128
itoe perkara kaloe tida menerbitkan soesah besar, tentoe belon bisa brenti dan abis.
Lioe Taij Sio tida bisa menjahoet barang satoe patah perkataan, melainkan di dalem hatinja amat bintji pada ipenja, nona Tio Kim Ting.
Tjerita Lioe,Si Djoen poenja boedjang bernama Lioe Hin, serenta soedah baik dari pada sakitnja dia tida dapet liat dia poenja Toean, lantas lekas dia tanja pada Tio Ing Lim, lantas di tjeritain oleh Tio Ing Lim jang Lioe Si Djoen menjaroe orang prampoean pergi di roemahnja Sim Wan Gwee, Lioe Hin mendjadi tida senang hati serenta dengar itoe perkara.
Tjerita lagi Lioe Si Djoen sama nona Sim Gwat Kó. kaloe siang hari kaloe hari mengakoe djadi inso dan malem mengakoe laki bini, bertjinta-tjintaan di dalem 1 tempat tidoer, suhingga seperti ikan soengi mendapat aer, serenta antara ampir mendapet satoe boelan, nona Gwat Kó mendjadi badan doewa (Sien len), tida soeka makan minoem, badan lesoe (zwak) tjahaja goerem dan ketahoean oleh mamanja lantas di tanja dan di tjeritain pada Wan Gwee, itoe Wan Gwee berpikir di dalem hatinja, jang dia poenja anak lelaki sakitnja soedah mendjadi koerangan lantaran dari
