60
dan soenggoeh senang dia pikir hal kedjadiannja itoe kadjodoan.
Di tjeritakan Lioe Si Djoen sasoedahnja dapet itoe Pat Bi To (gambarnja 8 prampoean bagoes) amat girang dia poenja hati, dan dia tida kira sekali-kali jang dia poenja kadjodoan, semoеa ada di dalem roemanja Hoa Ting San.
Lioe Si Djoen berdjalan troes dan dapet liat ada 1 roema tempat djoeal arak, di mana atas pintoe ada tertoelis 3 letter amas, terseboet: „Sam Sian Kwan”;
Lioe Si Djoen berkata pada Lioe Hin soedah lama kita dengar ini Sam San Tjioe Kwan, baroe ini hari kita soedah sampa di sini, marilah pada pergi di sitoe boeat minoem arak sedikit.
Sasoedahnja Lioe Si Djoen bersama Lioe Hin masoek di sitoe, serenta dia tengok betoel itoe roema pendjoealan arak amat baik peratoerannja, ada bebrapa medja, krosi, teratoer ada 10 bagian poenja netjis dan tida berpoetoessan orang masoek keloear di sitoe.
Lioe Si Djoen bersama Lioe Hin lantas naek di atas loteng sasoedahuja doedoek; Lioe Hin panggil pada toekang logement itoe, begitoe lekas toekang
