24
Sekarang di tjeritain di Kee Hin loear pintoe sebla timoer, 6 paal poenja djaoe, di sitoe ada 1 orang kaja, Seh Hoa, nama Kwat, alias Ting San, dia poenja kekajaän ada bermilioen, sawa dan kebonnja ada beriboe bouw, itoe roema penggadean merk Liong Hin dia poenja, dia poenja bini orang Seh Tian oemoernja 50 taoen bersamaän dengan dia, tetapi tida poenja anak lelaki, melainkan ada 1 anak prampoean di namain Aij Tjoe, oemoernja baroe 18 taoen, lagi ada 1 anak angkat Seh Tjaij nama So Tjing, anaknja orang di IJang Tjioe keloear dari baboe tete, tetapi mah bapanja semoea soedah meninggal doenia, itoe anak prampoean ada 1 soedara lelaki terlalue gagah perkasa, pentjariannja djalanin perahoe tinggal di lain negri.
Itoe anak prampoean bernama So Tjing, mengakoe pada Hoa Ting San sekalian djadi mah bapanja dan lagi itoe anak prampoean ada angkat soedara pada 8 orang prampoean, pada satoe tempo samoea berkoempoelan akan adjar boegee (gisiauw).
Pada itoe hari Hoa Ting San di roema tida ada kerdjaän apa-apa, lantas dia soeroe boedjangnja sediain djoli (kio), sasoedahnja djoli tersedia, lioa Ting San naekin akan pergi di roema penggadeannja merk Liong Hin, akan priksa-priksa, serta
