27
Hoa Ting San poenja marah itoe? ia itoe dia melaenkan taoe selama moetiara poeti dan trang tjahajanja, maka itoe Lioe Si Djoen, poenja I Bik Bing Tjoe roepanja ada boetek, mendjadi Hoa Ting San tida kenal sekali-kali kaloe djimat jang mahal harganja.
Sasoedahnja Hoa Ting San marah-marah, Ang Tiauw Hong misi berdiri di sampingnja, dan dia bilang di dalem hatinja: Kita heran sekali ini orang begitoe tjepat amarahnja dan tida mengarti moestika jang bagoes atau jang boesoek adanja, melainkan marah dan tariaknja sadja,— ja kita tida maoe tjeritain kedjadiannja ini moetiara, biar dia poenja hawa merah kaloe soedah mendjadi setengah mati, baroe nanti kita tjeritain dari ini moetiara.
Sekalian orang jang kerdja di dalem penggadean itoe dapet dengar dia poenja Tau Ké marah-marah ada di dalem roemah, dia tida taoe ada perkara apa, lantas pada lari masoek di dalem roemah, di sitoe dia dapet liat.
Hoa Ting San lagi marah matanja liatin Ang Tiauw Hong, sekalian orang jang bekerdja di penggadean itoe lantas menanja pada Hoa Ting San; Tau Ké kerna apa marah? Hoa Ting San menjahoet: kita andelin pada Ang
