123
Gwee pergi di kamar dia poenja anak laki, akan tengok sakitnja.
Lioe Si Djoen bersama nona Sim Gwat Kó doedoek krosi di ddem kamar, itoe Lioe Si Djoen berpikir di dalem hatinja tida abis mengarti dan mendjadi geli d|oega, dari sebab apa jang dia poenja roepa betoel ada sama pada nona Tio Kim Ting boeat dia poenja soewara begimana nona Gwat Kó tida bisa kenalin, lebi djaoe malahan maoe tjampoer tidoer padi saija, itoe ada lebi heran lagi, maka ini malem nanti kita godain dia, tetapi kaloe dia soeka, lebi baik kita tjoba lepasin perkataan lebi doeloe boeat tjoba hatinja di sitoe nanti kita djadi in apa kita poenja niat.
Nona Sim Gwat Kó serenta liat insonja doedoek diam tida maoe mengomong lantas dia menanja : Inso! tadi saija liat tempo inso dateng ada girang hati dan moeka terang, kombali serenta masoek dalem ini kamar begitoe lekas moeka asem, ada sebab apa?
Lioe Si Djoen menjahoet: Ja Ko Nio, sebab saija tepaksa dateng di sini, kaloe Ko Nio poenja ingko sakitnja soedah mendjadi baik, dan di sitoe kaloe Ko Nio hendak kawin pada kita, soedah mendjadi kasepan!
