235
renta dapet dengar itoe soewara, lantas dia berdiri ambil sendjata pergi oesir pada Hiek Koei, tetapi Hiek Koei tetawa sembari kata ; ,,Kita Oh Liong Ong tinggal di Oh A San masa takoet pada loe, dan loe bole lekas kasi kombali itoe Him Boen.
Sekalian nona-nona itoe pada marah besar lantas dia berklahi, tetapi itoe Oh Liong Taij Ong betoel koeat badannja, terkroeboetin 9 orang dia tida keliatan takoet.
Itoe Him Boe lantas troes masoek di dalem roemanja Bing Wan Gwee, akan tjari dia poenja soedara, tetapi tida bisa dapet, lantas dia tangkep satoe boedjangnja Bing Wan Gwee, di tanja di mana tempatnja Him Boen, dan mengantjam kaloe tida maoe kasi toendjoek hendak potong lehernja, itoe boedjang minta ampoen dan goemeter badannja lantas dia kasi toendjoek di mana soewatoe kamar kosong, kemoedian Him Boen bisa terlepas, lantas dia berkoempoel pada Oh Liong Taij Ong, troes berperang pada sekalian nona-nona itoe, rameenja sampe seperti oeler naga dan harimau berklahian, serenta sampe hari petang Oh Liong Taij Ong minta berenti dan lantas kombali di goenoengnja.
