204
Lo sembari marah dan berkata: „baiklah besok pagi kita tjari sampe dapet itoe orang jang nama Song Boen Djaij dan nanti kita boenoeh dia, aken bales jang dia soeda bikin tjilaka pada moerid kita.”
Song Boen Djaij serenta dengar itoe perkataan lantas dia mendjadi goemeter lantas dia lari kloewar dari kwan Ong Bio aken troes lari ka Swa Saij.
Tjerita nona Siem Gwat Kó, peroetnja soeda mendjadi besar dari lantaran djadi badan doea, kemoedian di tanja oleh Hoe Dji Nio orang jang terpondoki dia, maka tiada dapet tida, nona Gwat KÓ bilang troes trang.
Pada itoe waktoe kabetoelan Hoe Dji Nio dapet sakit, maka nona Gwat Kó jang mendjaga dan oeroesin pendjoewalannja orang minta-minta (keré) roepanja ada seperti bekas orang sekolahan, itoe orang djalan merangkang di tanah tiada bisa bitjara dateng di hadepan djandela itoe, brapa kali hendak bitjara, tetapi tiada bisa kloewar.
Nona Gwat Kó tiada maoe ambil poesing dan di kira tentoe itoe keré niatnja aken minta-minta, lantas sadja nona Gwat Kó ambil 10 bidji oewang tembaga kasihin dia, tetapi itoe keré goijangin tangan sembari matanja pandang nona Gwat Kó.
