17
Djoen poenja leloehoer bernama Lioe Boen Hoa.
Lioe Si Djoen lantas ambil itoe moetiara, dekatin pada medja gadé, minta itoe moetiara tergade 50 tabil perak, toekang gadé tiada bisa mengarti, di mana satoe bidji moetiara maoe digadé begitoe banjak, lantas toekang gadé ambil moetiara itoe bawah masoek di dalem roemah kasi liat pada orang toewa jang mengarti bernama Ang Kong Tjaij, orang namain dia Lotiauw Hong, doeloe soedah djadi toekang oewang di roemah penggadeannja Seh Lioe, soedah 3 taoen lamanja, sebab ada bergadoeh (stoeri) pada orang jang tjampoer bekerdja di sitoe, maka sekarang tinggal di roemah gadé merk Liong Hin.
Ang Tiauw Hong serenta liat itoe moetiara mendjadi heran, sebab itoe moetiara ada barang moestika dari astana Seh Lioe, begimana ini barang bisa sampe di sini, lantas dia lekas menanja pada toekang gadé ini moetiara asal dari mana?
Toekang gadé menjahoet: Orang di loear maoe taro gadé 50 tahil perak!
Ang Tiauw Hong berpikir-pikir ini barang orang maoe taro gadé, ada lebi aneh lagi; apatah boekan di bilangan Hang Tjioe roemah Seh Lioe, mendapet ketjilakaän mendjadi terpaksa djoeal ini
2.
