37
datang di ini negri, kalamaren saija poenja 1 bidji moetiara saija gadé-in di sini boeat 50 tahil perak, sekarang saija maoe teboes, oewang dan soeratnja gadé saija soedah trimakan pada Lo Tiauw Hong, tetapi dia bilang itoe moetiara, Lo Sian Sing bawah poelang, maka saija datang di sini.
Hoa Ting San menjahoet: Kalemaren itoe moe- tiara djato di tanah, tetapi saija tjari tida dapet Lioe Si Djoen serenta dengar itoe perkataän, lautas mendjadi kaget dan keloear kringatnja, kemoedian dia tanja lagi: Lo Sian Sing, itoe moetiara begimana ketentoeannja?
Hoa Ting San menjahoet: Sasoenggoehnja betoel ilang.
Lioe Hin lantas sadja maki-in pada Hoa Ting San: Hei bangsat toewa! lebi baik loe lekas kasi kombali itoe moetiara, djanganlah loe bitjara tepoeter akan tipoe, itoe moetiara ada anoegrahannja Maha Radja jang soedah marhoem kepada roema seh Lioe, dia poenja harga ada lebi dari pada benteng, dan kita kasi ingat loe bole lekas kasi kombali itoe moetiara, bole kita lautas pergi, tetapi kaloe tida, dan kaloe kita mendjadi timboel marah, kira-kira loe poenja kekajaän ada soesah boeat ganti itoe moetiara.
