi apa tjilaka, sedeng laen orang poenja semoea ada tjoekoep, melaenken akoe poenja djagaan sadja ada koerang, doea ekor, boleh djadi soeda diterkem binatang alas, sebab letaknja itoe tempat mengangonpoen ada berdamping dengen oetan lebat, — dan inilah boeat akoe haroes dibilang ada soeatoe perkara latjoer sekali! Sablonnja kitaorang lakoeken itoe kerdjaan mengangon, Ko Tjhianswe memang soeda kaloearken antjeman, siapa jang bikin ilang koeda saekor sadja, djangan poela sampe doea ekor, dia itoe nanti dihoekoem tabas kapala. Lantaran menginget adanja ini antjeman, akoe djadi tida brani poelang ka dalem kota, apa poela akoe jang soeda bekerdja lama pada Tjhianswe, ada taoe betoel begimana dalem hal menudjalanken hoekoeman, ini pembesar tiada pandang sanak-soedara, hingga kaloe itoe waktoe akoe poelang ka kota, tida loepoet akoe poenja leher tentoe moesti ditabas. Begitoelah akoe lantas ambil poetoesan boeat poelang sabentaran di kota Radja; dengen ingetan, kaloe akoe soeda djoeal milikkoe jang ada di sini, hingga pendapetannja ada tjoekoep boeat bli doea ekor koeda peganti, baroe balik lagi ka kota Gan-Boen-Koan, aken seraken itoe binatang pada Ko Tjhianswe dan minta ia ampoenkan, akoe poenja kadosaan. Demikianlah adanja hal jang bener, sinsiang, hingga kaloe baroesan, sablon mendenger akoe poenja tierita, Sinsiang ada tjoeriga aken akoe ini, sekarangpoen Sinsiang boleh singkirken itoe katjoerigaan.”

Ha ! ha ! itoelah ada pengakoean orang jang pande sekali atoer bitjara!” kata si dorna sambil tertawa: ,,Dengen begitoe roepanja kau hendak bikin seperti dirimoe tiada bersala, atawa sekali poen ada, ketjil sekali. Tapi itoelah akoe tida bisa pertjaja, kerna kaloe bener begitoe, tentoe kau tida perloe mendak-mendak di tempal gelap.”

,,O, Sinsiang,” kata Song Sie dengen swara minta dikasianin, ,,maloemlah saorang jang telah tinggalken pakerdjaan, satida-tidanja tentoe ia moesti koeatir djoega kapergokan orang, terlebi poela akoe ini memang bernjali ketjil." ― „Tapi dengen itoe omongan kau tida bisa kedja akoe pertjaja; kerna toeroet akoe poenja doegaän, kau dateng disini sedikitnja moesti ada disoeroe oleh Ko Tjhianswe boeat bikin persariketan resia dengen orang di ini kota. Akoe rasa lebi baek kau mengakoe teroes-terang, soepaja akoe tida oesa goenaken atoeran keras."

― „Akoe soeda mengakoe, Taijdjin, kerna apa jang baroesan akoe telah toetoerken, itoe semoea ada perkara bener."

― „Diadi kau tida bisa kasi katerangan jäng lebi betoel?"

Satelah Song Sie memanggoet, tapi dengen tjelingoekan sa’lakoe orang jang takoet-takoet, si dorna lantas prenta Tjhong Jong gledah badannja itoe orang tangkepan.

Itoe kapala ronda lantas lakoeken sang madjikan poenja prenta, tapi tida ada kadapetan apa-apa jang boleh diboeat boekti.

Sekarang si dorna moesti mengakoe di dalem hati, jang pengakoeannija itoe tawanan sabagian ada bener.

Dengen begitoe, djadi njata ia tida bisa dapet djalan boeat pitena pada Ko Kong. Tapi Lu Kok Tjaij tida maoe mengarti, dan maoe djoega saboleh-boleh tjari djalan atas dirinja Song Sie boeat keniaja itoe orang bangsawan, moesoenja jang paling besar. Maka tempo soeda dapet pikir tjara begimana ia moesti menggertak, lantas djoega ia berkata poela pada itee tawanan:

,,Apa soenggoe, kau poenja pengakoean jang baroesin, semoea ada bener ?”

,,Soenggoe, Taijdjin !”

,,Maski sedikit tida ada djoestanja ?”

Si dorna menanja demikian, sambil mengawasin pada Song Sie deagen mata mentjorot dan bersorot tetep, hingga ini orang tangkepan djadi bergoemeter.

,,Tah, apa akoe bilang ?” kata poela Lu Kok Tjaij dengen oendjoek lagi goesarnja: ,, Tidakah bener kau poenja pengakoean itoe djoesta sadja adanja? Sekarang akoe membri tempo saprapat djam boeat kau pikir: apa baek mengakoe teroes-terang, atawa tida; kaloe di dalem itoe tempo kau masi djoega tida maoe bilang apa jang bener, akoe nanti soeroe oragy lantas raungket padamoe dan lempar k u ka pemboeian—mengarti?!”

Kamoedian ini dorna menengok dan berkata pada Tjhong Jong, sedeng ini mandoer besar soeda menggoeloeng tangan badjoe, seperti ada sedia boeat keniaja itoe orang tawanan: ,,Jong, lekas pergi ambil itoe toja besar dan panggil ampat orang dateng di sini ! Kaloe lagi saprapat djam ini djahanam masi djoega tida mengakoe, kau boleh lantas rangket padanja sapoeas hati !”

Itoe algadjo lantas berlaloe, sedeng moekanja Song Sie djadi poetjet seperti mait, giginja bertjatroek-tjaroek dan keringet dingin mengoetjuer di djidatnja.

Sekarang ini pelarian rasi tida bisa berdjoesta lagi, maka dengen bergoemeter ia lepas dirinja di hadepan itoe mantri besar, sambil manggoetin kapalanja beroelang-oelang.

,,Ampoen, Sinsiang, ampoen !" kata ia dengen swara meratap: ,, Akoe tida brani berdjoesta lagi ! Akoe nanti mengakoe teroes terang, asal sadja Sinsiang soeka ampoenken kadosaankoe !”

,,Haha ! akoe tida kira. saorang jang begitoe bandel seperti angkau. ada takoet djoega sama hoekoeman !" kata Lu Kok Tjaij sambil bersenjoem dan mengoeroet koemis.

— ,,O, itoelah tida oesa di dikataken lagi I Kaloe semooet, binatang jang begitoe ketjil, masi kapingia idoep, moestail menoesia jane teritoeng pada m chloek Allah jang teroetama, tida sajang ia poenja diiwa ?”

— ,,Nah, baeklah! Akoe berdjandji nanti menoeloeng padamoe sabrapa boleh, asal. sadja kan toeroet apa jang akoe nanti bilang."

Sakoetika itoe Song Sie tiada merasa kaberatan lagi boeat toetoerken doedoeknja perkara jang betoel.

Tempo Song Sie soeda abis tjerita, si dorna jang memang soeda lama ada berdoedoek, lantas berbangkit dan berdjalan moendar-mandir di itoe roewangan, salakoe orang jang lagi tjari pikiran.

Achir-achir ia berdiri diam dan berkata pada itoe soldadoe pelarian sambil kisoetken djidat: ,,Ha ! soenggoe akoe tida kira jang kau poenja dosa ada begitoe besar; hingga maski bermoela akoe soeda bilang, dan sampe di ini saat poen akoe masi berniat tetep, maoe menoloeng, tapi akoe rasa tida ada djalan boeat akoe briken itoe toeloengan.”

Brangkali gemoeroe goentoer jang paling keras, tiada membikin Song Sie djadi begitoe kaget, seperti waktoe ia mendenger ini perkataan. Rasa girang jang telah timboel sedikit dalem hatinja, lantas linjap terkoenjoeng-koenjoeng, malah berbalik ia djadi berdoeka sanget.

Dengen tida brenti manggoetin kapalanja sambil berloetoet, ia minta Lu Kok Tijaij toeloeng ja poenja djiwa, sedeng ini dora mingkin liat Song Sie katakoetan, mingkin ia sengadja tjari alesan ini itoe boeat tolak permintaännja.

„Tida, betoel-betoel tida bisa, Song Sie!” begitoe ia berkata, tempo itoe orang tjilaka meminta lagi beroelang-oelang: „ Sebab apabila akoe lepas pada kau, baek kaloe orang tida oesoet ini perkara, tapi kaloe apa latjoer orang nanti bikin dakwaän pada laen pembesar jang terpangkat tinggi, nistjaja akoe sendiri boleh dapet tjilaka besar.”

„Tepi toeloenglah, Sianseng, " meratap poela itoe pelarian jang masi mendekam daket kakinja itoe mantri dorna. „ Moestail kaloe betoel-betoel henak menoeloeng, Sinsiang, jang ada djadi ferdana mantri di karadjaän, tida bisa loepoetken akoe dari hoekoeman? Itoelah sasoengeoenja akoe tida bisa pertjaja! Akoe bersoempa, Sinsiang, jang akoe nanti inget kau poenja boedi aken salamanja, malah nanti djoengdjoeng djoega kau seperti ajah sendiri, apabila kau, saorang jang berkoeasa besar di ini negri, hingga lantaran begitoe, tentoe bisa berboeat segala roepa, asal sadja kau maoe,—Soeka oendjoe soeatoe djalan boeat toeloeng akoe poenja salembar djiwa!“

―„Kau bermaksoed membilang apalah dengen itoe perkataan ?“ ―„ Tegesnja akoe hendak bilang. apa djoeg jang kau soeroe akoe berboeat, akoe nanti toeroet dengen tida bikin bantahan lagi,”

―„ O, begitoe? Kaloe begitoe, adalah laen perkara. „ Saände betoel kau soeka toeroet akoe poenja nasehat, djangan poela baroe satoe, sekali poen sapoeloe djiwa, akoe masi bisa laepoetken dari kabinasaan. Apa soenggoe kau nanti toeroet apa jang akoe bilang ?”

―„ Demi tengkoraknja akoe poenja nene, jang ada di lobang koeboer !”

Si dorna plintir ia poenja koemis. kamodian sambil mengawasin pada itoe orang terkoetoek ia berkata:

„ Sekarang, dengerlah! Saorang jang dijadi soldadoe, toeroet rasakoe, dia itoe boekan orang hartawan; dari itoe, akoe kira perloe sekali kau moesti dapet tiga poeloe tail perak dari padakoe boeat piara roema tangga, Soepaja salama kau ada dalem tahanan, anak-istrimoe tida oesa tmenanggoeng lapar .....”

―„ Kaloe begitoe, akoe bakal dilempar djoega ka dalem boei ?”

―„ Ja, itoelah moesti! Tapi boekan sebagi persakitan, hanja sebagi saksi atawa orang jang mendakwa. Sekarang dengarlah lebih djaoe ! dan djanganlah bikin poetoes, sablonnja akoe abis bitjara !”

Song Sie mengawasin pada si dorna dengen sorot mata jang menjatakan adanja rasa koeatir.

„Sabentar,” kata itoe mantri doerhaka jang teroesken bitjaranja, „ akoe nanti soeroe orang anter kau ka pengadilan Kim-le-We boeat bikin dakwaän. Orang jang kau moesti dakwa, jaitoe Goanswenoe sendiri, dengen toedoeh dia telah bikin persarikatan resia dengen Pak An Ong boeat rampas tachta karadjaän Song, sedeng itoe perkara ilang koeda kau djangan seboet sama sekali. Samentara boeat kedja hakim jang doedoek di itoe pengadilan djadi pertjaja, bahoea kau poenja dakwaan itoe ada dengen Sabenernja, kau moesti bilang, jang maskipoen kau tjoema ada satoe soldadoe berkoeda jang amat bado, tapi kau ada kenal tjara bagimana orang jang trima gadji dari negri, haroes oendjoek ia poenja kasetiaän ; dan dari sebab begitoe, maka kau tida brani resiaken perboeatannja ka poenja Goanswe, apa poela memang kau taoe, itoe perboeatan ada berbahaja bagi negri dan taoe djoega, kaloe Goanswe berchianat, soldadoe jang bekerdja di bawa prentanja moesti toeroet berdosa. Demi{{hwe|kianlah|demikianlah sebabnja, —bagitoe kau haroes berkata lebi djaoe —maka tenga malem kau menggat poelang ka kota Radja, boeat adoeken katjoerangannja itoe panglima perang pada pembesar negri.”

Mendenger ini pengadjaran Song Sie djadi mengkirik, kerna ia taoe betoel, apabila ia toeroet itoe Sinsiang doerhaka poenja na-sehat, Ko Tjhianswe saorang jang amat baik, boleh djadi tjitaka besar.

---

Bagimana kedji adanja Lu Kok Tjaij
poenja asoetan. Katertipannja hakim
bikin papreksaän.

Lantaran menginget begitoe, dan menginget djoega boedinja Ko-Kong jang soeda-soeda, bermoela Song Sie itoe tida tega mempitena itoe orang bangsawan; tapi komoedian, kerna inget djawa sendiri ada lebi perloe dari segala apa, lantas djoega pikirannja djadi berbalik, hingga maoe toeroet si dorna poenja asoetan.

„Baiklah, Sinsiang !” kata ia, di saät iblis sandingken ia poenja otak boeat ambil itoe poetoesan: „akoe nanti toeroet kau poenja nasehat! Tapi kaloe akoe soeda toetoerken semoea, sebagimana Sinsiang poenja pengadjaran, hakim minta akoe adaken boekti, begimanatah akoe moesti kasi katerangan?”

„Itoelah gampang sekali,” saoet si dorna.

„Akoe denger kabar, sadjek itoe negri asing dapet dibikin taloek, Pak-An-Ong dan kau poenja Goanswe seringkali bikin koendjoengan satoe sama lain, dan kaloe bener ada begitoe, akoe kira ini perkara kau boleh djadiken boekti. Tjoema sadja akoe tida taoe betoel kabenarannja ini kabar.”

„Itoe perkara memang ada; kaloe perloe akoe poen boleh tjeritaken lebi terang.”

Demi iblis! itoelah baek sekali! Kerna dengan begitoe, brangkali kita poenja per- kara nanti',djadi lebi bagoes djalannja,”

(Aken disamboeng).

---

„Tapi kau moesti inget betoel”, kata itoe ‘mantri doerhaka pada Song Sie lebi djaoe, perkata’an mana ada berarti sebagi satoe pesenan jang poma-poma, pada waktoe kau mengadep di depan pengadilan Kim-le-Wie, djangan loepa kau haroes madjoeken dakwa’an Ko Goan-swee ada bikin persakoetoean resia sama Pak-An-Ong boeat merampas karadja’an Song. Lebi djace kau bri taoe djoga, bahoea ampir setiap hari Tin-Kok-Ong mengoendang Pak-An-Ong aken diadjak pesta makan minoem, Lantaran meliat gerakan itoe Generaal dan Pak An Ong ada sabegitoe roepa, semingkin dipandang bahaja-bahaja dari marika poenja gerakan djadi semingkin njata, maka dari sebab itoe malem-malem kau poelang ka kota radja boeat adoeken itoe perkara, soepaja pembesar jang berwadjib siang-siang ambil. tindakan keras aken tjega itoe bahaja.

Sabegitoe djage soeda ternjata, sasoenggoenja djoega Lu Sinsiang ini djahanam adanja. Ja andjoerken itoe toedoehan djoesta dan adjar Song Sie boeat mengakoe begitoe di hadepan hakim, itoe semoea meloeloe boeat poeasken hatinja jang dengki aken menganiaja Ke Kong.

„Poen tiada loepa akoe moesti mamesen padamoe”, kata lagi si doerhaka, „ itoe Gie-Soe dari pengadilan Kim-Le-Wie ada orang jang berhati djoedjoer, lebi doeloe akoe doega, ia tiada nanti gampang-gampang perljaja kau poenja pengadoean dan pasti aken bikin pepreksa'an dengen teliti sekali. Maka itoe, biarpoen begimana djoega kau moesti tetepken semoea pengakoean. Pertama-tama ia nanti goenaken perabot hoekoeman boeat mengompes pada kau, kau tapi kendati dihoekoem begimana djoega kau djangan lantas mengatjo, hanja moesti tinggal tetep dengen toedoean setjara apa jang akoe soeda aloer. Inget. kau djangan melanggar dari apa jang akoe soeda bilang, tjoema dengen berlakoe tetep sadja djiwamoe tiada aken terantjem bahaja maoet. Tapi djangan slempang, akoe nanti prenta Lu Jong an- terken kau ka kantoor Kim le Wie, soepaja dirimoe tiada ditoekoem paksa.”

Song Sie manggoetin kepalanja seraja berdjandji, jang ia nanti perhatiken itoe semoea pesenan.

Satelah liat dengen perkata'annja jang tadjem dan berbisa soeda bisa bikin toendoek hatinja itoe pelarian, alangka girangnja itoe dorna. Djoega boeat bikin soepaja hatinja Song Sie djadi lebi tetep dan nanti bekerdja dengen soenggoe dalem itoe oeroesan, sengadja ini pembesar tjilaka goenaken perkata'an-perkata'an bagoes boeat pengharepan Song Sie di kamoedian hari. la kata: „Apabila dalem ini pakerdja'an kau bisa bekerdja dengen baek dan berboekti sebagimana jang ada di'ingin, soeda tentoe tiada loepa akoe nanti madjoeken perminta'an di hadepan Baginda soepaja angkau bisa memangkoe djabatan negri. Tegesnja akoe terangken, kaloe sampe Ko Teng Tjan dihoekoem mati, akoe nanti kerdja kau djadi sa-orang jang paling beroentoeng!”

Song Sie jang tiada kenal bahoea pembesar ini badjingan adanja, soeda djadi sanget girang tempo denger itoe perkata'an jang ijoema boeat bikin orang djadi goembira. la manggoet kepalanja seraja membilang trima kasi, koetika itoe ia pandang ini pembesar sebagi tiang jang tegoe, di mana ia boleh menjender dengen senang.— Inilah anggepan dari saorang jang goblok dan berotak oedang!

„Demi Allah jang moelia, djikaloe Sinsiang bisa menoeloeng sampe akoe memangkoe djabatan negri, dari idoep hingga mati akoe inget betoel Sinsiang poenja boedi.” Kata Song Sie dengen hormatnja.

„Apatah kau poenja perkata'an baroesan sampe tjoekoep boeat akoe perijaja ?”

„Tentoe! kaloe akoe berdjoesta, biarlah melaekat djibrall poeter akoe poenja kepala!”

„On, Sie, orang jang seperti kamoe ini panteslah akoe hatoerken poedjian", kota Lu Siang doerhaka sembari oeroet oeroet koemisnja. Padahal hatinja itoe waktoe seperti dikitik-kitik, ini dorna merasa sanget girang, ia tiada doega dengen tjara begitoe gampang Song Sie soeda kena kapintjoek sama ia poenja perkata’an-perkata’an.

„Akoe rasa kau blon makan”, kata Lu Siang pada Song Sie, sedeng seabisnja kata begitoe ini pembesar berpaling pada Lu Jong seraja teroesken perkata’annja pada ini penggawe: „ Silaken adjak Song Sie makan nasi, kasi ia makan sampe kenjang betoel, kamodian bawa poelah kamari.”

Lu Jong trima itoe prenta, ia sigra adjak Song Sie pergi ka blakang, di mana ia laloe menggratak dalem lemari makanan dan kloearken isinja, kamodian silaken Song Sie bersamtap.

Tiada berselang brapa lama, Lu Jong soeda hadepken poela Song Sie pada toeannja, sasoedanja itoe. pelarian isi peroetnja sampe kenjang betoel.

„Apa kau soeda makan sampe kenjang betoel?” menanja itoe ferdana mantri pada Song Sie. „Tjokoep sampe tjoekoep” djawab jang ditanja. Sigra djoega ini pembesar doerdjana ambil tiga poeloe tail oewang perak persen pada Song Sie, hingga ia ini djadi sanget girang. Sekarang dalem anggepan ini orang pelarian djadi lebi tetep, bahoea itoe pembesar aken menoeloeng padanja sebagaimana jang ia soeda omong.

„Sabetoelnja akoe merasa berat boeat trima Sinsiang poenja pembrian ini, kerna sablon berboeat apa-apa jang perloe soeda menerima boedi”, kata Song Sie, „aken tetapi dari lantaran ini tempo keada'ankoe ada begitoe soesa, inilah kepaksa akoe ambil djoega. Trima kasi.”

„Itoe perkara kau teroesa pikirin”, kata Lu Siang, „sebrapa bisa akoe maoe bikin kau djadi sa-orang jang beroentoeng......”

Sedeng kata begitoe, ini pembesar doerhaka berpaling pada Lu Jong, ia kedipken matanja sebagi membri tanda apa-apa dan kata: „Akoe rasa Song Sie ada sanget tjape, sebab perdjalanan dari kota Gan Boen Koan sampe kamari boekannja dekat; itoe di medja makan ada katinggalan stenga botol arak jang akoe biasa makan, pergilah ambil dan kasi Song Sie minoem satoe doea tjawan, soepaja bisa ilangken tjape.”

Lu Jong sampe mengarti maksoed prenta toeannja. Ia memanggoet teroes masoek ka dalem, kaloear kombali dengen bawa stenga botol arak bersama satoe tjawannja.

„Toewangin dan kasi Song Sie minoem”, mamerenta itoe pembesar pada pengawalnja, „arak itoe ada sanget baek, minoem satoe doea tjangkir bisa ilangken tjape dan kasi kaloear hawa djelek di dalem badan.”

Satoe tjawan soeda lantas di-isi penoe dengen isinja itoe botol, Lu Jong sigra angsoerken itoe pada Song Sie, jang menjamboet ini pembrian dengen kelakoean goegoep. „Apatah akoe ada itoe kahormatan boeat minoem ini setjawan arak?” kata Song Sie sembari so pegang itoe tjawan dengen doea tangannja.

„Tentoe!” menjaoet Kok Tjaij dengen lantas. Dengen tiada menoenggoe sampe diprenta lagi, Song Sie soeda lantas keringken isinja tjawan.

„Ini arak betoel enak dan wangi, tjoema ada sedikit pait dan hawanja panas!” Kata Song Sie.

„Djoestroe minoeman begitoe akoe paling soeka dari pada minoem jang laen matjem sari.” Kata Lu Siang sembari pandang moekanja Song Sie dengen roepa sedikit tjoeriga, tapi satelah liat gerakannja itoe pelarian dari permoela sampe di itoe waktoe tinggal tiada beroba, hatinja djadi girang.

Kamodian sasoedanja peringetken poela pesenannja pada Song Sie, ini pembesar lantas prenta Lu Jong bersama ampat boedak laen anterin ia poenja korban ka kantoor Kim-le-Wie.

Sampe di sini, sablonnja menoetoerken begimana djalannja itoe pitena’an jang diperboeat oleh kaoem kedji alas dirinja kita poenja Generaal jang moelia, lebi doeloe kita rasa perloe adjar kenal pembatja pada itoe pembesar jang mamegang kekwasa’an dalem pengadilan Kim-le-Wie.

Souw Toan alias Tjeng Heng, begitoelah ada namanja pembesar dalem pengadilan terseboet dengen memangkoe djabatan Gie-Soe; ia ini ada toeroenan orang bangsawan agoeng, jaitoe soedaranja Iboe-soeri Tjiauw Jang. Oesianja ini orang bangsawan baroe doea poeloe delapan taoen; kaloe dalem oesia jang boleh dibilang masi begitoe moeda soeda bisa memangkoe djabatan besar dan moelia, dengen itoe semoea orang bisa dapet kenjata'an, begimana pinter adanja orang itoe. Sasoenggoenja djoega orang moeda ini ada terpeladjar tinggi; ia poenja pengartian jang tinggi inilah soeda' membikin boedi-perketinja djadi lemboet djoedjoer dan setia, soeka menoeloeng pada sesamanja jang mendapet soesa.

Sabegitoe lama ia terdjoenken dirinja dalem golongan ambtenaar negri, blon perna ada katjela'annja, oepama trima sogokan, keniaja orang jang tiada berdosa dan laen-laen kelakoean boesoek, seperti kebanjakan pembesar negri. Malahan Souw Gie-soe itoe ada sanget dipoedji dan di soeka oleh orang banjak, kerna ia selaloe pegang betoel keadilan dan kewadjiban sebagi pembesar negri. Pendeknja dalem ia poenja kewadjiban Souw Gie-soe tiada pandang kaja dan miskin, harta doenia tiada tjoekoep aken bikin hatinja djadi berbalik dan menjimpang dari kewadjibannja.

Sedikit keirangan di atas kita rasa soeda sampe tjoekoep, pembatja tiada asing lagi sama itoe pembesar jang arif-bidjaksana, orang jang mana soeda tentoe tiada boleh disamaken dengan Lu Kok Tjaij dan laen-laen pembesar jang djadi kawannja itoe monjet toea.

Di itoe malem betoel selagi membatja boekoe, Souw Gie-soe trima laporan dari oppasnija, bahoea ada orang dateng di kantoornja aken kasi perkara apa-apa. Kaloe dalem waktoe tenga malem orang dateng di kantoor negri aken berkelak perkara, soeda tiada oesa dibilang lagi tentoe djoega oeroesan jang maoe dibri taoe ada loear biasa pentingnja, maka dengen tjepat Souw Toan menitaken hambanja pasang brapa penerangan dalem kantoornja, di mana ia lantas doedoek bersidang dan prenta orang jang maoe berkelak dateng mengadep.

Dengen tjara jang garang kaliatannja, itoe ampat boedak dari gedong Siang-hoe dengen di’ikoet oleh Lu Jong giring Song Sie masoek ka dalem; dari masi djaoe Song Sie soeda djadi goemeter seperti demem keras meliat roepanja Souw Gie-soe jang begitoe angker sebagi melaekat idoep. Ia djalan mendek-mendek dan lantas djatoken dirinja di dekat medjanja itoe pembesar.

Lu Jong bersama ampat kawannja djoega toeret berloetoet.

Souw Gie-soe kenali Lu Jong ada boedaknja Lu Sinsiang, maka ia lantas menanja, siapa adanja itoe orang dan perloe apa malem boeta-rata dateng di kantoornja.

„Alas prentanja Sinsiang akoe dateng kemari menganter ini orang”, saoet Lu Jong sembari menoendjoek pada Song Sie, jang berloetoet dengen kepala ampir sampe di batoe.

„Ini orang Song Sie namanja”, Lu Jong teroesken bitjaranja, toeroet ia ampoenja tjerita, ia ada soldadoe koeda jang berkerdja di bawa prentanja Ko Goanswe di kota Gan Boen Koan. la dateng ka gedong Siang-hoe dan bilang ia ada membawa satoe perkara penting. Sinsiang minta ketrangan ia mace adoeken perkara apa, ia djawab: ia hendak madjoeken dakwa'an satoe perkara besar di kota terseboet, di tempat mana dan di bawa prenta siapa ia berkerdja.”

„Sebab rasa perkara jang maoe diadoeken ada oeroesan penting, maka Sinsiang prenta akoe bawa ia kamari", kata lagi Lu Jong sebagi penoetoep bitjaranja,,,sekarang orangnja soeda ada di sini, harep Taijdjin preksa sebagimana adanja.”

Souw Gie-soe manggoetin kepalanja dan prenta Lu Jong menoenggoe di pinggiran. Sekarang dateng gilirannja Song Sie ditanja oleh itoe pembesar. „Apa bener angkau ini ada soldadoe koeda di kota Gan Boen Kwan dan kerdja di bawa prentanja Tin Kok Ong?“ „Betoel Taijdjin“, saoet Song Sie sembari memanggoet.

„Ada perkara bagimana maka malem malem kau dateng di gedong Siang hoe? Apa boekan kau mengandoeng niatan djelek dan hendak mempitena orang??“

„Demi iblis, tiada sekali-kali, Taijdjin!“ menjaoet Song Sie sembari meraba dadanja sendiri, di mana koetika itoe ada berdebar keras.

„Sedikitpoen akoe tiada maoe bikin kau djadi menjesel,“ kata poela Souw Gie soe sembari menoendjoek pada sakoempoelan prabot dan menanja pada Song Sie: „Kau taoe itoe barang apa?“

Song Sie meliat pada barang jang di'oendjoek, jaitoe sakoempoelan prabot hoekoem atawa barang peranti mengompes, jang sering digoenaken boeat persakitan jang bande! dan melawan. Maoe tiada maoe ini orang pelarian rasaken boeloe baannja djadi bergidik tempo liat itoe prabot hoekoem, lapi ia tetepken hatinja dan djawab:

„Akoe taoe, itoe prabot menghoekoem.. . . . .“

„Djika kau taoe itoe dan tiada ingin rasaken bekerdjanja itoe prabot di anggotamoe", kata Souw Gie-soe lebi djaoe,,,sekali-kali angkau djangan bitjara djoesta. Kau mengarti, itoe sakoempoelan prabot jang nanti menerangin bener tiadanja kau poenja sasoeatoe omongan.“

„Akoe mengarti itoe semoea, Taijdjin“, saoet Song Sie dengen takoet-takoet, tapi tingkanja ia bikin tetep, begitoe tetep sebagimana boekan biasanja.

,,Sekarang silaken kau bitjara, akoe soeda bersedia boeat mendengerin engkau poenja sasoeantoe pengadoean." Menita Souw Gie-soe dengen swara aloes, tapi biar begimana aloes djoega perkataannja itoe, bagi Song Sie tiada oeroeng rasaken hatinja seperti tjopot.

,,Sablonnja menoetoerken apa jang sabenernja lebi doeloe moesti di bilang, di sini perloe djoega akoe menerangken di hadepan Taljdjin, bahoea: biarpoen akoe ini tjoema djadi soldadoe sadja, jaitoe satoe pakerdja'an ketjil dan hina dari antero pakerdja'an dalem golongan militair, tapi akoe sampe mengarti prihal ,,Tiong dan Gie", serta akoe poenja hati menjinta betoel-betoel pada tana aer sendiri",, menjaoet ini keparat jang membanggaken dirinja begitoe roepa, agar dengen berboeat begitoe orang nanti pertjaja padanja. Tapi djoega tiada haroes diloepa, jang perkata'an Song Sie di atas ada pengadjarannja Lu Kok Tjaik, itoe dorna keparat.

,,Djika perkata'an itoe teroes sampe di hati, sasoenggoenja haroes dipoedji", kata Souw Gie-soe.

,,Tapi, silaken bitjara lebi djaoe."

,,Beginilah akoe poenja pengadoean, Taijdjin", kata Song Sie jang landjoetken bitjaranja, ,, menoeroet akoe poenja pengliatan jang begitoe njata, sadjek waktoe blakangan ini roepanja Tjoe-swe Ko Teng Tjan ada laen dari jang doeloe-doeloe. Ia kaliatan tiada begitoe open sama ia poenja pakedja'an jang dimoestiken. Doeloe, ia bekerdja segala apa jang berhoeboeng dengen oeroesan balatantara, semoea panglima boleh mendapet taoe, tapi sekarang tiada begitoe; sasoeatoe oeroesan ia pegang resia panggawa-panggawa prang ditaro diblakang. Boekan begitoe sadja, sedari dapet taloekin Hoan Ong, ia poenja perhoeboengan sama itoe radja ada begitoe rapet satoe sama laen sering saling mengoendang makan minoem. Paling blakang, jaitoe di ini taon, pada tanggal doea poeloe sembilan Dji gwe, di waktoe mana adda hari taonnja Tjoe-swe, itoe hari terseboet Pak An Ong dateng di kota Gan Boen Koan dengen penjamboetan besar."

Dengen roepa jang sabar Souw Gie-soe dengerin sasoeatoe perkataännja Song Sie, sekali-kali ia tiada potong orang poenja bitjara.

Song Sie dengen enak bitjara lebi djaoe: ,,Bermoela akoe tiada bisa bilang apa-apa dalemi toe hal, tapi sasoedanja meliat semingkin lama djadi semingkin njata achirnja ada laen djalan jang lebi soeroep selaenna menaro tjoeriga, bahoea itoe Genenaal ada berniat apa-apa jang koerang baek bagi kesantusaän negri. Terlebi njata lagi dan bertamba besar akoe poenja kekwatiran adalah dalem pembitjaraän itoe doea orang akoe dapet kanjata'an, nanti diawalnja moesin Tjoen jang aken dateng Pak An Ong maoe siapken pasoekan prangnja menjerang ka kota radja samentara Ko Tjoe-swe soeda berdjandji dengen pasti dalem itoe pakerdja'an diam-diam ia nanti membantoe djadi penjamboet dari bagian sebla dalem. Berbagi-bagi gerakan dari itoe doea orang boleh dibilang tjoema akoe saorang jang dapet taoe, kerna akoe sering mentjoeri denger pembitjara'an itoe doea orang besar dari selat djendela. Begitoelah dari lantaran liat gerakannja Tjoe-swe dan Pak An Ong ada sanget mengawatirken maka dengen tiada pikir tjape lela jang akoe bakal dapetken antara perdjalanan dari Gan Boen Koan ka kota radja, tiada oeroeng akoe brangkat ka mari boeat kasi taoe itoe perkata pada .........."

Souw Gie-soe jang bermoela kaliatan bagitoe sabar, di itoe tempo ia kaliatan djadi amat maranja. Alis matanja djadi berdiri betoel seoempama matjan jang hendak menoebroek pada koerbannja.

„Bangsat! oh djahanam jang terkoetoek!" treak Souw Gie-soe sambil mengetok medja, bidji matanja terpoeter meliatin Song Sie, hingga ini orang boeroen rasaken badannja di itoe sa'at djadi lemes.

Dengen swara lebi keras dari jang pertama, itoe pembesar berkata poela: „Sasoenggoenja kamoe ini djahanam jang tiada mengarti kamatian, maka sebagi orang edan kau mengatjo di sini! Apa kau kemasoekan setän alas, monjet?! Boeat laen orang, soeda tentoe gampang kena kau poenja perkata'an djoesta, tapi bagi akoe, tiada. Tida sekalikali akoe boleh perijaja kamoe poenja pembitjara'an jang berarti mempitena!"

Song Sie keparat djadi sanget ketakoetan, matanja djelalatan ka sana sini, sebagi djoega tikoes jang sedeng mentjari lobang aken menjingkir dari terkemannja koetjing. Tapi biarpoen begimana djoega boeat bisa singkirken diri dari itoe tempat,inilah tiada bisa.

„Apa kau tiada taoe monjet!" kata Gie soe poela. Itoe Tin Kok Ong ada sala satoe orang moelia, jang haroes di bilang ada djadi tiangnja karadja'an Song. Di timoer ia melakoeken kewadjiban sebagi generaal jang tiada takoet mati,dengen kegagahannja ia soeda mendapet daera Salatan, dan dengen katjerdikannja jang tiada ada bandingannja ia soeda menaloekin Pak An Ong. Tiga poeloe taon lamanja ia tiada meliat roema tangganja sendiri, ia selaloe ada hadepken pengadoeau djiwa boeat membela negri, boekan berpoeloe boekan beratoes, hanja soeda bertoempoek-toempoek ia poenja djasa pada negri. Tegesnja baek tingkatan, baek pangkat dan pahalanja, tiada ada sa-orang di ini masa jang bisa timpalin." „Orang jang begitoe moelia, serta ada mempoenjai banjak pahala, hingga bole di bilang ada djadi wali negri, apa kau kira ia begitoe hina bikin persariketan dan berhianat pada radjanja sendiri! Oh bangsat, akoe tiada bisa anggep laen tjara, selaennja omonganmoe itoe ada bersifat mempitena!" Souw Gie-soe oendjoek betoel betoel moerkanja. „Banjak perkara akoe bisa lebak tentang kau poenja berlaloe dari kota Gan Boen Koan dan mengatjo disini. Denger; bole djadi kau ada menaro sjak hati sama Ko Kong, maka kau atoer tipoe kedji aken pilena padanja; barangkali kau ada melanggar kesalahan jang terantjem dengen hoekoeman, dan sebab takoet di hoekoem kau soeda melariken diri dari sana; doega'an laen lagi dan jang membikin akoe menaro tjoeriga lebi besar, bole djadi kau soeda trima oewang sogokan dari laen orang jang mendjadi satroenja Ko Kong. adjar kamoe tjerita begitoe, soepaja itoe orang boediman di hoekoem mati!"

Sedeng berkata-kala begitoe, ampir tiada soedanja Souw Gie-soe meliatin moeka dan gerak-gerakannja Song Sie. Ini pembesar teroesken bitjaranja lebi djaoe: „Baroesan kau bilang, kamoe soeda tjoeri denger pembitjara'annja Ko Goanswe dan Pak An Ong dari selat djendela, ini omongan sekali-kali akoe tiada bole perijaja. Sembarang orang sampe mengarti tiada sembarang orang bole masoek dalem gedongnja generaal, katjoeali ia poenja ponggawa sehari-hari: kasiken orang loear bole masoek, tapi moesti membawa kabar apa-apa jang di sertain Lengtji dari orang jang menjoeroe. Inilah ada atoeran jang akoe tace betoel masi berlakee di ini dan di laen negri. Dan kamoe ini fjoema ada djadi soldadoe sadja, penggawe loear, tjara begimana bisa masoek dalem gedongnja Ko Goanswe tjoema dengen maksoed mengintip sadja? Menimbang dari beriaennan doedoeknja bal dengen kau poenja omongan dan keada'an Ko Goanswe, sekarang akoe tiada membilang laen, selaennja menoedoe, ja itoe bener-bener angkau ada mengandoeng sala satoe dari itoe tiga perkara jang akoe bilang tadi boeat mempitena toeanmoe sendiri! Biljaralah teroes terang binatang! Kau poenja resia hati akoe soeda dapet. tebak, maka sekarang kau moesti mengakoe dengen sebenernja,kaloe tiada kepaksa akoe moesti goenaken hoekoeman atas kau poenja diri.-Mengarti?"

Koetika denger Souw Gie-soe mengantjem begitoe boekan sadja Song Sie, poen Lu Jong keliatan djadi sanget ketakoetan.

Adapoen Souw Gie-soe sampe taoe, bahoea Tin Kok Ong Ko Teng Tjan ada saorang bangsawan sedjati, Serta arif bidjaksana dan terpoedji betoel dalem pakerdja'annja, maka boeat pengadoeannja Song Sie, boekan sadja ia tlada pertjaja, sebaliknja ia taro tjoeriga pada itoe pendakwa, jang didoega soeda kena katoetoep matanja dengen pengaroe gaba-poeti," soepaija Tin Kok Ong trima koekoe- man negri. la taoe, memang itoe orang bangsawan ada dimoesoein oleh brapa mantri dorna kawan sedjabatnja, tapi sala satoe jang mana dari itoe moesoe-moesoe jang sekarang berdiri di blakang kree, inilah ia blon bisa bilang apa-apa.

Laen dari begitoe, ini pembesar dapet kenjatään jang Song Sie poenja kelakoean ada goegoep, maka hatinja semingkin mendoega keras dan bertamba-tamba tjoeriganja. Selandjoetnja sengadja digoenaken perkataan keras dan tadjem, dengen maksoed aken dapetken kabeneran dari ia poenja doegaän.

Tapi Song Sie poenja keadaan ada laen sebagimana jang diharep; ini keparat boekan sadja soeda bisa berlakoe tetep-sebab inget perkataan-perkataännja Lu Kok Tjaij-djoega ia soeda bisa banta teedoeannja Souw Gie-soe, jang mengataken ia hendak mempilena.

,,Dalem ini oeroesan harep Taijdjin djangan kaboeroe napsoe, hanja haroes preksa dengen ati- ati," begitoelah katanja Song Sie, bagi akoe poenja dakwaän, di mana djoega akoe tetepken dan akoe tiada moengkir sedikit djoega dari penoedoean sendiri............."

,,Hm, bangsat besar!" Souw Gie-soe

Ko Keng Tjan.

46,

poetoesken omongan Song Sie dengen treak. „Sekarang akoe dapet kenjata'an kau ini ada saorang jang berkepala batoe! Lagi sekali akoe bilang, biar begimana djoega akoe tiada bisa pertjaja kau poenja pengomongan. Ja, back kau maoe tinggal tetep, akoe moesti djalanken hoekoeman boeat dapet taoe sampe di mana kau poenja katetepan! Sedeng oetjapken perkataan begitoe, ini pembesar menoleh pada brapa oppasnja, jang berkoempoel tiada djaoe dari itoe tempat.

Itoe oppas-oppas mengarti baek kahendaknja Souw Gie-soe, maka brapa orang antaranja toebroek pada Song Sie, jang sasoedanja di iket kaki tangannja, kamodian ditengoeroepin di atas papan pandjang.

„Rangket doea poeloe lima rotan!" prenta Souw

Gie-soe jang soeda tiada merasa kasian lagi pada iloe pelarian, sebab njatah la ini berkapala batoe dan melawan.

Poekoelan keras, dari satoe sampe doea poeloe lima rotan, soeda menimpa anggotanja Song Sie, hingga brapa bagian telah petja dan daranja berloemoeran. Sakitnja dari itoe loeka-loeka soeda tiada oesa dibilang lagi. Maskipoen soeda dipoekoel begitoe roepa, tapi Song Sie tinggal membandel; ia kliatan tiada merasaken sakit, tahan sabi-sabis, hal mana bikin Souw Gie-soe djadi mara.

,,Ambil itoe perabot djepit, kaloe dengen hoekoeman rangket ia liada mengakoe!' menita ini pembesar.

Lu Jong jang dari tadi tinggal meliatin oppasnja Gie-soe merangket Song Sie, tempo denger itoe pembesar prenta ambil perabot djepit hatinja djadi sanget kaget. la mengarti, itoe perabot hoekoem ada paling berbahaja dari laen-laen perabot, kaloe sampe itoe hoekoeman didjalanken, mistjaja Song Sie tiada bisa tahon, jang dengen begitoe boleh bikin ia djadi mengatjo. Dari sebab menginget begitoe, maskipoen hatinja begitoe takoet, ia boeroe berloetoet di hadepan Souw Gie-soe, seraja menjega ini pembesar djatoken iloe hoekoeman. atas dirinja Song Sie.

„Sablonnja djatoken hoekoeman jang ka doea kali atas dirinja Song Sie jang bertjilaka ini, hareplah Taijdjin denger lebi doeloe akoe poenja ketrangan," demikianlah katanja ini keparat,,,koetika maoe brangkat ka mari Sinsiang pesen, jaitoe: Song Sie ada saorang penggoegoep, kaloe dalem pepreksaän atas dirisja dilakoeken hoekoeman berat, nistjaja tiada bisa tahan dan achirnja: lantaran tiada sanggoep menahan sakit ia djadi mengatjo; perkara jang bener dibikin sala, perkara jang tiada dibikin ada. Oleh kerna itoe harep Taijdjin soeka bersabar. Lagi moesti di inget, hoekooman jang baroesan, doea poeloe lima rotan, boekanlah hoekoeman jang ringan; ia poenja koefit petja dan banjak mengeloearken dara maka kaloe Taijdjin djalanken laen hoekoeman, pastilah ia aken binasa: Djika sampe Song Sie kenapa-napa, perkara ini soeker dapet di bikin beres."

Souw Gie-soe berpikir, achirnja maoe tiada maoe ia poen njataken setoedjoe dengen apa jang dioetaraken oleh Lu Jong. la bilang: „Sasoenggoenja akoe setoedjoe sekali dengen toeanmoe poenja pikiran. Pergilah kau poelang dan bri taoe, besok pagi sama-saama pergi ka astana Baginda, di mana boleh dibitjaraken itoe pérkara terlebi djaoe."

Di sini Lu Jong merasa girang djoega, kerna perkata'annja di perhatiken oleh Souw Gie soe. la memanggoet dan sasoedanja mendjoera, sigra bersama ampat kawannja berlakoe dari kantoran Kim le Wie, samentara Souw Gie-soe titahken oppasnja bawa Song Sie ka dalem pendjara, jang nanti baroe di kaloearken kombali apabila maoe di preksa.

Satelah sampe pada besok paginja, seabisnja berdandan dengen doedoek djoli Souw Gie-soe brangkat ka astana radja, di mana Sie Long Boen Kim dan dorna Lu Kok Tjaij soeda dateng lebi doeloe.

Itoe waktoe Sri Baginda blon doedoek bersidang, sedeng ambtenaar-ambtenaar negri poen baroe ia orang bertiga sadja ada di sitoe.

Begitoe Souw Gie-soe toeroen dari djolinja, Si Long Boen Kim lantas menghamperi seraja membri hormat, sedeng Lu Kok Tjaij poen toeroet berboeat begitoe. Ini dorna jang memang paling pande maen komedi, sablonnja Souw Gie-soe berkata apa apa, ia soeda menegor lebi doeloe:

„Kokioe, dari hal pengadoeannja Song Sie kemaren sore, inilah membikin akoe sanget tiada mengarti. Lagi sabegitoe djaoe jang akoe taoe, Tin Kok Ong ada sa-orang jang berhati djoedjoer, maka dengen menilik itoe semoea, blon bisa di pastiken apa bitjaranja itoe djahanam bole di pertjaja atawa tiada; tetapi menoeroet kateranganja Lu Jong jang menjaksiken djalannja pepreksaän pada malem tadi, ja-itoe maski di djalanken hoekoeman tapi Song Sie tinggal tetep dengen pengakoeannja, ini membikin terbalik orang poenja pemandangan atas dirinja Ko Kong jang moelia."

„Ja, sasoenggoenja ini perkara ada terlaloe soesa, sedeng akoe sendiri blon bisa bilang apa-apa," saoet Souw Gie-soe. „Tapi sebab ini ada oeroesan besar laen djalan selaennja kita seraken dalem pertimbangannja Baginda radja, jang tentoe bisa membri poetoesan begimana baeknja."

„Betoel, itoe memang paling betoel!" kata si monjet toea sembari manggoet-manggoet.

He, perkara apatah jang Dji-wi bitjaraken? Akoe denger di seboet namanja Tin Kok Ong?" Menanja Sie Long Boen Kim jang dari tadi tinggal diam sembari menghamperi.

„Perkara apatah soeda terdjadi atas dirinja itoe generaal, jang soeda kira-kira doea poeloe taon lebi kita orang tiada bertemoe?" la menanja lebi djaoe.

Souw Gie-soe laloe bri taoe, pada ini kawan sedjabat, perkara apa ada ditoedoe atas dirinja Ko Teng Tjan berhoeboeng dengen pengadoeannja Song Sie.

Ketrangannja itoe pembesar membikin Sie Long Boen Kim djadi bengong terlongong-longong, sampe sakoetika lamanja ia tiada bisa berkata-kata. Tapi kamodian sembari gojang kepala ia kata: „Biarpoen begimana djoega, akoe tiada maoe pertjaja kaloe Tin Kok Ong ditoedoe ada mengandoeng niatan chinat; Song Sie tentoe boekan orang baek-baek, boleh djadi ia soeda trima sogokan dari saorang jang bermoesoe pada Ko Kong, soepaja dengen itoe djalan ia bisa roeboeken moesoenja!"

Boekan maen kagetnja Lu Kok Tjaij setelah de'nger omongannja Sie Long Boen Kim, jang soeda menebak dengen begitoe djitoe. Di itoe sa'at moekanja ini dorna djadi meringis. Tapi sebab ia ini soeda pande dan biasa, lagi moekanja soeda tjoekoep tebel, begitoe lekas soeda bisa tetapken hatinja, hingga membikin orang tiada menaro doegaän djelek.

Boen Tjiok he poenja doega'an sasoenggoenja sanget djitoe, akoe jang berpikiran tjoepet poen mendoega begitoe," kata itoe dorna sembari tepok- tepok tangannja,,,memang siapa djoega tiada nanti maoe pertjaja, kaloe Ko Goanswe, orang jang berhati djoedjoer, ditoedoe maoe berhianat pada negri; tapi taoelah, orang poenja hati mana kita bisa. liat. Boeat mengatahoei bener tiadanja itoe penoedoean, toeroet akoe poenja pikiran back dilakoeken diam-diam, djangan sampe orang banjak mendapet taoe. Paling perloe Song Sie moesti dipreksa keras, dari mana itoe pengadoean telah dateng; seandenja pengadoean itoe bener beserta djoega dengen ketrangan-ketrangan jang paling boleh dipertjaja, Tin Kok Ong boleh di panggil poelang dan dibri tegoran keras, sedeng kaloe apa jang ditoedoe djoesta belaka, sampe di itoe tempo masi blon kasep boeat algodjo tabas kepalanja Song Sie, apa lagi kaloe ia tiada bisa membri ketrangan, jaitoe: apa ia poenja maoe sendiri, atawakah atas prentanja laen orang maka ia mengasoet bagitoe. roepa.-Benerkah tiada akoe poenja pikiran begitoe, toean-toean?"

Soenggoe, pande betoel ini monjet toea maenken lidanja! Sedeng itoe pitenaän kedji kaloear dari dalem hatinja jang boeroek, adalah ia sendiri djoega jang mengantoer begini begitoe. la poen roepanja soeda bajangken keadaännja ia poenja diri, bahoea di pemandangan orang laen dirinja diseboet djelek, maka bagi kita sekarang ada njata: kaloe ia soeda mengasi pikiran seperti di atas boekan mengadoeng laen maksoed, selaennja ingin mendjaga berbagi-bagi toedoehan jang nanti dateng dari sana sini atas dirinja.

Orange jang biasa berboeat djahat selamanja memang hatinja merasa tjoeriga, pintoe pendjara seperti berbajang-bajang di depan matanja kendatipoen kedjahatan ini atawa itoe ada di perboeat oleh sa orang Jaen. Dan hal ini soeroep betoel dengen perboeatannja dorna Lu Kok Tjaij jang lempar batoe semboeni tangan, satoe kelakoean jang tjoema di perboeat oleh orang pengetjoet jang paling hina.

Dari sebab kreenja di mana itoe dorna berpedeng ada begitoe tebel, sampe Souw Gie-soe dan Sie Long Boen Kim doea pembesar jang setiawan tiada dapet ijioem itoe hawa boesoek jang kloear dari peroetnja, Lu Kok Tjaij jang gendoet. la orang pertjaja sadja apa jang itoe Ferdana mantri soeda oetaraken pikirannja; rasa tjoeriga dan doea-doega'an djelek bagi dirinja itoe dorna, sama sekali tiada ada dalem hatinja pembesar doea itoe.

MalahanSouw Gi-soe poedji pikiranja itoe dorna dengen membilang: „Sinsiang poenja pendapetan Sasoenggoenja bener sekali, akoe merasa sanget setoedjoe dengen itoe semoea. Orang di doenia poenja pikiran tiada selamanja sama, djadinja laen orang laen pikirannja; satoe perkara jang kita berboeat ada goenanja kebaekan, sering djoega ada itoe orang jang menjela koerang baek, samentara soeatoe pakerdja'an jang semata-mata aken mengeniaja pada sesamanja, tiada koerang. orang bilang bahoea hal itoe ada perboeatan amal! Soenggoe kaloe kita orang ada dapetken hal-hal jang demikian dada bole djadi meleka!”

„Dan boekan sadja begitoe,” menjamboeng Sie Long Boen Kim, di kolong doenia ini ada terdiri brapa matjem tabeat hina dari menoesia; paling hina dan kedji, adalah orang jang ingin mendapet kaoentoengan dengen membikin jilaka dan meroegiken pada laen orang. Lagi sering terdapet orang jang berboeat lempar batoe semboèni tangan, satoe perboeatan jang paling hina dan harces di koetoek oleh Allah!”

Perkata'annja ini pembsar jang tiada di sengadja, soeda membentoer begitoe keras hatinja Lu Kok Tjaij. la moendoer brapa tindak dan kaloe toeroet hawa napsoenja, bole djadi ia soeda tjekek lehernja itoe pembesar. Ini dorna tiada bodo dan ia poen ada poenja pikiran, kaloe perkara begitoe sadja ia berlakoe kasar nisljaja dirinja nanti di lempar lebi doeloe ka dalem pendjara.

Satoe doea, achirnja berapa blas ambtenaar soeda dateng berkoempoel di depan gedong, Singgasana, di mana tiada lama kamodian Baginda Sin Tjong telah doedoek bersidang.

---

Song Sie djahanam soeda djadi
korban dari kedjahatannja Lu
Kok Tjaij. Lantaran pengadoean
keras, Tin Kok Ong dipanggil
poelang ka kota radja.

Pada sasoedanja semoea pembesar dari bagian Civil dan militair membri slamat pagi pada Baginda, dan sesoedanja djoega marika doedoek di masing- masing tempatnja, satoe hambanja Keizer memboeka swara katanja: „Siapa-siapa ada poenja oeroesan, boleh sigra membri lapor!”

Mendenger begitoe, dengen berbareng Lu Sinsiang dan Gie-soe Souw Toan berbangkit dari tempat doedoeknja, ini doea pembesar djalan menghamperi medjanja Baginda.

„Apa jang hamba maoe laporken, jalah satoe perkara bersar,” djawab Lu Kok Tjaij, Kemaren, di waktoe tenga malem, di kantoor hamba ada dateng saorang jang mengakoe ada soldadoe koeda di kota Gan Boen Koan, bekerdja di bawa prenta-nja Ko Goanswe, Song Sie namanja. Padanja hamba lantas minta ketrangan, oeroesan apa membikin malem malem ia dateng berkelak, la djawab: „akoe ada bawa oeroesan resia dan sanget besar. Hamba pikir, kaloe dalem waktoe jang begitoe loear biasa orang dateng mengelak, tentoe djoega ada perkara penting, maka dengen tiada tjoba menanjaken lebi djaoe, hamba lantas kirim itoe orang ka kantoor Kim le Wie, pada Gie soe Souw Toan; tetapi roepanja Souw Gie-soe djoega merasa sangsi boeat preksa itoe perkara, maka ini hari ia mengadep ka hadepan toeankoe, jang nanti preksa begimana baeknja.”

Baginda berpaling pada Souw Gie-soe jang menanja: „Apatah soeda terdjadi atas pengadoean itoe orang jang oleh Sinsiang dikirim pada Keng?”

Itoe orang lelah mendakwa, jaitoe Ko Kong telah bersariket sama Pak An Ong dan diam-diam maoe reboet karadja'an Song.” menjaoet Souw Gie-soe sebagi djawaban pertanja'annja Baginda.

„Ko Teng Tjan maoe berontak ?!” tanja Baginda dengen swara treak.

„Ja, begitoelah dikabarken.” Saoet lagi Souw Gie soe, tetapi sebagi bantahan atas itoe toedoean jang dibriken atas dirinja Ko Kong, ia berkata lebi djaoe: Menoeroet sabegitoe djaoe jang hamba taoe, teristimewa hamba boekan kenal baroe, hanja kenal masi anak-anak sama Ko Kong, taoe betoel ia itoe ada orang jang berhati djoedjoer, maka hamba tiada bisa pertjaja kaloe ia ada mengandoeng niatan demikian. Apa lagi kaloe di denger pengadoeannja Song Sie sebagian tiada masoek dalem orang poenja pikiran. Antara laen-laen ia bilang jaitoe satoe malem ia soeda masoek ka dalem gedong pekarangan Ko Kong di mana ia mengintip dari selat djendela, koetika itoe Generaal lagi doedoek berdoea'an sadja sama Pak-An-Ong. Bagi orang jang berpikiran sehat bisa lantas membri kepastian, jang Song Sie poenja pengadoean begitoe sama sekali tiada masoek diakal; ia tjoema djadi soldadoe koeda, di mana bisa kaloear masoek dalem gedongnja Goanswe, apapoelah dalem waktoe malem begitoe dan djoestroe, ini saloe hal bikin hamba poenja hati tiada pertjaja. Aken tetapi, sebab hal ini ada oeroesan besar, maka tiada laen djalan, selaennja bertaoeken pada toeankoe.“

„Tapi, apa kau soeda djalanken pepreksa'an sebagimana moesti atas dirinja itoe pendakwa?“ menanja baginda.

—„Soeda. Malahan hamba soeda rangket doea poeloe lima rotan.“

—„Abis begimana?“

—„Ja tinggal membandel. Itoe hoekoeman jang begitoe heibat, sampe koelit anggotanja petja tiada membikin ia moengkir dari penoedoeannja.“

Satelah denger ketrangannja Souw Toan, Baginda Sin Tjong tinggal diam dengen tiada berkata satoe apa. Tiada sa-orang mendapet taoe perkara apa sedeng dipikir oleh Baginda, tapi kaloe diliat dengen ati-ati aken membri njata, bahoea radja ini sedeng amat-amati perkara soeker jang melawan dengen keada'an jang sabenernja.

„Ini perkara, sasoenggoenja boleh bikin kami poenja kapala petja!" Kata Baginda kamodian. Ja kaliatan sebagi orang jang sedeng bersangsi. Pada masa kami masi ketjil, Sri Baginda almarhoem, sering bilang pada kami, jaitoe: Ko, Jo,Tjo, The, St, Ma, Tjio dan Ong, ini delapan she, ada itoe orang orang jang telah makmoerken kemadjoean negri. Ko Teng Tjan, jaitoe ada tjoetjoenja Hong Tjouw Ko, atawa Giok Kiat Kongtjos poenja achliwaris jang toenggal. Kami poen taoe, ia ada sa-orang bangsawan toelen; sedari oemoer tigablas taon ia mengikoet atawa lebi betoel memimpin pasoekan prang, pergi taloekin negri-negri, jang brontak, hingga selama itoe boekan sedikit ia poenja djasa pada negri. Sekarang mendadak Song Sie madjoeken dakwa'an atas dirinja itoe generaal jang namanja begitoe gilang-goemilang, di mana kami bole lantas pertjaja sadja.—Tapi begimana dengen Sinsiang poenja anggepan?”

Baginda berpaling paka Lu Kok Tjaij sembari oetjapken itoe pertanja'an.

„Menoeroet hamba ampoenja anggepan, seande Song Sie itoe boekan takoet dapet hoekoeman maka melarikan diri” saoet ini pembesar doerdjana „pastilah ia ada trima prentanja sala satoe orang jang mendjadi moesoenja Ko Kong."

„Ja, itoelah pikiran jang tiada lebi liada koerang ada saroepa dengen pendapetan kami," kata Baginda sembari manggoetin kepalanja. Tapi maskipoen begitoe kami poenja hati masi merasa koerang senang, maka apa lebi baek panggil poelang pada Ko Kong dengen begitoe bole dipadoe berdepan sama Song Sie."

Baroe sadja Lu Kok Tjaij maoe boeka moeloet aken menjataken pikirannja, tapi kepaksa ia moesti oeroengken kahendaknja, kerna lebi doeloe Sie Long Boen Kim soeda mendjoera di hadepan Keizer. Sekarang ia tjoema perloe pasang koepingnja aken mendengerin perkata'an bagimana nanti kaloear dari moeloeinja itoe pembesar.

„Menoeroet hamba poenja pemandangan, dari hal Song Sie menoedoe Tin Kok Ong maoe ber- hianat ini katerangan tjoema dateng dari satoe fihak, dalem itoe perkara tentoe djoega ada menjelip oeroesan semboeni, jang kita orang blon dapet mengetahoei," begitoelah Sie Long Boen Kim menjataken pikirannja, lebi djaoe ia bilang: „Hamba pikir, boeat dapet taoe bener tiadanja itoe penoedoean, sablonnja di bikin penjelidikan jang sampoerna, tiada nanti bisa di dapet ketrangan jang mamoeasken. Maka dari itoe, apabila toeankoe pertjaja brikenlah satoe idjin, hamba nanti pergi selidikin itoe perkara di kota Gan Boen Koan; kaloe ternjata apa jang di wartaken ada kabaran jang bersifat mempitena, Song Sie jang soeda ada dalem pendjara, tinggal kaloearken sadja boeat di tabas kepalanja, samentara kaloe bener Ko Kong ada mengandoeng niatan jangbegitoe boeroek, biarpoen hamba ini ada ambtenaar civiel jang lama, tapi sanggoep boeat tangkep Ko Goanswe aken di hadepken pada Baginda.― Demikianlah adanja hamba poenja pikiran, blon taoe toeankoe bisa setoedjoe atawa tiada?"

„Dari sebab ini oeroesan masi ada di dalem gelap, lagi blon bisa dipastiken apa sasoenggoenja Tin Kek Ong ada mengandoeng itoe pikiran djahat, inilah membikin kami tiada bisa berboeat apa-apa." Kata Baginda. „Tapi harep Keng djangan timboelken lagi itoe voorstel."

Sie Long Boen Kim lantas berdiam, samentara Lu Kok Tjaij jang sekalipoen kalialannja bingoeng, tapi ia ada dapetken satoe djalan jang baek aken maenken komedinja, jang bagi pembatja soeda mengetahoei, rol jang di maenken oleh itoe dorna ada sanget kedji.

„Apa jang soeda di voorstel oleh Sie Long Boen-Ja, hamba poen merasa sanget moefaket", kata Lu Kok Tjaij, „aken tetapi, sebab menilik doedoeknja perkara boekan pada dasar jang tegoe, maka hamba djoega maoe toeroet mengasi voorstel, jaitoe toenggoe doeloe lagi brapa hari, sampe kamodian loeka-loekanja Song Sie djadi semboe dan bikin preksa'an boeal kedoea kalinja; preksa'an jang aken dateng saharoesnja digoenanja kakerasan, agar Song Sie bisa membri ketrangan jang memoetoesken: bener atawa tiada. Djika ternjata sabegitoe djaoe Song Sie bri penjaoetan jang menjaksiken, sampe di itoe tempo masi blon kasep aken toeankoe kirim orang boeat bikin penjelidikan."

Artinja jang bener dengen perkataan itoe dorna, jalah ia menjega Baginda kirim orang ka kota Qan Boen Koan, kerna kaloe sampe di kirim orang ― apalagi Sie Long Boen Kim jang pergi ― nistjaja ia boleh djadi kalenger. Roepa-roepanja Baginda seperti merasa moefaket dengen voorstelnja itoe dorna.

Taoekah pembatja, dari sebab apa maka Lu Kok Tjaij menjega dengen kasi alesan toenggoe doeloe lagi brapa hari aken Baginda atas voorstelnja Sie Long Boen Kim ― megnirim orang boeat selidikin gerak-gerakan di kota Gan Boen Koan? Boeat dapet taoe itoe semoea sebab-sebab, baeklah kita moendoer sedikit dari apa jang sabetoelnja moesti di tjeritaken. Sekarang kita maoe menoetoerken kakedjiannja Lu Kok Tjaij berhoeboeng dalem ini perkara jang lagi dibitjaraken, dalem mana kaloe kita tiada toetoerken pembatja tentoe merasa heran, kaloe satoe orang jang seger boeger medadak djadi binasa.

Dalem segala perkara Lu Kok Tjaij memang pande mengatoer dan ia senantiasa mendjaga, djangan sampe ia poenja goetji resia dapet dibikin petja. Ja taoe, itoe Sie Long Boen Kim ada ambtenaar jang berhati djoedjoer, serta ada soedara poetoesan poroet dari Permisoeri Boen Koei Hoei. maka kaloe sampe Baginda kirim itoe pembesar ka kota Gan Boen Koan, nistjaja prihal Song Sle bikin ilang doea koeda dan soeda boeron dari sana, itoe perkara nanti di bikin terang sebagi terangnja siang hari. Dan lagi taro betoel Ke Keng ada mengandoeng niatan djahat, soeda tentoe sabisa-bisa Sie Long Boen Kim aken semboeniken itoe resia, apalagi soeda ternjata itoe 2 orang boekan sadja ada mendjadi sobat jang kekel, djoega antara itoe 2 orang masi ada teriket pertjinta'an dalem perhoeboengan famillie. Inilah ada mendjadi hal jang teroetama berboeboeng dengen dorna poenja penjegahan.

Satoe perkara laen jang perloe di toetoerken di sini, jalah perboeatan itoe dorna dorkaka, jang soepaja maksoednja dapet di sampeken, diam-diam ia ada lakoeken satoe perboeatan jang haroes di koetoek. Pembatja tentoe blon loepa, di itoe malem pada waktoe Song Sie maoe di kirim ka kantoor Kim le Wie dengen bri tanda kedipan mata, itoe dorna titaken Lu Jong ambil arak; di itoe tempo, lantaran sanget girang bagi perdjandjian-perdjandjian jang di hatoer oleh Lu Kok Tjaij, loepalah Song Sie pada bahaja-bahaja jang terindar di itoe waktoe, ia tjoema inget sadja itoe perkata’an perkata’an dorna, jang aken membikin beroentoeng dirinja di kamodian hari.

Dengen tiada singkat-singkat, malah dengen kapertjaja’an paling besar atas dirinja itoe dorna, Song Sie soeda tenggak setjawan arak jang Lu Jong kasiken pada maleman itoe.

Djoestroe lantaran perboeatan di atas, Song Sie sengadja anterken djiwanja sendiri!

Itoe arak jang di minoem oleh Song Sie, jalah ada di tjampoerken oleh saroepa boeboek beratjoen jang di namai: „Koan Tjo San” atawa obat ketawa: Lu Kok Tjaij dapetken itoe obat dari saorang pertapa’an di Tong Laij, obat mana ada paling banjak menoeloeng dalem ia poenja berbagi-bagi pakerdja’an kedji. Barang siapa jang makan itoe obat, orang itoe aken selaloe girang dan goembira; tetapi di dalem tempo toedjoe hari orang itoe aken binasa. Ini sobat bisa bekerdja dengen aloes, begitoe aloes sampe orang jang kena makan tiada dapet merasa apa-apa; bekerdja dalem oetjoes dan oerat-oerat jang penting dalem anggota menoesia, bikin brenti mengalirnja dara sampe orang itoe mendjadi mati. Maksoed jang troetama maka si dorna merasa perloe singkirken Song Sie dari doenia, inilah gampang sekali di artiken. la pikir kaloe Song Sie di kasi tinggal idoep, satoe tempo orang bisa ambil kekwasahan boeat bikin itoe orang berbalik pikiran, satoe perkara jang bole bikin dirinja djadi tjilaka. Dari sebabbegitoe maka ia perloe singkirken Song Sie dari pergaoelan menoesia biasa, Djika orang itoe soeda mati, bockan sadja orang tiada bisa dapetken laen-laen ketrangan, poen itoe penoedoean Song Sie selama-lamanja aken bikin Sri Baginda merasa tjoeriga.

Demikianlah ada pikiran jang terkandoeng dalem hatinja Lu Kok Tjaij Baginda Sin Tjong jang sebegitoe lama blon dapet endoes keboesoekannja Lu Kok Tjaij. masi tinggal menaro kapertjaja'an dan tjokolken itoe menoesia keparat dalem kabesarannja jang sekarang. Bagitoe djoega Baginda njataken setoedjoenja dengen voorstelnja itoe dorna, serta prenta menoenggoe sepoeloe hari lagi aken preksa pada Song Sie dan tempo itoe masi boleh dibikin pandjang, kaloe sabegitoe lama loeka-loekanja iloe pendakwa blon semboe betoel.

Lebi djaoe Baginda seraken itoe oeroesen dalem tangannja Souw Gie-soe.

Sasoedanja brapa pembesar laen madjoeken masing-masing poenja laporan jang kata perloe ditoetoerken di sini, betoel di waktoe tengari, Baginda toetoep persidangannja, sedeng sekalian ambtenaar satoe persatoe berdjalan poelang.

Antara brapa pembesar jang paling merasa girang tempo kaloear dari singgasana, tjoema Lu Kok Tjaij sadja saorang, ia ini merasa sanget beroentoeng lantaran advis-advisnja, dengen tiada dibanta, soeda ditrima baek oleh Baginda, hingga boeat ia ada menaro pengharepan besar, bahoea maksoednja aken kesampean.

Tapi sebaliknja Souw Gie-soe kena pegang boentoet andjing. Ini pembesar poen merasa atas, penjeraan Baginda bagi dirinja Song Sie, sekarang ia dapet satoe tanggoengan jang boekan enteng. Koetika sampe di kantoornja sendiri dari singgasana radja, di sitoe ada berkoempoel banjak orang, jang satoe persatoe ada membawa perkara. Lebi doeloe ini pembesar poelang ke gedongnja aken bersantap, seabisnja itoe ia pergi ka kantoornja, di mana tempo matahari soeda miring ka koelon, baroe itoe orang-orang jang minta dioeroes perkaranja djadi slese Kamodian ia panggil hambanja, prenta orang itoe pergi ka pendjara dan minta Thio Eng, jang pegang djabatan Cipier dateng di kantoornja pada koetika itoe djoega.

Letaknja roemah pendjara itoe tiada brapa djaoe, maka tiada lama itoe hamba jang diprenta soeda balik kombali dengen mengadjak Thio Eng.

Ini pembesar boei lantas mendjoera seraja bri tanda, la ada bersedia aken denger prentanja itoe pembesar.

„Song Sie, itoe orang pelarian jang kemaren malem akoe kirim ka pendjara, moelai dari ini hari kau moesti djaga baek,” kata Souw Gie-soe, Baginda soeda membri prenta begitoe pada kita orang; moestinja: itoe orang dirawat betoel, loeka-loeka- ja satoe hari doea atawa tiga kali haroes dipakeken obat. Dalem tempo sepoeloe hari, atawa kaloe bisa dalem tempo jang paling pendek, loeka-loekanja itoe moesti dibikin semboe, kerna begitoe baek, orang itoe perloe diseret ka hadepankoe, boeat didenger lebi djaoe la poenja ketrangan-ketrangan”

Thio Eng memanggoet.

Djadi kau mengarti betoel apa jang akoe bilang baroesan?” menegesin Souw Gie-soe. „Itoe orang moesti dirawat betoel, tiada boleh disamaken seperti laen-laen persakitan ?"”

„Ja, akoe mengarti, Taijdjin," saoet Thio Eng sambil memanggoet lagi:-Souw Gie-soe membri tanda aken ini pembesar pendjara boleh berlaloe, sedeng ia poen, seabisnja preksa soerat-soerat jang perloe, serta tiada ada oeroesan apa-apa jang perloe diberesken, sigra angkat kaki poelang ka gedongnja sendiri:

Sebagi satoe penggawe jang djoedjoer, Thio Eng soeda toeroet beteel sebagimana pesenannja Souw Gie soe; setiap hari tiga ampat kali ia obatin loeka-loekanja Song Sie, dikasi makannja tentoe, tegesnja berbeda djaoe dengen laen laen orang jang ada dalem tahanan. Dari lantaran diradjinken begitoe roepa, dalem tempo doea tiga hari sadja Song Sie poenia loeka- loeka soeda kering dan moeli djadi baek.

Song Sie dapet rasa. ia ada menanggoeng boedi pada itoe pembesar boei, jang soeda rawatin padanja begitoe soenggoe hati, soedaranja sendiri blon tentoe nanti berboeat begitoe. Sebab itoe tempo dirinja masi ada djadi orang tahanan, maka ia blon bisa balas itoe boedi, selaennja tempo-tempo soeroe orang bli arak dan daging, adjak itoe pembesar pendjara doedaek bermakan minoem.

Thio Eng tiada djadi heran, kenapa Song Sie mendadak-dadak djadi begitoe lojar.

Pada satoe hari, betoel di hari jang ka toedjoe sedari Song Sie masoek dalem pendjara, di itoe hari ini orang pelarian prenta pengeawe boei blandja ka pasar, jang dengen doea tail perak sadja, tjoekoeplah brapa roepa makanan dengen serbanja, seperti arak, daging, boea-boea dan laen-laen sebaginja. Satelah barang hidangan itoe soeda teratoer di atas medja, Song Sie laloe mengoendang Thio Eng dan brapa penggawe pendjara, jang mendjadi sobat selama ia ditahan, doedoek bersantap dengen segala soeka hati. Sasoedanja bersantap sedikit lama, Song Si hadepken moekanja pada Thio Eng. Paras moekanja ini orang pelarian ada sanget poetjet, sekalipoen koetika itoe ia keliatan. begitoe girang dan goembira, melebihin dari hari-hari jang telah laloe. Ia kata: „ Thio Indjin, dari brapa hari jang soeda sabenernja akoe maoe menjataken apa-apa, etapi lantaran menginget dirikoe masi ada di dalem perkara lagi blon bole di pastiken apa kamodian bisa beroentoeng atawa tiada, maka akoe masi berat aken boeka omong. Omongin perkara kosong, ada lebi baek djangan sekali. Aken tetapi sebab mamikir sebaliknja, sekarang maoe tiada maoe akoe moesti menjalanken itoe. Tjoba toean doega, perkara apa jang akoe hendak bitjaraken?”

Sedeng kata begitoe, Song Si tertawa sadja dan lehernja goelang-goleng pergi dateng, seoepama gajoeng tiada ada kantjingnja. Samentara itoe Thi hio Eng sama sekali tiada menaro tjoeriga apa; ia kira sadja memang tabeat Song Sie itoe soeka tertawa, kerna sedari masoek dalem pendjara—sekalipoen badannja babak beloer — ia selaloe ketawa sadja.

„ Adjaib betoei !” saoet Thio Eng sambil tertawa, tapi sembari engosin moekanja ke samping.

„ Ha ha ha ! kenapa?” menanja Song Sie.

„ Apa kau kira akoe dewa, atawa doekoen tenoeng; dan apa barang kali kau maoe bilang akoe bisa masoek di dalem peroet orang, maka akoe maoe di soeroe taoe perkara jang blon di kata !“ djawab Thio Eng.

Song Sie tertawa lagi. Ia tanja pada Thio Eng, tapi sembari berpaling djoega pada laen-laen orang jang toeroet berdjamoe: „ Tjoba toean-toean ambil pokonja, dari sebab apa maka akoe berbasa Indjin padamoe? Toch dengen berbasa sobat atawa Thio Heng atawa poen laen seboetan, bagi akoe tiada halangan boekan ?”

Ini poen pertanja’an loear biasa !” saoet Thio Eng dan jang laen-laen dengen berbareng ini pembesar pendjara tjenderongken moeka ka hadepan dan berkata: „ Nasi semangkok blon abis, arak jang di minoem poen baroe doea tjawan tapi heran, kenapa Song Heng soeda djadi sinting......”

„ Hm, toean-toean kira akoe soeda mabok ?” Sembari kata begitoe Song Sie seboetken brapa fatsal dari oendang-oendang prang dan seabisnja itoe ia kata lagi: „ Kaloe soeda mabok, tentoe djoega akoe tiada bisa inget itoe brapa atoeran jang akoe seboetken baroesan. Kliroe toean-toean poenja doega’an.”

Thio Eng dan jang laen-laen lantas tertawa. Song Sie teroeskan lebi djaoe omongannja: „ Jang membikin akoe berbasa Indjin pada toean, ini pa'dia sebabnja!... "di sitoe Song Sie boeka badjoe kas! liat badannja, di mana ada banjak loeka jang baroe semboe.

„Selama akoe ada dalem tahanan, kau soeda rawatken dirikoe melebiken katjinta'an 'dari satoe soedara; ini loeka-loeka kalee boekan kau jang radjin mengobatin, boleh di bilang sedeng sakitnja. Brapa besar kau poenja boedi, inilah akoe tiada bisa toetoerken dengen perkata'an. Apa kau kira akoe merasa poeas dengen bales itoe boedi besar setjara begini sadja, makan minoem dan beromong? oh, tiada, akoe nanti berdaja laen matjem!"

„Ha, persetan sama segala perkara begitoe!" kata Thio Eng sembari bikin kering glas araknja, jang lantaran mengobrol sadja soeda loepa di minoem., Kamodian ia kata lagi: „Song Heng djangan, sala mengarti, apa jang akoe soeda berboeat, tiada lebi tiada koerang, jaitoe sebagi kewadjiban pada sesamanja."

„Ja, sasoenggoenja Thio Indjin ada sa orang jang sanget berboedi", mamoedji Song Sie, „tetapi akoe jang soeda menerima orang poenja boedi, mana bisa senang tiada membales itoe. Pertjajalah, toean toean; betoel ini tempo dirikoe ada terpandang renda, tapi dalem tempo jang begitoe lekas dirikoe nanti kaloear dari ini tempat dan akoe manti djadi sa-orang jang paling beroentoeng. Demi Allah dan sekalian rasoel, bila dirikoe beroentoeng dan loepa pada Thio Indjin, biarlah akoe di koeloek sebagi oemat jang tiada mempoenjai redjeki!"

„Soekoerlah, kaloe Song Heng ada mengandoeng pikiran jang demikian moelia", kata Thio Eng.

„Akoe sekalian poen bantoe mendoaken." Berseroe jang laen-laen. Berkata-kata sampe di sini, ia-orang lantas teroesken poela perdjamoeannja, jang memang blon sampe pada achirnja.

„Oh, ja, ampir sadja akoe loepa!" kata Song Sie dengen sakoenjoeng. koenjoeng. „Akoe ada sedikit oeroesan, blon faoe Indjin soeka membri perloeloengan atawa tiada?"

„Tentoe! Bilanglah, akoe senantiasa ada bersedia boeat trima Song Heng sobatkoe jang kekel, poenja prenta. menjaoel Thio Eng.

„Akoe boekan prenta, tapi maoe minta toeloeng. Akoe boleh dapet dosa dan lagi akoe poen tiada ingin, Indjin djadi orang prentahankoe."

„Minta toeloeng atawa diprenta, ampir ada saroepa sadja artinja. Sekarang bilang sadja troes terang, perkara apa jang Song Heng maoe minta akoe oeroesken?"

„Oeroesan itoe poen ketjil sadja. Akoe maoe minta toeloeng Indjin aken sampein satoe soerat pada familliekoe jang tinggal dalem saloe roemah letaknja di gang Goan Po. Di sana ada saorang lelaki toea, jang oesianja kira-kira anem poeloe taon, satoe njonja pantaran akoe dan satoe anak, jang kaloe idoep, oeslanja lima taon: orang itoe jalah akoe poenja ajah, istri dan anak. Tatkala. akoe meninggalken roemah tangga, istri koe ada di dalem hamil lima boelan, sedari akoe pergi ka mariken kira-kira soeda anem taon; sebab ada di laen tempat, maka akoe poen tratace, anak itoe lelaki atawa prempoean. Begitoe djoega akoe blon brani pastiken, apa orang dalem roemahkoe masi tjoekoep atawa tiada; terlebi lagi ajahkoe, jang tempo ditinggal soeda beroesia tinggi."

„Itoe toch oeroesan ketjil sadja,,kata Thio Eng, „bikinlah soeratnja, akoe nanti bawa ka sana."

„Sabar doeloe, akoe poenja bitjara blon sampe diachiraja, „kata Song Sie lebi djaoe. Selaennja. sampeken soerat pada la orang, djoega Indjin ha- roes sampeken akoe poenja pengomongan. la orang blon dapet taoe kaloe akoe soeda poelang dan ada dalem tahanan di sini. Indjin moesti bilang: marika djangan kwatir apa-apa dan djoega djangan diboeat pikiran dari hal akoe ada delem pendjara. Akoe poenja keberoentoengan memaksa boeat akoe, „sialken" diri boeat samentara waktoe lamanja. Tapi tiada lama poen akoe poelang.. dengen djadi saorang jang paling beroentoeng. Djoega akoe maoe kirimken sepoeloe tail perak, boeat ia orang poenja blandja."

Seabisnja berkata-kata begitoe, Song Sie lantas berbangkit, tapi itoe koetika ia bertreak keras: eh, eh kenapa matakoe djadi begini glap!........"

Dengen ini perkataan ia roeboe dengen djato tengoeroep, Thio Eng dan jang laen-laen lantas menoebroek dan kira Song Sie mabok, tapi..... astaga! Song Sie soeda djadi mait!

Hal ini membikin Thio Eng dan jang laen-laen djadi riboet dan ketakoetan. Satoe perkara jang ini pembesar boei boeat pikiran, adalah ia trima prentanja Souw Gie soe boeat djaga pada Song Sie, tapi sekarang, orang jang perloe di djaga. mendadak-dadak dan zondor sakit soeda mati, iloe semoea telah membikin hatinja djadi kalang kaboet.

Aken tetapi Thio Eng mengandjel rasa penasaran dan tiada pertjaja, sebab baroesan Song Sie begitoe seger dan omongannja bagoes maka satoe perkara jang teramat moestail koenjoeng-koenjoeng orang itoe poetoes djiwa. Dari sebab itoe, ia lantas brapa roepa obat gosok dan baloer itoe di badannja Song Sie, samentara brapa orang pada memidjid dan ada djoega jang soeda tarik Song Sie poenja oerat besar. Dengen berboeat demiklan ia orang maoe bikin Song Sie mendoesin, tapi kamodian itoe brapa kawanan orang goblok saling maen liat liatan, kerna semingkin lama dannja Song Sie djadi semingkin dingin dan kakoe.

Njatalah Song Sie soeda djadi mati betoel- betoel.—Bagi pembatja tiada perloe kita roentoenin lagi, kerna di atas soeda di toelis sampe terang perkara apa dan dari perboeatan siapa maka itoe pelarian mati mendadak-dadak.

Sekarang Thio Eng tiada bisa berboeat laen, dari pada merasa perloe bri taoe perkara pada Souw Gie-soe.

Soeda tentoe sadja pembesar kita jaug diwarken begitoe djadi sanget heran dan tiada abis mengarti, maka dengen pikiran tjoeriga ia lanta adjak brapa pengikoetnja pergi ka roema boei, boeat bikin pepresa’an lebi djaoe.

Kasoedahan dari pepreksa’an, jang dibikin ole Souw Gie-soe atas maitnja Song Sie dengen tjara jeng paling tertip, itoe semoea soeda menerbitken pengrasa‘an heran dan bertamba tjoeriga dalem hatinja koe pembesar. Badannja jang mati tinggal baek, tiada ada loeka atawa tanda-tanda bekas orang z mengeniaja dengen satoe atawa tjara laen djalan. Pendeknja pepreksa’an ini ada mengoendjoek begitoe roepa, hingga siapa poen tiada nanti meoe pertjaja, kaloe Song Sie soeda mati dengen tjara jang begitoe mendadak, katjoeali orang itoe kena makan ratjoen atawa barang kotor.

Thio Eng soeda lantas di minta katerangnja, tapi katerang jang di dapet dari ini pembesar boei, tiada membri kapentingan bagi itoe pembesar jang sedeng bertjoeriga. Ia Thio Eng, poen tjoema membri katerangan: Song Sie tiada sakit, koenjoeng-koenjoeng djato lantas mati, laen dari itoe tiada.

Sebab itoe perkara tiada boleh di tinggal begitoe sadja, samentara dari fihaknja Baginda tentoe ingin dapet katerangan lengkep atas binasanja Song Sie jang sedeng ada dalem perkara, maka sasoedanja liat ini hal ia tiada boleh berkwasa sendiri, sigra djoega Souw Gie-soe titahken hambanja bawa soerat panggil Tang Djie Loija, saorang tabib jang pande dan bekerdja dalem Hospitaal pamerenta,

Tiada berselang brapa lama tabib terseboet telah sampe. Souw Gie-soe anter padanja ka satoe roewangan, di mana maitnja Song Sie ada di taro.

„Ini orang dengen zonder sakit telah mati, „kata Souw Gie-soe pada itoe tabib sambil menoendjoek maitnja Song Sie, „dalem ini perkara akoe merasa sanget penasaran dan tiada mengarti, maka akoe mengoendang Loija dateng ka mari, dari siapa akoe harep nanti dapet ketrangan jang menjenangken.”

Dengen disaksiken oleh Souw Gie-soe, Thio Eng dan brapa orang penggawe roemah boei, tabib Tang lantas bikin pepreksaän. Lebi doeloe preksa badan dan brapa anggota laen jang perloe, kamodian baroe preksa blakang dan telapakan tangan maitnja Seng Sie,

„Pertama ini orang rasaken matanja glap mengeloearken banjak keringet dan lantes djato, apa betoel begitoe?" memang itoe tabib sasoedanja slese lakoeken ia poenja pakerdjaän.

„Menoeroet ketrangan jang akoe dapet dari Thio Eng ini orang lagi bermakan, minoem, koenjoeng-koenjoeng djato dan badannja basa dengen keringet, di sitoe ia lantas mati: „saoet Souw Gie soe sembari berpaling pada Thio Eng.

„Betoelkah begitoe, sebagimana kau poenja ketrangan jang dibriken padakoe?" ia menanja.

Thio Eng manggoet.

„Kaloe begitoe soeda tiada bisa sala, lagi ini orang kena terserang penjakit: poetoes oerat djantoeng. „kata tabib jang membri ketrangan. „Ini saroepa penjakit memang ada sanget berbahanja dan sering menjerang dengen mendadak; djarang sekali orang jang terserang ini penjakit dapet ditoeloeng, katjoeali kaloe peroentoengan orang itoe masi bagoes dan dapet toeloengan jang sampoerna, pada koetika ia djato pangsan.”

„Dan kau soeda berboeat apa sadja tempo Song Sie djato?" menanja Souw Gie-soe pada Thio Eng.

„Kita orang tiada berboeat laen roepa, selaennja pidjit dan pentjet ia poenja oerat-oerat besar!" saoet itoe pembesar boei, jang sembari kata begitoe sembari djoega kasi oendjoek ia poenja tjara waktoe membri pertoeloengan pada Song Sie.

„Perboeatan begitoe tjoema boleh di lakoeken pada orang pangsan, jang lantaran kaget atawa kena angin djahat, samentara kaloe boeat itoe penjakit poetoes djantoeng, tida menoeloeng soeatoe apa-apa. Kata tabib Tang.” „Orang jang tesrerang itoe penjakit moesti dapet pertoeloengan tjepet, begitoe djato moesti dikasi bangoen kombali, taro pada tempat dingin sesoedanja tjit keringetnja sampe kering, kamodian baroe kasi makan seglas soesoe menta, dan boeat doea tiga hari orang jang sakit itoe tiada bergerak atawa berkoeat-koeat."

Sasoeda dapet laen-laen ketrangan jang lengkep dari Tang Dji Loija, baroelah Souw Gie-soe bisa singkirken itoe pengrasahan tjoeriga jang menggandjel dalem hatinja. Ia hatoerken trima kasi atas pertoeloengannja itoe tabib, jang sigra berlaloe dari itoe tempat. Begitoe djoega ia tiada sia-siaken temponja, seabisnja pesen Thio Eng aken oeroes maitnja Song Sie sebagimana moesti, ini pembesar jang terkenal tiada mengenal tjape, lantas pergi ka astananja Sri Baginda aken laporken itoe hal.

Dengen tiada menoenggeoe lama, pengawal astana soeda anterken ia ka hadepan Baginda radja, jang sigra menanja, dengen maksoed apa itoe pembesar mengadep padanja dalem tempo jang boekan biasa.

„Dari hal toeankoe poenja prenta, jang menitaken merawatken loeka-loekanja Song Sie sebagimana moesti itoe semoea, begitoe djoega hamba poenja orang-orang soeda menoeroet sebegimana jang di pesen.” Kata Souw Gie-soe sembari mendjoera. „Aken tetapi, sedeng itoe loeka-loeka dalem tempo doea tiga hari soeda moelai semboe, samentara brapa jang aken dateng boleh di djalanken pepreksa'an lagi, apa maoe pada tadi pagi hamba trima lapor dari penggawe pendjara, jang Song Sie soeda mati dengen tjara jang mendadak-dadak. Hamba sendiri bermoela tiada perjaja dan taro doega'an, boleh djadi orang itoe soeda kena makan ratjoen atawa di keniaja oleh orang laen dengen barang kotor; berkali kali hamba preksa, tapi sedikit djoega tiada ada tanda-tanda jang menetepken bahoea orang itoe soeda djadi mekat atawa di keniaja orang. Kamodian hamba minta pertoeloengannja Tang Dji Loija, tabib kapala dari roema sakit di sini, dari siapa sesoedanja di preksa hamba dapet ketrangan, bahoea Song Sie kena di serang penjakit poetoes djantoeng satoe penjakit berbahaja dari orang jang kena di langgar penjakit tersebeet, djarang sekali dapet di toeloeng djiwanja.-Begiloelah hamba poenja lapor harep doeli toeankoe mendapet taoe.”

Siapa poen tentoe tiada maoe mengarti, kaloe kabarken orang seger boeger mendadak mati, begitoe djoega telah kedjadian dengen Baginda Sin Tjong. Baek djoega Gie-soe Souw Toan ada ingetan minta pertoeloengannja tabib Tang, tjoba kaloe tiada nistjaja Baginda tiada nanti maoe pertjaja itoe perkara.

Baginda tiada berkata-kata dan tjoema keroetken alisnja, sasoedanja Souw Gie-soe laporken kematiannja Song Sie.

Sekarang Song Sie soeda mati, perkara Ko Teng Tjan di toedoe maoe berontak, sasoenggoenja ada sanget soeker boeat hakim ambil tindakan jang perloe.

Baginda Sin Tjong poen roepa-roepanja ada rasaken kasoekeran dalem ini perkara. la maoe panggil Ko Teng Tjan poelang ka kota radja, aken bri tegoran, dan bila perloe hoekoem djoega pada itoe Generaal dengen pegang tegoe pengadoeannja Song Sie jang soeda mati, tapi kwatir perboeatan itoe djadi tersesat, serta menjelakaken pada panggawa jang djoedjoer, jang senantiasa ada bersedia korbanken djiwanja boeat goena negri; maoe toenggoe, atawa tingggal diam dengen tiada bikin penegoran apa-apa, itoelah perboeatan alpa jang tiada ada ka doeanja. Kerna seande ia tinggal diam, kamodian bener-bener kedjadian itoe perkara chianat, tiadakah hal ini membikin posing kapalanja sendiri.

Semingkin dipikir semingkin bingoeng dan bertamba-tamba koesoet pikirannja; seoemoer Baginda baroe perna dapetken itoe kesangsian, jang membikin ia tiada bisa mengambil poetoesan, sala satoe mana dari itoe perkara jang lebi doeloe ia moesti sleseken.

„Sekarang Kokioe moendoer sadja doeloe.” begitoelah achir-achir Baginda kata pada Souw Giesoe. „dalem ini oeroesan kami merasa amat soeker, maka kami moesti minta pikiran pada brapa pembesar laen, jang sekarang djoega kami aken panggil marika itoe.”

Souw Gie-soe tiada bisa berboeat laen, dari pada toeroet prenta dan lantas berlaloe.

Bener djoega, satelah ini pembesar pergi Baginda laloe titaken satoe Taijkam pergi panggil Sie Long Boen Kim, Lu Kok Tjaij, Dji Lam Ong dan Po Kok Pong. Doea pembesar jang diseboet doeloean pembatja kenal ada ambtenaar jang bekerdja dalem bagian Civiel, samentara doeanja poela, jalah ada ambtenaar bagian militair.

Tatkala itoe aipat ambtenaar besar dateng mengadep, Baginda lantas silaken ia orang berdoedoek. Kamodian Baginda kata: „Jang membikin kami oendang Keng dateng disini, jalah boekan oeroesan laen, jaitoe dari hal Song Sie poenja oeroesan. Apa Keng sekalian soeda taoe, itoe pendakwa tadi pagi telah binasa dalem pendjara?” Sebagi djawaban marika soeda taoe, itoe ampat ambtenaar dengen berbareng pada memanggoet.

„Dalem ini oeroesan membikin kami merasa sanget bingoeng, kerna-bener sama tíadanja dari niatan Ko Kong soeda tiada ada itoe orang jang kita moesti tanja,” kata Baginda lebi djaoe „maka dari itoe, kami panggil Keng berampat, soepaja kita orang satoe sama laen boleh berloekar pikiran, djalan begimana jang moesti di ambil. Di sini kami ada doea pertanja'an jang sala satoe moesti di tetepken ja-itoe: kirim orang boeat bikin penjelidikan atawa djangan? Dan kami poen aken trima angkau sekalian poenja advis, soepaja ini perkara bisa di oeroes lekas.”

„Menoeroet hamba poenja pendapetan, biarpoen begimana djoega Ko Kong tiada aken mengan- doeng niatan jang begitoe matjem, kerna sebagitoe djaoe jang hamba taoe, ia ada sa- orang jang djoedjoer. Hatinja jang keras sebagi wadja, tiada nanti kena di pengaroein oleh gilang-goemilangnja pengaroenja harta dan kabesaran.” Kata Dji Lam Ong The Loija, jang pertama-tama mengasi dengen pikirannja. Aken tetapi, boeat tjega datengnja bahaja heibat, tiada djahatnja Baginda bri taoe pada seloeroe afdeeling dan residentie serta kota-kota, aken marika bikin persedia'an dan tegoeken masing-masing djanga'annja. Dengen berboeat begitoe gampang sekali kila mendapet taoe doedoeknja perkara jang betoel; dalem pengadoeannja Song Sie menerangken bahoea pergerakan itoe aken di moelai pada awalnja moesin Tjoen. Djadi kaloe sampe di itoe waktoe kaloe ada gerakan apa-apa, njatalah Song Sie poenja pengadoean tiada berharga boeat di perhatiken.”

„Lo Tjianswe poenja pikiran kita orang merasa moefaket sekali,” kata Sie Long Boen Kim dan Po Kok Kong dengen soeara berbareng, „betoel sebagi Tjianswe bilang, biarpoen begimana djoega Ko Teng Tjan tiada nanti mengandoeng niatan jang begitoe kedji.”

„Itoe pikiran betoel ada sampe bagoes,” kata Baginda. Kaloe seandenja bener Tin Kok Ong tiada mengandoeng niatan djelek, ini masi tiada kenapa. Tapi begimana kaloe bener? Tiadakah perboeatan lambat setjara itoe, sengadja kita antepin matjan toemboe sajap, toemboe gigi dan tadjemin tjalingnja boeat menerekem kita! Tiada itoe pikiran kami tiada bisa setoedjoe.”

Dji Lam Ong tjoba belaken voorstelnja. Lebi djaoe Sie Long Boen Kim dan Po Kok Kong poen toeroet ambil bagian dengen membela fihaknja Ko Teng Tjan.

„Toeankoe toeroetlah sebagimana The Tjianswe ampoenja pikiran,” kata Po Kok Kong, „kaloe Baginda trima hamba poen soeka menaro perdjandjian.” „Perdjandjian begimana?" Tanja Baginda Sin Tjong sambil pandang moekanja itoe pembesar. „Tjoba bilang perdjandjian apa, soepaja kami boleh ambil tindakan jang memoetoesken?"

„Begini:” saoet Po Kok Kong. „Baginda boleh menanti sampe diawalnja moesin Tjoen, kaloe sampe di itoe waktoe bener-bener Ko Teng Tjan dateng dengen niatan koerang baek, dengen senang hati hamba bertiga soeka trima hoekoeman ditabas kapala!......" sembari kata begitoe ia berpaling pada Dji Lam Ong dan Sie Long Boen Kim seraja menanja: „Setoedjoekah tiada dengen akoe poenja pikiran begitoe, toean-toean?”

„Demi Allah dan sekalian rasoel! Kita orang moefakat betoel!” seroe itoe doea ambtenaar dengen swara jang ampir bareng kadengerannja.

Dengen mata jang ampir tiada berkesip Baginda pandang moekanja Po Kok Kong, ini kapala pamerenta sebagi tiada ada poenja perkataän aken mamoetoesken permintaänja itoe pembesar, dengen ia poenja tanggoengan jang boekan enteng.

Di itoe sa‘at jang penting bagi dirinja, Lu Kok Tjaij jang dari tadi tinggal diam tiada toeroet bitjara apa-apa itoe waktoe dengen tersenjoem oeroeng lantas berkata: „Dji Lam Ong, Po Kok Kong dan Boen Kokioe poenja kahendak sasoenggoenja ada mengoendjoek, bahoea Sam-wie masing-masing ada orang jang bersetia dan sajang pada panglima jang begiloe gaga perkara, sebagi Tin Kok Ong. Aken tetapi, djoestroe lantaran terlaloe toea kapertjajaän dan mengilonin, hal itoe bisa menerbitken kakliroean dan katjilakaan pada diri sendiri. Saperti djoega toean-toean bertiga, akoe poen boekan kenal baroe sama itoe panglima besar, dan kliroe sekali kaloe orang bilang: akoe tiada oe ia poenja jasa-djasa jang penting bagi negri."

„Ja, bitjara teroes, Sinsiang, „kata Baginda tempo ini mantri keparat bitjara sampe di sitoe, „kasilah dengen kau poenja pikiran, soepaja ini oeroesan tiada mengambil banjak tempo.”

„Sekali-kali hamba boekan maoe mengoetaraken pikiran, tapi kaloe hamba soeda berkata begitoe, adalah sakedar boeat membetoelken kakliroean jeng diterbitken oleh tiga kawan sadjabat ini:” djawab ini dorna jang memang sanget pande maen komedi: „Sekarang. biarlah Baginda idjinken aken hamba bitjara pada marika."

Sablonnja Baginda sempet berkata-kata, ini djahanam hadepken moekanja pada Po Kok Kong dan jang laen-laen, orang jang mana sekarang ia dapet kanjataän: ada mendjadi rintangan jang aken menghalangken ia poenja kahendak.

„Dengerlah, Som-wie Hiankoan,“ begitoelah ini dorna berta lebi djaoe: „Akoe ini sekali-kali boekan djadi orang penoendjangnja Song Sie, atawa diam-diam maoe bantoe mengeniaja Tin Kok Ong. Akoe mengetahoei, jang membikin Sam-wie mengelonin pada Ko Kong, sebab ia itoe pembesar jang berhati djoedjoer. Inilah memang boekan anggepan jang djarang terdjadi, hanja soeda loemranja sobat melindoengin sobat. Tapi akoe bilang itoelah ada doega'an dan pemandangan dari laen, jang sasoenggoenja moesti di djaoeken dari soeal oeroesan negri jang sanget penting. Aer di laoet begimana dalem orang masi bisa djakdjakin, tetapi orang poenja hati soeker bisa di liat; djangan poela laen orang, soedara sendiri orang tiada bole pertjaja abis. Lagi moesti di inget, zonder ada angin tiada nanti bisa bikin aer di lapetan djadi berombak. Mengartikah dengen akoe poenja peroepama'an itoe? Dan, dengerlah lebi djaoe; antara kita orang dan Ko Kong, kemari'in soeda berpisahan bilang blas taon lamanja, djadi kita orang tiada taoe lagi begimana ia-poenja keada'an, masi tinggal seperti doeloe apa soeda beroba. Sekarang orang madjoeken pengadoean jang Tin Kok Ong dengen bersariket pada Pak An Ong maoe terbitken pembrontakan. Apa kita moesti bikin dan berboeat dalem ini oeroesan, satoe perkara jang haroes di bilang penting dan ada djadi djoega 1 perkara jang aken meroesakin prikeamanan negri ?“

Tobel! di itoe tempo, setaoe dari mana si dorna soeda dapet koempoel begitoe banjak perkata'an, sampe itoe waktoe dirinja djadi sebagi toekang Jon-swat jang loetjoe, hingga boekan sadja itoe tiga ambtenaar, pada siapa perkata'an-perkata'an itoe di toedjoeken, poen Baginda Sin Tjong kaliatan tiada djadi bosen mendenger obrolannja si toea bangka keparat, jang sedeng maenken moeslihatnja jang kedji.

Kamodian ia dongeng lebi djaoe: Toeroet akoe poenja pikiran, itoe wartajang menjangsiken, sebab blon ada laen ketrangan, terlaloe pertjaja djangan, terlaloe tiada pertjaja poen traboleh: tetapi lantaran menginget hal itoe ada sanget penting bagi oeroesan negri, selaennja tiada boleh di tinggal diam hanja moesti di ambil tindakan jang perloe. Seperti Sam-wie poenja voorstel dengen di hatoerken tanggoengan jang begitoe berat, inilah boleh membikin terlantar oeroesan besar. Masi boleh di bilang beroentoeng kaloe bener Tin Kok Ong tiada mengandoeng niatan hianat, tapi begimana kaloe sampe di awalnja moesin Tjoen la dateng dengen pedang terhoenoes. Tiadalah hal itoe sanget tjilaka? Itoe tempo boekan sadja negri moesti kahilangan tiga pembesar jang arif sebagi toean-toean, djoega saloe pertanja'an, begimana orang moesti menangkis dan moendoerken tentaranja itoe kaoem: pembrontak, jang tentoe sadja boekan ketjil djoemblanja? Sekarang Song Sie soeda mati, tapi ia poenja dakwa'an masi tinggal idoep, sabegitoe lama ini di tinggal diam, sabegitoe lama djoega itoe perkara aken. mendjadi soeal jang penting dalem hikajat negri.-Begitoelah adanja akoe poenja pikiran jang tjoepet."

Lu Kok Tjaij poenja pembitjaraän begitoe menarik hati, ia poenja sasoeatoe omongan ada diberikoetken djoega alesan-slesan jang bagoes, hingga membikin orang pertjaja, bahoea pembitjaraännja itoe soeda kaloear dari hati jang toeloes. Padahal itoe ada mengandoeng pikiran serong, aken kaoentoengan dirinja sendiri. Dji Lam Ong dan doea kawan sariketnja sebagi pembela dari Tin Kok Ong, maoe tiada maoe soeda menjataken setoedjoe dengen pikirannja itoe dorna. „Njatalah Sinsiang ada poenja pikiran lebi sampoerna dari kita," demikianlah katanja marika itoe, ,kita orang moefaket sekali dengen itoe pembitjaraän.”

Tapi Baginda kaliatan seperti orang blon mengarti: la menegesin lebi djaoe seraja katanja: „Sinsiang poenja omongan ada begitoe pandjang, membikin kami merasa bingoeng begimana moesti diambil poetoesan. Sekarang katalah dengen ringkes, maksoed jang bener dari perkata'an itoe.”

„Hamba poenja pikiran begini:” saoet si dorna, kirim Sengtji panggil Ko Kong poelang djangan, kirim orang boeat bikin penjelidiken poen tiada boleh. Tin Kok Ong poenja maksoed maksoed sebagimana jang ditoedoe, sebagian besar masi boleh dipandang perkara kosong, maka kaloe Baginda kirim orang boeat bikin penjelidiken, atawa mendadak-dadak kirim farman panggil ia poelang, ini hal bisa membikin orang timboel rasa tjoeriga. Dalem ini soepaja tiada bikin gontjang orang poenja hati, paling baek Baginda kirim satoe orang boeat wakilken Ko Kong poenja kadoedoekan dan panggil ia poelang dengen setjara jang paling baek. Inilah ada djalan satoe-satoenja jang hamba pikir paling sampoerna. Nanti kaloe soeda sampe di sini, Baginda boleh seraken Ko Kong dalem tangannja Souw Gie-soe; itoe pembesar dari Kim le Wie ada sebagi malaekat idoep, jang pande menerangken sasoeatoe perkara soeker. Sebagimana hamba soeda bilang, Ko Kong poenja kahendak masi blon boleh dipastiken; seande pepreksa'an bener-bener la ada mengandoeng niatan djahat, Baginda boleh poetoesken, hoekoeman apa moesti ditrima, samentara kaloe hal itoe tjoema pitenaän sadja, orang toch tiada boleh menjesel, kerna sebagi kapala pamerenta jang perloe moesti melindoengken keslametan negri, perloe moesti diambil atoeran begitoe.”

Dengen obrolannja si dorna, Baginda poen soeda kena kapintjoek, atawa lebi gampang dibilang sadja: soeda menjataken setoedjoe dengen pikirannja Kok Tjaij.

Itoe hari djoega Baginda lantas panggil Leng Po dan Tong Pit Taijkam Haij Tjeng. Orang jang pertama diwadjibken djadi wakil dari kadoedoekannja Ko Teng Tjan di kota Gan Boen Koan, samentara jang ka doea sebagi oetoesan Baginda Keizer, dengen membawa djoega Beslud radja. Lebi djaoe pada ini oetoesan diwadjibken boeat tjari ketrangan: dari sebab apa Song Sie lari dari kota Gan Boen Koan dan tjari taoe, apa bener Ko Teng Tjan ada mengandeeng niatan jang berbahaja pada negri, serta laen-laen oeroesan jang berhoeboeng sama itoe perkara.

Pada pembatja kita adjar kenal, Leng Po itoe ada orang kapartjajaännja Leng Tjo, begitoe djoega Tong Pit Taijkam Haij Tjeng. Djadi sekarang njata bagi kita, itoe doea orang jang dioetoes oleh Baginda Sin Tjong ada djadi kawannja Lu Kok Tjaij, jang tentoe sadja nanti bekerdja lebi banjak boeat partijnja dari pada Ko Kong.

Diambil ringkesnja sadja, sasoedanja djalan brapa hari lamanja itoe doea orang telah sampe di kota Gan Boen Koan di mana marika di samboet. oleh Ko Teng Tjan dan sekalian penggawanja dengen setjara hormat.

Ia orang berkoempoel dalem gedonguja Ko Goan- swe. Lebi djaoe Ko Kong laloe atoer medja hio-to, mana dengen berloetoet dan menjataken keslametan dan kahormatannja sadja, ia mendengerin ferman dibatja. Beginilah boenjinja:—

„

Di sampeken”
pada KO KENG TIN KOK ONG
di kota
Gan Boen Koan.
Satrimanja ini soerat harep Keng tiada djadi kaget atawa merasa apa-apa. Trimakenlah kau poenja tjap kabesaran sebagi Generaal dan laen-laen tanda atas kekwasaänmoe di kota Gan Boen Koan pada wakil jang di tetepken oleh kami, sedeng Keng ini hari atawa esok boleh poelang ka kota radja.

Maksoed teroetama maka kami panggil Keng poelang, sebab ada oeroesan penting jang maoe di bitjaraken, laen dari itoe kami ingin bertemoe

dari kami:
„Sin Tjong Hongte.“

Setelah ferman soeda di batja, Ko Kong lantas memanggoet tiga kali, dan itoe sa'at djoega ia seraken semoea kabesarannja pada orang jang wadjib trima.

Malemnja di bikin perdjamoean makan, Ko Kong hormatken itoe doea orang sebagimana pantes.

Sampe djaoe malem baroe itoe perdjamoean brenti. Pada malem terseboet, orang-orangnja Ko Kong kliatan bekerdja keras benaken ini dan itoe, ja itoe apa-apa jang perloe di bawa dalem perdjalanan toeannja. Teroetama The An Gin, itoe generaal poenja pengikoet jang setia; ia bikin bresi sela dan laen-laen perabot toenggang koeda, sedeng koeda toenggang jang perloe di pake, soeda di kombong seantero malem.

Esoknja segala apa soeda sedia. Sasoedanja menghatoerken slamat tinggal pada pembesar jang menggantiken pakerdja’annja, bersama oetoesan radja Ko Kong brangkat djalan. Ampir semoea ponggawa dan soldadoe di Gan Boen Koan koetjoerken aer mata tempo liat generaal pergi. Kasedian jang di rasa oleh marika itoe, adalah kasedian jang paling soetji; ia orang taoe Ko Kong ada sa-orang baek, jang sebegitoe lama soeda memimpin marika dengen kewadjiban dan kebedjikan jang tiada watesnja. Sekarang dengen mendadak itoe pembesar jang baek di panggil poelang, begimanatah hatinja tiada maoe djadi piloe dan toempaken aer mata. Apa lagi kaloe di inget pembesar jang mewakilken blon di kenal baek atawa tiada dan bisa mengoeroes seperti marika poenja toean jang lama atawa tiada.

Begitoe poen rahajat negri merasa kailangan, seperti anak kailangan bapa, berhoeboeng dengen berangkatnja Ko Kong. la orang bertjampoeran sama koempoelan soldadoe toeroet pergi menganter, jang sampe brapa blas paal baroe kombali. Pelahan-pelahan Ko Kong dan pengikoetnja telah meninggalken kota Gan Boen Koan, semingkin lama ia-orang berdjalan djadi semingkin djaoe, sampe achirnja itoe kota, di mana sakean taon lamanja Ko Kong mendekem linjap dari pemandangan matanja orang.

Di sini tiada loepeet kita menerangken, bahoea sedari brapa blas taon jang laloe keada’annja Ko Kong soeda berbeda djaoe dari pada waktoe masi moedanja. Doeloe ia ada sa-orang bangsawan moeda jang tjakep, jang namanja ada mendjadi boea toetoer dan roepanja ada mendjadi kangenan gadis-gagis ellok, hingga banjak antaranja anak-anak prawan yang tergila pada itoe orang moeda.

Tapi sékarang itoe roepa jang gilang- goemilang jang di tjipta oleh toean:jang Maha soetji soeda beroba, tiada lagi seperti doeloe. Sekarang ia soeda djadi pa toea, jang soeda masoek oemoer ampat poeloe sembilan taon; ramboetnja jang doeloe bewarna item moeloes, koemis djarang, tapi pantes, itoe tempo soeda djadi beroba poeti, seperti roépanja kembang alang-alang. Koelit moekanja jang pada masa moeda ada begitoe aloes dan poeti, sekarang soeda djadi kisoet dan terdapet tanda titik-titik item, sebagimana roepanja orang jang soeda masoek oesia tinggi. Dari koelit moekanja jang pejot, ada kaliatan sorot poetjet dari tanda-tanda doeka jang seperti soeda tergenggem sekean lamanja.

Kaloe di bilang Ko Kong sering di hinggapi banjak kadoeka'an, ini perkata'an sedikit poen tiada sala. Sedari masi oesia renda ia soeda moesti kenalken dirinja sebagi orang millitair; tiga poeloe toedjoe taon ia meninggalken kampoeng dan roema tangganja, tiada satoe sa'at ia tiada inget pada sanak dan kaoem kaloearganja, begitoe djoega tiada sesa'at ia loepaken oeroes-oeroesan negri dan kewadjiban atas dirinja jang boekan ketjil. Boekan dari sebab takoet, boekan dari sebab tjape jang membikin Ko Kong berdoeka atawa djengkel, hanja dari itoe doea pikiran jang terbenam sakean lama dalem hatinja.

Dalem begitoe banjak taon jang telah liwat, baroelah ini sekali Ko Kong di panggil poelang, ini generaal poen ada merasa girang dan bisalah hiboerken hati, bahoea seabisnja beroeroesan sama Baginda, ia maoe tengok kaoem kaloewarga dan sobat andenja.

Sepandjang djalan jang di liwatken, ampir tiada soedanja Ko Kong pentang mata memandang ka koeliling tempat. la dapet kenjata'an, sebagian kampoeng-kampoeng jang doeloe soeda djadi beroba: pemandangan jang doeloe, seperti kampoeng atawa roema masi djelek, sekarang soeda djadi bagoes, tapi djoega pemandangan itoe tiada koerang ada jang djadi lebi boeroek dan abis sama sekali.

Ini peroba’an alam jang ada terhadep di depan mata, soeda membikin Ko Kong dapet inget ia poenja pengidoepan jang doeloe-doeloe. Koenjoeng- koenjoeng matanja mengoetjoer aer, membasaken tangannja, jang mamegang les terbikin dari pada benang soetra jang bewarna.

Perdjalanan ini di lakoeken tjepet djoega, kerna doea hari kamodian marika telah sampe di wates tananja kota radja.

Tatkalah berdjalan poela sedikit djaoe dan melintas pada satoe djalanan aken liwat di Sin Jong, koetika itoe The An Gin lariken koedanja ka hadepan Ko Kong. Dengen heran ia menanja; „Tjianswe, kenapatah ambil djalan ini? Itoe djalanan di sebla Oetara masi tinggal baek. Liwat tiada brapa paal soeda lantas sampe di Kie Lin Tjhung. Oh Tjianswe, akoe ingin sekall bisa lantas sampe di sana, tentoe djoega semoea orang nanti merasa sanget beroentoeng dan girang, apabila liat Tjianswe poelang.”

Sedeng kata begitoe, matanja ini pengikoet selaloe mengintjer ka satoe djoeroesan, di mana gedong toeannja ada terletak.

„Oh, itoelah traboleh, Gin,” kata Ke Kong sambil goleng kapalania. „Akoe poenja kainginan, soepaja bisa lantas mengindjek pelataran depan gedongkoe, inilah brangkali ada lebi besar dari pada angkau. Akoe poenja balik ka kota radja boekan boeat soeka-soeka, hanja menoeroet beslult dari Baginda radia, maka seblonnja pada jang dipertoean, tjara begimana akoe brani poelang lebi doeloe? Apa kau tiada perna denger hikajainja le Ong? Sembilan taon lamanja ia bersengsara dalem pakerdjaän menolak bahaja bandjir, jang menjelakai ladang-ladang dan djiwanja rahajat; selama itoe, tiga kali ia mengindjek kampoeng dan liwat di depan roemahnja, tapi sebab ada di dalem dienst, sasaät poen ia tiada brani mampir atawa melangkain pintoe roemah. Kita orang, sekali tiada toeroet perboeatannja itoe orang mnoelia, sedikit kita moesti mengarti dan hargaken prentanja jang dipertoean, dan ini ada satoe tjonte dan nasehat~ baek boeat angkau, Gin.”

Mendenger begitoe, An Gin tiada brani berkata-kata lagi, hanja lantas moendoer dan djalan di blakangnja Ko Kong seperti tadi.

Sekarang, soepaja hal ini tiada mengambil banjak tempo, maka kita ambil ringkesnja, sadja, jaitoe sasoedanja berdjalan bilang blas hari lamanja dengen meliatin kota-kota, district-district dan banjak kampoeng, betoel diawalnja moesin Tang ia orang telah sampe di kota radja dengen tiada koerang soeatoe apa-apa.

Djoestroe sampenja marika di sana masi pagi hari, maka sasoedanja prenta ia poenja pengikoet bawa barang-barang bawaännja ka gedong Jo Hoe, bersama oetoesan radja Ko Kong sigra pergika | astana, aken berdjoempa pada Sri Baginda. Kabetoelan itoe koetika Baginda Sin Tjong ada di kratoon Tjiauw Jang, maka tempo pengawal astana bri taoe Tong Pit Taijkam bersama Tin Kok Ong ada menoenggoe panggilan, Baginda lantas bri prenta Tong Pit dateng mengadep lebi doeloe.

Sigra djoega itoe Taijkam telah dateng berdjoempa, koetika Baginda menanja perdjalanan, sebagi pembesar jang biasa bermoeka-moeka, ia djawab: „Baginda poenja prenta hamba soeda lakoeken sebagimiana moesti, sekarang Tin Kok On ada menoenggoe di laen astana.”

„Tapi begimana dengen kau poenja penjelidikan tentang halnja Song Sie?” tanja Baginda. „Dan apa kau dapetken sebabnja, lantaran apa itoe orang soeda berlaloe dari kota Gan Buen Koan?”

„lni poen hamba soeda dapet katerang, ketrangan dari sa-orane jang bole di pertjaja betoel,” saoet poela ini menoesia kedji, jang dengen sasoeatoe omongannja, semoea ada menindi atas dirinja Ko Kong jang sedeng di tjoerigaken. „Betoel, semoea orang tace, Song Sie itoe ada soldadoe koeda di kota Gan Boen Koan, tapi sebegitoe djaoe jang hamba soeda dapet ketrangan, tiada sa-orang dapet taoe apa sebab Song Sie soeda berlaloe dari sana, dan lagi perginja poen dengen tjara jang diam-diam.“

Mendenger begitoe Baginda Sin Tjong keroetken alisnja, samentara si doerdjana dengen perkata'an mengobor tercesken asoetanoja: „Hamba liat, sasoenggoenja gerak-gerakan dan kelakoeannja Tin Kok Ong ada sanget menjoerigaken; tempo di batjaken firman, sekalipoen dalem itoe tiada di toelis apa-apa, tapi maekanja djadi begitoe poetjet, sedeng di sepandjang djalan tiada brentinja ia menarik napas. Laen ketrangan lagi jang hamba dapet ja-itoe paling sering ia mengoendang Pak An Ong dateng di gedongnja, dan kelakoean ini sekalipoen di lakoeken tjara resia, tiada oeroeng soeda dapet di ketahoei oleh orang banjak, pendoedock negri dan penggawe-penggawe di sana.”

Pembatja tentoe mengarti, kaloe itoe itoe bebrapa katrangan jang di hatoerken pada Baginda oleh itoe orang kabiri, ada omongan jang di isep dari djempolnja sendiri! Atawa kaloe boekan begitoe tentoe djoega soeda di adjar oleh Leng Tjo-Lu Kok Tjaij, jang memang ada kambratnja djoega!

Taro bener perkara itoe ada kedjadian dan taro lagi betoel itoe menoesia doerhaka tjari katrangan, tapi toch tiada boleh djadi kaloe oeroesan jang begitoe penting soeda dapet katrangan begitoe lengkep dan paling bole di pertjaja dengen satoe maleman sadja! Di atas telah di terangken, Ini oetoesan tjoema tinggal satoe malem, besoknja bersama Ko Kong soeda berlaloe lagi dari kota Gan Boen Koan.

Dan Baginda Sin Tjong roepa-roepanja djoega soeda kena dipengaroein oleh itoe menoesia dorhaka, kerna ia soeda lantas pertjaja sadja semoea omongannja Tong Pit Taijkam, dengen tiada dipikir atawa tjari ales alesan jang tegoe, apa kabar jang diwartaken ada berharga atawa tiada boeat dipertjaja.

„Kaloe diliat begitoe, soeda tiada bisa disangkal lagi sasoenggoenja Ko Kong ada mengandoeng niatan jang berbahaja!” kata Baginda dengen perka taän jang mengataken moerkanja. „Pertjoema- tjoema dia orang djadi famillienja Keizer, sajang-sajang ia kaloearken tenaga boeat goenan egri, kaloe dengen meliat sedikit kamoeliaan sadja hati- nja soeda lantas berbalik! Oh, Ko Teng Tjan, Ko Teng Tjan! Sabegiloe lama kami pandang angkau sebagi panglima negri jang berderadjat moelia, sabegitoe lama kami indaken kau poenja kabedjikan jang tiada berwates, tapi sekarang, itoe kahormatan dan kaperijajaän jang kami taro alas poendakmoe, kau soeda bikin loemer dan moesna sama sekali! Ini tempo, boeat gantinja itoe šemoea, boekan laen, kami pandang kau sebagi persakitan jang berhianat pada negri!”

Tatkalah Baginda Sin Tjong menjataken kanja, itoe koetika Permisoeri Souw dan Boen doea-doea ada di sitoe, tapi ini doea njonja agoeng tiada bisa berkoeat apa-apa, maoepoen dengen roepanja perkataän aken menoeloeng pada Ko Teng Tjan, jang sedeng dibikin sebagi barang tiada harganja oleh kambratnja dorna. lni njonja-njonja seperti merasa tahoe dan moeloetnja sebagi terkantjing boeat kasi denger swaranja.

Sedeng begitoe, ini kambrat dorna tiada bikin ilang waktoe jang baek, tegesnja ia tiada bekerdja tanggoeng-tanggoeng. Begitoelah, tempo liat dengen perkataan pemoeda Baginda soeda kena diobor, tiada bosen ia bikin itoe api djadi menjala lebi besar, dengen berikoelin poela asoet-asoetan jang sanget kedji.

Tiada oesa heran kaloe orang jang diasoet djadi semingkin besar maranja. Di itoe sa'at djoega Baginda lantas panggil Leng Tjo dateng mengadep. Tempo baroe sadja ini orang kabiri sampe, Baginda Sin Tjong lantas kata: „Ko Teng Tjan sekarang ada di loear astara; bawalah ini kami poenja soerat poetoesan dan baijaken di hadepannja, kamodian bawa itoe orang ka kantoor Kim le Wie pada Souw Gie-soe, sedeng angkau djoega boleh toeroet hadlir bersama-sama hakim, serta preksa itoe perkara lebi djaoe."

Perkata'an Baginda di atas. soeda membikin hatinja itoe Permisoeri djadi sanget kaget. Tapi ia-orang tjoema dapet pengrasa'an kaget dan koeatir sadja, sedeng boeat membela sebegitoe djaoe ternjata tiada ada.

Seabisnja membri prenta begitoe, Baginda laloe seraken satoe soerat di tangannja Leng Tjo, jang satelah trima itoe soerat ini derna bersama Haij Tjeng, dan mengadjak djoega sadjoembla tentara Gie Lim Koen, sigra kaloear dari astana.

Ko Kong masi menoenggoe di tempat tadi, seperti pada waktoe Taljkam jang menganter ia di panggil masoek. Bermoela di doega salekasnja ia nanti di silaken masoek, maka saban denger tindakan orang ia kira ada soeroeannja Baginda, tapi saban saban ia djadi katjele, kerna orang itoe liwat-liwat sadja, sedikit djoega tiada ambil perdoeli padanja. Satoe kali boekan, doea kali boekan, achirnja sampe kesel menoengoe blon ada jang dateng panggil padanja, hingga membikin Ko Kong tiada abis mengarti.

Tjoba kaloe itoe tempo ini orang bangsawan bole dapet masoek, ia tentoe aken pergokin itoe menoesia doerhaka jang sedeng mengasoetken dirinja.

Sebab merasa pegel, dengen gendong doea tangannja kablakang moendar-mandir di serambi depan astana; tetapi tiada lama dari itoe koenjoeng-koenjoeng kadengeran banjak swara tindakan orang mendatengin. Ko Kong lantas menoleh dan sigra dapet liat Leng Tjo dan Haij Tjeng bersama brapa tentara Gle Lim Koen baroe kaloear dari pintoė di samping sebla kiri.

Dengen heran dan tiada abis mengarti Ko Kong menanti datengnja marika dengen sabar. Sigra djoega itoe doea menoesia kedji soeda ada di hadepannja, dengen kasi liat kelakoeannja jang menghina.

„Ko Kong denger," kata Leng Tjo sembari boeka soerat jang ada di tangannja, „di sini ada soerat poetoesan dari Baginda Keizer."

Hatinja ini orang bangsawan djadi lebi heran. la boeroe-boeroe tekoek toetoetnja dengen memanggoet tiga kali. Leng Tjo lantas membatja :―

„Berhoeboeng dengen pengadoeannja Song Sie soldadoe koeda jang bakerdja di kota Gan Boen Koan, maka pada Ko Teng Tjan moesti di hadepken pada pengadilan Kim le Wie, boeat di denger pengakoeannja atas ia-orang poenja maksoed maksoed boeat terbitken pembrontakan.

Ini poetoesan moesti lantas di djalanken. Sin Tjong Hongtel"

Sampe di itoe waktos ibarat matjan soeda ada di depan mata, baroelah Ko Kong mendoesin, bahoea dirinja soeda diasoei oleh Song Sie, jang soeda lari dari tempat pakerdjaän dengen membawa kasalaän; dan ia baroe mengarti djoega, jang berhoeboeng dengen ia poenja dipanggil poelang, tentoe boekan laen perkara dari pada itoe sadja.

Laen dari pikiran di atas, ini orang bangsawan soeda tiada sempet pikir laen perkara lagi, oleti kerna Leng Tjo soeda membri prenta soldadoe astana tangkep padanja. Lantas djoega Ko Kong soeda digoedjeng oleh brapa soldadoe jang dengen kelakoean djoemawa dan sedikit poen tiada mengindaken, boeka pakeannja ini Generaal, sedeng tangannja dimasoekin dalem borgolan.

Maski dirinja diperboeat begitoe matjem dan ditoedoe dalem oeroesan jang demikian boesoek, sedikit poen paraseja ini orang bangsawan tiada beroba poetjet atawa takoet, hauja tinggal sabiasa sadja.

Tiada berselang djam di waktoe mana Ko Kong ditangkep sigra djoega ini orang bangsawan dengen pake pakean persakitan di bawa ka kantoor Kim le Wie. Leng Tjo masoek lebi doeloe, kamodian ini orang doerhaka soeda doedoek berendeng sama Souw Gie-soe, sebagi hakim jang preksa ini perkara.

Ko Kong lantas dihadepan ka depan pengadilan, dengen diapit di kiri kanan sama doea tentara astana Tim Kok Ong laloe berloetoet sebagimana biasanja satoe persakitan.

Di itoe tempo, ampir-ampir sadja Souw Gie-soe tiada dapet mengenali pada ini orang bangsawan. oleh kerna roepa dan paras moekanja soeda beroba begiloe banjak. Menginget, begimana Ko Kong itoe seeda blasan taon memboeang tenaga boeat goena negri, sampe kamodian boeat itoe semoea ia dapetken gelaran jang begitoe moelia, ini pembesar djadi mengela napas, hakim begimana ini orang besar soeda di bikin sebagi persakitan dari lantaran penoedoean jang boekan-boekan.

Aken tetapi, sebagi hakim jang di wadjibken preksa ini perkara, Souw Gie-soe merasa perloe aken ambil tindakan atas ia poenja kewadjiban. Tapi diam-diam hatinja meminta dan berdo'a, soepaja ini orang bangsawan bisa dapetken penjaoetan serta oendjoek boekti-boekti jang paling terang, agar dirinja bisa terbebas dari segala toedoean. Djoega ia mengharep, soepaja itoe generaal poenja pikiran dan tiada djadi djenga kaloe sebagi hakim ia haroes bikin pepreksa'an sebagimana patoet, tiada pandang sanak soedara atawa sobat ande.

Pepreksaa'n lantas di moelai: „Sepandjang apa jang soeda berdjalan njatalah haroes di bilang Ko Kong ada sala satoe ponggawa jang paling troetama dalem karadjaän," begitoelah Souw Gie-soe moelai dengen perkata'annja. „Bilang blas taon lamanja kau beroembang-ambing dalem doenia peprángan; berpoeloe dan bratoes bahaja maoet selama itoe kau hadepin, tapi itoe semoea soeda dapet di singkirken, sedeng pakerdja'an besar jang di serahken dalem tanganmoe, seanteronja telah dapet di seleseken dengen sampoerna. Soenggoe djarang terdapet sa-orang ponggawa jang begitoe besar djasanja pada negri, sampe dapet gelaran jang begitoe moelia, selaennja Ko Kong sendiri. Tapi sajang sekali, itoe kamoelia'an jang kau dapet dengen tjara mengadoe djiwa, melawan berbagi-bagi bahaja dan kasengsara'an, ini tempo kau soeda bikin roesak dan ilangken kaperijaja'an sendiri! Orang toedoe Ko Kang telah bersariket sama Pak An Ong, aken sama sama menjerang negri karadja'an Song, apa betoel? Song Sie, begitoe perloe soeda dateng kemari: ia menerangken, ia taoe semoea dari kau poenja perhoeboengan dari Pak An Ong, dan laen-laen sifat jang menggenggem niatan hianat. Atas itoe semoea toedoean, akoe silaken Ko Kong bikin pembela'an dan barangkali bisa menerangken, bahoea Song Sie poenja pengadoean ada mengandoeng satoe alawa laen sebab jang membikin ia sampe berboeat begitoe roepa."

„Boeat ini perkara, akoe tiada bisa menerangken laen dari pada apa jang sabenernja soeda terdjadi, menjaoet Ko Kong. „Djika Taijdjin maoe taoe dari hal Song Sie beginilah: Orang itoe ada akoe poenja sala satoe soldadoe koeda, ia soeda boeron dari pakerdja'an sebab takoet dapet hoekoeman, kerna ia telah bikin ilang 2 koeda jang diprenta ia djaga. Dari hal akoe di toedoe bikin persariketan dan hendak berhianat, ini akoe sangkal keras; akoe silaken Taijdjin hadepken itoe si penoedoe dan tanja dengen alesan dan boekti apa ia menerka akoe tjara begitoe!".

Boeroe sadja Souw Gie soe maoe berkata apa-apa atas djawabannja Ko Kong, dengen tertawa tengal Leng Tjo soeda doeloeken berkata: „Akoe ini, sekalipoen boekan mendjadi hakim, tapi atas perkenan Baginda, akoe ada dibri hak boeat basta sasoeatoe pengakoean jang tiada bener dari persakitan. Tentang Song Sie soeda bikin ilang koeda, minggat dan tinggalken pakerdjaän, ini toch ada perboeatan jang tiada bagoes, satoe kadosaän jang haroes dibri hoekoeman. Tapi, sedeng moestinja diambil atoeran jang begitoe mengapa Ko Kong tinggal diam sadja? Kenapa tiada siarken soerat pembrian tace pada sekalian pembesar dan politie di semoea tempat, minta marika poenja bantoean dan tangkep itoe pelari, bila ada dalem bilangannja? Ini kelakoean maen ,diam" sadja, soenggoe-soenggoe bikin akoe tiada abis mengarti! dan bila Ko Kong soeda bilang begitoe biarlah sekarang, dengen tiada membikin kaberatan, kau akoe minta menoetoerken dari lantaran begimana maka minggatnja Song Sie tiada dioewarken?"

Seabisnja menanja begitoe, ini orang doerhaka pandang moekanja Tin Kok Ong dengen kelakean angkoe, hingga bikin mendongkol hatinja Souw Gie-soe, jang menjaksiken tingkanja itoe orang kabiri: Mengingei jang orang itoe dioetoes oleh Baginda, maka pembesar kila tinggal saban, sekalipoen hal itoe ada melawan kahandak hatinja.

Kamodian itoe menoesia kedji manggoat², sepert lakoe orang jang kesampean maksoednja, koetika liat dengen ia poenja pertanjaan Ko Teng Tjan berdiam sadja sembari toendoekin kapalanja. —Ia kira Ko Kong soeda kena kapintjoek!

Memang bener tempo ditanja begitoe Ko Kong berdiam sadja. la berkelakoean begitoe sekali-kali boekan berarti ia kena dilibet atawa kapintjoek dengen perkataannja itoe djahanam, hanja mendadak ia dapet pikir satoe perkara, ia-itoe sedeng ia poenja taoe apa jane diperboeat ada kebaekan pada sesamanja, tapi tiada doega hal ini djadi membahaijaken dan seperti ambil tali, kasi laen orang iket tangannja sendiri.

Apa jang ia pikir, adalah halnja Song Si. Ia inget, tempo hari, koetika temen-temennja itoe pengangon poelang dan britaoe, dari hal kawar itoe soeda bikin ilang doea koedanja dalem waktoe bahaja angin riboet, serta britaoe djoega itoe doea binatang jang ilang lagi ditjari, perkara ini Ko Kong tiada bikin riboet apa-apa, djoega tiada prenta laen orang menjoesoel, hanja menoenggoe dan ambil pikiran, brangkali dalem doea atawa tiga hari Song Sie nanti poelang kombali ka kota dengen soeda dapet tjari koedanja jang ilang. Aken tetapi, satelah sampe pada hari jang didoega poelang blon djoega Song Sie kallalan mata idoengnja Ko Kong lantas mendoega bole djadi orang itoe liada dapet tjari koedanja dan sebab slempang di djatoken hoekoeman, maka ia melarikan diri ka laen tempat. Itoe tempo la poen dapet inget dan ada pikiran boeat ijari pada Song Sie, tapi kahendak itoe soeda lantas di oeroengken, oleh kerna ini generaal jang baek boedi inger Song Sie soeda bekerdja lama selaloe toeroet prenta, maka ia tiada tega boeat tangkep atawa hoekoem boenoe padanja.

Maski begitoe ini pembesar tiada djadi poetoes pengharepan. Ia meneenggoe lagi sampe brapa hari lamanja, tapi satelah soeda brapa hari ditoenggee, orang jang di harep blon djoega kliatan peelang, maka Ko Kong djoega tiada tarik pandjang itoe perkara. - Tapi, djoestroe itoe perkara jang soeda bikin dirinja mendapet tjilaka. Apa jang ia soeda berboeat jalah ada satoe kebaekan pada sesamanja, tapi tiada njana ada machloeknja Allah jang begitoe hina, bales orang poenja kebaekan dengen kadjahatan.

Hal inilah jang soeda bikin Ko Kong tinggal diam sadja tempo Leng Tjo madjoeken pertanja'annja; tetapi tiada lama dari itoe waktoe; ia-poen lantas toetoerken apa jang kedjadian atas pakerja'annja Song Sie, apa jang ia soeda ambil poetoesan dalem itoe perkara.

„Ha, ha, ha! itoelah perboeatan jang kliroe, kliroe betoel-betoe!“ Leng Tjo oelangken itoe perketa’an di berikoetin djoega sama ia poenja ketawa, jang mengoendjoek terang menghinanja.

„Heran soenggoe,” begitoe ia kata lebi djaoe, „betoel-betoel akoe djadi heran, kenapa satoe generaal bolehnja berlakoe begitoe alpa! Boaet oeroesan begitoe ketjil sadja tiada bisa membikin beres, tjara begimana kau bisa bikin toendoek itoe riboean laskar prang atas ka poenja prenta? Achirnja akoe bilang, dan kau djangan goesar generaal, itoe alesan jang kau hatoerken baroesan, boekan sadja tiada tiada tjoekoep sampoerna belaken kau poenja diri dari toedoean, djoega hal itoe sekali-kali tiada boleh di hoeboengken dalem ini perkar: masi bagoes kau njataken itoe di sini, tjoba Kaloe di hadepan Baginda, pertjoema-tjoema nanti dapet gebosan jang tiada enak!"

Boeat ‘oendjoek ia-poenja kakoerang adjarannja, kombali sehabis kata begitoe, ini manoesi doerhaka teriawa bergelak-gelak.

Seteiah meliat kelakoean dan perkatadnnja Leng Tjo begitoe tiadapatoet, Ka Kong jang dari setadi rasaken dadanja seperti maoe petja, itoe tempo ia merasa tiada sanggoep tahan lebi lama napsoe hatinja boeat kasi dampratan pada itoe orang dorhaka, teroetama maoe oendjoek dan kasi mengarti; dirinja masi blon boleh diperhinaken oleh menoesia sematjem Leng Tjo itoe.

„Apa kau bilang, Tjo?" begitoelah ia menegor dengen perkataän jang lebi lagi menghinanja. „Dengen kau poenja perkataan roepa-roepanja kau maoe artiken, bahoea akne soenggoe-soenggne ada mengandoeng niat berhianat! Apa kau mengarti apa itoe chiamat? Djika mengetahoei, sepantesnja masi blon tjoekoep kau rendengken itoe perkataän sama namakoe; akoe Ko Teng Tjan, boekannja bitjara sombong, masi ada itoe kahormatan bocat dipandang sebagi penjinta dan pembela negri. Hatikoe poeti bresi, namanja akoe poenja kake mojang masi tinggal gilang goemilang dalem hikajat negri, maka dengen memandang oewang atawa kamoeliaän, tiadalah tjoekoep boeat akoe bikin roesak namanja laloehoerkoe jang begitoe wangi. Tapi boeat akoe tiada djadi heran, kau soeda menindi akoe begitoe roepa, dari sebab kau ingin dipoedji oleh Baginda, kerna ternjata kamoe saorang jang pande bermoeka-moeka! Djikaloe kau ingin dapet ketrangan dalem ini perkara, akoe silaken Song Sie dihadepken di sini!"

„Song Sie soeda ada di lobang koeboer, biarpoen orang bisa seret ia ka mari, tiada nanti didapetin ketrangan dari itoe orang. Kata Leng Tjo sembari pandang moekanja Ko Kong dengen sorot gemes.

„Sekarang, kau mengarti, Baginda soeda mangidjinken akoe boeat denger kau poenja ketrangan-ketrangan, soepaja, kaloe ternjata kau berdosa, orang boleh lantas seret kau ka lapangan tempat djalanken hoekoeman!"

„Oh, apa kau kira akoe nanti takoet dengen hoekoeman atawa kematian? Tida tiada hakim jang manis!" Ko Kong menjindir tapi dengen kertak giginja. la rasaken daranja begitoe panas seperti dibakar. Tjoba kaloe itoe waktoe ia tiada inget, jang si doerhaka ada oetoesannja Keizer, nistjaja ia soeda tendang itoe menoesia doerhaka jang sombong.

―„Di sini boekan djadi tempat orang mengobrol, maka akoe tiada soeka denger kau mengotje perkara jang boekan-boekan. Akoe minta kau soeka menerangken. Sebab apa Song Sie minggat dan lantaran apa itoe perkara ditinggal diam?"

Kerna soeda bikin ilang doea koeda dan takoet di hoekoem, Song Sie meninggalken pakerdja'annja; sebab orang itoe soeda bakerdja lama, akoe soeda berboeat kebaekan dan tiada niat tjari atawa bri hoekoeman padanja, dan dari sebab begitoe djoega jang membikin akoe tiada oewarken itoe perkara. Inilah ada akoe poenja pengakoean jang akoe nanti pegang tetep selamanja." Leng Tjo manggoet-manggoet. la tersenjoem tengal sembari berpaling pada Souw Gie-soe ia kata: Kokioe tentoe soeda denger baek-baek pengakoeannja Ko Kong. Sekarang akoe kira kaloe tiada di djalanken kompesan, ini perkara kita tiada boleh dapetken apa jang di ingin. . . . ."

„Oh, begitoe?" kata Souw Gie soe jang potong bitjaranja itoe orang kabiri, oleh kerna ia poen dari tadi merasa tiada senang melihat kelakoeannja itoe Taijkam, jang mentang-mentang ada dioetoes oleh Baginda, ia soeda lantas maoe lontjatin djalan doeloe di depan orang jang di wadjibken.

„Dan kaloe Lo Kongkong rasa ini perkara bisa di poetoesken sendiri," kata lagi pembesar kita dengen perkata'an mengamboel, doedoeklah disini, gantiken akoe poenja ka doedoekan, sedeng akoe berdiri di pinggiran boeat denger Lo Kong poenja poetoesan."

„Ah mana boleh!" Saoet si doerhaka dengen goegoep, sedeng moekanja djadi begitoe mera lantaran kemaloean. la boeroe-boeroe berbangkit dengen tjengar-tjengir seperti monjet toea ia hadepan moekanja Souw Gie-soe.

Ko Kong angkat kapala dan ingin liat moekanja itoe orang kedji jang soeda berlakoe sombong, tapi ia itoe balik moekanja ka samping. la seperti sengadja oempetin itoe koeli tebel, jang soeda kena di sindir begitoe djitoe. Doedoeklah Kokioe," kata itoe menoesia jang jang tiada taoe maloe, „djangan goesar dan soekalah bri ma'af atas akoe poenja perkata'an jang tiada di sengadja."

Sasoedanja kena di gebos begitoe roepa, sekarang Leng Tjo mengarti, bahoea Souw Gie soe boekan ada pembesar jang boleh di permaenken, sebegimana ia orang berlakoe dengen kawan- kawannja. Lebi doeloe dari itoe poen ia kira bahoea Gie soe Souw Toan boleh di tarik boeat bantoe ia-poenja pakerdja'an jang sanget kedji.

„Lo Kong toch sampe taoe," kata Souw Gie-soe sembari doedoek, setelah liat si doerhaka soeka mengala, Baginda tjoema menitaken akoe tjari katerangan dari halnja Song Sie, sekarang Ko Kong soeda menerangken dan sekalipoen ini tiada tjoekoep sampoerna sebagi ia poenja pengakoean, kita-orang tiada boleh mengambil kakwasaän sampe begitoe djaoe,"

„Ja, betoel, betoel," kata Leng Tjo sembari manggoet.

Njatalah ini menoesia kedji tiada poenja daja lagi boeat tjoetji ia poenja moeka, jang orang speda bikin kotor.

Pepreksaän lantas dimoelia lagi; Souw Gie-soe oelangken brapa pertanjaän jang penting pada Ko Kong. Ini orang bangsawan tiada bisa menerangken laen dari apa jang ia soeda kata. Boekankah bener Ko Keng tiada mengandoeng niatan djelek, maka paling betoel ia mengakoe apa jang bener, dari pada mengatjo tiada karoean, menerbitken oeroesan jang melilit, hal mana boleh-boleh bikin dirinja jang poeti bresi dipandang berdosa dan trima heckoenal jang beekan moes-tinja.

Dari sebab Ko Kong poenja pengakoean tetep begitoe, maka Souw Gie-soe tiada preksa itoe perkara lebi djaoe.

„ini perkara tjoema di prenksa sampe di ini sadja, “kata Sonw Gie-soe pada Leng Tjo, „soedakah Lo Kong-kong toelis pengakoeannja Ko Kong?”

„Soeda, soeda,” saoet ini djahanam sembari kasiken ia poenja soerat verbaal pada Souw Gie-soe.

„Nah, sekarang seraken sadja ini apa jang ada pada Baginda,” kata itoe pembesar sembari kombaliken itoe soerat di tangannja Leng Tjo.—Ini orang doerhaka lantas berlaloe dari roewangan kantoor Kim le Wie, sasoeda ambil pamitan pada Souw Gie-soe.

Pembesar kita laloe prenta hambanja bawa kombali Ko Kong ka dalem pendjara, boeat menoenggoe selama perkaranja blon dipoetoesken, dan pada itoe orang djoega ia pesen, aken sekalian adjak Thio Eng dateng di kantoornja. Tiada lama orang jang diprenta soeda balik kombali bersama-sama itoe Cipier boei.

„Kau taoe,” kata Souw Gie-soe pada Thio Eng, „Tin Kok Ong ada sa orang baek dan satoe pem-besar Millitair jang berboedi,,,dalem perkara jang ditoedoe, toeroet akoe poenja doegaän, sebagian besar ada beroepa sebagi pitena'an orang, jang merasa sakit hati padanja. Maka itoe, angkau moesti mengarti djaga padanja dengen baek, dan barang makanan boeat la moesti di preksa betoel.”

„Taijdjin poenja prenta blon perna akoe tiada toeroet, djoega prihal ini Taijdjin pertjaja, akoe tiada nanti sia-siaken sebagimana jang di pesen,” menjaoet Thio Eng.

Sasoeda mamesen lagi brapa oeroesan laen Thio Eng laen di prenta berlaloe, sedeng ini pembesar djoega sigra poelang ka gedongnja sendiri.

---

Tin Kok Ong menoelis soerat
katerangan dengen tintanja dara
Di pikir dan di timbang, Baginda
tarik pikiran pandjang.

---

Sebagimana pembatja soeda meliat, dalem pepreksa'an di atas Ko Kong soeda menerangken sadja apa jang sabenernja telah terdjadi. Tapi Leng Tjo itoe manoesia doerhaka, sabole-bole maoe bikin Ko Teng Tjan djadi mengatjo atawa berboeat laen matjem, maka ia soeda membri voorstel soepaja Souw Gie-soe djalanken kompesan. Nanti kaloe orang itoe soeda kena kalibet, gampang boeat ia menoedoe laen matjem, soepaja korbannja tiada bisa berkoetik lagi.

Beroentoeng sekali Gie-soe Souw Toan boekan ada itoe pembesar jang boleh di permaenken dalem kewadjibannja; di waktos itoe kaloe sadja Leng Tjo brani ambil tindakan laen matjem, jang bersifat melawan, nistjaja ia poen aken ambil kakerasan boeat damprat itoe Taijkam dengen dampratan jang lebi keras dan pedes. Tapi Leng Tjo jang soeda di bikin maloe begitoe roepa, betoel itoe tempo ia liat kliatan soeka mengala padahal hatinja merasa sanget gemes dan diam-diam aken bikin pembalesan pada orang jang soeda menghina dirinja. ― Orang jang berderadjat renda memang begitoe; ia-poenja kakliroean atawa kesalahan jang soeda di betoelken orang laen, orang boekan membilang trima kasi, sebagimana moestinja ia berboeat hanja lantas taro sakit hati dan pandang orang hinaken padanja.

Boeat bales sakit hati dengen berdepan, inilah memang satoe hal jang tiada nanti di perboeat oleh orang-orang jang berhati pengetjoet, katjoeali dengen diam-diam atawa pindjem laen orang poenja sendjata boeat bales sakit hatinja. Begitoe djoega hal ini telah terdjadi pada Leng Tjo. la merasa tiada tiada senang dengen perboeatannja Souw Gie-soe, maka ia ambil poetoesan boeat bikin djelek namanja itoe pembesar di hadepan Baginda Sin Tjong.

Begitoelah pada itoe hari, sesampennja di astana dari kantoor Kim le Wie, Leng Tjo dapetken Baginda lagi beromong-omong sama Lu Kok Tjaij.

„Begimana kasoedaännja itoe pepreksään?" tanja Baginda pada Leng Tjo, tempo ini Tajjkam doerhaka membri hormat. „Dapetkah ketrangan-ketrangan tjoekoep, jang sebagimana kami inginken ?"

Dipreksa soeda, tapi menjesel hamba moesti mengabarken pepreksaän aneh jang terdjadi dalem ini perkara." saoet itoe menoesia kedji jang moelai isep djempolnja aken mengarang tjerita djoesta. Hamba liat koetika dibikin brapa pertanjaän tentang ia poenja niatan berontak, kelakoeannja Ko Kong djadi seperti orang bingoeng; terlebi njata bahoea sasoenggoenja itoe Generaal ada mengandoeng niatan djelek adalah tempo hamba bikin pertanja'an haloja Song Sie.

„Ketrangan begimana ia soeda briken prihal itoe?' tanja poelah Baginda.

Leng Tjo madjoe brapa tindak dengen doea tangan ia seraken soerat verbaalnja pada Baginda.

Satoe pengakoean jang begini ringkes!" kata Baginda seabisnja preksa soerat itoe. Apa tjoema begini sadja?" „Ja, tiada ada lagi: Hamba pikir, ini pengakoean sama sekali tiada masoek di akal. Seande bener Song Sie soeda bikin kesalaän, apalagi kesalaän begitoe besar, sebagi Generaal, sepatoetnja ia moesti siarken soerat salebaran, boeat tangkep dan briken hoekoeman pada itoe pelari, soepaja djadi tjonto boeat jang laen-laen dan marika tiada brani alpa dalem pakerdjaännja. Tetapi Ko Kong tinggal diam dan kasi alesan, ia merasa tiada tega boeat tangkep dan hoekoem pada Song Sie, sebab katanja; ia itoe soeda bekerdja lama. Apa ini ada atoerannja Generaal jang baek? Dan apa ini ketrangan ada tjoekoep sampoerna dan djoega apa tiada boleh djadi, sakedar boeat bela diri, ia ambil alesan begitoe?"

Baginda berdiam, tapi alisnja djadi berdiri. Ini menjataken bahoea, oempan apinja itoe djahanam jang dilepas soeda moelai menjala.

„Jang membikin heran, adalah dengen kelakoeannja Souw Gie-soe dalem itoe perkara. „demikianlah ia mengasoet lebi djaoe. „Sabagimana hamba soeda bilang tadi bahoea dalem ini pepreksaän Ko Kong berkelakoean bingoeng dan haroes ditjoerigaken. Dalem itoe tempo jang baek adalah paling baek orang berlakoe keras, tapi Souw Gie-soe tiada berboeat begitoe. Ja seperti ada menaro pikiran apa-apa sama persakitan; hamba soeda bri advis boeat ia djalanken hoekoeman, tetapi ini pikiran di tolak, dengen kasi alesan tiada dapet idjinnja Keizer boeat perlakoeken keras atas dirinja persakitan. Toeroet sataoe hamba biarpoen tiada idjinnja radja, bila perloe hakim bole goenaken kakerasan, kaloe tiada ingin orang bilang ia mendjadi kontjonja pendjahat!"

„He, apa itoe artinja semoea?" Menjeletoek Lu Kok Tjaij sembari bikin kaget dirinja begitoe roepa, sebagi djoega geledek samber kapalanja. Dari tadi ini dorna tinggal diam, inilah sebab blon dapet waktoe jang baek, maka tempe Leng Tjo bitjara sampe di sitoe, ada terboeka satoe djalan boeat ia bantoe kontjonja mengobor hatinja Baginda Sin Tjong.

Sasoenggoennja ini hal boleh membikin terbit doega'an jang tiada bagoes." Kata itoe dorna lebi djaoe. Souw Gie-soe terkenal satoe pembesar jang djoedjoer, pada persakitan-persakitan ia berlakoe sebagi matjan, tapi kenapa sama Ko Kong ia berlakoe begitoe lama?"

„Apa ini oeroesan Baginda merasa tiada perloe di tjari taoe?" Si dorna menanja sablonnja Baginda bilang apa-apa. Hamba rasa perloe sekali, soepaja dalem ini perkara orang tiada goenaken tipoe daja aloes jang menoetoepin mata."

Baginda jang soeda djadi mara dengen perkata'annja Leng Tjo, djadi bertamba-tamba moerka tempo denger lagi asoetannja Lu Kok Tjaij. Sigra prenta hambanja ambil prabot toelis, jang koetika barang itoe soeda di sediaken, Baginda lantas menoelis dengen tjepet, satoe tanda begimana besar amaranja: Beginilah boenjinja itoe soerat:―

„Kokioe? Apa sebab dalem pepreksa'annja Ko Teng Tjan angkau soeda berlakoe begitoe lama, membikin lambat djalannja pepreksään? Apa perloenja sama itoe prabot hoekoem? Kami bilang tiada perdoeli siapa, tiada perdoeli tingkatan apa, kaloe orang itoe di pandang sebagi persakitan, dalem waktoe jang perloe moesti berlakoe keras.

Begitoe djoega Ko Teng Tjan kau moesti preksa lagi dan djalanken kompesan sebagimana moestinja.

Dari kami:

„SIN TJONG Hongte“

Njalalah ini ada satoe soerat jang broepa satoe tegoran bagi namanja Souw Gie soe. Ini semoea telah terdjadi adalah dari lantaran itoe doea manoesia kedji.

Bagi Ko Kong dan Souw Gie-soe ini hal soenggoe tiada enak sekali, tapi boeat itoe doea menoesia keparat ada dipandang satoe kaoentoengan besar aken fihaknja. Teroetama dengen Leng Tjo poenja girang jang tiada terhingga; betoel dengen iloe djalan ia tiada dapet menjelakain Gie-soe, selaennja soeda dibri tegoran keras, tapi satoenja Ko Teng Tjan, soeda tiada terloepoet dari ia poenja bisa jang beratjoen.

„Bawa ini sekarang djoega kasi pada Souw Gie-soe," mamerenta Baginda kasiken itoe soerat di tangannja Leng Tjo. „Di waktoe kasi ini soerat djangan loepa kau bilang, ia tiada boleh melangka dari kami poenja prenta."

Leng Tjo mendjoera seraja trima itoe soerat, ia lantas berlaloe dengen lekas.

Tatkala itoe adalah waktoe tengari. Matahari jang dari masi pagi soeda mamentjarken sinarnja, dari itoe waktoe teroesmeneroes mengasi hawa panas ka moeka boemi, hingga orang jang djalan di loear dari dalem kota, kepaksa moesti berlari-lari sebab tiada tahan dari panasnja.

Selama oedjan brenti, orang baroe rasaken hawa jang begitoe panas, seperti pada hari itoe. Tapi koenjoeng-koenjoeng langit djadi glap, awan item dari koeliling tempat bergoeloeng goeloeng di tenga eedara. Di sa'st itoe djoega langit djadi mendoeng; matahari jang tadi mamentjarken sinarnja begitoe terang dan panas, sebab kena katoetoep oleh lapisan awan item, sekarang tiada keliatan lagi:

Orang doega, dalem tempo jang tiada lama lagi dari langit toeroen aer ka moeka boemi jang tiada bisa dibilang brapa besarnja. Tapi doegaän itoe selang satoe djem blon kaliatan boektinja; keadaän. masi tinggal seperti tadi, malah djadi bertamba gelap, tapi oedjan blon maoe toeroen, selaennja djarang-djarang menetesin grimis jang besar-besar.

Kilat jang saban-saban ada diberikoetin goentoer, soeda membikin orang taro doegaän pasti, bahoea toe hari aken toeroen oedjan besar.

Dengen menoetoerken itoe sedikit keadaän jang terdjadi di itoe tempo, njatalah kita soeda tinggalken pada Leng Tjo, jang sebagimana di depan telah ditoelis, itoe menoesia kedji dengen bawa soeratnja. Baginda ada dalem perdjalanan ka kantoor Kim le Wie. Tapi langit jang mendadak djadi mendoeng, djoestroe ini kedjadian ada berhoeboeng dengen harian Ko Kong bakal di djalanken hoekoeman kompes, boekankah sebagi djoega Allah toeroet menjataken doeka tjita, bahoea machloeknja jang tiada berdosa satoe apa bakal trima itoe hina'an besar, jang saoemoer djadi manoesia ia blon perna alamken.

Sekarang kita ikoetin teroes pada Leng Tjo, jang tiada lama telah sampe di kantoor Kim le Wie; tetapi sebagimana tadi telah di terangken, jang seabisnja biljara pada Thio Eng lantas Ko Kong poelang ka gedongnja, dan Leng Tjo dateng ia poen blon balik kombali.

Tiada oesa di bilang begimana kaget dan herannja tempo Souw Gie-soe di bri taoe oleh oppasnja, jang Leng Tjo dengen membawa soeratnja Baginda ada menanti di kantoornja. Maski djoega di itoe tempo halinja merasa tiada enak, ini pembesar laloe berpakean, satelah seleṣe teroes pergi ka kantoornja, di mana Leng Tjo ada menoengggoe.

―„ Ada oeroesan apa jang membikin Lo Kongkong balik kombali?" demikian ini pembesar menanja sembari pandang moekanja itoe orang kebiri.

Baginda mengoetoes lagi dan prenta akoe katemoeken pada Kokioe." Saoet itoe orang doerhaka.

―„ Boeat oeroesan begimanatah?

―„Boeat sampeken ini soerat."

Leng Tjo lantas trimaken soeratnja Baginda pada Souw Gle-soe, jang lantas di trima dan di batja boenjinja jang kita soeda terangken di atas.

Apatah akoe boleh dapet taoe, apatah jang ditoelis dalen soerat itoe?" Menanja Leng Tjo dengen belaga bodo. „Boekantah ia minta Ko-kioe preksa poela persakitan Ko Teng Tjan dengen di djalanken hoekoeman?"

„Ja betoel begitoe!" Saoet Sauw Gie-soe dengen heran, dan pandang moekanja itoe djahanam seraja mendoega-doega.

Ini soerat di toelis oleh Baginda sendiri, tapi begimana Lo Kongkong bisa mendapet tage maksoednja soerat itoe?" Begitoelah ini pembesar oelangken pertanja'annja.

―„ Oh itoelah tjoema doega'an sadja! Tapi tiada njana akoe poenja doega'an ada begitoe djitoe. Tjoema. . . . . . apa betoel itoe soerat boenjinja begitoe?”

―„ Kenapa tiada betoel .Sebagi akoe poenja sobat jang paling kekel dan akoe paling pertjaja, akoe tiada merasa kaberatan boeat kasi kau batja sedeng sabenernja akoe tiada boleh berboeat begitoe."

Sasoeatoe perkata'an itoe pembesar ada berarti manis, tapi haroes di terangken djoega, jang itoe semoea di berikoetin dengen napas memboeroe. Leng Tjo jang tiada ada poenja pikiran begitoe dalem, dan matanja tjoema djadi awas bila meliat toempoek-toempoekan prak, tetapi boeta sama sekali dengen begimana matjem orang poenja gerakan. Dengen tjara jang tiada taoe maloe, ia trima itoe soerat dari Souw Gi-soe, jang di kasi dengen sebla tangan.

„Sasoenggoenja akoe tiada abis mengarli, kenapa Baginda djadi mara dan bikin ini tegoran keras pada Kokioe," kata ini manoesia kedji sasoedanja batja ini soerat: „Betoel betoel bikin akoe djadi heran, mengapa Baginda boleh ambil pikiran begitoe."

―„ Itoelah tiada djadi kenapa," saoet Souw Gie-soe jang sabisa-bisa tahan napsoe amaranja, akoe kira orang nanti blon nanti merasa poeas bila akoe dibri tegoran begini sadja, dan satoe tempo orang itoe aken bekerdja, boeat bikin akoe djadi korban goloknja algodjo!" ―„Ah, semoea orang taoe Kokioe ada sampe adil dan tiada beradat tinggi, maka akoe bilang orang itoe gila sekali kaloe maoe djelekin pada Ko Kioe."

―„Tapi djoestroe ada itoe maoesia jang bertabeat boeroek, atawa hantoe alas jang mendjelema.

Leng Tjo rasaken moekanja djadi dingin, tempo denger Souw Gie soe kata begitoe. la pandang moekanja Souw Than seraja menanja pada hatinja sendiri, apatah perkata'an di toedjoeken padanja atawa boekan. Hm! soenggoe tiada taoe maloe!

Omongan itoe memang di oetjoeken adresnja, tjoema sajang Souw Gie-soe tiada maoe bilang: itoe orang jang berhati boeroek, hantoe alas jang mendjelema ada Leng Tjo sendiri!

„Soedalah, itoe oeroesan sekarang kita boeang ka samping," achir achir itoe djahanam berkata: „Sekarang ini sebagimana Kokioe liat Sendiri, akoe ada bawa prentanja Keizer boeat oeroesannja Ko Teng Tjan, maka sekarang begimana Kokioe moesti berboeat?" Hal ini boeat apatah di tanja lagi?" Kata Souw Gie-soe, „Akoe moesti toeroet sebagimana prentanja Sri Baginda."

Ini pembesar sigra prenta hambanja ambil Ko Kong di dalem pendjara, jang tiada lama kamódian soeda di hadepken lagi dalem sidang pengadilan Kim le Wie. Di itoe hari, djadi doea kali Ko Kong dihadeken dalem pengadilan terseboet. Souw Gie-soe lantas moelai bikin pertanjaän-pertanjaän, tapi seperti kedjadian pada pepreksaän jang soeda, ini kali poen Ko Kong tetepken seperti apa jang ia soeda menerangken.

„Djika sabagitoe lama Tin Kok Ong tiada maoe mengakoe dan kasi djawab-djawaban jang perloe, menoeroet prentahannja Sri Baginda, kita orang moesti goenaken kompesan," kata Souw Gie-soe, jang kaliatan seperti kepaksa oetjapken itoe perkataän. Maka dari itoe Kok Kong moesti bitjana dengen sabenernja, kaloe tiada maoe rasaken hoekoeman."

„Sebab sabener-benernja akoe tiada mengandoeng niatan apa-apa, hatikoe poeti bresi, seperti batoe Giok jang tiada ada tjatjatnja, begimana akoe moesti bri pengakoean laen dari pada apa jang akoe tave kedjadian." saoet Ko Kong Djangan poela baroe hoekoeman jang bersifat mengompes, biar poen pedang ditabas pada leherkoe dengen senang akoe trima. Tapi kaloe maoe minta pengakoean jang boekan, inilah akoe tiada aken berboeat."

Satelah dapet ini djawaban, Souw Gie-soe merasa tiada dapet djalan, selaennja laloe prenta hambanja djalanken hoekoeman rangket atas dirinja itoe orang bangsawan. Hoekoeman ini soeda lantas didjalanken dengen heibat sekali; rotan jang sabesar lengen telah mengambil tempat koerang lebi tiga poeloe kali di kiri kanan pantatnja Ko Kong, hingga anggota itoe djadi mateng biroe. Mana jang kenanja parna, koelitnja djadi petja, dagingnja kaloear, daranja mengoetjoer membikin basa djoebin dalem roewangan pengadilan.

Pemandangan ini membikin hantjoer pengrasain hatinja Souw Gie-soe, hingga beroelang-oelang ia mengela napas. Tapi djahanam Leng Tjo sedikit poen kliatan tiada merasa kasian, malah dengen sorot mata menjoerakin ia pandang moekanja Ko Kong.

„Begimana?” begitoelah achir-achir Souw Giesee menanja dengen swara serak pada Ko Kong. „Hoekoeman jang soeda didjalanken boekannja enteng, maka kaloe maoe mengakoe djoega, orang aken ambil laen matjem hoekoeman jang lebi heibat.”

„Ja Allah, Ja rabi,” meratap Ko Kong sambil berdongak: „di atas ada langit, di bawa ada bomi; akoe silaken sekalian melaekat saksiken aken trima segala matjem hoekoeman di ini hari, tapi boeat akoe disoeroe mendjawab perkara jang akoe tiada mengetahoei djangan diharep!”

Njatalah orang bangsawan itoe lebi soeka mati dari pada mengasi djawaban jang tiada karoean, hingga Seuw Gie-soe jang memang tiada niat menghoekoem lagi, laloe prenta brapa hambanja gotong Ko Kong di bawa balik poelah ka dalem pendjara, sedeng Leng Tjo poen berlaloe dari itoe tempat dan bawa poelang laporannja pada Baginda. Sorenja di itoe hari, telah toeroen oedjan jang loear biasa besarnja.

Pada itoe waktoe djoega, Lu Kok Tjaij soeda dapet segala hal jang terdjadi dalem pepreksaän di pengadilan Kim le Wie, begimana Ko Teng Tjan soeda didjalanken hoekoeman; begimana ia itoe tiada maoe malangka sedikit djoega dari pengakoeannja jang pertama; dan laen-laen hal poelah, jang ini dorna dapet trima kisikan dari kontjonja, jaitoe Leng Tjo.

Djengkel penasaran dan laen-laen pikiran tiada enak sigra timboel dalem hatinja ini dorna, jang memang salaloe merasa tiada poeas dan koerang senang, bila sasoeatoe kahendaknja blon dapet disampeken. la pikir, kaloe sateroesnja Ko Teng Tjan tinggal tetep sadja, ini perkara bisa membikin Baginda berbalik pikirannja dan anggep Ko Teng Tjan tiada berdosa dan dilepas kombali, hingga dengen maksoednja jang kedji itoe tiadalah ia dapet menjilakaken pada itoe orang bangsawan, jang sepatoetoja tiada pantes ia moesoein begitoe roepa.

Pikir poenja pikir, achirnja la tiada dapet pikiran laen selaennja menggoenaken pengaroenja oeang. la ada niatan boeat smeer Souw Gie-soe dengen brapa riboe tail perak, soepaja itoe pembesar soeka membantee padanja boeat menjilakain dirinja. Tapi ini niatan begitoe lekas ia oeroengken, kerna dapet inget, Souw Toan boekan ada sa-orang jang mata doeitan, lagi ia kaliatan ada menjebla pada itoe orang jang dimoesoei. Satelah inget sampe di sitoe, ini dorna djadi seperti kaget, tapi begitoe djadi girang. Ia kaget, adalah dengen itoe niatan jang sanget gegaba, ia girang sebao begitoe lekas ia dapet ingetan, satoe ingetan jang menoeloeng padanja, jang ampir sadja terdjeblos ka-dalem djoerang jang dalem.

Begitoe djoega si dorna dapet pikiran dan merasa perloe aken bri taoe hal itoe pada Leng Tjo. Ia kwatir kawannja tiada taoe kea’ada’annja Souw Gie-soe dan sembarangan njataken apa apa pada itoe pembesar. Tiba-tiba selagi si dorna pikirken itoe perkara, apa maoe kabetoelan penoenggoe pintoenja masoek membri taoe, Leng Tjo menoenggoe di loear minta bertemoe.

,,Soeroe dia orang masoek!" Kata si dorna dengen sanget girang. Ia teroesken perkata’annja di dalem hatinja: ,,Akoe djoesiroe maoe menjampeken pikiran padanja, sekarang kabetoelan ia dateng. Tapi sablonnja menjataken apa-apa, lebi doeloe akoe tjari taoe begimana ia-poenja pikiran dalem hal itoe ...."

Ini perkata’an jang di oetjoep di hati, soeda di bikin poetoes oleh seroean:,,Hola! Sinsiang lagi pikirin perkara apa?

Orang sebagi akoe ini, jang ada poenja banjak kerdjaan ini dan itoe soeda djadi loemranjadoedoek bengong sembari pikir mamikir, saoet si dorna sembari berbangkit, serta toendjoek satoe krosi di depannja dan silaken itoe tetamoe, jang bener djoega Leng Tjo sendiri aken berdoedoek.

„Lo Kong dari mana dan maoe pergi ka mana?” Menanja itoe dorna, satelah masing-masing soeda berdoedoek.

„Akoe baroe poelang dari kantoornja Souw Gie-soe,” saoe Leng Tjo,,,ini hari akoe ada sempet katjoeali sabentar poekoel doea, akoe moesti ketemoeken Baginda aken bri taoe, jang soeratnja akoe soeda sampeken di tangannja Souw Gie-soe."

—„Djadi kau poenja koendjoengan ini tiada membawa kabar apa-apa, hanja kabetoelan liwat dan lantas mampir, begitoe kau maoe bilang barangkali boekan?”

—„Betoel. Akoe toch bilang, ini hari akoe ada sempet.”

—„Sempet sama tiada itoelah ada Lo Kong poenja perkara. Memang paling senang kaloe bisa dapet kerdja'an dalem astana, dari pada pangkoe pakerdja'an laen. Seperti akoe kasoeda'an di depan Baginda moesti djawab ia poenja sasoeatoe pertanja'an, bri advis ini dan voorstel itoe, en toch kadang-kadang di roema sendiri sampe djaoe malem masipentang mata, pikirin ini pikirin itoe.

„Ha, ha, hal itoelah djamaknja orang pegang pakerdja'an dan trima gadji setiap boelan.” kata Leng Tjo sembari tertawa. „Kaloe maoe senang kaloe mace olak tiada banjak kerdja, paling betoel tinggal di roema, tidoer bangoen tiada ada jang larang. Betoel tiada? Tapi Tapi... taoe sendiri kita poenja kantong di serang penjakit kempes !“

—„Sasoenggoenja boeat kita orang ada serba soesa. Pegang kerdja'an rasanja tjape hati, tiada kerdja betoel sebagimana Lo Kong bilang kantong tiada berisi. Tapi, dari pada di langgar penjakit kantong kempes, adalah terlebi baek kita kerdja.“

—„Ja, itoelah pikiran bagoes!“ Setelah mengobrol sampe di sini, itoe doea ma- moesia kedji lantas tertawa bergelak gelak. Kamodian Lu Kok Tjaij menanja pada Leng Tjo, soerat apa jang ia sampeken pada Souw Toan.

„Soerat itoe poen boekan mengabarken. dari oeroesan laen, selaennja Baginda menitaken Ko-kioe boeat preksa lagi perkaranja Ko Teng Tjan di hari esok,“ saoet Leng Tjo.

„Oh!“ berseroe Lu Kok Tjaij sambil rangkepin telapakan tanganja satoe sama laen. „Inl toch ada kabar jang menggirangken pada kita orang!

—„Kaloe tiada sala memang begitoe.“

—„Tapi di sini akoe dapet inget satoe pikiran: soeda lama ini niat ada terkandoeng, tjoema blon sampe waktoe boeat di sampeken.“ Disini itoe dorna laloe toetoerken ka hadepannja, ja- itoe maoe smeer Souw Gie-soe soepaja soeka membantoe boeat meénjilakai dirinja Ko Teng Tan. Tapi pembatja tentoe soeda mengarti, kaloe hal itoe si dorna njataken djoega, jalah perloenja tjoema maoe taoe begimana itoe kontjo poenja pikiran.

,,Apa! Sinsiang maoe Sineer Souw Gie-soe boeat bantoe kita poenja kerdja’an?" Menanja Leng Tio sembari merongos liatin moekanja Kok Tjaij.

,,Ja begitoelah akoe ada mengandoeng niatan!" Dkawab: Lu Kok Tjaij.

,,Ai, ai! Bagoes itoe perkara kau bri taoe doeloe padakoe, kaloe tiada tentoe dapet tjilaka!"

—,,Tjilaka begimana?”

,,Apa Sinsiang tiada taoe, bahoea itoe pembesar tiada boleh di bikin sembarangan? Boekantah ia senantiasa ada: memperlindoengken itoe kita poenja moesoe besar?"

,,Ah," kata ini dorna dengen roepa sebagi orang koerang pertjaja.

Setelah meliat Kok Tjaij tiada pertjaja ia poenja omongan, di sitoe Leng Tjo lantas toetoerken pandjang lebar apa jang telah terdjadi di hari kemaren dalem kantornja Souw Gie soe. Kamodian boeat bikin orang pertjaja betoel-betoel omongannja, ia kata: ,,Tjoba Sinsiang tilik dan timbang; Souw Gie-soe poenja kelakoean ada begitoe roepa, sesoenggoenja berbahaja sekali bila kita-orang seraken atawa minta toeloeng bantoe ini oeroesan.” ―„ Ha, ha, ha!" ini dorna bangoen dari tempat doedoeknja sembari tertawa keras. Ia hamperi Leng Tjo dan tepak-tepak blakangnja.

„Sasoenggoenja Lo Kongkong ada sa-orang jang pande meliat taktiek dan gerakan orang!" ia kata lebi djaoe. „Kau mengarti, akoe poen tiada nanti begitoe gila tarik tangannja itoe orang boeat bantoe dalem ini perkara. Lebi doeloe dari itoe poen soeda didoėga, bahoea orang itoe aken bertentangan dengen kita poenja oeroesan. Tapi kaloe akoe soeda menanja dan njataken itoe pada kau boekan bermaksoed laen, jalah tjoema maoe taoe Lo Kongkong poenja hati dan pemandangan begimana. Sekarang, kau dan akoe poenja pikiran ada saroepa sadja, tiada perloe aken kita tarik pandjang lebi djaoe."

„Tapi berhoeboeng sama ini bagi kita ada dapet satoe tanggoengan laen." kata Leng Tjo.

―„ Tanggoengan apa?"

―„ Masa apa lagi, kaloe kita boekan moesti berlakoe ati-ati pada itoe orang djoega!"

„Oh, ja!" kata Lu Kok Tjaij: „Tapi ini poen akoe ada pikir."

Satelah bitjara sampe di itoe Lontjeng mengoetaraken djam satoe. Dengen kaget Leng Tjo berbangkit. Ha, njatalah kita orang soeda mengobrol koerang lebi doea djam lamanja!" kata ini orang kabiri. „Nah, slamet tinggal!" sembari kata begitoe ia berdjalan kaloear dengen dianter oleh Lu Kok Tjaij.

Sigra djoega ini doea orang doerhaka soeda berpisaän satoe sama laen.

Esoknja, bener djoega Ko Teng Tjan teloh dikaloearken kombali dari dalem pendjara dan di hadepken dalem kantoornja Scuw Gie-soe, jang itoe doedoek bikin pepreksaän sama Leng Tjo. Djangan diseboet lagi, begimana ngenes bila orang liat keadaännja Ko Kong di itoe waktoe; ia poenja loeka-loeka jang baroe liwat satoe malem sadja, sedeng daranja poen masi mengetel-ngetel basaken penoetoep badannja, tapi apa maoe dalem keadaan begitoe ia soeda moesti dipaksa lagi boeat mengadep di hadepan hakim. Begimana sakit bagi itoe loeka-loeka, ini poen ada terlaloe soesa boeat ditoetoerken dengen kalam, maka biarlah pembatja soeka imbangin dengen pikiran sendiri.

Aken tetapi, bagi Ko Teng Tjan itoe semoea tiada dirasa. Ia pandang hoekoeman itoe ada sebagi satoe kelatjoeran jang ia bawa dalem pengidoepannja; sedikit djoega ia tiada merasa sakit hati, baek pada jang menita, baek jang soeda mendjalanken itoe hoekoeman padanja. Tjoema tiada loepa ia menjeboet namanja Allah, sama siapa ia pertjajaken seantero njawanja.

Memang djoega, kaloe kita poenja diri ada dilanggar soesa, sama siapa lagi kita moesti tap, selaennja pada Allah ta'alah jang Maha soetji, jang nanti membri perlidoengan sebagimana moesti atas machloeknja ampoenja keslametan.

Biarlah sekarang kita tinggalken dan loepaken itoe kasoekeran dan kasedian jang menimpa atas dirinja Ko Kong, dan baeklah kita tengok apa jang kedjadian pada itoe di kantoornja Souw Gie-soe bagi dirinja orang bangsawan kita.

Souw Gie-soe lantas moelai bikin pepreksaän, dan di sini kita seboet lagi, Leng Tjo ada toeroet bertjokol sebagi orang kapertjajaän Baginda Sin Tjong.

„Tin Kek Ong," kata itoe pembesar Kim le Wie, ,,sama ini hari, soeda ampat kali kau dihadepken pada hakim. Kemaren kau soeda dihoekoem begitoe hebat dan boleh djadi angkau tiada berdosa, kerna dengen itoe hoekoeman perijoema-tjoema orang tiada dapet laen ketrangan dan pengakoean. Dan di sini akoe bri-inget: prihal minggatnja Song Sie dan angkau soeda tinggal diam sadja, inilah satoe kesalaän besar. Satoe perkara atas pengadoeannja Song Sie Baginda ada menaro tjoeriga. ka doea perkara katjoerigaän itoe djadi bertamba besar, adalah dengen kau poenja pengakoean jang tiada betoel. Orang tiada mace pertjaja dengen kau poenja pengakoean: Song Sie minggat sebab bikin ilang koeda dan laen-laen lagi. Kenapa itoe tempo kau tiada lantas starken itoe pelari boeat ditangkep? Sekarang, jang menoedoe pada kau djoestroe ada itoe orang jang minggat, maka soeda tentoe sadja orang tiada anggep bener tentang kau poenja pengakoean begitoe matjem."

Ko Teng Tjan mengela napas seraja menjaoet:

„Pengakoean matjem apa lagi jang akoe moesti adaken, Taijdjin? Pengakoeankoe jang soeda diseboet ada akoe rasa paling betoel. Dari hal minggatnja itoe soldadoe akoe tiada oewarken, ini memang akoe trima sala. Tapi pengakoeankoe dalem ini perkara djoestroe tjoema itoe satoe, maka kaloe orang tiada pertjaja, biarlah akoe djadi binasa dari kealpa'an sendiri."

„Oh, itoelah pikiran jang kliroe, atawa satoe poetoesan dari sa orang jang soeda tiada mempoenjai dan bisa berdaja lagi!' Kata Souw Gie soe dengen perkata'an terharoe. Ia pandang moekanja Ko Teng Tjan begitoe roepa, seperti djoega ia merasa sanget penasaran, kaloe ini orang bangsawan tiada bisa membri laen ketrangan jang lebi perloe Ini pembesar seeda mendoega, jang seandenja Tin Kok Ong tiada membri laen keterangan selaennja dari pada apa jang ia telah oendjoek dengen pengakoean begiloe ini orang bangsawan djangan harep bisa loepoelken dirinja dari hoekoeman. Laen perkara kaloe tempo Song Sie minggat ada di siarken warta, dengen kesaksiannja pembesar dan orang orang politie di laen tempat istjaja aken terbebas dari itoe penoedoean „Djanganlah Ko Kong poetoes harepan doeloe.” kata itoe pembesar lebi djaoe: „Tjarilah pikiran. jang bergoena boeat menoeloeng pada diri sendiri. Lagi di sini akoe ingin dapet taoe: apa kau soeda berboeat apa-apa atas dirinja Song Sie, jang membikin sampe itoe orang laro sakit hati! Dan lagi tjoba inget inget dari tempo jang baroe ini dan. kedjadian-kedjadian jang soeda berlaloe; apa barangkali kau ada bikin orang-orang penggawe di kota Gan Boen Koan merasa koerang senang denger kau poenja atoeran, tingka lakoe sahari-hari dan laen-laen hal lagi? itoe semoea kau pikir dan amat-amati, siapa taoe brangkali satoe tempo jang soeda di loepa angkau dapet inget apa-apa, jang. boleh sigra di madjoeken sebagi boekti dalem ini perkara.”

„Kombali ini ada pertanja'an pertanja'an jang akoe rasa soeka membri djawaban.” Menjacet Ko Teng Tjan dengen mengela napas: „Sebagitoe lama akoe toempangin dirikoe sebatang karang. di kota Gan Boen Koan, sainget akoe taoe kaloe jang loepa blon perna akoe bikin tingka lakoe dan atoer-atoeran jang membikin orang djadi koerang senang. Dan kaloe maoe di tanja tentang akoe poenja pengidoepan sama semoea penggawe- penggawe di sana, adalah di samaken seperti idoep roekoen sama sanak famillie sendiri; senang soesa pait dan getir ada di rasaken bersama-sama Djika akoe bilang begitoe, ini brangkali orang tiada maoe pertjaja, tetapi toch bener-bener ada sademikin. Tegesnja akoe menerangken, back pada penggawe sendiri, baek pada orang laen akoe blon taoe berboeat perkara jang bole bikin marika itoe djadi merasa koerang senang.“

Souw Gie-soe mengela napas. Sasoedanja mendenger keterangan Ko Teng Tjan di atas, dalem hatinja ini pembesar dapet doega'an, bahoea dirinja ini orang bangsawan ada dalem pitena'an orang.

„Akoe maoe pertjaja, bahoea apa jang di bilang oleh Ko Kong semoea bener," begitoelah ini pembesar kata lebi djaoe: Tetapi dalem ini perkara Sri Baginda ingin lantas dapet satoe djawaban jang pasti: Sedeng kau sekalipoen soeda di djalanken hoekoeman tapi tiada bisa adaken pengakoean laen, ini perkara sasoenggoenja soeker sekali. Boeat bikin pandjang djalannja ini perkara akoe pikir tiada bergoena; paling baek Ko Kong tjoba pikir, apa tiada baek di bikin pendek sadja?“

Di bikin pendek begimana?“ Menanja Tin Kok Ong dengen roepa heran.-Leng Tjo djoega itoe tempo laloe meliatin moekanja Souw Gie-soe, kerna ia koerang mengarti, begimana itoe perkara haroes di bikin pendek.

„Taijdjin djadi hakim samentara akoe djadi persakitan,“ kata Ko Kong lebi djaoe „bikin pandjang pendeknja sasoeatoe perkara ada dalem Taijdjin poenja kahendak maka tjara begimana maoe di minta akoe poenja pikiran?“

—„Sedab dalem ini perkara tjoema ada satoe djalan jang Ko Kong sendiri haroes berboeat.”

—„Begimana? Soenggoe akoe tiada mengarti!”

Toeroet akoe poenja pikiran,” kata Souw Gie-soe, „paling baek Ko Kong bikin satoe katerangan boeat Baginda dan katrangan itoe toelis denger dara; toelislah apa jang kau rasa baek, soepaja Baginda dapet pikiran dan merasa kasian.”

„Ja, itoelah tjoema djalan satoe-satoenja boeat Ko Taijdjin berlakoe dalem ini perkara,” kata Leng Tjo dengen penoe kagirangan. Ini dorna sabenernja tiada mengarti baek dengen omonganja Souw Gie-soe; ia kira ini pembesar soeroe Ko Teng Tjan mengakoe dalem itoe perkara.

Bermoela orang bangsawan kita poen merasa koerang mengarti dengen itoe perkata'an, tapi sasoedanja di perhatiken sabentaran, ia sigra dapet satoe ingetan bagoes, jang rasanja bisa menoeloeng ia poenja diri. la kaliatan djadi girang.

„Baeklah akoe toereet Taijdjin poenja nasehat,” kata ia, „permisilah akoe minta di sediaken perabot toelis dan kertasnja jang lebar.”

Souw Gie-soe soeda lantas penoeken itoe perminta'an. Koetika perabot toelis soeda tersedia, Ko Kong lantas gigit djari tangannja sendiri hingga mengeloearken dara, dengen apa sembari berloetoet ia sigra menoelis.

Koerang lebi satoe djem baroelah Ko Teng Tjan lepasken penanja, satelah dengen itoe paling blakang ia teeken namanja. Pembatja bisa kira sendiri, begimana pandjang adanja iloe soerat jang ditoelis oleh itoe orang bangsawan. Apa jang ditoelis di sitoe poon boekan laen, jalah menoetoerken pengidoepannja ia poenja 'ngkong, ajah dan sampe pada dirinja sendiri, jang soeda tiga toeroenan loeroet ambil bagian dalem pakerdjaän negri. Tegesnja, boenjinja itoe soerat ada membajangken kedjadian sedi jang menimpa pada familieKo berhoeboeng dengen pakerdjaän negri, dan itoe semoea di permoela soeda ditoetoerken dengen terang, maka kita rasa tiada perloe aken ditoeroenken kombali di sini.

Begitoe slese, Ko Kong laloe seraken itoe soerat pada Seuw Gie soe seraja berkata; „Itoelah ada akoe poenja ketrangan, harep Taijdjin nanti bantoe omong di hadepan Baginda.”

„Djangan slempang!" saoet itoe pembesar, jang sigra batja itoe soerat dari permoela sampe pengabisan.

Leng Tjo djoega soeda toeroet membatja tapi ia tiada kata apa-apa selaennja liatin moekanja Souw Gie-soe. seperti maoe menanja tapi perkataan itoe tiada bisa kaloear.

„Inilah ada satue ketrangan jang nanti mence-loeng dalem kau poenja perkara, Ko Taijdjin,“kata Souw Gie-soe sembari tertawa menjataken girangnja. Kamodian ia berpaling pada Leng Tjo.

„Lo Kong, toeloenglah trimaken ini soerat pada Sri Baginda.” kata itoe pembesar. „Kaloe Baginda soeda trima itoe soerat, begiloe lekas kita orang nanti dapet poetoesan jang memastiken.”

Dengen hati koerang senang Leng Tjo trima djoega itoe soerat, jang ia soeda. batja dan dapet kenjataän boekan pengakoean, hanja kapoedjian dari orang jang soeda tiada ada. Maski begitoe ia tiada brani menanjaken apa-apa. la mengarti. Souw Toan ada djadi hakim besar dalem pengadilan Kim le Wie, laen dari itoe ia ada kena familie sama Keizer, maka biarpoen dirinja ada Taijkam jang berkwasa dalem oeroesan di astana, tapi kekwasa'annja masi ada lebi renda dari Souw Gie-soe. Oleh kerna itoe, ini menoesia doerhaka tiada brani menegor prihal itoe soerat, hanja lanias bilang baek dan sigra berlaloe.

Tatkala Leng Tjo soeda pergi. Souw Gie-soe berkata pada Ko Kong: Ko Tjianswe, selama akoe bikin pepreksa'an, akoe selaloe mengharep kau dapetken djawaban jang penting, tapi baroe ini hari itoe pengharepan kaliatan boektinja. Itoe soerat ketrangan sasoenggoenja ada bagoes sekali: terlebi poelah soerat itoe tintanja dara, maka bolek diharep Baginda aken menaro kasian.”

„Njatalah kaloe begitoe Kokioe ada perhatiken akoe poenja diri jang bertjilaka ini. Trima kasi.” Ko Kong. Dari hal itoe soerat ketrangan, inilah kita boleh terlaloe andelken, kerna itoe toch boekan apa-apa, selaennja obrolan jang tertoelis di atas kertas. Mati-idoep, beroentoeng dan tjilaka ada bergantoeng dengen kahendak Toehan jang Maha moelia. Lagi dengen menoelis itoe ketrangan, boekan sekali akoe meratap dan minta dikasi tinggal idoep, hanja sakedar boeat mengoendjoek bahoea akoe poenja toeroenan blon ada tjatjat djelek jang membikin sampe bertindak begitoe djaoe.”

―„Ja, itoe betoel. Tapi dalem ini perkara Tjian-swe boleh harep sadja: Baginda Sin Tjong ada sa-orang jang berhati moelia, djalanken kabedjikan dan kewadjiban sebagi Keizer jang sedjati. Dengen, menginget Tjianswe poenja laloehoer jang soeda banjak kaloear tenaga goenanja, negri, nistjaja ia nanti menaro kasian pada kau; dan esok pagi-pagi sablonnja matahari terbit akoe nanti mengadep sama Baginda, boeat bantoe omong soepaja Tjianswe dibebasken dari itoe toedoean hina.”

―„Trima kasi boeat Kokioe poenja perhatian, ini boedi jang begitoe besar, boekan sadja akoe, Ko Teng Tjan, nanti djoengdjoeng tingggi dari idoep sampe mati, poen akoe poenja laloehoer, jang soeda ada di negri baka, nanti merasa teramat soekoernja.”

Baeklah kita tinggalken sadja pada itoe doea orang bangsawan jang sedeng asik bitjara, sekarang kita adjak pembatja meliat Leng Tjo, jang dalem ini perkara kombali soeda oendjoek la poenja kadoerhakaän.”

Pada itoe hari, tempo maoe masoek ka astana, apa maoe didekel pintoe ia telah berpapasan sama Lu Kok Tjaij, jang roepanja baroe oendoer dari hadepan Baginda dan maoe poelang Ini doea orang sigra berdjabatan tangan, Leng Tjo lantas tarik tangannja itoe monjet toea ka satoe tempat jang sigra mengikoetin seraja mendoega, bahoea kontjonja itoe jang baroe poelang dari kantoor Kim le Wie, tentoe aken membri kabar apa-apa dalem pepreksa'an di itoe hari.

Satelah sampe di itoe tempat. Lu Kok Tjaij sigra meliat ka sana sini, sasoedanja dapet kenjataän di sitoe tiada ada orang, dengen berbisik la menanja: Djalanja pepreksaän di ini Begimana? Apa itoe orang tinggal tetep apa soeda mengakoe?”

„la orang soeda mengakoe,” saoet Leng Tjo sembari tertawa, hingga bikin bati Kok Tjaij djadi girang.

Ko Teng Tjan

62

„Dan itoe pengakoean tentoe kau soeda toelis dan bawa djoega sekarang?" tanja poela si dorna dengen bernapoe, sebagi djoega satoe orang jang ingin meliat satoe kabar jang ada membawa beroentoeng.

―„ Tentoe ada sama akoe.”

―„ Tjoba kasi akoe preksa."

―„ Baek. Tapi.........

―„ Tapi apa?"

„Silaken Sinsiang preksa sendiri" kata Leng Tjo sambil rogo sakoenja dan kaloearken itoe soerat. la kasiken itoe ditangannja Lu Kok Tjalj:

Ini dorna delangken matanja dan membatja itoe soerat dari permeela sampe diachirnja. „Apa kau maoe bilang ini ada soerat pengakoean?" menanja ini monjet toea sembari pandang moekanja Leng Tjo. Mengartikah kau dengenini semoea?"

Leng Tjo tinggal diam sadja seraja pandang moekanja itoe dorna.

―„ Dalem ini semoea ada menoetoerken perkara gandjaran radja, apatah jang maoe dibilang soerat pengakoean! Boenjinja ini soerat angin boleh dibilang tiada berpenting, tjoema.. ... soeratnja ada ditoelis dengen dara, inilah ada sanget berbahaja bagi kita poenja pakerdjaän: Baginda boleh djadi berbalik pikirannja bila meliat soerat ini." ―„ Abis begimana kita meesti berboeat?"

―„ Bodo! Toch gampang sadja! Ini soerat djangan kasi toendjoek pada Baginda, atawa kaloe perloe bakar sadja! Boeat gantinja, Lo Kong loporken sadja perkataan dan bilang: Ko Teng Tjan tiada bisa briken laen-laen keirangan, selaennja apa jang. ia soeda mengakoe doeloean. Dengen ini semoea Baginda tentoe aken djadi mara besar, prenta djalanken hoekoeman poela, dan. . . . . . . . . . . ."

„Oh, tida bisa! Tida bisa!" Leng Tjo oejapken ini perkataän sambil gojang kepala dan gojang tangannja. Lu Kok Tjaij jang sabenernja masi maoe omong lebi djaoe, tempo Leng Tjo bikin poetoes fa poenja perkataän dan liat kelakoean kawannja begitoe roepa, ia djadi melongo sadja.

„Kenapa kau djadi begitoe?" menanja Kok Tjaij sembari meraba poendaknja Leng Tjo, dan kira kawan ini dengen koenjoeng-koenjoeng kemasoekan setan.

„Soenggoe tiada bisa!" kata Leng Tjo dengen tarik moeka asem.

―„ Apa! Apa! tiada bisa ?"

―„ Itoe soerat."

―„Jal hajo bitjara biar betoel!"

Itoe soerat sekali-kali tiada boleh disingkirken, banja moesti diseraken di tangannja Baginda sebagimana adanja," kata Leng Tjo. „Sinsiang taoe, ini soerat ditoelis oleh Ko Teng Tjan sendiri dengen disaksiken oleh Souw Gie-soe maka tjara begimana kita djangan seraken? Ah, soesa!”

„Kenapatah Ko Kong djadi berbalik bodo!" kata lagi Lu Kok dengen perkataan memboedjoek: Tjoba pikir: „Kaloe sekarang Lo Kong laporken begitoe, esok pagi-pagi Baginda tentoe soeda prenta lagi pada kau boeat bikin pepreksaän kombali. Ini sekali akoe brani pastiken Baginda aken djadi mara besar; ia tentoe menoelis soerat poela pada Gie-soe boeat djalanken, hoekoeman lebi keras atas dirinja Ko Teng Tjan. Ini sekali akoe kira kita poenja moesoe tiada bisa singkirken dirinja dari hoekoeman tabas leher; kaloe ia soeda binasa, siapa maoe korek-korok lagi dengen iloe soerat?"

„Soengoe, boekan. maen-maen, ini perkara akoe tiada sanggoep loeloesken." kata poela Leng Tjo jang masi tinggal membanta. „Sinsiang toch sampe mengarti, Baginda boekan menoesia berotak oebi dan kita masi blon boleh permaenken padanja seperti boneka, inilah jang akoe kwatir. Ja, beroentoeng kaloe itoe perkara tiada ketaoean, tapi, kaloe petja resia, akoe poenja kapala ditabas paling doeloe dari jang laen-laen!"

Meliat kelakoeannja Leng Tjo begitoe roepa, dalem hatinja Lu Kok Tjaij djadi sanget heran. Ja pandang moekanja itoe orang kaberi begitoe roepa, sebagi orangimita pertoeloengan dengen sanget

Sakoetika lamanja ini doea orang tinggal dia dengen tiada berkata-kata.

„Lo Kongkong moesti inget," begitoelah achirnja Lu Kok Tjaij berkata lagi: „Ko Teng Tjan soeda ditoeroenken dari kabesarannja, itoe semoea ada mengandel atas kau poenja tenaga, ini tempo njatalah kita poenja moesoe soeda tiada berdaja, maka kaloe tiada bikin abis, inilah salah sekali. Pribasa ada bilang: „Memboenoeh tiada sampe mati, adalah lebi baek djangan sekali." Kita poenja pakerdjaän begini kapalang tanggoeng, dari moendoer ada lebi baek madjoe; kita moesti bertindak lebi djaoe boeat bikin binasanja djiwanja itoe orang, kerna kaloe tiada begitoe, sebaliknja kita jang bakal hadepken perkara jang tiada enak,”

„Bisa djoega akoe lakoeken itoe pakerdjaän, tetapi akoe haroes pikir lebi doeloe," saoet ini kawan dengen swara oga-ogo'an.

„Djadi kau masi moendoer madjoe?" mendesek Lu Kok Tjaij: „Telepkenlah hatimoe, sariboe tail mas kau aken trima dari akoe!"

Leng Tjo dongak seperti kaget. la pandang moekanja itoe dorna, sebagi djoega ingin dapet kenjata'an, apa perkata'an dengen sasoenggoenja atawa tjoema maen-maen sadja.

„Lebi Allah akoe tiada berdjoesta!" Lu Kok Tjap tetepken bitjaranja. Bermoela memang Leng Tjo merasa berat boeat loeloesken itoe permintaan jang sanget, hal mana ada ternjata dengen ia poenja penampikan jang beroelang-oelang. Tapi tempo denger boeal perkara Lu Kok Tjaij djandjiken oepaäu bagoes, hatinja djadi meroba, la maoe taoe lebi doeloe, apa bener-bener itoe ferdana-mantri maoe membri premi, dan setelah hal itoe oleh si dorna ditetepken dengen soempa, ia poen lantas loeloesken itoe permintaan.

„Akoe loeloesken Sinsiang poenja kahendak," kata ia „tapi Sinsiang djangan kata akoe mata doeitan! Sinsiang mengarti sendiri, kaloe pakerdja'an ada didjandjiken oepa'an, orang jang kerdja poen djadi goembira!"

Lu Kok Tjaij tertawa tengal sembari tepok orang poenja poendak. Sasoeda berdjandji pasti, ini doea menoesia kedji lantas berpisa'an satoe sama laen. Leng Tjo masoek teroes aken berdjoempa sama Baginda, samentara Lu Kok Tjaij berdjalan poelang ka gedong sendiri.

Waktoe itoe, Sri Baginda lagi doedoek makan minoem dengen ditemenin oleh ka doea Permi- soerinja. Baginda kaliatan sekali, tapi kaloe inget halnja Ko Teng Tjan, ia djadi mara dan oering-oeringan. Sebagimana ada diterangken, saban kall Souw Kok Bo dan Boen Koei Hoei selaloe tinggal diam sadja dalem oeroesannja Ko Teng Tjan. Iloe doea orang sabetoelnja sanget kapengen madjoeken perkata'annja, tapi sebab liat Baginda poenja keada'an saban saban tiada mengasi, maka ini doea njonja bangsawan saban-saban kepaksa oeroengken kahedaknja.

Tetapi pada itoe tempo ia dapet kenjataän Baginda ada di dalem pikiran senang, maka Per- misoeri Souw goenaken itoe koetika jang baek boeat ia njataken pikirannja jang terkandoeng

„Dalem brapa hari ini kaliatan Baginda ada begitoe repot briprenta pada hakim dalem perkaranja Tin Kok Ong Ko Teng Tjan, sabenernja perkara apatah jang menjangkoet atas dirinja itoe Generaal jang moelia dan gaga perkasa?' demikianlah itoe Permisoeri moelai dengên pertanjaännja. Hamba denger samar-samar Ko Teng Tjan ditoedoe maoe berhianat, apa betoel begitoe?"

„Ja, betoel" saoet Baginda dengen swara kakoe.

Souw Nio-nio tiada djadi moendoer maskipoen ia soeda dapet djawaban demikian. Ja berkata poela: Apa jang hamba taoe, Ko Teng Tjan soeda tiga toeroenan membantoe pada negri, ia poenja djasa begitoe besar sampe dapet gelaran Tin Kok Ong dan soeda menika sama famillle Keizer. Sekarang, dengen mengandel pada Song Sie satoe orang poenja pengadoean, soenggoe ketjiwa sekali kaloe Baginda sampe menghoekoem pada itoe panggawa, jang haroes dibilang ada djadi tiangnja negri: Hamba, sekalipoen setiap hari mengerem di dalem kraton, tapi prihal oeroesan di loearan ada dengen djoega sedikit; itoe Ko Teng Tjan ada sa-orang jang berprangi aloes dan sabar, bisa mengesiani dan menoeloeng pada orang-orang soesa, maka tjara begimana orang begitoe adil ada mengandoeng niatan kedji. Dengen membilang begini begitoe boekan sekali hamba belaken fihaknja, tjoema sakedar apa jang hamba taoe wadjiblah membri inget soepaja Baginda tiada djadi boeat penjeselan di kamodian hari."

Boen Koei Hoei djoega toeroet njataken pikirannja, dan ia minta Baginda soeka perhatiken perkata'annja Souw Nio-nio.

Baginda tinggal diam dengen tiada mengasi djawaban apa-apa. Tapi kaliatan ia seperti lagi perhatiken dari pembitjaraännja itoe doea Permisoeri.

Sablonnja itoe doea njonja agoeng oetaraken pikirannja terlabi djaoe, Leng Tjo soeda masoek mendjoera. Ini orang kabiri laloe membri ketrangan, jaitoe seperti apa jang telah dipesen oleh Lu Kok Tjaij djoega itoe soerat ia tiada kasiken, satoe perboeatan jang haroes dibilang sanget brani mati.

Boeat laporannja Leng Tjo ini, dengen perkataän pendek Baginda bilang baek dan silaken itoe Taijkam moedoer. Dengen tjepet satoe malem telah berlaloe.

Koetika sampe pada kabesokan harinja, betoel sebagimana soeda didjandji, di waktoe masi pagi sekali Souw Gie-soe soeda sampe di astana dan berdjoempa sama Baginda.

„Begini pagi, djoega zonder dipanggil. Kokioe soeda dateng di astana, ada oeroesan apatah jang begitoe penting?” begitoelah Baginda lantas menanja.

„Maäflah Baginda,” saoet Souw Gie-soe jang membikin hamba dateng begini pagi hari dan zonder dipanggil inilah disebabken dengen satoe ooeroesan, jang hamba rasa perloe aken dibri taoe pada Toewankoe.

Tiada menoenggoe sampe Baginda menanjaken oeroesan apa, itoe pembesar teroesken bitjaranja:

„Dalem ini brapa hari hamba soeda preksa dengen keras perkaranja Ko Teng Tjan, tapi sebegitoe djaoe blon bisa didapetken laen pengakoean; hoekoeman soeda didjalanken tapi pertjoema sadja, sedeng kaloe maoe didjalanken kompesan poela nistjaja ia tiada bisa tahan. Dari sebab itoe, hamba maoe bri taoe pada Toean koe bahoea sebagi pembesar bagian sebla bawa, hamba tiada ada poenja kekwasaän bocat berlalos lebi djaoe. Tetapi sablonnja ini perkara terlepas dari tangan hamba terlebi doeloe maoe diterangken, bahoea: kaloe ditilik atas djalannja pepreksaän, ternjata sekali Ko Teng Tjan seperti tiada tersangkoet dalem ini perkara jang ditoedoe. Lagi kaloe maoe ditjari taoe dan pada bagian jang paling djaoe, moesti dibilang familie Ko ada mengambil bagian paling besar dalem perkara negri; kaloe di'inget sampe di sitoe, soenggoe satoe hal jang sanget moestail ia mengandoeng niatan begitoe boesoek, satoe perboeatan jang boleh membikin roesak namanja ia poenja laloehoer jang begitoe moelia. Dalem pepreksaän lagi kemaren ia telah menoelis satoe ketrangan lengkep dengen toe semoea ada membri tanda, ia masi mengindaken kahormatannja begitoe besar. Baginda tentoe soeda trima itoe soerat ketrangan?“

„Ketrangan apa?” tanja Baginda. Tiada, „kami tiada trima itoe!”

„Kemaren itoe soerat dibawa oleh Leng Tjo,” kata Souw Gie-soe dengen kaget dan merasa tjoeriga, kenapa sampe sekarang Baginda blon trima!”

Leng Tjo lantas dipanggil. Ini orang kabiri doerhaka kira ia dipanggil boeat pergi ka kantoornja Souw Gie-soe, maka itoe tempo hatinja merasa sanget girang. Ia mengharep harep soepaja ini hari Baginda kaloearken soerat „mera” boeat djatoken hoekoeman mati atas dirinja Ko Teng Tjan, kerna kaloe kedjadian begitoe, sariboe tail mas sebagi gandjaran dari Lu Kok Tjaij ia aken trima. Tatapi, itoe péngharepan jang begitoe bagoes dalam sasaat sadja soeda djadi bertoekar dengen hal jang sanget menakoetin, Harimau besar jang berhadep di depannia brangkali tiada membikin Leng Tjo djadi kaget dan takoet dari pada tempo liat Souw Gie-soe ada di hadepan Baginda Sin Tjong.

Koetika itoe Leng Tjo rasaken soemangatnja terbang brapa bagian, badannja bergemeter keras dan keringet dingin membasaken djidatnja. Am pit sadja ini si doerhaka tiada bisa berdialan, lebih djaoe kaloe itoe tempo ia tiada lantas tetepken hatinja dan dapet inget, perboeatan itoe bisa membikin ditinja dapet tjilaka.

Souw Gie-soe soeda mengoendjoeken astana radja dalem waktoe jang begitoe pagi, inilah satoe hal tiada dapet didoega oleh Leng Tjo djahaman. Sablon ditanja apa apa ini menoesia doerhaka mengarti bahoea di itoe tempo dirinja ada terindar dalem bahaja besar, jang kaloe sedik sadia ia tiada djaga ditinja dan satoe perkata an sala itoe semoea tjoekoep boeat orang seret ia ka lapangan-boenoe.

,,Ko Teng Tjan ada bikin soerat keterangan jang kau bawa, tapi kenapa kemaren tempo mengadep kau tiada kasi pada kami?” tanja Baginda.

,,Sebab lagi kemaren Baginda soeda lantas silaken hamba moendoer, maka haba tiada brani ajal dan sigra berlaloe sablonnja kasi itoe soerat." saoet ini menoesia kedji dengen paksa bikin tetep hatinja.

Dan sekarang itoe soerat a di mana?" menanja poela Baginda.

Leng Tjo laloe meroga sakoenja. Sa kaloearken itoe soerat, dengen doea tangan ia kasiken pada Baginda.

Sedeng soerat itoe soeda diterima dan lagi dibatja, adalah Leng Tjoe lantas moendoer brapa tindak dengen pikiran tiada enak. Samentara itoe Souw Gie-Soe delangken sadja matanja meliatin moeka dan kélakoeannja Leng Tjo kerna berhoeboeng dengen perboeatannija ini Tajjkam prihal itoe soerat, ini pembesar dapat pengrasaan jang tiada mengasi.

Biar poen siapa djoega, memarg soeda moestinja aken menaro padatjoeriga Leng Tjo, oleh kerna kaloe boekan mengandoeng niatan apa-apa toch tiada perloe tahan orang poenja soerat apa poela soerat itoe ada berhoeboeng sama satoe perkara jang sedeng berdjalan? Maka dari itoe orang tiada oesa héran Kaloe Souw Git soe, pembesar jang preksa itoe perkara, dapet pengrasa'an jang demikian.

Koetika itoe Baginda soeda batja semoea soeratnja Ko Teng Tjan, dan sekarang lagi menimbang perkata'an dan alesan jang tertoelis dalem itee soerat. Sasoedanja timbang ka kira dan pikir ka kanan, achirnja Baginda dapet kenjata’an, sasoenggoenja masi bion tjoekoep ia pertjaja segala pengadoean jang tiada karoean. Menilik perboeatan-perboeatan jang dilakoeken blon perna melanggar kewadjiban satoe perkara jang tiada boleh djadi Tin Kok Ong, poenja hati dapet dibikin bergerak dengen pengaroenja hasta doeaia, ia tinggal di kota Gan Boen Koan sa-orang. iti sadja : ia poenja. famillie toea dan moeda semoea ada di kota Gie Jang, maka sa’andenja bener ia ada mengandoeng niatan hianat, biar begimana djoega tentoe ia moesti merasa kasian pada marika, jang tentoe djoega aken ditangkep saanteronja bila dapet kisikan jang koerang baek. Lagi ada banjak alesan boeat orang tiada pertjaja Pak An Ong maoe berontak. Apa perloenja itoe radja bikin soerat: menaloek, taro ia poenja soedara sebagi orang tanggoengan. Katjoeali kaloe itoe radja tiada pegang djandjinja dan tiada sajang pada soedaranja sendiri.

Satelah inget itoe semoea, Baginda lantas mengela napas. Ia kata dalem hatinja: ,,Tiada boleh sala, ini semoea tentoe djoegavada perboeatan sala satoe orang jang menaro sakit hati pada Ko Teng Tjan, brangkali ia maoe bikin peritoengan dengen djalan berterang tiada brani, maka ia ambil dan goenaken laen orang poenja tenaga boeat sampeken maksoednja." Maski Baginda soeda dapet itoe pikiran, jang soeda tiada bisa dibanta lagi kabenerannja tapi boeat lantas bikin itoe perkara djadi abis, inilah satoe hal jang blon bisa diambii poetoesan, Apalagi oeroesan ini ada sanget besar, maka sablonnja didapetken ales alesan jang tjoekoep dan dibebasken, soeda tentoe semoea ambtenaar aken menjataken koerang senangnja.

,,Kokioe” begitoelah achirnja Baginda berkata pada Souw Gie soe, ,,ini perkara kami soeda timbang, dan apa jang ditoelis oleh Tin Kok Ong betoel ada menjoendjoek, ia orang jang tinta dan bersetia bersetia pada negri. Tapi ini perkara kami tiada lantas brani membri poetoesan dengen menoeroetin kemaoean sendiri, kami silaken ini brapa hari kau tjari laen-laen ketrangan, kami poen nanti pikir lagi begimana hal ini moesti dibikin slese.”

Souw Gie-soe mendjoera dan sigra berlaloe, sedeng Baginda djoega lantas masoek ka dalem kraton Tjiauw Jang Kiong:

Menilik apa jang dibitjaraken antara Baginda dan Gie-soe Souw Toan, seblon ini perkara dipoetoesken pasti, keada’annja Ko Teng Tjan adalah sebagi praoe jang berlajar pada laoetan besar zonder kemoedi atawa seoepama saboetir telor jang berada dioedjoeng tandoek! Kita maoe liat begimana ia poenja peroentoengan, batoe apalah samboek?

ry

ve Kaloe patos ja tenggelem, kaloe semboek tentoe tmboell

---

Lu Kok Tjaij madjoeken satoe voor-
stel dengen mengandoeng niatan ke
dji—Di oetan Siong Leng bertemoe
orang djahat.

---

Tatkata: sampe di kraton Tjiauw Jang, Sri Baginda lantas biritaoe hal itoe satoe persatoe pada Souw Hong Hauw dan Boen Koei Hoei, serta tiada loepa djoega oendjoeki soerat ketrangannja Ko Teng Tjan.

Aet mata Jantas mergantjoer dari matanja itoe doea njonja agoeng jang barhati moelia. Ia orang laloe berloetoet seraja kerkata: Dengen meliat ini, soerat ketrangan, soesoenggoenja kita orang tiada bisa pertjaja, kaloe Ko Teng Tian ada mengandoeng niatan jang...."

,,Djiwie boleh senangken pikiran dalem ini perkara, ,,kata Baginda sembil silaken itoe doea oerang bangoen, ,,sekarang kami poen dapet kenjata'an, dalem sépoeloe bagian tjoema satoe bagian sadja jang boleh dipertjaja dari pengadoean itoe tetapi dari sebab ini perkara soeda berdjalan sampe begitoe djaoe, djikaloe kami lantas bri kabebasan tjara begitoe sadja, dengen tiada mentjari, laen alesan lagi, inilah sebagi djoega kami sendirri jang membikin soesah kapartjaja'an dari orang banjak."

Tapi ini doea Permisoeri tiada maoe soeda dengen tjara begitoe sadja, maka Souw Kok Bo lantas berkata lagi: ,,Hambanja merasa teramat soekoer bila Tin Kok Ong tiada berdosa dan dibebasken dari segala toedoean. Tapi di ini hamba moehoenken, seandenja Ko Teng Tjan tiada bisa dibesken dari apa jang telah ditoedjoe, dan kepaksa moesti dihoekoem mati, hamba harep hoekoeman ini diganti sadja sama laen hoekoeman, asal sadja djangan dibikin binasa djiwanja. Hoekoem boeang dan persamaken haknja sebagi rahajat negri ini hamba rasa ada hoekoeman jang tiada terlaloe moera; dengen berlakae begini: ka satoe Baginda masi menaro inda pada kaoem famillie Ko jang berdjasa pada negri; ka doea satoe tempo, bela negri ada dalem kaperloean prang boleh panggil lagi padanja boeat membantoe. Ja poenja Tak jang ditjaboet boleh dikasi mardika kombali seperti begimana biasa, kaloe ternjata ia masi bersetia dan membela tana-aernja dengen soenggoe-soenggoe. —Demikiah adanja hamba berdoea ampoenja pengharepan dalem hal itoe hamba nanti merasa teramat soekoer bila permintaan itoe diloeloesken.”

,,Sebrapa bisa kami nanti perhatiken Diiwie poenja pengharepan." saoet Baginda. —Souw Hong Houw dan Boen Koel Hoei laloe mengoetjap trima kasi.

Perkara apa jang telah dibitjaraken antara Baginda dan Permisoeri pembatja tentoe Soeda mengarti baek, maka sekarang baeklah kita tengok pada Lu Kok Tjaij, jang begitoe lekas soeda trima warta dari Leng Tio jang mengabarken itoe pengharepan bagoes soeda djadi sebaliknja.

,,Tiada, ini perkara akoe tlada boleh tinggal diam,” begitoe ini dorna berkata-kata seorang diri, sembari boelak balik di roewangan kamar toelisnja, di mana blon lama Leng Tjo telah berlaloe:,,Kaloe ini oeroesan akoe tinggal diam, biarken Ko Teng Tjan dibebasken dari hoekoeman, perboeatan itoe seperti djoega lepasken saekor matjan ka dalem oetan, jang nanti pada soeatoe tempo bisa menjilakaken diri sendiri.”

Ia boelak balik sambil gendong tangannja, samentara hatinja tiada brenti berpikir dengen djalan begimana ia haroes berboeat dalem ini oeroesan. Lama ia poeter otaknja, sampe achirnja ia dapet satoe pikiran bagoes, jang ia rasa aken memboektiken betoel-betoel maksoed jang terkandoeng dalem hatinja.

Lantas djoega ia tersenjoem. ,,Ko Teng Tjan Ko Teng Tjan!" kata itoe dorna dengen swara jang ampir tiada dapet di denger: ,,Haroes dibilang kau poenja peroentoengan sanget bagoes! Brapa kali ake djeblosken daa ka dalem djoerang jang dalem, tapi semoea kau soeda bisa lolosken diri pepe gampang, sebagi djoega orang djalan pada tempat jang rata. Seperti ini perkara jang akoe soeda atoer, sepoeloe dalem sembilan bagian akoe doega kau bakal trima hoekoeman dan pisaken diri-dari pergacelan kita orang, tapi ija, dasar oentoengmoe moedjoer, lagi-lagi itoe bahaja kau soeda bisa egosin. Sekarang sasoedanja didjalanken berbagi-bagi tipoe gaib tapi blon berasil, djanganiah kau enak hati dengan mendoega dirimoe aken slamet! Tida, tiada boleh doeloe kau mengharep begitoe. Akos soeda dapet pikir lagi satoe djalan laen boeat terbangin kau poenja djiwa! Ini kali, biarpoen kau ada poenja sajap boeat terbang, tiada oeroeng kaw nanti djadi setan jang tiada kapalanja!”

Seabisnja kala begitoe ia tertawa keras, satoe tanda hatinja merasa sanget boenga. Malemnja ini dorna dapet tidoer dengen senang: esoknja pagi-pagi ia soeda bangoen dan toekar pakean, satelah slese troes brangkat ka astana.

Pengawal pintoe soeda lantas anterken ini dorna ka hadepan Sin Tjong, jang sigra menanjaken apa-apa pada ini Perdana mantri.

,,Hamba denger pepreksain atas dirinja Tin Kok Ong soeda djalan brapa kali tapi tiada berasil, maka hamba ingin denger begimana Baginda aken bersikep dalem hal itoe?" kata Lu Kok Tjaij.

,,Ini perkara kami lagi pikir dan timbang-timbang, tetapi blon ada satoe poetoesan jang kami aken ambil. ,,saoet Baginda. ,,Kami rasa Sinsiang bisa kasi pikiran apa-apa pada kami?”

,,Toeroet hamba poenja pengliatan boeat djatoken hoekoeman pada Ko Teng Tjan ini masi blon ada alesan dan boekti jang tegoe.”’ menjaoet ini dora jang kasi liat lagi leen matjem ka medinja. ,,Song Sie poenja ketrangan jang tjoema dateng dari satoe fihak, lagi orang itoe soeda mati, biarpoen begimana ini oeroesan tiada bisa didapet kabenterannja. Itoe sebab, paling baek bebasken ia dari hoekoeman negri, dan boeat gantinja, boleh dihoekoem boeang ka sala satoe tempat jang djaoe.

Hamba membri voorstel bepini sabenernja ada mengandoeng satoe maksoed; sa’anndenja bener Ko Teng Tjan ada mengandoeng niatan koerang baek, ia soeda dipisaken djaoe dan tiada biarpoen bisa—gampang bisa bikin perhoeboengan dengan sampoerna sama kontjo-kontjonja."

,<Sinsiang poenja pikiran soenggoe bagoes sekali! mamoedji Baginda Sin Tjong dengen sanget girang. ,,Kami djoega ada mengandoeng itoe niatan dan kaloe blon didjalanken, sebab lebi doeloe ingin taoe begimana sama kau poenja pikiran. Sekarang ternjata kau dan kami ada bersatoe hati, sigra djoega ini perkara kami boleh lantas ambil poetoesan dengen tragesa berlakoe moendoer madjoe lagi.” Lu Kok Tjaij diam-diam merasa girang. Ia memanggoet seraja mengoetiap trima kasi.

Satelah tiada ada oeroesan apa-apa lagi jang perloe dibitjaraken, Baginda lantas membri tanda pada itoe Ferdana-mantri aken ia boleh berlaloe.

Tiada selang brapa djam dari apa jang dibitjaraken di atas, Souw Gie-soe telah dapet trima poetoesan dari Baginda dalem perkaranja Tin Kok Ong Ko Teng Tjan. Dalem itoe soerat poetoesan ada dinjataken: bahowa dengen menoeroet voorstelnja Gie- soe Souw Toan dan Lu Sinsiang, lantaran koerang terang dan tiada ada laen saksi jang mengasi ketrangan maka Ko Teng Tjan dibebasken dari itoe toedoean. Dari hal minggatnja Souw Sie oleh Ko Teng Tjan ditinggal diam sadja, ini sedikit kesala‘an sabenernia tjoekoep boeat djatoken hoekoeman mati pada itoe Generaal; tetapi dari lantaran familie Ko ada berdjasa besar pada negri, maka itoe hoekoeman jang sabenernja moesti didjalanken telah ditoekar hoekoeman djadi golongan rahajat negri, serta moesti djalanken hoekoeman seoemoer idoep di Nia—Lam dalem kota Tjoekat—Shia. Lebih djaoe ditoelis: Orang jang dihoekoem masi boleh dapetken kombali hak dan kamerdikadnnja, kaloe dalem hoekoeman ia bisa dapetken pahala jang besar dan berarti aken keslametannja negri.

Begitoe dapet ini poetoesan, Souw Gie-soe sigra ketemoeken Ko Teng Tjan; ia oendjoekin soerat poetoesan terseboet seraja oetjapken perkataan slamet.

,,Njatalah Kokioe dan Sinsiang jang soeda angkat dirikoe dari itoe djaerang besar, jang aken mengoeboer akoe poenja diri dengen keboesoekan selama-lamanja, ,,kata Ko Teng Tjan dengen roepa girang. ,,Djiwie Taijdjin poenja boedi begitoe besar taoe sampe kapan akoe bisa membales.”

,,Apa jang akoe berboeal tiada lebi dari kewadjiban sebagi sobat,” kata Souw Gie-soe maka dari itoe janganlah Tjianswe boeat pikiran. Sekarang bersedialah apa jang perloe, kerna dalem soerat poetoesan diterangken, ini boelan Dji-Gwe tanggal delapan moesti brangkat boeat djalanken itoe hoekoeman.”

Ko Teng Tjan manggoet bilang trima kasi: Souw Gie-soe sasoedanja berkata kata poelah saberitaran dan pesen Thie Eng aken boeka borgolannja Ko Kong poem lantas berlaloe.

Tatkalah itoe jalah soeda fanggal lima boelan Dji-Gwe, djadi tjoema tinggal tiga hari lagi Ko Teng Tjan ada di kota radja. Tiada loepa kita menerangken djoega itoe koetika ini orang bangsawan ada sanget bingoeng sebab sedeng brangkatnja soeda begitoe dekat, adalah The An Gin, jang itoe hari diprenta taro barang bawaannja ka gedong Jo Hoe sampe itoe waktoe blon ada kabar kabarnja. Di manatah adanja The An Gin itoe? Boeat dapet tao perkara apa ada terdjadi atas dirinja ini pengikoet baeklah kita toetoerken djoega sedikit halnja.

Itoe hari, begitoe sampe di gedong Jo Hoe, sasoedanja seraken barang bawaanja pada Jo Gie jantas djoega The An Gin maoe menjoesoel pada madjikennja. Tapi baroe sadja melangka pintoe, ia telah dibikin kaget oleh satoe penggawe di itoe gedong Thio Kouw namanja, jang dateng dari loear dengen napas sengal-sengal.

,,ngko Gin, setaoe kenapa Ko Loija telah ditangkep dan sekarang ada di kantoor Kim-le-Wie!" begitoelah Thio Kouw mengabarken itoe perkara tjilaka.

The An Gin begitoe poen Jo Gie, doea-doea telah djadi kaget tempo dibri kabar itoe, An Gin lantas maoe pergi tari taoe, tapi kahendak ini sigra ditjega oleh Jo Gie: ,,Djangan, kau djangan pegi!” katanja. ,,Kaloe kau pergi, tentoe kau djoega aken ditangkep kerna kau ada penggawe sahari hari di dampingnja Lo ija terlebi baek akoe jang pergi tjari apa-apa kabar akoe tjepet poelang dan kita boleh berdami begimana baeknja.

Selaennja menoeroet An Gin poen tiada bisa berboeat upa-apa lagi: Jo Gie laloe brangkat dengen tjepet. Tiada berselang sedikit lama ia soeda balik lagi. Pada An Gin dibri taoe, bahoea ia soeda pergi ketemoeken Ko Kong di dalem pendjara, dari siapa ia dapet ketrangan lengkep, itoe katjilaka'an jang menimpa atas dirinja itoe madjikan ada lantaran pengadoeannja Song Sie.

,,Oh, djahanam! mengoetoek The An Gun ,,Akoe poenja toéan jang berhati poeti bresi diadoeken begitoe matjem, soenggoe akoe merasa sanget tiada senang! Sekarang djoega akoe maoe pergi ka kantoor pembesar negri, boeat njataken penasaran........!"

,,Ssst! itoelah niatan jang gegaba sekali! kata Jo Gie sembari bikin poetoes orang poenja omongan; ,,Dengerlah akoe poenja nasehat, Gin, djangan kau pergi, kerna dirimoe boleh dapet tjilaka. Lagi akoe soeda bertemoe pada Loija dan memesen: selekasnja kau moesti lantas poelang kasi taoe hal ini pada ajahmoe, Hoedjin dan Siotjia disana, serta minta marika berdaja aken membri pertoeloengan.”

The An Gin tiada brani membanta jagi: ia sigra selaken koedanja dan laloe lompat ka atas toenggangannja.

,,Selama dalem perdjalanan barep ntjek soeka ambil taoe oeroesannja akoe poenja toean, kata An Gin jang mamesen. ,,Djikaloe tiada dapet halangan, besok dan paling laatnja noesa, akoe aken sampe poelah ka mari." ,,Djangan slempang!" menjaoet Jo Gie. Silaken brangkat!”

Tiada tempo lagi An Gin taloe petjoet koedanja, ini binatang lari dengen keras menoedjoe ka loear kota. Dari sebab inget oeroesan itoe ada sanget penting, An Gin berdjalan teroes tiada brenti sampe kamoedian ia berada di depan gedong Tin Kok Hoe.

Ia liat: gedong terseboet tiada berada sebagimana doeloean, tjoema roepanja ada sedikit toea. Koenjoeng-koenjoeng An Gin dapet inget hal-hal jang soeda liwat hingga brapa tetes aer laloe mengetel dari ka doea matanja. Ia lantas toeroen dari atas koedanja; tambat itoe binatang pada tjabang poehoen jang ada di sitoe, kamoedian laloe menghampiri pada doea orang, jang lagi mengimpleng padanja dari setadi.

,,Oh, ajah. .. .ajakoe!" An Gin berloetoet di depan sala satoe itoe doea orang jang boekan laen orang hanja ajahnja sendiri, sedeng satoe poelah Ong Peng.

Sasaat itoe The Koen djadi bengong. Kagetnja ini Tjongkoan boekan alang kepalang, oleh kerna meliat anaknja poelang dalem keadaan begitoe roepa. Hatinja djadi sanget kwatir dan mendoega, brangkali madjikan dapet tjilaka.

,,Kau poelang sama siapa, anak, dan kenapa lakoemoe begini roepa?” menanja The Koen dengen swara gemeter: ,,Hajo Bangoen dan kasi tjerita ada perkara apa? Apa brangkali Loija dapet tjilaka?”

,Ja, sasoenggoenja ada begitoe, ajahkoe, ,,saoet An Gin sembari menangis, dan dengen banjak soesa ia tjeritaken perkara apa telah terdjadi atas dirinja Ko Kong.

The Koen dan Ong Peng masing-masing mengeloearken treakkan kaget jang tiada terkira-kita; ini doea orang rasaken badannja djadi sanget lemes dan ampir tiada koeat berdiri lagi. Kamoedian dengen menanpis itoe Tjongkoan adjak anaknja masoek ka dalem, boeat bértaoeken hal itoe pada Soen Nio dan nona Loan.

Djoestroe itoe tempo ini njonja bangsawan dan anaknja baroe abis bersantap dan berdoea lagi doedoek minoem thee; koenjoeng-koenjoeng dengen berlari-lari Nio Sie masoek ka itoe kamari di mana njonja dan nonanja ada.

,,Hoedjin dan Siotjia!" kala Nio Sie sembari berloetoet. ,,Roepanja kau berdoea masi blon dapet firasat djelek.........taoe ada kadjadian hal apa atas dirinja Loija, toe pa di loear si Gin poelang membri....."

Sedeng ini boedjang prempoean berkata blon abis, The Koen ajah dan anak soeda masoek di itoe kamar sembari tangisnja, Soen Nio dan Ko Siotjia djadi sanget kaget, dengen koerang sabar ta orang menanja ada terdjadi perkara. Kombali di sini An Gin bri taoe apa jang ia ada bawa, Soen Nio tiada berkata apa-apa, tapi moekanja lantas djadi-poetjet sebagi kertas; nona Loan rasaken hatinja seperti diiris-iris. Ini gadis lantas menangis keras.

,,Ja, Allah jang Maha soetji, njatalah kau maoe bikin akoe djadi binasa! meratap nona Loan dengen tangisnja. Tapi ini gadis tjoema mengeloe sampe di sitoe sadja, kerna sigra djoega ia djato pangsan dengen tiada mengabarken lagi pada dirinja.

Tieng Bwe, Nio Sie begitoe djoega Soen Nio lantas menoebroek dan bangoenken itoe gadis, semoea orang berdaja apa jang perloe boeat bikin ia sedar dari pangsannja.

Selang tiada tama baroelah Bong Loan inget poelah pada dirinja. Ia menangis dan aer matanja mengoetjoer sebagi toeroennja aer oedjan.

,,Ajahkoe jang tertjinta," kata Bong Loan sembari nangis segak segoek, ,,akoe taoe hatimoe ada sampe koeat dan tjoekoep setia pada negri, maka akoe tiada maoe pertjaja kaloe kau ada mengandoeng niatan begitoe hina. Song Si djahanam poenja pengadoean tentoe djoega soeda trima sogokan dari sala satoe orang pengetjoet jang mendjadi moesoemoe!”

Djengkel, mara dan sedi terasa betoel-betoel dalem hatinja itoe gadis, hal mana bisa diliat dengen ia poenja tingka lakoe di itoe waktoe. Ja bangoen berdiri. Sembari hadepken moekanja pada Soen Nio ia kata: ,,Iboe, biarpoen begimana nanti terdjadi dengen dirikoe, tiada boleh tiada koe moesti menoeloeng pada ajah. Akoe poenja pikiran soeda diadi tetep; akoe maoe menjamar sebagi orang jelaki dan setjara begitoe akoe pergi ka kota radja ketemoeken Baginda radja, sama siapa akoe moesti bermoehoen soepaja ajak dilepas. Djika akoe poenja permoehoenan tiada ditrima, dengen senang hati akoe toeroet binasa bersama-sama ajah.

Seabisnia bilang begitoe ia menoleh pada boedaknja dan berkata poelah: ,,Tjeng Bwe, bikiniah sedia apa jang perice dalem perdjalanan. .'..." Sedeng perkataan ini belon sampe diachir, Bong Loan merasa matanja glap, hingga kaloe itoe koetika Tieng Bwe tiada tjepet pelok padanja, nistjaja ja aken djato kombali.

Moekanja ini nona koetika itoe djadi sange poetjet, Soen Nio dengen mengoetjoer aer mata laloe prenta Tjeng Bwe bawa Bong Loan ka kamarnja sendiri dan direbaken di ates pembaringan. Kapala dan badannja ini gadis djadi panas seperti api.

,,Njatalah Allah soeda berlakoe koerang adil." kata Bong Loan sembari menangis ngoeloen ia seperti maoe menjega borat akoe sampeken kebaktian pada orang toea sendiri. ,,Dalem ini oeroesan Hoedjin dan Siotja djangan djadi poetoes harepan,” kata The Koen dengen perkataan menghiboer, ,,baeklah sekarang akoe sadja pergi ka kota radja boeat tjari taoe begimana ada terdjadi pada dirinja Loija. Nanti sapoelangnja dari sana kita boleh berdami begimana baeknja.”

Sablonnja perkataän itoe dibri penjaoetan, Hok Tjoen jang roepanja dari tadi mendengeri apa jang telah dibitjaraken, itoe waktoe lantas menjelak masoek ka dalem kamar.

,,Apa? Tadi akoe denger Hian moaij hendak menjaroe dan maoe pergi ka kota radja?" kata ini orang moeda, dan pertanjaan itoe tiada ketaoean ditoedjoeken sama siapa. ,,Ja ada saorang prempoean dan djoega masi gadis, djika moesti pergi ka kota radja, satoe perdjalanan jang tiada aken sampe dengen sabentaran, inilah ada banjak koerang baeknja.”

,,Tiada, ademoe tiada bisa pegi, Tjoen,” kata Soen Nio pada itoe kaponakan: ,,Sekarang ia mendadak dapet sakit.”

,,Biarpoen tiada sakit, sekali-kali ia tiada boleh pergi." kata poelah ini orang moeda: ,,Akoe ada familie dalem ini roema, lagi soeda dipoengoet anak, maka tjara begimana ajah ada dalem kasoesaan akoe jang djadi anaknja boleh enak diam? Biarlah akoe sadja pergi ka sana dengen adjak The Siok-siok sebagi penganter.” Sebagaimana soeda ternjata, Ko Siotjia senantiasa merasa tiada senang pada Hok Tjoen. Tapi waktoe itoe, lantaran boeat oeroesan ajahnja jang ditjinta, ia poen lantas berkata: ,,Bilah Piauwheng soeka mewakilken akoe poenja kahendak, apa poelak sampe bisa mengadjak poelang pada ajahkoe dengen tiada koerang apa-apa, itoe boedi besar akoe nanti djoengdjoeng di atas kapala.”

,,Boeat apa Hian-moaij bikin perdjandiian begitoe, sedeng ini oeroesan ada akoe poenja kewadjiban jang teroetama." saoet Hok Tjoen dengen sanget girang. — Sebagi orang moeda jang menanggoeng birahi wadjiblah Hok Tjoen merasa girang, kerna sedari Bong Loan tinggal di itoe gedong, baroe perna ia denger si nona poenja perkataan jang begitoe lema lemboet.

The Koen tiada bikin pandjang tempo boeat ini oeroesan, maka itoe waktoe djoega ia lantas benaken barang-barang jang perloe boeat di tenga djalan; oewang dan ramsoem kering tentoe tiada katinggalan. Kamoedian sasoedanja seraken oeroesan roema pada Thio Ho dan Ong Peng ini Tjongkoan ajah dan anak bersama Hok Tjoen, Lie Tjeng dan Tio Taij, djoembla lima orang, dengen doedoek koeda lantas brangkat dari gedong Tin Kok Hoe menoedjoe ka djoeroesan Tong Keng.

Betoel pada tanggal toedjoe di waktoe masi pagi itoe lima orang telah sampe di kota Tjap Liang. Begimana tjepet marika soeda lintasi itoe perdjalanan, inilah tiada oesa diseboet lagi Koetika masi ada di tenga djaian hatinja marika itoe ada sanget kwatir, tapi kekwatiran itoe dapat dibikin linjap waktoe ia orang soeda berada di dalem kota terseboet, di mana ia dapet ketrangan lengkep tentang halnja Ko Kong.

Di sini The Koen lantas berdami dan satelah djadi moefaket, ini Tjongkoan sendiri pergi ka roema boei, Hok Tjoen, An Gin dan doea pengikoet laen pegi ke gedong Boe Leng Hoe dan menoenggoe di sana.

Tatkala sampe di roema pendjara, The Koen sigra ketemoeken Thio Eng; ia bri taoe namanja dan terangkan djoega maksoed kedatengannja. Ini pembesar-boei lebi doeloe soeda trima prentanja Souw Gie-soe, jaitoe: kaloe ada familie dan sobat andenja Ko Kong minta bertemoe boleh kasi idjin ia masoek.

Maka itoe The Koen, sebagi penghawenja Ko Kong, tiada soesa ketemoe toeannja,

Ampir-ampir sadja The Koen tiada dapet mengenali koetika dari kedjaoean Thio Eng oendjoek pada Ko Kong jang lagi doedoek mengadepin medja ketjil, oleh kerna ini madjikan soeda djadi banjak lebi toea sedari berpisa brapa taon lamanja. Ia menghampiri dengen pikiran terharoe dan sigra pelok, toeannja sembari menangis tersedoe-sedoe Sabenernja Ko Kong lagi mengharep-harep pada The An Gin, dan ia soeda tiada dapet taoe begimana soeda terdjadi dengen itoe pengikoet. Tapi tempo liat The Koen jang dateng, ia poen djadi sanget girang.

„Oh, kau dateng, Tjongkoan, „kata ini orang bangsawan dengen swara serak. „Lepaslah dan kau poenja perboeatan begini tjoema boleh bikin hantjoer akoe poenja hati: Kabetoelan kau dateng akoe kapengen sekali denger kau poenja ketrangan dari oeroesan di roema; dan lagi akoe maoe menanja: apa Siotjia dan Hoedjin semoea baek? Sebagi kapala roema apa ia haroes di'indaken? Dan tjara begimana anakkoe Song In maka boleh djadi ilang? Lagi kapan Dji Naij Naij meninggal doenia? Hajo tjerita, akoe ingin taoe itoe semoea?”

Maka ini orang bangsawan soeda dapet taoe apa jang terdjadi di roemanja, adalah Jo Gie jang pada itoe hari dateng di roema boei boeat serepin kabar, koetika ditanja, telah bri ketrangan salengkepnja. The Koen jang dioeroekin sama itoe brapa pertanjaän, dengen sabar sigra toetoerken satoe persatoe sampe terang betoel. Tjoema dari hal Bong Loan sakit dan prihal Hok Tjoen poenja kelakoean jang djoemaha ia resiaken.

Ia mengarti toeannja poenja keadaan sanget tiada bagoes maka adalah sebagi menambaken kadoekaan bilah ia bri taoe hal itoe.

Dari brapa blas taon berselang akoe telah djalanken perkara amal, tetap kenapa itoe perboeatan baek dibales dengen perkara-perkara jang tiada enak?" kata Ko Kong dalem hati sendiri. ,,Poetrakoe Song In satoe-satoenja, ia lah jang diharep boeat samboengken familie Ko, tapi apa tjilaka anak itoe ditjoeri orang! Aken tetapi ini perkara tiada haroes diboeat menjesel; soeda boleh dipastiken kaloe akoe tiada pergi memaloemken prang ka Saij Pak, ini perkara tiada enak tentoe tiada kedjadian.’’

Berkata sampe di sitoe dan pada sablonnja menanjaken apa-apa lagi pada The Koen, koetika itoe Thio Eng dengen mengadjak Hok Tjoen dan An Gin masoek ka dalem. Itoe orang moeda membri hormat pada Ke Kong dengen tjara jang kakoe sekali, sementara An Gin berloetoet sembari menangis.

Orang bangsawan kita tjoema gerakin badannja sedikit tempo Hok Tjoen membri hormat. Ia pandang dengen ati-ati moekanja itoe orang moeda dan ia dapet kenjataan—betoel sebagimana doeloean The Koen telah kata—bahoea anak itoe tiada boleh dibilang satoe orang jang, berhati djoedioer.

Ko Kong merasa sanget tiada beroentoeng mengalamken perkara demikian, maka diam-diam ini orang bangsawan mengela napas. Ia laloe bikin brapa pertanjaan pada Hok Tjoen, antara mana ia kata: Akoe denger Hianti! soeda dapet gelaran Sioetjaij, kenapa kau tiada berdaja lebi djaoe boeat dapetken pangkat jang moelia? Boekankah satoe pengharepan bagoes, bilah kau bisa pangkoe sala satoe djabatan besar dalem pakerdjaan negri?"

,,Akoe memang ada mengandoeng itoe nlatan bertindak lebi djaoe. ,,saoet Hok Tjoen jang djawab itoe pertanja‘an dengen pendek, tapi laloe beroending pandjang sama perkara-perkara jang tiada diminta. ia bilang: tadinja Bong Loan dengen menjamar maoe pergi ka kota radja, tapi ia menjega, sebab nona itoe ada sa-orang prempoean, Maka dari iteo, begitoelah ini pamoeda jang ingin dapet moeka bilang dergen tiada sajang djiwa ia menggantiken dan hendak berdjoempa sama Baginda radja boeat minta dibri perampoean, dan laen-laen obrolan poelah.

Tapi Ko Kong kaliatan tiada soeka denger itoe obrolah jang tiada bermaksoed sama hatinja. Dengen pendek ia djawab itoe perkata‘an: Sekarang soeda tiada perloe lagi. Atas pertoeloengannja Souw dan Lu doea pembesar di sini Baginda bebasken akee dari hoekoeman mati. Tapi besok akoe moesti brangkat ka Leng Lam sebagi gantinja hoekoeman mati, akoe moesti djalanken hoekoeman boeang di sana. Sekarang akoe ada sedikit pesenan dan kau bersama The Koen moesti lantas poelang boeat britaoe hal oeroesan itoe pada orang orang di roema."

,,Oeroesan begimana, ajahkoe?" menanja ini pemoeda.

—,,Bong Loan dari masi ketjil soeda dipertoendangin sama poetranija Kou Han-Lim. Ini taon jang dateng Kou Kongtjoe bakal sampe di sini boeat bikin examan dan sasoeda itoe lantas menika. Jo Gie dari sini nanti anter itoe orang moeda ka sana; Bong Loan boleh dapet separo bagian dari akoe poenja harta ia boleh ikoet swaminja poclang dan tinggal di sana. Pesenan laen akoe merasa tiada perloe, tiecma itoe satoe oeroesan jang moesti diperhatiken dan toeroet betoel sebagimana akoe poenja prenta.“

Hok Tjoen djahanam jang senantiasa kenangken ketjantikannja nona Loan, ingin bisa djadi soewaminja itoe nona, maka tiada oesa heran kaloe hatinja djadi mentjelos koetika denger peseoan Kothionja. Lantaran begitoe ini orang moeda djadi timboel koerang adjarnja, tabeat mana ia tiada bisa bogeang sedari masi ketjil.

,,Roepa roepanja ajah belon taoe, kaloe ade Loan ada mengandoeng pengrasaan koerang soeka pada poetranja Kou Lojja," begitoe ia maoe tjoba bikin orang oeroengken itoe maksoed, ,,akoe sering liat iboe mengganggoe padanja, tapi ia tiada soeka denger itoe dan kaloe orang menggangeoe troes, lantas djoega ia menangis, djika soeka, tentoe adé Loan tiada berlakoe begitoe. Akoe bilang pada ajah dengen sabenernja, mana kala ade Loan dikawinken sama Kou-Kongtjoe, nistjaja nikaan itoe tiada aken membawa beroentoeng."

,,Itoelah satoe perkara jang sekali-kali akoe tiada pertjaja!” kata Ko Kong dengen soeara sentak dan dengen perkataan tadi, ini orang bangsawan lantas dapetken apa jang didoega, matjem begimana adanja Hok Tjoen itoe, Selaeanja gebos dengen itoe perkataan djoega ini orang bangsawan mengantjem, djangan lagi sekali Hok Tjoen brani bilang begini begitoe dalem segala perkara jang ia soeda ambil poetoesan. -— Njatalah itoe djahanam sceda dapet idoeng pandjang!

Ko Kong rasa itoe oeroesan tiada boleh diseraken pada Hok Tjoen atawa siapa djoega kaljoeali The Koen. Begitoe djoega ini orang bangsawan lantas sampeken ia poenja pesenan pada itoe Tjongkoan, jang berdjandji aken toeroet itoe prenta. Kamoedian ia lantas menoelis soerat boeat anaknja

Tapi sebat badannja jang bekas dirangket masi ada brapa loeka jang blon semboe betoel, maka ini orang bangsawan tiada bisa menoelis dengen laloeasa. The Koen dapet liat itoe, maka ia lantas berkata: Loija poenja loeka loeka blon baek betoel dan tiada bisa bergerak dengen laloeasa; dalam akoe poenja sakoe ada disimpen sepoeloe pil jang moestadjab, tjobalah Loija makan satoe bidji.

Koetika ditanja itoe pil dapet dati mana, The Koen lantas peringetken itoe kedjadian aneh, jaitoe tempo satoe Todjin atawa Lu Tjouw obatin tangannja Song In dan laen-laen lagi, jang semoea soeda ditoelis sampe terang.

,,Oh ja!” kata Ko Kong: ,,Sekarang itoe semoea akoe inget; dewa Lu Tiouw poenja perkataan soenggoe soeda mengasi boekti jang terang sekali. Itoe hari sembari menoendjoek pada kajoe tjang-tjangan koeda ia berkata begini Loija, kaloe ini barang dikasi pake topi; lantas djoega ia bisa memboenoe orang. ... ,Dioestroe akoe dapet tjilaka dari perboeatannja Song Sie; tjoba kau pikir, Tjongkoan: itoe hoeroef Bok (kajoe), kaloe dipakein topi, beekantah djadi roepanja hoeroef Song!?”

The Koen banting kakinja seraja berkata: ,,Betoel, tiada sala, Loija! Tjoema sajang Lu Tjouw tiada oendjoek orangnja, tjoba kaloe dioendjoek siang-siang kita soeda singkirken itoe djahanam dari doenia.

,,Njatalah kau djadi bodo dan maoe batalken tachdir Allah!” kata ini orang bangsawan: ,,Akoe bawa itoe peroentoengan tjilaka dari dalem kandoengan, biarpoen Song Sie diboenoe, laes bahaja soeda moestinja dateng menimpa.”

Tjongkoan kita manggoetin kapala dan benerken itoe pembitjaraan. la lantas prenta orang ambil air jang bresi; kaloearken satoe dari itoe sepoeloe pil jang moestadjab dari tjeepoe-tjoe poenja, jang sasoedanja dianijoerin betoel sigra dikasi Ko Kong minoem.

Adjaib! Soenggoe moestadjab betoel itoe obat dewa! Seabisnja diminoem tiada selang sasaat lagi Ko Kong rasaken badannja djadi seger, loeka-loekanja tiada merasa lagi dan boekan sadja begiloe, malah ia lantas bisa djalan sebagimana biasa !

Semoea orang jang menjaksiken kamoestadjeppannja itoe obat, tiada ada satoe jang tiada merasa heran dan boeat gegetoen.

Begitoe djoega orang bangsawan kita tiada loepa hatoerken ia poenja trima kasi pada Lu Tjouw dan poedji kemandjoerannja itoe obat. Kamoedian ia lantas sleseken soeratnja dan troes kasi ditangannja The Koen.

„Ini soerat kau kasi ditangannja Siotjii," kata Ko Kong pada itoe pengoeroes roema, „agi kau moesti bri inget, sedikit djoega ia djangan bikin sia-sia pesenankoe. Akoe poenja pergi di ini kali sekalipoen idoep tapi sama seperti mati perdjalanen jang akoe bakal lintasin, apa lagi sesampenja di tempat boeangan, semoea ada berbahaja, hingga blon boleh dipastiken apa djiwakoe nanti tinggal slamet atawa tiada. Itoe soerat haroeslah dipandang sebagi akoe bitjara di depannja dan bilah Bong Loan benar-benar ada dara Ko Teng Tjan—Giok Kiat Kongtjoe, ia poen aken menoeroet boeat dan tiada bikin maloe nama laloehoernja.”

The Koen tiada sanggoep denger itoe perkataan dan sigra menangis Hok Tjoen djahanam dari tadi diam sadja, tapi ia ini roepanja lagi ,pikirin perkara penting jang bertempat dalem hatinja.

Lebi djaoe Ko Kong panggil The An Gin, sama siapa ia kata: ,,Sekarang ini kau boleh toeroet poelang bersama-sama ajahmoe, kerna dalem pemboeangan tiada perloe sama pengikoet seperti di dalem lapang prang. Lagi kau liat sendiri, ajabmoe soeda beroesia tinggi; ia tiada ada laen anak selaennja kau sendiri, Maka dari. .... .“

Perkataan ini orang bangsawan poetoes sampe di sitoe, kerna An Gin itoe tempo lantas menoebroek dengen tangisnja, sampe kepaksa ia bikin poetoes omongannja.

,,Tjianswe," kata ini pengikoet jang setia, ,,akoe, anak dan ajah, berdoea-doea soeda trima Tjianswe poenja boedi besar, begitoe besar biarpoen leherkoe dipotong masi blon tjoekoep boeat

membales... Sekarang sedeng Tjianswe ada dalem keadaan soesa, tjara begimana akoe disoeroe poelang dan tinggal senang di rosma? Tida, akoe tida maoe! Biarpoen Tjianswe njebrang laoetan dan masoek di api, tiada oeroeng akoe maoe mengikoet, dan bilah kahendak ini ditjega, akoe lebi soeka diboenoe dan m-ti di sini djoega!"

Oleh kerna permintadanja ini pengikoet ada begitoe sanget, lagi An Gin sanget setia, maka orang bangsawan kita tiada tega dan loeloesken permintaanja. Kamoedian Ko Kong ambil satoe boengkoes perak dan laloe kasi persen ito oewang pada Thio Eng, sebagi gandjaran dari ini Cipier poenja rawatan bagoes selama ia ada dalem pendjara. Sasoeda itoe ia kata pada The Koen: ,,Tjongkoan, sekarang kau boleh poelang sadja. Itoe oewang jang Hoedjin kirim lima riboe tail, akoe tjoema ambil doea riboe tail dan selebinja kau bawa poelang; kaloear dan masoek oewang masoekin di boekoe, soepaja tiada terbit kerantjoean di kamoedian hari."

The Koen memanggoet tapi dengen mengoetjoer aer mata. Ini Tjongkoan merasa sanget piloe kerna baroe ketemoe sabentar dan blon poeas moesti berpisaan lagi, lebi sedi poelah jang toeannja itoe aken mendjalanken hoekoeman, hingga blon bisa dipastiken apa bisa bertemoe kombali atawa tiada. Tapi sebaliknja kaloe di inget bahoea menoesia di doenia soeda loemranja moesti begitoe, dapetlah The Koen meliboerken kasediaannja. Begitoelah sasoedanja membri slamet dijalan dan berdoa dengen keslametan diri toeannja, ini boedjang toea bersama Hok Tjoen lantas berlaloe dari roema pendjara.

Kita tinggalken sadja pada The Koen dan jang laen-laen, kerna itoe hari djoega marika telah brangkat poelang ka gedong Tin Kok Hoe, sedeng sekarang baeklah kita tengok dan ikoetin perdjalanannja Ko Teng Tjan.

Tatkala sampe esoknja di waktoe pagi, ini orang bangsawan di kaloearken dari dalem pendjara di bawa ka kantoor Kim le Wie: di sana kombali Souw Gie-soe batjakan poetoesannja Keizer, se abisnja itoe ini pembesar bri slamet pada Ko Kong dengen berkata: ,,Ko Tjianswe, hareplah kau bersenang hati dengen ini poetoesan, boeat akoe tiada bisa berboeat laen, selaennja doaken kau poenja keslametan di sepandjang djalan."

,,Sebagi laki-laki sedjati biarpoen tiada berdosa, dengen senang akoe teima ini poetoesan. Trima kasi boeat Kokioe poenja pediaiad itoe.” saoet Ko Teng Tjan.

Selama berkata-kata ini doea orang saban saban menepes aer matanja, itoelah disebabken dari kasedihan hatinja itoe doea kawan sedjabat. Kamoedian dengen pake pakean orang boeangan dianter oleh brapa pendjaga teritoeng djoega An Gin, lantas Ko Kong dan semoea pengiring toeroen ka dalem praoe, begitoe poen djoega barang-barang bekelan tiada ada jang katinggalan.

Ini praoe lantas brangkat djalan.

Djoestrue dalem itoe brapa hari angin menioep tentoe, lagi ombak tiada besar, hingga itoe praoe djalan dengen tjepet dan tiada brapa hari kamoedian telah sampe di pelaboean Siong-Leng-Ek. Disitoe ia orang mendarat, menginep satoe malem, besoknja pada waktoe masi pagi soeda brangkat lagi dengen menggoenaken kandaran jang ditarik sama kalde besar-besar.

Ia orang berdjalan di darat njatalah lebi banjak berabe dari pada koetika bikin perdjalanan di aer dengen praoe. Teroetama tiada bisa djalan laloeasa dan tjepet, kerna djalanannja jang sabentar naik sabentar toeroen, ditamba lagi dengen banjak jang roesak, hingga biarpoen kalde kalde jang tarik moeatan tenaganja besar, tiada oeroeng tempo-tempo djadi nakal, tiada maoe djalan. Tapi kendati pelahan kandaran berdjalan troes, asal sadja sablonnja djadi sore marika bisa sampe di tempat pemondokkan.

Pada itoe hari, sedeng mala-hari soeda moelai toeroen ka djoeroesan Barat, tapi ia orang masi berada di soeatoe tempat jang djaoe ka sana-sini. Di sebla depan terliat sagoemploekkan pohoen Siong, jang dari lebar serta lebetnja tjoekoeplah kaloe diseboel oetan adanja. The An Oin jang koetika itoe ada djalan di sebla blakang, satela, liat oetan di depan begitoe lebet, pemandangan ini soeda terbitken rasa tiada mengasi di dalem hatinja.

la lari soesoel kandaran jang djalan doeloean, satelah dapet ditjandak ia berkata pada koesirnja: „Sobat, tahan doeloe! Itoe oetan jang kaliatan di sebla depan begitoe lebet dan serem kaliatannja, maka toeroet akoe poenja doegaän di sitoe tentoe ada djadi sarangnja perampok. Sekarang brenti doeloe sabentaran di sini, akoe djalan doeloean boeal mamereksa; seandenja bener ada pendjahat akoe nanti tangkep, dan kaloe tiada boleh brangkat djalan lagi."

Satelah An Gin bilang begitoe, koenjoeng-koenjoeng dari dalem oetan kaloear sakawan orang dengen tampik soeraknja jang begitoe rioe. Marika itoe satoe persatoe pegang barang tadjem; kelakoeannja ada ternjata marika itoe kawanan begal adanja.

„Hajo, lekas tinggalken kau orang poenja oewang dan barang-barang!" berseroe marika itoe. „Kaloe tiada djangan harep bisa liwat !"

Hal ini membikin pengiringnja Ko Kong djadi sanget takoet, ia orang djadi kalang kaboel dan tiada taoe apa haroes berboeat. Brapa kali orang bangsawan kita minta koesir kandaran boeka borgolannja, serta bri taoe djoega kahendaknja boeat labrak itoe kawanan pendjahat, tapi permintaan itoe sia sia sadja, kerna koesir bahna takoet soeda djadi kalenger. Katjoeali An Gin, jang satelah liat gelagat koerang baek sigra menerdjang ka depan sembari poeter sendjatanja.

Kaliatan njata itoe tempo An Gin kita soeda djadi nekat dan boeas kelakoeannja. la menerdjang pada itoe koempoelan pendjahat sebagi matjan menerdjang sakawanan kambing, hingga satoe persatoe djadi berpentjaran. Tapi kekaloetan marika itoe tiada sampe berdjalan lama, kerna begitoe lekas ia orang bisa koempoel lagi dan koeroeng An Gin di sama tenga.

„Soedara-soedara awas! ini satoe djangan dikasi lolos!" berseroe satoe pendjahat jang moeka item dari atas koeda, dan orang ini boleh djadi ada kapala dari marika toe. „Lebi doeloe perloe sleseken itoe orang jang satoe, baroe bikin periloengan pada jang laen!"

---

Tjo Kungtjoe dengen kabetoelan menoeloeng Ko Kong-Hok Sioetjaij

meroba soerat boeat poetoesken otang poenja perkawinan.

An Gin djadi kaget dan bingoeng satelah liat seabisnja oetjapken perkataän demikian, itoe orang lariken koedanja menghamperi Ko Kong. la lantas oeleng goloknja menablas kaloear. Tapi kainginan ini tentoe sadja tiada berasil, kerna djoemblanja marika itoe ada sanget banjak.

„Oh Allah!” treak An Gin satelah liat niatnja sia sia sadja. „Siapa jang nanti menoeloeng pada toeankoe!”

Sedeng ini pengikoet kata begitoe, adalah itoe orang moeka item soeda menghamperi semingkin deket pada Ko Kong, jang sedikit poen tiada kaliatan bingoeng maski djoega itoe tempo haroes dibilang dirinja lagi terindar dengen bahaja heibat.

Djoestroe selagi itoe pendjahat maoe madjoe brapa tindak lagi aken memboenoe Ko Kong mendadak dari tempat jang tiada sebrapa djaoe kadengeran swara treakan keras: „Hei bangsat! Apa kiranja doenia ini kau poenja, maka siang-siang hari brani lakoeken perboeatan begal!"

Orang jang berkata itoe jalah ada saorang moeda, roepanja tjakep dan sikepnja angker serta gaga, hingga kaloe dipandang mirip seperti roapanja Tio Tjoe Liong di djaman Sam Kok. Koedanja jang dibedal begitoe keras sabentaran sadja sotda ada di depannja itoe pendjahat, pada siapa laloe ia menerdjang dengen pedangnja.

Sigra ini doea orang berkla! di itoe tempat dengen seroe sekali. Koenjoeng-koenjoeng itoe pendjahat moeka item terdjoengkel dari atas danja, kerna ia soeda tiada kaboeroe tangkis satoe serangan berbahaj, jang ampir bikin poetoes lehernja. Kawanan pendjahat jang laen tempo liat kawannja dibikin binas, satoe persatoe lantas melariken diri dan mana tiada kaboeroe lari telah djadi korban pedangnja itoe Siauw Lian Eng-hiong.

Atas pertoeloengen itoe pamoeda jang gaga, jang dateng menoeloeng dalem waktoe jang betoel boekan sadja Ko Kong terloepoet dari kabinasaän, djoega The An Gin soeda dapet ditoeloeng dari pager sendjata.

Sabion kita toetoerken, pembatja tentoe kira itoe orang-orang betoel ada kawanan pendjahat, tapi sabenarnja boekan begitoe; marika itoe poen boekan laen dari pada orang-orangnja Lu Kok Tjaij jang trima titanja itoe dorna menjaroe djadi perampok, dengen maksoed maoe boenoe Koteng Tjan di tenga perdjalanan.

Jang mendjadi kapala dari itoe kawanan orang jaitoe le Ho Sin, itoe menoesia lemaha, jang namanja pembatja tentoe tiada asing lagi. Ia ini sabenernja ada anak angkatnja Lu Jong dan djadi djoegga goeroenja Lu Kin; atas perantaraän ajah angkatnja, ini djahanam dapet berkenalan sama Lu Sinsiang, sampe kamoedian itoe Ferdana-mantri pertjaja, dan prenta ia djalanken itoe pakerdjaän dengen didjandjiken oepa besar, kaloe sadja pakerdjaän itoe berdjalan baek, Tapi ternjata Allah tiada membri berka pada menoesia jang berboeat djahat. Boektinja begimana soedah terdjadi atas dirinja le Ho Sin; ia boekan sadja tiada dapet oepa dari pakerdjaan jang dilakoeken, malahan boeat itoe ia soeda korbanken djiwanja sendiri. Sedeng brapa orang antaranja jang terloepeet dari bahaja mati sigra poelang dai bri taoe itoe pakerdjaan jang berachir djelek pada Lu Kok Tjaij.

Begimana besar doeka dan maranja Lu Kok Tjaij tentang hal itoe inilah tiada oesa diseboet lagi. Ia mara betoel sama itoe orang moeda jang blon ketaoean siapa adania, hingga lantaran pikirin itoe semoea, ini dorna dapet sakit jang tiada haroes dibilang enteng.

Sasoedanja dapet mengetahoei bahoea itoe orang-orang perampok ada andjing-andjing prentahannja Lu Kok Tjaij, maka baeklah kita tjari taoe: anak siapa, toeroenan apa dan siapa namanja itoe orang moéda jang gaga perkasa? Tjo Kheng alias Boen Pa, begitoe ada namanja itoe pamoeda.—Ia itoe jalah ada poetranja Tjo Peng Kie jang mendjabat pangkat Peng Ma Tong Ki, toeroenan Boe Hoei Ong Tjo Lim atawa Taij Goan Houw ampoenja tjoetjoe, jang dilahirken oleh Tio Si.

Tjo Peng Kie swami isiri doea doea soeda meninggal doenia, tapi dengen meninggalken warisan besar boeat anaknja, kerna pada masa idoepnja ia terkenal sa orang hartawan besar.

Sedari masi ketjil Tjo Kongtjoe jakinken ilmoe silat, oendang brapa goerce jang terkenal boeat kasi pladjaran: djoega kalee sore tiada loepaja beladjar soerat-suerat dan laen-laen boeat menamba pengetaoeannja. Oleh kerna jakinnja dan apa poelah otaknja terang, madjuken sasoeatoe peladiaran dengen sabar, maka tiada oesa heran, baek hal soerat maoepoen perkara silat, Tjo Kongtjoe dapetken hasilnja dengen sampoerna. Tapi terniata perkara silat ada lebih madjoe dari laen peladjaran jang ia ambil.

Dalem oesia amemblas taon, Tjo Kongtjoe terkenal sebagi ,djago moeda" jang tiada ada tandingannja. Adat lambaganja Tjo Kongtjoe sanget aloes dan sabar, tapi hatinja keras sebagi besi. Ia ada djadi moesoe dari perboeatan jahat; hatinja jang toeloes selaloe ada bersedia aken membri pertoeloengan sama siapa djoega, baek dengen oewang atawa tenaga, begitoe poen kaloe perloe ia tiada sajang djiwanja boeat menoeloeng laen orang poenja oeroesan. Satoe tempo ini orang moeda ampir terbitken perkara penoempaan dara dalem kantoornja. Tikoan di Souw Tjioe, dari lantaran itoe pembesar poenja keloekoean setaker pada Wie Sloetjaij jang ia baroe kenal brapa hari sadja. Ini orang diarang sekali diam di roema, ia selaloe bergaoelan sama orang-orang moeda jang jadi temennja; oereesan roema tanggga ia seraken dalem tangannja The Liang, jang mendjadi djoega ia poenja toekang masak. Roepa-roepanja ini orang moeda blon niat beristri, kerna sabegitoe djaoe ternjata ia blon poenja dan niat tjari toendangan.

Pada itoe hari, di mana Ko Teng Tjan ampir binasa sabenernja Tjo Kongtjoe maoe pergi koendjoengken brapa sobatnja di kota, jang djandjiken padanja di itoe hari boeat pergi Thiam-Hio dalem sala satoe Bio di Lam-Haij, tapi apa maoe hegitoe kabetoelan hatoerken pertoeloengan jang perloe.

Setelah liat itoe koempoelan orang djahat soeda pada pergi, katjoeali jang mati dan loeka ada di sitoe, An Gin merasa lega hatinja. Ia boeroe-boeroe berloetoet di hadepan itoe penoeloeng, Tjo Kongtjoe, seraja membilang trima kasi.

,,Bila tiada ada In-Ja jang membri pertoeloengan, nistjaja akoe, madjikan dan boedjang serta jang laen-laen aken djadi setan jang tiada ada kapalanja." kata An Gin. ,,Sekarang marilah kita ketemoeken akoe poenja Loija, jang tentoe merasa teramat soekoer bagi In-Ja poenja pertoeloengan jang begini besar.“

Ko Kong djoega itoe tempo soeda teeroen dari atas kandaran. Ia menghamperi Tjo Kongtjoe dan kata: ,,Moesti diakoe, bahoea akoe ini ada saorang pemboeangan jang latjoer: dalem ini perdjalanan soeda dapet ini halangan besar, jang bila tiada ada in-Tjongsoe dateng menoeloeng, tentoe akén binasa di tangannja itoe sekalian perampok.”

Seabis kata begitoe, Ko Kong sigra berloetoet sebagi ia poenja trima kasi pada itoe orang moeda. Tjo Kongtjoe dengen repot bales itoe kahormatan: apalagi ia dapet liat orang jang ditoeloeng sekalipoen ada berpakean orang boeangan, tapi roepanja ada berbeda dengen orang banjak, maka ia doega, kaloe orang itoe boekan toeroenan bangsawan paling sedikit ada djadi ambtenaar besar dalem diwan karadja‘an.

Di atas batoe-batoe jang ada di sitoe ini brapa orang sigra berdoedoek beromong-omong, saling kasi taoe nama, toetoerken masing-masing poenja laoehoer dan laen-laen lagi. Sasoeda kadoea fihak bertjerita terang, Ko Kong kaliatan djadi sanget girang, samentara Tjo Kongtjoe boeroe-boeroe membri hormat dan minta ma'af pada itoe orang bangsawan, jang mendjadi sobat ajahnja almarhoem dan ia sendiri haroes berbabasa paman.

,,Sabegitoe djaoe jang akoe denger, Slokhoe soeda diriken banjak pahala dan dape anoegra besar dari pamerenta negri, ,,kata Tio Kongtjoe kamoedian, maka akoe djadi ingin dan minta dibri ketrangan, dari lantaran begimana maka Siokhoe djadi begini roepa?”

,,Dan ini haroes dibilang ada satoe bintjana besar jang menimpa atas Siokhoe ampoenja diri, ,,kata poela itoe orang moeda sembari mengelanabas, sasoedanja denger Ko Kong toetoerken hal-ichwalnja dengen terang: ,,toeroet akoe poenja doega‘an, tentoe djoega itoe djahaman Song Sie soeda trina oepa'an dari sala satoe orang jang bersakit hati pada Siokhoe."

,,Tapi akoe kira ini perkara tiada boleh ditinggal diam, begitoe ini orang moeda teroeskena bitjatanja, ,,Siokhoe moesti tjari taoe siapa adanja itoe menoesia kedjl jang berpedeng di blakang kree serta bikin pembalesan padanja.”

Ko Kong berdiam, tapi berdongak dan tangannja menoendjoek ka atas langit, kelakoean mana seperti ia maoe bilang: tinggal masa bodo Toehan Allah! Sasoedanja beroniong-omong poela sedikit lama, Ko Kong berkata: ,,Tadi Hianti bilang mao pegi ka Djin Ho Koan, ini kabetoelan sekali! Apa kau kenal Kou Han lim, atawa nama jang betoel dipanggil Lie Pek alias Tioe Sian?" ,,Kaloe Siokhoe seboet sadja Kou Han lim, akoe poen lantas kenal siapa jang dimaksoeken!" saoet Tjo Kheng sambil tersenjoem: „ Kerna, seperti bersobat kekel pada Siokhoe, djoega antara ajahkoe dan Kou Han-lim ada teritoeng ia poenja sobat baek.”

„Oh, begitoe? Boekankah ia ada satoe poetra lelaki; dan begimana dengen Hiantit poenja pengliatan sama itoe anak?”

„Toeroet akoe poenja pengliatan, tjoekoeplah kaloe diseboet alim, pengartiaännja dalem dan adatnja tiada tinggi seperti kebanjakan anak-anak moeda laen. Akoe bilang ini dengen sabenarnja sedikit poen tiada dilebi-lebiken.”

Disaät itoe moekanja Ko Kong bersinar terang. Tjo Kongtjoe lantas mendoega apa-apa berhoeboeng dengan pertanjaännja itoe, maka ia laloe menegesin lebi djaoe. Ko Kong tiada merasa kaberatan boeat itoe oeroesan, maka sigra ia bri taoe: kaloe Kou Kongtjoe itoe ada bakal mantoenja dan aken menika dalem tempo jang tiada lama lagi.

„Akoe baroe taoe ini perkara girang, maka panteslah akoe membri slamet!" kata Tjo Kongtjoe jang djoega toeroet njataken girangnja. „Tapi dari sini pergi ka Djin Ho Koan tiada brapa djaoe lagi, apa tiada baek Siokhoe sama-sama akoe pergi ke sana? Nginep boeat brapa malem dan kamoedian brangkat lagi."

„Trima kasi, itoe permintaän akoe tiada biasa loeloeken." saoet Ko Kong: „HIantit taoe sendiri, ka satoe, akoe ada dalem perdjalanan ka pemboeangan; ka doea, akoe poenja tangan diborgol, leher pake kaloengan besi. Maka itoe, dalem keadaan begini matjem begimana akoe bisa bertemoe orang? Lagi biarpoen akoe tiada pergi, Hiantit tentoe soeka toeloeng sampeken akoe poenja doa slamet pada bakal besankoe di sana?

,,Tentoe sekali akoe soeka!" kata Tjo Kongtjoe.

Satelah beromong-omong sampe di sitoe, matahari soeda miring dan tiada lama poela bakal terbenam, dan dari sebab takoei kemaleman sablonnja sampe di kampoeng atawa kota, maka Ko Teng Tjan lantas ambil slamet tinggal dan berpisa sama Tjo Kongtjoe.

Brangkatnja Tjo Kheng ka Dijin Ho Koan tiada perloe kita toetoerken, maka baeklah kita ikoetin pada Ko Kong dans ekalian pengiringnja. Sabenernja Leng Lam atawa kota Tjoe Kat-shia boekan ada satoe perdjalanan deket, tetapi di sini kita ambil ringkesnja sadja, sasoedanja djaian brapa blas hari lamanja, di mana telah liwatken brapa kota dan goenoeng-goenoeng besar, sampelah marika itoe di tempat jang ditoedjoe.

Adapoen jang mendjaga kota terseboet, jalah Baginda Sin Tjong poenja kanda namanja Tjo Bian, bergelar Wie Wan Ong Kioe Tjianswe. Masa moedanja ia ini ada sanget gaga; kariboetan-kariboetan jang terbit di itoe tempat, boleh dibilang ia jang pademken, hingga Keizer almarhoem hargaken ia, poenja djasa dan anggep ia djadi famillienja radja. Oesianja Tio Tjianswe soeda toedjoe poeloe taon, tapi biarpoen toea roepanja masi angker. Ampat poeloe taon lamanja ia doedoek mamerentah dalem itoe bilangan dengen slamet, sedeng sabenernja pendoedoek di sana ada sanget djahat dan berkapala batoe.

Dengen menilik tjaranja ia doedoek mamerenta dengen haek, maka zonder menerangken pandjang lebar prikeadaan Tio Tjianwe itoe, tjoekoeplah boeat orang dapet mengetahoei, bahoea ia itoe ada saorang pembesar jang arif-bidjaksana.

Tatkala sampe Ko Kong lantas dihadepken pada itoe pembesar, jang sasoedanja denger ia poenja ketrangan sigra ia mengetahoei kaloe orang bangsawan soeda dipitena orang. Dan dari sebab taoe jang Ko Teng Tjan selaennja pegang pangkat besar djoega teritoeng famillie Keizer, maka Tio Tjiianswe perlakoeken ia dengen baek dan tiada disamaken dengen laen-laen orang boeangan jang memang banjak di sana.

Oleh kerna satoe pena tentoe soeker menjeritaken doea-doea fihak dengen sampoerna, maka sekarang kita tinggalken sadja pada Ko Kong jang soeda sampe di tempat boeangannja. Sekarang kita balik meliat pada The Koen, Hok Tjoen dan doea orang laen, jang kita soeda tinggalken marika itoe dalem perdjalanan poelange ka Jan San.

Kita dapetken ini brapa orang pada satoe sore dalem roema makan, jang terletak di satoe tempat kira-kira perdjalanan sahari lagi ka gedong Tin Kok Hoe.

The Koen tiada kaliatan ada di sitoe, boleh djadi ini Tjongkoan sedeng ada di dalem; Lie Tieng dan Tio Taij berdoea lagi mengabrol sembari tidoer tjelentang di atas tapang besar, sedeng Hok Tjoen jang boleh djadi lagi pikir banjak oeroesan masi tinggal bertjokel mengadepin medja, di atas mana ada terletak satoe lampoe jang apinja terang djoega.

Memang djoega ini orang moeda doerhaka lagi berpikir keras. Apatah jang ia pikiri? masa apa lagi, kaloe boekan halnja Bong Loan jang menoeroet Kothionja poenja maoe, gadisnja itoe moesti dikawinken sama Kou Kongtjoe. Ini perkara soeda bikin hatinja Hok Tjoen merasa koerang senang, ia tjela Kothionja saorang jang tiada berboedi.

Ia tawarken dirinja menggantiken nona Loan pergi ka kota radja, itoe semoea ia harep Kothionja djato hati padanja, dan ini soeda kentara dengen ia poenja omongan tempo ada di hadepan Ko Kong. Tapi njatalah itoe pengharep bagoes soeda djadi sebaliknja, satoe perkara jang tiada didoega aken kedjadian begitoe. Lama ini keparat pikirin itoe perkara, achirnja sampe ia dapet ingetan djahat. la ambil poetesan boeat roba soerat Kothionja jang aken disampeken pada Bong Loan, tjoema ia merasa sangsi. The Koen jang pegang itoe soerat; tiada soeka menoeroet. Tapi satelah inget, dengen pengaroe oewang orang bisa berboeat segala apa, niatan itoe lantas ditetepken. Lantas ia panggil The Koen, jang sigra dateng mengadep.

Boeat ambil hatinja orang Hok Tjoen soeda berlakoe manis sekali. la silaken The Koen doedoek. Doea boengkoes oewang sadjoembla seratoes tail perak ia angsoerken pada ini pengoeros roema. The Koen jang memang soeda taoe abis lagoe-lagoenja itoe orang moeda, satelah liat begitoe lantas mengarti maoenja.

„Kau taoe, Tjongkoan,” begitoelah ia moelai, „iboekoe sekali-kali tiada mengidjinken Bong Loan kaloear pintoe atawa menika sama laen orang. Maka itoe, tempo maoe brangkat Hoedjin pesen padakoe boeat toetoerken ia poenja maksoed pada Loija, Boekantah kau poen denger djoega, tempo akoe njataken itoe pada Loija?’

„la, betoel Siangkong” saoet The Koen, dan itoe djahanam teroesken bitjaranja beri djaoe: „Akoe dan nona Loan oemoernja sepantar betoel, lagi akoe poenja paras tiada ada tjelaannja; iboe koe niat rangkepken nona Loan sama akoe, ini toeh bagoes boekan?

„Hola, memang bagoes!„“ The Koen kasi denger senggakannja. „Tapi Loija roepanja tiada maoe djadi begitoe, abis begimana?“

„Persetan sama ia poenja tiada soekai Ia toch soeda pegi djaoe, brangkali ia mati di sana! Pendek dalem ini perkara kau soeka membantoe, roba itoe soerat; poedjiken akoe, tjela pada familie Kou segala apa lantas mendjadi!“

„Tapi Siotjia soeda kenal betoel soerat ajahnja, maka ia bisa djadi tjoeriga kaloe batja itoe soerat?“

„Kenapa bodo! kau bilang Loja poenja loeka-loeka bekas dirangket blon semboe, maka ia prenta akoe toelis itoe“

„Kaloe begitoe baroe bisa djadi,“ kata The Koen sembari rogo sakoenja dan kaloearken soeratnja Ko Kong. Ia kata poela: „Sekarang ini soerat baek bakar sada, Siangkong boleh bikin laen soerat lagi“

„Ia, itoe paling betoel! pergi kau bakar sabentara soeda ada laen gantinja!“ kata Hok Tjoen dengen girang, samentara The Koen pergi kaloear dan tiada lama balik poela serta kasi taoe, itoe soerat soeda dibakar abis.

Mendenger begitoe Hok Tjoen djahanam djadi sanget girang disini kita ambil ringkesnja sadja, itoe pemalsoean soerat soeda djadi slese dan boenjinja djoega kita rasa tiada perloe ditoelis, kerna pembatja tentoe soeda mengetahoei baek maksoednja Hok Tjoen doerhaka.

Itoe soerat lantas diseraken dalem tangannja The Koen, jang dengen sarat girang lantas simpen baek-baek dan berdjandji nanti toeroet prentanja itoe Toa Siangkong, dari siapa ia didjandjiken oepaan besar.

Satoe malem telah berlaloe, esok di waktoe masi pagi The Koen soeda brangkat djalan, di mana pada liwat lohor telah sampe di Ki Lin Tjhung, gedong Tin Kok Hoe ng Peng dan Thio Ho dari masi djaoe soeda memboeroe pada The Koen dan menanjaken keslametannja Ko Kong djoega ini doea orang tiada loepa samboet dan membri slamet pada Hok Tjoen.

Dengen kelakoean tinggi jang kita tiada sanggoep toelis disini, Hok Tjoen di ikoet sama The Koen dan jang laen-laen sigra masoek ka dalem: sesampe di dalem tempat biasanja Soen Nio bertjokol ia orang tiada dapetken itoe njonja ada di sitoe, katjuoeali Hong Dji jang lagi bikin bresi apa apa.

„Heola akoe poenja Kongtjoe ang manis soeda poelang!“ kata itoe boedak doerhaka: „Slamet dateng!“

„Hodjin ada di mana, Hong Dji?“ tanja Hok Tjoen „Siotjia poenja penjakit semingkin keras,” kata lagi itoe boedak, seantero malem Hoedjin dan boedjang boedjang tiada dapet tidoer; njonja sekarang ada di kamarnja Siotjia.„

Hok Tjoen dan laen-laennja sigra pergi ka sana la orang dapetken Ko Sietjia ada tertetak. di atas pembaringan dengen disoendang oleh Soen Nio; semoea boedjang prempoean jang ada di sitoe, Tjeng Bwe dan Nio Si, apalagi Soen Nie matanja rata-rata ada mengember aer Moekanja jang sakit ada sanget poetjet matanja soeda masoek ka dalem, napasnja djoega soeda djadi laen, hingga boleh menerbitken poetoes pengharepan pada siapa jang liat.

---

Soerat palsoe mengasi liat tembaganja.
—Hok Tjoen berdaja
oepaja boeat sampeken
maksoednja.

---

Seabisnja menanjaken keslametannja Soen Nio, di sitoe The Koen sigra toetoerken apa jang terdjadi atas dirinja Ko Kong dalem perkaranja. Semoea orang teroetama Soen. Nio, djadi merasa lega hatinja.

„Tempo kita orang brangkat Hian-moaij poenja penjakit tiada begini, tapi sekarang ternjata berat sekali.” kata Hok Tjoen. „Apa brangkali iboe tiada panggilin Sinshe?” „Tabib akoe soeda panggil toch penjakitnya boekan djadi baek hanya djadi bertamba berat.” kata Soen Nio. „Tabib terangken ademoe poenja sakit sebab banjak djengkel; dan ini tiada saja kerna sakitnja ini berhoeboeng sama pikirin ajahnja."

„Soeda, ini hal Hoedjin teroesa boeat pikiran," kata The Koen, „akoe ada simpen obat jang moestadjab, jang tentoe aken bikin Siotjia poenja penjakit djadi semboe."

The Koen sigra kaloearken tjoepoe-tjoepoenja kaloerken satoe pil, jang sebagimana biasa laloe diantjoerin pake aer dan teroes dikasi minoem pada Ko Siotjia Kombali di sini itoe obat telah, oendjoek kemandjoerannja jang mengheranke; boleh dibilang Siotjia soeda mati, tapi satelah obat itoe masoek di moeloetnja ia lantas bisa bergerak, plahan-plahan melekin matanja dan pandang semoea orang dengen roepa heran.

„Oh, Hengtiang, kau soeda poelang?" kata Bong Loan koetika liat Hok Tjoen ada di sitoe:

„Dan apa kabar dengen hainja ajahkoe?"

„Senangken hatimoe, Hian-moaij,” saoet ini pamoeda doerhaka, jang laloe bri taoe perkara apa soeda terdjadi. Bong Loan kaliatan senangan djoega koetika denger begitoe, ia laloe membilang trima kasi pada Hok Tjoen ales ta poenja pertoeloengan.

Sabenarnja ini orang moeda ingin doedoek tebi lama di itoe kamar, tapi apa maoe Soen Nio soeroe ia pergi dengen kasi alesan, Siotjia baroe semboe, kaloe terlaloe banjak omong nanti masoek angin dan boleh kamboe kembali.

Sorenja di itoe hari, diam-diam The Koen kasiken soeratnja Ko Kong jang toelen di tangannja. Nio Si berikoet djoega itoe oewang jang seratoes tail. Pada istrinja ini Tjongkoan bri taoe tentang maksoednja Hok Tjoen, dan minta sang istri seraken itoe soerat dan oewang pada Siotjia, serta kasi taoe djoega perkara apa ada menjelip dalem itoe perkara.

Nio Si tiada brani berlakoe alpa, itoe tempo djoega diam-diam ia kasiken itoe semoea di tangan Bong Loan. Gadis kita lantas menangis koetika batja soerat ajahnja; tapi itoe oewang ia poelangken dan soeka kasi persen pada Nio Si dengen dipesen, itoe resía dari perboeatannja Hok Tjoen djangan sampe laen orang mendapet taoe.

Besok paginja Bong Loan soeda djadi seger, ia soeda bisa doedoek minoem thee bersama- sama Soen Nio. Djahanam Hok Tjoen jang ada taro pengharepan baek, dari masi pagi soeda pergi tjari The Koen, sama siapa itoe soerat ada dipegang. Kamoedian bersama itoe pengoeroes roema ini menoesia keparat pergi ketemoeken Siotjia, sama siapa The Koen kasiken itoe soerat.

„Ini ada soerat dari Loija," kata The Koen, „harep Siotjia preksa adanja.”

Bong Loan boeka dan batja itoe soerat, tapi begitoe lekas ia lemparken di atas medja, sedeng moekanja ada bersorat djemoe. Soen Nio minta dibri taoe apa jang ada tertcelis di sitoe.

„Iboe boleh batja sadja sendiri!” kata Bong Loan: „ltoe soerat boeat akoe tiada berharga, kerna ternjata itoe ada boekan toelisan ajahkoe!”

Hal ini tiada membikin Soen Nio terbitken pengrasaan apa-apa, katjoeali mendjadi heran. Tapi bagi Hok Tjoen, jang tatkala itoe ada di loear kamar, itoe perkataan adalah sebagi satoe barang tadjem jang menoesoek hatinja. Ia boeroe-boeroe poelang ka kamarnja dan lepasken dirinja atas satoe krosi.

Djoestroe Lo Keng masoek dalem kamernja' ini boedjang lelaki djadi sanget heran dan sigra menanja, apa sebab roepanja Hok Tjoen begitoe masgoel, sedeng pada brapa hari jang laloe kaliatan Begitoe goembira.

„Ha, perkara begitoe sadja Siangkong sampe djadi doeka!“ kata Lo Keng, sasoedanja denger Hok Tjoen poenja tjerita, dari hal ia poenja oeroesan jang soeda dijadi'gagal. „Tjoba kaloe siang-siang Siangkong bri taoe, dengen gampang akoe menoeloeng.” Hok Tjoen doerhaka angkat badannja dan roepanja mendadak djadi girang. Ia sigra me- nanja, Lo Keng ada poenja daja oepaja begimana boeat bandoe ia dalem itoe pakerdjaän?

„Akoe ada poenja satoe soerat obat jang sanget moestadjab, jang akoe dapet dari satoe tabib jang pande. Itoe obat perloenja tjoema boleh diminoem oleh orang prempoean; gadis gadis jang kena makan itoe birahinja djadi berkobar, dengen satoe doea perkataän sadja kita nanti bisa poenjaken ia poenja diri boeat selamanja."

―„Dan itoelah haroes diseboet obat dewa!"

Lebi djaoe Lo Keng laloe tjeritakan dari hal kemandjoerannja itoe obat, membikin Hok Tjoen djadi sanget girang dan prenta Lo Keng pergi bli.

„Tapi begimana Siangkong maoe bikin sama itoe obat? Hal iloe tjoema bisa berhasil kaloe dapet diminoem oleh Ko Siotjia. „kata Lo Keng.

„Itoe perkara djangan slempang. saoet Hok Tjoen. Akoe nanti minta pertoeloengannja Hong Dji boeat taro itoe obat di aer nimoemnja nona. Pergilah, bli sekarang itoe obat. Djangan slempang, akoe blon perna pake orang poenja tenaga dengen zonder oepa!"

Lo Keng dengen tjepet lantas kaloear dari itoe kamar, Hok Tjoen djoegà toeroet kaloear tapi ia ini pergi ka kamar Kohnja, sama siapa ini anak doerhaka dengen tiada taoe maloe toetoerken perkara apa jang ia maoe atoer atas pertoeloengannja Lo Keng.

„Betoel-betoel kau soeda maoe gila, Tjoen!" menjentak itoe njonja. „Boeat akoe sekali-kali tiada moefaket, kerna lebi banjak bahaja dari baeknja!"

„Bahaja apa, iboe?" kata ini anak doerhaka dengen angkoe. „Ini pakerdja'an dilakoeken dengen aloes; lagi Hong Dji jang dipertjajaken dalem itoe pakerdjaän aken berlakoe ati-ati."

—„Laen gadis bisa djadi gampang dibikin begitoe matjem, tapi ademoe, Bong Loan, tobat! Apa kau tiada liat, itoe pedang Liong Tjoan Kiam tiada djaoe dari dampingnja? Akoe maoe pertjaja itoe sentjata jang aken menoeloeng dirinja dari perboeatan boesoek, dengen tiada perdoeli sobat atawa soedara! Kau poenja perboeatan ada sanget berbahaja, Tjoen!"

—„lboe kaliatan seperti tiada maoe menoeloeng atawa membri bantoean dalem ini oeroesan. Tapi, satindak akoe tiada moendoer dari itoe niatan, . . . . . . . . . .”

Perkataan itoe djahaman soeda dibikin poetoes dengen satoe seroean dalem hatinja sa orang jang tiada ketaoean soeda mengintip dan denger njata apa jang dibitjaraken oleh Hok Tjoen. Dan orang itoe poen boekan laen, jalah The Koen.

Ini Tjongkoan sabenernja maoe ketemoeken Soen Nio, kerna ia ada satoe oeroesan jang maoe dikasi taoe tapi masi djaoe ia denger swaranja Hok Tjoen lagi mengomong dan seboet djoega namanja Siotjia, maka ia djadi tjoeriga dan lantas ingin taoe dari halnja jang sedeng dibitjaraken. la djalan pelahan-pelahan mengpet di pinggir tembok dan baroe oendoerken diri, tempo denger Hok Tjoen poenja omongan jang dioetjapken paling blakang.

Sigra djoega The Tjongkoan soeda ketemoeken istrinja dan minta ia tjepet kasi taoe hal itoe pada Bong Loan, agar ini nona siang-siang djaga dirinja djangan sampe kena didjebak oleh itoe tipoe kedji jang maoe diatoer.

Alangka maranja Ko Siotjia koetika Nio Si bri taoe hal itoe. Moekanja djadi berwarna mera, matanja seperti berapi dan alisnja bergerak-gerak. Dengen tjepet ia sentak pedangnja jang tergantoeng di tembok samping pembaringan, sama ini sendjata jang soeda telandjang la lompat kaloear aken boenoe Hok Tjoen dan Lo Keng. Beroentoeng betoel bagi djiwanja itoe doea menoesia kedji, kerna kehendaknja Bong Loan jang begitoe keras dapet ditjega oleh Tjeng Bwe dan Nio Si.

Digandeng pada kiri kanan sama itoe doea boedjang prempoean Bong Loan di bawa masoek poelah ka dalam kamar; itoe doea orang jang memegang badannja soeda djadi tjiproek dengen keringet, kerna ia orang soeda goenaken banjak tenaga boeat tahan Bong Loan jang saban-saban berontak keras.

„Siotjia moesti kasian pada kita orang, kerna kaloe sampe itoe doea orang diboenoe mati; apa kiranja hakim nanti tinggal diam sadja?" kata Tjeng Bwe. „Lagi itoe tipoe-tipoe tjoema baroe maoe diatoer, laen dari itoe Hoedjin bikin penjegaän, maka blon tentoe nanti diperboeat atawa tiada."

„Akoe poen tjoema bilang, Siotjia perloe djaga diri: „kata Nio Si. „The Koen jang bri taoe ini perkara djoega blon brani pastiken kabenerannja."

„Sabegitoe lama akoe itoe doea menoesia kedji tiada diboenoe, sabegitoe lama akoe aken terantjem bahaja dan selama-lamanja djoega akoe tiada boleh makan aer jang ada di sini!" kata Bong Loan dengen sengit.

Dari sebab pandenja Tjeng Bwe dan Nio Si jang bergantian memboedjoek pergi, dateng, achir-achir hatinja Bong Loan djadi lema. la lepasken pokiamnja, tapi lantas banting dirinja di atas pembaringan sembari nangis tersedoe-sedoe. Bong Loan koenjoeng-koenjoeng menangis sedi sebab berbalik inget dirinja poenja nasib jang begitoe tiada beroentoeng; ia tiada ada poenja soedara dan tjoema ajahnja jang ia boeat senderan, tapi apa tjilaka itoe orang toea trima hoekoeman di tempat djaoe, tiada bisa berhoeboeng satoe sama laen. Soen Nio, iboe tirinja, betoel sampe sajang padanja, tapi ia tiada bisa pertjaja begitoe besar seperti ia pertja pada iboe sendiri.

Sambil alamken itoe berbagi-bagi oeroesan jang membikin tiada senang bagi dirinja, achir-achir ini gadis ambil poetoesan boeat menjoesoel dan bergaoel sama-sama ajahnja di Leng-Lam di mana ia rasa dirinja aken djadi slamet dan tiada dapet ganggoean dari itoe orang-orang doerhaka, atawa setan alas jang mendjelema. Begitoe djoega ini pikiran ia njataken pada Nio Si serta kasi mengarti, kaloe ia tiada tjepet oendoerken diri dari ini roema, nistjaja aken djadi korban dari perboeatan boesoek.

„Dan kau moesti pesen pada The Koen," begitoe ini gadis kata seabisnja bertaoeken ia poenja maksoed pada Nio Si, besok sore ia moesti sediaken doea koeda toenggang di kebon kembang boeat akoe pergi bersama-sama Tjeng Bwe."

Nio Si kaliatan tiada moefaket dengen kahendak jang diambil oleh nonanja, la kata: „Siotjia djangan loepa, perdjalanan ka Leng Lam boekannja deket, tiada aken sampe doea atawa tiga hari lamanja, inilah soenggoe tiada baek boeat Siotjia saorang prempoean."

„Akoe poenja niat soeda djadi tetep, biarpoen siapa menjaga tentoe pertjoema. Akoe nanti menjamar pakean lelaki, siapa brani ganggoe akoe di tenga djalan?"

„Tapi akoe masi kwatir."

„'Ntjim djangan slempang apa-apa!" kata Tjeng Bwe „Akoe tanggoeng Siotjia tinggal slamet. Bela ada orang jang brani ganggoe, boekan akoe sombong, biarpoen berpoeloe orang akoe masi sanggoep tempoer sendiri!"

„la itoe akoe pertjaja." kata Nio Si pada Tjeng Bwe „Tetapi brapa lama Siotjia aken bisa poelang kombali?"

„Lima taon tiada lebi."

Nio Si memanggoet dan sigra moendoer. Tjeng Bwe di itoe tempo kaliatan djadi sanget repot, kerna ia moesti trima nonanja poenja prenta, barang apa jang perloe dibawa dan dibikin ringkes, soepaja waktoenja brangkat tiada ada jang katinggalan.

Sedeng di satoe fihak roepat repot bikin persediaan boeat brangkat djalan, adalah djahanam Hok Tjoen djoega lagi riboet atoer persediaän boeat bikin pesta makan minoem, kerna Lo Keng soeda pastiken, kaloe sadja Bong Loan kena makan itoe aer obat, dengen gampang dapet diboedjoek. Dari itoe ini djahanam maoe adaken perdjamoean, oendang sobat-sobatnja aken bersenang-senang hati

Sorenja Bong Loan doedoek bersantap sama iboe-tirinja sebagimana biasa sahari-hari, ia poenja roepa sedikitpoen tiada mengasi kentara, kaloe itoe malem ia bakal minggat. Seabisnja makan ia masoek ka kamarnja, di mana bersama Tjeng Bwe ini nona lantas berdandan dengen pake-pakean lelaki. Ini doea orang soeda menjaroe begitoe roepa, hingga djangan poela menoesia, biarpoen setan tiada aken taoe kaloe ía orang ada orang prempoean!

Djalannja waktoe dirasaken oleh itoe doea orang ada sanget lambat, kerna sasoeda menoenggoe dengen kesel' baroelah lontjeng mengoetaraken djam doea blas tenga malem; waktoe itoe keadaän dalem gedong soeda djadi begitoe soenji, semoea orang sedeng enak ngeringkoek di tempat tidoer.

„Siotjia, sekarang soeda djadi sepi, marilah kita orang brangkat." kata Tjeng Bwe sambil berbangkit dan tengteng brapa boengkoesan.

Bong Loan lantas berbangkit sambil memboeka pinfoe, tapi koenjoeng-koenjoeng ia dapel inget apa-apa dan sigra berkata: „Kita-orang toch tiada boleh pergi dengen menggelap. Akoe nanti tinggalken satoe soerat soepaja ia-orang dapes taoe"

Ini nona sigra toelis brapa baris perkataan atas satoe kertas ketjil sasoedanja tindi itoe dengen batoe keijil, lantas kaloear dari dalem kamarnja. Koetika sampe di kebon kembang, betoel sebagimana jang dipesen, The Koen soeda menoenggoe dengen doea koeda jang soeda diselaken rapi.

Bong Loan menghamperi pada ini penggawe jang setia, jang ternjata itoe waktoe lagi menangis. „Siotjia, kau taoe sendiri," kata ini Tjong- koan, „akoe poenja dengkoel jang sakit inilah membikin akoe tiada bisa djalan seperti laen orang, maka dengen menjesel akoe tiada anter padamoe dalem ini perdjalanan. Di sini boedjangmoe tiada bisa berboeat laen, selaennja doaken kau poenja keslametan di sepandjang djalan."

Ko Sotjia dan Tjeng Bwe merasa tiada tahan aken tiada djatoken aer mata koetika denger The Koen bilang begitoe.

„Dan lagi akoe pesan, di djalan moesti ati- ati," kata ia poela,,,bila sampe di kampoeng atawa kota, djangan berat moeloet menanja orang, soepaja kau tiada kesasar."

Seabisnja bilang begitoe, The Koen toentoen itoe doea koeda ka pintoe kebon, di mana ia silaken Bong Loan dan Tjeng Bwe naek ka atas masing toenggangannja.

Satelah membri slamet tinggal pada The Koen, sigra djoega Bong Loan dan Tjeng Bwe lariken koedanja, sedeng Tjongkoan kita dengen menangis poelang ka tempatnja. Itoe malem dan sateroesaja ini doea orang lariken koedanja dengen keras, hingga tiga hari kamoedian sampe di Thian Tjin; dari sini naek praoe besar, jang dalem pelajaran brapa hari soeda sampe di Tjiang Tjioe. Tapi apa mane itoe tempo di sana banjak toeroen oedjan, hingga praoe jang didoedoeken dan laen-laen djoega tiada bisa bikin perdjanan dalem keadaan begitoe

Boeat satoe doea hari Bong Loan bisa menoenggoe, tapi satelah liwat itoe waktos sangoedjan masi toeroen sadja, ini gadis lantas adjak Tjeng Bwe naek ka darat aken landjoeiken perdjalanannja. Aken tetapi apa latjoer koeda jang ia orang toenggang doea-doea dapet sakit, sedeng toeroet ketrangannja tabib heiwan di sana, sama siapa itoe doea koeda di saraken boeat di kasi makan obat, dalem tempo doea poeloe toedjoe hari lamanja baroe boleh dipake lagi.

Lantaran adanja itoe halangan, kepaksa Bong Loan lantas tjari roema berhala, di mana ia menoenggoe sampe itoe doea binatang semboe kombali.

---

The Koen dan brapa peng-
gawe lama telah pendoerken
diri dari gedong Tin Kok Hos."
Kedjadian jang tiada bagoes
dalem roemanja famillie Kou.

---

Menoelis sampe di sini, kita merasa perloe tinggalken doeloe pada Bong Loan jang berdiam. boeat samentara waktoe di Tjiang Tjioe, sekarang baek kita tengok hal apa soeda terdjadi dalem gedong Tin Kok Hoe, berhoeboeng dengen linjapnja Bong Loan dan Tjeng Bwe.

Pada besok harinja, sebagimana biasa boedjang- boedjang soeda bangoen dan lakoeken masing- masing poenja kerdjaän, di itoe waktoe, selaennja The Koen dan Nio Si, tiada saorang laen jang dapet taoe, kaloe Ko Siotjia dan Tjeng Bwe soedah tiada ada lagi dalem itoe gedong. Tapi satelah mata-hari soeda naek sedikit tinggi, baroelah orang riboet dan jang pertama membri kabar, adalah Hong Dji.

Selagi orang riboet bitjaraken itoe oeroesan, Hok Tjoen dengen dandanan rapi, serta tinkanja poen dibikin lebi-lebi telah menghamperi itoe brapa hoedjang jang lagi berkoempoel.

„Siangkong njatalah kau masi enak-enakan!" kata Hong Dji pada ini djedjaka keparat. "Apa kau tiada denger orang sedeng riboetin Siotjia dan Tjeng Bwe?"

„Riboetin kenapa? tanja ini djahanam dengen sedikit kaget dan djadi lebi terkedjoet dan ampir djato tjelentang, satelah orang bri tace Bong Loan dan Tjeng Bwe soeda mengilang pada tadi. malem.

Dengen tiada menanjaken apa-apa lagi, seperti orang gila ini si gila-basa" lari ka kamar Kohnja, di mana ia dapetken itoe njonja lagi doedoek mengadep medja dengen moeka poetjet, samentara The Koen dan Nio Si djoega ada di sitoe

„Begimana, apa soeda ditjari pada tempat- tempat laen? tanja Hok Tjoen.

„Begimana, apa ditjari lagi!" kata Soen Nio dengen pendek.,,la soeda pegi ka Leng-Lam menjoesoel ajahnja!"

―„Ah, moestail................"

―„Koerang pertjaja, toe'pa! soeratnja ijoba kau preksa!, sambil kata begitoe. Soen Nio menoendjoek ka medja, di mana bener ada soeratnja Bong Loan jang semalem la taro di medja da lem kamarnja.

Hok Tjoen sigra preksa dan batja itoe soerat. Selagi masi membatja, moekanja itoe keparat djadi beroba roepa: sabentar poetjet, sabentar mera dan paling banjak ia tarik moeka-sial. la djadi begitoe inilah tiada lebl dari pantes, kerna dalem itoe soerat Bong Loan soeda poekoel batang idoengnja, jaitoe katain ia boeaja prempoean, lelaki trataoe maloe dan laen-laen perkataan pedes boeat adresnja itoe orang moeda doerhaka.

Saking benasaran dan inilah jang membikin The Koen dapet soesa-Hok Tjoen djahanam sigra pergi ka dalem kamarnja Bong Loan, di mana ia menggratak. Dalem satoe latji ia dapetken soeratnja Ko Kong jaitoe soerat The Koen bilang soeda dibakar. Boekan kapalang maranja Hok Tjoen di itoe waktoe, dengen mata melotot ia menghampiri The Koen.

„Hm, toea bangka boesoek!" treak ini keparat. „Sekarang akoe mengatahoei, kau tjoema poera-poera toeroet akoe poenja maoe, tapi sabenernja kau ada djadi toekang boeka akoe poenja resia, bangsat!............"

Tiada poeas dengen tjomelan, Hok Tjoen lantas seniak palangan pintoe, dengen apa ia poekoel The Koen poenja kapala, sampe ia ini djato tengkoeroep dan kapalanja mengeloearken dara.

Nio Si liat swaminja diperboeat begitoe roepa djadi mara sekali, la loepa itoe tempo ada di depannja Soen Nio. He, koerang adjar!" treak ia dengen mara. „Kau mengarti, akoe poenja swami boekan sebangsa kaul Perloe apa ia dibri kapertjaja'an oleh Loija, kaloe diam-diam bikin pakerdja'an boesoek dan hina, seperti kau poenja perboeatan jang kedjil Oh, kau soeda brani poekoel akoe poenja swami, binatang!"

Dengen ini perkata'an paling blakang Nio Si lantas menerdjang, sama doea-doea tangannja ia j akar moekanja Hok Tjoen hingga berdara, seperti bekas diljakar koetjing. Ini djahanam djadi mara satelah merasa moekanja sakit, ia oendjoek. kagagahan dan lantas labrak itoe boedjang prem- poean, sampe djato bangoen dan kena dipoekoel brapa kali.

Perboeatannja Hok Tjoen jang begitoe koerang adjar dan tiada menaro enda, soeda bikin brapa boedjang lelaki dan prempoean djadi merasa koerang senang. Marika itoe sigra pegang tangannja itoe djahanam dengen kasi liat sikep menganijem aken menjerang kaloe sadja ini keparat brani memoekoel lagi.

„Kau taoe!" kata itoe boedjang-boedjang pada Hok Tjoen: The Tjongkoan laki istri ada pengoeroes teroetama gedong Tin Kok Hoe; Loija serta Hoedjin blon perna maki apa lagi mamoekoel padanja Tetapi kau soeda berlakoe begitoe lantjang, poekoel la orang berdoea sampe mengeleearken dara! Selama di sini seringkali kau oendjoek perboeatan jang tiada pantes, apa dengen berboeat begitoe kau kira kita-orang tiada brani kasi palangan pintoe dimoekamoe!"

Soen Nio jang dari tadi diam sadja, sampe di itoe waktoe baroe mendoesin dan oesir Hok Tjoen dari sitoe, samentara satoe orang ambil obat dan boengkoes loeka loekanja Nio Sie jang mengeloearken dara. The Koen masi reba dengen keadaän jang berbahaja; baek djoega Soen Nio dapet inget dan ambil satoe pil jang ada dalem sakoenja itoe Tjongkoan, dengen obat mana ia lantes sedar kombali.

Marika djadi sanget girang dan lantes pergi dari kamar tadi berkoempoel di blakang sembari bitjaraken halnja Siotjia. Itoe tempo koenjoeng- koenjoeng Lo Keng dateng menghamperi dan bri taoe, alas titanja Soen Nio, itoe waktoe djoega Thio Ho, Ong Peng, Lie Tjeng dan Tio Taij moesti pergi tjari Siotjia biar sampe dapet, dan kaloe blon ketemoe ini ampat orang tiada diidjinken poelang.

Seabisnja oelangken lagi brapa prentahan ini keparat lantas pergi. Sekarang Ong Peng saling bertoekar pikiran sama kawan-kawannja, jang achir-achir telab ambil poetoesan aken trima itoe prenta, maskipoen hal itoe ia-orang blon brani pastiken apa betoel prentanja Soen Nio, atawa memang bisa-bisaän itoe keparat sadja. Boeat minta ketrangan pada itoe njonja, inilah ia-orang tiada brani.

Kamoedian Thio Ho menanja The Koen, begimana dengen ini Tjongkoan poenja kahendak di itoe waktoe. Ini pengoeroes roema jang roepanja soeda ambil poetoesan paling doeloe tempo ditanja lantas bri taoe: la maoe menjoesoel Ko Kong di Leng-Lam dan brangkali kelemoe Sioljia di sana dan ia poen moefaket. kaloe itoe ampat orang soeka bantoe mentjari di sani-sini. „Kaloe kau pergi ka Leng-Lam akoe poen maoe toeroet" kata Nio Si. „Akoe djoega ingin bertemoe sama Loija."

"Itoelah niatan jang haroes dipoedji!" kata Soen Si dan Ong Si dengen berbareng.

„Kita poenja pembiljaraän soeda djadi tetap. maka sekarang masing-masing boleh benaken barang barang dan besok satoe sama laen boleh brangkat." kata The Koen.

Sigra djoega ini brapa orang satoe dengen laen berdjabatan tangan sembari koetjoerken aer mata, marika itoe saling do'aken masing-masing poenja keslametan dalem perdjalanannja.

Besok paginja, di gedong Tin Kok Hoe soeda djadi sepi The Koen dan brapa orang jang kemaren soeda berdjandji, di waktoe masi glap ia-orang soeda oendoerken diri.-Tio Ho dan laen-laenja kita tinggalken doeloe, sekarang baeklah kita liat The Koen dan Nio Si, mana ini laki Istri toedjoeken perdjalanannja.

Boleh djadi lantaran kemandjoerannja itoe pii jang moestadjab, sedari abis makan obat terseboet The Koen rasaken badannja djadi seger dan koeat seperti masanja moeda; kakinja jang soeda blasan taon selaloe sakit itoe waktoe djadi semboe. Tegesnja ini Tjongkoan rasaken dirinja

semoea dengen anggota baroe.

Sakaloearnja dari gedong Tin Kok Hoe troes meneroes ini Tjongkoan dan istrinja djalan dengen tjepet sekali, di mana pada satoe hari ia telah sampe di Afdeeling Djin Ho. Di sapandjang djalan dan teroes sampe di Afdeeling terseboet, The Koen blon dapet ketrangan soeatoe apa dari hal Bong Loan. Kabetoelan sampe di sana, The Koen pikir baek djoega kaloe ia pergi mengoendjoengken roemanja Kou Han-Lim, tanjaken keslametannja itoe familie dan sekalian maoe bri kabar djoega apa jang soeda terdjadi dengen toean, nona dan oeroesan kaloet di dalem gedong Tin Kok Hoe.

Begitoe poen kahendak ini laloe dibertaoeken pada Nio Si, jang tiada laen dari pada menoeroet sadja.

Tapi pembatja tentoe blon dapet taoe kaloe itoe tempo roemanja familie Kou ada hadepken keada'an jang tiada enak; dan Kou Kongtjoe In Liong, toendangannja Bong Loan, ada dikerem dalem pendjara, lantaran ditoedoe soeda berboeat perkara hina jang berachir dengen binasanja satoe djiwa. Maka itoe kita toenda doeloe The Koen jang maoedateng mengoendjoengken dan lebi doeloe kita toetoerken, begimana asal moelanja itoe bahaja jang menimpa pada itoe familie.

Sadjek oendoerken diri dari pakerdja'an negri dan hingga di roema, tiada lama dari itoe Kou Han-Lim dapet sakit jang membawa ia kalobang koeboer, sedeng Bwe Si Hoedjin, istrinja, djoega toeroet poelang ka doenia bakal tiada berselang lama lagi dari wafatnja ia poenja swami. Berhoeboeng dengen matinja itoe doea tetoea roema, dalem gedong familie Kou tjoema ada Kwe Si, istrinja Kou Kong jang ka doea, Toa Kongtjoe In Liong, Keng Hoa Siotja dan Dji Kongtjce Kou Siauw alias In Houw, selaennja boedjang.

Dji Kongtjoe jang namanja diseboet blakangan, jaitoe poetranja Kou Kong jang dilahirken oleh Kwe Si. Oesianja baroe anem taon. Kwe Si ada saorang prempoean jang berhati djahat dan moeloetnja melmel, dan djoestroe inilah jang membikin boedjang prempoean dan lelaki tiada begitoe mengindaken padanja.

Menoeroet pesenan ajahnja di masa maoe menoetoep mata, waktoe mana Kwe Si poen toeroet menjaksiken, moelai dari itoe tempo segala oeroesan dalem roema dan perkara oewang diseraken dalem tangannja Toa Kongtjoe; dan dipesen djoega moesti berlakoe himat, bikin keijil semoea onkost, kerna itoe orang toea mamikir, tiada lama lagi poetra dan poetrinja aken menika, di mana moesti pake banjak oewang.-Ini semoea, sekalipoen diam sadja, tapi Kwe Si ada taro di hati dan merasa sanget tiada senang.

Sabegitoe djaoe ada ternjata Keu Kongijoe djarang ada di roema katjoeali di waktoe sore. ia masi teroes jakinken peladjarannja jang dipimpin oleh Sinshe Kong Khe, jang mendjadi djoega sobat ajahnja. Pagi pergi dan waktoe sore baroe poelang.

Ada satoe hari, sapoelangnja dari sekola dan selagi afalken peladjarannja di dalem roema, boedaknja jang bernama Tjin Hie masoek mengasi taoe, Tjo Kongtjoe minta bertemoe. Kou Kongtjoe djadi sanget girang, sigra pergi kaloear dan samboet datengnja itoe tetamoe atawa penoeloengnja Ko Teng Tjan, jang pada itoe hari baroe sampe di Djin Ho. Sasoedanja satoe sama lain menanjaken keslametannja, Tjo Kongtjoe sigra toetoerken ka mana ia maoe pergi; begimana di tenga djalan soeda menoeloeng Ko Kong; begimana itoe orang bangsawan mengirimin pesenan dan laen-laen hal bagi jang tiada perloe di toetoerken poela di sini.

Sepandjang denger pencetoernja Tjo Kongtjoe, tiada brentinja Kou Kongtjoe mengela napas, dari mana ada ternjata, jang ini djedjaka toeroet soesa hati dengen itoe bahaja jang menimpa atas dirinja ia poenja bakal mertoea.

„Kapan Hengtiang brangkat ka Laem-Maij dan sampe kapan baroe balik kombali?” begitoe Kou Kongtjoe menanja pada tetamoenja.

„Besok brangkat dan kira-kira stenga boelan baroe ada disini lagi” saoet jang ditanja. —„Sapoelangnja dari sana harep mampir lage ka mari, akoe ingin taoe dengen Hengtiang poenja perdjalanan ka sana, kerna akoe poen blon taoe pergi ka itoe tempat.

—„Dengen senang hati akoe loeloesken Hiante poenja kainginan.”

Setelah beromong-omong sakoetika lamanja, Tjo Kongtjoe lantas prenta Tjin Hie bikin bresi pembaringan, dan titaken djoega boedak prempoean, Tjoen Jauw namanja, bikin sedia barang hidangan, kerna Tje Kongtjoe maoe menginep.

Sorenja, seabis bersantap, ini doea orang beromong. omong poelah, jang sampe djaoe malem baroe tidoer. Besok paginja, sasoeda oetjapken trima kasi dan oeljapken perkataan slamet tinggal, Tjo Kongtjoe sigra berpamitan pada Kow Kongtjoe, jang satelah manganter tetamoenja sedikit djaoe lantas poelang dan kaloear lagi teroes pergi sekola.

Ini semoea melaenken ditjeritaken pakerdjaän dan keadaän Kou Kongtjoe sahari-hari; maka baek djoega kita toetoerken halnja Kwe Si, kerna ini prempoean doerhaka bersama satoe prempoean läen jang soeda bikin Kou Kongtjoe dapet tjilaka dan bikin kaloet oeroesan roema tangganja itoe familie.

Sebagimana soeda diterangken, Kwe Si merasa sangel tiada senang berhoeboeng sama penjeraän segala oeroesan dalem tangannja Toa Kongtjoe, kerna tempo swaminja masi ada ia biasa pake oewang sasoeka-soekanja, sebab oeroesan oewang ia jang pegang. Tapi sekarang tiada begitoe lagi; Kou Kongtjoe loeroet betoel pesenan ajahnja, segala onkost dibikin ketjil oewang blandja sahari-hari poen begitoe djoega. Dari sebab itoe hal ini membikin Kwe Si selaloe mara-mara kaloear masoek tarik moeka asem. la merasa sanget gemes pada Toa Kongtjoe, sama siapa sabenernja tiada boleh ia mengambil pikiran begitoe, sebab sebagi anak jang berbakti, tentoe sekali ia moesti inget orang toea poenja pesenan selama-lamanja.

Pada satoe hari, djoestroe selagi pikirken itoe perobaän jang tiada enak bagi dirinja, apa maoe Tjho Potjoe dateng padanja dengen membawa satoe boengkoesan tjita roepa-roepa.—Tjho Potjoe itoe atawa lebi baek dipanggil sadja Tiho Mama, jalah ada sa-orang prempoean toea jang tinggal di deket dapoer sebla roemanja familie Kou. Ia poenja pakerdjaän jaitoe djoeal tjita-tjita, dan gampangnja sadja kita seboet Tjengkauw.

Menilik sama pakerdjaän jang dilakoeken, orang tentoe tiada mendjadi heran, kaloe prempoean toea itoe pande sekali atoer bitjara, Koetika berhadepan sama Kwe Si, lantas sadja boeka boengkoesannja; sapotong dengen kasi liat barang dagangannja dan tiada loepa djoega poedji begini begitoe, sebagimana biasanja satoe Tjeng-kauw jang ingin barangnja tjepet lakoe.

„Sekarang akoe tiada bisa blandja dan bli apa-apa setjara laloeasa seperti doeloean, 'tjim,” kata Kwe Si sembari mengela napas, dan sateroesnja laloe toetoerken ia poenja perobaän dalem waktoe jang blakangan ini.

„Kaloe begitoe betoel djoega kau boekan saorang jang beroentoeng, njonja," kata Tjengkauw sembari rapiken boengkoesannja, tapi apa njonja tiada ijoba berdaja boeat dapetken kombali itoe kamerdikaän seperti jang soeda!?”

Kwe Si lantas bri taoe kahendek hatinja jang terkandoeng sakean lama pada itoe nene, jaitoe ja ada niatan boeat singkirken Kou Toa Kongtjoe dari ini doenia, kerna ia pandang anak tiri itoe jang soeda bikin tjioet la poenja pengidoepan.

Dan achirnja ia menanja, apa itoe prempoean toea soeka membri bantoean boeat sampeken ia poenja keinginan ?

„Boeat oeroesan dan kesenangan diri sendiri kenapa Hoedjin tarik-tarik tangannja orang laen!" kata Tjho Mama. „Boeat akoe djangan ditanja lagi akoe liada brani berboeat perkara semaljem itoe!"

„Tadi 'ntjim jang oendjoek djalan, kasi makan ratjoen begini-begitoe, abis sekarang moengkir. begimana orang ngomong?" Kwe Si doerhaka oetjapken ini perkataän dengen hati berdebar-debar.

——„Ja, Hoedjin jang moesti kasi ia makan ratjoen; sakedar jang akoe taoe, apa salanja akoe toeloeng oendjoekin!“

——„baek akoe jang nanti atoer. Tetapi akoe trataoe ratjoen begimana dan dimana blinja? 'ntjim toch boleh toeloeng bliken?“

Bermoela Tjho Mama tiada maoe dan kasi alesan takoet kena karembet-rembet, tapi satelah Kwe Si memboedjoek dengen banjak perkataän manis dan djandjiken djoega oepaän besar, ini nene toea djadi merasa ketarik dan soeka trima itoe prenta. Koetika ini permoefaketan kedjil djadi slese, Tjho Mama gendol boengkoesannja lantas berlaloe.

Sorenja seblonja Kongijoe poelang dari sekola, itoe prempoean toea soeda balik lagi dan seraken satoe boengkoes ratjoen pada Kwe Si jang lantas menanja begimana itoe ratjoen moesti diatoer. lebi doeloe Tjhonmama minta dibri taoe adat kabiasaänja Kongtjoe setiap hari, dan satelah itoe semoea dibri taoe, dengen girang ia kata: „Kaloe Tjin Hie bli koewe boeat Kongtjoe bawa ka sekola, di itoe makanan Hoedjin taroken ratjoen. Tengari tentoe ia makan, dan sablon oendoer dari sana ia bakal mati dan Hoedjin tiada taoe apa-apa!“ „Sasoenggoenja 'ntjim poenja pikiran haroes dipoedji!” kata itoe prempoean doerhaka sanget girang, kerna ia kira dengen berboeat begitoe kedji ia bisa sampeken maksoednja.

Tapi Allah tiada maoe biarin machloeknja jang baek dibikin binasa zonder sebab, begitoe djoega hal ini soeda djadi sebaliknja.

---

Bikin tjilaka laen orang berbalik
bikin tjilaka anak sendiri.
Lantaran pitenaän kedji
Kou Kongtjoe masoek dalem
pendjara.

---

Besok paginja, sasoeda boengkoes boekoe dan perabot toelisnja, Kou Kongtjoe masoek ka dalem. Seperti biasanja di laen-laen pagi, di sitoe poen soeda ada saboengkoes koewe boeat la bawa dan makan dalem sekola. Koetika sampe di depan roema dan maoekaloear dari pekarangan, koenjoeng-koenjoeng Dji Kongtjoe dari saloe djoeroesan berlari-lari menghamperi dan kata: Koko! Apa ini hari akoe tiada dikasi doeit? Dan itoe boeng- koesan apa„ko?”

Kou Kongtjoe rogo sakoenja dan kasi itoe ade sedikit oewang blandja, djoega boeka boengkoesan koewe dan kasi ia brapa potong, kamoedian dengen tjepet ia teroesken perdjalanannja. Dji Kongtjoe kaliatan djadi girang, ia simpen doeitnja dan makan koewenja. Satoe koewe blon dimakan abis, dari laen fihak mendatengnja satoe katjoeng ketjil pantaran Dji Kongtjoe; ini katjoeng jalah ada anaknja Tjo Mama satoe satoenja, jang ada djadi temen memaennja Dji Kongtjoe.

Tempo liat temennja dateng dan sebab takoet makanannja diminta. Dji Kongijoe tjepet semboeniken tangannja ka blakang. Tapi itoe temen jang roepannja soeda dapet liat dan sabagimana biasanja satoe anak tjelamid, seporo maoe mereboet ia minta dibagi itoe makanan, dan permintaän itoe diloeloesken dan dikasi satoe.

Tiada berselang sakoetika lamanja, itoe doea katjoeng jang sedeng girang memaen lantas menangis kedjer dan berdjingkrak-djingkrak sembari meraba antero peroetnja. Ampir berbareng Kwe Si dan Tjo Mama menerodjol kaloear tempo dengen treakan anak-anaknja. Ini doea menoesia keparat kita itoe anak-anak pada berklai, tapi satellah liat doea-doea mengglisaän baroe dengen ripoe dibawa masoek ka dalem gedong.

Keng Hoa Siotjia kira itoe doea anak dapet sakit peroet, maka laloe panggil Tjin Hie aken oendang Sinshe boeat dikasi obat, tapi sedeng orang jang diprenta blon brangkat itoe doea anak soeda mati, samentara dan moeloet, ideong dan koepingnja mengeloearkan banjak dara. —— Keras betoel bekerdjanja itoe ratjoen. Sasaät itoe swara tangisnja Kwe Si dan Tjho Mama soeda membikin rioe dalem gedong familie Kou, sedeng Keng Hoa Siotjia djoega toeroet ngoeloen sambil peloki soedaranja.

Dalem itoe tempo jang sedi, mendadakan In Liong Kongtjoe telah sampe di roema. Pembatja tentoe heran dan ingin menanja, apa sebab ini Kongtjoe poelang pada sablon sampe waktoenja? Soepaja jang membatja tiada djadi bingoeng, baeklah kita toertoerken doeloe sebab sebabnja.

Antara tiada brapa djaoe dari Dji Ho, jaitoe di Lam-Koan di sitoe ada tinggal satoe njonja familie Beng, sama siapa Kou Kongtjoe kena familie dan Beng Sie ia poenja le. Swaminja Beng Sie, Ithionja Kou Kongtjoe, soeda meninggal doenia dengen tiada meninggalken toeroenan, katjoeali satoe anak poengoet dari familie djaoe namanja Beng Hoat.

Djoestroe itoe tempo iboenja Beng Sie, mahloearnja Kou Kongijoe, dapet sakit, maka koetika itoe njonja laloe tilaken Beng Hoat pergi ka sekolanja Kou Kongtjoe boeat wartaken itoe perkara. Begitoe trima kabar, ini orang moeda minta vrij setengarian dan pikiran maoe ambil oewang di roemanja kamodian baroe tengok jang sakit.

Dan ia soeda sampe ka roema di aman itoe pemandangan ngeri tertampak di matanja. Ia toebroek Dji Kongtjoe dan tangisi dengen sedi seka·kali. Kamoedian Kongtjoe laloe minta ketrangan pada iboe-tirinja, kenapa dan sebab apa itoe doea anak soeda mati dalem keadaän begitoe roepa, tetapi ini prempoean doerhaka tiada bisa briken penjaoetan, katjoeali Keng Hoa Siotjia jang mengasi taoe: sebisanja makan koew itoe anak-anak dapet sakit jang berachir kamatiannja.

„Lantaran makan koewe?“ tanja Kongtjoe dengen kaget. „Dan itoe makanan akoe jang kasi tempo tadi pagi maoe pegi sekola!“

„Djadi itoe koewe Koko kena makan djoega ?“ menanja Keng hoa sembari pandang moeka soedaranja dengen roepa kwatir.

„Tiada, akoe tiada makan, sebab itoe boengkoesan telah katjemploeng ka dalem kali di oedjoeng djembatan Liong-Tjo-Kio, koetika akoe mebri pertoeloengan pad sa-orang toea jang kakinja kadjeblos di sela-sela kajoe djembatan. Dan itoe koewe ada ratjoennja, brangkali?“

„Ah, moestail amat boleh ada ratjoennja!“ kata Tjin Hie. „Tempo poelang dari waroeng akoe taro itoe koewe di medja makan koetika maoe oeroesin kerdjaän dan sebab kwatie dimakan koetjing, akoe pesen djoega pada Hoedjin boeat toeloeng liat-liat. Dengen ketertipan akoe berboeat, akoe poen tiada adbis pikir kaloe itoe makanan boleh ada ratjoen!”

Koetika Tjin Hie menerangken begitoe, moekanja Kwe Si dan Tjho Mama berada poetjoet. Ini doea prempoean doerhaka merasa sanget sakit di hatinja kerna itoe kahendak jang sabenernja maoe menjilakai dirinja Toa Kongtjoe berbalik bikin tjilaka pada anak-anaknja.

Maitnja itoe doea anak jang seoda djadi korban dari perboeat kedji lantas dikoeboer. Politie di sana tiada taoe satoe apa sama itoe kematian jang menjelip resia boesoek.

Dari hal mah-toeanja sakit keras Kou Kongtjoe soeda bri taoe sama Keng Hoa, di mana pada besok paginja ka roemanja Beng Sie. Sesampenja di sana ini doea orang disamboet oleh njonja roema, jang sigra anterken ia-orang ka kamarmahnja.

Bener sebegimana dikaberken, bahoea betoel jang sakir itoe ada sanget paja; ampir-ampir dan kaloe lambat sedikit ini doea tjoejoe tiada dapet bertemoe, kerna tiada lama ia-orang sampe, itoe njonja toea telah tarik napasnja dan poelang ka tempat jang baka. Dari lantaran adanja ini perkara sedi, Kou Kongtjoe moesti menginep dan besok baroe poelang, samentara Keng Hoa Siotjia atas permintaän njonja roema diminta ia poenja bantoean boeat tinggal di sana sampe itoe perkara sedi djadi slele.

Koetika Kongtjoe dan Siotjia pergi, dengen kasi alesan kasepian Kwe Si oendang Tjho Mama aken beromong omong pada hal maksoendnja boekan begitoe. Ini prempoean doerhaka jang tiada mengenal Allah masi merasa sanget penasaran kaloe ia blon bisa ambil djiwanja Toa Kongtjoe, maka dari itoe ia oendang Tjho Mama boeat diadjak berdami lebi djaoe. Boeat bikin hatinja itoe prempoean toea membantoe padanja dengen soenggoe, sengadja ini prempoean doerhaka bikin perdjamoean minoeman arak di dalem kamarnja, samentara Tjoen Jauw diprenta potong ajam, jang kaloe soeda mateng tjepet bawa padanja.

Tapi sedeng soeda ditoenggoe begitoe lama boedak jang diprenta blon dateng membawa apa-apa, maka Kwe Si laloe prenta tjho Mama pergi ka depan dan liat Tjoen Jauw bikin apa sampe begitoe lama.

„Orang makan soeda ambir kenjang, kau bikin apa sama itoe ajem maka dari tadi blon djoega mateng!“ begitoelah dengen mata melotot itoe toea bangka keparat tjomelin Tjoen Jauw di depan dapoer.

Ini boedak djoestroe lagi oering-oeringan, kerna lagi tadi, sasoeda Kongtjoe dan nonanja pergi, lantaran kesala'an ketjil jang tiada disengadja Kwe Si seoda tampar moekanja brapa kali. Maka koetika denger Tjho Mama dateng·dateng menjomel begitoe ropea, dengen perkataän sedikit keras ia berkata: „Akoe toch tiada ingin bertjokol di lopong dapoer, tapi kaloe barang blon mateng apa akoe moesti soegoeken djoega di medja!“

„Hm, boedak koerang adjar!“ menjentak itoe nene keparat sambil menoeding. „Akoe tiada kira kau begitoe tiada taoe adat, brani omong begitoe keras! Kaloe dikasi taoe pada Hoedjin tjoema-tjoema kau nanti dapet ebatan!

Pergi kau bri taoe!“ kata oela Tjoen Jauw.

„Akoe tiada takoet dan biarlah ia poekoel lagi!“

Sembari menggrendeng ini prempoean toea balik lagi ka kamar Kwe Si, sama siapa ia adoeken perkataän Tjoen Jauw.

Maranja itoe prempoean doerhaka tiada bisa dikata lagi, ia lari kaloear dan teroes ka dapoer. Ia oeoleng ramboetnja Tjoen Jauw serta tempelengin dan tendangan jang keras, sedikit djoega ia tiada meras kasian sama itoe boedak jang tiada maoe melawan sabentaran sadja moekanja mateng biroe dan meloso di tana sembari merinti-rinti:

„Apa kau kira akoe njonjaän, binatang!“ kata Kwe Si sasoedanja memaki poela sabentaran ia lantas balik poela ka kamarnja. Sedeng si doerhaka seabisnja mamoekoel enak·enakan minoem arak, adalah Tjoen Jauw jang soeda oendoerken diri dari depan dapoer sedeng rasaken sakit di dalem kamar sendiri: berbagi-bagi pikiran sedi ada menoempoek dalem hatinja ini boedak baek.

„Oh, beginilah nasibnja orang jang djoeal dirinja, setiap waktoe aken rasaken poekoelan poekoelan heibat jang biasanja orang berboat pada binatang andjing,“ meratap Tjoen Jauw dengan koetjoerken aer matanja. „Akoe idoep di doenia sebatang karang, tiada poenja ajah dan iboe;ada poenja soedara lelaki satoe-satoenja, tapi ia itoe sedikit poen tiada ambil open. Toa Kongtjoe, jang dalem ini roema ada seabgi akoe poenja pembela, tapi ia djarang ada di roema, Siotjia seperti takoet sama iboe tirinja . . . . oh . . . . njatalah akoe soeda tiada poenja orang perlindoengan lagi seperti pada waktoe Kou Lo-Ja dan Bwe Taij Taij masi idoep. . . . . .”

Menginget itoe semoea Tjoen Jauw laloe menangis, Ia sigra mengambil satoe poetoesan jang tida bisa diroba lagi. Koentji pintoe kamar; boeka angin dan oedjoengnja iker pada satoe tiang dan oedjoeng laen iket pada lehernja sendiri.

„Kwe Si doerhaka!“ menggero Tjoen Jauw dengen keras .Idoep akoe tida bisa membales kau poenja perboeatan boesoek sasoedanja djadi orang aloes akoe nanti bikin peritoengan! . . . ,

Dengen ini perkataän, Tjoen Jauw, ini boedak jang sabenernja sanget, laloe lepasken dirinja dan sigra djoega ia soeda tergantoeng serta mati pada saät itoe djoega.

Tempo mata-hari ampir silem baroe Kwe Si dan Tjho Mama dapet taoe kaloe Tjoen Jauw soeda menggantoeng diri sendiri. Ia tjari itoe di sana sini tida ada, liat pintoe kamarnja terkoentji, satelah djadi mait. Moekanja Kwe Si djahanam djadi poetjet takoetnja boekan maen, tetapi itoe prempoean toea jang roepanja dapet pikir apa-apa laloe berkata:

„Ini perkara Hoedjin teroesa takoet malahan sebaliknja ada sanget kabetoelan boeat kita bikin pembalesan pada toa Kongtjoe, jang soeda meratjoenken kita poenja anak“

„Begitoe kita atoernja.“ Kata poela itoe prempoean toea koetika KW Si minta dibri taoe begimana hal itoe moesti dikerdjaken: „ini mait toeroenken dan taro di pembaringan, sabentar sore kaloe Kongtjoe poelang dan soeda tidoer, diam-diam kita gantoeng di depan pintoe kamarnja. Lebi doeloe dari ini minta toeloeng sama Kwe-Ja pergi pada Tikoan disini dan tjari djoega soedaranja Tjoen Jauw jang Hoedjin kenal jaitoe Hoe Hek Tjoe namanja. pada ini doea orang kita goenaken pengaroenja oewang; jang pertama minta pertoeloengan soepaja membantoe kita poenja fihak, sedeng orang jang ka doea prenta ia bikin pengadoean, jaitoe soedaranja soeda menggantoeng diri lataran maoe diperkosa oleh Kongtjoe."

Kwe Si doerhaka djadi sanget girang, begitoe djoega ia lantas prenta satoe orang pergi panggil Kwe Tiong, jang koetika soeda dateng sigra toetoerken maksoed-maksoednja. Kwe Tiong ini sabenernja ada sa-orang pedagang jang seringkali ditoeloeng oleh Kou Kong begitoe poen Toa Kongtjoe, tapi maski begitoe tiada segan ia trima itoe prenta, loepaken ajah dan anak poenja boedi jang begitoe besar.

Begitoe tjepet ini perkara soeda diatoer boeat itoe semoea Kwe Si soeda kaloear oewang ampat ratoes tail perak, oewang mana ia dapet tjoeri di kamarnja Kongijoe, jang ini orang moeda simpen boeat ongkost kawin.

Sebab di roema le-nja tiada ada orang lelaki jang boleh dian-delin, ini itoe ia jang moesti oeroes, maka sasoedanja hari djadi glap baroe Toa Kongtjoe poelang ka roemanja, di waktoe mana Kwe Si jang boekain pintoe.

„Apa begini hari Tjoen Jauw soeda tidoer, maka sampe Dji Nio jang moesti memboeka pintoe?" menanja itoe orang moeda pada iboe tirinja.

„Tadi ia kata kapalanja poesing sampe sekarang roepanja blon bangoen" saoet toe prempoean doerhaka.

Kongtjoe pertjaja sadja dan sedikit poen tiada menaro tjoeriga. la masoek ka dalem dan teroes tidoer. Pelahan-pelahan hari djadi malem dan soenji; itoe tempo dibantoe oleh kontjonja Kwe Si sigra sleseken pakerdjaännja jang soeda diatoer.

Besok paginja koetika bangoen tidoer, soeda tentoe sadja Kongljoe kita telah dibikin kaget dengen tergantoengnja mait orang di depan kamarnja. la moendoer barapa tindak sambil mengeloearken treakan keras dan seroeken djoega iboe-terinja. Itoe prempoean doerhaka baroe dateng menghamperi sasoedanja orang treaken ia beroelang-oelang.

„He, siapa ini jang menggantoeng diri sendiri!" kata ini menoesia doerhaka dengen bikin tingkanja djadi kaget.

„Oh, ini Tjoen Jauw, Dji Nio!" kata Kou Kong-tjoe jang lantas kenalin orang itoe ada boedaknja sendiri. „Dan sebab apatah maka ia menggantoeng diri sendiri?"

„Itoelah siapa bisa taoe!" kata si doerhaka sembari angkat tangan dan poendaknja. „Kemaren ia bilang sakit kapala, lagi sore tiada kaliatan bangoen dan akoe poen heran, kenapa ia menggantoeng diri di sini. . . . . . . ."

Blon abis ia berkata, dari loear, dengen tiada membri taoe satoe apa, masoek ampat oppasnja Tikoan, jang sigra tangkep Kongtjoe kita dan teroes di bawa pergi. Kelakoeannja itoe oppas ada begitoe boeas, sampe Kou Kongtjoe tiada sempet menanja, kenapa dan sebab begimana ia di tangkep.

Koetika dibikin itoe penangkepan, djangan poelah menoeloeng, sepata perkataän poen tiada kaloear dari moeloetnja itoe prempoean doerhaka.

Tiada lama Kou Kongtjoe soeda dihadepken pada Tikoan, Ini pembesar sa orang she Jam nama Tek alias Nio Glam; laga lagoenja itoe pembesar dalem ia poenja kewadjiban tiada perloe aken kita menoetoerken pandjang lebar, dan kaloe kita bilang sadja dengen sedikit perkataän: Tikoan itoe soeka trima oewang „pinggiran,“ pembatja tentoe lantas bisa taoe begimana matjem ia melakoeken kewadjibannja. Maka dari itoe djangan diboeat heran, tempo oppasnja hadepken orang moeda kita ia djadi sanget mara dan menista setjara lakoenja satoe radja jang paling agoeng.

„Terkabar kau ada anak sekolaän jang soeda bergelar Sioetjaij, tegesnja terpladjar, tinggi tetep kenapa brani lakoeken perboeatan boesoek dan hina?" begitoe sasoeda kenjang menista ini Tikoan bikin pertanjaän: Dari soedaranja Tjoen Jauw akoe trima pengadoean, jaitoe angkau maoe perkosa adenja jang bekerdja dalem roemamoe, sampe boedak itoe menggantoeng diri. Ia haroes dibilang ada perboeatan kedji dan haram, jang sepantesnja kau sa-orang terpladjar tiada moesti berboeat!"

Di sini djedjaka kita baroe mengarti, dari perkara apa membikin dirinja ditangkep. Lantas ia bikin pembelaän atas itoe toedoean hina tapi baroe sadja ia oetjapken perkataan doea tiga pata, Tikoan jang memang soeda trima pesenan boeat mengeniaja itoe orang moeda, sigra prenta oppasnja hoekoeman rangket, soepaja Kou Kongtjoe mengakoe dengen apa jang telah ditoedoe.

Toch memang bener djedjaka kita tiada berboeatan itoe kerdjaän kerna jang sebagimana orang toedoe atas dirinja, maka biarpoen soeda dirangket sampe koelitnja petja dan mengeloearken dara, ia kaliatan lebi soeka mati dari pada mengakoe. Achir-achir sebab ternjata maksoednja tiada kesampean, Tikoan lantas prenta oppasnja masoekin Kou Kongtjoe ka dalem pendjara.

Keng Hoa Siotjia jang dibri kabar itoe ketjilakaän dari salah satoe tetangganja, bersama Tjin Hie soeda lantas poelang dari roema familie Beng, di mana sabenernja ia moesti membantoe sampe itoe perkara sedi djadi slese. Koetika sampe di roemanja ia sigra prenta Tjin Hie pergi ka roema boei ketemoeken Kongtjoe, sedeng ia tjari Kwe Si di kamarnja, sama siapa ia minta ketrangan prihal matinja Tjoen Jauw dan sebab begimana maka soedaranja ditangkep.

Tapi ini prempoean doerhaka tiada bisa membri ketrangan laen, selaennja bilang: Toa Kongtjoe maoe perkosa Tjoen Jauw dan achir-achir soeda kedjadian itoe pemboenoean dengen menggantoeng diri-sendiri.

„Kaloe dibilang Koko maoe perkosa pada Tjoen Jauw, inilah satoe perkara jang akoe tiada pertjaja dan djoega satoe hal jang traboleh djadi!" kata Keng Hoa Siotjia: „Dji Nio sampe taoė bahoea Koko ada sänget alim dan blon perna kadengeran bikin tingka lakoe djelek, maka tjara begimana ia ditoedoe begitoe matjem!”

„Djangan kira, Siotjiä!" kata Kwe Si doerhaka sambil kasi liat satoe senjoeman iblis. „Tapi ini oeroesan djangan tanja akoe, lebi baek tanja pada Kongtjoe dan tentoe Siotjia dapet ketrangan jang satjoekoepnja."

Seabisnja bilang begitoe itoe prempoean doerhaka lantas berlaloe, Keng Hoa Siotjia meliat kelakoean dan omongan iboe-tirinja begitoe roepa hatinja djadi timboel tjoeriga.

Djoestroe itoe tempo Tjin Hie jang pergi ka roema pendjara soeda poelang, sama nonanja iniboedak lantas bri taoe, begimana orang soeda toedoe Kongtjoe dalem perkara jang begitoe hina; begimana lantaran tada maoe mengakoe Kongtjoe soeda dipoekoel; dan laen-laen hal lagi jang satoe persatoe Tjin Hie toetoerken dengen trang sampe Siotjia jang mendenger itoe tjerita badannja merasa lemes dan hatinja seperti di'iris iris.

Kamoedian dengen menangis ia katemoeken Kwe Sie, sama siapa sasoeda bri taoe apa jang baroesan Tjin Hie bilang, ini gadis minta iboe-tirinja berdaja oepaja boeat membri pertoeloengan pada soedaranja. Tapi ini „hantoe-alas” boekan meloeloesken orang poenja permintaän, sebaliknja lantas mengamboel. la bilang: apa perloe minta pertoeloengan padanja, kerna ia toch tiada lebi dari penoenggoe roema jang tiada bergoena bodo dan laen-laen perkataän lagi jang boleh bikin orang djadi merasa djemoe.

Keng Hoa djadi semingkin sedi, tapi tiada koerang mara dan djengkelnja pada itoe mah-kwalon jang sabenernja tiada pantes balikin ia poenja permintaän dengen omongan begitoe roepa. Tiba-tiba selagi ia maoe menegesin kenapa iboe- tirinja poenja pengambilan djadi begitoe, kabetoelan Tjin Hie panggil padanja, maka ia oeroengken niatnja dan lantas menghamperi itoe boedak. Ini doea orang, madjikannja dan boedjangnja, sigra berkoempoel di depan dan tjari daja oepaja boeat menoeloeng Toa Kongtjoe.

„Kaloe ini oeroesan dilawan menangis sadja, kasoedaännja tiada menoeloeng satoe apa atas dirinja Kongtjoe jang dilanggar ini tjilaka," kata Tjin Hie, maka tjoba Siotjia tjari pikiran dan oendjoek sala satoe orang jang boleh diharep pertoeloengannja,"

„Akoe kira Tjo Kongtjoe boleh diharep pertoeloengannja, oleh kerna ia ada sala satoe sobatnja soedarakoe jang paling kekel." kata Keng Hoa.

„Djika Tjo Kongtjoe ada di roema akoe poen tentoe soeda pergi padanja, dan ini oeroesan pasti tiada berdjalan sampe begini djaoe, „saoet Tjin Hie jang lantas bri taoe, kaloe itoe orang moeda kemaren doeloe soeda pergi ka Lam Haij dan stenga boelan lagi baroe poelang.

„Abis begimana dan sama siapa, lagi kita boleh minta toeloengan?" kata itoe gadis dengen bengong aken tjari pikiran laen, kerna boeat minta pertoeloengan sama Tjo Kongtjoe soeda tiada boleh diharep, katjoeali kaloe maoe menoenggoe sampe itoe orang moeda poelang dari perdjalannannja.

„Sekarang akoe inget," kata Keng Hoa kamoedian, tjoba kau pergi sama temen-temennja Kongtjoe di dalem sekola, minta marika poenja pertoeloengan, dengen moeloet atawa soerat, soepaja Tikoan lepasken Kongtjoe."

Tjin Hie pikir itoe poen ada satoe pengharepan bagoes, maka ia lantas berlaloe dari hadepan nonanja.

Kira-kira doea djam lamanja itoe boedak soeda balik lagi. la kasi taoe, dengen dikapalaken oleh Oeij Siangkong dan laen-laennja, djoembla doea poeloe moerid, marika itoe soeka membri pertoeloengan dengen masoekin rekest. Tapi boeat goena itoe perkara ia orang minta disediaken brapa ratoes tail perak, kerna Jam Tikoan jang mata doeitan pertama-tama tentoe menegor oewang sogokan.

Hal ini membikin hatinja Keng Hoa djadi sanget girang; boeroe-boeroe masoek ka kamar soedaranja. Dengen koentji jang ada padanja sigra ia memboeka latji. Ia djadi kaget koetika liat apa jang ditjari tiada ada; dan sasoedanja menggratak di sana sini pertjoema sadja, dengen moeka poetjet ia pergi ketemoeken Kwe Sie.

„Dji Nio, itoe oewang anem satoes tail di latji kenapa tiada ada?" ia menanja dengen swara memboeroe. Tempo maoe pergi akoe taoe betoel masi ada. Dan siapa jang ambil?"

„Apa! Oewang Siotjia tanja padakoe?” kata djahanam Kwe Sie dengen mata melotet: Koentji-koentji Toa Kongtjoe dan Siotjia jang pegang; brapa banjak ada oewang, di mana ditaronja sama sekali akoe trataoe! Heran betoel, bolehnja oewang ilang akoe jang ditanja!" — Dan sabenernja toch itoe oewang ia jang tjoeri!

Keng Hoa bengong sadja tempo denger dikasi penjaoetan begitoe matjem, ia kaloear dari kamarnja itoe prempoean kedji dan ketemoeken serta bri taoe pada Tjin Hie, tentang linjapnja itoe oewang di dalem peti. Keng Hoa sabenernja harep sama itoe oewang simpenan boeat menoeloeng soedaranja, tapi sekarang itoe oewang soeda linjap dimakan rajap jang bersipat Kwe Si maka apa-boleh boeat ini gadis jang sajang pada soedaranja lolosken ia poenja periasan badan semoea soeroe Tjin Hie bawa ka roema gade, selakoenja oewang itoe teroes bawa pada Oeij Siangkong.

Tapi oewang jang didapet dengen itoe djalan dan soeda diseraken sama Oeij Siangkong, tiba tjoekoep lima poeloe tail perak, maka tjara begigimana itoe djoembla jang tiada tjoekoep bisa bikin itoe moerid bekerdja dengen berasil. Begitoelah besoknja Keng Hoa dan Tjin Hie trima kabar, bahoewa itoe moerid-moerid tiada bisa menoeloeng, kerna Tikoan soeda menampik disebabken oewang sogoknja berdjoembla ketjil.

Siotjia kita jang bermoelah ada menaro harepan besar dengen itoe djalan aken bisa menoeloeng pada soedaranja, tapi sekarang djadi poetoes pengharepannja. Dari mana lagi ia moesti garoek boeat penoeken permintaännja itoe pembesar rakoes, sedeng boeat dapetken itoe lima poeloe tail sadja ia soeda bikin dirinja djadi telindir!

Sedi djengkel dan laen-laen pengrasaän tiada enak ada terhinggap dalem hatinja gadis kita, baek djoega Tjin Hie bisa membri hiboeran dan minta nonanja menoenggoe dengen sabar poelangnja Tjo Kongtjoe, di waktoe mana boleh berdami lagi bagimana baeknja.

Djoestroe di itoe hari selagi Keng Hoa pikirken nasib Kokonja jang begitoe latjoer, Tjin Hie jang blon lama oendoer dari depannja soeda balik kombali dengen mengadjak doea tetamoe, jaitoe boekan laen orang jalah The Koen dan Nio Sie, jang sebagimana di atas soeda diterangken, itoe Tjongkoan adjak istrinja aken mengoendjoengken roemanja familie Kou.

Tempo sasoedanja The Koen bri taoe ia dateng dari gedong Tin Kok Hoe, dan mampir di sini boeat kasi kabar apa jang telah terdjadi dengen Ko Kon dan oeroesan dalem roema tangganja, Keng Hoa Siotjia dan Tjing Hie lantas menangis, samentara The Koen dan Nio Sie djoega tiada loepoet toeroet menoempaken aer mata, koetika nona roema bri taoe apa soeda kedjadian atas dirinja Kou Kongtjoe, dan kasi taoe djoega begimana ia soeda berdaja oepaja aken toeloeng pada soedaranja itoe tapi sia-sia sadja.

The Koen dan Nio Sie tiada berdiam lagi di sitoe, hanja sasoeda berkata-kata sabentaran lantas berpamitan sama Keng Hoa Siotjia, dan dianter oleh Tjin Hie ia-orang pergi ka roema boei aken ketemoe Kou Kongtjoe. Pertama ia orang ketemoeken pembesar boei, jaitoe Tjoei Tjeng namanja, kamoedian baroe dianter ka satoe kamar, di mana itoe orang moeda ada ditaro.

Lebi doeloe di sini kita menerangken, bahoea haroes dibilang Kou Kongtjoe masi sanget beroentoeng. Sedari masoek ka dalem pendjara ia telah dapet perhatian baek dari Tjoei Tjeng; ini pembesar boei sasoedanja kenal dan denger ketrangannja itoe orang moeda ia sigra mengetahoei, Kou Kongtjoe tentoe soeda kena dipitena orang. Maka dari itoe ia merasa kasian dan senantiasa perhatiken segala kaperloeannja.

Tatkalah Tjin Hie jang menganter The Koen Nio Sie sampe di kamarnja, djoestroe itoe orang moeda lagi bengong terlongong-longong saraja memikirken nasib dirinja jang begitoe tiada beroentoeng. Begitoe djoega ia lantas menangis tempo boedaknja bri taoe, doea orang jang toeroet padanja jalah The Tjongkoan dari Jan San gedong Tin Kok Hoe. Lebi djaoe ia njataken sanget menjesel jang ia tiadi bisa berboeat soeatoe apa berhoeboeng dengen mertoeanja poenja kasoesaän dan laen-laen.

Tjongkoan kita merasa heran, kenapa sablon ia bertjerita apa-apa tapi Kongtjoe soeda dapet taoe kaloe Ko Kong dapet ketjilakaän, maka ia lantas menanja dari mana ia dapet taoe hal itoe Kou Kongtjoe sigra bri taoe jang ia trima itoe kabar djelek dari Tjo Kongtjoe; djoega tiada loepa ia toetoerken, begimana itoe orang moeda soeda membri pertoeloengan pada bakal mertoeanja jang terhinggap bahaja di oetan Siong Leng Ek. Hal ini membikin The Koen - Nio Sie djadi sanget terkedjoet, tapi tiada loepa ia bersoekoer pada Allah, jang soeda oendjoek pada Tjo Kongtjoe dan dateng menoeloeng dalem waktoe jang begitoe penting.

Sasoedanja ia-orang bitjaraken halnja Ko Kong sedikit lama, achirnja Kongtjoe kita menanjaken prikasehatannja Hoedjin serta Siotjia, dan tanja poelah, perkara apa jang begitoe memaksa sampe itoe Tjongkoan swami-istri dateng di Djin Ho, satoe perdjalanan jang boekannja deket.

Ditanja begitoe The Koen — Nio Sie lantas menangis, tapi pelahan pelahan ia toetoerken satoe persatoe dengen pandjang lebar, begimana lantaran kalemaännja Soen Nio sebagi kepala-roema, achirnja Siotjia dan boedjang boedjang, teritoeng djoega ia — telah dapetken perkara jang tiada enak dan berpisaän satoe sama laen. Terlebi djaoe ini Tjongkoan bri taoe, ia maoe pergi menjoesoel Ko Kong di Leng Lam dan sekalian serep serepin Bong Loan dan Tjeng Bwe di sapandjang djalan.

Dari bermoela sampe abis, Kongtjoe kita jang dengerin satoe persatoe omongannja The Koen, tiada brentinja mengela napas dan soesoetin aer-matanja, satoe tanda sasoeatoe perkataännja itoe pengoeroes ada menjediken hatinja. Kamodian ia kata: „Tjong-koan soeda menjaksiken dengen mata sendiri, keadaẵnkoe bagini tjilaka, hingga blon bisa dipastiken apa nanti bisa idoep lebi lama atawa tiada; tjoba liat ini loeka-loeka di badankoe, inilah jang membikin rasanja tiada bisa tahan. Dan Tjongkoan toeloeng sampeken akoe poenja keadaan dan pengharepan pada Gak-hoe soepaja ia dapet mengetahoei semoeanja.

The Koen oetjapken banjak perkataan dan berdjandji aken perhatiken pesenannja itoe orang moeda. Lebi djaoe ini pengoeroes roema laloe kaloearken tjoepoe-tjoepoenja, kaloearken satoe obat pil, dengen apa Kou Kongtjoe soeda dibikin semboe dan tiada merasa sakit lagi. Itoe orang moeda poedji betoel kamoestadjapannja itoe obat; The Koen soeka kasiken ia lima bidji pil boeat mendjaga diri.

Tatkala itoe matahari soeda naek tinggi. The Koen bangoen berdiri dan kata: „Kongtjoe sekarang senangken sadja hatimoe, kerna akoe kepaksa moesti meninggalken poela pada kau. Akoe harep Toehan jang toenggal nanti melindoeng Kongtjoe poenja keslamatan selama-lamanja." Saking sedi-sedinja orang moeda kita tiada bisa oetjapken sepata perkataän, selaennja tekap moekanja dengen doea tangan sembari menangis. The Koen dan Nio Sie kaloear dari kamar tadi sasoedanja berpamitan sama Tjin Hie dan Cipier Tjoei Tjeng, ini swami istri landjoetken teroes perdjalanannja.

Sedari abis makan obat, keadaännja Kongtjoe kita ada lebi baek dari biasanja. Tjin Hie jang biasa anterin nasi satoe hari doea kali tapi itoe waktoe tiga kali dalem satoe hari.

Boeat goena Kokonja poenja makan setiap hari, sebab tiada ada oewang, kepaksa Keng Hoa djoeal-djoealin brapa roepa perabot roema. Sedeng begitoe, Kwe Sie doerhaka tiada maoe ambil poesing dengen itoe semoea kasoesaän; setiap hari bersama Tjo Mama la makan minoem, sama ini prempoean toea ia kaliatan djadi begitoe rapet, siang malem tiada maoe berpisaän.

Ada satoe malem, ini doea orang soeda djadi mabok keras dan dengen tiada perdoeli satoe apa lagi masing-masing pergi tidoer. Dapoer, di mana tadi ada digoenaken boeat bikin mateng barang makanan, apinja blon padem, samentara

di depannja ada banjak potongan kajoe ketjil-ketjil. Koetika ini doea orang masoek tidoer, dengen tiada didoega api soeda menjala dan bakar kajoe-kajoe jang ada di sitoe, kamoedian merembet pada ding-ding dapoer.

Angin jang pada itoe malem menioep samier, soeda bantoe bekerdja aken bikin api djadi berkobar lebi besar.

---

Boedak jang setia ingin dapet
oewang soeda djoeal dirinja.-
Di roema hina gadis jang moe-
lia tjoba memboeroe diri.

---

Keng Hoa Sioijia dan Tjin Hie, adalah orang jang paling doeloe dapet taoe terdjadinja itoe bahaja, kersa ini doea orang djoega jang soeda treakin tetangga-tetangganja aken minta perloe loengan. Kwe Sie dan Tjo Mama boleh djadi aken mati kabakar, kaloe tiada satoe balok besar djato di depan kamarnja. Dengen kaget ini does keparat sedar dari tidoernja, dan saking goegoepnja, dengen anggota separo tertoefoep separo tiada lantas menerobos kaloear, di mana orang banjak sedeng bekerdja keras boeat pademken itoe bahaja, soepaja tiada merembet ka laen bagian dan mengambil korban lebi banjak.

Sampe tjoeatja moelai terang, baroelah itoe bahaja api dapet dipademken.

Boloh dibilang beroentoeng itoe tempo orang banjak lantas dateng membri pertoeloengan, hing ga api djadi padem seblon merembet pada laen- laen roema. Ini bahaja telah mengambil korban sebagian dapoer poenjanja familie Kou, di mana bahaja itoe moela-moela terdjadi: Roemanja Tjo Mama, jang sebagian besar tjoema tertoetoep sama roempoet alang-alang, lagi roema itoe ada berdamping sama dapoer jang kabakar, maka tiada heran kaloe soeda kena dimakan api dan abis sama sekali. Laen dari itoe tiada apa-apa lagi.

Maski poen soeda dl'oendjoek jang Allah ada membentji pada perboeatan boesoek, tapi Kwe Si djahanam sama sekali tiada mendoesin dan masi merasa penasaran, kaloe Kou Kongtjoe blon dapet dibinasaken. Begitoelah pada satoe hari ia prenta Tjo Mama pergi panggil Kwe Tiong, jang koetika soeda dateng lantas ditanja, kenapa Tikoan masi tinggal diam sadja itoe perkara.

Kwe Tiong jang dalem ini oeroesan ada dapet kaoentoengan bagoes soeda goenaken itoe koetika jang baek dan bri ketrangan; bahoea Jam Tikoan tiada bisa ambil kekwasaän begitoe djaoe, katjoeali kaloe soedaranja, Kwe Si, soeka tamba lagi oewang sogokannja. Itoe prempoean doerhaka sebab ingin maksoednja jang kedji dapet disampeken, dengen tiada merasa sajang soeda kasiken lagi saratoes tail pada soedaranja dan prenta seraken pada Jam Tikoan.

Ini djoembla oewang jang sampe di tangan Tikoan tjoema anem poeloe tail sadja; kerna lebi doeloe Kwe Tiong tekoek doea poeloe tail, Houw Dji, djoeroetoetis Tikoan, bekoek doea poeloe tail, dan salebinja baroe diseraken pada toeannja.

Begitoe trima oewang sogokan, Tikoan preksa dan rangket Kou Kongtjoe, tapi itoe semoea sia- sia sadja, kerna ini orang moeda tetep tiada maoe mengakoe. Kwe Tiong liat begitoe djadi bingoeng; ia pergi pada Cipier dan sogok ini pembesar boei soepaja abisken djiwanja itoe orang moeda, tetapi permintaän itoe ditolak, hingga maoe tiada maoe ini keparat pergi ketemoeken Houw Dji dan tanja ia poenja pikiran begimana.

Boeat itoe semoea ini djoeroetoelis mintaken tiga ratoes tail perak, tapi Kwe Tiong tiada bisa adaken lebi dari delapan poeloe tail perak. la bilang, ini sadjoembla oewang boleh dapet pindjem di sana sini; oewang jang soedaranja sediaken soeda abis dimakan api, dari itoe ia minta ini perkara diberesken dan dibikin slese ini sekali. Oleh kerna biar begimana djoega ia tiada bisa dapetken lebi dari sebegimana jang Kwe Tiong ada bawa, apa boleh boeat Houw Dji lantas ketemoeken Jam Tikoan, seraken anem poeloe tail pada ini pembesar dengen berkata:

„Akoe harep Taijdjin soeka lantas poetoesken perkaranja In Liong. Akoe dapet kabar Taijōjin bakal di pindaken ka laen bilangan, laen orang bakal gantiken Taijdjin poenja kedoedoekan. Maka itoe, kaloe dari sekarang itoe perkara tiada dibikin slese, akoe kwatir pembesar jang baroe korek ini perkara, hingga boleh bikin djelek pada kita orang."

„Persakitan blon mengakoe apa jang ditoedoe, begimana akoe boleh beresken itoe perkara " kata Tikoan.

„Kenapa Taijdjin tiada maoe goenaken pengakoean palsoe, bilang maoe kirim persakitan ka Khe Hin, kantornja Tihoe?" kata Houw Djie jang membri pikiran. „Boeat pergi ka sana moesti meliwatken goenoeng Ngo Siong San; di sana sepi betoel dan orang tiada dapet taoe kaloe kita binasaken djiwanja. Kamoedian bri laporan, di tenga djalan persakitan soeda boeang diri sampe mati ka dalem djoerang!"

Jam Tikoan, njataken setoedjoe dengen pikirannja Houw Dji.

Sebagi pembesar pendjara, Tjoei Tjeng soeda trima lapor dari kantoor Tikoan, jang besok pagi Koy Kongtjoe bakal dikirim ka Khe Hin Hoe, boeat dipreksa lebi djaoe di sana. Kabeloelan pada itoe hari pagi-pagi Tjin Hie membawa nasi boeat Kongtjoenja, tempo ini boedak maoe poelang Tjoei Tjeng tahan padanja.

„Esok pagi Kongtjoe bakal dibawa ka Khe Hin, apa kau soeda sediaken oewang dan pakean boeat dimoesin Tjhioe?" „Apa betoel begitoe?" menanja Tjin Hie dengen sanget kaget.

„Ja. Esok ia bakal dikaloearin dari dalem pendjara dan troes dibawa ka sana." kata poela itoe pembesar boei jang baek boedi.

Tjin Hie djadi merasa sanget doeka dan bingoeng. la sampe taoe abis keadaännja Keng Hoa di itoe tempo ada sanget djelek hingga biar begimana djoega itoe nona tiada nanti bisa sediaken oewang boeat soedaranja, jang perioe moesti mempoenjai dalem perdjalanan dan selama ditahan di dalem pendjara. Banjak djalan boeat tjari oewang ia soeda pikir, tapi itoe semoea rasanja pertjoema sadja. Ia pikir dan pikir lagi, sampe kamoedian dapet ingatan boeat djoeal dirinja, sebab tjoema ini satoe djalan sadja jang sampeken ia poenja maksoed

Begitoe dapet ini ingetan, tiada tempo lagi Tjin Hie sigra berlaloe dari roema boei teroes pergi kapasar tempat jang di mana sasoeda tawarken dirinja pada sembarang orang kebetoelan ia telah bertemoe sama satoe Kongtjoe anaknja orang berpangkat, jang soeda bli padanja ampat poeloe tail perak. Ini Kongtjoe tinggal di gang Kong Sin, di itoe kota; ia sabenernja ada poenja banjak boedak, tapi sebab liat Tjin Hie begitoe setia, soeka djoeal diri boeat goena toeannja, maka ia lantas bli, kerna sajang Tjin Hie jang setia nanti djato di tangannja sembarang orang. Dengen itoe oewang Tjin Hie balik poelah ka roema boei, sraken, semoea di tangannja Kongtjoe, serta kasi tage djoega itoe oewang didapet dengen djalan begimana. Sasoedanja toempaken banjak aer mata di hadepan Kongtjoenja, Tjin Hie lantas poelang ketemoein Keng Hoa, sama siapa ini boedak jang setia kasi taoe, sebab Kongtjoenja maoe dibawa ka Khe Hin dan tiada poenja oewang boeat bli pakean, maka boeat goena itoe ia soeda djoeal dirinja pada satoe Kongtjoe, pada siapa sekarang ia moesti bakerdja sebagi madjikan baroe.

Tiada oesa dibilang lagi hal ini ada mengantjoerken sanget hatinja Keng Hoa Siotjia, lebi lagi tempo dengen mengoetjoer aer mata Tjin Hie membri slamet tinggal dan berdjalan kaloear, hingga ia lantas menangis keras. Djoega sama Kwe Si tiada loepa Tjin Hie hatoerken pamitan dan mamesen: soepaja itoe njonja bisa manaro kasian pada Keng Hoa, satoe gadis piatoe jang tiada ada poenja senderan.

„Tjoba liat," kata Kwe Si pada Tjho Mama, koetika Tjin Hie soeda pergi djaoe, boedak jang matjem begitoe orang masi maoe bli! Apatah kabisaännja itoe monjet, selaennja makan dan abis makan tidoer!"

„Ah, kenapa soeka oesil moeloet sama laen orang poenja oeroesan!" saoet Tjho Mama sembari memboeang moeka. „Orang laen bisa dapet oewang, kita poen moesti tjari satoe djalan boeat dapetken itoe! Akoe bilang padamoe, njonja: „Di sini ada satoe moestika jang mahal harganja. Djika kau maoe dan brani djoeal, lima atawa anam ratoes tail bisa lakoe."

Kwe Si tertawa, kerna ia tiada mengarti kamana perkataän itoe ada di maksoedken. Itoe prempoean toea sigra meliat kasana-sini, satelah ketahoei di sitoe tiada ada orang, dengen senang ia kata lagi: „Parasnja Keng Hoa begitoe tjantik boeat di sini poenja nona-nona adakah ia kembangnja, maka kaloe di djoeal, boeat harga lima atawa anem ratoes tail tentoe orang bereboet. Tjoema . . . . . . . . . .akoe kira kau tiada brani."

Moekanja Kwe Si mendadak djadi bersorot terang, kerna memang djoega hatinja ini prempoean kedji ada sanget girang. „Kenapatah akoe tiada brani!" Begitoelah ia kata: Keng Hoa anak piatoe, soedara satoe-satoenja bakal djadi setan di goenoeng Ngo Siong San. Ini tempo djangan kata baroe didjoeal, biarpoen dibikin mati siapa jang maoe istan!"

„Dan kaloe begitoe ini ada harepan bagoes boeat kita." Kata lagi Tjho Mama jang lantas bri taoe, Ong Ma, jang poenja roema plesiran merk Tiang Tjoen le, di itoe kota, biasa bli gadis-gadis jang tjantik dengen harga mahal. Lebi djaoe ia menegesin, kaloe benar Kwe Si maoe djoeal anak tirinja, ia ada sedia akal jang bagoes begitoe bagoes sampe ia brani pastiken, orang jang maoe di djoeal tiada mendapet taoe satoe apa.

Atas pertanjaännja Kwe Si begimana itoe pendjoealan maoe di atoer, Tjho Mama sigra toetoerken tipoe tipoenja jang moesti digoenaken dalem itoe oeroesan, hingga itoe iboe tiri jang doerhaka djadi sanget girang, serta silaken kontjonja oeroes itoe semoea.

Besoknja di waktoe pagi, betoel selagi ini doea menoesia keparat doedoek mengomong, sedeng Keng Hoa poen ada di sitoe, koenjoeng-koenjoeng di depan roema ada brenti satoe djoli, dari mana sigra toeroen satoe prempoean setenga toea jang berdandan rebo.

Tjo Mama jang doedoek madep keloear itoe tempo lantas bangoen dengen berkata: „Astaga siapa kira ini hari pagi-pagi ada tetamoe! Hoedjin lekas keloear menjamboet, ini kau poenja atji dateng mengoendjoengken!"

Sablonnja Kwe Si bangoen, itoe tetamoe soeda masoek kadalem. la hamperi dan pelok itoe prempoean kedji dengen berkata: Ob, soedarakoe sedari berpisa soeda anem taon kita orang baroe bertemoe lagi!"

„Akoe merasa sanget beroentoeng bertemoe 'ntji di ini hari," saoet Kwe Si, „tapi begimana apa Tjihoe ada baek?" —„la soeda meninggal doenia pada taon jang laloe. Kemaren akoe baroe sampe di sini; dari brapa orang akoe dapet keterangan, soeamimoe soeda meninggal doenia, Toa Kongtjoe ada di dalem pendjara roema kena kabakar, maka akoe boeroe-boeroe dateng menengokin."

Kwe Si mengela napas selakoe orang berdoeka.

Keng Hoa jang mengira bener arang itoe ada soedara iboe tirinja, dengen ka doea tangan ia membri hormat dan berbasa Toa-ie. Parasnja itoe gadis jang begitoe eilok serta kelakoean sopan, ternjata ada menaro pengrasaän penoedjoe dalem hatinja itoe njonja tetamoe. Begitoelah sasoedanja mengobrol berdjam djam lamanja, itoe tetamoe minta Kwe Si dan Keng Hoa bersama-sama mengoendjoengken roemanja. Kwe Si trima itoe oendangan, tapi Keng Hoa menampik dan bilang: biar iboenja sadja pegi ka sana, sedeng ia menoenggoe roema.

„Mana boleh begitoe, tjoetjoekoe,” kata itoe njenja tetamoe, „kau dan akoe ada kena familie, maka kaloe kau menampik tandanja tiada maoe akoer sama sanak soedara. Apa lagi seperti kita orang, baroe berkenalan satoe sama laen, sabole-boleh haroes bikin perhoeboengan dengen rapet."

Perkataan ini soeda membri hasil bagoes, kerna Keng Hoa jang tiada poenja katetepan hati soeda lantas menoeroet, sedeng bermoela ia menampik, Tiada selang lama lagi itoe tetamoe soeda berdjalan poelang, dengen di'ikoet oleh Kwe Si, Keng Hoa dan Tjho Mama. Di satoe gedong jang dirias bagoes berserta lengkep perabotnja, itoe ampat orang masoek dan berkoempoel dalem satoe roewangan, di mana kamoedian ada boedjang prempoean membawain the.

Doedoek sabentaran Kwe Si dan Tjho Mama berdjalan kaloear dengen di'ikoet oleh itoe prempoean toea tadi. Sekarang dalem itoe roewangan tjoema Keng Hoa sadja sendiri; lama ia doedoek di sitoe dan harep itoe brapa orang balik kombali, tapi ditoenggoe sampe kesel blon djoega kaliatan dateng. Koenjoeng-koenjoeng ia denger di roewangan sebla ada swara orang mengomong dan tertawa. Sebab mendoega brangkali iboenja jang ada di sitoe, maka Keng Hoa lantas menghamperi djendela dan mengintip dari sela-sela.

la liat di sana ada bebrapa prempoean moeda jang lagi bertjanda sama orang-orang lelaki. Kelakoean marika itoe jang mengoendjoek tiada sopan soeda membikin Keng Hoa djadi sanget kaget dan tjoeriga. la balik ka tempat tadi tapi tiada doedoek hanja berdiri sadja. Tiba-tiba itoe prempoean toea masoek di sitoe, maka Keng Hoa tjepet menanja: „Toa-ie, mana iboekoe?"

„la soeda poelang!" saoet itoe prempoean sembari tersenjoem.

„Poelang! Kenapa akoe ditinggal di sini?” menanja Keng Hoa jang di itoe waktoe baroe dapet pengrasaän tiada enak. „Lekas bilang ini roema apa, kenapa akoe ditinggal sendirian?”

„Dengerlah, nona,” kata itoe prempoean toea, „akoe ini Ong Ma namanja, jang poenja ini roema plesiran merk Tiang Tjoen le. Pada iboemoe sama sekali akoe tiada kenal, katjoeali pada Tjho Mama, kerna ia itoe ada akoe poenja langganan, tengkoelak mendjoeal gadis. Koetika akoe dateng di roemamoe dan mengakoe soedara, itoelah tiada laen dari tipoe jang diatoer oleh itoe nene, soepaja kau tiada menaro tjoeriga toeroet kita orang dateng di sini. Sekarang kau soeda didjoeal; iboemoe dan Tjho Mama soeda poelang, sasoeda ia trima ampat ratoes tail sebagi harganja dirimoe.―Mengartikah sekarang, nona?"

Menilik apa jang kedjadian di atas ini, njatalah itoe akal boesoek jang dihatoerkan oleh Tjho Mama soeda berdjalan dengen baek, hingga dengen tiada banjak soesa Keng Hoa soeda dateng di itoe roema plesiran. Gadis kita jang soeda djadi korban dari ini perboeatan boesoe, sablonnja mengambil tindakan laen, soeda lebi doeloe telah tetepken pikirannja dengen saroepa ingetan jang dateng dengen mendadak. Ia kasi liat moeka manis, satjara lakoenja orang jang trima oentoeng. Tapi diam-diam ia mengoetoek pada Kwe Si, jang soeda djeblosken dirinja ka lobang jang tjilaka.

„Sekarang akoe mengarti, mama, „kata Keng Hoa kamoedian, „tjoema sajang akoe ini ada sanget bodo, paraskoe djelek, hingga blon tentoe bisa mendatengin kaoentoengan atawa tiada?”

Alangka girangnja itoe batauw tempo denger itoe perkataän jang dioetjapkan begitoe lemboet dan merdoe. Ia pegang tangannja Keng Hoa dan dipoedji-poedji dengen banjak perkataän.

Samentara itoe dari loear bergeroemoetan masoek ampat atawa lima prempoean moeda, Keng Hoa lantas kenali, antara itoe brapa prempoean adalah jang tadi ia liat lagi bertjanda sama orang-orang lelaki.

„Ini semoea ada kau poenja temen, anak „kata Ong Ma pada Keng Hoa sembari menoendjoek pada itoe brapa prempoean moeda. Gadis kita memanggoet dan kasi liat senjoemnja jang manis' ia membikin hormat dan satoe sama laen lantas saling kasi taoe namanja.

„Heran, kenapa ini begitoe panas!” kata Keng Hoa. „Apa boleh 'ntji sala satoe anterin djalan-djalan sabentaran?”

„Mari, akoe anterin ka kebon kembang.” kata kata Ong Ma sambil pengang tangannja Keng Hoa.

„Di sana hawanja dingin, biarpoen matahari mentjorot.”

Sigara djoega ini brapa orang lantas berlaloe dari itoe roewangan, menoedjoe ka blakang boeat anterin Keng Hoa berangin di kebon kembang. Tapi djalan blon brapa djaoe ini nona merandek, matanja meliat ka sana-sini, seperti ada apa-apa jang ia mendapet taoe.

„Dapoer di mana letaknja?” begitoe ia menanja. „Marilah lebi doeloe anterin akoe dan oendjoek di mana pernanja?”

„Apa kau maoe bikin minta dianter ka dapoer?” Ong Ma menanja dengen ketawa dibikin-bikin.

„Bagi akoe, saorang baroe, perloe sekali” begitoelah Keng Hoa berkata lagi dengen perkataän djinaka. „Siapa taoe kaloe satoe tempo peroet koe lapar; kaloe soeda taoe di mana selak-seloeknja, begitoe kapengen makan akoe boleh lantas masoek kadapoer!”

Perkataännja Keng Hoa soeda bikin semoea orang jang ada di sitoe djadi tertawa, apa lagi Ong Ma. Ia ini soeda djadi sanget girang, sebab tiada doega, Keng Hoa saorang baroe soeda jadi djinek dan bisa membanjol. Boekan seperti laen-laen orang, jang kaloe blon diboedjoek begini begitoe blon maoe anteng.

„Orang seperti kau tiada moesti diwadjibken bekerdja di dapoer,” kata itoe prempoean toea dengen perkataän mengoempak, „di sini akoe ada piara banjak boedjang prempoean; maoe ini maoe itoe boleh prenta padanja, boeat apa kau kedangsakan ka dapoer!"

„Biarpoen begitoe akoe maoe taoe djoega. Marilah anterin.” Keng Hoa minta dengen paksa, tapi perkataän jang di oetjapken sanget manis dan lemboet, hingga dengen tiada menaro doegaän apa-apa orang soeda loeloesken permintaännja. Begitoelah Ong Ma dan jang laen-laen lebi doeloe anterin Keng Hoa ka dapoer, kamoedian baroe maoe dianterin ka kebon kembang.

Sigra djoega ia orang soeda sampe ka dapoer, di mana tiada kaliatan pemandangan apa-apa, selaennja perabot masak jang berselengkatan Keng Hoa berpentjaran dari itoe brapa orang, dan selakoe orang baroe dan ingin taoe segala apa, ia poen lantas menggratak pergi dateng. Koetika menghamperi medja, di sitoe ada terletak satoe golok besar, golok jang biasa digoenaken oleh Koki boeat menjingtjang daging.

„Achirnja akoe dapet djoega apa jang di’ingin!” kata Keng Hoa dalem hatinja, sedeng roepanja jadi beringas: „Akoe ada toeroenan orang baek-baek, dari pada djadi boengah raja, akoe lebi soeka boenoe diri sendiri......."

la liat Ong Ma dan jang laen-laen berdini di tempat jang djaoe djoega maka dengen sebet ini gadis jang nekat toebroek itoe golok, dengen apa ia gorok lehernja sendiri Keng Hoa soeda lantas roeboe disaät itoe djoega dengen mandi dara.

Dengen satoe treakan keras Ong Ma lantas menoebroek, taro Keng Hoa di atas pangkoeannja. Ini mah toea kaliatan djadi sanget bingoeng, tapi tiada goegoep; ia preksa lehernja Keng Hoa dan ternjata anggota itoe dapet loeka besar, tapi tiada membikin poetoes tenggorokannja. Roepa-roepanja sablon itoe barang tadjem mengambil kasampoernaän Keng Hoa soeda kaboeroe djato, maka tiada sampe membikin roesak anggota jang berbahaja.

„Tjepet pergi ambil obat!” menita Ong Ma pada itoe brapa orang, jang dengen tersipoe-sipoe lari ambil obat dan laen-laen jang perloe sedeng brapa antaranja jang iseng moeloet lantas menjindir dan kata: „Betoel-betoel ‘ntji sanget baek dan berbakti, ini menoeroet itoe menoeroet. . .

„Diam, monjet!" menjentak Ong Ma, kerna dapet rasa perboeatan itoe di toedjoeken dirinja: „Kau ini memang paling bandel dan tingkamoe tiada enak! Kaloe kau brani mengotje, itoe palangan pintoe nanti bikin bendjol kau poenja tengkorak!"

Ini brapa orang roepanja takoet dengen itoe antjeman, kerna lantas tiada brani berkata apa-apa lagi.

Satelah loekanja Keng Hoa soeda dipakein obat dan selagi orang maoe bawa ini gadis ka roema besar, koenjoeng-koenjoeng dari loear masoek satoe prempoean moeda jang berparas ellok. la masoek di sitoe dengen napas sengal-sengal. Roepanja orang soeda bri taoe itoe ketjilakaän jang terdjadi di itoe roema, maka ia terboeroe-boeroe dateng menengok.

---

Mengatoerken pertoeloengan
dibales dengen rangkepken perdjodoan.
—Di goenoeng Ngo Siong San orang djahat dapet
bagiannja.

---

Itoe prempoean moeda jalah ada satoe gadis, she Joe namanja Eng Lian. Ia ini sabenernja ada toeroenan orang baek-baek; tempo beroemoer toedjoe taon beroentoen roentoen ajah dan iboenja telah meninggal doenia, dan slamanja itoe ia dipiara oleh 'ngko Piauwoja. Tapi ini soedara misan kamoedian soeda djoeal itoe nona ketjil pada Ong Mah. Dan ini prampoean toea, Eng Lian pandang sebagi iboenja.

Tatkala beroesia lima blas taon, di itoe tempo namanja Joe Siotjia moelai terkenal sebagi gadis jang tjantik serta loeas pengetaoeannja. Brapa pamoeda teroetama Kongtjoe-Kongtjoe idoeng poeti jang lojar, dengen banjak tjara maoe dapetin padanja tapi pertjoema sadja Ong Ma betoel ada toentoet pentjarian piara prempoean-prempoean hina, tapi pada Joe Siotjia ia pandang tinggi dan tjoema maoe di kawinken sama ia-orang moeda jang pinter dan berkelakoean baek.

Di satoe tempo Joe Siotjia kena diserang saroepa penjakit „koerang beres ingetan.” Ini penjakit asal moelanja jalah lantaran meliat satoe orang moeda, jang soeda begitoe menarik hatinja, tapi ia tiada kenal siapa, maoe minta ketrangan sama laen orang rasanja maloe dan, sampe kamoedian ia dapet itoe penjakit.

Orang jang diboeat kangenan oleh Joe Siotjia poen boekan laen, jalah Kou Kongtjoe atawa orang moeda kita jang sedeng terinda dalem bahaja besar.

Ong Ma sebab kwatir itoe penjakit djadi semingkin keras, maka laloe anterken Joe Siotjia ka roema kebon boeat tetira, Roema terseboet: letaknja di pintoe kota sebla Timoer kira kira lima li djaoenja. Di sana hawanja sanget njaman dan soenji; sakiter roema ada toemboe matjem-matjem papoehoenan jang menerbitken pemandangan inda, hingga boeat djadi tempat tetira bagi orang jang terserang penjakit seperti Joe Siojia, inilah memang ada baikali sekali.

Kebon terseboet dioeroes back oleh saorang she Pian, ajah dan anak, jang bekerdja pada Ong Ma. Setenga taon lamanja ia tinggal di sana, dalem waktoe mana penjakitnja soeda mendjadi semboe; la berbalik beta dalem itoe tempat jang soenji dan tiada ingin balik lagi ka kota. Tapi kaloe ia soeda poelang djoega, sebab itoe hari She-djit iboenja dan dateng maoe membri slamet.

Joe Siotjia poenja dateng soeda membikin girang hati iboenja, jang berkata: „Anakkoe, tjepet ka mari! Kau poenja pikiran ada lebi baek dari pada kita orang, maka tjobalah lekas bilang apa moesti dibikin sama ini orang?”

„Tapi siapatah ini orang iboe?” menanja Eng Lian sembari gojang kapala dan memandang dengen sorot kasian pada gadis kita.„Ini orang akoe kira soeda kena ditipoe atawa lebi betoel prempoean baek-baek, jang tiada mace bikin boesoek nama familienja?”

„Tiada sala betoe! begitoe.” saoet Ong Ma jang lantas toetoerken tentang pembelian Keng Hoa dari awal sampe diachirnja, hingga Joe Siotjia satelah dapet taoe tiada brenti seselken pada iboenja dan bilang orang toea itoe bersala besar.

„Moesti di inget, biar poen Keng Hoa soeda tiada poenja sanak-soedara jang boleh menoe- joeng, tetapi la ada anaknja bekas pembesar negri jang berdjasa.” kata Joe Siotjia. Siapa taoe, kaloe kamoedian hari ada orang korek ini perkara, tiadakah iboe bisa mendapet soesa? Moelai dari sekarang akoe soeka bri inget, baeklah kaloe iboe berati-ati atawa lebi baek djangan soeka bli nona-nona, katjoeali kale orang itoe dengen soekanja sendiri, kerna akoe tiada ingin liat iboe dapet tjilaka dari perboeatan-perboeatan orang doerhaka.”

Roepa menjesel ada kaliatan di moekanja itoe batauw. Joe Siotjia minta Keng Hoa dibawa ka kebon, di mana ia nanti rawatin padanja, permintaän mana telah diloeloesken. Begitoelah sasoedanja membri slamet pada iboenja poenja hari She-djit, sorenja, satelah moelai glap, Joe Siotjia dengen iringken brapa boedjang jang menggotong Keng Hoa lantas poelang ka tempatnja.

Malemnja, teroes sampe pagi, Joe Siotjia. tiada tidoer maski sakedjep djoega. Ini gadis jang baek seantero malem doedoek di dampingnja Keng Hoa, jang direbaken alas pembaringannja sendiri; satetes dengen satetes ia masoekin obat di moeloetnja itoe nona jang bertjilaka. Dara jang tadinja mengoetjoer tapi itoe waktoe moelai brenti, sedeng gerak-gerakannja ada menerbitken pengharepan bagoes.

Selama itoe Keng Hoa tinggal pangsan, dan sampe malemnja lagi baroe tersedar. Ia meliat ka sana sini dengen roepa heran, lebi heran lagi tempo liat Joe Siotjia jang ada di seblanja sama siapa ia tiada kenal dan baroe perna meliat di itoe waktoe. Pikirannja Keng Hoa disesaät itoe soeda koempoel semoea; ia inget, ia soeda memboenoe diri di dapoer dengen ada Ong Ma dan brapa orang lagi, tapi sekarang marika itoe soeda tiada ada, sedeng dirinja boekan ada di dapoer lagi, hanja atas pembaringan dalem satoe kamar jang inda.

Apa dirinja masi idoep atawa kah soeda mati? Inilah ada pertanjaän jang blon bisa dipastiken oleh itoe gadis sendiri. Tapi Joe Siotjia, jang soeda mengadepin sakoetika lamanja, lantas dapet artiken apa jang sedeng dipikirin oleh Keng Hoa, maka dengen sabar ia lantas toetoerken satoe persatoe apa jang terdjadi dari kapala sampe kaboentoet, hingga Keng Hoa mengarti semoea.

Gadis kita merasa teramat soekoer dengen itoe pertoeloengan, ia laloe toeroen dari atas pembaringan, bilang trima kasi, serta mengangkat soempa dan mengakoe soedara, hingga hal itoe bikin Joe Siotjia djadi girang sekali. Sasoeda satoe sama laen menanjaken banjak hal achirnja ternjata, Joe Siotjia oesianja soeda doea poeloe, lebi toea satoe taon dari Keng Hoa.

„Djika toeroet penoetoeran, njatalah ‘ntji Eng masi tinggal merdika,” begitoelah kamoedian Keng Hoa berkata, „meliat itoe semoea akoe lantas inget satoe perkara, tapi kaloe ditoetoerken akoe kwatir 'ntji djadi koerang senang.

„Bilang sadja seroesan apa?“ kata Joe Siotjia mengindjinken Keng Hoa bitjara. Gadis kita lantas bri taoe niatanja dengen lebi doeloe toetoerken hal soedaranja, Kou Kongtjoe, kamoedian baroe dinjataken dan lebi doeloe mengoetjap soekoer, kaloe Eng Lian Siotjia soeka djadi Kokonja poenja istri jang ka doea.

Koetika denger itoe perkataän moekanja Joe Siotjia djadi bersorot mera, tapi itoe semoea boekan bararti ia tiada moefaket. Ia kata: „Akoe ini boleh dibilang prempoean pegoenoengan, hingga brangkali blon tjoekoep kahormatan boeat direndengken sama ade poenja soedara. Tapi kaloe tiada di boeat tjelaän dengen roepakoe jang djelek, serta poen ada bodo, ketjiwa sekali kaloe akoe menampik.”

Mendenger begitoe Keng Hoa diadi girang sekali. Ini doea orang jang kaliatan saling menjinta seperti sama soedara sendiri, lantas beromong omong lagi dan sampe djaoe malem baroe tidoer.

Baeklah kita tinggalken doeloe Keng Hoa Siotjia jang lagi berobat dibawa penilikannja Joe Siotjia sekarang baek kita liat pada Kou Kongtjoe, perkara apa ada terdjadi atas dirinja ini orang moeda:

Pada itoe hari, dengen di‘iringken oleh doea penggawe Tikoan, Ngioe Sam dan Jho Go, orang moeda kita dibawa berlaloe dari Djin Ho dan katanja maoe dianteri kantoornja Tihoe di kota Khe Hin. Dalem ini perdjalanan ada toeroet djoega Kwe Tiong, jang telah trima prentanja Kwe Si dan ini orang doerhaka jang diwajibken boeat boenoe pada in Liong. Kongtjoe kita boekan tiada taoe jang itoe djahanam ada mengintil di blakang, malahan ia merasa sanget girang dan tiada menaro tjoeriga, kerna tempo ditanja ia maoe ka mana Kwe Tiong bilang: kabetoelan ada oeroesan di Khe Hin maka brangkat di itoe hari sekalian menganter.

Satelah berdjalan tiga hari lamanja beloel di waktoe tengari, ia orang telah sampe di Ngo Siong San. Ini tempat ada sanget soenji; di sakiternja oetan dan banjak toemboe poehoen Siong dan laen-laen papoehoenan lagi. Boeat pegi ka Khe Hin ada laen djalan jang bener dan lebi baek, tetapi kaloe ini manoesia kedji sengadja ambil djalan di sitoe, iniah soeda ketaoean maoenja. Koetika itoe, Ngioe Sam dan Jho Go menoleh ka blakang dan bri tanda pada Kwe Tjong soepaja ia ini atoer apa jang perloe boeat djalanken pakerdjaännja.

Kwe Tiong mengarti maka ia lantas menghamperi djolinja Kongtjoe dan kata: „Tjoetjoekoe; itoe di depan ada satoe tandjakan finggi maka baeklah kita mengaso doeloe disini, soepaja sabentar toekang-toekang pikoel tiada terlaloe tjape."

Kongtjie kita bilang baek dan di sitoelah ia orang lantas brenti In Liong toeroen dari djoli dan sigra meliat ka sana sini, tetapi semoea oetan belaka. Angin jang menioep keras soeda bikin tjabang dan daon-daon poehoen mengasi soeara berkesioeran. Boeroeng dan laen-laen binatang ketjil ada banjak kallatan di sana sini, hingga bagi Kongtjoe kita ini, jang baroe prenta berada di oetan, soeda membikin hatinja djadi goembira. Selagi mengalamken itoe pemandangan dengen pikiran melajang-lajang, koenjoeng-koenjoeng Kongtjoe dapel denger oppas pengiringnja berkata begini:

,,Kwe Heng, akoe rasa sablonnja toeroen tangan lebi doeloe back toetoerken padanja, jang kita ada trima laen orang poenja prenta, tegesnja boekan maoe kita boeat aniaja ia poenja djiwal"

,,Akoe poen memang ada pikir begiloe, tapi sabar toch doeloe." saoet Kwe Tiong. Kau liat dia orang apa, ini tempat begimana matjemnja. Ini tempo; biarpoen mendadak toemboe sajap, liada nanti ia bisa terlepas dari kita poenja tangan!"

Sekarang Kou Kongtjoe mengarti, dengen maksoed apa itoe orang-orang bawa ia ka itoe tempat. Tapi hal itoe tiada membikin djedjaka kita djadi merasa iakoet dan bingoeng. la seraken djiwanja pada Allah jang Maka soetji. Samentara itoe Jho Go dateng menghaperi dan bri taóe, jaitoe

Templat:Ko Teng Tjan begimana Tikoan bikin soerat pengakoean palsoe, bilang maoe seraken itoe perkara sama Tihoe, tapi sabenernja semoea djoesta dan goenaken itoe djalan boeat boenoe padanja.

„Tetapi sebab Tikoan mengeniaja padakoe?” begitoe Kongtjoe kita menanja.

„Apa Jang mendjadi sebab inilah kita otang tiada taoe," menjaoet Jho Go. „Tapi kaloe tanja Kwe Tiong akoe kira ia bisa membri ketrangan tjoekoep,"

Kongtjoe kita laloe menghamperi Kwe Tiong, sama siapa ia minta dibri ketrangan, lantaran apa maka orang maoe keniaja djiwanja, sedeng ia tiada ada poenja dosa besar, jang boleh bikin sampe orang berlakoe begitoe roepa. Permintaän ini soeda diloeloesken oleh itoe orang doerhaka, jang membri taoe, begimana iboe-tirinja tiada senang hati berhoeboeng terlepasnja ia poenja kekwasaän dalem oeroesan roema tangga; begimana orang soeda berdaja oepaja boeat bikin binasa djiwanja tapi pertjoema sadja. Lebi djaoe ini orang kedji bri taoe djoega dari hal matinja boedak Tjoen Jauw, perkara mana inilah jang soeda berachir dengen oeroesan jang terdjadi di ini hari. Tegesnja apa jang Kwe Si berboeat dan dari permoela pe pengabisan tiada ada satoe jang tiada ditoetoerken di hadepan Kou Kongtjoe.

Njatalah akoe soeda djadi korbannja itoe iboe tiri jang doerhaka!" mengeloe Kongtjoe kita dalem hati sendiri. Aken tetapi, akoe saorang poeti bresi dibikin begini roepa, perboeatan kedji itoe tentoe aken tiada terloepoet dari hoekoemannja Allah!"

In Liong dapet merasa itoe tempo djiwanja tiada bisa ditoeloeng lagi; boeat minta ampoen, minta itoe orang poenja kasian, inilah ia tiada maoe berboeat, apapoela ia dapet kenjataän, kelakoeannja marika tiada beda sebagimana binatang boeas, soeda tentoe ia orang tiada nanti ladenin atapannja. Jho Go lantas boekaken borgolannja, kamoedian ia menoendjoek pada bebrapa pekakas jang ia taro di tana dengen berkata:

Itoe ada golok, tambang dan brapa matjem barang tadjem. Kongtjoe pili sadja sala satoe sendjata mana jang dipenoedjoe; maoe gantoeng diri, maoe boenoe diri, tinggal poenja soeka. Kita orang tiada sampe-ati boeat toeroen tangan boenoe Kongijoe poenja djiwa."

Kou Kongtjoe balik badannja mengadep ka djoeroesan Wetan bersodja seraja menjeboet nama ajah dan sekalian lalochoernja, mengadep ka djoeroesan Kidoel menjeboet namanja Ko Kong dan oetjapken banjak perkataan jang menjataken ia boekan orang jang beroentoeng. Kamoedian beroelang-oelang panggil namanja Keng Hoa dan inilah jang ka dengeran paling njata.

„Soedara, akoe sama sekali tiada begimana dengen kau, poenja keadaän, sebaliknja kau djoega tiada taoe bahoea di ini saät soedaramoe ada mengadepin kematian jang sadjelas-djelasnja! Harep sadja soedara bisa djaga diri perboeatan-perboeatannja Kwe Si dan Tjho Mama jang begitoe kedji, sedeng akoe jang soeda djadi korbannja, aloeskoe nanti poelang dan tjekek lehernja; itoe doea menoesia doerhakal”

Seabisnja berkata kata begitoe ini orang moeda ambil tambang, hamperi satoe poehoen besar; lemparken oetjoeng tambang pada tjabang poehoen dan oedjoeng itoe sama jang laen ia iket di lehernja. Dengen ini tjara njatalan ia maoe menggantoeng diri!

Tapi dasar blon tachdirnja mati, apa maoe itoe tempo dari satoe gombolan di sitoe lompat saorang moeda jang bersikep gaga. „Hiante!” treak itoe orang. „Batalken kahendakmoe, akoe ada di sini!”

Djedjaka kita menoleh dan lantas kenalin, orang itoe boekan laen ialah Tjo Boen Pa adanja, Kou Kongtjoe kaloearken treakan jang menjataken girangnja.

Pembatja tentoe merasa heran kenapa koenjoeng-koenjoeng Tjo Kongtjoe ada di sitoe? Boeat dapet taoe itoe semoea, kita moesti moendoer sedikit dari apa jang sabenernja moesti ditjeritaken.

Betoel di itoe hari Kou Kongtjoe dibawa pergi, Tjo Kongtjoe telah poelang dari perdjalanannja; blon sampe di roema, di tenga djalanan deket pasar, ia telah bertemoe pada The Liang. Ini pengoeroes roema maoe pergi ka pasar bli arak, kerna ia doega Kongtjoenja bakal poelang di itoe hari. Sembari di atas koeda Tio Kongtjoe menanjaken apa-apa pada The Liang, ia djadi sanget kaget tempo itoe pengoeroes roema bri taoe, bahaja apa ada terdjadi pada dirinja In Liong.

„lnilah pengadoean jang traboleh djadi, moestail Kou Ja brani berboeat itoe kerdjaän hina?” kata ini orang moeda sembari biloekin koedanja. „Angkau poelang sadja, akoe nanti pergi ka kantoor Tikoan boeat tanja begimana ini perkara boleh djadi begitoe!”

Pergi djoega tiada goena, Kou Kongtjoe soeda tiada ada sini!" kata The Liang.

„Apa? Dia tiada ada di sini?" tanja Tjo Kongtjoe dengen kaget. „Hajo bilang, orang soeda bawa ia kamana?

The Liang lantas bri taoe atas prentanja Tikoan tadi pagi In Liang soeda dibawa ka Khe Hin. Hal ini membikin Tjo Kongtjoe merasa sanget tjoeriga. Baroesan The Liang bri ketrangan, maskipoen soeda dihoekoem tapi In Liong tiada maoe mengakoe; biasanja, persakitan baroe dibawa pada hakim jang lebi tinggi kaloe soeda mengakoe kesalaännja. Tapi apa jang terdjadi ini ada sebaliknja, membikin Tjo Kongtjoe dapet doegaän djelek.

Ia pastiken dengen itoe perboeatan orang maoe keniaja djiwanja Kou Kongtjoe, dan kahendak ini tentoe dilakoeken di Ngo Siong San, tempat mana memang ada paling sering terdjadi perkara kaniajaän. Satelah inget itoe semoea, tiada tempo lagi Tjo Kongtjoe lantas lariken koedanja kaloear kota, tinggalken The Liang dalem kekwatiran.

Lebi doeloe ia ambil poetoesan boeat menoenggoe itoe orang-orang di Ngo Siong San, maka ia ambil djalan potongan jang lebi deket. Sasoedanja berdjalan teroes siang dan malem, tiga hari kamoedian di waktoe tengari, ini orang moeda soeda sampe pada tempat jang ditoedjoe. Begitoe sampe ia lantas tjari roempoet dan sasoeda kasi maken koedanja jang ditambat pada tjabang poehoen, sigra ia pergi ka sala satoe tempat jang lebi tinggi.

Di Sitoe ia memandang ke koeliling tempat, koetika melongok ka sebla bawa, di sana ia dapet liat ada brapa orang jang djalan dengen mengiringken djoli. Tjo Kongtjoe girang sekali dan terlebi girang koetika liat itoe orang-orang pada brenti, di mana tiada lama lagi kaliatan In Liong

a he ek A toeroen dari djoli. Dengen djalan semboeni di tempat-tempat lebet, beroentoeng Tjo Kongtjoe soeda sampe di satoe gombolan jang paling deket di tempat marika itoe brenti, dengen tiada dapet diketahoel oleh orang-orang itoe.

Demikianlah terdjadi atas dirinja Tjo Kongtjoe berhoeboeng dengen adanja ia di itoe tempat. Dengen tahan napsoenja itoe orang moeda semboeni teroes di tempat tadi, ia baroe kaloear sasoedanja denger terang sasoeatoe omongannja Kwe Tiong dan liat in Liong maoe menggantoeng diri.

Sekali lompat sadja pamoeda kita jang gaga itoe soeda apa dihadepannja itoe kawanan kedji. la poenja mara di itoe waktoe tiada terhingga, Kwe Tiong, Ngioe Sam dan Jho Go soeda djadi kasima saking takoeinja.

,,Hm, bangsat besar!" menoeding Tjo Kongtjoe dengen bidji mata terpoefer.,Njata sekali ang kau ini ada kawanan menoesia jang tiada mengenal Allah, kerna kaloe kau mengetahoei apa artinja dosa tiada nanti terdjadi perkara begini matjem! Orang jang bawa kelakoean seperti angkau ini, Allah ada mewakilken boeat akoe abisken kau poenja djiwa!"

Dengen ini perkataän Tjo Kongtjoe-tjaboet pokiamnja, sama apa la tabas lehernja Ngioe Sam dan Jho Go, sampe kapalanja poetoes djato di lana. Kwe Tiong liat begiloe badannja djadi gemeneter, ia laloe boeroe-boeroe djatoken dirinja koetika Tjo Kongtjoe menghamperi padanja dengen pokiam jang berloemoeran dara.

,,Ampoen beriboe-riboe ampoen, Kongtjoe,,meratap itoe keparat sambil djoengdjoeng doea tangannja di atas kapala, akoe harep Kongtjoe bisa memaro kasian dan loepoetken akoe poenja djiwa dari kabinasaän. Ajakkoe tjoema poenja anak lelaki satoe satoenja, jalah akoe sendiri, maka poetoeslah toeroenannja bila akoe dibikin mati. Dengen soempa jang paling berat akoe tetep bilah ini sekali dikasi idoep, selamanja akoe tiada brani lagi berboeat perkara jang djahat."

Ratapannja itoe menoesia keparat jang menjataken pengetjoetnja soeda bikin Tjo Kongtjoe djadi tertawa. la kata: Ha, binatang! Kaloe sedikit sadja kau ada bersifat menoesia nistjaja kau bisa inget dan tiada lakoeken ini perboeatan kedji! Begimana kedji dan pengetjoetnja kau ini, soeda ternjata di matakoe; kaloe sabenernja sajang pada nama dan toeroenan sendiri, kenapa kau melakoeken ini perboeatan kedji, jang sedikitnja orang nanti bikin pembalesan ambil djoega kau doenja djiwa!"

Kwe Tiong maoe tjoba meratap poelah, tapi pamoeda kita tiada bisa menahan sabarnja lagi, dengen sekali tabasnja ia soeda bikin toeboenja Kwe Tiong djadi koetoeng doea. Sasoedanja bikin slese djiwanja itoe tiga menoesia kedji dengen djalan jang begitoe gampang, Tjo Kongtjoe lantas menghamperi In Liong, jang dengen menangis laloe membilang trima kasi Lebi djace menanja, sedari kapan Tjo Kongtjoe poelang dan begimana soeda dapet taoe ia dapet itoe kasoesaän,

,,Beroentoeng 'mpe Liang dengen tiada lambat soeda lantas membri taoe hal itoe pada Heng tiang, kaloe tiada begitoe nistjaja djiwakoe tiada dapet ditoeloeng lagi., kata Kou Kongtjoe seabisnja denger Boen Pa poenja tjerita, jaltoe jang mengasi taoe dari siapa ia dapet tace itoe perkara, tjara begimana ia soeda dateng di itoe tempat.

„Aken tetapi sekalipoen djiwakoe soeda dapet ditoeloeng, tapi apa jang Hengtiang berboeat pada itoe tiga orang ada menerbitken penjeselan besar. ,,kata orang moeda kita lebi djace; Tadi roepa-roepanja Hengtiang tiada denger akoe poenja treakan, jang menjega djangan bikin binasa djiwanja itoe tiga orang."

„Ja, sasoenggoenja djoega akoe tiada dapet denger.,,kata Boen Pa. Tapi apa sebab Hiante berboeat begitoe?"

-,,Kaloe itoe tiga orang dikasi idoep, kita boleh bawa ia pada pembesar jang lebi tinggi, di hadepan siapa ia boleh toetoerken pengakoeannja. Dengen berlakoe begini orang bisa taoe akoe tiada berdosa, samentara hakim boleh djatoken hoekoeman pada Kwe Si dan kontjonja: tetapi sekarang ada sebaliknja dan tiada ada harepan boeat kita orang.,

Tjo Kongtjoe oetjapken banjak perkataan sembari banting-kakinja, tapi tentoe sadja menjesel poen tiada goena, kerna hal itoe tiada aken bisa dibikin betoel kombali. Sekarang tiada boleh tiada kita moesti tjepet tjari tempat boeat melindoengken diri.,, kala ia. Tjoba Hiante oendjoek sala satoe tempat, di mana jang kita orang boleh semboeniken diri?"

,,Haij Kong, Tjong Tin di kota Gan Boen Koan, orang itoe jalali ada akue poenja Bokoe." kata Kou Kongijoe. Akoe kira kaloe pergi di sana tentoe bisa dapet tempat jang back." Kaloe begitoe baek kita orang pergi ka sana.,, kata Tjo Kongtjoe. Tapi perloe poelang doeloe, bekel oewang dan laen laen barang jang perloe."

Satelah tetap dengen maksoed itoe, Tjo Kong tjoe lantas adjak Kongtjoe kita pergi ka tempat di mana koedanja ada ditjangtjang. Djoestroe koetika itoe doea orang soeda ada di alas koeda, koenjoeng-koenjoeng kadengeran swara orang bersoerak rioe sekali, hal mana bikin does pemoeda kita djadi sanget kaget. la sigra dapet Hat di pinggir oetan ada mendatengin brapa orang jang inasing-masing ada pegang sendjata, seperti toembak, golok dan pana; Tjo Kongtjoe tiada brani diam lama lagi, maka sablon itoe orang banjak liai padanja ia lantas petjoet koedanja jang sigra lari dengen kentjeng sekali.

---

Te Sioepi diam-diam panaken
soerat ka gedoug familie Tjo,—
Di tempat jang tiada terdoega
bertemee sama soedara.

---

Adapoen itoe brapa orang jang terdoega di atas, jalal kawanan pemboeroe, jang telah trima prentanja pembesar di Tjan Koan boeat tangkep binatang oetan di sitoe. Ini brapa orang kabetorlan djalan di tempat pemboenoean, di mana marika dapetken maitnja itoe orang jang terboenoe, serta poengoet djoega saloe soerat jang ter letak di sitoe.

Siapa jang sosda lakoeken ini pemboenoean, Itoelah marika tiada mendapet taoe sebab hal ini ada sanget penting, sigra la orang seraken. itoe soerat pada Tikoan di Tjan Koan, kasi taóe djoega tentang itoe pemboenocan, Pembesar terseboet preksa itoe soerat dan njatalah ada soerat proces-verbaal jang dikirim oleh Tikoan. di Djin Ho; tiada ajal lagi ini pembesar dateng di Ngo Siong San, sasoedanja preksa itoe mait ia lalooe kirim orang bawa kombali itoe soerat ka Djin Ho wartaken apa jang terdjadi di Ngo Siong San.

Jam Tikoan soeda djadi sanget keroepoekkan koetika trima itoe kabar, maka seabisnja berdami sama Houw Dji ini pembesar prenta brapa orang pergi ka Ngo Siong San tanem maitnja itoe tigas orang; prenta lagi tiga poelo tentara politie jang dipetja djadi brapa rombongan boeat tangkep Kou Kongtjoe. Lebi djaoe disiarken soerat pembrian taoe, siapa jang tangkep dan anterken itoe orang moeda ka kantoor Tikoan, orang itoe aken dibri persen persen seratoes tail perak, tapi barang siapa jang brani kasi tinggal dan sengadja semboeniken itoe orang jang sedeng ditjari, ia ini aken didjatoken hoekoeman brat.

Begitoe lekas ini warta telah tersiar antara orang-orang di dalem dan loear kota. Pada itoe hari djoega Houw Dji telah trima koendjoengannja boeja-darat, Ouw Heng Pat namanja. Itoe hari, tempo Tjo Kongtjoe bertemoe The Liang di pasar, Ouw Heng Pat jang kebetoelan ada di sitoe, telah deger njata pembitjaraannja itoe toean dan boedjang dari hal Kou Kongtjoe, samepe kamoedian ia liat djoega bagaimana itoe orang moeda lariken koedanja kaloear kota. Sekarang djoestroe ada tersiar itoe perkar, Heng Pat jang ingin trima oepa soeda lantas katemoeken Houw Dji, toetorken ia poenja pengdengeran sama ini djoeroe-toelis Tikoan. .,Kaloe diliat ia poenja pembitjaraan dan kelakoean, akoe kira Tjo Kongtjoe ada tjampoer tangan dalem perkara." begitoe ini boeja tetepken pembitjaraannja. ,,Lagi haroes di inget, itoe orang moeda sering terbitken perkara onar boeat lain orang poenja oeroesan, maka tentoe djoega dalem ini perkara boenoe ia jang berboeat apa lagi sama Kou Kongtjoe ada mendjadi sobatnja."

,,Akoe poen ada menaro tjoeriga pada itoe orang. In Liong ada seorang lema, maka satoe perkara moestail ia jang soeda lakoeken itoe pemboenoean. ,,kata Houw Dji: ,,Nanti akoe britaoe ini perkara pada Loija dan bila bener begitoe, tentoelak kau aken trima gandjaran."

,,Biarpoen bener itoe orang ada tjampoer tangan, tapi siapalah jang brani tangkep padanja?" ia kata. ,,Apa kau tiada denger namanja itoe pamoeda jang brani mati, pande bersilat ada di seboet matjannja" Djin Ho Koan? Lagi kaloe bener ia ada tjampoer tangan ini masi tiada kenapa, tapi kaloe tiada, hal ini membikin soesa akoe poenja diri!"

,,Tapi kita orang brani tangkep padanja." kata Houw Dji dan Heng Pat dengen berbareng.Ini doea orang kasi oendjok tingkanja jang kosen, dengen bilang: sama itoe kakosenan ia orang nanti ringkoes Tio Kongtjoe jang gaga.

Aken tetapi Jam Tikoan jang njata ada pandang tinggi pada djedjaka kita soeda tiada meloeloesken kahendaknja itoe doea orang, hanja lantas prenta Houw Dji pergi panggil Te Sioepi, panglima dari angkatan prang di Djin Ho. Koetika pembesar terseboet dateng mengadep Jam Tikoean toetoerken prihal Tjoe Kongtjoe ada orang jang kena tersangkoet dalem pemboenoean di Ngo Siong San, kamoedian bertaoeken djoega maksoednja, jaitoe: ia minta pertoeloengan boeat tangkep pada itoe orang moeda.

,,Boeat lakoeken itoe penangkepan." kata Jam Tikoan, ,,akoe nanti pili doea atawa tiga poeloe orang politie jang brani aken membantoe."

,,Ini prenta akoe nanti djalanken ,,saoet Te Sioepi jang trima titanja itoe pembesar. Tapi roepanja ia loeloesken itoe permintaan dengen kepaksa atawa ada mengandoeng satoe pikiran, hal mana ada ternjata sama moekanja jang bersorat goerem.

Sabenernja antara Te Sioepi dan Tjo Kongtjoe masing masing ada bersobat kekel dan bergaoel roekoen seperti pada soedara sendiri. Koetika Jam Tikoan njataken minta pertoeloengan, kaloe ia tiada trima, perboeatan ini ada sanget djelek maka sakedar boeat bikin ilang orang poenja sangkaan koerang bagoes pada dirinja apa boleh boeat ia soeda trima djoega; tetapi sasoeda poelang ka roema dari kantoor Tikoan, di itoe waktoe hatinja ada lertimboen dengen banjak kasoekeran, serta tiada taoe apa ia haroes berbogat di itoe waktoe.

Tiba-tiba selagi berada dalem kasargsian jang tiada bisa dibilang brapa besarnja, apa maoe ia poenja pengawal pintoe dateng kasi taoe, Cipier Tjoei Tjeng minta bertemoe dan katanja maoe bri taoe persara resia.

Atas prentanja ini pembesar Tjoei Tjeng disilaken masoek, dan ditanja, dengen maksoed apa ia minta bertemoe padanja. Tịoei Tjeng liat di sitoe ada brapa orang penggawatnja Sioepl, ia minta orang-orang itoe disoeroe pergi doeloe, kernankatarnja: ia maoe bitjara dengen ampat mata sadja. Permintaän ini soeda diloelosken, djadi di sitoe tinggal berdoeaän sadja.

„Pada Tjiangkoen akoemaoe njataken rasa koerang senang hati atas perkaranja Kou Kongtjoe In Liong, „kata ini pembesar pendjara: „akoe taoe betoel dalem ini perkara ia sama sekali tiada berdosa, maka akoe mersa tiada senang itoe orang moeda soeda dibikin sebagi persakitan jang besar dosanja."

Lebi djaoe ia menerangken Kwe Si poenja perboeatan- perboeatan djahat, jang saboleh-boleh maoe kentaja djiwanja itoe orang moeda, Kamoedian ia kata Jagi: „Toeroet brapa keirangan jang bolet dipertjaja, iloe pemboenoean atas pada doea oppas Tikoan dan Kwe Tiong ada diperboeat. oleh Tjo Kongtjoe, dan hal ini soeda dikatahoei oleh Tikoan, jang telah minta toeloeng pada Tjiangkoen boeat tangkep, itoe orang moeda.

Akoe liat, pembesar-pembesar di sini tjoena Tjiangkoen se-orang jang pegang keadilan, maka djanganlah djadi kliroe dari bri bantoean pada itoe orang-orang rakoes jang tiada berboedi. Malahan dengen pengharepan akae maoe minta, biarlah soeka kiranja Tjiangkoen berdaja oepaja dan kasi djalan soepaja siang-siang ia orang bisa melariken diri.

Te Sioepi merasa sanget girang dan poedji pada Tjoei Tjeng. Tapi boeat semboeniken ia peonja resia hati di. matarıja laen orang, ia sengadja ; menggretak dan kata; „Hm, apa pembitjaraän itoe kau maoe pandang sebagi perkara resia? Hajo, lekas pergi, monjet, akoe tiada maoe denger Iebi djaoe kau poenja segala obrolan jang tiada kerotan!" Selaennja oetjapken itoe perkataan, djoega ini pembesar treaken ötangnja dan prenta oesir dengen lantas pada Tjoei Tjeng.

Cipier kita sigra berlaloe sembari mengela napas. Te Sioepi merasa kasian, tapi ingin tertawa djoega koetika liat kelakoeannja Tjoei Tịeng itoe. la memoedji dan kata di dalem hati „Orang jang sematjem Tjoei Tjeng ada mempoenjai priboedi moelia, tapi begimana orang jarıg berderadjat lebi tinggi tabeatnja tiada beda seperti binatang!"

Sorenja Jam Tikoan telah kirim doea poeloe ,orang politie ka gedong Te Sioepi, sedeng ini pembesar djoega lantas pili doea poeloe tentaranja dan lengkepken marika itoe dengen berbagi-bagi matjem sendjata tadjem. Roepa-roepanja tadi siang Te Sioepi soeda dapet pikir apa-apa, kerna koetika itoe ia berkata: „Kau rame-rame menoenggoe doeloe si sini; Tjo Kongtjoe tiada bolek disamaken dengen laen orang. jang sembarangan bolek kerna ditangkep. Akoe iebi doeloe pergi liat ka sana, nanti balik Jagi baroe berangkat sama kau sekalian."

Seabis bilang begitoe ini pembesar sigra lompat ka atas koedanja. Dengen menoenggang isi binatang ia lantas brangkat menoedjoe ka gedong Boe Hoei Ong. Sesampenja di sana ia dapetken itoe gedong ada sanget soenji; pinioe-pintoenja semoea poen tertoetoep, djoega tiada kadengaran Swara orang. la sigra menghamperi lebi deket, kamoedian kaloearken anak pana dan boesoerija, barang mana lantas dilepasken ka dalem gedong. Sasoedanja lakoeken itoe perboeatan, Te Sioepi berialoe dari sitoe.

Djoestroe Tjo Kongtjoe dan in Liong ada di sitoe, kerna waktoe tadi tengari ielah sampe di kota, Ini doea orang telak ambil poetoesan esok pagi-pagi maoe pergi melariken diri dari Djin Ho. The Liang lagi bikin bresi tempat tidoer, tapi denger kaget ia lantas lompat kaloear tenpo dengen swara apa- apa djafo. Di pinggir tembok, di deket medja, ia dapetken sebaiang anak pana jang tida ada kepalanja, sedeng di oedjoengnja ada di'iketken salembar kertas jang dilipet ringkes.

The Liang doega di sitoe tentoe ada apa-apa jang penting, maka ia sigra keteinoeken Tjo Kongtjoe, jang kabetoelan baroe abis pasang lanpoe dan maoe adjak In Liong minoeni arak. Pada toeannja ia kasiken itoe anak pana, jang satelah dipreksa, njatalaı di. itoe kertas ada tertoelis brapa perkataän begini: „Peniboenoean di Ngo Siong San soeda tiada bisa diresiaken lagi, sabentar tentara negri aken dateng di sini boeat bikin penangkepan. Djangan ajal ini saät djoega moesti tjepet melariken diri," Tapi itoe soerat ia-orang tiada dapet taoe siapa jang kirim, kerna tiada ada tanda tangannja.

Moekanja In Liong itoe waktoe djadi sanget poetjet, kerna mengarti, bahaja jang bakal terhadep boekan ketjil adanja. . Tapi Tjo Kongtjoe lantas tetepken hatinja dan kata: „Hiante djangan kwatir apa-apa! Sekarang kita brangkat sadja dan bala tentara negri mengedjer, akoe nanti dabrak marika itoe satoe persatoe!"

Seabis kata begitoe Tjo Kongtjoe benaken apa jang perloe. Tjepet sekali ini orang moeda soeda bikin ringkes barang-barangnja, samentara The Liang poen soeda sediaken koedanja. Ini orang moeda lantas menghamperi The Liang, sasoedanja memesen apa-apa pada itoe, pengoeroes roema, ia laloe lompat ka atas koeda, di mana In Liong soeda naek lebi doeloe.

Dengen keras ini binatang jang bawa doea penoempang telah dilariken ka djoeroesan pintee kota sebla Timoer, jang pernanja lebi deket dari jang laen-laen. Tempo sampe di sana, kabetoelnja pintoe kota lagi mace ditoetoep, ia lantas madjoeken koedanja seraja minta dikasi djalan.

„Djikaloe zonder soerat idjinnja Tikoan, siapapoen tiada boleh kaloear!” kata itoe pendjaga sambil mengandang dengen kelakoean gaga.

„Baroesan akoe trima prentanja Tikoan Loija boeat toetoep pintoe kota pada sablon sampe waktoenja, kerna ini malem tentara negri mage bikin penangkepan pada iloe pemboenoe di Ngo Siong San!

„Moendoer, akoe tiada maoe perdoeli sama itoe prental„ menjentak Tjo Kongtjoe sambil oelangin petjoeinja ka atas; tetapi ini pendjaga pintoe jang tiada taoe penjakit tinggal membandel, hai mana bikin orang moeda kita djadi sanget moerka. la madjoeken koedanja ka sebla depan, sama kasebetan jang tiada ada ka doeanja ia soeda dapet pegang orang poenja leher dan djorokin ka blakang sampe djato.

Di itoe saät jang sanget bagoes Tjo Kongtjoe petjoet koedanja, jang sigra berlari lagi dengen keras ka loear kota, samentara pengawal tadi sampe lama baroe bisa bangoen lagi dengen dapet bendjol di kapala. la toetoep pintoe kota dan kamoedian pergi dari sitoe maoe laporken hal ladi pada Jam Tikoan.

Tiada selang lama doea orang moeda kita melarikan diri, Te Sioepi dengen tentaranja soeda koeroeng gedong Boe Hoei Ong di sapoeternja, sedeng ia sendiri memanggil-manggil seraja minta diboekaken pintoe. The Liang boeroe-boeroe menghamperi dan sablonnja boeka pintoe ia menanja, kaloe orang itoe siapa dan ada oeroes apa.

Te Sioepi bri taoe ia poenja maksoed kedatengan, The Liong laloe boeka pintoe, di ma- na ia liat sakiternja ada banjak orang politie bersendjata. Kagetnja ini pengoeroes roema tiada oesa dibilang lagi, tetapi ia merasa teramat soekoer kerna Kongtjoenja dan In Liong soeda pergi lari.

„Heran sekali-kali! Akoe poenja Kongtjoe soeda setenga boelan pergi Tiam-hio di Lam Haij blon balik kombali, maka tjara bagimana ditoedoe ia boenoe orang politie di Ngo Siong San!” kata The Liang jang trima pesenannja Tjo Kongtjoe aken bri djawaban begitoe. „Djikaloe Taijdjin tiada pertjaja, akoe silaken bikin papreksaän di dalem.”

Itoe pembesar militair sigra toeroen dari atas koeda di'ikoet sama brapa orang politie ia lantas masoek kadalem. Papreksaän soeda dilakoeken, tapi ia orang tiada dapet ketemoeken Tjo Kongtjoe atawa siapa djoega, maski soeda ditjari sampe pada ploksok-ploksok. Te Sioepi mengarti tentoe djoega sobatnja soeda melarikan diri; dan boeat bikin pelari dapet banjak tempo, ia sengadja ajal-ajalan dan seperti orang merasa penasaran, papreksaän dioelangi lagi. Kamoedian satelah ternjata orang jang ditjari tiada ada, ini pembesar jang tjerdik bersama tentaranja berdjalan poelang.

Apa maoe di tenga djalan telah bertemoe pada itoe pengawal pintoe jang maoe pergi lapor ka kantoor Tikoan, dari siapa ia telah dibri taoe apa jang terdjadi baroesan di tempat djagaännja.

„Tapi kau toch kenal sama Tjo Kongtjoe, moestail tiada bisa dapet taoe slapa di antara sala-satoe dari itoe doea orang?” kata Te Sioepi dengen roepa menjesel.

„Sebab hari soeda glap, inilah jang bikin akoe tiada bisa meliat teges.” saoetnja itoe pengawal pintoe. „Tetapi kaloe dillat roepanja, satoe dari itue doea orang ada mirip seperti Tjo Kie-djin.” Mendenger begitoe, ini pembesar laloe prenta orang-orangnja bikin pengedjeran. Koetika sampe di laen kota dari brapa orang jang ditanja marika dapet katrangan, betoel tadi magrip ada orang mencenggang satoe koeda lari ka djoeroesan Timoer-Oetara. Ini orang-orang politie waktoe maoe brangkat trima pesenannja Jam Tikoan, jaitoe: siapa-siapa jang bisa tangkep Tjo Kongtjoe aken dipersen doea poeloe tail perak, maka tiada oesa diboeat heran kaloe marika soeda lantas mengedjer dengen keras ka itoe djoeroesan jang dioendjoek.

Slama itoe, doea pamoeda kita soeda lari kira-kira lima li djaoenja dari kota; didoega orang tiada nanti mengedjer terlebi djane, tapi doegaän Itoe ternjata tiada bener, kerna itoe tempo di sebla blakang ada kalialan api obor dan terdenger djoega swara orang banjak.

Hal ini bikin In Liong Kongtjoe merasa takoet, beroetang-oelang ini ia mengela napas dan njataken poetoes pengharepan. Aken tetapi tiada kedjadian begitoe dengen Tjo Boen Pa. Ini orang moeda jang memang terkenal soeka berkiai, itoe tempo ada bernapsoe keras sekali boeat mengadoe djiwa sama itoe orang jang mengedjer padanja. la djadi dapet itoe pikiran nekat adalah lantaran Kou Kongtjoe jang sabentar-bentar njataken takoetnja dan saban-saban menanja, begimana ia-orang moesti berbeeat di itoe waktoe. „Biarlah sekarang Hiante menoenggoe sadja di sini,” kata Tjo Kongtjoe, „akoe nanti pergi samboet dan labrak itoe orang-orang, soepaja kau tiada oesa merasa takoet!”

„Itoelah akoe tiada setoedjoe dan lagi akoe tiada mengidjinken boeat Hengtiang berboeat sampe begitoe djaoe.” kata In Liong jang menjega kahendaknja Boen Pa: Lebi doeioe soeda bisa pidoega, paling sedikit marika mengedjer dengen poeloean orang hingga biarpoen Hengtiang sampe tanggoe boeat melawan padanja, tapi rasanja biar begimana djoega moesti menghadepin bahaja. Lari lebi djaoe dan tjari laen daja soepaja tiada dapet disoesoel oleh marika inilah ada paling perloe boeat kita.”

Dengen ini sedikit perkataän beroentoeng In Liong soeda bisa pademken napsoe hatinja Boen Pa jang boekan sadja nanti terbitken perklaian heibat, djoega blon bisa dibilang apa dengen sa-orang diri ia nanti sanggoep lawan atawa tiada sama itoe orang banjak jang diperalatken.

Begitoelah ia lantas lariken koedanja terlebih djaoe. Tapi sakoenjoeng-koenjoeng Boen Pa tahan koedanja dan memandang ka sebla depan dengen girang. la liat di sana ada saboea roema, jang terletak di dalem kebon; ia pikir: kaloe adjak In Liong semboeni di sitoe toenggoe kaloe orang-orang jang mengedjer soeda liwat baroe kaloear kombali, dengen tjara begitoe nisijaja dirinja ia berdoea djadi slamet.

Kahendak ini seeda lantas dibertaoeken pada In Liong jang tiada bisa berboeat laen dari pada menoeroet sadja. Sigra doea orang ini toeroen dari atas koeda, toentoen itoe binatang menghamperi pintoe kebon dan rapetin kombali sasoeda ada di dalem pekarangan; koedanja lantas ditambat pada tjabang poehoen tempat jang glap, dan di sitoe djoega ini doea orang bersemboeni.

„Ah, tjilaka betoel!” kata Tjo Kongtjoe dengen kaget, tapi swaranja ampir tiada terdenger. „Itoe roepanja ada orang lagi mendatengin!”

Bener djoega dari djoeroesan roema ada mendalengin doea orang, jang satelah dateng deket njatalah ada orang prempoean. Satoe djalan di blakang dan jang laen djalan di depan bawa tampoe penerangan. Tjo Kongtjoe koetik badannja In Liong, seraja membri tanda ia ini djangan brisik.

Tapi apa maoe itoe orang jang djalan doeloean koenjoeng-koenjoeng merandek dan sembari angkat lampoenja jang ditjorongin ka depan sembari kata: „He, itoe siapa poenja koeda ditjangtjang di sitoe!”

„Djoega itoe di bawa poehoen roepanja seperti orang!” kata itoe nona jang djalan di sebla blakang. Sembari kata begitoe dengen tiada takoet-takoet ini doea orang laloe menghamperi, Tjo Kongtjoe liat begitoe djadi kaget; ia boeroe-boeroe menghamperi dan sablon orang meneger ia kata:

„Djangan riboet! Nona tiada oesa takoet: akoe ini boekan orang djahat, hanja sebab menoeloeng temen jang sedeng dikedjer oleh orang-orang politie doerhaka, maka akoe noempang brenti sabentaran boeat semboeni. Tapi inget baek-baek, kaloe kau brani boeka resia kita orang ada di sini djangan bilang keliwatan, kepaksa akoe ambil atoeran keras!”

„Orang, di doenia soeda moestinja saling toeloeng-menoeloeng, lagi kita di sini poen boekan orang djahat, dari itoe Tiongsoe djangan djadi koewatir.” saoet itoe nona jang berdiri di blakang dengen swara merdoe. „Tapi manatah Tjongsoe poenja sobat? Akoe kira di sini boekan tempat jang baek boeat semboeni, maka kaloe soeka toeroetlah masoek ka dalem goeboekkoe jang boeroek dan tiada serbanja.”

Mendenger begitoe Tjo Kongtjoe merasa girang sekali, maka ia laloe menghamperi In Liong dan kamoedian ikoet itoe doea orang masoek ka dalem roema. Doea pamoeda kita djadi merasa sanget kagoem meliat kaindaän dalem itoe roewangan, jang penoe sama berbagi-bagi matjem perabot roema tangga; di waktoe berada dalem kasoesaän mendadak ketemoe tempat begitoe enda, rasaan seperti berada di dalem impian. Lagi nona roema kaliatan baek dan manis boedi bahasanja, ia telah prenta boedjangnja sediaken barang santapan dan laen-laen kaperloen boeat tetamoenja.

Tjo Kongtjoe djadi kagoem meliat kelakoeannja itoe nona roema jang begitoe lemboet bertamba heran lagi hatinja itoe orang moeda, adalah ini nona seperii tiada maoe soeda meliat pada In Liong.

„Hiante toenggoe sabentar di sini, akoe nanti pergi liat pada itoe orang- orang jang mengedjer,” begitoe Tjo Kongtjoe kata pada In Liong. Ia teroesin omongan sembari berpaling pada itoe nona: „Dan Siotjia tiada oesa bikin banjak seraka. Kita orang tjoema maoe menoempang sabentaran dan akan brangkat lagi, kaloe itoe orang-orang politie soeda liwat dan telah pergi djaoe"

Seabis kata begitoe ia menghamperi lowongan, dari mana dengen sekali lompat ini orang moeda soeda ada di atas genteng, hingga boeat ini kepandean soeda bikin kagoem hatinja itoe nona.

„Tiada sala sebagimana jang akoe doega, njatalah bener-bener orang itoe mempoenjai kapandean jang haroes dipoedji, „kata itoe nona dalem hati sendiri, sedeng matanja memandang teroes pada In Liong jang doedoek dengen toendoekin kapala.

„Dan ini orang moeda, adalah itoe Kongtjoe jang sakean lama akoe boeat kangenan.“ kata ia poela. „Sasoenggoenja hal ini moesti dibilang satoe kedjadian jang mengheranken, kerna tiada didoega dan dinjana boleh bertemoe disini.“

Bilah ditilik apa jang ada dipikir oleh ini nona, adalah njala bagi kita, bahoea roepanja ia soeda lama ada menaro tjinta pada itoe djedjaka, jang lantaran tjakepnja, panteslah kaloe dirinja dapet perindaän dari golongan orang-orang prempoean. Aken tetapi, sebab liat jang dirinja itoe orang moeda sedeng ada menghadepin bahaja, samentara pikirannja poen tentoe merasa bingoeng, maka ia tiada brani sembarangan menjatekane ia poenja pengrasaän jang terkandoeng di dalem hatinja, katjoeali bikin pertanjaän orang poenja she dan nama, serta tanja djoega lantaran oeroesan begimana maka boleh tersangkoet sama orang politie dan laen laen pertanjaän jang sepantesnja.

Ornag moeda kita bermoela tiada maoe bertjeritas apa apa, tegesnja ia maoe pegang resia oeroesan jang terdjadi atas dirinja, tpai sebab liat kelakoeannja itoe nona roema begitoe baek, lagi di dalem ini kasoesaän ia soeda berboeat satoe pertoeloengan. maka meninget itoe semoea ia dapet pikiran, djelekj sekali bila ia tiada bri penjaoetan sebagimana patoetnja. Begitoe djoega ia lantas toetoerken hal ichwal satoe persatoe dengen tiada satoe perkara jang tiada dibri taoe. „Haroeslah dibilang akoe ini ada saorang sanget latjoer,“ kata Kou Kongtjoe kamoedian, „brangkali orang jang baegitoe sial sebagi akoe ini tiada ada!“

„Djamaklah, Siangkong,“ kata itoe nona dengen perkataän menghiboer. Moekanja ini nona kaliatan berseri-seri, satoe tanda hatinja merasa sanget boengah. „Bila didenger Siangkong amapoenja tjerita, tiada sala sebegimana Siangkong bilang tadi, sasoenggoenja kau soeda djadi korban dari perboeatannja itoe iboe-tiri!“

„memang moesti dikata bener begitoe.“ kata poela Kongtjoe kita: „Dari sebab katemahaännja itoe prempoean kedji, akoe poenja oeroesan roema tangga djadi kaloei, seperti dipaksa akoe berpisaän sama soedara sendiri, jang sampe di ini tempo akoe tiada taoe begimana dengen ia orang poenja . . . . . . . . .“

Blon abis ia berkatam dari dalem ada mendatengin satoe prempoean moeda. Ia ada pake pekean malem jang terbikin dari soetra; ia menghamperi ka pertengaän di manaitoe doea orang lagi beromong-omong. Lebi doeloe ia pandang moekanja Kou KOngtjoe seperti orang sedeng mengenali, achir-achia dengen terharoe ia menoebroek: „Soedara! brilah penjaoetan, apa kita orang ini boekan bertemoe di dalem pengimpian?. . . . . . . “ Kou Kongtjoe dengen kaget lantas berbangkit. la pandang itoe nona, jang sigra kenalin, kerna la itoe poen boekan laen jalah: Keng Hoa Siotjia. soedaranja jang tertjinta.

Bener nona itoe Kou Siotjia dan jang satoenja lagi Joe Siotjia, doea gadis mana telah idoep roekoen dan sasoeatoe hal tentoe tentang ia orang ada dalem roema di itoe kebon, di atas ini kita soeda toetoerken sampe terang.

Heran dan kagetnja Kou Kongtjoe koetika dapetken soedaranja ada di sitoe ini tiada oesa dikata lagi begimana besarnja, tapi tempo sasoeda Keng Hoa bri taoe apa jang terdjadi atas dirinja berhaeboeng dengen perboeatan Kwe Si djahanam, alangka maranja itoe djedjaka, jang sigra mengoetoek pada itoe iboe-tiri.

„Kwe Si, Kwe Si!” katanja: „Sasoenggoenja akoe tiada doega kaloe kau ada mendjadi ratjoen besar dalem roema tanggakoe! Oh, ati-ati, kaloe satoe tempo poelang ka kota, tentoe akoe bikin peritoengan, begitoe djoega pada itoe Tjengkauw doerhaka!”

Seabisnja mengoetoek pandjang pendek ini orang moeda membri hormat pada Joe Siotjia, sampeken ia poenja perkataan trima kasi atas ini gadis poenja pertoeloengan-pertoeloengan pada soedaranja. Joe Siotjia bales-perkataan-perkataännja Kou Kongtjoe dengen omongan renda dan manis bahasanja; lebi djaoe bilang djoega, apa jang ia berboeat tiada lebi dari perkara loemra jang sasoeatoe orang moestinja berlakoe atawa dengen laen perkataan saling menoeloeng. Sedeng begitoe Keng Hoa poedjiken lagi namanja Lian Eng di hadepan soedaranja kasi taoe begimana ia itoe seeda perlakoeken dirinja begitoe back, hingga tiada beda seperti berlakoe pada soedaranja sendiri.

Kamoedian baroe ia bertaoeken maksoednjadan minta soedaranja tiada menampik, bocat ambil Lian Eng Siotjia sebagi istrinja jang ka doea. Orang moeda kita tiada menolak boeat itoe perdjodoan; apalagi parasnja Llan Eng poen tiada haroes diijela, laen dari itoe ia ada menanggoeng boedi padanja. Tjoema ia kata: „Kedaänkoe di ini tempo ada begitoe djelek, hingga blon bisa di bilang apa kamoedian hari bisa idoep beroentoeng alawa tiada. Sekarang akoe bilang, harep Siotjia tiada berbalik menjesel, kaloe lantaran kasoesaan kepaksa akoe tiada bisa bikin kau merasa beroentoeng di dalem pengidoepan.”

„Siangkong ada toeroenan orang bangsawan agoeng, samentara akoe tiada lebi dari toeroenan hina, tiada ditampik sadja soeda haroes dibilang bagoes, moestail moestail nanti dapet rasa menjesel.” saoet Joe Siotjia dengen sanget girang di hati: „Tetapi, boeat djadi kepastian apa jang kita orang bitjaraken, hareplah Siangkong soeka tetepken satoe barang sebagi landa boeat di hari nanti.”

Itoe koetika Kou Kongtjoe tiada ada bawa barang apa-apa jang pantes boeat dikasi pada Lian Eng, tapi di pinggangnja ada angkin Hiang-Giok Wan, barang dari familie Ko. Itoelah ia kasiken pada Joe Stotjia.

„Oh, ampir sadja akoe loepa!” kata Kou Kongtjoe sembari ambil itee angkin dari tangan- nja Lian Eng, poelangken lagi sasoeda ambil satoe boengkoes kertas ketjil jang ditaro di sitoe.

„Apa itoe, koh?” menanja Keng Hoa koetika liat soedaranja boeka itoe boengkoesan. „Barang apa jang diboengkoes sampe begitoe rapi?”

„Ini ada obat pil jang moestadjeb, jang akoe dapet trima dari The Tjongkoan, pengoeroes gedong Tin Kok Hoe, tempo la dateng tengok akoe di dalem pendjara. „kata In Liong sembari kaloearken bebrapa pil, bri taoe djoega tentang kemandjoerannja itoe obat jang tiada ada bandingannja. Djoega ia kasiken Keng Hoa dan Lian Eng saorang satoe pil dengen kata; „Akoe liat adekoe poenja loeka blon semboe betoel, maka baeklah kaloe kau lantas makan itoe obat, sedeng Joe Siotjia boleh simpen itoe dengen baek, boeat digoenaken apabila perloe.”

Samentara itoe Tjo Kongtjoe soeda toeroen kombali dan menghamperi pada In Liong. la kata: „Bagoes, soedara! Kita orang soeda terlepas dari bahaja tadi dari lantaran pertoeloengannja Te Sioepi. Bermoela itoe orang-orang politie maoe masoek ka mari, tetapi telah ditjega oleh itoe pembesar dengen membilang: djangan ganggoe roemanja pendoedoek negri jang sama sekali tiada tersangkoet dalem ini oereesan.”

Seabis kata begitoe, ini orang moeda bilang trima kasi pada Joe Siotjia. Keng Hoa Siotjia djoega tiada loepa hatoerken ia poenja trima kasi pada Tjo Kongtjoe, hingga ini orang moeda merasa heran dan sigra tanja Kou Kongtjoe, siapa adanja itoe nona, jang sabenernja la tjoema kenal namanja itoe gadis, tetapi tiada kenal roepanja.

Masa Hengtiang tiada kenal, ini toch akee poenja soedara, Keng Hoa.” kata Kou Kongtjoe jang sigra toetoerken perkara apa telah terdjadi atas diri adenja sampe ia itoe tinggal sama Joe Siotjia dalem roema di itoe kebon.

”Ha, sajang sekali!” kata Tjo Kongtjoe sasoedanja dengen itoe tjerita. Sajang akoe ada di sini, tjoba kaloe masi ada di dalem kota dan dibri taoe hal begitoe kaloe akoe blon tabas kapalanja itoe doea prempoean doerhaka hatikoe blon marasa senang! Tapi boeat koetika ini kita tiada boleh berlakoe lambat, hanja moesti tjepet brangkat ka mana jang permoela kita soeda ambil toedjoean.” „Itoe betoel, „saoet Kou Kongtjoe. Tjoema sekarang akoe pikirin pada Keng Hoa; di sini boekan ada djadi tempat jang baek boeat ia tinggal lama-lama, maka perloe moesti tjari satoe tempat jang lebi baek boeat ia toempangin diri, agar hatikoe tiada boeat pikiran padanja.“

„Sekarang akoe inget“, kata Tjo Kongtjoe sasoedanja bengong dan dapet inget apa-apa jang boeat penoeken keinginannja In Liong. „Akoe poenja Kohbo jang tinggal di kampoeng Live Hong Tjoan roemanja sampe tjoekoep besar, tapi koerang orang, maka kaloe kirim Siotjia aken tinggal di sana, hal ini tentoe ada menggirangken hatinja itoe swami-istri di sana. Djikaloe soedara bisa moefaket baekiah anterin sekarang djoega; roemanja poen tiada djaoe, kira-kira satoe djam bisa sampe di sana.“

Begitoepoen baek, „saoet Kou Kongtjoe: Tetapi di sini akoe masi ada menggandjel satoe pikiran, jang kaloe blon dapet kepastian, tiadalah akoe merasa laloeasa boeat lantas pergi ka mana-mana.“

„Begini, soedara,“ kata lagi Kou Kongtjoe koetika Boen Pa menanja ia ada pikirken perkara apa lagi: Rasanja akoe poenja oendoerken diri dari kampoeng sendiri aken berdjalan lagi, lagi bisa balik atawa tida ifoepoen blon bisa dipastiken. Hatikoe merasa tiada senang meninggalken pada soedara sendiri dalem tempo jang tiada tentoe, dengen tiada lebi-doeloe tjari senderan boeat dia poenja pengidoepan slamanja. Ini taon oesianja Keng Hoa soeda delapan bias, tapi blon ada poenja loendangan; soedara sendiri akoe taoe tiada ada poenja sangkoetan apa-apa, maka akoe rasa tiada djadi halangan apabila Keng Hoa dirangkepken djodonja sama Hengtiang. Ini hal akoe soeda pikir dan ambil poetoesan pasti, tegesnja akoe maoe dapet kepastian di ini malem djoega, maka dari iloe harep Hengtiang djangan menampik.

Joe Siotjia toeroet ambil bagian dalem ini pembitjaraän. Ja paling banjak menoetoerken pikirannja dan boekan sadja mengataken sanget moefaket sama maksoednja In Liong, djoega ia bilang: Keng Hoa dan Tjo Kongtjoe tentoe aken beroentoeng bila ka doea orang itoe mendjadi swami istri.

Tempo orang lagi bitjaraken itoe oeroesan jang ditoetoerken pada dirihja, Keng Hoa toendoekin kapala dengen merasa maloe, dan moekanja djadi mera koetika pembitjaraän iloe sampe diachirnja, di mana sasoedanja menoetoerken ia poenja pengidoepan Tjo Kongtjoe trima back itoe perdjodoan. —Haroes dikata itoe tempo hatinja semoea orang merasa girang.

Keng Hoa lantas benaken barang-barangnja, sedeng Tjo Kongtjoe pergi ambil koedanja, jang masi tertambat pada poehoen tadi. Gadis kita sasoeda slese berdandan dengen menangis laloe ambil slamet tinggal pada soedaranja dan Joe Siotjia, doea orang mana djoega toeroet toempaken aer matanja. Lebi djane Keng Hoa kata pada Lian Eng: Sekarang akoe boleh pergi dengen senang, tapi atji di sini bakal menampak hal jang tiada enak. Akoe kira Ong Ma liada nanli maoe mengarti, bila ia dapetken akoe soeda tiada ada di sini lagi!”

„Perkara itoe soedara djangan boeat pikiran dan brangkatlah dengen senang, kata Lian Eng. ,Akoe soeda sedia omongan boeat bikin iboe angkatkoe tiada djadi goesar dalem ini perkara.„

Satelah berkata-kata lagi sabentaran, Keng Hoa sigra naek ka atas koeda, jang dengen di iringken oleh Tjo Kongtjoe lantas kaloear dari dalem kebon.

Itoe tempo sekalipoen remboelan tiada mengasi liat tjahjanja, tapi riboean bintang di langit ada menerangin djoega dan tiada membikin soesa perdjalanan ini doea orang di itoe malem. Perdjalanan ini dilakoeken dengen tjepet, begitoelah kira kira satoe djam kamoedian, ia-orang sampe di depan satoe roema dalem satoe kampoeng, di mana ada banjak laen roema jang berdeket dengen itoe. Koetika itoe di sana soeda djadi soenji, kerna haripoen soeda djaoe malem. Tjo Kongtjoe menghamperi pintoe roema tadi dan memanggil-manggil; tetapi seroean itoe boekan dibri penjaoeatan oleh jang poenja roema hanja oleh brapa andjing jang lantas menggonggong kalang kaboet, hingga itoe koetika tiada kadengeran apa, selaennja regok swara andjing. Tjo Kongtjoe djengkel sekali sama itoe tjinteng malem jang bawel terlebi djengkel lagi tempo dapet kenjataän ia poenja seroean tiada berasil apa-apa, maka sekarang dengen goenaken tangannja ia menggedor pintoe dengen sakeras-keranja.

„Hajo! Lekas boek! kata itoe orang moeda tempo denger swara orang di dalem.

„Siapa, bilang doeloe, apa kabar gedor orang poenja roema dalem waktoe tenga malem boeta rata!“ tanja swara di dalem. „Loija soeda tidoer!“

„Monjet, apa kau tiada kenal akoe poenja swara!“ kata Tjo Kongtjoe dengen swara sentak dan kasi taoe siapa ia.

Pintoe lantas diboeka, satoe boedjang toea berdiri di depan pintoe. Sembari mengoewap-ngoewap ia kata: „Djangan goesar, Kongtjoe, tiada sari-sarinja akoe tidoer abegitoe tibra! . . . dan itoe siapa jang berkoeda, Kongtjoe?“

Orang moeda kita tiada ladenin pertanjaännja itoe penggawe jang gebloek. la menghamperi Keng Hoa, silaken ini gadis toeroen dari atas koeda dan adjak masoek ka dalem. Boedjang tadi djadi heran tempo liat Tjo Kongtjoe dateng malem malem dengen mengadjak satoe prempoean moeda, la lantas menanja siapa adanja nona itoe.

„Angkau tiada perloe taoe akoe poenja oeroesan!“ menjentak Boen Pa jang roepanja masi mendongkol sama itoe penggawe: „Pergi bangoenin Loija dan Naij Naij kasi taoe akoe da- teng. Dan kamoedian akoe poenja koeda kau kasi makan dan minoem. kerna sabentar maoe dipake lagi!“

Ini boedjang tiada brani berlakoe ajal lagi, ia aloe toeroet prentanja Tjo Kongtjoe dengen lekas.

Pembatja tentoe blon dapet tape siapa jang mendjadi toean dalem itoe roema jang dikoen- djoengken oleh Tjo Kongtjoe maka backlah disini kita toetoerken doeloe sedikit asal-oesoelnja familie ini: Gak Kiam alias Teng Po atawa Tiang Sin Tjiangkoen Hoa Lek Gak Sin ampoenja toeroenan. Di masa masi moedanja Gak Kiam ada terkenal saorang jang mejakinken betoel oeroesan militair dan ambil bagian djoega pakerdjaän Civiel, maka pada soeatoe tempo ia telah dipili oleh Baginda radja boeat pangkoe djabatan Tihoe dalem satoe daera jang besar. Koerang lebi doea poeloe taon lamanja ia pangkoe djabatan terseboet. la soeda heroesia lima poeloe taon dan blon lama telah meletakin pa- kerdjaän lantaran oesianja soeda begitoe tinggi. Gak Kong tjoema poenja saloe poetra jang itoe tempo soeda beroesia lima blas atawa anem blas taon, anak mana dilahirken oleh Tjo Hoedjin, soedara prempoean jang paling toea dari ajahnja Tjo Kongtjoe. Gak Kong sajang sekali sama itoe anak jang satoe-satoenja, apalagi poetranja itoe ada satoe anak jang berbakti, perloe dan jakinken berbagi-bagi peladjaran penting.

Demikianlah asal oesoeinja itoe familie Gak

Adapoen Tjo Kongtjoe memang sering dateng ka roema Kohtionja boeat menanjaken familienja poenja keslametan. Tapi ia poenja kedatengan di itoe malem soeda bikin Gak Kong djadi kaget, sedeng Tjo Hoedjin soeda lantas menjomel kalang kaboet, tempo boedjang jang membri kabar mengasi taoe, Tjo Kongijoe dateng bersama-sama satoe prempoean jang masi moeda.

„Itoe anak betoel-betoel akoe tiada sanggoep bri adjaran!” begitoelah Tjo Hoedjin menjomel: „Satoe doea hari berklai, tapi tiada ketaoean apa djoega jang dipereboetin. Sekarang begini malem boeta ia dateng dengen mengadjak orang prempoean, ini akoe kira tentoe boekan pakerdjaän bagoes. Nanti akoe pergi kaloear boeat damprat padanja; dan bila slamanja ia bawa itoe adat gila, lebi baek ia djangan kenal lagi sama kita orang!”

„Djangan begitoe, djanganlah istrikoe djadi sala mengarti” kata Gak Kong. „Dalem sabegitoe djaoe jang akoe taoe, Boen Pa ada saorang moeda jang tiada banjak tingka serta adil, maka biar begimana djoega tiada nanti ia berboeat perkara-perkara jang terlarang dan melanggar kasopanan”.

Gak Kong laloe silaken Boen Pa dateng berdjoempa, di mana ini orang moeda dan Keng Hoa lantas membri hormat. Kamoedian Boen Pa kata: „Siauw tit poenja kedalengan begini waktoe, adalah soeda mengganggoe Kohthio dan Kohbo poenja kesenangan, tetapi dari sebab oeroesan ini ada sanget kesoesoe, maka akoe soeda berlakoe koerang adat, boeat mana harep soeka dimaäfken.”

Seabis kata begitoe, terlebi djace Tjo Kongtjoe laloe bri taoe prihal In Liong dan Keng Hoa doea soedara poenja perdjalanan jang tjilaka. Poen tiada loepa ia bri taoe laen-laen hai jang telah terdjadi. Gak Kong begitee djoega Tjo Hoedjin mendenger begiloe boekan maen kagetnja, tetapi tiada loepoet ia merasa sanget girang, kerna mengetahoei, itoe bahaja besar jang mengantjem pada doea soedara Kou dapet disingkirken.

„Soeda lama akoe denger poetrinja Kou Han-Jim jang moelia, maka akoe merasa sanget beroentoeng bisa berkenalan satoe sama laen, „kata Tjo Hoedjin sembari pegang tangannja Keng Hoa. Dari tadi akoe tinggal diam dan boeat ini kelakoean jang koerang pantes, harep Siotjia djangan dendem di hati.“

„Oh, itoe tiada sekali-kali, Hoedjin,“ saoet Keng Hoa, akoe ini haroes dibilang saorang jang tiada beroentoeng, dan akoe merasa teramat soekoer bila Hoedjin soeka trima akoe menoempang di sini. Djoega akoe ini soeda djadi piatoe, maka kaloe tiada diboeat tjelaän, dengen satoeloes hafi akoe soeka dibikin sebagi anak poengoet.“

„Itoelah akoe soeka sekali, Siotjia“ kata Gak Kong dan istrinja dengen girang. „Akoe memang tiada poenja anak prempoean, maka akoe merasa teramat soekoer kaloe kau ada poenja ingetan begitoe.“

Di sitoe Keng Hoa lantas berloetoet dan membri hormat beroentoen sampe delapan kali, moelai dari itoe waktoe ia berbasa ajah dan iboe pada Gak Kong serta istrinja. Tjo Kongtjoe merasa girang dengen hal itoe. Koenjoeng-koenjoeng dari dalem mendatengin satoe boedak, jang dengen menangis lantas menoebroek pada Keng Hoa.

„Siotjia. . . . . „kata itoe boedak „siapa doega akoe bisa dapet ketemoe lagi.“ Keng Hoa bermoela merasa heran dan tiada dapet mengenali, tapi satelah memandang sabentaran sigra ia kenali, bahoea boedak itoe poen boekan laen jalah Tjin Hie jang pada itoe hari telah djoeal dirinja pada Gak Kongtjoe. Terlebi djaoe ini boedak bilang trima kasi pada Tjo Kongtjoe, kalanja: „Haroes dibilang Kongtjoe ada djadi penoeloeng dari akoe poenja toean dan Siotjia, ini boedi jang begitoe besar soeda tentoe akoe tiada nanti loepaken.”

Tjo Kongtjoe tiada brani tinggal lama-lama, kerna saseedanja berkata-kata lagi sabentaran, ia sigra berpamitan pada Gak Kong begitoe djoega sama jang laen laen. Ini orang moeda begitoe kaloear di kampoeng Lioe Hong Tjoan lantas jariken koedanja dengen keras sekali, jang tiada lama kamoedian telah sampe di roemanja Joe Siotjia, dan ini nona sendiri jang kaloear menjamboet koetika ia mengetok pintoe.

Sesampenja di dalem ia ampir tiada dapet kenali lagi pada In Liong, oleh kerna ia pake-pakean prempoean dan penjamaran ini ada begitoe sampoerna; Kou Kongijoe bri taoe, menjaroe begitoe ada terdapet dari pikirannja Lian Eng, sedeng pakeannja poen itoe gadis jang poenja.

„Ja, akoe poen doega ini tentoe ada pikirannja Nio Tjoe, dan kaloe begitoe tiada sala dengen apa jang akoe doega. „kata Tjo Kongtjoe sembari tertawa. „Akoe rasa baek Hiante menjaroe teroes tjara begini dalem kita poenja perdjalanan ka kota Gan Boen Koan.”

„Memang akoe maoe menjaroe teroes tjara begini.”saoet Kou Kongijoe, jang laloe menanjaken begimana dengen Boen Pa poenja perdjalanan ka kampoeng Lioe Hong Tjoan, dan tanja djoega begimana dengen hal soedaranja, apa bisa dapet menoempang atawa tiada. Atas ini pertanjaän Tjo Kongtjoe bri taoe apa jang sabenernja soeda terdjadi, hingga satelah dapet taoe itoe semoea, boekan sadja Kou Kongtjoe, poen Joe Siotjia njataken girang hatinja.

„Sekarang ini Siangkong tiada oesa terlaloe boeat pikiran dari hal ade Keng,„kata Joe Siotjia kamoedian, dan ini soeda djaoe malem, kaloe maoe pergi boleh lantas brangkat, kerna slempang kasiangan di tempat jang deket ka kota.”

„Brangkat gampang, tetapi akoe poenja koeda blen dapet makan, tjara begimana ia nanti maoe djalan?” kata Boen Pa.

„Kongtjoe poenja koeda akoe soeda kasi makan sampe tjoekoep!” kata Heng Hoa, boedaknja Joe Siotjia. Tadi, begitoe Kongtjoe sampe akoe soeda bawaken roempoet sama kira-kira anam batok bras dan satoe paso besar aer. Sekarang akoe rasa itoe koeda soeda djadi kenjang.!':”

Dengen merasa kagoem Tjo Kongtjoe berpaling dan pandang moekanja itoe boedak. la poedji pada Heng Hoa itoe seraja katanja. „Njatalah kau ini ada sa-orang jang baek hati, dengen kau poenja adat dan kelakoean jang begitoe moelia, di kamoedian hari nistjaja kau djadi orang jang beroentoeng."

,,ltoe poedjian ada terlaloe tinggi boeat akoe, sa-orang boedak jang hina," saoet Heng Hoa dengen mesem,,,baek sekarang boleh brangkat, dan akoe bantoe do'aken Djiwie Kongtjoe poenja. keslametan di tenga djalan."

Kombali Boen Pa njataken kagoemnja begitoelah sasoedanja membri slamet tinggal pada joe Siotjia, bersama In Liong lantas Tjo Kongtjoe naek ka atas koedanja dan teroes brangkat djalan. Koetika itoe Boen Pa djalanken koedanja seba- gimana biasa, tiada begitoe kentjeng seperti tempo ia dikedjer oleh orang politie.

Koetika matahari di sebla Timoer mamentjarken sinarnja, ini doea orang telah sampe di soeatoe tempat, di mana soeda terpisa djaoe dari kota; ia orang lantjoetken troes perdjalanannja dengen ambil haloean menoedjoe ka djoeroesan Kang Pak.

---

Wie Sioetjaij denger moeloet
istrinja jang temaha menjilakaken
sobat sendiri:—Dengen
tiada didoega di tenga djalan
Bong Loan ketemoe toendangan.

---

Boeat sabentaran kita tinggalken doeloe pada. Tjo Kongtjoe dan In Liong jang ada di tenga perdjalanan, sekarang kita pergi tengok pada Bong Loan Siotjia dan Tjeng Bwe di Tjiang Tjioe, di mana ini doea orang kepaksa toenda perdjalanannja, kerna masing-masing poenja koeda dapet sakit dan perloe dibikin semboe doeloe. Betoel sebagimana katanja itoe doctor-heiwan, dalem tempo doea poeloe toedjoe hari lamanja itoe koeda telah djadi semboe dan koeat kombali sebagimana tadinja.

Pada itoe hari djoega ini doea orang telah brangkat djalan dan meninggalken kota Tjiang Tjioe.

Tatkala itoe jalah ada di moesin He, hawa oedara ada sanget panas. Tapi poehoen-poehoen padi rata-rata soeda moelai kaloear, antara mana ada jang soeda djadi koening dan telah sampe waktoenja aken diambil.

Satelah kaloear dari kota terseboet, itoe doea orang dengen koedanja lantas moelai liwat di djalan raja jang melintas di soeatoe boelakan jang debar. Moelai dari itoe telah terliat pemandangan jang bagoes. Dari djaoe ada kaliatan rentet-rentetan boekit-boekit jang bewarna biroe di blakang poehoen-poehoen jang mengoeroeng pada itoe tegalan, samentara di atas oedara ada terbang boeroeng-boereeng Gan, jang berkawan-kawan sebagi barisan balatantara. Di brapa petak sawa ada kaliatan orang-orang tani jang sedeng asik memotong padinja dan tiada djaoe dari marika itoe, ada terletak brapa goeboek atep alang-alang, di mana ada berkoempoel anak-anak angon jang lagi memaen sama temen-temennja.

Aken tetapi Bong Loan dan Tjeng Bwe sedikit poen tiada ambil perdoeli sama itoe pemandangan, biarpoen pemandangan Itoe ada begitoe inda seperti gambar. Gadis kita jang selaloe terkenang pada ajahnja dan ingin lantas bisa sampe di Leng Lam, inilah jang soeda bikin ia tiada bergoembira sama itoe semoea pemandangan.

Apabila koedanja ini doea orang membiloek dan moelai djalan di djalanan ketjil jang melintas di tepi rimba, segala binatang oetan, seperti klintji dan rase, jang lagi memaen di roempoet- roempoet sembari tjari makan, sigra lari berseraboetan dan mengilang di antara gombol-gombolan jang lebet. Di sana sini melaenken kadengeran swara boeroeng jang berboenji tjoewat tjowet sambil lompat pergi dateng di tjabang- tjabang poekoen; dan kadang-kadang dari djaoe dengen lapat-lapat ada kadengeran swara lontjeng- lontjeng gredja jang mengoetaraken, bahoea dalem itoe roema berhala ada padri padri sedeng membatja kitab atawa roema itoe ada dapet koendjoengan tetamoe jang dateng bersembajang dan bersoedjoet pada patoeng berhala.

Djikaloe mata-hari soeda meelai silem ka djoeroesan koelon, la-orang lariken koedanja dikasi djalan lebi jepet dari biasa, soepaja pada sablonnja hari djadi malem bisa sampe di roema makan atawa bio boeat noempang bermalem. Pada esok pagi seblon mata hari terbit ia-orang soeda brangkat poela boeat landjoetken perdjalanannja.

Begitoelah ada hari-hari jang telah diliwatken dalem perdjalanannja Bong Loan itoe. Pada satoe hari, sedeng mata-hari soeda silem ka dasar boemi, apa maoe ia-orang masi berada dalem satoe rimba besar dan lebet, sedeng boeat bisa sampe di kampoengan masi djace. Itoe tempat jalah masoek bilangannja kota Laij Tjioe.

,,Tadi akoe bilang apa, baek djalan lebi tjepet soepaja tiada djadi kemaleman di tenga djalan,' kata Tjeng Bwe. Sekarang soeda moelai glap seria masi ada di tenga oetan, di mana kita moesti menginep? Kaloe diliat gelagatnja, rasa-rasanja kila bakal tidoer di oetan!"

Bong Loan tiada menjaoet tapi lantas angkat moekanja memandang ka sana sini la liat tiada djaoe dari sitoe, pernanja disebla kidoel, seperti ada roema orang, maka sambil menoendjoek dengen petjoetnja ia kata pada Tjeng Bwe:

„Toe'pa di sana ada roema, mari ikoet akoe!"

Ia lantas lariken koedanja ka itoe djoeroesan dengen di ikoet oleh Tjeng Bwe. Di sana bener ia-orang dapetken satoe bio; doea orang ini lantas toeroen dan tjangtjang koedanja pada tempat jang banjak roempoet. Kamoedian ini doea orang masoek ka dajem.

Roepa-roepanja ini roema berhala soeda berboelan-boelan tinggal kosong dengen tiada dirawat, hal mana ada ternjata dengen mesoemnja. Djoebinnja soeda toemboe roempoet dan tembok- temboknja poen begitoe kotor, hingga tiada terliat lagi polesan kapoernja. Kabang-kabang penoe di sana sini dan kajoe-kajoe serta tiangnja djoega banjak jang soeda djato. Bong Loan sigra njatalah api dan dengen obor kentjil ia menghamperi medja patoeng, di mana ada ditaro brapa anak- anakan baloe antara mana ada patoengnja Goan- Thian Siang-te.

Gadis kita lantas berloetoet seraja kata: Hareplah Slangte melindoengken Tetjoe ampoenja keslametan di dalem perdjalanan int, bila Tetjoe dapet bertemoe pada ajah dengen tiada koerang apa-apa, Tetjoe nanti prenta bikin betoel ini bio dan rawat sebagimana moestinja." Seabisnja berdo'a begitoe ia laloe menghamperi Tjeng Bwe, jang slama itoe soeda bikin bresi satoe tempat pernanja di sebla dalem, boeat Siotjianja dan ia berbaring. Bong Lean lantas boeka badjoe loearnja dan boentel bikin sebag bantal dan sigra rebaken diri, sedeng pedangnja ditaro disampingnja. Tjeng Bwe djoega toeroet lepasken diri diseblanja.

,,Akoe sering denger orang bilang: kaloe roema kelamaan tinggal kosong, pasti roema itoe aken djadi gowanja setan-setan." kata Tjeng Bwe jang dapet inget perkara jang boekan-boekan, „Dan ini roema roepanja soeda lama ditinggal kosong, maka tentoelah djoega ada di'isi oleh bangsa-bangsa begitoe, lebi lagi pernanja di da- lem oetan. Seände bener ini roema ada setannja dan sabentar menggerajańgken kita, abis begi- mana kita moesti bikin, Siotjia ?"

„Apa jang orang kata ini memang betoel, tapi djangan takoet, Tjeng." saoet Bong Loan. „Setan-setan tjoema maoe mengganggoe sama orang- orang lelaki, sedeng sama orang prempoean seperti kita inilah tiada nanti terdjadi."

"Tapi binatang oetan jang boeas dalem oetan begini besar tentoe ada banjak djoemblanja," kata lagi Tjeng Bwe, sama setan Siotjia tiada takoet, tapi begimana kaloe itoe radja oetan dateng ketemoein kita di sini?" "Dari itoe fihak ini perloe kita djaga baek," kata Bong Loan, tetapi akoe poenja pikiran ada di sini, dengen ini sendjata tjoekoeplah akoe singkirken itoe bahaja."

Omong poenja omong, achir-achir dengen tiada terasa ini doea orang djadi poeles. Itoe tempo koenjoeng-koenjoeng Bong Loan telah dibikin kaget dengen swara kelosrakan di depan pintoe, maka dengen pedang terhoenoes ia lantas menghamperi ka sitoe. Ia liat di sana ada doea harimau besar jang mengglepak dengen badan teriket, tempo liat padanja itoe doea radja oetan gojang boentoetnja dan matanja dengen keriap keriap meliatin begitoe roepa, betoel sebagi kelakoeannja orang jang soeda tiada berdaja dan minta toeloeng dilepasken dari kasoesahannja. Ko Slotjia liat begitoe boekan djadi takoet hanja girang dan berbalik merasa kasian ia lantas menghamperi dan sama pedangnja ia poetoesken tambang besar jang mengiket di badannja itoe sepasang binatang boeas.

Begitoe terlepes dari ikelannja, ini doea radja oetan lantas berboenji dengen keras dan troes terbang ka oedara, hingga Bong Loan djadi kaget serta mendoesin dan baroe faoe, apa jang terdjadi baroesan melaenken impian sadja. Dengen sanget gagetoen Siotjia kita sigra pasang koepingnja aken mendengeri, tapi tiada kadengeran swara apa-apa jang mengagetken, katjoeali

Koreng Tjan.

63,

terdenger riboetnja swara binatang binatang ketjil jang mentjari makan di itoe malem.

Achirnja Ko Siotjia pertjaja betoel ia mengimpi. Pelahan pelahan ia gojang gojang badannja Tjeng Bwe, tapi ini boedak dengen kaget lantas bangoen dan seperti mengigo ia menanja: „Apa, ada setan Siotjia? Mana? Mana ?" Djangan ngatjo. Tjeng Bwe!" kata Bong Loan dengen menjentak. Denger akoe bilang!"

„Ja, apa Siotjia?" menanja ini boedak jang sueda djadi sedar betoel dari tidoernja.

,,Baroesan akoe mengimpi dan impian itoe sanget membikin heran akoe poenja hati" kata Bong Loan jang lantas bri tave pada Tjeng Bwe tentang impian jang baroesan, hingga ini boedak poen merasa heran.

,,Sasoenggoenja impian itoe sanget adjaib" kata Tjeng Bwe; ,Djikaloe menoeroet sabagimana jang akoe denger dan toeroet djoega tjeritanja kepertjajaän tachajoel, berhoeboeng sama itoe impian di tenga ojalan Siotjia bakal membri pertoeloengan pada orang gaga jang sedeng menampak bintjana."

,,Kaloe kau bilang begitoe, boleh djadi ada bener, Tjeng," kata Siotjia kita, jang di itoe saät mendadak djadi girang dan taro harepan besar, ,,tadi kau bilang akoė bakal membri pertoeloengan pada orang gaga, orang jang bakal ditoeloeng tentoe boekan laen orang, selaennja ajahkoe sendiri!" Soekoerlah kaloe aken kedjadian begitoe. Tapi perkara impian kita djangan lantas ambil kepastian,sebab kadang-kadang bisa beroba laen dari apa jang sabenernja soeda didoega.”

Teroes sampe pagi ini doea orang tiada tidoer kombali, kerna hatinja merasa bimbang dan soeda lantas ingin boektiken itoe impian. Esoknja satelah terang tanah, ia orang beelaloe dari itoe bio dan landjoetken poela perdjalanannja

Sampe di sini kombali kita tengok Tjo Kou Djiwie Kongtjoe. Ini doea orang satelah djalan tiada brapa hari lamanja telah sampe di Afdeeling Tjiauw Boen, termasoek pada bilangan Residentie Laij Tjloe.

„Hiante taoe, di ini tempat akoe ada kenal pada brapa orang moeda jang djadi temen di waktoe masi sekola” kata Boen Pa pada Kou Kongijoe. „Itoe goemploekan poehoen poehoen jang kaliatan dari sini jaitoe kampoeng Ko Tjhung; di sitoe ada tinggal saorang she Wie bergelar Sioetjaij, sama siapa akoe ada kenal baek. Kabetoelan soeda maoe sore baeklah kita menginep sadja di roemanja, dan sekalian Hiante beladjar kenal sama itoe orang.”

„Mengoendjoengken roema kenalan atawa sobat-sobat ini memang baek, tapi koendjoengan itoe haroes dibikin pada temponja jang betoel,” saoet In Liong. „Seperti keadaan kita sekarang Hengtiang taoe sendiri, maka begimana maoe niat moempar-mampir di roema sobat-sobat. Dan lagi akoe berpakean seljara prempoean, pasang omong ini itoe resia sendiri bisa terboeka, kila orang sengadja tjari tjilaka. Maka dari itoe, baeklah toeroet akoe poenja pikiran lebi baek noempang di roemanja laen orang jang tiada dikenal, dari pada di roema sobat-sobat sendiri."

Dengen ini perkataän adalah Kou Kongtjoe njataken tiada setoedjoe sama pikirannja Boen Pa, hal mana telah bikin hatinja ini pamoeda djadi merasa koerang senang.

„Heran sekali, kenapa sekarang Hiante djadi banjak menaro pikiran tjoeriga!" kata Tjo Kong- tjoe. Orang-orang jang akoe pandang seperti sobat kau boleh pertjaja padanja seperti djoega pertjaja padakoe! Pendek semoea sobatkoe ada berhati laki-laki, tiada nanti kena dipengaroei dengen kekwasaän harta doenia!" Kaloe Hengtiang kata begitoe bagi akoe tiada laen tjoema menoeroet sadja, saoet In Liong jang kepaksa meloeloesken, kerna ia poen dapet artiken, bahoea Boen Pa merasa koerang senang dengen pengambilannja.

BegiToelah satelah djalan poela sedikit djaoe, pada satoe tikoengan Tjo Kengtjoe biloekin koedanja, lariken itoe binatang dan mencedjoe ka itoe goemploekan kampoeng, jang semingkin lama Semingkin ilang di pemandang, kerna mata hari ampir silem ke dasar boemi. Betoel di waktoe sedeng pasang api ini doea orang telah sampe di itoe kampoeng, jang ternjata ada terdiri banjak roema- roema orang; di depan satoe roema Tjo Kongtjoe brenti dan silaken In Li Liong toeroen, iasendiri. sasoeda tambat koedanja laloe menghamperi lebi deket dan panggil namanja toean roema.

Dari dalem sigra keloear sa-orang lelaki moeda dan orang itoe Wie Sioetjaij sendiri.

Wie Heng, begimana apa kau ada baek?” menanja Tjo Kongtjoe dengen merasa sangel girang. „Sedari berpisa, baroe ini hari kita orang bertemoe lagi!"

Wie Sioetjaij tjenderongken badannja seraja menempo moekanja Tjo Kongtjoe, kerna koetika itoe soeda glap dan tiada bisa meliat leges siapa jang ada di hadepannja, Samentara Tjo Kongtjoe liat kelakoeannja toean roema begitoe roepa tertawa sadja.

„Hola, Tjo Hiante, akoe kira siapatah angkau ini!” berseroe Wie Sioetjaij jang soeda mengenal botoel dan pegang orang poenja poendak. Kamoedian ia delengken matanja meliat pada In Liong, jang disangkanja prempoean istri Boen Pa.

„Masoek, Hiante!“ ia kata poela seraja panggil istrinja: „istrikoe, mari sini, kau sebagi njoja roema haroes samboet ini nona!"

„Ah, boeat apa bikin soesa pada 'nso, kerna kedatengan akoe ini tjoema boeat noempang bermalem sadja." kata Tjo Kongtjoe sembari tertawa. dan laloe adjak In Liong masoek ka pertengaän, di mana ada penerangan dari hrapa lampoe ketjil.

Boe Si, istrinja Wie Sioetjaij, soeda lantas kaloear dan berhadepan sama itoe doea tetamoe. Ini njonja memang soeda kenal lama pada Boen Pa, maka sasoeda berkata kata sabentar ia menanja: „Kenapa 'ntjek kawin tiada bri kabar pada kita-orang di sini? Ini nona 'ntjek poenja istri, boeka ?"

Moekanja In Liong djadi mera, dan hatinja poen merasa tiada enak koetika denger Boe Si menanja begitoe. Tapi Tjo Kongtjoe laloe bikin betoel kakliroeannja itoe njonja dengen berkata: Harep Soso djadi mengarti, ini boekan orang prempoean hanja akoe poenja....... la berpakean tjara begitoe sebab ada tersangkoet sedikit perkara, soepaja di tenga djalan orang tiada kenalin padanja."

Mendenger begitoe Boe Si baroe mengarti dan sigra berlaloe dari itoe roewangan, tapi boekan ia feroes masoek ka dalem hanja semboeni di blakang pintoe aken dengerin bitjaranja itoe tetamoe, dan ingin taoe djoega, siapa adanja dan dari sebab apa maka itoe orang moeda menjaroe begiloe roepa.

Sebagi toean roema jang baek boedi, Wie Sioe tjaij ambil the soegoeken pada tetamoenja, sasoedanja itoe baroe ia menanja apa-apa pada Tjo Kongtjoe serta minta dibri taoe djoega she dan namanja ia poenja temen. Atas pertanja'an sobatnja itoe, dengen tiada sangsi-sangsi Tjo Kongtjoe seboetken she dan namanja In Liong Kongtjoe, djoega bri taoe sebab-sebabnja jang membikin ia menjamar setjara prampoean.

Sasoeda denger petoetoerannja Tjo Kongtjoe, roepanja Wie Sioetjaij djadi kaget sekali, tetapi dari aer moekanja jang bersorot sedikit terang ada mengoendjoek bagi kita, bahoea ini toean roema merasa teramat soekoer jang itoe doea orang soeda tiada dapet halangan apa-apa dalem perdjalanannja. Lebi djaoe ia poedji pada Tjo Kongtjoe, jang saban-saban soeda membri pembelaän dengen sagenap djiwa pada sobat-sobatnja jang beroleh tjilaka.

„Akoe rasa Dji wie Hiante blon makan, nanti akoe pergi bli arak dan prenta sediaken barang hidangan" kata Wie Sioetjaij kamodian dan prenta istrinja atoer barang makanan boeat itoe doea orang.

„Disini tiada ada makanan jang baek, ada doea tiga roepa sajoer jang soeda dingin, ini terlaloe sekali kaloe di soegoeken pada tetamoe," kata Boe Si. „Begini waktoe biasanja roema makan Thian Hiang Koan bien di toetoep, maka baeklah swamikoe pergi beli sadja di sana."

In Liong sigra menjega kahendaknja itoe toean dan njonja roema aken djangan bikin banjak seraka, ia bilang: nasi dan sajoer poen soeda tjoekoep. Tapi Tjo Kongtjoe poenja pikiran ada laen roepa, dan ini ternjata dari omongannja: „Hiante djangan sala mengarti, kita orang jang abis dan aken bikin perdjalanan arak ada perloe sakali; terlebi lagi akoe sendiri kaloe tiada minoem arak doea tiga hari lamanja badan djadi lesoe dan koerang kagoembiraän. Dan lagi sedjamaknja sadja kaloe Wie Heng adjak kita orang makan minoem, tanda mengoendjoek pengrasaän girang atas pertemoean di ini malem."

„Itoe betoel sekali!" menjamboeng Wie Sioetjaij sambil tertawa: „Toenggoe sabentar, akoe nanti pergi bli arak, boea-boeahan dan barang makanan."

Seabis kata begitoe Wie, Sioetjaij lantas masoek ka dalem ambil oewang dan tiada lama ka loear lagi. Blon brapa djaoe melangka dari pintoe, Boe Si pegat ia di tenga djalan dengen kelakoean semboeni Wie Sioetjaij merasa heran liat tingka lakoe istrinja begitoe matjem, tapi sablon bisa kata apa-apa istrinja soeda menanja lebi doeloe: „Kau maoe pergi ka mana?

„Kau toch soeda taoe akoe maoe pergi bli arak, tapi heran kau menanja lagi!" saoet Wie Sioetjaij dengen tiada abis mengarti:

„Kaloe akoe bilang kau ini satoe kerbo, ini brangkali kau poenja hati djadi koerang senang, tetapi sabenernja akoe moesti bri nama begitoe pada kau!" kata Boe Si dengen perkataän jang mengoendjoek koerang adjarnja: „Ini malem sabenernja ada melaekat jang anterin oewang pada kita; tapi kau kaliatan tiada mendoesin dan sengadja o wang jang ada maoe diborosken!"

-Bitjara teroes terang akoe sama sekali tiada mengarti dengen kau poenja omong! Melaekat apa anterin oewang pada kita?"

-,,Ha, njatalah kau soeda loepa! Blon selang brapa hari kau ada omong pada akoe, bahoea pembesar di Djin Ho ada siarken soerat maloemat, dalem mana ada didjandjiken oepa seratoes tail perak pada siapa jang bisa oendjoek dan tangkep pemboenoe di Ngo Siong San. Sekarang itoe orang jang sedeng ditjari ada di roema kita maka terlaloe bodo kaloe kau bikin liwat ini koetika back boeat trima itoe oepaän jang boekan berdjoembla ketjil! Pergilah sekalian bli arak swamikoe pergi djoega ka kantoor politie laporken hal itce dan minta la-orang dateng menangkep."

Di sini kita dapet kenjataän, bahoea Boe Si diam-diam ada mengandoeng pikiran kedji boeat bikin tjilaka pada Tjo Kongtjoe dan In Liong, hingga Wie Sioetjaij djadi mara sekali koetika denger istrinja bilang begitoe. Aken tetapi sa begitoe djaoe soeda ternjata, itoe Wie Sioetjaij ada saorang jang berhati lembek dan tiada poenja katetepan hati; betoel permoela ia djadi mara dengan kahendaknja Boe Si, tapi blon bisa dibilang pasti apa ia nanti bisa berlakoe ternes begitoe atawa tiada.

„Kau moesti inget," kata poela Wie Sioetjaij sasoeda damprat istrinja dengen banjak perkataän pedes, „pada taon jang laloe akoe soeda perna dibikin soesa oleh pembesar di Djin Ho; pakean dan oewangkoe soeda dirampas oleh itoe pembesar rakoes, hingga boeat samentara lamanja akoe idoep dengen mengemis pada orang banjak dan boleh djadi kesoesaän itoe aken berdjalan teroes-teroesan, kaloe tiada ada Tjo Kongtjoe jang membri pertoeloengan oewang, dengen apa akoe boeat onkost poelang ka mari. Ini hal kau sendiri taoe terang, maka tjara begimana kau timboel pikiran begitoe kedji, maoe bikin tjilaka pada orang jang soeda berboeat kebaekan pada kitaorang?"

Sasoedanja kata begitoe ia maoe berdjalan lagi, tapi Boe Si dengen tertawa sengal laloe berkata:

„Apa akoe bilang bener bener kau ada satoe kerbo! Pergilah toeroet kau poenja maoe, tapi kaloe katjilakaän dateng menimpa djangan djadi menjesel!"

Wie Sioetjaij kepaksa menghamperi lagi istrinja seraja menanja, katjilakaän apa aken dateng pada dirinja. Ini prempoean. kedji lantas berkata:

,,Akoe sebenernja boekan tiada inget Tjo Ya poenja boedi jang begitoe besar, djoega boekan tiada niat membales, tapi dari sebab djalannja perkara bisa menerbitken bahaja bagi kita orang sadalem roema, maka lebi doeloe akoe soeda pikir begimana itoe perkara moesti diatoer. Tetapi angkau sendiri kallatan lebi soeka melindoengin pada sobat sendiri dari pada anak dan istri; biarlah akoe poen tiada maoe bikin renggang. kau poenja persobatan dan akoe maoe poelang ka roema orang toeakoe sekarang djoegal"

Alangka kagetnja Wie Sioetjaij koetika denger itoe omongan, djoega ia djadi lemes dan dengen tiada terasa ia djato berloetoet. Djika diliat gerakannja, njatafah Wie Sioetjaij soeda kena dipengaroeln oleh ia poenja boengah berdjiwa, kerna baroe denger istrinja kata begitoe sadja; lagi apa omongan itoe bener atawa tiada, kelakoeannja soeda djadi begitoe roepa.

,,Djangan, djangan poelang manis, sekarang akoe ambil poetoesan boeat meloeloesken kau poenja maoe" begitoe katanja ini lelaki-palsoe. Tjoema lebi doeloe akoe minta dibri ketrangan, bahaja apa dan dari mana jang aken menimpa atas dirikoe?"

Boe Si jang dalem ini oeroesan tiada mengharep laen dari pada itoe oepaän seratoes fail perak dari pembesar di Djin Ho, koelka denger swaminja soeka menceroet latinja djadi girang sekali. Sabisa-bisa ia atoer tjerita di depan swaminja seraja bilang: Tetangga-tetangganja jang deket soeda dapet lace kaloe roemanja ada dikoenajoengken oleh iloe doea orang. Kamoedian sebagi penoetoep tjeritanja ini prempoean doerhaka kata:

,,Swamikoe taoe sendiri, orang-orang di sini paling soeka korek korek laen orang poenja oe. ruesan, terlebi lagi ini perkara jang ada me. naro harepan baek, begitoe liat gerakan jang membikin tjoeriga tentoe djoega tiada mzoe soeda boeat dapet tape hal itoe. Djika sampe laen orang dapet taoe dan laporken ini perkara pada pembesar negri, apa kiranja kita bole enak diam? Kau toch soeda batja betoel boenjinja itoe soerat maloemat, barang siapa jang semboeniken pada persakitan jang sedeng ditjari, orang itoe tiada aken terloepoet dari hoekoeman berat."

Moekanja Wie Sioeljaij di itoe saät lantas beroba poetjet, kerna obrolannja Boe Si doerhaka soeda membikin ia timboel pengrasaän takoet.

,,Dan akoe bri taoe djoega, „kata lagi Boe Sí: ,,Sebagimana kau bilang, Tjo Kongtjoe ada sanget gaga, maka kaloe orang politie bikin penangkepan dalem kita poenja roema, tentoe aken terbit per klaian heibat, dari itoe baek kaloe kita berlakoe begini........................."

Ini prempoean doechaka biljara bisik-bisik dan kamoedian kata lagi: Dengen berboeat begini dalem kita poenja roema liada nanti terbit kariboetan, sedeng jang satoe lagi perkara ketjil. Akoe liat la begitoe lema, tentoe liada bisa bikin perlawanan apabila mage ditangkep."

Di sini itoe pembitjaraän kedji sampe diachirnja, Wie Sioetjaij lantas berlaloe dengen tjepet sasoedanja berdjandji aken djalanken itoe pakerdjaän sebagimana jang telah diatoer.

Baek Wie Sioetjaij maoe poen Boe Si, doea-doea telah mengira jang pembitjaraän itoe tiada sa orang niendapet denger, tapi doegaän itoe ternjata kliroe, kerna dengen tiada dikatahoei sasoeatoe perkataännja telah di denger oleh saorang jang berdiri tiada brapa djaoe dari itoe doea swami- istri. Dan orang itoe poen boekan laen, jalah Wie Sioetjaij poenja ade prempoean jang telab beroesia ampat atawa lima blas taon. Kendati poen oesianja masi begitoe renda, tapi Wie Siotjia ini sanget ljerdik, djoega priboedinja sanget baek, hingga pantes sekali kaloe diseboet gadis bangsawan.

Tatkala Boe Si berdjalan kaloear, Wie Siotjia jang meliat tingka iakoe 'nsonja di itoe sore dengen mendadak djadi beroba dalem hatinja djadi merasa heran, maka diam-diam ia toeroet berdjalan kaloear. Tapi tentoe sadja tiada dapet diketahoei oleh Boe Si. Dengen alingken badannja pada satoe pochoen, di sitoe ini. gadis telah dengerin sampe terang betoel pembitjaraän Koko dan Sosonja dari permoela hingga pengabisan.

,,Inilah haroes dibilang perboeatan jang tiada pantes!" kata Wie Siotjia dengen kaget: Heran sekali kenapa Koko boleh djato di bawa pengaroenja itoe prempoean tjoerang, hingga dengen tiada menimbang lagi ka kiri atawa ka kanan soeda loeloesken itoe permintaän aken menjilakaken pada itoe doea tetamoe! Itoe doea orang moeda roepanja ada laen dengen orang banjak, di kamoedian hari tentoe bakal beroleh kasenangan, maka kaloe sekarang akoe tiada bri pertoeloengan atas iloe bahaja jang aken dateng menimpa, hatikoe merasa. penasaran sekali!"

Demikianlah ini gadis jang baek telah mengambil katetepan dalem hatinja: tetapi boeat lantas kabarken pada itoe doea tetamoe tentang adanja itoe bahaja dan prenta ia-orang jepet oendoerken diri ini tiada bisa, kerna Boe Si doerhaka seabisnja berkata-kata tiada masoek ka kalem, hanja berdiri sadja di depan pintoe dengen roepa jang koerang sabar. Itoe sebab Wie Siotjia tiada bisa sampeken maksoednja dengen tiada dapet diketahoei oleh Sosonja itoe. Tiba tiba selagi bingoen dan tiada taoe begimana haroes berboeat, apa maoe saorang lelaki setenga toea jang dateng dari sebla loear, dengen tergoepoe-goepoe menghamperi Boe Si, dan oetjapken perkalaän jang mengagetin.

,,Njonja! Kau enak enakan di roema, tapi swamimoe dapet tjilaka!" kata itoe orang.

,,Tjilaka? tjilaka kenapa?" tanja itoe prempoean doerhaka sembari bikin tingka kaget. „Kasilah ketrangan, perkara apa telah terdjadi pada swamikoe?"

„Akoe poen tiada tage kenapa, tapi akoe dapetken padanja dengen reba di tepi djalan" kata lagi itoe orang. la fiada bisa mengomong dan napasnja tinggal sedikit-sedikit. „Akoe kira ia telah diserang penjakit mendadak; tadinja akoe maoe gendong bawa poelang, tetapi rasanja tiada koeat, lagi kakinja sakit tiada bisa djalan dengen laloeasa."

Tjo Boen Pa jang doedoek tiada brapa djace dari itoe doea orang jang sedeng berkata-kata, telah dapet denger itoe semoea. Dalem halinja ini orang moeda djadi sanget menjesel, kerna lantaran ia poenja gara-gara soeda bikin sobatnja mendjadi tjilaka. Sigra ia menghamperi Boe Si dengen berkata: 'Nso djangan berlakoe geroeboekan, biar akoe pergi ka sama dan gendong Koko bawa poelang ka mari. ,,Kaloe begiloe marilah brangkat sama-sama akoe" kata orang tadi jang lantas adjak Tjo Kongtjoe berdjalan pergi.

In Liong doedoek sendirian dengen hati merasa tiada enak sekali. Tapi Boe Si merasa sanget girang, kerna tiada dinjana begitoe gampang Tjo Kongtjoe soeda kena ditipoe. Roepa-roepanja ini prempoean doerhaka blon merasa poeas boeat kasi liat kaboeroekan dan kelemahaän hatinja, kerna itoe tempo ia dapet satoe ingetan jang bisa membri oentoeng padanja..

Baroesan la liat pada sela koedanja itoe orang moeda ada ditaro satoe boengkoesan. Ia doega pasti dalem itoe boengkoesan ada ditaro banjak oewang dan laen-laen barang lagi: maka ia ambil poetoesan, selaennja keniaja orangnja, djoega ia inaoe ambil itoe boengkoesan boeat kaoentoengannja sendiri. Begitoe dapet ini ingetan, tiada ajal lagi Boe Si laloe menghamperi ka itoe tempat, di mana tadi Tjo Kongtjoe tambat koedanja.

Itoe koeda koetika liat ada orang mendatengin lantas berbenger dan sangka orang itoe toeannja, tetapi tempo soeda deket dan liat laen orang, roepanja djadi beringas. Boeloe badannja berdiri dan dengen mata jang menjataken mengantjem, ini binatang meliatin pada Boe Si; jang lantaran katemahaäunja ingin dapet oewang, soeda tiada dapet liat gerak-gerakannja itoe koeda jang membahajaken. Begitoelah, baroe sadja la maoe oeloer tangannja bosat boeka itoe boengkocsan jang teriket di blakang sela, ini koeda lantas berbalik dan dengen ia poenja doea kaki blakang lantas tendang pada Boe Si, hingga dengen satoe treakan keras itoe prempocan doerhaka roeboe di tana.

Kou Kongtjoe denger itoe djeritan dan barge sadja maoe bangoen boeat pergi tengok, di depan pintoe ia berpapasan pada Wie Siotjia, jang roepanja dengen terboeroe-boeroe mace masoek ka dalem. Dengen berbareng ini doea orang lantas merandek, sedeng Wie Siotjia berkata; „Bahaja besar ampir sampe kenapa Kongtjoe blon maoe tjepet singkirken diri!"

„Bahaja! bahaja apatah nona?" tanja Kongtjoe kita dengen sanget terprandjat.

,,Djangan lanja melli-melit, tiada lama poela orang-orang politie aken dateng ka sini boeat tangkep pada Kongtjoel" kata poela Wie Siotjla.

Treakan kaget sigra terdenger dari moeloetnja itoe orang moeda, jang tiada brani ajal lagi lantas lari ka locar menghamperi koedanja, samentara Wie Siotjia mengikoet di blakangnja. Begito lekas ini orang moeda soeda ada di atas toenggangannja dan mase di lariken ka saloe djoeroesan tapi laloe di tjega oleh Wie Siotjia jang berkata:

,,Kongtjoe djangan ambil djalan dari sitoe, kaloe tiada taoe djalan marí akoe oendjoekin."

No Teng Tan

64

In Liong balikin poela koedanja dan laloe ikoetin Wie Siotjia berdjalan ka sebla wetan. Satelah djalan sedikit djaoe, ini nona menoendjoek ka depan sembari berkata lagi: Ini ada satoe djalanan dan boleh djalan dari sini."

,,Tetapi Tjo Heng blon dateng, apa tiada baek toenggos padanja?" kata Kou Kongtjoe.

,,Djikaloe toengkoelan toenggoe menoenggoe ada banjak tjilakanja; baeklah Kongtjoe brangkat lebi doeloe, sabentar kaloe poelang akoe oendjoek djalan boeat tjari dan soesoel pada Kongtjoe."

Kongtjoe kita bilang back dan laloe djalanken koedanja, tapi blen brapa tindak ia balik kombali menghamperi itoe gadis, jang masi berdiri di tempat tadi.

„Ampir sadja akoe loepa!" kata ia pada itoe nona. Harep kau soeka bri taoe namamoe soepaja kamodian hari akoe boleh bales nona poenja boedi pertoeloengan jang begini besar."

,,Namakoe Jauw Sian." menjaoet itoe anak prempoean: „Dan Kongtjoe djangan berlakoe ajal- ajalan, brangkatlah dengen lantas!"

,,Trima kasi! Slamet tinggal!" dengen ini per- kataän In Liong laloe petjoet koedanja dan lantas dilariken dengen kentjeng pada djalanan jang di'oendjoek oleh Wie Siotjia,

Tatkala Kou Kongtjoe soeda berlaloe, baroelah Wie Siotjia boeroe-boeroe pergi liat sosonja, jang masi tinggal terletak di tempat tadi. Ia panggil beroclang-oelang tetapi diam sadja dan satelah dipegang badannja baroe dapet kenjataän, itoe prempoean doerhaka soeda tiada bernjawa lagi. Itoe koeda soeda tendang Boe Sie poenja oeloe-ati, hingga membikin ia djadi binasa.

Dengen menangis dan dengen tjara jang banjak soesa Wie Siotjia bawa mait 'nsonja ka dalem roema dan ditaro di pertengaän; sablonnja ini nona bisa berboeat lebi djaoe, di loear roema ka dengeran swara riboet dan di saät itoe djoega kaliatan Wie Sioetjaij dengen mengadjak brapa blas orang politie telah masoek ka dalem. Soeda tentoe sadja Wie Sioetjaij djadi sanget kaget koetika liat istrinja terletak di tana dan liat djoega soedaranja lagi menangis.

„Kau kenapa dan perkara apa soeda terdjadi atas diri 'nsomoe?" menanja Wie Sioetjaij dengen sanget bingoeng. Sablonja Siotjia bri penjaoetan, itoe brapa orang politie soeda kalocar lagi dari dalem, jang dengen roepa oering-oeringan lantas menanja:

,,Mana itoe orang moeda? Kenapa lida ada?"

Wie Sioetjaij djadi bingoeng tempo soeda denger penjaoetannja Jauw Sian jang membilang nsonja soeda mati kena katendang koeda dan kasi taoe djoega, itoe tetamoe blon lama telah pergi dari sitoe. ,,Djalannja ka sebla mana?" tanja satoe antaranja iloe brapa orang politie jang roepanja ada djadi kapala dari marika itoe. Jauw Sian mengoendjoek ka sebia Kidoel dan bilang: itoe orang lari kadjoeroesan sana.

Itoe kawanan orang politie poén lantas mengedjer ka itoe djoeroesan jang di'oendjoek. Satelah itoe orang-orang politie soeda pergi, Wie Sioetjaij pelokin mait istrinja dan menangis menggeroeng-geroeng hingga tetangga-tetangganja dateng tengokin dan bantoe bikin beres itoe perkara sedi.

Sampe djaoe malem baroe itoe orang-orang politie balik poela ka kantoor Tikoan dan bri lapor pada ini pembesar, bahoea itoe doea orang jang maoe ditangkep tjoema satoe sadja jang kena, kerna jang satoe sataoe dapet lane dari siapa soeda bisa lolosken diri sablonnja ia orang sam pe di roemanja Wie Sioetjaij

Pembatja tentoe soeda lantas bisa mendoega, bahoea orang jang soeda ditangkep jalah Tjo Kongtjoe adanja. Ini orang moeda sama sekali tíada mendoesin kaloc dirinja soeda ditipoe. Tentang itoe orang jang mengabarken Wie Sioetjaij dapet tjilaka ini semoea tjoema tipoe-tipoe sadja, jang maoe memantjing pada Tjo Kongtjce dan bener-bener dengen itoe djalan ini orang moeda kena didjebak. Koetika sampe di dalem satoe gang ketjil jang pernanja deket pasar, Tjo Kongtjoe felah dikoeroeng dari kiri kanan oleh orang politie, jang soęda menoenggoe lebi doeloe di sitoe; penangkepan lantas dibikin, Tjo Kongtjoe dengen gampang soeda kena diringkoes sablonnja kaboeroe atoer persiapan boeat djaga dirinja.

Esok paginja ini orang moeda dihadepken pada Tikoan, oleh siapa ia dibikin banjak pertanjaän tentang asal oesoet nja. Dengen tiada semboeniken resia Tjo Kongtjoe bri taoe ia poenja nama, toetoerken djoega begimana ia soeda bikin itoe pemboenoean di Ngo Siong San, kamoedian sebagi penoetoep bitjaranja ia kata: Taijdjin denger sendiri, sebagi laki-laki akoe tiada segan mengakoe teroes trang apa jang akoe soeda berboeat. Dan sampe ini waktoe akoe masi merasa blon poeas, lantaran blon bisa bikin peritoengan sama itoe pembesar di Djin Ho, jang dari sebab sekakernja membikin orang baek-baek mendapet soesa."

Ini pembesar merasa tiada perloe bikin laen- laen pertanjaän, maka laloe prenta hambanja masoekin Tjo Kongtjoe ka dalem kamar tahanan, dan prenta lagi brapa hamba politie boeat pergi tjari kombali pada Kou Kongtjoe. Sorenja itoe orang-orang jang diprenta telah poelang kombali dan bri warta, pelari itoe tiada dapet ditangkep, sekalian soeda ditjari dengen teliti.

Tikoan tiada kaloearken prenta boeat orang tjari lebi djaoe, hanja laloe titaken oppasnja bawa Tjo Kongtjoe ka Djin Ho, berikoet soeratnja boeat pembesar di sana.

Pada itoe malem teroes meneroes Kou Kongtjoe lariken koedanja dengen keras, hingga tiada lama poela ia soeda ada di tempat djaoe dari kampoeng Ko Tjhung; tadi koetika maoe brangkat, Jauw Sian pesen ia moesti djalan teroes ka djoeroesan wetan, tetapi koetika itoe ini orang moeda djadi bingoeng, tiada taoe djoetoesan mana ia moesti toedjoeken dan djoega tiada dapet taoe, di mana dan kampoeng apa sekarang ia ada. Maski begitoe tiada oeroeng ia berdjalan teroes sampe hari djadi siang.

Sekarang njatalah ia ada di satoe djalan besar jang melintas ka sebla Oetara. Boeat djalan teroes di sitoe ia merasa takoet, maka laloe ambil djalanan ketjil di dalem rimba, di mana ada lebi soenji dan tiada aken ketemoe orang.

Sasoeda dapet kenjataän dalem perdjalanannja tiada ada orang jang menjoesoel, baroelah hatinja orang moeda kita merasa sedikit lega. Ia djalanken koedanja dengen pelahan dan tiada brani brenti di tenga djalan. Satelah berdjalan djace djoega, ia liat di depan djalanan jang ia bakal liwatin, ada terletak satoe goenoeng besar dan tinggi. Meliat begitoe dalem hatinja Kongtjoe kita djadi merasa tjoeriga, kerna goenoeng jang begitoe besar dan soenji, biasanja ada djadi sarangnja perampok perampok; di sana sini tiada ada djalanan lagi, selaennja itoe satoe djalanan dan djoega sanget sempit. Maoe tiada maoe kepaksa ia djalan djoega di sitoe, tapi dengen ati-ati, djangan sampe dapet soesa dari perboeatannja orang-orang djahat.

Apa jang ada didoega oleh In Liong inilah tiada sala. Itoe goenoeng jang terliat di depan jalah goenoeng Jauw Taij namanja, satoe goenoeng besar jang loeasuja dari bagian sebla Timoer ka sebla Barat kira-kira seratoes li djaoenja. doea kapalanja ada terdapet doea djalanan jang meneroes ka dalem goenoeng, di mana ada berdiri satoe pasanggrahan dan satoe gowa jang terkenal dengen nama Long Ge Tong, dan di sitoe ada djadi tempatnja kawanan brandal, jang soeda sekean lamanja bersarang dalem itoe goenoeng.

Djoemblanja rahajat begal jang ada di sitoe kira-kira sariboe orang lebi, semoea lengkep dengen alat sendjata. Di waktoe siang ini kawanan orang djakat dengen menjamar sebagi orang dagang sering masoek ka dalem kampoeng mengganggoe miliknja rahajat negri, kaloe malem dateng menjatron di roema roemanja orang hartawan, di mana boekan djarang marika sering gondol banjak oewang dan permata jang berharga besar. Tegesnja boleh dibilang sedari ini orang orang djahat berkoempoel di itoe goenoeng, pendoedoek negri di itoe bilangan sering dapet ganggoean ganggoean jang sanget meroegiken.

Djoega boekan djarang pembesar negri sering kirim balatentara boeat oesir dan binasaken itoe perampok, tetapi dari sebab marika tiada bisa dapet tjari dan tiada tane di mana letaknja Gowa dan pasanggrahannja itoe pendjahat, maka saban- saban barisan negri poelang kombali dengen sendjata kering.

Jang djadi kapala di itoe goenoeng bernama Gouw Hoe, gelarannja diseboet Thian Poet Pa (tiada takoet langil), kadoea Gouw Kin bergelar Te Poet Pa (tiada takoet boemi). Laen dari itoe ada lagi brapa ponggawa, seperti Tjiok Go jang bekerdja sebagi Tauw bak, Pha To Kiong, Koensoe, dan brapa orang lagi jang sem ea ada mempoenjai kepandean dalem perkara silat dan gaga perkasa. Semoea dari marika itoe satoe persatoe telah mengangkat soedara, jaitoe dengen soempa aken saling toeloeng menoeloeng.

Pada itoe hari, kabetoelan dengen mengadjak brapa orang ra'jainja. Tjiok Go dalem ronda di sepandjang pinggiran goenoeng, sekalian djoega liat liat brangkali ada orang-orang pedagangan djalan liwat di sitoe. Koetika sampe di satoe tempat, koenjoeng koenjoeng Tjiok Go menoendjoek ka tepi djalan, di mana Kongtjoe kita lagi berdjalan. ,,Tjoba kau liat!" kata ini Tauw-bak pada pengikoetnja. Itoe orang prempoean djalan sendirian, pergilah kau tangkep padanja. Koeda jang ia doedoekin roepanja koeda baek, dapet itoe sadja bagi kita ada satoe kaoentoengan besar!"

Doea dari itoe brapa ra'jat dengen berbareng lantas mengoedak, sedeng Tjiok Go poen toeroet menjoesoel dari blakang. Kou Kongijoe tiada dapet taoe kaloe ia di kedjer oleh itoe brapa orang, maka ia djadi kaget tempo di blakangnja kadengeran orang berseroe: „Nona, boekalah angkau poenja periasan badan, kaloe ingin dirimoe tinggal slamat!"

Boekan maen In Liong kita poenja kaget koetika denger itoe treakan dan liat doea orang kedjer padanja, ia lantas petjeet koedanja dan lariken ini binatang dengen kentjeng, kerna ia tiada dapet laen djalan, selaennja berboeat begitoe boeat lolosken dirinja. Jang mengedjer pandang hina korbannja ada sa-orang prampoean, lagi itoe tempat semoea oetan sadja, maka ia rasa biar begimana djoega tentoe aken dapet disoesoel. Tapi siapa njana koedanja In Liong larinja kentjeng, hingga sepoeloe li soeda dikedjer blon djoega dapet disoesoel.

Selagi In Liong merasa kabingoengan begimana ia baroes toeloeng dirinja, mendadak dari satoe djoeroesan ada mendatengin doea orang lelaki toenggang koeda, hingga In Liong rasaken soemangetnja terbang, kerna sangka itoe doea orang pendjahat adanja. Soepaja bisa diketahoe dengen lantas baeklah kita terangken pada pembatja, bahoea itoe doea orang jang mendatengin poen boekan laen jalah Bong Loan dan Tjeng Bwe, jang pada itoe hari telah djalan sampe di sitoe.

Dari masi djaoe Bong Loan soeda dapet liat itoe pengedjeran. Ia merasa kasian liat itoe orang prempoean dikedjer oleh brapa orang lelaki, maka bersama Tjeng Bwe ia lantas pegat djalanannia In Liong Kongijoe, hingga djedjaka kita poen terpaksa tahan koedanja, kerna di sitoe tiada ada laen djalan boeat ia menjingkir ka laen tempat.

„Nona djangan kwatir, kita boekan pendjahat hanja orang pelantjongan." kata Bong Loan:

„Brilah ketrangan, siapa itoe jang mengedjer dan dari sebab perkara apa?"

Akoe poen orang pelantjongan, itoe orang jang mengedjer boleh djadi ada pendjahat di sini, kerna ia maoe rampas akoe poenja barang perlassan; saoet In Liong. Itoe orang soeda dateng deket minggirlah boeat akoe djalan lebi djaoe Djika kasian Tjongsoe tangkep djoega itoe pendjahat, soepaja akoe terlepas dari ini bintjana!"

,,Ja dengen segala soeka hati akoe nanti tang- kep itoe orang." saoet Bong Loan ,,Dan nona toenggoe di tempat jang sedikit djaoe, sabentar kita orang balik poela boeat berkenalan."

Sembari kata begitoe Bong Loan dan Tjeng Bwe minggir, kasi In Liong liwat. Tiada lama itoe brapa orang jang mengedjer telah sampe di sitoe, di mana ia-orang telah dipegat oleh Tjeng Bwe dengen sepasang roejoeng di tangan kiri dan kanan. Itoe doea orang dipegat tjara begitoe djadi mara sekali, tapi sebab liat doea orang jang mamegat roepanja begitoe angker ia merasa tiada oengkoetan boeat bikin penjerangan, maka berdoea laloe pergi tengokin Tjiok Go, dan balik kombali bersama-sama itoe Tauw-Bak dan laen- laen orang kawannja.

Tjiok Go lantas bri tanda pada rahajatnja boeat menjerang pada itoe doea orang, hingga di saat itoe sigra terdjadi satoe pertempoeran jang seroe sekali. Ko Siotjia dengen pedang, samentara Tjeng Bwe dengen roejoengnja, ini doea orang soeda bisa melawan begitoe bagoes pada moesoenja jang ada berdjoembla lebi besar. Satelah serang menjerang koetika lamanja, koenjoeng-koenjoeng brapa rahajat begal bertreak ngeri, kerna liat Tjiok Go terdjoengkel dari atas koedanja. Itoe Tauw Bak soeda djadi korban pedangnja Ko Bong Loan.

Tjeng Bwe mengamoek lebi keras, binasaken brapa rahajat bega! sampe tiada ada satoe jang katinggalan, katjoeali jang bisa liat gelagat dan siang-siang telah melarikan diri.

„Itoe goenoeng jang kaliatan dari sini tentoe ada djadi sarangnja ini orang-orang pendjahat boleh djadi djoega di sana masi ada berkoempoel laen-laen kawannja.” kata Tjeng Bwe sembari memandang ka djoeroesan goenoeng Jauw Taij.

„Akoe poen doega begitoe.” kata Bong Loan djoega sembari memandang ka itoe goenoeng: Sajang sekali kita tiada pimpim balatentara, tjoba kaloe ada pasoekan prang, kita orang bikin penjerangan ka tempatnja itoe perampok, dan bila maksoed kita berasil tentoe pamerenta briken gandjaran, dengen apa boleh teboes dan ringanken Loija poenja kadosaän.”

„Djikaloe Siotjia ada mengandoeng niatan begitoe, itoelah ada maksoed jang sanget ketjil, jang tiada nanti bisa menoeloeng bagi kita poenja oeroesan jang besar” kata Tjeng Bwe: „Toeroet akoe poenja pikiran, baeklah toenggoe di satoe tempo negri ada terbit hoeroe-hara, di sitoe ada masa jang baek boeat Siotjia toeroet ambil bagian. Siotjia djadi Goanswe, akoe djadi Sianhong. Sabisa-bisa Siotjia diriken pahala aken dapet gelaran Houw (radja-moeda), kaloe beroentoeng bisa dapet itoe, baroe dateng temponja boeat angkat Loija dari kasoesaännja. Dengen tjara begini, boekantah ada lebi baek?”

Mendenger perkataännja ini boedak jang setia, Bong Loan laloe mengela napas. Ia kata; ,,Kau poenja pikiran ada sampe bagoes, tjoema sajang apa itoe tempo jang baek nanti boeka djalan atawa tiada bosal sampeken kita poenja niatan.. .... Tapi, soedalah, mari kita ketemoeken itoe nona jang tadi, jang brangkali dengen kesel menoenggoein kita poenja dateng."

,,Kita toch ada poenja oeroesan laen" kala Tjeng Bwe: „Kita soeda bri toeloengan padanja ini moesti dibilang ada perboeatan baek hati maka boeat apa sampe begitoe perloe tengok lagi padanja."

,,Boekan begitoe, Tjeng," kata Bong Loan poela, kala, dan itoe orang tadi, sama-sama ada golongan prempoean. Pribasa ada kata: Boeroeng Hong mati, boeroeng helang toeroet berdoeka tjita. Begitoe djoega boleh disamaken dengen kita poenja keadaän sekarang. Akoe tjoema perloe maoe taoe she dan namanja itoe orang, asal dari mana dan sebab apa djalan sendirian dalem ini oetan."

Satelah dengen nonanja bilang begitoe, Tjeng Bwe tiada brani membanta lagi, maka ia berdoea lantas menjoesoel ka itoe tempat, di mana tadi In Liong telah brenti. Tapi koetika sampe di sana, ia tiada dapetken itoe orang maoe poen siapa djoega. Tadi, boeat sabentaran, memang bener In Liong ada menoenggoe di sitoe; tetapi sebab kamoedian ia dapet laen pikiran dan taro tjoeriga itoe doea orang djoega ada golongan pendjahat, maka begitoe lekas ia soeda hrangkat lagi.

,,Liat, itoe orang jatalab tiada ada poenja priboedi maski sedikit djoega!" menggrendeng Tjeng Bwe sasoeda dapet kenjalaän orang jang disoesoel tiada ada: „Kita soeda toeloeng padanja boekan menoenggoe boeat bilang trima kasi, hanja pergi maboer dengen tiada ketaoean ka mana perginja!"

Bong Loan djoega oendjoek roepa koerang senangnja, tapi kamoedian dengen roepa sangsi ia tnemanja pada Tjeng Bwe: „Begimana kau poenja pengliatan, apa itoe orang jang tadi sasoenggoenja ada orang prempoean? Akoe taro tjoeriga ia ada orang lelaki, kerna tempo berkata- kata swaranja ada laen dengen kita."

,,Kaloe nona doega begitoe, boeat apa kita tjoeriga lagi,,,kata Tjeng Bwe jang menetepken doegaän nonanja: „Akoe poen tiada maoe pertjaja ia orang prempoean; kakinja besar, di koepingnja tiada periasan dan djoaga tiada ada tanda apa-apa. Ini semoea akoe liat njata dan sasoenggoenja ia ada orang lelaki!"

,,Njatalah kau ada lebi memperhatiken dari pada akoe,,,kata Ko Siotjia sembari tertawa. ,,Tapi toch roepanja benar begitoe. Nona poenja implan jang semalem ini boleh diambil boekti kedjadiannja."

Bong Loan oetjapken brapa perkataän seraja benerken omongannja Tjeng Bwe, kamoedian ia adjak ini boedak djalan lebi djaoe. la-orang djalan dengen ambil djalan di bawa kaki goenoeng Jauw Taij, dalem perdjalanan mana sasoedanja melaloei kira-kira ampat poeloe li djaoenja baroe ketemoe roema penginepan dan menginep di sitoe.

Esok pagi-pagi brangkat lagi, ampir sore telah sampe di kota Ko Souw, di mana kombali iaorang menginep dalem satoe roema makan di sana.

Sorenja, selagi Bong Loan dan Tjeng Bwe doedoek bersantap, koenjoeng-koenjoeng di loear kadengeran swara riboet, tiada selang sedikit lama kamoedian masoek lima orang, dengen diikoet oleh pengoeroes roema menginep. Ampat orang dari marika rata-rata berpakean politie, sedeng jang satoe perpakean biasa, tapi tangannja di'iket. Ko Siotjia delengken matanja meliatin itoe orang-orang jang baroe sampe, dan ini gadis poen sigra dapet deega, itoe ampat orang politie ada pengiring dari itoe satoe persakitan.

Satelah liat orang-orang itoe soeda masoek dalem saloe kamar di laen roewangan, Bong Loan lantas berkata pada Tjeng Bwe: ,,Kau liat tiada itoe orang moeda jang di'iket baroesan liwat di sini?"

,,Liat, tapi tiada teges beloel. Kenapa?" kata Tjeng Bwe sendiri bales menanja.

„Akoe liat itoe orang roepanja begitoe alim, hingga membikin akoe merasa heran, kenapa ia di'iket begitoe roepa." kata poela Bong Loan jang menjataken pengliatannja. „Tjoba sabentar akoe pergi jari taoe, dan angkau toenggoe sa- dja di sini."

Tiada lama lagi ia soeda slese bersantap dan ialve pergi ka itoe kamar, di mana tadi itoe orang- orang masoek. la berdiri di pintoe dan hadepken satoe dari itoe ampat oppas dengen berkata:

,,Ong Touw Tauw, begitoe lama akoe baroe ketemoe lagi, dan ini kau maoe pegi ka mana?"

Itoe oppas angkat moekanja dan kata: Akoe boekan she Ong hanja she Pa. Akoe rasa Houban kliroe!

Bong Loan meliatin orang poenja roepa selakoe maoe mengenali, dan sembari katain diri sendiri ia kala:,,Sasoenggoenja akoe soeda djadi kliroe, sebab kau poenja roepa mirip sekali sama Ong Touw Tauw! Tapi boeat ini sedikit kesalaän harep kau tiada djadi ketjil hati:"

,,Oh, tiada, tiada sama sekali, Houhan!" kata itoe oppas dengen tertawa.,,Doedoeklah, orang di doenia memang roepanja banjak jang sama, hingga satoe tempo bisa menerbitken kakliroean." Ko Siotjia berdoedoek, samentara boedjang roema makan masoek di sitoe dengen menanja:

,,Sobat-sobat, apa soeka makan arak dan daging?"

,,Ja, kasi kita orang arak jang baek dan brapa piring daging," saoet Bong Lean, ini semoea orang aken bakal djadi akoe poenja sobat, maka panteslah kaloe akoe berlakoe sedikit lojar soegoeken arak pada ia-orang."

Itoe oppas semoea ada pande dalem perkara minoem arak, maka tempo denger Bong Loan begitoe baek soeka soegoeken arak, hatinja masing-masing djadi sanget girang.

,,Ini ma'em kita rame rame ada sanget beroentoeng!" kata itoe oppas-oppas.,,Itoe kita poenja sobat baek, sekalipoen baroe perna bertemoe soeda berlakoe lojar sekali!"

,,Orang di doenia semoea ada mendjadi kita poenja soedara, inilah boeat apa diboeat heran." kata Bong Loan sembari tertawa, sedeng dengen itoe maksoed sabenernja ia ada mengandoeng niatan apa-apa dalem hatinja.

Tiada lama lagi itoe boedjang roema makan soeda ateer arak dan brapa piring daging di atas medja, dikapalaken oleh Bong Loan itoe brapa oppas laloe moelai doedoek makan minoem dengen segala soeka hati: Blon berselang brapa lama brapa botol arak soeda djadi kosong, itoe ampat oppas djadi mabok keras. Tapi Bong Loan

Ko Teng jan

65

tiada mabok, kerna ia minoem dengen sakedarnja sadja

Koetika itoe Bong Loan menghamperi menoleh ka blakang, seraja menanja she dan namauja itoe orang moeda jang di'iket langannja, tapi sablonnja jang ditanja menjaoet, itoe oppas doeloeken berkata: „Kaloe Houhan soeda denger namanja ini orang moeda tentoe aken djadi kagoem. Ia ini ada provincie Kang Lam poenja djago moeda, Boe Hoei Ong Tjo Loija poenja tjoetjoe, jang terkenal dengen nama Tjo Kheng alias Boen Pa.”

„Ob, ja, akoe poen rasanja soeda perna denger itoe nama jang moelia," kata Bong Loan pada itoe oppas, tapi harep sobatkoe djangan menggretjoken, biarlah akoe bitjara leroes padanja.”

Seabisnja kata begitoe, Bong Loan geser korsinja dan laloe moelai bikin pertanjaän pada itoe orang moeda, jang sasoenggoenja Tjo Kongtjoe sendiri. Atas ini pertanjaän, dengen tiada semboeniken resianja Boen Pa sigra toetoerken satoe persatoe dari awal sampe diachir tentang ia poenja perdjalanan sama Kou Kongtjoe; dan bri taoe djoega dari lantaran apa maka ia kena ditangkep dan berpisaän sama itoe temen jang ia soeda belaken dengen sagenep tenaga dan djiwa.

Mendenger begitoe hatinja Bong Loan djadi bergontjang keras, tapi sabisa-bisa la tetepken hatinja dan tiada kasi kentara ia poenja jang tiada enak berhoeboeng dengen orang poenja tjerita Djoega dalem hatinja lantas mendoega, itoe orang jang ia katemoeken tadi siang di goenoeng Jauw Taij pasti In Liong adanja. Sasoeda lajangken pikiran sakoetika lamanja, sekarang dateng gilirannja Ko Siotjia merasa kwatir pada Tjo Kongtjoe. Ia mengarti, berhoeboeng dengen itoe pemboenoean di Ngo Siong San dan sekarang soeda kena ditangkep, biar begimana djoega nistjaja ini orang moeda tiada aken teroepoet dari hoekoeman mati, menginget begimana besar itoe bahaja jang mengantjem atas dirinja itoe orang moeda, bahaja mana soeda terbit dari lantaran belaken Kou Kengijoe, maka dalem hatinja Bong Loan timboel niatan apa-apa boeat goenanja itoe orang moeda.

„Sasoenggoenja tiada sala sebagimana sobat-sobat bilang, Tjo Ja ini betoel ada satoe pamoeda dan gaga jang haroes di pandang tinggi!” kata Song Loan pada itoe oppas-oppas. „Toeroet atanja, ia maoe dibawa pada pembesar di Djin o ini kabetoelan sekali, kerna akoe poen maoe pergi ka sana boeat tengok familie.”

Itoe oppas-oppas satoe poen tiada ada jang menaro tjoeriga atas dirinja Bong. Loan, maka dengen berbareng laloe menjaoet dan njalaken tiada merasa kaberatan boeat djalan bersama-sama. Sampe djaoe malem baroe Bong Loan balik ka kamarnja, dan kasi taoe pada Tjeng Bwe siapa adanja itoe orang moeda dan bri taoe djoega ia poenja maksoed aken membri pertoeloengan.

Begitoelah pada esok pagi, sasoeda bikin beres peritoengan sama pengoeroes roema makan, Bong Loan dan Tjeng Bwe brangkat djalan bersama-sama itoe sekalian oppas jang mengiringken grobak persakitan. Di hari pertama dan teroes sampe hari jang ka doea ia orang djalan di tempat-tempat jang rame, sampe hari jang ka tiga baroe moelai melintasin oetan atawa boelakan jang soenji.

Di itoe hari baroe Bong Loan merasa senangan dari pada doea hari jang soeda liwat, di mana ia soeda memboeang tempo dengen tiada bisa berboeat apa-apa. Betoel di waktoe tengari ia orang sampe di bawa satoe poehoen besar, di sitoe Bong Loan adjak itoe oppas brenti mengaso. Satelah ilangken tjape kira-kira satoe djam lamanja, itoe oppas-oppas mengadjak brangkat lagi.

„Toenggoe sabentaran!" kata Bong Loan sembari bangoen, „Sobat-sobat tjoema kenal akoe poenja roepa tapi tiada kenal begimana dengen akoe poenja permaenan silat, maka baeklah akoe oendjoek dan silaken kau saksiken."

Sedeng itoe oppas-oppas njataken setoedjoe, adalah Bong Loan jang soeda bersedia dengen sigra kasi oendjoek permaenan silatnja sama ia poenja pedang hingga orang-orang jang menjaksiken telah poedji dan menjataken kagoem atas la poenja kepandean.

„Apa jang akoe oendjoek itoelah masi blon tjoekoep diboeat heran," kata Bong Loan sembari menghampiri satoe batoe besar jang terletak di bawa poehoen.

,,Ini batoe dan dengen ini pedang," begitoe ia kala lagi: „Dengen sekali batjok akoe bisa bikin koetoeng doea!"

,,Ah, itoelah kita orang tiada pertjaja!" kata itoe oppas-oppas.

Bong Loan tiada berkata lagi hanja laloe boek. tiken ia poenja omongan: Dengen sekali tabas bener ia soeda bikin poetoes itoe batoe besar, hingga boeat ini kepandean boekan sadja itoe oppas-oppas, Tjo Kongtjoe djoega toeroet menjataken kagoemnja.

„Soedakah kau semoea menjaksiken akoe poenja nja kepandean?" Begitoe Ko Siotjia menanja dan pandang itoe oppas-oppas: „Sekarang akoe anja: „Apa kau sekalian poenja koelit dan oeloeng ada melebiken koeat dari itoe batoe?"

,,Bolehnja mengatjo," kata itoe oppas oppas sembari tertawa, kita orang ditjipta oleh Allah dengen toelang aloes dan koelit jang begitoe tipis, maka begimana maoe disamaken dengen batoe!" -,,Baek. Sekarang akoe ada poenja permintaän, blon taoe kau bisa meloeloesken atawa tiada?"

-,,Permintaan apa? Tjongsoe soeda berlakoe begitoe baek, apa jang di prenta kita orang nanti lakoeken dengen lantas.

Ko Siotjia sigra menoendjoek pada Tjo Kongtjoe dan kata lagi: Kau djangan tiada mendapet taoe, itoe persakitan ada akoe poenja soedara misan, maka akoe ikoetin sampe di sini perloenja boeat toeloeng padanja. Dengen tjara baek akoe minta kau soeka lepasken itoe orang, boeat boedi mana kamoedian hari tentoe dibales sebagimana moestinja. Tapi djika akoe poenja permintaan tiada diloeloesken, djangan bilang keliwatan; itoe batoe soeda membri tjonto begimana nanti terdjadi dengen kau poenja kapala!"

Mendenger itoe perkataan ini oppas-oppas djadi sanget kaget, begitoe kaget sebagi djoega gledek samber kapalanja, Seperti bisoe ia orang tiada bisa menjaoet, hanja saling maen liat liatan sama. kawannja sendiri. Tjo Kongtjoe denger njata perkataännja Bong Loan baroesan, maka sekarang. boekan sadja ia kagoemin kegagaän dan kepandeannja, djoega ia poedji dari kabedjikan dan kebaekannja.

Lama djoega itoe oppas tinggal diam sadja, hingga dengen mengantjem Bong Loan mintá lantas dibri djawaban pasti atas la poenja kahendak, hingga itoe oppas kaliatan djadi sangsi. Maoe meloeloesken in boekan moestinja, tiada maoe meloeloesken dan bikin perlawanan, tetapi merasa tiada oengkoelan boeat melawan itoe moesoe jang soeda berboekti ada mempoenjai kepandean tinggi. Lagi ia merasa ngeri pada Tjeng Bwe, jang dari tadi meliatin sadja dengen sorot mata berapi.

Sala satoe dari itoe oppas sigra dapet pikiran jang dirasa aken bisa menjega orang poenja kahendak. la sigra berloetoet di kakinja Bong Loan dengen berkata: "Tiongsoe poenja permintaän soeda tentoe kita orang loeloesken, apapoela Tjo Ya ada djadi kau poenja familie. Aken tetapi Tjongsoe moesti pikir baek-baek, akoe telah diprenta bawa itoe orang ka Djin Ho, maka boeat lepas padanja ini akoe tiada berkwasa, malah akoe bakal trima hoekoemán. Apabila Tjongsoe kaoe memaksa djoega, lebi doeloe binasaken kita orang berampat, dengen begitoe tiada menodaken kita orang poenja nama sebagi orang politie jang djoedjoer!"

,,Hm, omongan apa itoe!" menjentak Tjeng Bwe jang kaliatan djadi mara tempo denger perkataännja: Siotjia tiada moesti denger dan toeroet obrolannja marika itoe. Orang-orang politie boleh dikatjoealiken jang pegang dan djalanken keadilannja dengen beloel; boekan djarang kita orang dapetken hamba-hamba politie jang tjongkak dan galak, poekoel orang seperti poekoel andjing, sedikit poen tiada merasa kasian pada orang jang dipandang sebagi persakitan. Sekarang marika sengadja minta-mati biarlah akoe nanti anterin djiwanja pada melaekat maoet!"

Berbareng dengen itoe perkataän Tjeng Bwe madjoe ka depan dan hendak adjar marika itoe satoe persatoe dengen roejoengnja, tapi perboeatan ini ditjega oleh Bong Loan.

---

Ampat orang politie tiada bisa
berdaja dari perboeatannja
doea djago prempoean.— Tjo
Kongtjoe terlepas dari kasoesaännja.

---

Tjeng Bwe jang soeda djad! mara bermoela tiada maoe mengarti kahendakanja ditjega, tapi tempo Bong Loan bisikin perkataan aloes di koepingnja ia kaliatan djadi girang dan tertawa keras. la lantas menghamperi grobak persakitan dan ambil brapa potong tambang peranti menjangtjang koeda. Itoe oppas-oppas dapet tebak maksoednja itoe doea orang, maka satoe persatoe laloe bersiap aken melariken diri. „Ha, kau maoe lari!" kata Tjeng Bwe jang dapet liat gerakannja marika: „Akoe kasi mengarti, satindak sadja kau oendoerken diri atawa sadja kau melawan, ini roejoeng nanti bikin antjoer tengkorakmoe!"

Antjeman Tjeng Bwe soeda berasil baek, kerna dengen tiada melawan ampat orang politie soeda diringkoes, begitoe djoega koesir grobak persakitan soeda tiada terloepoet dari blebetan tambang. Bermoela marika tiada dapet mengetahoei dengen maksoed apa dirinja diringkoes bagitoe, tapi satelah taoe jang ia-orang maoe digantoeng di itoe poehoen, satoe persatoe laloe meratap minta ampoen.

„Tjongsoe, kasianin djiwanja kita orang, kerna di sini djarang ada orang, hingga satoe persatoe boleh djadi mati kelaparan.........."

Ko Siotjia tiada ladinin ratapannja marika itoe, hanja bersama Tjeng Bwe lantas tjangtjang itoe lima orang, antaranja doea jang paling naäs telah digantoeng ditjabang poehoen.

„Tiwas! matilah kaloe kita orang ditjangtjang tjara begini!" begitoelah ini kawanan pengetjoet meratap lagi, antara mana ada djoega jang soeda djadi mewek: „Lepas dan kasianlah pada kita orang, Tjongsoe; berboeat amal akoe rasa adabanjak kebaekannja."

„Kaloe dilepas tentoe kau masing-masing ngiprit poelang lapor pada toeanmoe! kata Bong Loan.

,,Tida! kita orang tiada brani!" kata marika dengen riboet:,,Kaloe Tjongsoe tiada pertjaja kita orang soempa biar................."

„Soeda, kau djangan banjak rewel, pengetjoet!" menjentak Tjeng Bwe jang potong orang poenja omongan. la ambil satjekelan roempoet kering, dan satoe persatoe dengen roempoet ia soempel. moeloetnja marika itoe.

,,Bisatah sekarang angkau mengotje lagi seperti tadi?" menanja Tjeng Bwe dengen roepa gemes, hingga Tjo Kongtjoe jang meliat itoe perboeatan merasa tiada tahan aken tiada tertawa. Lebi lagi koetika angin menioep kentjeng, bikin itoe orang- orang jang digantoeng bergojang pergi dateng seperti barang permaenan kaliatannja.

,,Sekarang angkau rata rata baroe taoe rasa!" kata Tjeng Bwe dengen tingka loetjoe: „Biasanja kau paling bertingka, laga agoeng agoengan, tapi sekarang djadi anak-anakan!"

Kamoedian grobak persakitan lantas diboeka dengen koentji jang lebi doeloe soeda diambil oleh Tjeng Bwe dari sakoenja sala satoe itoe ampat oppas. Tjo Kongtjoe poen dikaloearken, borgolan jang mengiket tangannja djoega lantas disingkirken. Boeat oendjoek ia poenja trima kasi atas itoe pertoeloengan, itoe orang moeda lantas berloetoet di tana. ,,Djiwie soeda menoeloeng dirikoe jang bakal mendjadi korban kematian, inilah ada boedi besar jang akoe nanti djoengdjoeng tinggi dari pada segala apa." ia kata: Akoe minta soepaja dibri tace she dan namamoe jang moelia, soepaja kila orang bisa beromong-omong dengen laloeasa."

,,Akoe she Jam nama Heng Kioe, dan ini ada akoe poenja soedara moeda," menjaoet Bong Loan, Tjo Heng ada orang gaga jang aseli, tiada soeka liat orang dibikin tjilaka, maka tiada oesa diboeat heran dengen kita orang poenja perboeatan dalem hal ini."

Bong Loan laloe bangoenken itoe orang moeda dengen berkata:,,Sekarang kita orang tiada boleh tinggal lama di sini, paling baek tjepet brangkat djalan, soepaja tiada dapetin laen halangan jang tiada enak."

Tjo Kongtjoe bilangan baek, samentara Tjeng Bwe soeda sediaken satoe koeda poenjanja itoe oppas dan silaken ini orang moeda doedoekin. Koetika orang-orang ini soeda ada di atas koeda, itoe oppas-oppas jang tiada beroentoeng telah berontak-rontak dari iketan, ia orang tiada bisa berkata-kata dengen teges, tapi dari gerakannja ada membri njata, dengen sanget marika minta, dilepasken.

"Kita tiada bisa berboeat laen dari pada antepin kau orang dalem keadaän begini. ,,kata. Bong Loan Sekarang tjoema bergantoeng afas kau masing-masing poenja peroentoengan. Djika begitoe lekas dalem satoe doea hari ini ada orang djalan di sini, idoeplah angkau semoea, tapi kaloe teroes meneroes tiada, biarlah kau djadi setan jang kelaparan!"

Sedeng kata begitoe Bong Loan petjoet koedanja dilariken kentjeng perboeatan mana ditoeroet oleh Tjo Kongtjoe dan Tjeng Bwe. Ini tiga orang berdjalan dengen ambil haloean ka djoeroesan Barat-Oetara,

---

Baroe ketemoe kepaksa
berpisa lagi. - Membri pertoeloengan
mendeketin perkenalan.

---

Dengen hati mentjelos itoe orang-orang politie jang latjoer meliatin brangkatnja itoe tiga orang, jang tiada lama kaliatan membiloek pada satoe tikoengan dan terlinjap dari pemandangan marika. Ratapan dan swara tangis terdenger lagi, sedeng koesir kandaran ada paling penasaran seselken pada itoe oppas oppas dan bilang: lantaran ia orang poenja katemahaän maka menerbitken ini katjilakaän.

Ini orang orang boleh djadi aken teroes tergantoeng dan mati di sitoe kaloe tiada tjepet ada ang menoeloeng. Beroentoeng djoega bagi ia orang kerna besoknja telah dapet toeloengan dari satoe orang jang kabetoelan liwat di sitoe, hingga marika bisa poelang dan bri lapor itoe perkara pada Tikoan.

Tiada berselang lama lagi di sana sini telah tersiar warta, bahoea pembesar di Tjiauw Boen. ada siarken soerat maloemat boeat tangkep itoe doea orang, Jang soeda lepasken orang tawanan dan bikin soesa orang-orang politie di satoe oetan dalem bilangannja.

Biarlah kita tinggalken sadja oeroesannja itoe orang-orang politie, sekarang kita balik liat pada itoe tiga orang, jang di itoe hari sasoedanja djalan bebrapa blas li djaoenja telah brenti mengaso di tenga djalan. Kombali di sini Tjo Kongijoe oelangin lagi ia poenja trima kasi pada itoe doea orang, samentara Bong Loan poen beroelang oelang menerangken, apa jang ia berboeat tiada lebi dari perboeatan jang soeda moestinja.

Dan roepa roepanja Ko Siotjia maoe tjoba hatinja itoe pameeda, kerna ia soeda sengadja poeter balik omongnja dan kata: "Harep Tjo Heng tiada djadi ketjil hati, akoe ini sabenernja boekan she Jam dan djoega boekan bernama Heng Kioe. Akoe poenja she dan nama jang sedjati dipanggil Loan Bong Ko; djikaloe pertama akoe semboeniken itoe nama ini boekan dari sebab kerna slempang itoe orang-orang politie dapet denger dan gampang tangkep pada kita orang."

Seabis kata begitae Bong Loan lirik moekanja Tjo Kongtjoe, tapi ia dapet kenjataän moekanja itoe orang moeda tiada beroba. Tegesnja ia tiada mendoesin dengen itoe nama jang baroe di seboet tadi.

,,Djoega akoe maoe menanja, Tjo Heng poenja temen jang menjaroe prempoean apa boekan itoe orang jang pake badjoe berwarna idjo toenggang koeda item?" Menanja Bong Loan lebi djaoe.

,,Ja, betoel dia!" saoet Tjo Kongtjoe. .,Kenapa Loan Heng laoe dan di mana soeda ketemoe padanja?"

Bong Loan lantas toetoerken apa jang soeda terdjadi kemaren di deket goenoeng Jauw Taij, hingga ini orang moeda kallatan djadi girang dan kombali ia hatoerken trima kasi atas itoe pertoeloengan jang di hatoerken pada temennja.

,,Sekarang Tjo Heng niat maoe pergi ka mana?" begitoe kamodian Bong Loan menanja lagi.

-,,Akoe tetep maoe pergi ka kota Gan Boen Koan di roemanja Haij Tjongtin, sama siapa sobatkoe ada terkena familie."

-,,Sablonnja dapet tjari pada itoe sobat tentoe Tjo Heng tiada aken pergi ka sana. Apa kau ada poenja onkost boeat di djalan?"

-,,Akoe poenja oewang semoea di taro di dalem boengkoesan jang di iket pada sela koeda, dalem akoe poenja sakoe sekarang tiada ada sekeping oewang!"

Bong Loan tiada berkata lagi, tapi laloe boeka boengkoesannja, kaloearken tiga poeloe tail perak dan seraken itoe di tangannja Tjo Kongtjoe dengen berkata: Trimalah ini sedikit oewang boeat Tjo Heng poenja onkost di djalan. Akoe doaken biarlah kau bisa tjepat dapet bertemoe lagi sama Kou Kongtjoe dan berkoempoel lagi seperti biasa; sabenernja akoe ingin bergaoel sateroesnja bersama-sama Tjo Heng, tetapi lantaran kita orang masing-masing ada poenja oeroesan jang perloe, maka terpaksa baroe bertemoe soeda moesti berpisa lagi."

Tjo Kongtjoe samboet itoe pembrian seraja hatoerken trima kasi, kamodian dengen mengoetjoer aer mata ia tinggalken itoe doea orang, jang djoega telah brangkat tapi laen haloeannja. Kita ikoetin teroes ini doea orang, jang dalem perdjalanannja ada terdjadi brapa hal penting jang perloe aken pembatja mengetahoei: Sasoedanja djalan doea hari lamanja, pada soeatoe hari Bong Loan telah sampe di pinggir satoe kali jang besar, di mana ada djaoe roema-roema orang.

Koetika itoe matahari soeda ampir silem, hingga membikin bingoeng pada ini doea orang jang blo dapet' tempat menginep maskipoen saboea gojelak ketjil djoega. Membikin terlebi binge bagi ini doea orang, adalah mendadak-dadak langit djadi mendoeng, kilat dan gotatoer saban-saban kasi denger swaranja, samentara angin Baret menioep begitoe santar, membikin aer kall djadi berombak keras. Semingkin lama ada mengasi pengliatan lebi njala, jang tiada lama poela dari langit aken toeroen oedjan besar. ,, Wah! kita bakal djadi ketimpa oedjan, kaloe tiada tjepet tjari tempat menedoe!" kata Tjeng Bwe.

,,Tjoba kita orang madjoe lagi ka deket pinggiran kali, brangkali ada prace pake goeboek boeat menedoe." Saoet Bong Loan jang djoega soeda djadi bingoeng dan tiada taoe begimana moesti berboeat aken lindoengin dirinja.

Sigra ini doea orang soeda ada dipinggir kali, di mana ia meliat di sepandjang pinggiran. Koenjoeng-koenjoeng Tjeng Bwe bertreak girang:

,,Itoelah di sana ada berlaboe brapa praoe, mari kita orang samperin!"

Bong Loan djoega soeda dapet liat itoe brapa boea praoe jang berlaboe di pinggiran sebla kidoel, maka dengen girang ia orang lariken koedanja menoedjoe ka sana. Dengen tiada preksa lagi apa itoe praoe ada kandaran sewaaän atawa boekan Tjeng Bwe lantas bertreak: "He toekang lekas-lekas kau pasang djembatan: Kita bergousantjongan dari tempat laen dan maoe noemhatinja damalem dalem praoe................!" Blon abis Tjeng Bwe berkata, di dalem praoe kadengeran swara orang memaki dan omongan ini boleh djadi kaloear dari moeloetnja toekang- toekang praoe: Apa matamoe boeta! Itoe merk besar di kepala praoe apa kau tiada liat? Ini ada praoenja Tihoe Loija, boekan praoe sewaän siapa maoe trima kau menginep di sini!"

Jang ada dalem itoe praoe atawa lebi betoel di bilang jang poenja itoe kandaran, jalah Sam Ho Tikoan Tio Liang Tong, jang baroe Idi angkat mendjabat pangkat Tihoe di Kang Tjioe, dan itoe tempo ia-orang bersama anak istri serta boedjang- boedjang ada dalem perdjalanan boeat lakoeken kewadjibannja di sana. Tio Tikoan ini ada saorang jang baek dan manis boedi basanja; boektinja blon brapa lama ia di pakerdjaken sebagi Tikoan di Sam Ho, dengen Besluit-radja ia telah diangkat ka dalem itoe djabatan jang lebi besar, hingga berhoeboeng dengen ini perminta'a ka laen bilangan, pendoedoek Sam Ho Koan telah kailangan satoe pembesar jang arif bidjaksana.

Tatkala itoe toekang praoe oetjapken perkata'an kasar pada itoe doea orang jang minta noempang brenti, perkata'an ini telah di denger oleh Tio Tihoe hal mana bikin hatinja ini pembesar djadi koerang senang. Ia berdiri di depan pintoe kamarnja dan dengen perkata'an pedes tapi mengandoeng nasehat ia bri tegoran pada itoe laksamana praoe jang tiada taoe adat.

Ko Teng Tian

60

„Biarpoen siapa djoega, tinggi dan renda menoesia itoe tiada ada perbedaännja." Begitoe katanja Tio Tihoe: „Itoe orang minta menoempang dengen baek, ini tiada pantes kau kasi denger penjaoetan begitoe! Inget, laen kali kau djangan bikin lagi ijaranja perkata'an jang begitoe matjem!"

Tio Tihoe laloe prenta boedjangnja pasang djembatan kajoe, dan atas ia poenja prenta, itoe doea orang naik ka dalem praoe sasoeda tambat masing-masing poenja koeda di tjabang poehoen. Lebi doeloe ini doea orang sampeken trima kasi pada itoe pembesar jang begitoe baek boędi, sasoedanja baroe benaken barang-barangnja dan ambil tempat boeat berbaring.

Bong Loan liat, dalem itoe praoe boekan sadja ada banjak boedjang lelaki dan prempoean, djoega laen bagian praoe ada berkoempoel brapa blas orang millitair jang bersendjata jang di pakerdjaken sebagi pelindoeng atas keslametan orang-orang dalem itoe praoe.

Oedjan telah toeroen koetika itoe doea orang soeda ada di atas praoe. Baroe sadja Bong Loan maoe rebaken dirinja, satoe boedjang lelaki dengen bawa rantang bagoes dateng ka sitoe.

„Loija slempang Djiwie blon makan, maka ia prenta akoe bawa ini makanan dan arak, harep soeka di dahar apa jang ada." Kata itoe boedjang sembari taro rantangnja di papan praoe dan ia lantas pergi lagi.

Gadis kita dan boedaknja jang memang ada merasa lapar, tiada tempo lagi lantas boeka toetoepnja rantang, di mana ada terisi tiga piring daging dan satoe piring berisi brapa boea-boea; itoe daging baoenja sedep sekali, sedeng lezatnja poen tiada oesa dikata, hingga dengen bernapsoe ini doea orang lantas bersantap.

Sang oedjan seabisnja menjirem boemi sabentaran lantas brenti dengen tiada toeroen lagi. Langit sanget bresi, bintang poen banjak, sedeng remboelan djoega tiada maoe katinggalan boeat bantoe kasi pemandangan bagoes di itoe malem, kerna koetika itoe jalah di boelan Pe Gwe lima blas. Sinarnja boelan jang jang gilang-goemilang ada menjorotin roempoet roempoet dan pada daon-daon poehoen jang masi basa dengen aer oedjan, hingga saban saban mengasi liat berkredepnje sebagi batoe permata jang mahal harganja.

Itoe tempat jang memang terpisa djaoe sama roema roema orang pada itoe malem ada soenji sekali, di sana-sini tiada kadengeran soeara apa- apa katjoeali swaranja binatang ketjil jang sedeng mentjari makan dan swara brombaknja aer jang di tioep angin.

Di itoe malem poenja pemandangan jang begitoe bagoes, soeda bikin Bong Loan dan Tjeng Bwe tiada dapet rasa mengantoek, hanja dari sore teroes sampe djaoe malem masi mengobrol dengen asik di kapala praoe. Dengen sakoenjoeng-koenjoeng Bong Loan koetik tangannja Tjeng Bwe dan mengoendjoek ka satoe djoeroesan, di mana la dapet liat berklebatnja bajangan orang. Ampir berbareng dengen itoe pengliatan, kadengeran djoega swara soeitan moeloet.

,,Denger, Tjeng," kata Bong Loan pada Tjeng Bwe, dan ini boedak sigra bangoen dengen bersiap. Toe'pa sekarang kaliatan njata, itoe sakawan orang roepanja ada mengandoeng niatan jang koerang baek. Ati-ati, kita moesti djaga padanja!"

Bener djoega dari djoeroesan jang dioendjoek oleh Bong Loan ada mendatengin kira-kira brapablas orang, jang lantaran di terangin oleh remboelan ada kaliatan njata, marika itoe satoe persatoe ada pegang sendjata tadjem. Koetika soeda dateng deket ka prace baroe didapet kenjataän, orang-orang itoe ada kawanan perampok jang maoe rampas oewangnja Tio Tihoe dalem itoe praoe.

Meliat djoemblanja itoe orang banjak djoega maski poen betoel Bong Loan dan Tjeng Bwe tjoekoep taba boeat menerdjang pager sendjata, tapi di itoe waktoe tiada oeroeng hatinja merasa bingoeng djoega., Djika di darat ini tiada membikin hatinja merasa iboek; tetapi ia ada di atas praoe, di mana ia blon biasa lakoeken perklaian. Tapi ini rasa bingoeng begitoe lekas dapet disingkirken, kerna di sitoe Ko Siotjia dapet ingetan pada ia poenja sendjata Liong Bwe Kim, sendjata mana boleh di goenaken boeat menjerang moesoe di tempat jang sedikit djaoe. Sigra ia kaloearken itoe sendjata jang berbahaja dan bersedia djoega aken menjerang pada marika itoe. Begitoelah baroe sadja itoe kawanan pendjahat maoe naek ka atas praoe, anem toedjoe orang telah roeboe di tana, kerna Liong Bwe Kim poenja besi gaetan soeda dikasi kerdja dengen sampoerna.

„Tjiongwie Hengte, awas-awas!" berseroe sala satoe dari itoe kawanan orang jang boleh djadi ada kepalanja: „Itoe di atas praoe roepanja ada orang jang mempoenjai sendjata adjaib, kita poenja kawanan soeda roeboe bebrapa orang!"

Ini kawanan ketjoe njatalah semoea ada terdiri dari orang-orang jang brani, sebab kendatipoen liat bebrapa orang temennja soeda roeboe, tapi satoe bersatoe dengen goembira menjerang ka atas praoe. Beroentoeng Tjeng Bwe jang dibantoe oleh Bong Loan soeda kasi kerdja ia poenja sepasang roejoeng dengen bagoes, sampe itoe kawanan pendjahat kepaksa lari sipat koeping dengen bawa brapa orang temennja jang dapet loeka. Tjeng Bwe maoe kedjer marika itoe, tapi Bong Loan menjega, hingga kahendak ini tiada sampe kedjadian.

Di sini tiada loepa kita bri taoe djoega pada pembatja, bahoea tempo itoe kawanan pendjahat sampe di praoe Tio Tihoe soeda meudapet taoe, dan soeda prenta djoega itoe orang-orang pendjaga mallitaire boeat bikin penjerangan. Tapi siapa taoe marika itoe semoea ada terdiri dari orang-orang pengeljoet; sebab liat djoemblanja itoe pendjahat begitoe banjak hatinja merasa keder, boekan bikin penjerangan, hanja menjoempoet. Djadi kaloe boekan dan tiada ada Bong Loan bersama Tjeng Bwe di dalem itoe praoe, blon bisa dibilang milik dan djiwanja Tio Tihoe serta laen-laen orang tinggal slamet atawa tida.

Koetika itoe kawanan ketjoe soeda boebar, baroelah ini kagem pengetjoet brani oendjoek moekanja. Tio Tihoe soeda dapet taoe kaloe dalem ini bahaja ia soeda dapet pertoeloengan dari itoe doea orang jang noempang dalem praoenja, maka ia lantas panggil Bong Loan dan Tjeng Bwe ka dalem kamarnja, di mana bersama istri dan poetranja jang masi ketjil dengen hormat silaken ini doea orang berdoedoek.

,,Beroentoeng ada kau berdoea, kaloe tiada pasti kita orang aken djadi korbannja itoe orang pendjahat," kata Tio Tihoe sembari hatoerken trima kasi, sedeng istri dan anaknja poen toeroet menjataken soekoer.

Bong Loan oetjapken perkataän renda dan njataken, ia poenja pertoeloengan jang begitoe ketjil tiada tjoekoep di boeat boeapitoetoer.- Tio Tihoe laloe prenta ambil arak dan adjak itoe doea orang doedoek minoem, Bong Loan dan Tjeng Bwe tiada bisa menampik lagi, kerna Tio Tihoe paksa keras padanja. Satelah minoem brapa ideran; satoe doedjang dateng mendjoera dan bri taoe, di loear kamar ada orang-orang pendjaga jang mace maminta ampoen, dan trima sala sebab tiada membri pertoeloengan apa-apa dalem itoe bahaja.

Waktoe itoe Tio Tihoe mara sekali dan bri tegoran keras pada itoe sekalian koertjatji.

,,Kaloe merasa diri sendiri tiada poenja kebranian dan kabisaẵn, perloe apa kamoe pegang ini pakerdjaän, sedeng setiap boelan kau ingin trima gadji-kentel!" kata Tio Tihoe: Boeat kau poenja kapengetjoetan moelai besok kaoe orang semoea brenti dan satoe persatoe moesti dihoekoem tiga poeloe rotan!"

Mendenger ini poetoesan Bong Loan merasa. kasian pada marika itoe, maka ia lantas mintaken ampoen dan berkata pada Tio Tihoe: „Akoe rasa ini orang-orang boekannja tiada poenja kebranian, tapi dari lantaran liat djoemblanja moesoe ada lebi banjak inilah, jang bikin marika tiada sanggoep melawan. Maka dari itoe, harep Taijdjin soeka membri ampoean padanja." „Tiada, akoe tiada bisa membri ampoen pada ini kawanan menoesia jang tiada poenja kebranian!” kata Tio Tihoe: „Tjongsoe liat sendiri, dalem ini kariboetan tiada ada satoe jang membri pertoeloengan!”

—„Djoestroe ia orang tiada kaloear ini ada paling baek.”

—„Sebab?”

—„Sebab kaloe kaloear, di antaranja tentoe moesti ada jang binasa, apatah Taijdjin tiada kasian pada marika itoe jang telah tiwas djiwanja? Sekarang itoe bahaja soeda liwat dengen tiada menerbitken tjilaka apa-apa, maka panteslah kaloe Taijdjin soeka membri ampoen padanja.”

Bermoela ini pembesar tiada maoe meloeloesken, tapi sebab Bong Loan meminta begitoe sanget achir achir ia menoeroet djoega. Itoe orang-orang jang dapet perampoenan merasa girang dan laloe membilang trima kasi pada Tio Tihoe dan Bong Loan, jang soeda menoeloeng serta loepoetken ia-orang dari kadosaännja.

Tio Tihoe adjak Bong Loan dan Tjeng Bwe beromong-omong lebi djaoe dan bikin banjak pertanjaän, koetika Tio Tihoe lanja ia poenja she dan asal dari mana Bong Loan bri taoe, ia berdoea orang she Lie berasal dari Gie Jang.

Kaloe begitoe Djie wie ada berasal dan satoe kampoeng dengen akoe!” kata Tio Tihoe dengen girang: „Dan tentoe kau kenal djoega sama Ko Lo Sianseng di gedong Tin Kok Hoe?“

„Ja akoe kenal.“ saoet Bong Loan. „Roemakoe tiada djaoe dari gedongnja Tin Kok Ong.“

—„Kau tinggal begitoe deket, tentoe dapet taoe siapa jang sekarang ada di roemanja Teng Tjan?“

—„Istrinja sama ia poenja anak prempoean?“

—„Laen dan itoe?“

„Tida.“

„Ah, sala!“ kata Tio Tihoe: „boekantah ia ada poenja anak lelaki jang beroesia sepoeloe taon? Kenapa kau tiada seboet?“

„Oh, ja!“ kata Bong Loan. „Tapi itoe anak pada taon jang laloe soeda ilang dengen tiada kataoean ada di mana!“

Tempo denger begitoe dari matanja ini pembesar djato ketelan aer mata. la mengela napas dengen berkata: „Soenggoe akoe tiada njana, Ko Keng orang jang begitoe baek telah dapetken itoe berbagi-bagi peroentoengan tjilaka...... Heran sekali mengapa Allah tiada membri berka pada itoe orang bangsawan jang djoedjoer dan setia?“

„Taijdjin kaliatan ada begitoe perhatiken pada Ko Loija, apa memang kenal padanja?“ menanja Bong Loan.

„Kaloe di inget itoe semoea membikin antjoer rasanja akoe poenja hati,“ saget Tio Tihoe jang djadi terlebi sedi lagi. Akoe, Ko Teng Tjan dan Kou Han Lim, di Djin Ho, bertiga telah mengangkat soedara satoe sama laen. Kita orang ada bertjampoer gaoel begitoe roekoen tiada beda seperti pada socdara sendiri, tetapi masing-masing di pindaken bekerdja, kamodian dapet kabar Ko Kong telah di boeang ka Leng Lam, sampe sekarang akoe tiada dapet taoe lagi begimana soeda terdjadi dengen dirinja."

Setelah Bong Loan denger begitoe dia rasaken hatinja seperti di iris iris, tapi sabisa bisa ia tahan. kasedian itoe.

Lebi djaoe Tio Tihoe menanja: „Dari Gie Jang sampe di sini boekan perdjalanan deket, dan sabenernja berhoehoeng dengen ini perdjalanan Dje wie maoe pegi ka mana dan ada oeroesanapa?"

,,Akoe tjoema niat maoe pasiar sadja dan ada ingetan djoega maoe pergi di Leng Lam boeal lat Ko Kong, kerna akoe poen ada menanggoeng la-poenja boedi besar," menjaoet Bong Loan.

-,,Oh begitoe. Tapi akoe kira baek oeroengken itoe niatan, sebab pergi djoega pertjoema-tjoema tiada aken bisa bertemoe."

-,,Kenapa begitoe?"

-,,Baroe-baroe ini Lu Sinsiang telah voorstel satoe aloeran baroe pada Baginda radja, jang mana soeda di trima baek. Aloeran itoe jalah dibri laoe sanak familie orang jang di hoekoem tiada di idjinken bikin pertemoean satoe dengen laen, atoeran ini ada begitoe roepa kerasnja hingga. zonder ada katjoealinja. Ini oendang-oendang soeda berdjalan tama djoega, apa kau tiada dapet taoe?"

Mendenger begitoe di sini Bong Loan tiada bisa tahan lagi kasediannja, hingga tiada terasa ia kata:

„Kaloe begini djalannja anak dan ajah tiada nanti bisa bertemoe lagi.."

Melihat begitoe Tio Tihoe djadi heran dan menanja: „Kenapa Tjongsoe bilang begitoe? Bri tacelah, siapa sabenernja kau ini?"

Dengen menangis Bong Loan lantas berloetoet, perboeatan mana ditoeroet djoega oleh Tjeng Bwe. la kata: „Siokhoe, harep tiada djadi goesar, akoe ini sabenernja boekan laen jalah Ko Kong poenja anak prempoean. „sedeng kata begitoe, Bong Loan laloe toetoerken satoe persatoe apa seeda terdjadi di roemanja serta bri tace djoega, dengen kahendak apa ia menjamar begitoe roepa.

Oh, Hiantit," kata Tio Tihoe dengen kaget tapi tertjampoer pengrasaän girang, Ia bangoenin itoe doea orang dan teroesken bitjaranja: „Soeng- goe satoe perkara jang tiada didoega akoe bisa. berlemoe kau di ini tempat. Sekarang begini sadja, boeat samentara waktoe lamanja baeklah kau toeroet akoe pergi di Kang Tjioe, di sana akoe nanti pikir laen djalan boeat kau bisa bertemoe pada ajahmee begimana apa kau moefaket?

Bong Loan bilang back dan djoega tiada loepa bilang trima kasi.

Tatkala itoe soeda ampir pagi, maka Tio Tihoe lantas prenia anak pracenja angkat djangkar brangkat djalan, sedeng koedanja Bong Loan dan Tjeng Bwe lebi doeloe soeda dikasi naek ka alas praoe.

---

Di Leng Lam toean dan boedjang
dapet bertemoe satoe
sama laen.— Sesoedanja djalan sengsara, ketamba lagi poetoesnja
satoe pengharepan.

Di sini kita teenda doeloe perdjalanannja Tio Liang Tong jang tertoelis di atas, dan kita adjak pembatja meliat prikeadaännja Wie Wan Ong Kioe Tjianswe di kota Tjoe Kat Shia. Ini pembesar jang soeda beroesia tinggi ternjata tiada poenja anak lelaki, katjoeali satoe anak prempoean jang baroe beroesia toedjoe taon, jang dilahirken oleh Aij Kie, istrinja jang terijinta.

Nona ketjil ini ada mempoenjai sifat-sifat moella, jang bisa didoega kaloe soeda besar aken djadi gadis jang tjantik dan bagoes perpentoengannja. la ini sekalipoen ada anak prempoean —sedeng sabenernja Kioe Tjianswe ingin dapet anak lelaki—tapi soeda bertempat begitoe besar dalem hati ajah dan iboenja, jang sajang ini anak melebiken dari segala apa.

Pada satoe hari, jaitoe di harian pesta Touw Bong, dengen perkenan ajah-iboenja ini nona ketjil di doekoeng ka atas loteng kota oleh baboenja, djoega dibantoe oleh sepoeloe oppas pendjaga, boeat menonton pesta keramean terseboet.

Adapoen jang di seboet pesta Touw Bong, jaitoe ada soeatoe tanda peringetan koetika Tjoe Kat Liang (Kong Beng) memaloemken prang dan soeda dapet tangkep Beng Hek poelang ka kota Tjoe Kat Shia. Koetika itoe Kong Beng telah bikin sembajang besar di pinggir soengei Louw Kang, boeat njataken doeka tjita pada panglima dan soldadoe jang telah mati dalem itoe peprangan. Begitoelah sedari itoe tempo tiap-tiap taon di itoe hari, pembesar negri dan rahajat di sana teleh bikin itoe tanda peringetan.

Pesta terseboet saban-saban telah berdjalan rame begitoe djoega telah terdjadi pada itoe hari. Medja-medja jang penoe dengen barang makanan dan sengadja di sediaken boeat pembesar-pembesar negri makan minoem, seanteronja soeda di hadiri oleh sekalian pembesar dan orang-orang jang ternama, sedeng Kioe Tjianswe djoega ada toeroet hadlir sama itoe sekalian orang banjak. Roepanja itoe pembesar di itoe waktoe ada bergirang sekali, dan ini boleh djadi di sebabken terbiinja satoe katjilaka'an jang membikin ia merasa doeka.

Begitoelah selagi doedoek makan minoem dengen soeka hati, koenjoeng-koenjoeng kaliatan pengawalnja menjelak di antara tetamoe-tetamoe dan berloetoet di hadepannja itoe pembesar seraja berkata: Tjilaka Tjianswe! Nona ketjil jang menonton keramean dan selagi memaen telah djato dari atas loteng ka bawa, hingga djiwanja brangkali soeker di toeloeng.

„Dan kaloe begini linjaplah akoe poenja hati!" Bertreak Kloe Tjianswe dengen sanget kaget. Di itoe saät ia rasaken matanja djadi glap dan sigra roeboe pangsan dengen tiada mengabarken lagi dirinja.

Sekalian pembesar dan tetamoe jang sedeng doedoek makan minoem tempo liat begitoe djadi kaget sekali; satoe persatoe laloe dateng bergroemoetan dan bikin sedar ini pembesar dari pangsannja. Begitoe inget lagi, Kioe Tjianswe lantas poelang ka gedongnja, dan berhoeboeng dengen ini katjilaka'an semoea orang tiada bergoembira lagi boeat doedoek makan minoem seperti tadi.

Tempo sampe di gedongnja Kioe Tjianswe dapetken la poenja anak dalem keada'an jang menjediken. la ambil itoe anak jang bertjilaka dari pangkoean istrinja dan peloki sembari menangis tersedoe-sedoe. Moekanja ini nona ketjil soeda djadi begitoe poetjet, selaennja terdapet brapa loeka di bagian belakang dan samping badannja, djoega terdapet satoe tanda biroe di betoelan dadanja, dan inilah jang membikin orang poetoes harepan boeat toeloeng ini anak dari kabinasaännja.

Samentara itoe brapa oppas kantoor telah giring baboe pemongmong dan sepoeloe pendjaga laen dengen tangan teriket kahadepan Kioe Tjian swe, itoe tempo semoea orang telah mendoega, hoekoeman mati aken djadi bagiannja itoe orang- orang jang alpa.

Tapi orang poenja pikiran djadi berbalik heran, kerna di itoe tempo sedikit poen Kioe Tjian swe tiada oendjoek maranja. Malahan dengen sabar ia kata pada itoe oppas-oppas: Djika dibilang ini orang-orang soeda berlakoe tledor, sampe membikin akoe poenja anak mendapet tjilaka, ini memang satoe anggepan jang tiada bisa dibanta lagi. Tapi kaloe dipikir lebi pandjang hal ini djadi sebaliknja. Sasoeatoe orang jang diwadjibken boeat mengasoe anak, lebi lagi anaknja orang hartawan dan pembesar negri, soeda tentoe pengasoe itoe medjaga dengen ati-ati, kerna sedikit sadja djagaännja kenapa-napa, djangan poela sampe bikin tiwas djiwanja. nisijaja dirinja aken trima hoekoeman berat. Maka itoe, tiada boleh djadi ini orang-orang tiada berlakoe ati- ati djaga akoe pɔenja anak; itoe anak boekan didjaga doea tiga orang sadja, hanja sepoeloe orang, moestail begitoe banjak orang semoea tledor? Roepanja itoe anak soeda tachdirnja moesti. Sekarang kau hadepan ini orang-orang poen tiada goena, kerna sekalipoen marika diboenoe mati anakkoe tiada bisa idoep kombali."

Seabis kala begitoe, Kioe Tjianswe laloe prenta oppasnja lepasken itoe boedjang-boedjang, legesnja ini orang bangsawan trima tahcdir Toehan dan tiada persalaken pada marika itoe. Ini perloepoetan hoekoeman jang terbit dari kadermawanannja itoe orang bangsawan, soeda membikin girang pada itoe boedjang-boedjang jang lantas berloetoet beroelang-oelang seraja atoerken trima kasinja.

Djoestroe perkara ini slese, satoe boedjang laen dateng mengadep dan bri taoe, koetika tadi selagi bagi-bagiken makanan pada pengemis- pengemis di Song Tiong Bio, ia telah bertemoe doea orang toea laki dan istri, jang katanja ada mempoenjal saroepa obat mandjoer, bisa idoepken kombali orang jang soeda mati. Lebi djaoe ja bri taoe, itoe doea orang soeda diadjak dan ada menoenggoe diloear. Kioe Tjianswe ampir tiada pertjaja pembitjaraännja itoe boedjang, tapi sebab ingin taoe sampe di mana kepandeannja itoe orang jang sombong, maka ia soeda silaken itoe doea orang masoek djoega.

Pembatja djangan heran dan kaget, itoe doea orang boekan laen, jalah The Koen dan Nio Si.

Sadjek itoe hari brangkat dari Djin Ho Koan, dengen tjepet dan tiada brenti-brenti katjoeali, sore, ini doea orang djalan lebi djaoe, jang mana tiada brapa lama telah sampe di kota Tjoe Kat Shia. la menoempang dalem gredja Song Tiong Bio, di mana pada esoknja ia toeroet orang banjak merajaken hari pesta Touw Bong. Brihal katjilakaän jang terdjadi atas dirinja Kioe Slotjia soeda terwarta pada The Koen, maka ia lantas ketemoeken itoe penggawe pembagi ramsoem dan njataken sanggoep boeat idoepken kombali itoe nona ketjil jang bertjilaka.

Tatkala doea orang ini soeda mengadep, Kioe Tjianswe prenta orang bawa anaknja ka iloe roewangan dan silaken The Koen boektiken omongannja. Di sini kita tiada oesa toelis lagi tentang kemandjoerannja itoe pil moestadjep jang ada sama The Koen, kerna seperti djoega bebrapa orang jang soeda dapet pertoeloengan itoe obal, demikian Kioe Siotjia djoega telah idoep kombali dengen tiada meliwatken banjak tempo. Kioe

Ko Teng Tian

57

Tjianswe begitoe poen laen laen orang jang bermoela tiada pertjaja, tempo liat begitoe djadi merasa sanget gegetoen dan poedji kemandjoerannja.

Lebi doeloe ia prenta orang bawa anaknja ka dalem, kamoedian baroe ia bikin bebrapa pertanjaän pada The Koen:,,Kau poenja obat begitoe mandjoer membikin kagoem semoea orang, maka akoe kira kau berdoea ini ada dewa moelia jang mendjelema?"

,,Kita orang ada manoesia biasa, sekali-kali boekannja dewa." menjaoet The Koen.

„Dan kaloe begitoe sasoenggoenja kau ada orang pande,,,kata lagi Kioe Tjianswe. ini pertoeloengan, akoe soeka briken sariboe tail perak padamoe."

The Koen boeroe-boeroe berloetoet dan bri taoe, ia tiada soeka irima itoe pembrian. Kioe Tjianswe djadi heran, kerna sariboe tail boeat itoe doea orang boekan satoe djoembla ketjil. Maka ia menanja: Kenapa kau tiada maoe trima, apa pembrian itoe ada terlaloe sedikit?"

,,Boekan, boekan begitoe." kata The Koen: Tjianswe poenja pemberian boeat akoe ada sebagi goenoeng ampoenja besar. Dengen membri pertoeloengan boekan sekali akoe mengharep boeat mendapet oepa, tapi kaloe Tjianswe pertemoeken akoe pada madjikan koe jang diboeang di sini, itoe sadja tjoekoep bagi akoe sa-orang renda menanggoeng Tjianswe ampoenja boedi."

,,Siapa kau poenja madjikan?" menanja Kioe Tjianswe jang lantas mengarti, ia ada dihadepken oleh doea boedjang jang setia dan djoedjoer.

„Akoe poenja madjikan tjoema satoe-satoenja, jaitoe: Tin Kok Ong Ko Teng Tjan. „Sedeng kata begiloe, The Koen dan istrinja laloe menangis tersedoe-sedoe, kamoedian sasoeda toempaken banjak aer mata, dengen djelas ia toetoerken dari awal sampe diachir ia poenja maksoed dateng sampe di Leng Lam.

,,Kau semoea orang soeda denger,,,begitoe Kioe Tjianswe kata pada sekalian penggawenja jang ada di sitoe: „Ini doea laki istri boedjang dari familie Ko, ada penggawe djoedjoer dan setia, hingga siapa poen harees membri poedjian padanja."

Seabisnja kata begitoe ini pembesar teroesken bitjaranja pada The Koen: „Kau poenja madjikan memang akoe soeda taoe ada pembesar jang berdjasa pada negri, maka sedari sampe di sini akoe pakerdjaken padanja di gredja Sam Hian Bio, sekali-kali tiada disamaken dan dibikin seperti orang perantean. Sekarang kau djangan menampik lagi, itoe sariboe tail perak kau moesti trima, laen dari itoe akoe kasi satoe roema boeat kau tinggal." Di itoe waktoe djoega ini pembesar prenta orangnja pannggil Ko Kong di tempat pakerdjaäne nja. Tempo Ko Kong sampe, dengen manis boedi Kioe Tjianswe samboet ini orang bangsawan jang bertjilaka dan silaken doedoek; kasi taoe ja poenja boedjang dateng tengokin dan toetoerken djoega begimana boedjang itoe soeda membri perioeloengan pada anaknja jang mendapet tjilaka.

Orang bangsawan kita denger itoe tjerita seperti mengimpi, tapi tempo itoe pembesar sendiri anterin ia ka saloe roema jang berderek dengen gedong besar, di mana The Koen dan Nio Si lebi doeloe soeda menoenggoe, di sitoe ini madjikan dan boedjang dengen sedi dan girang telah diketemoeken satoe sama laen.

Tiada lama dari itoe lantas dateng brapa orang dengen bawa itoe sariboe tail perak jang ditaro pada nenampan bagoes, Ko Teng Tjan, The Koen dan Nio Si lantas berloetoet dan sampeken masing- masing poenja trima kasi pada Kioe Tjianswe.

Tetapi di sini tiada loepa kita maoe menerangken. Di atas telah ditoelis, berhoeboeng dengen pikirannja Lu Kok Tjaij soęda diadaken iioe atoeran, melarang sanak-soedara orang jang dihoekoem bikin pertemoean satoe sama laen. Ini atoeran baroe dimoelai pada awalnja boelan Pe Owe di kota radja, sedeng The Koen sampe di Leng Lam pada achirnja boelan Tjit Gwe, maka tiada heran kaloe ia soeda diketemoeken pada Ko Kong, kerna itoe oendang-oendang blon tersiar sampe di sana.

Ko Siotjia dan Tjeng Bwe koetika sampe di Souw Tjioe boelan Tjit Gwe, tempo ketemoe Tio Tihoe di pertengaän boelan Pe Gwe di mana itoe atoeran soeda berdjalan setenga boelan lamanja. Sebagimana soeda ternjata dalem perdjalanan Ko Siotjia banjak brenti, teroetama di Tjiang Tjloe ampir satoe boelan lamanja, maka tiada heran kaloe ia soeda keblakangan sama The Koen.

Madjikan dan boedjang jang bertemoe satoe-roenja tiada oesa di bilang lagi begimana girang- nja, apa lagi The An Gin sama ajah dan iboenja.

,,Kenapa kau soeda menjoesoel akoe sampe di sini, apa brangkali di roema ada terdjadi hal apa-apa jang koerang baek? Apa Siotjia dan Hoedjin semoea baek?" Begitoe achirnja menanja.

The Koen dan Nio Si lantas menangis, dengen bergantian ini doea orang toetoerken semoea ha! jang terdjadi di roema, hingga Ko Kong djadi berdjingkrak saking kaget dan maranja.

„Oh djahanam besar!" Treak Ko Kong sambil brikoetin nista'an pada Soen Nio dan Hok Tjoen: Semata mata kau berdoea soeda bikin kaloet akoe poenja roema tangga! Ati-ati, kaloe akoe bisa poelang lagi ka roema sendiri, akoe tjingtjang kau orang berdoea!" Kamodian ini orang bangsawan menanja, kenapa Bong Loan blon sampe, sedeng ia brangkat lebi doeloe?

,,Di sepandjang jang akoe serepin tiada dapet kabar apa-apa. Akoe kira ia orang soeda sampe lebi doeloe," saoet The Koen.

,,Tapi heran sekali kenapa kau soeda tiada menjega ia pergi dari roema? Boekantah kau mengarti, perdjalanan ini sanget djaoe dan banjak halangan bagi orang prempoean seperti Bong Loan dan Tjeng Bwe?" kata Ko Kong: Tjoba itoe tempo kau tjega kahendaknja dan bri pikiran boeat ia menoempang samentara waktoe di gedong Kou Hoe di Djin Ho, tentoe tiada sampe terdjadi perkara tjape hati begini!"

The Koen kaloearken treakan menjesel dan laloe bri taoe bahaja apa soeda menindi atas roema tangganja itoe familie, hingga satelah denger itoe tjerita Ko Kong djadi bengong seperti orang kasima. Menangis tiada ada laen djalan boeat bikin petja ia poenja rasa jang mendedel di hatinja.

,,Oh, begimana nanti terdjadi dengen achirnja dirikoe ini?" Kata ini orang bangsawan dengen ratapnja: Koetika Jo Hoedjin masi idoep, siang dan malem akoe berdoa pada Thian minta dapet anak, kahendak mana soeda di kaboelken dan moentjoel Bong Loan, Song In, entji dan ade; tetapi apa djadinja sekarang . . . . . istri soeda tinggalken akoe dalem kasedian. Anak jang satoe ilang blon dapet di tjari, sekarang satoe lagi tiada ketaoean ada di mana .... oh, . . . . .”

Ini orang bangsawan tiada sanggoep tahan rasa sedi jang menjerang hatinja di itoe waktoe, maka ia lantas menangis tersedoe-sedoe. The Koen, Nio Si dan An Gin poen toeroet menangis, tapi ini tiga orang, swami-istri dan anak, dengen berbagi-bagi perkataän hiboerken hatinja itoe orang bangsawan.

Demikianlah soeda terdjadi dengen perdjalanannja The Koen dari Gie Jang ka Leng Lam, di mana ia soeda sampe dan bertemoe pada madjikannja, jang ia djoengdjoeng tinggi seperti ajahnja sendiri. Sekarang kita tinggalken itoe toean dan boedjang jang soeda berkoempoel satoe dengen laen, sebaliknja kita liat pada Kou Kongijoe, jang kita telah tinggalken padanja dalem keadaän jang menakoetin.

Dari sebab kwatir itoe doea orang djoega ada sebangsa dengen kawanan ketjoe, maka pada itoe hari In Liong lari teroes, dengen tiada ambil perdoeli orang poenja prenta boeat ia menoenggoe di sitoe. Tapi dalem hatinja ini orang moeda tiada oeroeng bersoekoer pada itoe doea orang, kerna kaloe tiada ia-orang, nistjaja dirinja kena tertawan oleh itoe orang orang jang mengedjer. Dan ia menjesel lantaran terboeroe-boeroe, soeda tiada sempet tanja she dan namanja itoe doea orang, snepaja kamoedian hari gampang ditjari boeat sampeken ia poenja trima kasi.

Betoel di waktoe ampir sore, jaitoe sasoedanja lintasin banjak djalan jang soesa, toeroen goenoeng naek goenoeng, ini orang moeda sampe di depan satoe roema berhala, jang pernanja terletak di dalem rimba; ia madjoeken koedanja ka samping iloe roema soetji, di mana kamoedian ia dapet satoe Hwe-shio prempoean lagi tjoelji pakean di soemoer. Sigra ia toeroen dari atas koedanja, hamperi itoe Hwe shio dan dengen hormat ia menanja: „Soehoe, Tetjoe noempang tanja, ini tempat apa namanja dan dimana ada roema penginepan?”

Itoe Niko angkat kapalanja, sasoeda memandang sabentaran ia bales membri hormat dan kata; „Ini tempat dipanggil Bong San Koan, dan itoe goenoeng jang kaliatan di sebla Kaler goenoeng Ie Tje San. Di bawa goenoeng terseboet ada terletak kampoeng dan pasar An Tin, dimana ada banjak roema makan dan tempat penginepan.”

„Dari sini boeat sampe di sana brapa djaoenja?” tanja Kou Kongtjoe.

„Kira-kira lima blas li. Itoe goenoeng kaliatannja deket, dan boleh dibilang seperti ampat atawa lima lie djaoenja, tapi djalannja nalk toe- Toen dan mengider, maka kaliatannja deket tapi djaoe."

Mendenger ini katrangan Kou Kongtjoe kaliatan bingoeng, hingga itoe Hwe-shio prempoean dapet doega apa-apa lantas berkata: „Mata-hari soeda ampir silem, kaloe pergi ka sana tentoe moesti kamaleman di tenga djalan Lagi Pintjeng rasa boeat Ko-nio orang prempoean tiada baek menginep di sana, maka kaloe kau tiada boeat tjelaän, dengen senang hati akoe tawarken tempatkoe dalem ini Bio.“

„Tapi Tetjoe ini orang berglandangan, maka brangkali ada banjak halangan boeat menginep dalem roema roema soetji."

„Oh tiada, itoe tiada sekali-kali!" Sambil berkata begitoe ini Niko lantas moeatken tjoetjiannja ka dalem pantji dan sigra berlaloe dari sitoe dengen, di ikoet oleh Kangtjoe kita dari blakang.

Koetika sampe di depan pintoe Bio, ini Niko memanggil ka dalem seraja berkata: „Soete lekas kloear ini ada tetamee!"

Dari dalem kloear satoe Hwe shio prempoean jang oesianja kira-kira doea poeloe laon lebi ia berdiri di depannja In Liong seraja menanja orang poenja she dan nama, asal dari mana, maoe ka mana, sembari pandang ini tetamoe dari atas ka bawa dan dari bawa ka atas, seabisnja itoe ia llatin moeka temennja sembari tertawa tjengar-tjengir.

Tetjoe orang dari provincie Kang Lam dan maoe pergi ka oetara boeat tengok familie jang tinggal di sana," kata In Liong jang bri penjaoetan atas itoe pertanja'an.

„Dan apa nona djalan sendirian sadja?“

„Ja.”

Niko tadi sasoeda sampirken tjoetjiannja di satoe gala laloe menghamperi ka sitoe dan berkata pada kawannja: „Soete, pergi tjangtjang Kou-nio poenja koeda dan djangan loepa kasi aer dan roempoet.”

Sedeng jang satoe pergi (jangtjang koeda, adalah ini Niko jang satoenja lagi adjak Kongtjoe masoek ka dalem pertenga'an, di mana lebi doeloe ini orang moeda berloetoet di hadepan patoengnja Koan Im dan laen-laennja, satelah itoe baroe berdoedoek. Setjawan the laloe di soegoeken di hadepannja.

Sasoeda, beromong omong sabentaran In Liong menanja: „Boleh Tetjoe dapet taoe Soehoe poenja gelaran jang terhormat dan di dalem ini Bio ada tinggal brapa orang?”

„Pintjeng jang renda bergelar Soe Kong, dan itoe satoe jang tadi pintjeng poenja Soete bergelar Hwe Kong. Di ini Bio tjoema ada tiga orang, satoe antaranja kita poenja Soehoe, tetapi ia telah meninggal doenia pada taon jang telah laloe.

„Dan,“ begitoe ini Niko teroesken omongannja:

„Akoe kira nona soeda lapar, toenggoe di sini sabentar, kita orang bikin sedia barang santapan.”

Seabisnja kata begitoe ini Hwe-shio prempoean pergi masoek ka dalem, tapi ia boekan lantas bikin sedia barang santapan sebagimana baroesan ia bilang, hanja pergi kloear dari pintoe blakang dan samperi temennja jang baroe abis menjangtjang koeda.

„Soete, mari sini!” kata ia sembari gapein temennja, koetika jang dipanggil soeda dateng deket, ia berkata: „Akoe liat itoe tetamoe bolehnja membikin heran, kaloe maoe dibilang ia itoe orang prempoean tapi koepinguja tiada ditoesoek dan tiada ada laen tanda periasan badan, sedeng kaloe maoe dikata orang lelaki, tetapi moeka dan potongan badannja ada mirip seperti orang prempoean!”

„Betoel, akoe poenja pengliatan tiada beda seperti Socheng.” saoet Hwe Kong.

„Tapi kita maoe apa perdoell sama itoe semoea! kata Soe Kong sembari lehekin lehernja.

„Itoe kau liat apa tiada?”

—„Apa?”

—„Itoe boengkoesan jang tadi teriket pada sela koeda?”

—„Ja.” „Akoe liat itoe boengkoesan roepanja begitoe berat, roepanja oewang itoe tetamoe ada ditaro di sitoe.. . . . . . . . . .”

„Sekarang akoe tace Soe Heng poenja maksoed!” kata Hwe Kong sembari pandang orang poenja moeka dan kasi liat gerakan tangannja begitoe roepa sebagi djoega la maoe artiken, kawannja niat maoe ambil itoe boengkoesan.

Soe Kong manggoetin kapalanja, di saät itoe dengen berterang ini doea orang temaha tertawa, satoe tanda doea-doea ada bersatoe hati: la orang Beromong-omong lagi sebentaran, kamoedian lantas bikin sedia nasi dan sajoer serta silaken lo Liong bersantap.

Ini doea Hwe-shiu prempoean kaliatan begitoe baek dan manis boedi, hingga In Liong merasa senang di hati: Barang hidangan jang disoegoeken sekalipoen tjoema sajoer-sajoer sadja, tapi ja soeda makan dengen enak sekali. Selang tiada lama seabisnja dahar, In Liong rasaken matanja sanget ngantoek, maka ia laloe permisi tidoer.

Begitoe taro kapalanja di atas bantal, begitoe djoega sasoeda boeka pakean loearnja, ini orang moeda lantas menggeros poeles dengen loepa daratan. Itoe doea Hwe-shio jang memang blon tidoer dan ada berniat apa apa, pada koetika itoe sigra masoek ka dalem kamarnja In Liong; ia ambil boengkoesannja itoe orang moeda jang ditaro betoelan kapala sebagi bantal, djoega ambil pakeannja sendiri jang ditaro di itoe kamar. Semoea barang ini disemboeniken pada tempat jang soesa ditjari. Pintoe depan dan brapa pintoe laen telah diboeka dan sengadja dipentang begitoe roepa, kamoedian baroe ini doea Hwe-shio prempoean gladak pergi masoek tidoer.

Dari sebab apa maka In Liong soeda tidoer begitoe njenjek, sampe ia poenja boengkoesan jang ditindiken orang ambil tiada mendoesin ? Boeat dapat taoe itoe semoea, di sini kita toetoerken sebab-sebabnja:

Adapoen ini doea Hwe shio prempoean memang soeda terkenal koerang baek kelakoeannja, dan seringkali lakoeken perboeatan-perboeatan terlarang dan tiada setimpal dengen ia poenja kewadjiban sebagi orang soetji. Ini Niko ada mempoenjai saroepa obat pocles dan inilah jang soeda membri banjak bantoean dalem la poenja perboeatan-perboeatan kedji; ini obat digoenakennja jaitoe ditjampoer pada sajoer-sajoer dan sedikit poen tiada berbaoe apa-apa, sampe orang jang makan itoe tiada mengetahoei soeatoe apa.

Dan Kou Kongtjoe soeda kena makan itoe obat, jang oleh itoe Niko doerhaka telah taroken di dalem mangkok sajoer, maka tiada oesa heran kaloe ia soeda djadi korban dari itoe obat poeles. Sampe esok pagi, sasoeda mata-hari kaloear, baroe Kou Kongijoe sedar dari tidoernja. la liat boengkoesannja jang koetika maoe tidoer ja taro di kepala soeda tiada ada. pintoe kamar soeda terpentang doea-doea, keadaan mana tiada beda seperti lagi malem ada kedatengan tetamoe jang tiada dioendang.

Kagetnja In Liong tiada terkira, la lari kaloear dan bangoenin itoe doea Hwe-shio prempoean jang masi meringkoek di sarangnja dan bri taoe apa jang telah terdjadi.

„Ada apa? Begimana??” menanja itoe doea menoesia kedji dengen bingoeng dan sembari koetjek-koetjek matanja. la belaga bingoeng.

„Pintoe semoea soeda terpentang, akoe poenja pakean dan boengkoesan ilang!” In Liong oelangin perkataännja dengen roepa mendongkol.

„Kaloe begitoe lagi semalem tentoe ada maling!” kata Soe Kong dengen kaget dan sigra pergi ka itoe kamar, di mana semalem In Liong bertempat.

„Hwe Kong koenjoeng koenjoeng berkata dengen keras: „Tjilaka! akoe poenja pakean djoega tiada ada!”

„Ha, kaloe begitoe akoe poenja pakean poen tentoe soeda digondol!” kata Soe Kong sembari kaloearken tempat pakeannja, di mana tjoema kedapetan peti kosong sadja.

Satelah kasi liat itoe akal kedji, ini doea keparat dengen roepa bingoeng dan kaget saling liatin moeka kawannja, samentara Kongtjoe kita ada berdiri di laen pihak sembari menggigit djari, sedeng roepanja boleh membikin orang djadi mengenes.

„Begimana boleh djadi begini dan siapa adanja itoe pentjoeri?" kata Soe Kong.

,,Boeat apa ditanja begitoe, sebab ini semoea ada Socheng jang bikin gara-gara dan poenja sala!" kata Hwe Kong.

,,Apa? kenapa kau salaken akoe!" tanja Soe Niko doerhaka sembari melotot: Akoe tiada mengarti sekali-kali kenapa kau bilang begitoe!"

„Apa kaloe boekan Socheng poenja sala dan gara-gara!" kata lagi ini kawan doerhaka jang oendjoek moeseliat kedjinja: Tiada oedjan tiada angin maoe-maoean trima tetamoe dengen tiada pikir di sini ada banjak pengbangsat! Roepanja orang djahat telah mengintip Soeheng trima tetamoe, maka ia barengin daleng menjatron!"

Oh, ja! boleh djadi begitoe! tiada bole kau salaken akoe! memang soeda loemranja ada noempang menginep." Tapi dalem hal ini Roema-roema bio djadi tempat orang

-,,Ja, back. Tapi kaloe begini siapa jang moesti ganti kila poenja barang-barang jang ilang? Berhoeboeng dengen ini pentjoerian akoe djadi terindil, kerna pakeankoe sampe pada jang kotor soeda digondjol oleh pentjoeri!" Mendenger begitoe Soe Kong djadi oering-oeringan, dan djoestroe dengen ini ia dapet djalan marain tetamoenja.

,,Jang membikin akoe tiada bisa mengarti, kenapa kau sampe begitoe kebloek dan tidoer seperti bangke, sampe pendjahat boeka pintoe dan masoek ka dalem kamar tiada mendoesin!" ia kala sembari menoeding pada In Liong; Esok tentoe ada Joe Loija dateng ronda ka mari, akoe nanti bri taoe begimana kau soeda berlakoe teledor!"

Sedeng kata begitoe ini doea keparat masoek ka dalem dan sakoetika lamanja ini deea djahanam beriboetan sama temennja, jaitoe jang satoe salain jang laen dan sebaliknja. Di satoe fihak itoe doea Niko menjomel, adalah di laen fihak In Liong kita hadepken berbagi-bagi kasoekeran jang menindi dalem hatinja. Boeat sampe di kota Gan Boen Koan paling sedikit ia tiada nanti sampe satee boelan lamanja, sedeng lagi sedikit waktoe moesin dingin aken dateng menjerang. Jang membikin ia merasa sanget doeka dan boeat pikiran, begimana ia moesti liwatken datengnja moesin dingin, sebab ia tiada poenja pakean lagi katjoeali jang masi menempel di badannja, djoega tiada poenja oewang lagi, kerna doeitnja soeda linjap bersama-sama la poenja boengkoesan pakean.

Menginget sampe di sitoe, ini orang moeda lantas menangis dan merasa sedi dengen nasibnja jang begitoe tjilaka.

Selagi pikirin keadaäan-keadaän soeker jang aken terhadep, tiba-tiba dengen njata In Liong denger Soe Kong berkata pada temennja: „Boleh dibilang semoea bio adalah tjoema ini satoe bio tempat kita jang paling miskin, dan soeda begitoe ditamba lagi katjoerian, hingga membikin kita orang djadi lebi bersoesa:"

„Ja, akue poen heran," saoet Hwe Kong, soeda banjak taon kita tinggal di sini tapi blon perna ilang apa-apa atawa ada pentjoeri, tjoema baroe tadi malem dan djoestroe ada tetamoe telah terbit ini pentjoerian."

In Liong jang sedeng djengkel soeda dibikin mendongkol dengen itoe pengomongan, maka ia lantas menghamperi dan menegor: Djiwie Soehoe poenja perkataän baroesan ada membikin koerang enak akoe poenja hati. Dengen perkataän tadi saolah-olah maoe diartiken, akoe ini pendjahat adanja! Akoe tiada kira kau berdoea poenja kelakoean begitoe baek di waktoe kemaren, sekarang kau berbalik boesoekin namakoe begitoe roepa! Nah, soeda, sekarang akoe permisi boeat berlaloe!"

Dengen ini perkata'an In Liong lantas berdjalan kaloear, tapi Soe Kong menjega dan dengen manis ia berkata: ,,Kou-nio djangan ambil goesaz

Ko Teng Tian

68.

Kita orang ada moerid-moerid Hoed dan anoet agama soetji, tjara begimana brani hinaken laen orang dalem hal jang boekan. Tadi kita orang bitjara dengen sabenernja sadja, tapi tiada doega bikin djadi koerang senang dan merasa dihina. Doedoek doeloe kita berdami lebi djaoe; lagi Kou nio belon bersantap, kita tiada nanti idjinken kau pergi dengen peroet kosong!"

„Akoe soeda tiada poenja soeatoe apa lagi, perkara apalah jang maoe di omongin?" kata In Liong jang lantaran dipaksa soeda lantas berdoedoek.

„Seperti djoega kita orang, Kou-nio djoega soeda djadi korbannja itoe pentjoeri doerhaka,” kata Hwe Kong: „Akoe liat kau soeda tiada poenja pakean dan oewang boeat onkost di djalan, maka akoe rasa itoe koeda djoeal sadja dengen harga jang paling moera.”

„Betoel, akoe poen maoe kasi pikiran begitoe!" menjamboeng Soe Kong dengen lantas: „Dari pada moesti djadi kadinginan dan kelaparan, ada lebi baek itoe didjadiken doewit! Dan seringkali orang bilang: ada barang boeat tetalang diri.”

Mendenger begitoe In Liong diam sabentaran, tapi sama sekali tiada mendoesin, kaloe dirinja lagi dibikin sebagi boelan-boelan oleh itoe doea menoesia keparat. Kamoedian dengen mengela napas ia berkata: „Dari sebab kasoesahan dateng mendesek akoe poen moefaket kaloe ilee koeda di djoeal sadja. Tapi itoe koeda ada toenggangannja akoe poenja temen dan sanget di sajang oleh toeannja, maka kamodian hari kaloe ada oewang maoe diteboes dan kombaliken lagi pada jang poenja."

Itoe doea menoesia kedji lantas tertawa bergelak-gelak. „Sasoenggoenja ini ada pendengeran baroe!" ia kata: „Akoe baroe perna denger satoe nona ada mempoenjai sobat!"

Moekanja In Liong lantas beroba mera dan mengarti, baroesan ia soeda kesalahan omong Boeat apa di rewelin lag!" kata Soe Kong:

„Biarpoen siapa poenja, tapi sebab Kou-nio poenja keadaän ada begitoe memaksa, maka tiada oeroeng moesti di djoeal."

,,Tapi siapa jang bli ini koeda ?" Menanja In Liong.

,,Di pasar An Tin ada anaknja saorang hartawan she Sian di panggil Sam Siauw ija, sebab ia ada poetra jang katiga." kata Soe Kong: Itoe orang moeda ada pande bersilat dan soeka pada koeda-koeda bagoes, akoe nanti pergi ka sana dan begitoe djadi akoe lantas trima oewangnja. Tapi disini akoe bilang lebi doeloe, perkara pendjoealan ini akoe tiada ingin dapet persen, tjoema akoe minta Kou-nio soeka kasi itoe badjoe koelit rase padakoe," ,,Baek kita loeloesken itoe permintaan begitoe oewang pendjoealan koeda soeda di trima," saoet Ja Liong.

Soe Kong djadi girang sekali, maka ia-orang lantas makan nasi dan kamodian brangkat djalan menoedjoe ka pasar An Tin, roemanja Sian Wan-gwe

Siapa itoe Sian Wan-gwe? Orang itoe boekan laen jalah Sianseng Sian Sioe Djin, jang riwajatnja soeda di toelisken sampe terang. Sedari ia mengangkat soedara sama si gagoe, dan dengen modal jang berdjoembla ketjil, dan sebab apa jang di pakerdjaken selaloe madjoe, maka tiada selang brapa taon lamanja Sian Sioe Djin telah djadi saorang hartawan besar dan di pasar An Tin terkenal di panggil Sian Wan gwe. Seng Long soeda beroesia delapan blas taon dan telah beristri dan poenja anak, begiloe djoega si gagoe soeda poenja doea anak prempoean jang masing-masing beroesia toedjoe taon dan satoe taon.

Song In Kongtjoe telah masoek oesia tiga blas taon. Boleh di bilang gedenja Song In ada dari pertoeloengan-pertoeloengan si gagoe; di masa ketjil ia sering dapet sakit, hingga saban-saban membikin doeka hatinja itoe boedjang jang berboedi, tapi beroentoeng itoe semoea dapet di singkirken sampe Song In teritoeng djadi djedjaka. Si gagoe sanget sajang padanja dan di djaga begitoe roepa, hingga tiada sesaat ia berlaloe dari dampingan. Sebab Song In kaliatan ada sanget resep dalem perkara silat, maka Sian Wan-gwe telah oendang satoe Kauw soe saorang she Poei, jang terkenal pande dalem ilmoe persilatan. Di bawa pimpinan itoe goeroe silat, Song In telah dapet banjak kemadjoean, apapoela ia ada berotak terang dan apa jang diadjar lantas bisa. Djoega satoe tempo ia minta dibliken koeda, tapi sebab sabegitoe djaoe Sian Wan-gwe blon dapetken koeda jang bagoes boeat Song In maka permintaan ini blon diloeloesken.

Kabetoelan itoe tempo Soe Kong bawa koeda dan maoe didjoeal, maka Sian Wan-gwe prenta Poel Kauw-soe pergi preksa itoe binatang. Sasoeda preksa betoel ini goeroe silat bri ketrangan, bahoea itoe koeda sasoenggoenja ada binatang jang bagoes dan pantes djadi Song In poenja toenggangan.

,,Brapa kira-kira itoe koeda boleh dibli?" menanja Sian Wan-gwe.

,,Begitoe seratoes tail perak tiada boleh lebi, saoet Poei Kauw-soe. „Tapi akoe liat itoe orang ada dalem kaperloean oewang, delapan atawa sembilan poeloe tail djoega tentoe dilepas.

,,Tiada boleh, Kauw soe tiada boleh ambil pikiran begitoe!" kata Song In. Djikaloe orang lagi soesa dan kita gentjet lagi orang itoe, inilah perboeatan jang tiada pantes dan artinja orang poenja hak. Bitjara poetoes, itoe koeda akoe bli seratoes doea poeloe tail perak dan laen doea poeloe tail perak sebagi persen pada itoe doea Niko.”

Di Sini orang bisa liat sampe di mana kader mawanannja Song In Kongtjoe, jang njatalah ada mengambil toeladan dari ajahnja jang moelia. Sajang sekali In Liong tiada kenalin siapa adanja itoe djedjaka, ijoba kaloe ia kenal dan tjari taoe, di sitoe ada tempat jang baek boeat ia toempangin diri.

Kasoedaännja itoe koeda telah djadi dibli boeat harga jang ditetepken oleh In Liong, oewang mana beroentoeng soeda diseraken dalem tangannja In Liong, kerna kaloe tiada tentoe kena dibekoek oleh itoe doea Niko doerhaka jang soeda ternjata katemahaännja. Ini tiga orang berdjalan pergi dengen girang, In Liong pegang betoel djandjinja dan dengen soekanja ia kasi itoe badjoe koelit rase pada Soe Kong.

Sama itoe oewang pendjoealan koeda, di pasar An Tin orang moeda kita te‘ah bli brapa potong pakean dan laen-laen barang jang perloe, kamoedian ia ambil slamet tinggal pada itoe doea Niko bangsat dan teroesken perdjalanannja ka kota Gan Boen Koan. Koetika brangkat dari An Tin jaitoe diawalnja moesin, dan di pertengaän moesin Tong baroe sampe di loear kota terseboet.

Teroes meneroes In Liong djalan kaki sampe di sana, hingga orang bisa kira sendiri begimana lelanja adanja itoe orang moeda koetika sampe di itoe tempat. Tapi itoe semoea tiada dirasaken oleh djedjaka kita, hanja ia merasa girang sebab soeda sampe dan aken bertemoe pada familienja.

Tatkala lagi menghamperi dan maoe masoek ka dalem kota, pada tepi djalan tempat jang tedoe ia liat ada brapa orang toea toekang potong kajoe lagi doedoek beromong-omong, maka sekalian liwat In Liong membri hormat pada mari ka itoe.

„Liat-wle Lope, Tjong Tin Loija di sini boekantah sa-orang she Haij?” begitoe ia menanja. Itoe brapa orang liatin moekanja In Liong dan sigra bales menanja. „Dan Kou nio dateng dari mana?”

„Akoe orang dari bilangan Kang Lam,” saoet In Liong. „Haij Loija dan akoe masing ada kena familie dan akoe dateng maoe tengok padanja.”

„Sajang sekali, nona poenja dateng soeda terlaloe lambat, kerna Haij Loija soeda meninggal doenia dan maitnja soeda dibawa poelang ka kota radjal,” saoet itoe toekang potong kajoe.

„Sekarang jang gantiken kadoedoekannja sa-orang she Tjio dan baroe kerdja brapa hari sadja!”

In Liong denger ini perkataän djadi kaget sekali, begitoe kaget seperti gledek menjamber kepalanja dan sampe sakoetika lamanja ia tinggal bengong dengen tiada oetjapken sepata perkataän. Kamoedian ia berlaloe dan hamperi satoe gombolan jang tiada djaoe dari sitoe; toekang-toekang potong kajoe tadi poen tiada lama lagi telah berlaloe dari sitoe.

Sembari pelokin loetoetnja In Liong doedoek di atas batoe. Dari ka doea matanja mengoetjoer aer dan basaken bahoe tangannja.

„Ja Allah....ja rabi....” ia meratap dengen swara terpoetoes-poetoes: „sabagitoe djaoe hambamoe ini blom perna berboeat perkara jang boleh menerbitken Toehan ampoenja mara.... tapi....kenapa hambamoe dibikin tjilaka begini roepa, hingga brangkali tiada ada orang jang terlebi tjilaka dari pada akoe ini........”

Ratapannja In Liong begitoe roepa, hingga siapa jang menjaksiken nistjaja toeroet-toeroetan merasa piloe.

„Dari tempat djaoe, dengen banjak soesa dan menampak banjak bahaja akoe dateng di sini boeat toempangin diri pada Bokoe, tapi orang jang maoe diboeat senderan telah meninggal doenia.......” sampe di sini In Liongpoetoeskan omongannja sendiri, lehernja merasa begitoe sesak sampe tiada bisa keloearken perkataän.

q

Dari tempat djaoe, ‘dengen baniak goesa dan enampak banjak bahaja akoe dateng di sini “boeat foempangin diri pada Bokoe, tapi orang) =~ lang mage oases senderan telah meninggal docnia.. >... . ."' sampe di sini In Lieng poe- Soe omongannja sendiri, lehernja merasa —

_ Sesak _panee tiada bisa kalotarken Pelahan pelahan mata-hari miring ka sebla Barat, di waktoe mana tiada lama poela aken djadi malem. Meliat begitoe hatinja In Liong samingkin bingoeng, pikirin di mana ia menginep. Tiba-tiba selagi kabingoengan, sakoenjoeng-koenjoeng tiada djaoe lagi ada mendatengin doea orang lelaki menoenggang koeda; ini doea orang moekanja item dan angker kaliatannja. Kapalanja ada pake kopia jang ditantjepin boeloe boeroeng, dan kaloe ditilik dari roepa dan pakeannja ada membri njata, doea orang ini bangsa asing adanja,

---

Semboeken penjakitnja Hoan
Hong Houw membales boedi
dipoengoet anak. — Orang moeda
jang tjeriwis sebagi toean
dari gedong Tin Kok Hoe.

Doea orang di atas betoel ada bangsa asing, doea panglima prang dari radja Pak An Ong. Tempo liat itoe doea orang jang dateng roepanja ada begitoe locar biasa In Liong merasa takoet, ia maoe mengoempet tapi tiada kaboeroe, kerna begitoe lekas ini doea orang soeda dapet liat dan brenti di kahadepannja.

„He, akoe orang lelaki takoet betoel dengen binatang oetan di sini, tapi kau orang prempoean, lagi sendirian sadja, begitoe brani!” kata sala satoe itoe doea orang jang dengen heran meliatin moekanja In Liong.

„Akoe ini orang sakit dimakan matjan poen tiada djadi kenapa,“ saoet In Liong dengen swara plahan dan badan dengen bergemeter bahna takoetnja.

Tapi ini perkataän oleh itoe doea orang soeda sala diartiken. In Liong bilang; akoe orang sakit........ oleh itoe doea orang didenger: Akoe bisa obatin orang sakit. Dan ini boleh djadi boekan terbit dari kakliroean sadia, hanja brangkali soeda peroentoengan In Liong jang aken sebagian ringanken kasengsaraännja.

Lantas itoe doea pangawa dari negri asing toeroen dari atas toenggangannja seraja berkata dengen girang: „Kaloe nona ada pande mengobatin orang sakit ini kabetoelan sekali! Kita orang poenja Hong Houw di Pak Hoan sekarang sedeng terserang penjakit heibat; tabib-tabib di sana seanteronja soeda dioendang tetapi tiada ada satoe jang bisa menoeloeng, maka sekarang akoe trima prentanja radja boeat tjari orang jang pande dalem perkara mengobatin penjakit. Nona kaloe ada kabisaän mari toeroet kita- orang, dan kaloe Nio-Nio bisa semboe nistjaja kau poenja diri nanti bisa djadi beroentoeng.”

Mendenger begitoe In Liong djadi bengong. Koenjoeng-koenjoeng ia dapet inget padanja masi

ben ada satoe pil moestajab. Kerna soeda menjaksiken sendiri kamadjoeran itoe obat jang tiada ada bandingannja, maka kenapa djoega tiada maoe tjoba dan brangkali sadja itoe Permisoeri dari Hoan Kok dapet disemboeken. Satelah tetep pikirannja ia kata: „Boeat perkara mengobatin inilah akoe tiada mengarti, tetapi akoe ada simpen obat dewa, jang bisa idoepken kombali orang jang soeda mati.”

Itoe doea orang djadi semingkin girang dan laloe adjak In Liong naek ka atas koedanja. Tiada berselang lama ia telah dihadepken pada radja Pak An Ong dan laen-laen orang di dalem kraton; lebi doeloe dari itoe orang moeda kita telah dapet liat berbagi-bagi pamandangan bagoes dalem itoe negri asing. Kota radja ini bangsa asing ada dibikin begitoe bagoes, banjak terdiri roema-roema gedong jang inda dan amat ramenja. Orang-orang politie dan millitair ada bikin pendjagaän di sana sini, djoega barisan negri dan orang-orang particulier tiada poetoesnja bersaliweran di sana sini.

Pandeknja itoe iboe kota tiada kala bagoes dan remenja sama laen-laen negri jang besar.

amenja gama laen-laen negti jang besar.

Satelah mengadep pada Pak An Ong disini kita ringkesin sadja, bahoea dengen itoe satoe pil In Liong soeda bikin semboe penjakitnja itoe Permisoeri, atawa jang lebi betoel dipanggil Ang Hong Houw. Koetika liat Permisoerinja semboe di sa'at itoe djoega hatinja Pak An Ong girang sekali, Baginda laloe silaken In Liong doedoek pada satoe krosi dihadepannja dan lanja ia poenja she, nama serta asal dari mana.

„Hamba ini ada anaknja pendoedoek negri jang melarat dari kaoem koelawarga Beng” saoet In Liong, „dari sebab hamba poenja familie dikeniaja orang, maka hamba melariken diri dan terloenta-loenta dengen tiada poenja tempat boeat berlindoeng.”

Ang Hong Houw denger begitoe djadi merasa kasian, dan ini bisa diliat sebab beroetang-oelang ia mengela napas. la kata pada Baginda: Ini nona roepanja tiada haroes ditjela, maka hamba merasa kasian kaloe ia moesti djalan melarat sebagimana baroesan ia ada tjerita. Maka dari itoe kaloe Taij Ong merasa moefaket baeklah ambil padanja sebagi kita poenja anak poengoet.”

„Kami djoega pikir lebi baek bagitoe, tjoema blon taoe ini nona bisa setoedjoe atawa tiada dengen kita orang poenja pikiran?” saoet Pak An Ong sambil oetjapken itoe pertanjaan pada In Liong.

Roepa-roepanja orang moeda kita terlebi doeloe soeda mengambil poetoesan, maka koetika di tanja begitoe ia lantas berloetoet serta basaken ajah dan iboe, hingga Baginda dan Permisoeri djadi dan kasi nama Hap Keng Kiongtjoe pada anak poengoetnja itoe. Tentang semboenja Ang Hong Houw ini soeda terwarta oleh sekalian ambtenaar besar dan ketjil, maka itoe hari satoe persatoe dateng mengasi slamat dan sampeken djoega itoe pembrian pada Hap Keng Kiongtjoe.

Malemnja telah di boeka pesta besar, di mana sekalian pembesar Civiel-militair, familie radja, teroetama Pak An Ong, Ang Hong Houw dan Hap Keng Kiongtjoe alias In Liong ada toeroet hadlir dalem itoe pesta. Sedeng dalem ini perdjamoean semoea orang ada menjataken soeka hatinja, tapi tjoema Baginda sendiri kliatan doeka, tegesnja tiada toeroet goembira seperti jang laen-laen, hingga semoea orang merasa heran.

Antara begiloe banjak orang, antara mana djoega familie radja, tapi tjoema Ang Hong Heuw jang brani menanja: Kenapa Baginda poenja roepa ada begitoe masgoel, sedeng sabenernja ia moesti kepalaken itoe pesta dengen kagoembiraän.

„Nio-Nio liat sendiri,” kata Baginda sambil mengela napas dan memandang di koeliling roewangan pesta. Kami poenja semoea sekalian pembesar, besar dan ketjil rata-rata ada berkoempoel dalem ini roewangan, tapi tjoema satoe jang tiada ada, jaitoe kami poenja soedara. Lantaran boeat keslametannja negri, soeda delapan taon kemari-in soedarakoe ada di Tiong Goan sebagi orang pertanggoengan; kami tiada taoe lagi gimana ada terdjadi dengen dirinja di dalem negrinja laen orang, jang sekalipoen di perlakoeken baek tetapi tiada sama seperti di negri sendiri. Sekarang kami di sini bersoeka-soeka hati, tapi siapa taoe soedara di sana ada didalem keadaän tjilaka, meng inget itoe semoea kami djadi berdoeka dan tiada poenja kagoembiraan.”

Baroe sadja Baginda abis kata begitoe, dari reewangan perdjamoean sebla kiri kaloear satoe ambtenaar negri, jang dengen berleetoet.lantas berkata: Dalem ini hal Toeankoe djangan bersoesa hati, kerna menoeroet hamba poenja pengliatan, sekarang ini gampang kita djalanken tipoe boeat ambil poelang Dji Taij Ong dari negrinja moesoe.”

„,Sinsiang ada poenja tipoe begimana?” menanja Pak An Ong dengen girang:„Djikaloe kau bisa kerdja begitoe bagoes, sampe Gie-te poelang ka mari, dengen senang hati kami bri anoegra besar dan angkau boleh dapet gelaran Tjianswe.”

Baroe-baroe ini dari brapa orang jang dipertjaja hamba telah trima warta, bahoea brapa ambtenaar besar jang bidjaksana di Tiong Goan soeda meninggal doenia, dan sekarang berbagi-bagi oeroesan besar ada dalem tangannja Lu Kok Tjaij” saoet itoe Ferdana-mantri:

„Dalem sabagitoe djaoe jang hamba taoe, Itoe Lu Sinsiang ada satoe orang jang soeka trima oewang sogokan; tjoba Toewankoe prenta brapa ambtenaar menja- roe sebagi orang dagang pergi masoek ka sana, diam-diam seraken barang bingkisan pada Lu Sinsiang seraja minta ia poenja bantoean dalem kita poenja maksoed, dengen tjara begini hamba rasa Dji Taij Ong bisa dibawa poelang ka mari.”

Djoega Prins Ya Loet Sioe San toeroet njataken pikirannja seraja berkata: ,,Djika hamba dapet kabar, ini tempo Ko Teng Tjan ada dalem pemboeangan, maka di kota radja soeda tiada ada panglima prang jang diboeat takoet. Kita poenja angkatan prang soeda toedjoe taon teroes-meneroes jakin ilmoe prang, ramsoem dan alat sendjata poen tjoekoep. Nanti kaloe Hong Siok soeda ada di sini, Ong-Dji dan sekalian panglima pinpin pasoekan tentara pergi menjerang ka selatan.”

Pak An Ong njataken setoedjoe dan bri perkenan maksoednja Prins Sioe San. Demikianlah terdjadinja itoe permoefaketan dalem ini pesta, jang tiada lama poen ditoetoep kerna hari soeda djaoe malem.

Liwat lagi brapa hari, pada satoe hari Ang Hong Houw pergi di kraton Hap Keng Kiong tempatnja In Liong, di mana ini Permisoeri doedoek beromong omong lama sekali. Antara laen-laen ini Permisoeri bilang, ia niat nikaken Hap Keng Kiongtjoe sama sala satoe poetranja ambtenaar besar, hingga bikin orang jang ditawarken hal itoe djadi sanget bingoeng. la boeroe-boeroe berloetoet seraja berkata:

„Boekan sekali-kali hamba tiada menoeroet dan banta Nio-nio poenja kahendak, dari sebab hamba soeda dipertoendangken pada laen orang, ini membikin halangan boeat hamba poenja diri."

„Angkau soeda dipertoendangken sama siapa?" menanja Ang Hong Houw.

„Hamba soeda dipertoendangken pada Kou In Liong Kongtjoe, poetranja Han Lim di Djin Ho Koan. Padanja hamba soeda bersoempa boeat idoep sebagi laki istri" saoet In Liong.

„Oh, begitoe!" kata Ang Hong Honw: „Dan akoe nanti prenta orang pergi tjari di mana adanja kau poenja toendangan, kaloe ketemoe boleh lantas menika di sini."

Orang moeda kita membilang trima kasi.

Demikianlah sedari itoe tempo In Liong telah tinggal dalem astana dari keradjaän Pak Hoan. Itoe Ang Hong Houw sekalipoen ada prempoean asing tapi ada toeroenan orang bangsawan di sana ia mengarti baek dalem hal soerat menjoerat dan setiap hari bertjampoer gaoel pada anak poengoetnja, jang djoega haroes dibilang boekannja orang renda pengartiannja.

Semingkin keras pergaoelannja sama Ang Hong Houw, samingkin keras In Liong djaga dirinja, soepaja resianja, tiada terboeka dan diketahoei oleh itoe Permisoeri.

Sekarang kita adjak pembalja pergi meliat keadaan di gedong Tin Kok Hoe, dimana itoe hari koetika paginja baroe Soen Nio dapet taoe The Koen dan brapa boedjang laen soeda pergi : Hok Tjoen merasa maloe dan sanget mendongkol, apa lagi tempo liat Kohnja menangis sadja.

Tapi lambat laoen itoe keadaän djadi beroba, Soen Nio pelahan-pslahan moelai loepa atas apa jang soeda terdjadi. Sekarang Djiem-po telah di'angkat djadi boedjang kepala oleh Soen Nio, hingga ini toea-bangka boesoek djadi sanget girang dan sombong, anggep itoe keangkatan sebagi orang naeki dirinja ka atas tachta moelia.

Berbareng dengen ini Hok Tjoen djahanam poen soeda toereet naek ka atas, oleh boedjang. boedjang la dipandang sebagi toean jang agoeng dalem gedong Tin Kok Hoe. Tingka lakoe tiada pantes jang ini orang moeda sering oendjoek itoe koetika djadi lebian poela.

Pada satoe hari kabetoelan di sana ada dibikin pesta taonan dalem gredja Gak Ong Bio, sebagimana biasa taon-taon jang laloe, poen pada itoe koetika ini pesta kedjadian rame sekali. Pendoedoek negri, lelaki dan prempoean toea dan moeda serta peen anak-anak, boleh dibilang dari tempat deket sampe pada tempat jang djaoe telah dateng menonton itoe keramean, jang diadaken berbagi-bagi tontonan. Poen Hok Tjoen, jang

Templat:Ko reng Tian- membilang pada Soen Nio maoe pergi pasang trio aken bajar kaoel telah pergi ka itoe tempat keramean; sebagi Kongtjoe tjeriwis dan gila basa, ia ini menjelak di antara orang banjak lelaki dan prempoean, sedeng matanja selaloe berdjelalatan meliat ka sana sini, dimana ada banjak koempoel gadis-gadis jang tjantik.

la boelak balik di sitoe dengen tiada katentoean apa jang di tjari, maoe dikata nonton boekan menonton, kerna matanja, selaloe meliatin moekanja gadis-gadis. Kelakoean ini djahanam jang begitoe menengil boekan orang djadi soeka tapi berbalik bentji. Roepa-roepanja sebab tiada saorang maoe ladenin, achir-achir ia pergi ka bio, di mana djoemblanja orang tiada begitoe banjak, selaennja orang jang maoe Thiam-hio sadja.

Baroe sadja masoek dan lagi berdiri di lankan, apa maoe matanja meliat satoe nona tjantik sekali moekanja boender matanja djeli, sedeng idoengnja jang bangir ada sembabat dengen moeloetnja jang ketjil dan lemot. Pengawakannja ketjil dan potongannja ramping; ramboetnja jang item djengat serta gompiok soeda bikin bagoes dipemandangan dan terlebi eilok diliatnja, adalah dengen ia poenja pakean jang berwarna idjo moeda dan tangannja jang poeti dan aloes mengepel setangke kembang.

Sebagi orang kasima Hok Tjoen liatin itoe nona, kerna ia baroe perna liat ada sa-orang prempoean jang berparas eilok seperti nona itoe. Djoestroe tiada lama lagi itoe orang liwat dan seperti disengadja djalan di deket Hok Tjoen berdiri, hingga ini alap-alap dapet koetika jang back pandang orang poenja moeka begitoe roepa, sampe jang diliatin kepaksa tersenjoem dan djalan minggir-minggir.

Ini nona sigra menghamperi Bio-kong, oleh siapa ia dilajanin pasang hio satelah itoe ia menghamperi saloe koempoelan krosi dan doedoek di sifoe sembari mengipas. Hok Tjoen sigra dapet sedot baoean haroem dari pakeannja si nona hingga ini keparat jang dari tadi merasa ketarik djadi tertantjep di sitoe dengen merasa berat aken berlaloe.

,,Heran, kenapa begini panas?" begitoe achirnja kadengeran itoe nona berkata pada pengiringnja dengen swara merdoe.

„Orang begini banjak tentoe sadja hawanja panas." saoet iloe prempoean toea, jang sembari bilang begitoe lantas menoendjoek ka loear dan berkata: Toe'pa Loija dateng!"

Bener djoega dari sebla locar dateng masoek saorang lelaki toea, jang dari pakeannja lantas bisa didoega ia ini ada saorang hartawan.

„Apa kau soeda pasang hio?" menanja ini 'mpe sambil hadepin moekanja itoe nona: ,, kenapa masi di sini sadja apa kau tiada niat menonton itoe wajang jang membawa lelakon begitoe rame?"

,,Akoe baroe abis Thiam-hio. Di tempat tontonan hawanja begitoe panas, biarlah akoe berangin doeloe disini," sacet itoe nona sambil sangkel sebla tangannja di senderan krosi.

-,,Kaloe tiada nonton tentoe kau menjesel. Tapi, nonton atawa tiada akoe maoe apa perdoeli, tjoema akoe kira sabentar orang nanti tarik boeat menonton."

-,,Tida bisa!"

Koetika dapet ini djawaban itoe orang toea lantas berdjalan pergi. Tiada antara lamanja dateng lagi satoe katjoeng, jang menitaken ini nona pergi menonton.

Wan-gwe minta dengen sanget nona nonton sekarang djoega, sabentar aken banjak orang, hingga moesti berdesekan boeat masoek ka dalem."

Seperti kepaksa ini nona lantas bangoen seraja berdjalan kaloear, tapi blon brapa tindak ia menengok ka blakang sambil kasi liat senjoemnja jang manis pada Hok Tjoen, hingga seperti di tarik ini orang moeda mengikeetin di blakangnja. Sabentar peela ini nona soeda berkoempoel di antara sekalian penonton di moeka panggoeng. la doedoek di seblanja itoe orang toea, sedeng seperti di soeroe Hok Tjoen djoega ambil tempat doedoek di deketnja itoe nona. Ampir boleh di bilang sedikit sekali Hok Tjoen pentangken matanja ka atas panggoeng, hanja sebagian besar ia goenaken itoe koetika baek pandang troes moekanja itoe nona, jang roepanja semingkin di pandang djadi semingkin boto dan tiada djadi bosen.

Tatkala wajang maen sampe di achirnja, semoea penonton sigra boebar, sedeng ini nona poen berdjalan poelang dengen doedoek kandaran bersama itoe orang toea. Lagi-lagi seperti disoeroe, Hok Tjoen jang tiada maoe berpisa djaoe soeda mengintiL dan ikoetin itoe kandaran jang menoedjoe ka sebla kidoel.

Tempo itoe hawa oedara ada sanget panas, maka djalan blon sebrapa djaoe badjoenja Hok Tjoen soeda djadi tjiproek dan badannja mandi keringet; maski begitoe ini anak bangor tiada merasa lela atawa tjape, hanja ngintil teroes dengen pikiran melajang-lajang.

„Soeda begitoe lama akoe baroe taoe jang di sini ada saorang gadis jang begitoe tjantik" begitoe ia berpikir: Bong Loan bole di boeat bangga ada gadis jang paling eilok, tapi tiada seperti ini sampe begitoe menarik akoe poenja hati."

Berkata sampe disini ia inget begimana seringkali Bong Loan oendjoek kelakoean tiada pantes pada dirinja jang menanggoeng tjinta, hingga di saät itoe hatinja Hok Tjoen djadi mendongkol dan sanget gemes.

„Sasoenggoenja orang prempoean gelo sekali kaloe tiada bisa setoedjoe dengen roepa dan kapinterankoe, jang tiada haroes dibilang dielek dan tjetek, seperti kelakoeannja Bong Loan, „katanja lagi. „Ini nona kaliatan begitoe djinek, tentoe akoe poenja djodo; djika akoe bisa djadi swami-istri, besarlah rasanja akoe poenja rasa beroentoeng."

Begitoelah sembari djalan ini orang moeda sembari berpikir, sampe achirnja itoe kandaran brenti di depan satoe roema besar jang terletak di Hap-Ho Po. Hok Tjoen berdiri tiada djaoe di tempat mana itoe nona dan orang toea toeroen dari kandaran; itoe lelaki toea masoek lebi doeloe dan itoe nona blakangan, tempo maoe masoek ia berpaling pada Hok Tjoen sambil tersenjoem, sedeng tangannja menoendjoek ka sebla kalen.

Hok Tjoen mengarti dan laloe tjepet menoedjoe ka tempat jang dioendjoek, blon brapa tindak ia berpapasan sama saorang lelaki toea dengen menoentoen anak lelaki jang masi ketjil. Orang ini roepanja baroe poelang dari keramean di Gak Ong Bio.

„Lotiang, apa akoe boleh tanja ini roema siapa?" menanja Hok Tjoen sembari membri hormat pada itoe orang toea.

Boekantah baroesan Sianseng liwat di sitoe?" kata ini orang toea jang bales menanja sembari menoendjoek kadepan: „Itoe orang tadi jang toernen dari kandaran, dia itoe toean dari ini roema."

-,Orang she apa la itoe?"

-She Bauw, dipanggil Bauw Kong Asal moelanja orang soesa, pedagang tjita ketjil-ketjil tapi sebab satoe tempo harganja tjita naek begitae tinggi membikin ia dapet kaoentoengan besar, sampe dari saorang miskin ia djadi saorang hartawan dan diseboet Wan-gwe."

-,,Apa ada anaknja?"

-,,la tjoema poenja satoe anak prempoean laen dari..........

Blon abis ia berkata, tangannja itoe 'mpe toea soeda ditarik oleh anaknja, hingga mape tiada maoe ia djalan pergi, sedeng Hok Tjoen dengen tiada merasa pueas djoega berdjalan lagi.

Tiada lama ia sampe di blakang pengabisannja itoe roema besar. Disana ada saloe pintoe, tapi terkoentji kentjeng; di sitoe ada ditanem banjak matjem poehoen kembang dan tempatnja bresi sekali. Selagi mendoega-doega jang itoe nona maksoedken ia menoenggoe di sitoe, koenjoeng- koenjoeng kadengeran orang berdehem, Hok Tjoen. angkat kapala dan liat itoe nona berdiri di bawa djedela. Di sitoe Hok Tjoen djadi sanget girang, ia menghamperi ka deket djendela sambil membri hormat. Itoe nona tertawa seraja kaloearken tangannja jang pegang kipas dari selat djendela, kamoedian seperti disengadja ia bikin djato itoe kipas jang dipegangnja. Hok Tjoen boeroe-boeroe poengoet itoe dan jioemie beroelang-oelang, samentara itoe nona seabisnja berboeat demikian lantas berlaloe.

Hok Tjoen kailangan. Tapi saät itoe kadengeran swara kelotrakan dan pintoe lantas terboeka, dari mana kalialan sa-orang prempoean toea kaloear, Hok Tjoen kenali, orang itoe jang tadi bersama-sama itoe nona di dalem bio.

Siangkong, mana itoe kipas?" kata ini prempoean toea: ,,Dengen tiada disangadja baroesan nona kedja djato dan katanja kau jang poengoet, maka ia minta bibajar poelang.

,,Wah, tida bisa!" saoet Hok Tjoen sambil masoekin itoe kipas kadalem sakoenja: „Ini kipas ada barang jang berharga tjara begimana begitoe gampang akoe maoe seraken!"

-,,Segala kertas, apatah harganja!"

-,,Betoel begitoe. Tetapi akoe dapet itoe dari bidadari di kajangan, maka panteslah dipandang barang jang loear biasa. Dan bila maoe diambil poelang akoe tiada bisa kasi, katjoeali itoe bidadari sendiri jang dateng minta!" _,,Baek, tapi siapa Siangkong poenja nama, soepaja akoe bisa bri taoe pada Siotjia?"

Hok Tjoen lantas bri taoe namanja dan di mana tinggalnja. Soeda tentoe apa jang ia seboet ada dibikin begitoe moelia sabisanja. Lebi djaoe ia bilang Dari sebab akoe ini ada toeroenan orang bangsawan, maka sanget soesa familie-koe dapetken gadis jang dipenoedjoe dan setimpal deradjatnja. Sekarang akoe dapet liat kau poenja nona parasnja begitoe tjantik, maka toeloenglah sampeken akoe poenja perkataän tjinta padanja."

Ini prempoean tertawa dan sigra masoek ka dalem. Tiada berselang lama ia kaloear lagi dan berkata pada Hok Tjoen: Siotjia bilang: itoe kipas sekalipoen boekan berharga mahal tapi ada barang persenan ajahnja. Siangkong djangan bikin ilang kipas itoe dan sabentar sore la minta dateng di sini,“

,,Ja, back," saget Hok Tjoen dengen girang dan lantas berdjalan pergi, sedeng itoe prempoean toea djoega masoek ka dalem sembari mengoentji pintoe. - Hok Tjoen djahanam boekan poelang sebagimana brangkali orang doega, hanja brenti di dalem bio jang tiada djaoe dari roemanja famille Bauw, di mana ia menoenggoe dateng- nja sang malem.

Di itoe tempo mata-hari memang soeda maoe silem, maka dengen tiada membikin kesel hatinja Hok Tjoen jang menoenggoe hari telah djadi malem. Begini waktoe ini djahanam kaloear dari dalem bio menghamperi tempat tadi siang, di mana ia bikin pertemoean. Pintoe laloe diketok dengen pelahan, jang mana tiada lama dari dalem lantas kadengeran orang menanja: „Siapa?"

„Akoe, orang jang maoe bajar poelang kipas ada di sini!" Saoet Hok Tjoen dengen sigra.

Koetika pintoe di boeka, itoe prempoean toea berdiri di moeka pintoe dan silahken iloe orang moeda masoek ka dalem. Satelah pintoe soeda di koentji kombali, ini prempoean toea lantas adjak Hok Tjoen masoek ka dalem. Di deket tangga loteng Hok Tjoen di prenta menoenggoe, itoc prempoean toea lebi doeloe bri taoe nonanja tentang datengnja itoe orang moeda.

Tiada antara lama itoe prempoean toea soeda balik kombali dan bri taoe, nonanja soeda bersedia aken menjamboet. Dengen hati berdebar-debar ini anak bangor naek di tangga; ia liwat diantara satoe roewangan jang di kiri kanan ada di pasang lankan, kamodian baroe masoek ka satoe kamar, di mana ada di terangi sama brapa lilin. Di satoe divan kliatan Bauw Siotjia lagi doedoek dengen toempang kaki. la ada pake badjoe pandjang warna idjo jang tersoelam oleh roepa-roepa kembang, hingga membikin permei di liatnja.

Mendadak Hok Tjoen rasaken dirinja seperti masoek di dalem sorga, ia baroe perna alamken ini keadaän seperti sedeng berada dalem impian sedep. Dari djaoe ia soeda bongkokin badannja begitoe roepa, betoel seoepama kelakoeannja satoe lelaki renda jang ingin dapet tempat dalem hatinja si nona.

Dengen roepa maloe-maloe Bauw Siotjia menoendjoek pada satoe derekan krosi-krosi dan silahken prempoean toea ambil the; seabisnja minoem seljawan the jang di soegoeken padanja, Hok Tjoen laloe berkata: „Akoe merasa teramat beroentoeng bisa berhadepan pada nona itoe pengrasa'an tiada tahoe dari mana datengnja, tetapi dengen soempa akoe tetepken, itoe semoea terbit dari hatikoe jang soetji."

,,Djika soenggoe ada begitoe, ini membikin akoe merasa teramat soekoer," saoet Bauw Slotția dengen swara merdoe. Di sini akoe menerang ken pada Siangkong: Ka atas akoe tiada poenja koko, ka bawa tiada poenja ade baek lelaki atau prempoean. Tegesnja akoe ini ada anak satoe- satoenja dari ajah dan iboekoe. Di antero tempat di Gi Jang boleh di bilang orang toeakoe soeda poeterin semoea tempat boeat tjari akoe poenja pasangan tapi ternjata itoe semoea sia-sia sadja, kerna ajahkoe blon dapet pemoeda jang di penoedjoe aken djadi mantoenja. Sekarang akoe merasa beroentoeng dapet bertemoe pada Siang kong; akoe liat roepamoe begitoe moelia, tingka lakoenja sopan-santoen, maka kaloe tiada diboeat tjelaän sama roepakoe jang djelek, harep Siang kong soeka trima dirikoe boeat djadi swami-istri sampe di achirnja djaman."

Halinja Hok Tjoen sabesar goenoeng koetika denger itoe oetjapan. Ia bales oelangin banjak perkataän dan achirnja minta itoe gadis bri taoe namanja.

,,Namakoe diseboet Dji Hoa." saoet Bauw Slotjia.

„Oh, itoe nama ada begitoe soeroep dengen Siotjia poenja roepa jang seperti kembang!" kata Hok Tjoen: ,,Akoe kira salekasnja dan brangkali esok pagi, akoe nanti kirim orang ka mari boeat bitjaraken kita poenja perdjodoan pada ajah dan iboemoe. Tjoema akoe kwatir, sedeng kita poenja kahendak soeda djadi tetep, adalah Loija dan Hoedjin ada mempoenjai laen pengliatan dari kita orang?"

,,Tiada, itoe perkara Siangkong djangan boeat slempang." saoet Bauw Siotjia: „Kaloe sadja Siangkong soeda kirim orang, ini oeroesan lantas bisa mendjadi."

Teroesa diseboet lagi begimana girang hatinja itoe pamoeda doerhaka di itoe waktoe, jang mana sateroesnja laloe mengobrol ka Barat dan ka Timoer, agoengin dirinja di hadepan Dji Hoa dan laen-laen lagi. Sedeng Hok Tjoen sengadja bikin pandjang temponja soepaja ia bisa berha- depan begitoe lama sama Dji Hoa tapi apa maoe itoe gadis seperti tiada mengidjinken dan prenta la poelang. Hok Tjoen jang sebagi soeda berakar mana maoe gampang gampang oendoerken diri, malah dengen poera-poera bingoeng ia kata:

„Begini waktoe tjara begimana Siotjia maoe soeroe akoe poelang? Akoe ini ada sanget penakoet dan tiada biasa kalocar malem, Harep nona poenja kasian dan minta kau poenja senang hati soepaja akoe menginep sadja di sini, sekalipoen tidoer di batoe atawa di atas bangkoe, esok sablon laen orang bangoen akoe boleh poelang.

Itoe prempoean toea djadi ketawa koetika liat kelakoeannja Hok Tjoen. la kata dengen ketoes:

,,Akoe tiada pertjaja Siangkong penakoet! Djika. koerang-koerang tabanja akoe kira kau tiada bisa sampe di sini. Siangkong taoe hoekoeman apa orang nanti dapet bila ketaoean tenga malem masoek di roema orang, apa lagi dalem kamarnja satoe gadis jang boekan djadi familienja?"

,,Kenapa akoe tiada taoe!" saoet Hok Tjoen dengen merasa mengkel di hati: "Tapi, boeat goenanja nona jang akoe tjinta, biarpoen mati tiada oeroeng akoe dateng tengokin!"

,,Djik nandake Sineke boneka kajoe jang tiada bisa mengimbang perkara." kata Bauw Siotjia sasoedanja bengong sabentaran; „Dengen segala soeka hati akoe bri perkenan Siangkong menginep sama-sama akoe, tapi lebi doeloe akoe minta bersoempa, jang kau tetepken kita orang poenja pembitjaraän di ini malem dan tiada aken bikin kapiran." Ja, baek akoe djoega ada mengandoeng itoe pikiran!" begitoelah Hok Tjoen menjamboet dengen sigra.

Bauw Siotjia lantas prenta itoe prempoean toea ambil hio, satelah dipasang, dengen menjehoet langit dan boemi serta sekalian melaekat, Hok Tjoen menaro soempa jang paling berat aken tiada sia-siaken pada katjintaännja, samentara Bauw Siotjia poen toeroet bersoempa. Begitoepoen itoe prempoean toea soeda tiada terloepoet dari persoempaän, tjoema bedanja ia ini bersoempa boeat pegang resia perhoeboengan itoe 2 orang, kerna laen orang tiada dapet taoe katjoeali ia sendiri.

Dengen begitoe Hok Tjoen dapetken maksoednja, kerna itoe malem ia menginep dan tidoer djoega dalem satoe pembaringan sama Bauw Siotjia!

---

Pribasa poen ada bilang
Asep mana bisa di toetoes?
— Sasoeda terbit banjak rewel
achienia kedjadian dioega

sendiri, sedari tantjep kakinja di gedong Tin Kok Hoe ampir boleh dibilang Hok Tjoen selaloe oendjoek berbagi-bagi maksoed kedji boeat sampeken ia poenja kahendak boeroek, dari perboeatan mana haroes dikata ia ada menanggoeng dosa besar pada Allah, jang sakean kali ia djoestaken begitoe roepa.

Itoe soempa jang dibikin pada itoe malem di mana boeat permoelaän kali ia berhoeboeng sama Bauw Siotjia. Inilah ada pembalesan Allah jang nanti bikin itoe pamoeda doerhaka trima boea dengen bibit beratjoen jang ia telah sebarken. Tapi ini blon sampe waktoenja boeat ditoetoerken itoe perkara, maka baeklah kita balik kombali sama hal jang tertoelis di atas.

Esoknja di waktoe masi pagi Hok Tjoen soeda poelang, orang pertama ia bertemoe di sana jaitoe Lo Keng. Ini boedjang doerhaka telah liat moekanja itoe orang moeda bersorot girang, maka ia kata: „Siangkong kaliatan ada begitoe girang, tapi boleh djadi itoe soeda bikin akoe djadi setenga mati! Dari kemaren sore akoe pergi tjari kalang kaboetan dan baroe ini hari kaliatan poelang; sabenernja lagi semalem Siangkong nginep di mana?"

Setjara jang begitoe girang Hok Tjoen lantas bri penjaoetan, djoega dengen bangga ia bri taoe apa telah terdjadi antara la dan Bauw Siotjia lagi semalem.

,,Dan akoe poenja slamat pada Siangkong!" kata Lo Keng dengen tertawa dan selagi la mane berkata poela, Hok Tjoen ketok kepalanja sama kipas seraja berkata: "Soeda, djangan bikin pandjang tjerita!"

Kamoedian ini anak doerhaka masoek ka dalem ketemoeken Soen Nio, jang djoega bikin pertanjaän di mana ia menginep dan sebab apa maka tiada poelang.

,,Kemaren di Gak Ong Bio akoe bertemoe sama Tjoe Heng, jang tiada boleh tiada adjak akoe pergi ka roemanja, di mana telah di bikin perdjamoean sampe djane malem, hingga kepaksa akoe menginep," saoet itoe anak doerhaka jang sanget pande membohong: "Ia bitjaraken banjak perkara antara mana ia bitjaraken djoega akoe poenja perdjodoan. la bilang di Hap Ho Po ada satoe gadis eilok jang ja soeda perna liat berkali-kali oeslanja sepantar sama akoe, maka ia bri pikiran, pantes kaloe nona itoe djadi akae poenja istri."

Soen Nio djadi merasa girang dan ketarik, maka ia lantas menanja: Gadis jang di seboetken itoe anak siapa? Dan ajahnja siapa.

„Itoe gadis orang she Bauw," sahoef Hok Tjoen: ,,Ajaknja doeloe djadi soedagar tjita, tapi sekarang