125
pernah ipé, maka saija menoempang di roemanja, dari sebab nona Tio Kiin Ting pada 2 tahoen di moeka soedah lepasin soempali jang dia tida maoe kawin soedara pada adé poenja ingko, maka saija poenja prampoean (Lioe Taij Nio) berempoek pada saija akan djalanin djadi nona Kim Ting, itoe boekannja saija poenja soedara prampoean tida mengerti dari adat pri sopan, melainkan tepaksa adanja, maka saija harep adé djangan tetawain pada saija.
Nona Gwat Kó lantas berkata: So! So! saija minta inso djangan bitjara tida karoean, sebab kaloe terdengar pada orang di loewar tentoe inso dan saija djoega dapet maloe.
Lioe Si Djoen serenta dengar itoe perkataan lantas tida menangoeng napsoe birahinja, begitoe tangannja tarik nona Gwat Kó dan bersedap-sedapan dengan nona itoe sapoeas hatinja.
Nona Gwat Ko tida bisa mengarti dari itoe perboeatan sahingga antero badannja keloewar karingat, dan dorongin Lioe Si Djoen, sembari kata: Loe! bangsa di mana? soewatoe lelaki menjaroe prampoean, kita harep Loe lekas tjeritain troes trang, kaloe tida dan nanti kita tariak min-
