94
Liauw Tjay.
Siang Kong poenja sobat baek, djadi Song Kim Long pegang kita poenja pekerdjahan dengan soenggoe hati, memang kita tiada ada poenja anak lelaki tjoemah ada satoe anak prampoean.
Lantas Lauw Soen Tjoan soeroe panggil Song Kim Long boeat berdami dari itoe perkara Begitoe djoega Song Kim Long dateng ketemoe pada Lauw Soen Tjoan lantas Lauw Soen Tjoan kasi tahoe satoe persatoe sama Song Kim Long. Begitoe djoega Song Kim Loag berkata: Begimana intjek poenja maoe saja toeroet, tetapi sekarang saja tiada poenja ongkos.
Lantas Lauw Soen Tjoan berkata: Kong Tjoe traoesa boeat koewatir hati, segala ongkos nanti saja kasi boeat kawin Sasoedahnja Lauw Soen Tjoan kata begitoe, lantas Song Kim Long berlaloe dari sitoe ia balik di tempat pekerdjahannja.
Maka di tjeritaken tempo Lauw Soen Tjoan soedah poelang di roemahnja lantas ia panggil sanak soedaranja boeat bikin hari kawinnja Song Kim Long dengan Gie Tjoen, sesoedahnja Song Kim Long djadi pengaten ia terlaloe amat tjintanja sama dia poenja istri dan tambahan Lauw Soen Tjoan poenja dagangan semingkin madjoe. Kemoedian sampe satoe tahon doea boelan lamanja Song Kim Long dapet satoe anak prampoean, maka Song Kim Long terlaloe amat tjintanja sama dia poenja anak prampoean, sampe itoe anak prampoean beroemoer doea blas boelan ia dapet sakit tjatjar maka dengan penjakitnja itoe ia poen mendjadi mati. Song Kim Long boeat pikiran tiada bisa soedah tinggal saban hari ia menangis sadja lantaran itoe maka Song Kim Long sampe dapet sakit batok dan badannja mendjadi koeroes telah bebrapa banjak senseh jang soedah obatin bagi penjakitnja Song Kim Long itoe, tetapi tiada bisa mendjadi baek dari Song Kim Long poenja penjakit.
Kemoedian itoe satoe hari Lauw Soen Tjoan panggil senseh pokkoa boeat melihatin Song Kim Long poenja penjakit. Lantas itoe senseh berkata: Ini Song Kim Long poenja sakit lamanja satoe tahon, lekasnja tiga boelan misti mati.
Setelah Lauw Soen Tjoan dengar itoe senseh poenja perkatahan, ia poen djadi menjesel tiada bisa soedah sembari tjari pikirannja sendiri, tempo Lauw Soen Tjoan lagi berpikir, kebetoelan dateng satoe soedagar maoe moewat barang bawa pergi di Kang Pak Hoe, begitoe djoega Lauw Soen Tjoan trima itoe barang-barang troes di moewat ka dalem praoenja, sasoedahnja lantas Lauw Soen Tjoan panggil Song Kim Long di adjak toeroen praoe sama-sama, sasoedahnja Song Kim Long toeroen di praoe lantas itoe praoe di berangkatin pergi di Kang Pak Hoe.
Tempo itoe praoe baroe sampe di soengei goenoeng Kho San lantas Lauw Soen Tjoan brentikan praoenja di pinggir itoe goenoeng, sasoedahnja lantas Lauw Soen Tjoan adjak Song Kim Long naik ka darat boeat mentjari kajoe bakar serta dia orang berdoea sampe di dalem hoetan, lantas Lauw Soen Tjoan prentah Song Kim Long potong
