101
Goan masoek di dalem roemahnja Seh Liok, doedoek di galderij dalem akan bertemoe pada Liok Hoe Djin, sasoedahnja djalanin adat istiadat kemoedian Liok Hoe Djin menanja: Hian Tit (neef jang pinter) sekarang logeer (mondok) di tempat mana?
Lioe Si Djoen menjahoet, Siauw Tit (neef jang ketjil) sekarang tinggal boeat sedikit tempo di dalem roemahnja saija poenja Tjihoe (soewami dari soesi) bernama Tio Ing Lim.
Liok Hoe Djin berkata mendjadi neef tinggal di roemahnja Tio Ing Lim, itoe orang saija soeda kenal baik, sebab Tio Ing Lim poenja adé prampoean bernama nona Tio Kim Ting, ada angkat soedara pada saija poenja anak prampoean, djikaloe begitoe baik kita soeroe kita poenja boedjang akan kasi kabar pada Tio Ing Lim.
Lioe Si Djoen membilang membilang banjak trima kasi dari Pik Bo (oewa) poenja kebaikan, kaloe Pik Bo hendak soeroean boedjang, saija minta sekali akan ambilkan saija poenja saprangkat pakean di roemanja saija poenja Tjihoe.
Liok Hoe Djin lantas soeroe boedjangnja bernama Sam Goan akan berangkat pergi di roemanja Tio Ing Lim dan Liok Hoe Djin meliat Lioe Si
