LIAUW TJAY.
83
begitoe Eng Leng poen toeroen djoega dari atas itoe poehoen, maka Ong Tjoe Hok lantas pegang tangannja Eng Leng, Eng Leng jang di pegangin tangannja itoe djadi tertawa dan Ong Tjoe Hok djoega djadi tertawa sembari kloearin dari dalem badjoenja sebatang kembang bwee lantas ia kasi sama Eng Leng, serta Eng Leng trima itoe se batang kembang bwee sembari berkata: Kenapa ini kembang bwee boleh tinggal sampe ini hari dan sampe kering.
Lantas Ong Tjoe Hok berkata: Ini kembang di waktoe hari tahon baroe ada ketinggalan di tanah saja poengoet maoe menanja tiada tahoe apa maoenja, djadi saja boeat pangenan tiada bisa loepa, sama ini kembang, boeat pikiran dari hari tahon baroe pangenin ini sebatang kembang sampe saja djadi sakit, saja boeat heran ini kembang djikaloe saja lihat seperti ade poenja roman, maka ini hari beroentoeng saja bisa ketemoe sama ado sendiri, soepaja ade djangan loepa ade poenja ketjintaän.
Eng Leng berkata: Djikaloe inko soeka sama kembang, ini waktoe di dalem kebon kembang banjak kembang roepa-roepa, kembang apa djoega inko boleh petik, djikaloe inko tiada maoe petik, nanti saja soeroe boedak toewa petik kasi sama inko.
Lantas Ong Tjoe Hok berkata : Betoel ade poenja bodo seperti kerbo.
Eng Leng berkata : Begimana inko kata saja saorang jang bodo, apa itoe tiada betoel saja poenja bitjara?
Ong Tjoe Hok lantas berkata : Boekannja saja tjinta sama ini kembang, tapi saja tjinta sama orangnja sendiri.
Lantas Eng Leng berkata; Djikaloe orang bertjintaän misti ada temponja, misti menoenggoe orang poenja bitjara begimana djadinja.
Ong Tjoe Hok berkata: Saja soeka sama ade boekannja boeat soeka-soeka poenja pertjintaän, misti laki dan bini poenja pertjintaan.
Lantas Eng Leng berkata : Saja heran sekali kenapa inko ada itoe ingetan.
Ong Tjoe Hok berkata : Ini malem ade boleh tidoer sama-sama saja soepaja djadi laki bini poenja ketjintaän.
Serta Eng Ijeng dengar sembari berpikir, kita ini boekannja manoesia maka tiada boleh kita tidoer sama-sama manoesia. Sasoedahnja Eng Leng berpikir begitoe ia tjepet-tjepet djalan masoek di dalem roemah, jang mana ia lantas ketemoe pada iboenja dan iboenja lantas menanja: Kaoe pergi di mana?
Lantas Eng Leng berkata: Saja lagi bitjara sama inko di dalem kebon kembang.
Lantas itoe prampoean toewa berkata: Nasi mateng soedah lama kenapa kaoe bitjara tiada bisa soedah sama kaoe poenja inko?
Eng Leng berkata: Inko maoe adjak saja tidoer sama-sama.
Serta Ong Tjoe Hok dengar Eng Leng berkata begitoe, lantas Ong Tjoe Hok delikin pada Eng Leng. Eng Leng jang didelikin itoe ia poen tiada mendjadi mara hanja ia tinggal tertawa sadja.
Itoe prampoean toewa jang djoega dengar Eng Leng poenja
