Tawar Sedenge

Dari Wikisource bahasa Indonesia, perpustakaan bebas
Langsung ke: navigasi, cari
Tawar Sedenge

Engon ko so tanoh Gayo
Si megah mu reta dele
Rum batang uyem si ijo kupi bako e

Pengen ko tuk ni korek so
Uwet mi ko tanoh Gayo
Seselen pumu ni baju netah dirimu

Enti daten bur kelieten Mongot pude deru
Oya le rahmat ni Tuhen ken ko bewen mu
Uwetmi ko tanoh Gayo Semayak bajangku

Ken tawar roh munyang datu uwetmi masku
Ko matangku si mu mimpim
Emah uyem ko ken soloh
Katiti kiding enti museltu i lah ni dene

O kiding kao ken cermin
Remalan enti berteduh
Enti mera kao tang duru ton jema dele

Enti osan ku pumu jema Pesaka si ara
Tenaring ni munyang datu ken ko bewene mu
Uwet mi ko tanoh Gayo Ko opoh bajungku
Ken tawar roh munyang datu uwetmi masku

Sumber[sunting]